စကားစမြည် ~ အွန်လိုင်းပေါ်က ခြေချော်သမျှ

     ကိုယ့်ဘာသာ စဉ်းစားကြည့်တယ် ၊ critical thinking အကြောင်းတွေရေးတဲ့သူတစ်ယောက် တောင်
ရောက်မြောက်ရောက် လျှောက်ရေးနေတာ သင့်မှသင့်တော်ရဲ့လား ၊ အပြောနဲ့အလုပ် ကိုက်မှကိုက်ညီရဲ့
လား ၊ စံနမူနာဆိုးတွေများ ဖြစ်နေမလားလို့ပါ ။

     ဘလော့ဆိုတာ မှတ်တမ်းသဘောလို့ စိတ်ထဲထားနိုင်ရင်တော့ အမှန်ဖက် တစ်မှတ်ပေးလို့ရမယ်ထင်
တယ် ။ နောက်တစ်ခုက အရင်ပို့စ်တွေမှာပြောဖူးသလို ကျနော်ဟာ သာမန်လူတစ်ယောက်ပါဆိုတာနဲ့ ပြန်
ညှိရင်တော့လည်း သိပ်မလွန်လှသေးဖူးလို့ ဖေါ့ဖေါ့လေးတွေးမိတယ် ။ ဒီလိုပြောတော့ ကိုယ့်ပေါင်ကျ ဖြည်း
ဖြည်းလေး လှန်ထောင်းတယ်လို့ ဆိုကြမယ် ။ ဟုတ်တယ်လို့ ဝန်ခံလိုက်တာပိုကောင်းမယ် ထင်ပါရဲ့ ၊ ဒါမှ
ဖတ်မိသူတွေ ကိုယ့်အပေါ်အမြင် နည်းနည်းကြည်လာနိုင်မယ် ။ ခပ်စောင်းစောင်းလေး ဝေဖန်ချင်သူက
တော့ ဒါဟာ ရိုးသားပုံပေါ်အောင်ဟန်ပြပြီး ကိုယ့်ဖက်ကိုဂရုဏာနဲ့ မဲတင်းအောင်လုပ်တဲ့အကွက်လို့ ဆိုနိုင်
ကြတယ် ။ တကယ်တော့ ကိုယ်ပိုင်ဘလော့ဆိုတာဟာ ကိုယ်ပိုင်ကမ္ဘာ မဟုတ်ရင်လည်း ကိုယ်ပိုင်စိတ်
ကြိုက်ဖွဲ့စည်းထားတဲ့ ဝင်္ကဘာပါပဲ ။ ဒီစိတ်တံလျှပ်စက်ကွင်း (ခ) ကိုယ်ပိုင်ဥခွံလေးထဲကနေ လွတ်နိုင်
အောင်ဆိုရင်တော့ ပျစ်ပျစ်နှစ်နှစ် အချက်ကျကျဝေဖန်တဲ့သူ ပေါ်လာမှပဲ ဖြစ်နိုင်မယ်ထင်ပါရဲ့ ။ ဒါပေမယ့်
ဒီလိုဝေဖန်တာကိုကော ခံနိုင်ပါ့မလား ။

     ထားတော့ ၊ မနေ့က စီဘောက်မှာ လာပွားသွားတဲ့ကွန်မန့်ကြောင့် ဘလော့သက်တမ်း ၁၀ လအတွင်း
အကြောင်းစုဆုံ လာခဲ့တဲ့ ကိစ္စလေးအချို့ကို သတိပြန်လည်လာတယ် ။

(၁) မိတ်ဆွေတစ်ယောက်နဲ့ စကားပြောဖြစ်တဲ့အခါ လွန်ခဲ့တဲ့လလောက်က စီဘောက်မှာ လာအော်သွား
တဲ့ ရုရှက ကောင်လေးတစ်ယောက်ရဲ့ “ရိ”ချက်ကို ရောက်သွားတယ် ။ မန်းကိုကိုဘလော့က ပန်းရောင်
တွေသုံးထားလို့ အခြောက်ကြီးလားပေါ့ ။ အမှန်က ကိုယ်ကလူကြီးဖြစ်ပြီး စိတ်မထားတတ်ပဲ မှတ်ချက်ကို
ဖျက်လိုက်မိပြီးမှ လက်လွန်သွားပြီလို့ နားလည်လိုက်တယ် ။ သတိရအောင်ပြောတဲ့မိတ်ဆွေကိုလည်း ကျေး
ဇူးတင်တယ် ။

     တကယ်တော့ ကိုယ်က စိတ်အေးအေးထားပြီး ချက်ကျလက်ကျ ပြန်ပြောခဲ့ရမှာ ။ ပြန်တွေးရင်း ပထမ
ဆုံး “ဖို” ဝါဒ စိတ်ထဲနက်နက်ရှိုင်းရှိုင်းအမြစ်တွယ်နေတတ်တဲ့ မြန်မာပြည်သားတွေရဲ့ သဘာဝကို အရင်ဆုံး
တွေးမိတယ် ။ ဒီကောင်လေးဟာလည်း နိုင်ငံရပ်ခြားရောက်နေပေမယ့် ဒီစက်ကွင်းက မလွှတ်နိုင်သေးဘူး
ဆိုတာ နားလည်လာတော့ စိတ်ထဲသိပ်ကသိကအောက် မရှိလှတော့ဘူး ။ ဆက်တွေးမိတာက သူသာ
ကိုယ်ဆွေးနွေးမှာတွေကို နိုင်ငံရဲ့ မျိုးဆက်သစ်အနာဂါတ်ခေါင်းဆောင်တစ်ယောက်ဆန်ဆန် စိတ်ပါလက်
ပါ ရှိမယ်ဆိုရင်တော့ ဒီခေတ်မှာ မိန်းမစိတ်ဝင်နေသူ ၊ ယောင်္ကျားစိတ်ဝင်နေသူတွေဟာ သဘာဝရဲ့အစိတ်
အပိုင်းတစ်ရပ်ဖြစ်တယ်ဆိုတာ စိတ်ရှည်လက်ရှည်ပြောပြမိမှာပါပဲ ။ တဖက်မှာလည်း ပြန်စဉ်းစားကြည့်
တော့ အကယ်၍များ သူသာအတွေးတိမ်သူတစ်ယောက် ဖြစ်ခဲ့မယ်ဆိုရင် ကိုယ့်ကိုအခြောက်ကြီးထင်တော့
ဘာဖြစ်သတုံး ။ အရင်ကဆိုရင်တော့ အသင့်အတင့် ခံရခက်ခဲ့ဖူးမှာမှန်ပေမယ့် ခုနေချိန်မှာတော့ လူသား
အားလုံးကို လူသားတွေလို့  လက်ခံမြင်တွေ့လာနိုင်ပြီမို့ ဒီအမြင်စောင်းတွေဟာ အရေးမကြီးလှတော့ပါဘူး။
မကြာခင်နှစ်ပိုင်းတွေမှာ အရွယ်ရောက်လာကြတော့မယ့် ကိုယ့်ရင်သွေးတွေကို ထိန်းကျောင်းရာမှာ ဒိထက်
တောင် ဆိုးနိုင်စရာတွေ ကြုံလာနိုင်တာမို့ ကြိုတင်ပြင်ဆင်နိုင်အောင် ကံကောင်းထောက်မစွာ ရလိုက်တဲ့
သတိပေးချက်လို့ သဘောထားလိုက်နိုင်ရင်တော့လည်း အင်း .. အကျိုးမယုတ်လှပါဘူးလေ ။

(၂) နောက်တစ်ကြိမ်မှာလည်း ရုရှက ကောင်လေးတစ်ယောက်ပဲ ။
     ဖေ့ဘွတ်မှာ သူတို့ထဲက ကျိုးကြောင်းသင့်စကားတွေ လက်ခံနိုင်မယ့်သူတစ်ယောက်ကို အကြံပေးမိတာ
မှာ ကြားကမခံနိုင်ပဲ ဝင် “ရိ” တာပါ ။ ခင်ဗျားကြီးက လူဘယ်နှစ်ယောက်လောက် အုပ်ချုပ်ဖူးလို့တုန်းလို့
အဓိပ္ပါယ်ရတဲ့ စကားတွေကို ကြိုးစားပမ်းစားလှလှပပ ဖွဲ့နွဲ့သွားရှာပါတယ် ။ ဘာမှတော့ ပြန်မပြောလိုက်ပါ
ဘူး ။ အဓိကကတော့ အချိန်မပေးချင်လို့ပါ ၊ ပြောပြီးအကျိုးမဖြစ်ရင် နှစ်ဖက်လုံးအတွက်အချိန်ပုပ်ပြီး စာ
တွေပဲလေးပြီးကျန်ခဲ့မှာမို့ပါ ။ အရပ်ဖက်ကုပ္မဏီမှာ ဦးဆောင်ရတာနဲ့ စစ်ဖက်မှာအုပ်ချုပ်ရတာ ၊ အောင်
မြင်အောင် ဝေဖန်ပိုင်းခြားစီမံခန့်ခွဲရတာနဲ့ ဖျက်ဆီးသတ်ဖြတ်ဖို့ အမိန့်အတိုင်းတသွေမတိမ်း လိုက်လျှောက်
ရတဲ့ဘဝတွေ ဘယ်လိုကွာတယ်ဆိုတာ ပန်းသီးမစားဖူးတဲ့သူကို လက်ညှိုးထိုးပြပြီး ချိုတယ်လို့ သွားပြော
လည်းမထူးသလို ဖြစ်နေမယ်ထင်လို့ပါ ။ ဒီလိုပြောလို့ သူလိုလူကို သုံးစားမရတဲ့လူဆိုးကြီးစာရင်းထဲ ထည့်
တာတော့ မဟုတ်ပါဘူး ။ ဆွေးနွေးပြောဆိုတာတွေကို လက်မခံရင်တောင် အလေးထားနားထောင်ချင်
သူတစ်ယောက်ဖြစ်တာ သေချာတဲ့တစ်နေ့မှာတော့ ကြိုးစားပြီးအချက်အလက်တွေနဲ့ ပြောပြ ဆွေးနွေး
ဖလှယ်သွားချင်ပါတယ် ။

(၃) နောက်တစ်ခုသတိရတာက စင်္ကာပူကအောင်မြင်နေတဲ့ဘလော့တစ်ခုရဲ့ c-box မှာ အလ္လာပသလ္လာပ
သွားပြောရင်း ဘလော့ဂါအမျိုးသမီးတစ်ယောက်က “ကကျိုးကကြောင် နိုင်ငံရေးဘလော့က လူ” လို့ နာ
မည်တပ်တာ ခံလိုက်ရသဗျာ ။ ကံများလည်းဆိုးချင်တော့ စိတ်မှတ်မထားပဲ သူ့ဘလော့မှာ ပေါ့ပေါ့ပါးပါး
မှတ်ချက်တစ်ခုသွားပေးမိကာမှ သူ့နဲ့အဆင်မပြေတဲ့ ကိုယ့်ဖေ့ဘွတ်ထဲက မိတ်ဆွေတစ်ယောက်က ကိုယ့်
ကိုကန်ထုတ်လိုက်ပါလေရော ။ ဒီတင်မပြီးသေးဖူး ၊ ကိုယ့်ကိုလာ add ခဲ့တဲ့နောက်တစ်ယောက်ပါ ဖေ့ဘွတ်
ကနေ ပျောက်သွားပြန်တယ် ။ သိပ်တော့ နားမလည်နိုင်တော့ပါဘူး ။ နားလည်ဖို့လည်း မကြိုးစားတော့ပါ
ဘူး ။ ကိုယ်ကတော့ အင်တာနက်ပေါ် ရွက်လွင့်နေခဲ့သမျှ ကာလပတ်လုံး အတတ်နိုင်ဆုံး စိတ်ကိုရှင်းရှင်း
ထားပြီး ရိုးသားဖို့ အတတ်နိုင်ဆုံး ကြိုးစားခဲ့ပါတယ် ၊ ဒါပေမယ့် ငယ်သူငယ်ချင်းတစ်ယောက် ပြောဖူးသလိုပဲ
“မင်း သေသင့်တယ်” လို့သာ ကိုယ့်ကိုယ်ကို အရင်းမရှိ အဖျားမရှိ ထပြောရတော့မယ်ထင်ရဲ့ ။

(၄) ဒီနှစ်ဦးလောက်မှာတော့ သြစတြေးလျက ဘလော့တစ်ခုကို ဗဟုသုတလေးတွေ အသင့်အတင့်ရလို့
သွားသွားဖတ်မိပါတယ် ။ ဒီဆရာသမားက သူခဏနေခဲ့တဲ့ နိုင်ငံလေးတစ်နိုင်ငံကို စိတ်အတော်ခုနေပုံရ
ပါတယ် ။ တစ်ကြိမ်မှာတော့ မနေနိုင်မထိုင်နိုင် ပေါ့ပေါ့ပါးပါး မှတ်ချက်ကလေးတစ်ခုသွားပေးမိလိုက်တာ
မမျှော်လင့်ပါပဲနဲ့ (လူကြီးဆန်ဆန်) ပြန်ရန်တွေ့တာ ခံရပါလေရော ။ ဒီတစ်ခါလည်း မှားပြန်ပြီကွဆိုပြီး
ဖြေရှင်းချက်ကွန်မန့်တစ်ခုထပ်ရေးပြီး ပါးစပ် (လက်) ကို ဇစ်ဆွဲပိတ်ထားလိုက်ရတယ် ။ ကိုယ်ဘာရေးမှန်း
ကိုယ့်ဘာသာတောင် အသေအချာမသိသူကိုမှ ရှည်ပြီးမှတ်ချက်သွားပေးမိတာ ကိုယ့်အမှား ။ သေသင့်
တယ်လေ .. နော ။

(၅) အပေါ်မှာတုန်းက စကားခံခဲ့တဲ့ “အွန်လိုင်းဖိုရမ်ယောင်ယောင်” ဆိုသူရဲ့ စီဘောက်ထဲလာရေးထားတဲ့
ကွန်မန့်ဖက် ပြန်လှည့်ပါဦးမယ် ။ (ဆက်ရေးမှာတွေက ကရင်တိုင်းရင်းသားချင်း ပြောတာတွေမို့ အချို့အ
တွက်တော့ တစ်မျိုးဖြစ်ကောင်းဖြစ်နိုင်ပါတယ်) ။ သူရေးသွားတာတွေက -

• “လူမျိုးအတွက် ဆွေးနွေးဖို့လုပ်ထားတဲ့ ကိုယ့်ပေါင်ကိုယ်လှန်ထောင် စီဘောမှာ ပေါက်ကရပြောမှာစိုး
   လို့ အဲ့ဒီလို လုပ်ခဲ့တာပါဗျာ”

• “လူမျိုးအတွက် ဆွေးနွေးမယ်ဆိုပြီး တချို့သူတွေက သူတို့က ဘယ်လိုဆွေမျိုးကြီးကြောင်း လာပြီးကြွား
   နေတဲ့သူတွေရှိပြန်တော့လည်း စိတ်ပျက်မိတာပေါ့လေ”

• “အဲ့ဒီ ဖိုရမ်မှာဆွေးနွေးမယ်ဆိုပြီး ပါလာတဲ့ သူအများစုက မြန်မာနိုင်ငံသားတွေ များပါတယ်။ တခြားနိုင်ငံ
   သားခံယူသွားသူတွေက နည်းတယ်။”

• “နအဖကို ကြောက်နေရင် ဒီလိုအလုပ်ကို ထည့်တောင်မစဉ်းစားဘူး။”

     ဖတ်ပြီး ပထမတော့ ခပ်ဆတ်ဆတ်လေးပြန်ရေးဖို့ တွေးမိတယ် ။ ဒါပေမယ့် စာတစ်ကြောင်းစီကို ပြန်
ဖတ်ပြီး သိချင်တာလေးတစ်ခုကို အချိန်နည်းနည်းယူရှာလိုက်တော့ ဘယ်သူလာရေးလဲဆိုတာ ရုပ်လုံးနည်း
နည်းပေါ်လာလို့ ပုံစံပြောင်းပြီး ရေးလိုက်ပါတယ် ။

• ကျနော်ပြန်ပြောချင်တာကတော့ ဒီလိုပါ -
- “အွန်လိုင်းဖိုရမ်ယောင်ယောင်” ရေ ငါသတိရမိတာ တစ်ခုရှိတယ် ။ လွန်ခဲ့တဲ့ ဆယ်နှစ်ဝန်းကျင်တုန်း
   လောက်က မလေးရှားမှာ အင်တာနက်ကို စတွေ့ဖူးချိန်ပေါ့ ၊ ၉-၁၀ နှစ်အရွယ် ကလေးလေးတစ်
ယောက် သွက်သွက်လက်လက်နဲ့ ကွန်ပြူတာတချောက်ချောက် တချက်ချက်နှိပ်နေတာကို ငေးကြည့်
နေခဲ့ဖူးတယ် ။ နောက်ပိုင်း ကွန်ပြူတာကို နည်းနည်းပါးပါးသိလာတော့လည်း ပညာရေးကိုစိတ်ဝင်စားလို့
webpage တစ်မျက်နှာကို ၅ မိနစ်လောက်စောင့်ပြီးကြည့်ရတဲ့ အင်တာနက်နဲ့ကျောင်းဝက်ဘ်ဆိုဒ်တွေကို
သွားကြည့်ခဲ့ဖူးတယ် ။ အဲဒီလိုသွားကြည့်နိုင်ဖို့တောင်မှ လုံခြုံရေးနဲ့ ခရီးအခက်အခဲတွေကို ကျော်ဖြတ်ပြီး
မှ လုပ်လို့ရခဲ့တာပါ ။ ဒါ့ပြင် ငါလုပ်ခဲ့တဲ့ အလုပ်တွေမှာလည်း အတူလက်တွဲလို့ရနိုင်မယ့် ဗဟုသုတရှာချင်
သူနဲ့ တိုးတက်လိုစိတ်ရှိသူတွေကို ရှာခဲ့ဖူးတယ် ။ ပြီးတော့ ငါ့ဘဝမှာလည်း လမ်းညွှန်ပြပေးမယ့်သူတွေကို
မျှော်လင့်ခဲ့မိဖူးတယ် ။ လိုရင်းကတော့ ငါ့ဆန္ဒတွေ မပြည့်ဝခဲ့ဖူးပေါ့ကွာ ။

     ခုချိန်မှာတော့ သိခဲ့ကြုံခဲ့ မြင်ခဲ့တာလေးတွေ အနည်းအကျဉ်းရှိလာလို့ အခြားသူတွေနဲ့ ဝေမျှဖလှယ်
နိုင်ကောင်းရဲ့ဆိုတဲ့ဆန္ဒဟာ ဒီဘလော့စပြီးဖန်တီးဖြစ်တဲ့ အကြောင်းရင်းတစ်ခုပါ ။ ဒီလိုပဲ ဖိုရမ်လို ဆွေး
နွေးဖို့လုပ်ပြန်တော့ ငါ့ရဲ့ရည်ရွယ်ချက်နဲ့စေတနာကို သိနားလည်မယ့်သူ နည်းမယ်ဆိုတာ မျှော်လင့်ခဲ့ပေ
မယ့် လုပ်သင့်တဲ့ကိစ္စမို့လို့ ရှေ့ဆက်တိုးခဲ့တာပါ ။ စတာနဲ့ ငါဘယ်သူဘယ်ဝါဘယ်လိုဆိုတာကို ရိုးရိုးသား
သားမိတ်ဆက်ခဲ့တာ မင်းလည်းမှတ်မိမှာပါ ။ ဒါကို ဘယ်သူမှန်းအသိမခံဝံ့သူတွေက ဘယ်လိုယုံရမလဲတို့
ဘယ်သူလဲတို့ဆိုတဲ့ မေးခွန်းတွေကြောင့် အသေးစိတ်ထပ်ပြီး မိတ်ဆက်ခဲ့တာကို ဘယ်လိုဆွေမျိုးကြီး
ကြောင်းကြွားတာနဲ့ မင်းတို့တတွေရောသွားခဲ့တယ်ဆိုရင်တော့ ငါညံ့ခဲ့တာပါပဲ ။ ဒီနေရာမှာ နားလည်မိ
တာက အချို့လူတွေဟာ အခြားသူတွေလည်း ကိုယ့်လိုပဲလည်တယ် ၊ ရိုးသားကြမှာမဟုတ်ဖူးလို့ ထင်
တတ်ကြတယ် ၊ အချို့ကျတော့လည်း ကံမကောင်းစွာပဲ ဒါမျိုးတွေကို ထိုးဖေါက်မြင်မိတဲ့အနေအထားမှာ
မရှိကြဘူး ။ ပထမအမျိုးအစားမှာ မင်းမပါဖူးလို့ ငါယုံကြည်ပါတယ် ။ (ဒုတိယအမျိုးအစားမှာ ပါတာဟာ
လည်း ဘာမှရှက်စရာမလိုပါဘူး) ။ နောက်ပြီး ဒီခေတ်ဟာ အလုပ်လုပ်တဲ့နေရာမှာ ဆွေမျိုးကျောထောက်
နောက်ခံထက် ပင်ကိုယ်အရည်အချင်းက ပိုပြီးအဓိကကျတယ်ဆိုတာ မင်းလိုပညာတတ်တစ် ယောက်
အနေနဲ့ မြင်သင့်တယ်လို့ ငါယူဆမိတယ် ။

     နောက်တစ်ချက်က ဖိုရမ်မှာ မင်းမကြောက်ပေမယ့် ကြောက်တဲ့သူတွေရှိတယ်ဆိုတာလည်း အနေ
အထားကိုဆက်စပ်ပြီး ( context အပေါ်မူတည်ပြီး) နားလည်ပေးဖို့လိုပါလိမ့်မယ် ။ ငါပြောခဲ့တဲ့ စကား
တွေထဲမှာလည်း ကိုယ့်ပေါင်ကိုယ်လှန် ထောင်းတာတွေ ဗလပွဖြစ်နေမှာ ငါသိပါတယ် ။ ပေါက်ကရပြော
နေတယ်လို့ မင်းတို့စိတ်ထဲထားမယ့်အစား တို့ကရင်တိုင်းရင်းသားတွေဟာ ဒီအချိန်မှာမှ အပြုသဘော
ဝေဖန်ဆန်းစစ်တာကို မလိုချင် မခံနိုင်ကြသေးရင် ခက်ကြဖို့ရှိတယ်ဆိုတာကိုတော့ လေးလေးနက်နက်
ပြောချင်တယ် ။

     အွန်လိုင်းမှာ ကိုယ့်တိုင်းရင်းသားတွေအချင်းချင်းစုရုံးပြီး အတင်းပြော ၊ ဆဲနေကြရုံနဲ့ ဘာမှဖြစ်လာမှာ
မဟုတ်ဖူးဆိုတာ မင်းလည်းသိမှာပါ ။ ပြီးရင် ကရင်တွေသာ ကိုယ့်ကိုယ်ကို ကရင်လို့သိလာကြတဲ့တစ်နေ့ ဘာဖြစ်နိုင်တယ် ညာဖြစ်နိုင်တယ်ဆိုတဲ့ ကလေးကလားစကားတွေဟာလည်း စိတ်ပျက်စရာအတော်
ကောင်းတယ်ကွ ။ ငါနားလည်တာကတော့ ကရင်တွေ ကိုယ့်ကိုယ်ကိုကရင်လို့သိလာတဲ့တစ်နေ့ ကရင်
ဟာ ကရင်လူမျိုးဆိုပြီး မားမားမတ်မတ်ရပ်တည်နိုင်လိမ့်မယ် ၊ ဒါပဲ ၊ ဒါထက်လည်းမပိုဘူး ၊ ဒါထက်လည်း
မလျော့ဖူး ။

     ငါလည်း ဝင်ဆွေးနွေးတဲ့လူတွေရဲ့ (စာရေးတာနဲ့ပတ်သက်တဲ့) အပြုအမူ ၊ ရေးထားတဲ့ စာတစ်ကြောင်း
စီရဲ့ အဓိပ္ပါယ်တွေကို စောင့်ကြည့်ခဲ့တယ် ။ အလုပ်မဖြစ်ပါဘူးဆိုပြီး ဝင်နှောက်တဲ့လူရဲ့ စကားကိုလည်း
အချိန်အတိုင်း အတာတစ်ခုအထိ လျစ်လျူရှူပေးခဲ့တယ် ။ ဒါပေမယ့် ဆွေးနွေးပွဲတစ်ပတ်လောက်ရှိတာနဲ့
ငါနားလည်သွားပါတယ် ၊ ငါအလကားအချိန်ကုန်ခံနေတာပဲ ဆိုတာကိုပေါ့ ။ ငါဟာလက်တွေ့သမားပါ ၊
ဖြစ်နိုင်တဲ့နေရာမှာ အလုပ်မဖြစ်ဖြစ်အောင် လုပ်ခဲ့ဖူးတဲ့အတွေ့အကြုံရှိခဲ့ဖူးသလို အလုပ်တစ်ခုလောက်
လည်း ဖြစ်သွားစေချင်တယ် ။ ဒါပေမယ့် အလုပ်မဖြစ်ရင်တော့ အချိန်ဆက်ဖြုန်းစရာ အကြောင်းမရှိဖူးလို့
ယူဆတယ် ။ ဒါကြောင့်လည်း ရည်ရွယ်ချက်ကောင်းပေမယ့် မင်းစီစဉ်ခဲ့တဲ့ဖိုရမ်ဟာ အကျိုးမဖြစ်နိုင်ဖူးလို့
နားလည်ဆုံးဖြတ်ပြီးတဲ့နောက် မင်းတို့အားလုံးဖတ်ပြီးတဲ့ ငါ့ရဲ့ဆွေးနွေးချက်တွေကအစ မင်းတို့ကို ထပ်ပြီး
အချိန်အကုန်မခံစေချင်လို့ ပြန်ဖျက်ပြီးမှ ထွက်ခဲ့လိုက်တာပါ ။

     ဘယ်လိုပဲဆိုဆို မင်းအခုလုပ်နေတာတွေကတော့ အားရစရာမကောင်းရင်တောင် အောင်မြင်တယ်လို့
ပြောနိုင်ပြီးသားပါ ။ တို့တတွေ ပူးပေါင်းဆွေးနွေးလုပ်ကိုင်ဖို့ မအောင်မြင်ခဲ့ပေမယ့် မင်းလမ်းကိုမင်းဆက်
လျှောက်ရင်ပဲ မင်းရဲ့တာဝန်တွေကျေနေပါပြီ ။ အောင်မြင်ပါစေကွာ ။
                                               ----------------------------
     တကယ်တော့ အင်တာနက်ပေါ်မှာ တွေ့ဆုံရတဲ့သူတွေအများစုဟာ အပြင်မှာ တစ်ယောက်နဲ့တစ်
ယောက် တွေ့ဖူးခဲကြပါတယ် ။ ဒီထဲမှာမှ အပြင်ကတကယ့်လူနဲ့ အင်တာနက်ပေါ်ကကိုယ်ခွဲဟာ မတူ
ကြပါဘူးလို့ ဆိုသူများလည်း ရှိပါတယ် ။ စိတ်ရဲ့ထွက်ပေါက်တစ်ခုအနေနဲ့ အသုံးပြုတဲ့နေရာ ၊ အချိန်ယူ
ပြင်ဆင်တင်ပြနိုင်တဲ့နေရာမို့ မူရင်းလူပုဂ္ဂိုလ်ရဲ့ တစ်စိတ်တစ်ဒေသလောက်ပဲ လှစ်ဟပြနိုင်တယ်ဆိုတာ
ယေဘုယျတော့ သဘောတူပါတယ် ။

     ဒါပေမယ့် အသေချာကြည့်ရင်တော့ စာရေးသူတွေရဲ့စိတ်ထားဟာ ပိတ်မထားတဲ့ပြူတင်းပေါက်ကနေ
လှမ်းမြင်နေရသလိုပါပဲ ။ စိတ်ဆတ်တာ ၊ အပျက်မြင်တတ်တာတွေကအစ ထားရှိတဲ့စိတ်စေတနာတွေဟာ
ဖုံးဖိလို့မရနိုင်တာ တစ်ချိန်မဟုတ်တစ်ချိန်မှာ တွေ့ရစမြဲပါ ။ ဒါတွေနဲ့ထောက်ချင့်ရင် အခြားသူတွေနဲ့ မကြာ
ခဏရန်လုပ်တတ်သူတစ်ယောက်ဟာ ကိုယ့်မိတ်ဆွေလို့ထင်ရပေမယ့် အချိန်တန်ရင် ကိုယ့်အလှည့်ရောက်
လာတတ်တာ မျှော်လင့်ထားလို့ ရနိုင်ပါတယ် ။ ကိုယ်က ရိုးသားပွင့်လင်းတာပဲ ၊ ကောင်းတာကိုဦးတည်တဲ့
စိတ်စေတနာတွေရှိတာပဲဆိုပြီး အဆိုးအားလုံးနဲ့ကင်းလွတ်ဖို့ ဘယ်လိုမှမျှော်လင့်လို့မရနိုင်တာ အတော်
များများက သိပြီးသားဖြစ်မယ်ထင်ပါတယ် ။

     ဘယ်လိုပြောပြော အင်တာနက်ပေါ်ရောက်မှတော့ ကိုယ်ပိုင်ရွေးစရာလမ်းတွေက အများကြီးပါ ။ အ
ပျော်လေပန်းတာကအစ လေးလေးနက်နက်နဲ့ ဘဝတိုးတက်ဖို့လမ်းစရှာတာအဆုံးပေါ့ ။ ဒါ့ပြင် ရွေးထား
တဲ့လမ်းမှာလျှောက်ရင်း အပင်မြင့်လို့လေတိုက်ခံရတာကအစ အပင်နိမ့်လို့ သေးနဲ့အပန်းခံရတယ်ပြော
ပြော ကြုံလာကြရမှာတွေကတော့ အနဂ္ဂပါ ။ ဒီတော့ ခင်ဗျားကောဘယ်လိုလဲ ။ ကောင်းတဲ့ဖက် ၊ အကျိုး
ရှိတဲ့ဖက်ကို ဦးတည်တဲ့လမ်းမျိုး အတူတူရွေးလျှောက်ရအောင်ဗျာ ။


မန်းကိုကို
၂၅၊ ၀၂၊ ၂၀၁၁

- လေဖြန်းတာလဲများနေပြီး ၊ နောက်ရက်ပိုင်းကို critical thinking ဒုတိယပိုင်းပြီးအောင် ရေးလိုက်ပါဦးမယ် ။
- နောက်တစ်ပတ်ဆို ကျောင်းပြန်ဖွင့်ပြီ ၊ ပို့စ်ခပ်ကျဲကျဲနဲ့ အကျိုးများမှာတွေကိုပဲ ရေးဖို့ကြိုးစားဦးမှ ။