မျှော်လင့်မိသည် ဒေါ်(နန့်)အောင်ဆန်းစုကြည်

“အကယ်၍ အဲဒီသစ္စာဖေါက်တွေသာ အသက်ရှင်နေမယ်ဆိုရင် ၊ ခမာလူမျိုးတွေဟာ ပျောက်ကွယ်သွားခဲ့

         မှာပဲ ၊ ဒီတော့ ကျုပ်တို့ချခဲ့တဲ့ ဆုံးဖြတ်ချက်ဟာ မှန်ကန်တဲ့ဆုံးဖြတ်ချက်တစ်ခုလို့ ကျုပ်ပြောရဲတယ်”

“အကယ်၍ ကျုပ်တို့ လူတွေအပေါ် သနားကြင်နာမှု ပြခဲ့မယ်ဆိုရင် ၊ နိုင်ငံတော်ဟာ ပျောက်ဆုံးသွားခဲ့

           မှာပဲ”

   ၁၉၇၉ ခုနှစ် ဗီယက်နမ်ရဲ့ သိမ်းပိုက်မှုကို ခံခဲ့ရချိန်မှာ ၊ လူပေါင်း ၁.၇ သန်းကို သတ်ဖြတ်သေကြေစေပြီး

ခဲ့တဲ့ ခမာနီတွေရဲ့ “အကိုကြီး နံပါတ် ၂” လို့ လူသိများပြီး ၊ ဝါဒရေးရာမှာ ဦးဆောင်ခဲ့သူ Nuon Chea ရဲ့

၂၀၀၉ ခုနှစ် မှတ်တမ်းဗီဒီယိုထဲမှာ ပြောခဲ့တဲ့ စကားတွေပါ ။ အာဏာလက်လွတ်ခဲ့ရတာ အနှစ် ၂၀ ကျော်

လွန်ခဲ့ပေမဲ့ မာန်မာန ၊ အမုန်းတရားနဲ့ မကောင်းဆိုးရွားတွေလို့ ခေါ်ရလောက်တဲ့ ခံယူချက်တွေကို လက်

မလွှတ်နိုင်သေးတာဟာ ကျောချမ်းစရာပါ ။

   သင်္ခန်းစာ ယူလို့ရတယ်လို့ အလွယ်တကူ ပြောလို့ရပါတယ် ။

   မြန်မာလူထု အများစုအနေနဲ့ကော ၊ တကယ်ပဲ သမိုင်းကနေ သင်္ခန်းစာတွေ ရနေခဲ့ကြပြီလား ။


   ပြောရင်တော့ စွပ်စွဲသလို ထင်ကောင်းထင်နိုင်ကြပါတယ် ၊ ဒါပေမဲ့ မြန်မာပြည်မှာ လူအတော်များများ

ဟာ လူမျိုးရေး ၊ နိုင်ငံရေး ၊ ယဉ်ကျေးမှု ဓလေ့နဲ့ ဘာသာရေးတွေမှာ သည်းခံနိုင်စွမ်းအားတွေ ၊ နားလည်

ပေးနိုင်တဲ့စွမ်းအားတွေ ၊ မေတ္တာပွားများနိုင်တဲ့ အနေအထားတွေ အင်မတန် နည်းပါးနေသေးတာတော့

သေချာပါတယ် ။

   တစ်သက်လုံး ချစ်ခင်ကြင်နာတာကို မခံခဲ့ရတဲ့ လူတစ်ယောက်ဟာ အချစ်တို့ ၊ အကြင်နာတို့ ၊ နားလည်

စာနာပေးနိုင်တာတို့ ၊ သည်းခံခွင့်လွတ်ခြင်း ဆိုတာတွေကို နားမလည်တာ ၊ မလုပ်တတ်တာ ၊ မကျင့်ကြံ

နိုင်တာဟာ အပြစ်လို့ ပြောဖို့ခက်ပေမဲ့ ၊ ဇွတ်မှိတ် နားပိတ်ပြီး လူ့မှုဝန်းကျင်ဆီက သင့်တင့်တာတွေကို

ဆို့ပိတ် တွန်းကန်ထုတ်နေမယ်ဆိုရင်တော့ ပြဿနာ သို့မဟုတ် ကိစ္စ နည်းနည်းရှိလာပါတယ် ။

   သည်လိုပြောမိပြန်တော့ ၊ လူသားတွေရဲ့ သဘာဝအရ ၊ ဆက်စပ် သတိရမိတာတွေလည်း ရှိလာပြန်

တယ် ။ တိုက်ဆိုင်မှုလို့ပဲ ဆိုရလေမလား ၊ မြန်မာပြည်နဲ့ပတ်သက်လို့ MKO တည်ထောင်ဖို့ စီစဉ်ပေးခဲ့တဲ့

“အန်ကယ်ကနဲမီ” ဆီက ကြားသိခဲ့ရတာတွေရယ် ၊ တလောက facebook မှာ တွေ့ခဲ့ရတဲ့ မှတ်ချက်အ

ချို့ရယ်ဟာ ကျနော်သိထားတာအချို့နဲ့ ဆက်စပ်မိပြီး ရုပ်လုံးတစ်ခု ပေါ်လာပါတော့တယ် ။

~ ~ ~ ~ ~ ~ ~ ~ ~ ~ ၀ ~ ~ ~ ~ ~ ~ ~ ~ ~ ~

   facebook ကမှတ်ချက်ရဲ့ အဆိုအရ ဒေါ်အောင်ဆန်းစုကြည်ရဲ့မိခင် ဒေါ်ခင်ကြည်ဟာ မြစ်ဝကျွန်းပေါ်က
ကရင်အမျိုးသမီးတစ်ဦး ဖြစ်ပါတယ် ။ သူ့အစ်မကတော့ သခင်သန်းထွန်းနဲ့ အကြောင်းပါခဲ့တယ်လို့ ဆို
ထားပါတယ် ။ အဲဒီ အချိန်အပိုင်းအခြား ကာလတွေမှာ ကရင်အမျိုးသမီးတွေရဲ့ သူနာပြုပညာနဲ့  အသက်
မွေးဝမ်းကြောင်းနေကြသူတွေရဲ့ အများစုဖြစ်နေခဲ့တာကလည်း ဒေါ်ခင်ကြည် ကရင်အမျိုးသမီး တစ်
ယောက်ဖြစ်ဖို့ အထောက်အကူပြုနေတဲ့ အချက်တစ်ချက်ပါ ။

   အန်ကယ်ကနဲမီနဲ့ စကားပြောဖြစ်တဲ့အခါမတော့ ၊ ဗိုလ်ချုပ်အောင်ဆန်းဟာ ဂျပန်တွေကို တော်လှန်တဲ့
အခါ ဒေါ်ခင်ကြည်တို့တတွေကို ကရင်ရွာတစ်ရွာမှာ သွားထားခဲ့တယ်လို့ သိရပြန်ပါတယ် ။ ကရင်အမျိုး
သမီးတစ်ဦးမို့ ကရင်ရွာမှာ သွားထားခဲ့တာလား ၊ ဒါမှမဟုတ် ကရင်တိုင်းရင်းသားတွေကို ပိုပြီး ယုံကြည်
စိတ်ချလို့ သွားထားခဲ့သလားဆိုတာ မသဲကွဲပေမဲ့ ၊ သေချာတာကတော့ ဒေါ်ခင်ကြည်ဟာ အနောက်ပိုး
ကရင်စကားကို ကောင်းကောင်းပြောနိုင်တယ် ဆိုတာပါပဲ ။

~ ~ ~ ~ ~ ~ ~ ~ ~ ~ ၀ ~ ~ ~ ~ ~ ~ ~ ~ ~ ~

   ဒါဆိုရင် ဒေါ်အောင်ဆန်းစုကြည်ဟာ ကရင်တိုင်းရင်းသွေး ပါသူဆိုတာကတော့ သေချာနေပါပြီ ။
အနောက်ပိုးကရင်လို့ ဒေါ်စုသာ သူကိုယ်သူ ခံယူမယ်ဆိုရင်တော့ ၊ ခုနေမှာ “ဒေါ်နန့်အောင်ဆန်းစုကြည်”
ဖြစ်နေမှာပါ ။ ဒါပေမဲ့ ဒေါ်စုက သူ့ကိုယ်ကို ဗမာပါလို့ ခံယူရင်တော့လည်း ကျနော့်အနေနဲ့ ကန့်ကွက်စရာ
မရှိပါဘူး ။ သူ့ဆုံးဖြတ်ချက်ကို ကျနော် အလေးထား လေးစားမှာပါ ။

   ဘာလို့ ဒါတွေ လာပြောနေသလဲလို့ မေးကောင်းမေးကြမယ် ။
   ကျနော်လည်း ဒါကိုရေးဖို့ စဉ်းစားနေတာ ကြာခဲ့ပါပြီ ။ အချိန်မတန်ပဲ လျှောက်ဖွသလိုဖြစ်နေရင် မလိုတဲ့
နေရာတွေမှာ စွမ်းအားတွေ တလွဲအသုံးချမိအောင် လမ်းကြောင်းပေးတဲ့ တရားခံ မဖြစ်ချင်တာကြောင့် ၊
ထိန်းသိမ်းခဲ့တာပါ ။

   ကျနော့်မှာ တွေးမိတာ နည်းနည်းရှိပါတယ် ။
   မြန်မာပြည် ခေါင်းဆောင်တက်လုပ်ခဲ့ကြသူတွေမှာ ဦးနေဝင်းလို လူကအစ မိုးပေါ်ကပဲ ကျလာသလိုလို ၊
ဟိုလူမျိုးနဲ့ စပ်သလိုလို ၊ လူမှုရေးနဲ့ အခြားအချက်အလက်တွေမှာလည်း ဟိုလိုလို သည်လိုလိုတွေအပြင် ၊
အချို့များဆို ဘာသာရေးများတောင် လိုလို လိုလိုတွေ ပါလိုက်ပါသေးတယ် ။ ပွင့်လင်းမြင်သာမှု မရှိလေ
တော့ ၊ အရပ်စကား အတင်းစကားတွေကိုပဲ ယုံရကောင်းနိုးနိုး ဖြတ်သန်းခဲ့ကြရတယ် ။

   ခုမတော့ ခေတ်နဲ့စနစ်လည်း ရွေ့လျှောခဲ့ပါပြီ ။
   ဒေါ်အောင်ဆန်းစုကြည်က ဒေါ်နန့်အောင်ဆန်းစုကြည် ဖြစ်နေရင် ဘာများထူးလာမလဲ ။

   ကျနော့်တစ်ယောက်ထဲအမြင်ကတော့ ဟိုးအပေါ်ကရေးခဲ့သလို ၊ လူမျိုး ဘာသာ နိုင်ငံရေး ယဉ်ကျေးမှု
တွေမှာ သဘောထားကြီးကြီး မထားနိုင်ကြသေးသူများအနေနဲ့ ၊ သြဇာကြီးမားပြီး အနစ်နာခံ ဦးဆောင်နေ
သူရဲ့ နောက်ခံကိုသိခြင်းအားဖြင့် ၊ သူတို့ရဲ့ ခံယူရပ်တည်မှုတွေကို မျှတလာအောင် သတိဝင်လာနိုင် ပြင်
ဆင်လိုစိတ်တွေ ပေါ်ပေါက်လာအောင် လမ်းကြောင်းပေးနိုင်ပါတယ် ။

   ကရင်လူထုထဲက လူငယ်တွေဟာလည်း ၊ မိခင်တစ်ယောက်လို မျှော်ကြည့်အတုယူစရာ သူရဲကောင်း
ပုဂ္ဂိုလ်တစ်ယောက်အနေနဲ့ မြင်လာကြပြီး တိုးတက်စရာ ပျိုးထောင်မှုလေးတွေကို အစဖေါ်ပေးနိုင်ကောင်း
နိုင်မှာဖြစ်သလို ၊ အချို့သော ကရင်-ဗမာ ရန်ထောင်အမုန်းပွားနေသူတွေအတွက် အကောင်းဖက် ဦး
တည်စေမဲ့ အခြေအနေတွေကို ဖန်တီးပေးနိုင်မယ်လို့ ယုံကြည်ပါတယ် ။ အမျိုးသားပြန်လည်သင့်မြတ်
ရေးလို့ ဆိုချင်ရင် ဆိုနိုင်ပါတယ် ။

~ ~ ~ ~ ~ ~ ~ ~ ~ ~ ၀ ~ ~ ~ ~ ~ ~ ~ ~ ~ ~

   အန်ကယ်ကနဲမီ အနေနဲ့ ဒေါ်ခင်ကြည်က အနောက်ပိုးကရင်စကား ကောင်းကောင်းပြောနိုင်တယ်လို့
ပြောပြလာတဲ့အချိန်မှာ ကျနော်တစ်ချိန်က အမှုမဲ့အမှတ်မဲ့ထားခဲ့တဲ့ အမှတ်သညာက ပြန်ပေါ်လာပါ
တယ် ။ ဘာလို့လည်းဆိုတော့ ဒေါ်ခင်ကြည်နဲ့ အနောက်ပိုးကရင်စကားသုံးပြီး အပြန်အလှန် ပြောဆိုခဲ့
သူကို ကျနော် သိနေလို့ပါပဲ ။ အခုတော့ သက်ကြီးရောဂါနဲ့ ဆုံးပါးသွားရှာပြီ ဖြစ်ပါတယ် ။

   တစ်ခါ ဒီနေရာမှာ တစ်ခုထူးလာပြန်ပါတယ် ။
   လူတိုင်း လက်ခံဖို့ ခက်ကောင်းခက်ပါလိမ့်မယ် ။
   ဒေါ်ခင်ကြည်ရဲ့ဖိတ်ခေါ်မှုကြောင့် တခါတရံ သွားရောက် ခဲ့လေသူ အနောက်ပိုးကရင် အမျိုးသားကြီး
ဟာ ၊  ဒဂုံမြို့နယ်အတွင်းမှာရှိတဲ့ ဘုရားကျောင်းတစ်ခုက တရားဟောဆရာကြီးတစ်ယောက် ဖြစ်နေလို့
ပါပဲ ။ သူအပြင် အဲဒီဘုရားကျောင်းက အခြားဆရာကြီးတွေဟာလည်း ဒေါ်ခင်ကြည်ထံမှာ အလှည့်ကျ
ဘုရားသွားဝတ်ပြု နေခဲ့ကြတာပါ ။

   အဲဒီဆရာကြီးတွေထဲက သူတို့ရဲ့ အတွေ့အကြုံတွေ ပြန်ပြောပြခဲ့တာကို မှတ်မိပါသေးတယ် ။
   “ဒေါ်ခင်ကြည်က သူကြိုက်တဲ့ကျမ်းစာပိုဒ်တွေကို အလွတ်ရထားတာကွ ၊ ငါတို့က တရားဟောဆရာ
လုပ်ပြီး ကျမ်းစာထဲ ပြန်ပြန်ကြည့်နေရတာ ရှက်တောင်ရှက်တယ်” လို့ ဆိုပါတယ် ။

   ဒါတွေက အချက်အလက်တွေပါ ၊ စိတ်ကူးယဉ် မဟုတ်ပါဘူး ။
   ဒါကြောင့် ဒီအပိုင်းအတွက် ထင်မြင်ချက်တွေ မဖြည့်လိုတော့ပါဘူး ။

~ ~ ~ ~ ~ ~ ~ ~ ~ ~ ၀ ~ ~ ~ ~ ~ ~ ~ ~ ~ ~

   ဒီလောက်နဲ့လည်း မပြီးသေးပါဘူး ၊ နောက်ထပ် အရေးကြီးတာ တစ်ခုရှိပါသေးတယ် ။
   ဒါဟာလည်း မပြောချင်ပေမဲ့ ၊ လမ်းကြောင်းမှန်မှန် အသုံးချနိုင်ရင် အကျိုးရှိကောင်း ရှိနိုင်မယ်ယူဆလို့
ပြောဖို့ဆုံးဖြတ်ရခြင်းပါ ။

   အပေါ်ကပြောတဲ့ တရားဟောဆရာကြီးဟာ တောင်ငူဖက်က ဧည့်သည်တစ်ယောက်ကို အဖေါ်ပြုပြီး
ဒေါ်ခင်ကြည်ဆီမှာ သွားရောက်ဘုရားဝတ်ပြုရင်းနဲ့ ဒေါ်ခင်ကြည်ရဲ့ နှုတ်ထွက်စကားတစ်ခွန်းပါ ။ အဲဒီ
ဆရာကြီးက ကွယ်လွန်အထိ ပြန်မပြောပဲ ထိန်းသိမ်းခဲ့ပေမဲ့ ၊ သူနဲ့ပါသူကတော့ စောင့်ထိန်းစရာ မလိုဘူး
ထင်လို့ ပြောပြခဲ့တာပါ ။

အဲဒါကတော့ “ဗမာတွေ မကောင်းဘူး” တဲ့ ။

~ ~ ~ ~ ~ ~ ~ ~ ~ ~ ၀ ~ ~ ~ ~ ~ ~ ~ ~ ~ ~

     မြန်မာလူမှုအသိုင်းဝိုင်းအပေါ် တာဝန်ကျေခဲ့တဲ့ ၊ တိုင်းပြည်အတွက် တတ်စွမ်းသမျှ ပေးဆပ်ခဲ့တဲ့ ၊
လူထုခေါင်းဆောင် နောက်တစ်ယောက်ကို မွေးထုတ်ပျိုးထောင်ပေးခဲ့တဲ့ ၊ မြန်မာစစ်တပ်ရဲ့ မိခင်အရာမှာ
ရှိခဲ့တဲ့ ဒေါ်ခင်ကြည်ရဲ့ တွေ့ကြုံခံစားခဲ့ရတာတွေကို အားလုံးမသိနိုင်ပေမဲ့ ၊ တိုင်းပြည်အတွက် အဖက်
ဖက်က ဝတ္တရားကျေပွန်ခဲ့သူ လူထုခေါင်းဆောင်ရဲ့ ပါရမီဖြည့်ဖက် တိုင်းရင်းသူတစ်ဦးအနေနဲ့ မျိုသိပ်ထား
ခဲ့ရတဲ့ တွေ့ကြုံခံစားမှုတွေကို လူများစုဗမာတွေက နားလည်ပေးနိုင်ကြဖို့ရာကတော့ ခုချိန်ထိ အိပ်မက်
အဆင့်ကနေ မတက်လှမ်းနိုင်သေးတာဟာ ခံစားတတ်တဲ့ စိတ်နှလုံးရှိသူတစ်ယောက်အတွက်ဆိုရင်
တော့ ရင်နင့်စရာပါ ။

    ကိုယ်ကိုယ်တိုင် အကန်တော့ခံနေခဲ့ရပေမဲ့ မိဘမောင်ဘွားနဲ့ သားသမီးတွေမှာတော့ မျက်စေ့အောက်
တင် ဒါးအထိုးခံနေရတာကို ကြည့်နေရတဲ့ မိခင်တစ်ယောက်ရဲ့ အကူအညီကင်းမဲ့တဲ့ ဘဝမျိုးကို ဘယ်သူ
တွေများ မြင်ပေးနိုင်ကြမလဲ ။ လင်ယောက်ျားဖြစ်သူကို နတ်ဘုရားလို ကိုးကွယ်နေကြသူတွေကနေ ပါရ
မီအဖြည့်ခံကိုယ့်ရဲ့ ရသင့်ရှိထိုက်တဲ့ အခွင့်အလမ်း ၊ ဂုဏ်ပုဒ်နဲ့သိက္ခာ ရှိသမျှတွေကို တစ်စချင်းဆွဲခွာပစ်
တာခံရပြီး ၊ နောက်ဆုံးမတော့ ခိုင်မြဲတဲ့ ကိုယ်ပိုင်စိတ်ဓါတ်နဲ့ ကိုယ်ကျင့်တရားလောက်ပဲ ကျန်ရစ်နေခဲ့
တာတွေကို ဘယ်သူများ ကရုတစိုက်နဲ့ ကာဆီးပေးခဲ့ကြသလဲ ။ ဝတ္တရားကင်းကင်းနဲ့ လစ်လျူရှုခဲ့ကြ
သလား ။

~ ~ ~ ~ ~ ~ ~ ~ ~ ~ ၀ ~ ~ ~ ~ ~ ~ ~ ~ ~ ~

   ဒေါ်စုဟာ ဒေါ်ခင်ကြည်ရဲ့ လက်ထပ်သွန်သင်မှုအောက်မှာ ကြီးပြင်းလာသူတစ်ဦး ၊ မြန်မာမှုကို အင်မတန်
ထိန်းသိမ်းခဲ့သူတစ်ဦး ၊ ပညာတတ်တစ်ဦး ၊ ကိုယ်ကျိုးစွန့်သူတစ်ဦးအနေနဲ့ ခုအသက်ရွယ်ထိ တိုင်ခဲ့ရာမှာ
ရှိသင့်တာတွေနဲ့ အင်မတန်မှပဲပြည့်စုံပြီး လေးစားအားကိုးစရာ ကောင်းတာကတော့ ပြောစရာမလိုတာ သိ
ကြပါတယ် ။

   ဒါပေမဲ့ ဒေါ်စုကနေ တိုင်းရင်းသားကိစ္စ ၊ ကိုယ့်သွေးသား ကရင်လူမျိုးတွေအတွက် ရှေ့တန်းတင် ပြောဆို
လုပ်ကိုင်ခဲ့တာမျိုး အင်မတန်နည်းတာလည်း လူတိုင်း သတိထားမိမှာပါ ။ မိခင်ရဲ့ အနီးကပ် ပျိုးထောင်မှု
အောက်မှာ ကြီးပြင်းလာသူတစ်ဦးအနေနဲ့လည်း မိခင်ရဲ့ ခံစားရမှုနဲ့ စိတ်ဆန္ဒတွေကိုလည်း သိရှိနားလည်မှာ
ယုံမှားစရာ မရှိပါဘူး ။

   ဒီတော့ တွေးစရာက ၊
   အချိန်မတန်သေးတာကြောင့် ပြောသင့်တာတွေကို မပြောပဲ နေခဲ့တာလား ၊
   ဗမာရယ်လို့ ခံယူတာကြောင့် အရေးမကြီးဖူးလို့ မြင်မိတာတွေကို ဘေးဖယ်ထားလေသလား ၊

   ဒါမှမဟုတ် ၊
   ဒေါ်စုဟာ secularism ကို ကျင့်သုံးဖို့ စိတ်အားထက်သန်ပြီး ၊ လူမျိုးအရေးနဲ့ စိတ်ခံစားမှုတွေကို
ဦးစားမပေးခဲ့ပဲ တစ်တိုင်းတစ်ပြည်လုံးအတွက်ကို ရှေ့ရှုလုပ်နေခဲ့တာလား ၊ စသည်ဖြင့်ပါ ။

   အကယ်ယ်၍များ ခုအောက်ဆုံးကအချက်လို ခံယူဖြစ်ပျက်နေတာဆိုရင်တော့ ၊ ကိုယ်လည်း ခံစားမှု
တွေကို မျိုသိပ်ပြီး ၊ ဝိုင်းဝမ်းသာပေးမှာပါ ။
   အကယ်၍ အပေါ်ကနှစ်ခုလို ဆိုရင်လည်း ကျနော်ဘာများ တတ်နိုင်မှာလည်း ။
   ဆိုခဲ့သလိုပဲ ၊ နားလည်ပေးရတော့မှာပါပဲ ။

   ဘယ်လိုဖြစ်ဖြစ်ပါ ၊ ဒေါ်စုဟာ တိုင်းပြည်အတွက် ဧရာမတာဝန်ကြီးတွေကို ထမ်းပိုးထားရတာ နားလည်
ပါတယ် ။ ရှေ့ရှောက် ရင်ဆိုင်ရမယ့် မီးပင်လယ်ဟာလည်း ကျယ်ပြန့်ပြီး အင်မတန် ပူလောင်တာမျိုးပါ ။

   ဒါပေမဲ့ .. ဒါပေမဲ့ ... တစ်ခါတစ်ရံမတော့ လူသားကျနော်ဟာလည်း လူသားတစ်ယောက်လိုပဲ တွေးမိတာ
ပါပဲ ။ Wishful thinking လို့ပဲ ဆိုချင်ဆိုပေါ့ ။

“ဒေါ်နန့်အောင်ဆန်းစုကြည်” လို့များဖြစ်လိုက်ရင် ဘယ်လောက်များကောင်းလိမ့်မလဲလို့ .. နော ......

အတွေးကြွယ်မိတဲ့ ၊
မန်းကိုကို

(လတ်တလော လက်ရွေးစင်)