ပင်လုံနဲ့ယှဉ်တဲ့ အလွတ်သဘော အဖြေရှာချက်တချို့ (၄)

ဒီအပိုင်းမှာတော့ မြန်မာပြည်လွတ်လပ်ရေး ကြိုးပမ်းခဲ့မှုဝန်းကျင်နဲ့ နောက်ပိုင်းတွေကို

ဆွေးနွေးထားပါတယ်။ ရဲဘော်သုံးကျိပ်၊ ပင်လုံစာချုပ်၊ လက်နက်ကိုင် အဖွဲ့အစည်းအကြောင်း

တွေပါဝင်ကြပါတယ်။

(မန်းကိုကို)

tint said...

     ကိုမန်းဆွဲထုတ်တဲ့  အစကို အမည်မသိက ဗမာပြည်မရဲ့ အမြင်နဲ့  ထပ်ဖြည့်သလိုဖြစ်နေတာ
ပေါ့လေ ။ (အမှန်အတိုင်းပြောရရင် အမည်မသိ ပြန်ဆွေးနွေးသွားတာ ကမြန်လွန်းလို့ ဘယ်လိုလိုက်
ရမလဲဆိုတာအတော်စဉ်းစားနေရတယ် ။ ရတဲ့ အချိန်လေး တလုံးရ တလုံးရိုက်ရတဲ့  ကျွန်တော့်
အဘို့ က အဲလောက်အမြန်နှုန်းကို လိုက်ရခက်ပါတယ် ။ ခု ပညာရေးတောင်ရောက်နေပလားဘဲ )

     ခုဆွေးနွေးတဲ့  အပိုင်းက အမေဘုတ်ရဲ့ ချည်ခင်လိုပါဘဲ တစဆွဲလိုက်ရင် ပါလာတဲ့  အထွေး
တွေက မနဲပါ ။ အချိန်ယူပြီးဆွေးနွေးရင်တော့ ပိုရှင်းလာမှာလား ပိုရှုပ်လာမှာလားဆိုတာ မသိနိုင်
ပါ ။ ဒါပေမဲ့ ဆွေးနွေးသင့်တယ်လို့ ထင်ပါတယ် ။ ဒါတွေကို ဆွေးနွေးတော့မယ်ဆိုရင် အခြေခံ
အနေနဲ့  သဘောတူထားရမဲ့ အချက်တွေလဲ ရှိပါတယ် ။

     အဲအချက်တွေကို အရင်ကျေလည်ကြမှ ရှေ့ ဆက်ရမှာပါ ။

၁) ဖက်ဆစ်တော်လှန်ရေးပြီးခါစမှာ လက်နက်ကိူင်ထားတဲ့ အဖွဲ့ တွေနဲ့  သူတို့ ကို ကိုင်ထားနိုင်တဲ့ 
   အဖွဲ့ တွေသာ လူရာဝင်တယ်ဆိုတာ လက်ခံပါသလား ။

၂) အဲဒီ အဖွဲ့ တွေဟာ မတူညီသော ခံယူချက်တွေ ရှိပြီး ဘုံရန်သူ ဂျပန်ရှိနေချိန်မှာ ယာယီညီညွတ်
   နေတယ်ဆိုတာ လက်ခံပါသလား ။

၃)ဘီအိုင်အေ ဘီဒီအေ နဲ့  ဖက်ဆစ်တော်လှန်ရေးကာလ ၃နှစ် နောက်ပိုင်း နိုင်ငံရေးလောကမှာ
   လူဟောင်းဆိုတဲ့  အချက်က potential ဆိုတဲ့  အချက်ထက် ပိုအရေးကြိးတယ်ဆိုတာကို လက်
   ခံပါသလား ။

၎) ၁၉၄၇-၅၈ထိ အဓိက လက်နက်ကိုင်အဖွဲ့  ၄ဖွဲ့  ( အလံနီ ၊ တပ်နီ ၊ ကရင် နဲ့  ဖဆပလ လက်
   အောက်ခံ ရောရာတပ်) ဟာ ဘယ်သူ့ ဘယ်သူမှ အမြဲတမ်းမဟာမိတ်ရယ်လို့ မရှိဘဲ ဒီနေ့  ပေါင်း
   နက်ဖန် တိုက်နေတဲ့ အခြေအနေကို လက်ခံပါသလား ။

၅) regular army ထဲမှာကိုစစ်ဦးစီးတွေနဲ့  အောက်ခြေတပ်တွေ ဆက်ဆံရေးဟာ ၄၇-၄၉ ၊ ၅၃-၅၄
   နဲ့  ၅၈-၅၉မတူညီတာကို လက်ခံနိုင်ပါသလား ။

၆) နောက်ဆုံးအချက်ကတော့ ရှေးဗမာဘုရင်တွေလက်ထက်ကနေ ဒီနေ့ ထိ ပြည်မဗမာ( ထားပါ
   တော့လေ) နဲ့  တိုင်းရင်းသားလူနည်းစုတွေကြားမှာ ထိတွေ့ မှုအင်မတန်နည်းတယ်ဆိုတာ လက်
   ခံနိုင်မလား ။
January 14, 2011 5:10 PM

tint said...

     တတ်နိုင်သလောက် စာရင်းလုပ်ကြည့်ရရင် -

၁) ပြည်တွင်းစစ် ဘာကြောင့်ဖြစ်သလဲ
၂) ပင်လုံစာချုပ်ခေါ်တဲ့  တောင်တန်းပြည်မ သဘောတူညီချက်ဆိုတာ ဘာလဲ
၃) ၄၇ constitution ဘာကြောင့် မအောင်မြင်ရလဲ

၎) ၄၇-၄၈မှာ အနဲစုလေး။အင်အားချိနဲ့ တဲ့  ဗမာ့တပ်မတော် ( တပ်ရင်း ၄၊၅၊၆ နဲ့  တပ်ရင်း ၃
   တခြမ်းပဲ့  ၊ ခလရ ၁ ၊ ကချင် ၂ရင်း ၊ ချင်း ၃ရင်း ၊ )ကနေ ၁၉၅၈-၆၂မှာ တပြည်လုံးကို အနု
   ကြမ်းစီးနိုင်တဲ့ ထိ အင်အားကြီးလာတဲ့ ဖြစ်စဉ်က ဘယ်လိုလဲ ။

၅) အနဲစုလို့ ခေါ်နေတဲ့  ရှမ်း ၊ ကချင်၊ကရင် နဲ့  ရခိုင် က လွတ်လပ်ခွ င့် ပေးခဲ့ရင် တကယ်ဘဲ
   ကိုယ်ပိုင်သီးခြားတိုင်းပြည်ထောင်မှာလား ။ ထောင်ခဲ့ ရင်ရော ပြည်မကို တကယ် ဆိုးကျိုးပေး
   မှာလား ။

၆) ( ထပ်ဖြည့်တာပါ ။ ) လူနည်းစု ဘာသာစကား ကို ကျောင်းတွေမှာ သင်ဘို့ က လွယ်သလား
   ခက်သလား ။ သမိုင်းကို သင်ရာမှာ လူနည်းစုတွေရဲ့  အမြင်ကို ထည့်ဘို့ တကယ်ဘဲ ခက်သ
   လား၊

     အဲဒါတွေ ထွက်လာပါတယ် ။

၇) ( ထပ်ဖြည့်တာပါ ) တပ်တွေကို ကိုယ့်ဟာကိုယ်ရှာစား သူပုန်ကို ချရင်ပြီးရောပေါ့ ဆိုတဲ့  မူဟာ
   ၆၂ကျမှ ဖြစ်လာတာလား ။ တပ်ရယ်လို့  စဖြစ်ထဲက ရှိနေတာလား ။ ဒါကို ဘယ်လိုပြောင်းမလဲ ။
   ကမ္ဘာပေါ်မှာ စစ်တပ်ဘယ်နှမျိုးရှိပြီး ဘယ်စနစ်က ဗမာပြည်နဲ့ ကိုက်ညီမယ်ထင်လဲ ။

(ကိုယ့်ဆရာတို့ က ဆွေးနွေးနေတာက မြန် ။ ကျွန်တော်က အချိန်မရလို့  ခေါင်းထဲ စီပြီး စာကို
ရိုက်ပြီးနေချိန်ကျ ခင်ဗျားတို့ က ရှေ့ တော်တော်ရောက်နေလို့  မတင်ဘဲ ပြန်ပြင်။ အဲနဲ့  နောက်
ကျ နောက်ကျနေဖြစ်နေတယ်ဗျို့  )
January 14, 2011 5:12 PM

tint said...

၈) ပေါ်တာဆိုတာ ဦးသန်းရွှေထွင်တာလား ။ ဒါမှမဟုတ်ရင် ဘယ်ခေတ်ထဲက ရှိတာလဲ ။ jungle
   warfare ကြောင့်ပေါ်တာခေါ်ရတယ်ဆိုရင် တချိန်က တောထဲ ပါတ်ပုန်းနေ (အဲလေ ) ပါတ်
   တိုက်နေတဲ့  ၀င်းဂိတ်ရဲ့ ချင်းဒစ်တွေ ဘာလို့ ပေါ်တာ ဆွဲစရာမလိုတာလဲ ။

နောက်ဆုံး တွေးစရာတချက်ပါ ။

     ခုဗမာပြည်ကို စီးပွားရးပိတ်ဆို့ တယ်ပြောတယ်။ အဲဒါကို တဘက်ကလဲ စစ်အစိုးရ မကောင်းလို့  ။
တဘက်ကလဲ အတိုက်အခံတွေအော်လို့  အဲလိုတွေပြောနေကြတာ ။ တကယ်လက်တွေ့  အခြေ
အနေနဲ့  ကိုက်ညီရဲ့ လား ။ ( ဗမာအစိုးရကဆိုးလို့ ဆို စီးပွားရေးအပိတ်မခံရတဲ့  တရုပ်အစိုးရက
ကောင်းလို့ လား ။ ဗမာအတိုက်အခံတွေအော်လို့ ဆို တရုပ်အတိုက်အခံတွေက ကြိတ်ခံနေလို့ လား )
January 14, 2011 5:17 PM


မန်းကိုကို said...

     ကိုတင့်ဦးကတော့ လုပ်ပြီ၊ အားလုံးငြိမ်သွားတော့မှ အလုံးကြီးနဲ့ ထထုတော့တာကိုး။
     ဆရာ့အလုံးတွေကကြီးတော့ ကျယ်ကျယ်ပြန့်ပြန့် ဘက်စုံဗဟုသုတတွေနဲ့မှ ခြုံငုံသုံးသပ်နိုင်မယ့်
အနေအထားမို့ လတ်တလောတော့ တစ်စိတ်တစ်ပိုင်းပဲ အရင်ဖြေပါရစေ။ အမည်မသိနဲ့ ကိုတင့်ဦး
တို့ စဆွေးနွေးလာတဲ့အခါမှာတော့ အပြန်အလှန်အချို့ ပြန်ပေးနိုင်မယ် ထင်ပါတယ်။
     စိတ်တွေကိုလျှော့ပြီး အချိန်ယူဆွေးနွေးရင်တော့ အချို့နေရာတွေမှာ နည်းနည်းလေး ပိုရှင်းလာ
နိုင်ကောင်းပါတယ်။ သေချာတာကတော့ တွက်ချက်ပိုင်းဖြတ်ထားပြီးတဲ့ သဘောထားတွေကိုတော့
ပြင်ကြဖို့ သိပ်မျှော်လင့်ချက် မရှိလှပါဘူး။ အမှန်ပြောရရင် ဆွေးနွေးခဲ့သမျှ တွေကိုကြည့်ပြီး ကျနော့်
ဖက်က တော်တော်လေး အလျှော့ပေးထားတယ်လို့ တိုင်းရင်းသား အတော်များများက မြင်ကြဖို့ရှိ
ပါတယ်။ ကျနော်ကတော့ လက်တွေ့ကျမှာတွေကို ကြိုးစားပြီး ရွေးပြောခဲ့သလို ကိုယ်မှားတယ်
ထင်ရင်လည်း လက်ခံဖို့ပြင်ထားပါတယ်။

     ပထမ မှတ်ချက်တွေထဲက -

၁) လက်ခံပါတယ်။
၂) လက်ခံပါတယ်။
၃) ၊ ၄) ၊ ၅) - ယေဘုယျ လက်ခံပါတယ်။ ဖြစ်နိုင်ရင် နည်းနည်း အချက်အလက်လေးတွေ ဖြည့်
   ပေးပါ။
၆) ချွင်းချက်အချို့နဲ့ လက်ခံပါတယ်။ ဘယ်လို ထိတွေ့မှု နည်းသလဲဆိုတာတော့ အယူအဆ တူ
   ချင်မှ တူပါလိမ့်မယ်။ ဥပမာ - ကုန်ကူးသန်းတာ၊ စစ်တိုက်တာ၊ နယ်နိမိတ်တွေ ဒီကနေ့လို အတိ
   အကျမရှိပဲ ခပ်ဝေဝါးဝါးဖြစ်နေတာတွေရဲ့ အတိုင်းအတာ သက်ရောက်မှု ပမာဏကို ဘယ်လောက်
   သတ်မှတ်ကြသလဲ ဆိုတာတွေ ကွာနိုင်ပါတယ်။ အခြားအချက် အချို့လည်း ရှိသေးတဲ့အပြင် တိုင်း
   ရင်းသားလူနည်းစု ဆိုတဲ့ စကားတောင်မှ ဇဝေဇဝါ ဖြစ်စေနိုင်မယ့် အဆိုပြုတင်ပြချက်မျိုးလည်း
   ရှိပါသေးတယ်။

     ဥပမာတစ်ခုဆိုရင် ကနေ့ ရန်ကုန်မြို့ပေါ်မှာ နေထိုင်အခြေချနေကြသူ ကရင်အများစုဟာ ယိုးဒ
ယားကို အကြိမ်ကြိမ်စစ်ချီရာက ပြည်မတပ်တွေကြောင့် ထွက်ပြေးလာရတဲ့ ရိုးမတောင်ပေါ်က ကရင်
များကို ခရစ်ယာန် သာသနာပြုများရဲ့ အကူအညီနဲ့ နေရာချထားခဲ့တာလို့ သိရပါတယ်။ refugee
မျိုးဆက်တွေလို့ ပြောရမှာပေါ့ဗျာ။ ဒီတစ်ခုကိုပဲ အမျိုးမျိုးဖြန့်တွေးလို့ ရတယ်လို့ ယူဆမိပါတယ်။
January 15, 2011 12:41 AM


tint said...

     အေးဗျ
     ခင်ဗျားတို့ က စပြီး ၀ူးဆို ပညာရေးတွေရော ၊ဘာသာစကားတွေထိ ရောက်ကုန်တဲ့ အချိန်မှာ
ကျွန်တော်ကခေါင်းထဲ စီထားတဲ့ စာက ၄၂ဘီအိုင်အေတက်ချိန်မှာဘဲ ရှိသေး။ အဲကလဲ မအားတာ
နဲ့  တလုံးရ တလုံးရိုက်နေတုန်း ။ ၀င်ကြည့်လိုက် ခင်ဗျားတို့ က ရှေ့ ရောက်နေလိုက် ထပ်ဖြည့်ဘို့ 
စာပြန်ပြင်း။ မသေချာတာလေး လုဖတ်လိုက် ။ ရိုက်ပြီးတင်မယ်ကြည့်လိုက် ။ ခင်ဗျားတို့ က ရှေ့
ရောက်သွားလိုက် ။ အဲနဲ့  ပါတ်ချာလိုက်နေတော့ ကဲပါလေ ခုမှမတင် ဒိတသက်တေ့ာ မတင်ဖြစ်
တော့ပါဘူးဆိုပြီး တင်လွှတ်လိုက်တာပါဘဲ ။

၃ ။ ၄။ နဲ့  ၅က တကယ်တော့ဆက်နေတာပါဘဲ ။ ဇာတ်ရည်လည်အောင်ဆိုရင် ၄၂ မတိုင်ခင်က
   ဗမာနိုင်ငံရေး နဲ့  ၄၂နောက်ပိုင်း အင်အားစုတွေ ကွဲပြားလာပုံကို ပြန်ကောက်မှဘဲ လည်မှာပါ
   ဘဲ ။

၆ ကိစ္စမှာ အထိအတွေ့ ဆိုတာမှာတော့ ပင်လုံစာချုပ်ခေါ်နေကြတဲ့  ပြည်မတောင်တန်းသဘော
   တူစာချုပ် ကို လေ့လာလိုက်ရင် သဘောပေါက်လာမှာပါ ။

     ဒါတွေက အပိုလုပ်နေတယ်ပြောရင်လဲ ခံရမှာဘဲ ။ကျွန်တော်နားလည်တာကတော့ ပြဿနာ
တခုကို အဖြေရှာတဲ့ နည်း ၂နည်းရှိတယ်ဗျ

     တနည်းကတော့ မှားတဲ့ ကောင် နရင်းနာနာတီးတဲ့  နည်းရယ် နောက်တနည်းက ဘာကြောင့်ဖြစ်
လာရလဲ နောက်ကြောင်းပြန်ကြည့်ပြီး နောက်ဘာလုပ်ကြမလဲ တွေးခေါ်ကြတဲ့ နည်းရယ်ပါ ။ ခုဟာ
ကတော့ ဒုတိယနည်းပေါ့ဗျာ
January 15, 2011 1:16 AM


မန်းကိုကို said...

     ဒုတိယမှတ်ချက်က မေးခွန်းတွေကိုတော့ တစ် ကနေ ငါး အထိက ကြည့်တဲ့ဖက်အပေါ်မူတည်
ပြီး (အထင်) အမြင်ကွဲကြဖို့ များပါတယ်။ အချို့နေရာတွေမှာလည်း ကျနော်တို့အားလုံး အချက်
အလက်တွေနဲ့ ပတ်သက်လို့ တင်ပြမှုတွေက အများအားဖြင့် ဇဝေဇဝါ ဖြစ်နိုင်စရာ ရှိတယ်လို့
ယူဆပါတယ်။

(ဥပမာ အနည်းဆုံး ပရိယာယ်ကြွယ်တယ်လို့ တစ်ဖက်က အားရပေမယ့် အခြားတစ်ဖက် အတွက်
တော့ ဥာဏ်များတယ်၊ ကလိန်ကကျစ်တွေ ဖြစ်နိုင်ပြီး၊ ရှူံးတဲ့အခါ လက်နက်အင်အား လူအင်အား
မမျှလို့နဲ့ နိုင်တဲ့အခါကျတော့ စွမ်းရည်ပြောင်မြောက်စွာနဲ့ ချေမှုန်းတယ်ဆိုပြီး ဖြစ်ကြသလိုပေါ့။
စိတ်ရှင်းရှင်း ထားနိုင်ကြရင်တော့ အကောင်းဆုံးပေါ့ဗျာ။)

၆) အတွက်ကတော့ နည်းနည်းပြောကြည့်ပါမယ်။
   ပထမအနေနဲ့ ဘာသာစကားမှာ တိုင်းရင်းသားတွေ ၁၀၀% နီးပါးနေတဲ့ နေရာတွေမှာ သူတို့
ဘာသာစကားကို အခြေခံအဆင့် (၄ တန်းလောက် အထိဖြစ်ဖြစ်) တစ်ဘာသာလောက် ထား
ပေးနိုင်ရင်ပဲ သူတို့ကို အတိုင်းအတာ တစ်စုံတစ်ရာ အသိအမှတ်ပြုရာနဲ့ ဘာသာစကား၊ ယဉ်
ကျေးမှုဓလေ့ ထုံးတမ်းတွေကို အကြင်နာကင်းကင်းနဲ့ မဝါးမျိုဖူးဆိုတာ ပြလို့ရပါတယ်။ လူမျိုး
ရောရာ ဒေသတွေမှာတော့ အခြေအနေအပေါ်မူတည်ပြီး ဒေသဘာသာစကားကို အတင်း
အကြပ်ပုံစံ မဟုတ်ပဲ ရွေးချယ်သင်ယူခွင့်ပေးတာမျိုး လုပ်လို့ရပါတယ်။

     သမိုင်းကိစ္စကတော့ အမြင်ကိုထည့်ဖို့ ကျနော်မဆိုလိုပါဘူး။ ပိုပြီး ပြည့်စုံကျယ်ပြန့်တဲ့ သမိုင်း
အစစ်အမှန်ကိုပဲ Anonymous ပြောသလို အတန်းအလိုက် တစ်ဆင့်ချင်း မြှင့်သင်ပေးသွားတာ
သင့်တော်ပါလ်ိမ့်မယ်။ သမိုင်း အစစ်အမှန် ဆိုတဲ့အရာကတော့ တော်တော်တာသွားပါလိမ့်မယ်။
လူငယ်တွေကို အားလုံးဟာ တစ်မြေထဲနေ တစ်ရေထဲသောက်ပြီး အေးအတူပူအမျှ နေသွားကြရ
မယ့် တစ်နိုင်ငံထဲသားတွေ ဆိုတာမျိုးနားလည်လာအောင် သင်ပေးနိုင်ဖို့ အခြေခံအားဖြင့် လိုပါ
တယ်။ ဒီနေရာမှာ ရိုးသားပြီး မျှတဖို့ချည်း မကပဲ ဒီကနေ့ ခေတ်သစ် သမိုင်းပညာ၊ နည်းပညာ
တွေ အကူအညီနဲ့ သေချာတိကျတဲ့ သမိုင်း အချက်အလက်တွေကိုလည်း ဖေါ်ထုတ်ဖို့ လိုနေပါ
တယ်။

ရ) တပ်တွေကို ကိုယ့်ဟာကိုယ်ရှာစား သူပုန်ကို ချရင်ပြီးရောပေါ့ ဆိုတဲ့  မူဟာ ၆၂ကျမှ ဖြစ်လာ
   တာ မဟုတ်ဖူးလို့ အတပ်ပြောနိုင်ပါတယ်။ ဘုရင်ခေတ်ကတည်းက ရှိခဲ့ပြီးသားလို့ နားလည်လို့
ရသလို ဒီဖက်ခေတ် BIA မြန်မာပြည်ထဲဝင်စမှာ လူနဲ့ အခြေအနေတွေ ဗျောက်သောက်တွေ ဖြစ်
ခဲ့တာကို ကိုတင့်ဦး နည်းနည်းပြောဖူးပါတယ်။ ကျန်တာတော့ ဆရာတို့ပဲ အရင်ဆွေးနွေးပါ။

၈) ပေါ်တာဆိုတာ ဦးသန်းရွှေ မထွင်တာတော့ သေချာပါတယ်။

     ခေတ်အဆက်ဆက် (နာမည်မတူပေမယ့်) အထမ်းသမားတွေဆိုပြီး ဓါတ်ပုံတွေနဲ့ကို ကျကျနန ပါနေခဲ့ကြတာပါပဲ။ တိုင်းရင်းသား လက်နက်ကိုင်အဖွဲ့တွေလည်း အထမ်းသမား (ပေါ်တာ) သုံးကြ
တာပါပဲ။ ကွားခြားချက်တွေကတော့ အချို့မှာ အခကြေးငွေရတာတို့၊ လိုရာခရီးတစ်ကြောင်းပဲ ပို့
ပေးရတာတို့၊ မနှိပ်မစက် မသတ်မဖြတ်တာတို့၊ မိုင်းပေးနင်းတာမျိုးလို ချီတက်တဲ့အခါ ရှေ့က
အလယ်ကတွေ အမျိုးမျိုးညှပ်ပြီး လူသားဒိုင်းလုပ်တာမျိုးတွေမှာ ကွာပါလိမ့်မယ်။

     နောက်တစ်ခုက ကြက်လည်းမော ယာလည်းညက်အောင်ကတစ်ကြောင်း၊ ထောက်ပံ့ရေး
အတွက် မယ်မယ်ရရ လောက်လောက်လားလား မစီစဉ်ပေးပဲ ရေပဲပါရမယ် ဆိုတဲ့ (တစ်စိတ်
တစ်ပိုင်းအားဖြင့်) တမင် ဖန်တီးထားတဲ့ ဖိအားတွေကို အောက်ခြေကို ပေးတာမျိုးကတစ်
ကြောင်း၊ ချင်းဒစ်တွေနဲ့ မတူတာက ယေဘုယျ ပျောက်ကြားစစ်ပွဲမဟုတ်ပဲ အပြုတ်တိုက်ပြီး
နေရာချဲ့နေတဲ့ သမားရိုးကျ စစ်ပွဲအသွင်ဆောင်နေတာကြောင့် တွေလည်း ပါတာပေါ့။ ဒီနေ
ရာမှာ နယ်တွေမှာနေတဲ့ ဗမာတွေလည်း ဒုက္ခအတူ ခံကြရတာကို ထောက်ပြသူများ ရှိနိုင်ပါ
တယ်။။ ဒီလူတွေဟာ စစ်တုရင် နယ်ရုပ်အဆင့်လောက်တောင် သဘောအထားမခံကြရတဲ့
ရေကြည်ရာမျက်နုရာ ရှာဖွေခဲ့ကြတဲ့ အောက်ခြေလူတန်းစား ဗမာတွေ (အများအားဖြင့် သွေး
နှောသူတွေ) ဖြစ်ကြပါတယ်။ ယေဘုယအားဖြင့် သူတို့ဟာလည်း ပြည်မကို သိပ်ပြီးအမြင် သိပ်
ကြည်ကြတာ မဟုတ်ပေမယ့် ရောပြီးငုံ့ခံနေကြရတဲ့ သူတွေလို့ ပြောလို့ရပါတယ်။

     စီးပွားရေး ပိတ်ဆို့တာကတော့ ပြောရင် ရှည်မယ်ထင်ပါတယ်။ လိုရင်းကတော့ ထိပ်သီးတွေ
အဓိကထိပါတယ်။ ပြည်သူတွေကို ထိလားဆိုတော့ နည်းနည်းတော့ သက်ရောက်မှုရှိပေမယ့်
အချို့ရင်းနှီး မြှုပ်နှံမှုတွေကကော ကြိုဆိုသင့်ရဲ့လား ဆိုတာ မေးစရာဖြစ်လာပါတယ်။ globalisation
ခေတ်မှာ အတူကပ်ပါလာတဲ့ ရေတိုမြှုပ်နှံမှုနဲ့ အထူးစီးပွားရေးဇုံတွေရဲ့ အကျိုးဆက်အချို့တွေ
ဟာ သိပ်ပြီးလှပတာတော့ မဟုတ်ပါ။ နိုင်ငံရေးနဲ့ ကျင့်ဝတ်တွေအရ ပိတ်ဆို့ရပါတယ်ဆိုတာ
တွေ ခဏဘေးဖယ်ပြီး နိုင်ငံစီမံခန့်ခွဲမှု အပိုင်းကြည့်ရင်ပဲ ချွတ်ချုံကျမှု တရားခံကတော့ ရှင်း
တယ်လို့ မြင်ပါတယ်။ (ဘန်ကောက်မှာ တွေ့ခဲ့တဲ့ ဗိုလ်မှူးကြီးတစ်ယောက် ပြောသလို “ကျနော်
တို့လည်း စိစစ်ပြီး ကုန်သွယ်ဖို့ ပစ္စည်းတွေကို ဖွင့်ပေးနေပါတယ်” တဲ့၊ ကိစ္စရှိလို့သွားတဲ့ သူငယ်
ချင်းကို အားနာလို့ ပါးစပ်ပိတ်ထားခဲ့လိုက်ပါတယ်။)

ပြန်ဆွေးနွေးပေးကြတာကို စောင့်နေပါ့မယ်။
January 15, 2011 1:58 AM

မန်းကိုကို said...

     ကဲ ကျနော် အချိန်ယူပြီးရိုက်တာ ဘယ်လောက်ကြာသလဲမသိဘူး ကိုတင့်ဦးကွန်မန့်တောင်
ကြားညှပ်ဝင်ပြီးသွားပြီ။ :-)

     ၄၂ ဘီအိုင်အေတက်ချိန်က ဆရာပိုပိုင်ပါတယ်ဗျာ။
     လုပ်ပါ၊ အချက်အလက်တွေရော၊ အမြင်ရော၊ အဆိုပြုချက်တွေပါ တစ်ပေါင်းထဲသာ လုပ်လိုက်
ပါ။

     “နရင်းနာနာတီးတဲ့ နည်း” ကတော့ လက်ရှိ မြန်မာပြည်မှာ သုံးနေတဲ့နည်းပါပဲ။ ကျနော့်အမြင်
မှာတော့ ယေဘုယျ ဗမာ (အုပ်ချုပ်သူ) တွေအနေနဲ့ တိုင်းရင်းသားတွေကို ကဲ .. အင်္ဂလိပ်မသိမ်း
ခင် မင်းတို့ကို ငါတို့တက်သိမ်းထားပြီးသားကွ၊ ပြန်မလှန်နဲ့ ဆိုတဲ့ပုံစံနဲ့ နာနာတီးနေသလိုပါပဲ။

     အထက်မှာ ကိုတင့်ဦးပြောခဲ့သလိုပဲ “ဖက်ဆစ်တော်လှန်ရေးပြီးခါစမှာ လက်နက်ကိုင်ထားတဲ့ 
အဖွဲ့ တွေနဲ့  သူတို့ ကို ကိုင်ထားနိုင်တဲ့  အဖွဲ့ တွေသာ လူရာဝင်တယ်” ဆိုတာ အမှန်ပါ။ ကျနော်
တို့နဲ့ အနီးဆုံး မွန်တွေကိုကြည့်ရင် လက်နက်မရှိလို့ ပြည်နယ်ရဖို့တောင် အတော်နောက်ကျခဲ့ပြီး
သေနတ်လက်ထဲ ရောက်မှပဲ ဂရုစိုက်ခံ (ပြည်နယ်) ရကြတော့တယ်။
January 15, 2011 2:11 AM


ကျော်ထင် said...

     ပွဲက ပြန်ဆက်ကနေတာ ခရီးတောင် အတော်ရောက်နေမှပဲ။ မအားတော့ ပြောချင်သလောက်
မပြောနိုင်၊ ဖတ်ချင်သလောက်မဖတ်နိုင် ဖြစ်နေတယ်။

     ဆရာတင့် မေးထားတဲ့ အချက်တွေကို ကိုယ်စိတ်ဝင်စားတဲ့ အချက်တွေ ကို အဓိကထား
ဖြေကြည့်မယ်။

၁) ဖက်ဆစ် တော်လှန်ရေး အစချီ ...
၅) regular army ..အထိ အကုန် လက်ခံတယ်
၆) ဘယ်လိုထိတွေ့မှုနည်းတာလဲ ဆိုတဲ့ ဟာကိုမရှင်းတဲ့အတွက် သိပ်နားမလည်ပါဘူး

     နောက် ဆက်ဖြည့်ထားထဲ့အထဲက
၁) ပြည်တွင်းစစ် ဘာကြောင့်ဖြစ်ရလဲ ဆိုတာကို ညီညွတ်မှုပြိုကွဲလို့ပါလို့ သိပ်ယေဘုယျ ဆန်
   ဆန်ဖြေရင် HIV ရောဂါသည် ဘာကြောင့် သေရသလဲ အမေးကို ကိုယ်ခံအားကျဆင်းလို့
   သေရတယ်လို့ ဖြေသလိုဖြစ်နေမှန်ထင်တယ်။

၂) ပင်လုံစာချုပ် ရဲ့ တောင်တန်းနဲ့ ပြည်မ သဘောတူညီချက်ဆိုတာကတော့ ဖတ်မှတ်ဖူးသ
   လောက်က ဘာမှ သိပ်အထွေအထူးကြီးတော့ မဟုတ်ဘူးထင်တယ်။ အင်္ဂလိပ်လက်အောက်
ကနေ အတူတကွ မြန်မြန်လွတ်လပ်ရေး ရကြစေဖို့ ကချင်၊ ရှမ်း၊ ချင်းတွေရဲ့ ကိုယ်စားလှယ်
ခန့်အပ်ထားရေး၊ အဲဒီကိုယ်စားလှယ်က ဘာတွေလုပ်မယ် ညာတွေလုပ်မယ် ဆိုတဲ့ သဘော
တူညီချက်တွေနဲ့၊ ကိုယ်ပိုင်အုပ်ချုပ်ခွင့်ရ ကချင်ပြည်နယ် (သီးခြားလွတ်လပ်နဲ့ ကချင်နိုင်ငံ
လို့တော့ ရေးမထားဘူး) တည်ထောင်ခွင့်တွေကို နောင်လာမယ့် ပါလီမန်မှာ ဆွေးနွေးရေးတို့

၃) အဲဒီအချိန်တုံးက တောင်တန်းက လူမျိုးတွေ ရရှိနေတဲ့ autonomy ကိုဆက်လက်ရရှိစေ
   ရေး၊ ဘဏ္ဍာအခွန် တွေဆက်လက် ရရှိစေရေး အဲဒါတွေက တရားဝင် စာချုပ်ပါ အဓိက အ
   ချက်တွေပါ။
January 15, 2011 4:02 AM

ကျော်ထင် said...

     အဲဒီလို စာချုပ်ပါ အချက်တွေ ထက်ပိုအရေးပါတာက ကန့်လန့်ကာ နောက်ကွယ်က ကိစ္စတွေပါ။
ပင်လုံစိတ်ဓါတ်ရယ်လို့ အခုလူတွေ တင်စားပြောနေကြတဲ့ တောင်တန်းပြည်မနားလည်မှု သဘော
ထားက အလွန်အရေးကြီးပါတယ်။ အတူတကွ လွတ်လပ်ရေးကိုအရယူရေးဆိုတဲ့ ညီညွတ်ရေးကို
ခဏပဲဖြစ်ဖြစ်၊ ဟန်ပြပဲဖြစ်ဖြစ်၊ မိမိတို့လိုလားတဲ့ ပန်းတိုင်အတွက် မဖြစ်မနေတည်ဆောက်ယူရေး
ဆိုတဲ့ စိတ်ဓါတ်ဟာ အခုပြောနေကြတဲ့ ပင်လုံစိတ်ဓါတ်လို့ပဲထင်ပါတယ်။ အဲဒါဟာ အနှစ်သာရပါ။

၃) ၄၇ အခြေခံဥပဒေ မအောင်မြင်ရခြင်းအကြောင်းကတော့ .. အများကြီး ပြောရပါလိမ့်မယ်။
   ကိုယ်တိုင်လဲ အဲလောက် မနှံ့စပ် (မလေ့လာအား) တော့ မဖြေတော့ပါဘူး

၎) ကွန်မြူနစ်တွေနဲ့ ဆိုရှယ်လစ်တွေ အပြန်အလှန်တိုက်ပွဲကနေ စစ်တပ်ကို ကိုယ့်ဖက်ပါအောင်
    အားဖြည့်ပေးကြတာတွေ၊ ရောင်စုံသူပုန်တွေ အထကြွ လွန်ကြ၊ အစွန်းရောက်ကြလို့ ပြည်သူလူ
ထုကပါ စစ်တပ်ကို ၀ိုင်းရံကြတာတွေ. နဲ့ အလားတူအချက်များစွာကြောင့် စစ်တပ်ဟာ(အထူး
သဖြင့် ဗိုလ်နေ၀င်း၊ ဗိုလ်မောင်မောင်နဲ့ ဗိုလ်အောင်ကြီး တို့အုပ်စု)ဟာ အားကြီးလာတယ်လို့ ယေ
ဘုယျ ဆိုချင်ပါတယ်။

၅) တိုင်းရင်းသားတွေကို ကိုယ့်ကြမ္မာ ကိုယ်ဖန်တီးခွင့်( KNU အဆိုအရ) ပေးဖို့တောင်းတယ်ဆို
    တာ autonomy တောင်းတဲ့ သဘော၊ ကျနော် သဘောပေါက်သလောက်တော့ autonomy
က ခွဲထွက်ခွင့် တော့ မဟုတ်ဘူး။ ဒါပေမယ့် ပါးပါးလေးပဲကွာတယ်။ အဲဒါကို အန္တရယ်များတယ်လို့
မြင်ကြတာပါ။ ဒါပေမယ့် သူ့လူမျိုးစု ကြမ္မာစီမံခွင့်က သူ့လူမျိုးလက်ထဲပဲရှိသင့်တာတော့ တရား
ပါတယ်။ အရင်တော့ သီးခြားလွတ်လပ်တဲ့ လူမျိုးစုနိုင်ငံတော်တွေ တည်ထောင်ဖို့ ရည်ရွယ်ခဲ့
ကြတာ အရှင်းပါ။ ဒါပေမယ့် လက်ရှိအခြေအနေမှတော့ ဘယ်သူမှ ခွဲထွက်မယ့် စကားမပြော
ကြတော့တာလဲ အသေချာပဲ။ ဒါ့ကြောင့် အဲဒါတွေကို အသေအချာ ညှိနှိုင်းဆွေးနွေး ဆုံးဖြတ်
ချက် ချနိုင်ဖို့ comprehensive process တခုလိုနေတာတော့ အသေအချာပါပဲ။
January 15, 2011 4:15 AM

ကျော်ထင် said...

၆) တိုင်းရင်းသားတွေ သူတို့ဘာသာစကား ထိန်းသိမ်းချင်တာ ခွင့်ပြုပေးရပါတယ်။ သင်ကြပါစေ၊
    ပွားများအောင် လုပ်ကြပါစေ။ တိုင်းရင်းသားဘာသာစကားတွေများလို့  အဲဒါတွေအကုန်လိုက်
ဖြည့်ဆည်းပေးရရင် တိုင်းပြည် ဘတ်ဂျတ်ထိခိုက်မယ်၊ ပညာရေးထိခိုက်မယ်ဆိုတာ ပြည့်စုံတဲ့
အမြင်မဟုတ်ပါဘူး။ တိုင်းရင်းသားတွေ သူတို့ဘာသာစကားထိန်းသိမ်းဖို့ ပြန့်ပွားအောင်လုပ်ဖို့
က သူတို့ တာဝန်သာဖြစ်ပါတယ်။ သူတို့ကို လုပ်ခွင့်ပေးဖို့ပဲ အရေးကြီးပါတယ်။ state budget
ဘာညာ ကြီးကြီးကျယ်ကျယ် ကိစ္စတွေအထိ မလိုအပ်ပါ။ ကမ္ဘာ့လူမျိုးအသီးသီးဟာ သူတို့ဘာ
သာစကားနဲ့ သူတို့ရှိပေမယ့် global language, language of science အနေနဲ့ English ကို
မဖြစ်မနေသင်ကြရသလို၊ တိုင်းရင်းသားတွေလဲ လူများစု ဘာသာစကားဖြစ်တဲ့ မြန်မာစာလဲ
သူတို့အတွက် လိုအပ်လို့ သင်ကြမှာ အသေအချာပါပဲ။

၇) ကိုတော့ သိပ်မသိပါဘူး. အရေးကြီးတယ်လို့လဲ မထင်ပါဘူး။ ဘယ်နိုင်ငံပဲဖြစ်ဖြစ် မဖွံ့ဖြိုး
    သေးတဲ့ အချိန်မှာ အဲလို ကိုးရိုးကားယား အဖြစ်တွေ ဖြစ်နေကြပါပဲ။

     လောလောဆယ်တော့ သူများမေးထားတာတွေပဲ ဒိုင်ဗင်ထိုးဝင်ဖြေရင်း ခနနားလိုက်ပါအုံးမယ်။
ဒီထက် တဆင့်တက် ဆွေးနွေးကြတာတွေကို ဆက်စောင့်မျှော်နေပါမယ်။
January 15, 2011 4:26 AM

tint said...

     အေးဗျ
     အချက်တွေနဲ့  ချကြည့်တော့တယောက်နဲ့ တယောက် အခြေခံအချက်တွေမှာ အမြင်မကွာလှ
တာကို တွေ့ ရပါတယ် ။

     ဒါဟာ အားရစရာတော့မဟုတ်ပါဘူး ။
     ဘာပြနေလဲဆိုတော့ ကျွန်တော်တို့ တွေးခေါ်ပုံတွေဟာ သိပ်မကွာလှတာကို ပြနေတာပါ ။
သမိုင်းမြှုပ်ကွက်လေးတွေကို ကိုကျော်ထင်ရော ကိုမန်းပါ ထောက်မလားလို့  တို့ ပေးထားခဲ့တဲ့ 
အချက်လေးတွေ ရှိပါတယ် ။

     နဲနဲလေး နောက်ကြောင်းပြန်ပါ့မယ် ။
     ၁၉၄၂မှာ ဂျပန်ဝင်တယ် ။ ဂျပန်မ၀င်ခင် အုပ်ချုပ်ရေးက တောင်တန်းနဲ့ ပြည်မ ၂ခုက လုံးဝ
မတူညီတဲ့  စနစ်တွေပါ ။

     တောင်တန်းဆိုတာ ချင်း ကချင်နဲ့  ရှမ်း ( ကယားပါမပါ ကျွန်တော့စိတ်ထဲ မကွဲတော့ဘူး )
     ပြည်မက ကျန်တဲ့ နယ်တွေ ( ရခိုင် မွန်နဲ့  ကရင်က ပြည်မထဲမှာပါ )

     တောင်တန်းက ဘုရင်ခံရဲ့ ဒါရိုက်အုပ်ချုပ်ရေး
     ပြည်မက မင်းတိုင်ပင်အမတ်တွေပါတဲ့ လွှတ်တော် ။ ကရင် နဲ့ ရခိုင် အမတ်တွေလဲ အဲထဲ
ပါနေပါတယ် ။ သူက အများစုနိုင်တဲ့  ပါတီက ခေါင်းဆောင်ကိုရွေး ။ အဲခေါင်းဆောင်က ဘုရင်
ခံရဲ့  အမှုဆောင်ကောင်စီ ဒုဥက္ကဋ္ဌ ရာထူးယူ (နန်းရင်းဝန်ခေါ်တာပေါ့ ) အဲမှာမှ ကာကွယ်ရေး
စတဲ့  ၇ဋ္ဌာနမပါ ကျန်တဲ့  ၉၁ဋ္ဌာနကို ဘုရင်ခံရဲ့  အမှုဆောင်ကောင်စီက ပြည်မကိုစီမံတဲ့ စနစ် ။
January 15, 2011 5:52 AM

tint said...

     ဒီတော့ ဒီစနစ်မှာ ပြည်မနဲ့ တောင်တန်းက အုပ်ချုပ်မှုအရတခြားစီပါ ။
     ဒီမှာ တခုသတိထားဘို့ က တရုတ် ၊ ကုလား ။ အင်္ဂလိပ်နဲ့  ကပြား ဆိုပြီး လူနဲစု အမတ်တွေ
လွှတ်တော်ထဲရှိနေတာကိုပါ ။

     သူတို့ သြဇာမသေးလှတာကို သတိထားဘို့ ပါ ။
     ဥပမာ တခုက ၁၃၀၀ပြည့်ကာလမှာ ဒေါက်တာဘမော်အစိုးရဟာ ကုလား အင်္ဂလိပ်မဲနဲ့  ကျား
ကန်ပြီး ရပ်တည်နိုင်ခဲ့တာကိုကြည့်ပါ ။

     ၁၉၄၆ ဗိုလ်ချုပ်အောင်ဆန်း နဲ့ ဖဆပလ ၀င်ရောက်ခဲ့တဲ့ လွှတ်တော်ဟာ အဲဒီလွှတ်တော်ပါဘဲ ။
ဗိုလ်ချုပ်ဟာ ဘုရင်ခံအမှုဆောင် ကောင်စီရဲ့  ဒုတိယဥက္ကဋ္ဌအနေနဲ့  ပြည်မကိုအုပ်ချုပ်နေပါပြီ။

     ဒါပေမဲ့ တောင်တန်းတွေဟာ ဘုရင်ခံရဲ့  ဒါရိုက်အုပ်ချုပ်မှုမှာပါ ။
     ဒါကြောင့် အောင်ဆန်းအက်တလီစာချုပ်ချုပ်ချိန်မှာ ဖဆပလ ကိုယ်စားလှည်အဖွဲ့ ဟာ တောင်
တန်းကို ကိုယ်စားပြုမပြုဆိုတဲ့ မေးခွန်းထွက်လာတာပါ ။ တနည်းပြောရရင် ဖဆပလက လုံးဝ
လွတ်လပ်ရေးတောင်းနေသော်လည်း သူတို့ လက်ရှိအုပ်ချုပ်နေသော နယ်မှာ တောင်တန်းမပါပါ ။

     ပင်လုံစာချုပ်ဟာ ဒီ technicality ကိုဖြေရတာပါ။
January 15, 2011 5:53 AM

tint said...

     တနည်း ကျွန်တော်ထောက်ချင်တာက ပင်လုံရဲ့  အဓိက ဦးတည်ချက်က တောင်တန်းနယ်
တွေကို ဘုရင်ခံအောက်တော့ဆက်မနေနဲ့ ကွာ ။ ပြည်မနဲ့ တူတူတွဲပြီး လွတ်လပ်ရေးယူပါဆိုတဲ့ 
အချက်ကိုပါဘဲ ။ နောက် လွတ်လပ်ရေးရခဲ့ ရင် ဘယ်လိုသွားကြမယ်ဆိုတာ ဆက်ဆွေးနွေးတာ
ပေါ့လို့ ဘဲ ချန်ခဲ့ ပါတယ် ။

     ဒါကြောင့်လဲ ရခိုင် ၊မွန် နဲ့ ကရင်တို့ ဟာ ပင်လုံမှာ လက်မျတ်ထိုးတဲ့ ထဲ မပါတာပါ ။ နောက်
၁၀နှစ်ကြာရင် သီးခြားပြည်နယ်ထောင်လိုက ထောင်နိုင်တယ်ဆိုတာလဲ ဒါကြောင့်ပါဘဲ ။ သ
ဘောကတော့ ရေရှည်အတွက်ကို ဒီ ၁၀နှစ်အတွင်း ထပ်ညှိကြတာပေါ့ဆိုတဲ့ သဘောပါ ။

     ချွင်းချက်က ချင်းပါ။
     အဲတော့ချင်းခေါင်းဆောင်တွေက နောက်အခါ ဆွေးနွေးမယ်ဆိုတဲ့ reservation ကို မလိုပါ
ဘူးဆိုပြီး ပြည်မမှာဘဲ တခါထဲပေါင်းခဲ့ပါတယ် ။ သူတို့  တောင်းဆိုတာက တချက်ထဲပါ ။

(ဦးဝမ်းသူမောင် ရဲ့ စကားနဲ့ ဆိုရင်တော့ ပြည်မနဲ့  တန်းတူသာစဉ်းစားမယ်ဆို ကျွန်တော်တို့ ချင်း
တွေ ချင်းနယ်မှာတောင်စာရေးဖြစ်မယ်မထင်တဲ့  ၊)

     အဲကြောင့် ချင်းဝိသေသတိုင်းဆိုပြီး ပြည်မ နဲ့  တပေါင်းတည်း တိုင်းတတိုင်း ဒါပေမဲ့ နယ်ခံချင်း
လူမျိုးတွေကို ဦးစားပေးရမယ်ဆိုတဲ့  နားလည်မှု နဲ့ ဖြစ်လာတာပါ ။

     ပင်လုံစာချုပ်နဲ့  ၄၇ အခြေခံဥပဒေမှာ ဒီအချက်ပါနေသော်လဲ ၁၉၆၂ ဦးနေ၀င်းအာဏာမသိမ်း
ခဲ့ ရင် တကယ်တိုင်းရင်းသားတွေ ( အဓိက က ရှမ်းပြည်နယ် ) ဟာ ခွဲထွက်ဘို့ မလွယ်ဆိုတာ ကျွန်
တော်တို့  မဆလပညာရေးနဲ့ ကြီးလာသူတွေအတွက လက်ခံရခက်တဲ့  အချက်ပါ ။ ကျွန်တော့
အမြင်ကတော့ ရှမ်းခေါင်းဆောင်တချို့ က ခွဲချင်တယ်လို့ ဆိုဦး ။ တကယ် ပြည်သူ့ ဆန္ဒခံယူပွဲ
လုပ်ခဲ့ ရင် ခွဲရေးကနိုင်မနိုင်ဆိုတာ သံသယရှိပါကြောင်း ..
January 15, 2011 5:54 AM

tint said...

     ကျွန်တော်အတိုဆုံးထပ်ချုပ်ပါ့မယ် ။ ပင်လုံစာချုပ်ဟာ နားလည်မှုအပြည့်ရပြီးချုပ်ခဲ့တဲ့ စာချုပ်
ultimate agreement မဟုတ်ဘဲ လောလောဆယ် တောင်တန်းက ခေါင်းဆောင်တွေ အနေနဲ့ 
အင်္ဂလိပ်နဲ့ တော့ဆက်မနေနဲ့ ကွာ ပြည်မ နဲ့ တူတူ လွတ်လပ်ရေးယူတာပေါ့ ။ ကျန်တဲ့  နောင်ရေး
ကို အေးအေးဆေးကျမှ တူတူဆွေးနွေးကြတာပေါ့ ဆိုတဲ့  သဘောတူညီချက်ပါ ။

     ဒီလိုဆွေးနွေးဘို့ ကို ၆၂နှစ်ဦးထိ အချိန်မရတော့ဘဲ ဖြစ်နေခဲ့တာကတော့ ပြည်တွင်းစစ်ကြောင့်
ပါ ။ ၆၂ဆွေးနွေးမယ်လဲလုပ်ရော ။ အဲဒါကို အကြောင်းပြပြီး ဦးနေ၀င်းအုပ်စုက အနုကြမ်းစီးတော့
တာကိုး ။

ဒီတော့အေးအေးဆေးဆေးဆွေးနွေးခဲ့ရင် ပြည်ထောင်စုပြိုကွဲမယ်ဆိုတာကို လက်ခံမရပါကြောင်း ...
January 15, 2011 6:03 AM

tint said...

     အဲဒီလိုပြောလိုက်တဲ့ အခါကျတော့ ပြည်တွင်းစစ်ဟာ အလွန်အရေးကြီးတဲ့  နေရာမှာပါနေတာ
အားလုံးလက်ခံရမှာပါဘဲ ။

     ဒီတော့ပြည်တွင်းစစ် ဘယ်ကစလဲဆိုရင် လက်နက်ကိုင်တွေကစတယ်လို့ ဖြေရပါ့မယ် ။

     လက်နက်ကိုင်ရှိတိုင်းစစ်ဖြစ်ရောလားဆိုတော့  မဟုတ်ပါ ။
     ဒါဆိုရင် ထပ်ဖြေရရင် မတူညီသော လက်နက်ကိုင်အဖွဲ့ တွေ ရှိနေမှ စစ်ဖြစ်တယ်လို့  ထပ်ဖြေ
ရပါ့မယ် ။ အဲဒီမတူညီသော လက်နက်ကိုင်တွေ မြစ်ဖျားခံရာကို လိုက်ကြည့်ရအောင် ။

     အင်္ဂလိပ်သိမ်းပြီးနောက်မှာ မြန်မာပြည်က စစ်တပ်ဆိုတာ အိန္ဒိယအာမီလက်အောက်ခံတပ်ပါဘဲ ။
     ဒီထဲမှာ တိုင်းရင်းသားထဲက (၁၉၁၄-၁၈ ) ပထမကမ္ဘာစစ်အချိန်တိုလေးက လွဲရင် ကရင် ချင်းနဲ့ 
ကပြားတွေဘဲ လက်ခံခဲ့ ပါတယ် ။

     နောက် ခွဲရေး ( ၁၉၃၇နောက်ပိုင်းကျတော့ ကရင်ချင်းနဲ့ ကပြားတွေကို Burma rifles ဆိုပြီး ဖွဲ့ 
ပေးခဲ့ပါတယ် ။ ၂ညိ ကြမာေ Burma rifles တွေဟာ ၁၉၄၂ တပ်ဆုတ်တော့ 2nd burma rifles က
လွဲရင် ဖျက်ပစ်ခံရပြီး အဲထဲက ကရင်တိုင်းရင်းသားများရာစုဟာ မိမိနေရပ်ရွာတွေဆီ ပြန်ရောက်
လာပါတယ် ။ စစ်ပြန် ကရင်အမျိုးသားတွေလက်ထဲမှာ သူတို့ ရဲ့ ကိုယ်ဆောင်လက်နက် ( sidearms )
တွေပါလာပါတယ် ။

     ဒီနေရာမှာ အင်္ဂလိပ်ရဲ့ မရိုးသားမှုကိုသတိထားမိစေလိုပါတယ် ။
     တပ်ဖျက် တပ်ထွက်တဲ့ အခါ ဘယ်စစ်တပ်မဆို စစ်ပြန်အရပ်သားကို လက်နက်နဲ့  ပေးမပြန်ပါ
ဘူး။ တပ်ကထုတ်ပေးတဲ့  လက်နက်ကို တပ်ပြန်အပ်ရပါတယ် ။

     အင်္ဂလိပ်ဟာ ခုန Burma rifles စစ်ပြန်တွေကို ရိုင်ဖယ်နဲ့  ကျည် ၅၀စိထုတ်ပေးခဲ့ ပါတယ် ။
     ဒီလူတွေဟာ မိမိအရပ်မှာ နောင်အခါ KNDO ရဲ့ အမြုတေတွေဖြစ်လာပါတယ် ။

     ဒါက တဖွဲ့  ။
January 15, 2011 6:21 AM

tint said...

     နောက်တဖွဲ့ ကတော့ အများသိကြတဲ့  ရဲဘော် ၃ကျိပ်ပါဘဲ ။

     အကျယ်တော့မချဲ့ တော့ပါဘူး
     ဒီနေရာမှာ မြှုပ်ကွက်လေးတွေဘဲထောက်ချင်ပါတယ် ။

     မူလစီမံချက်ကဗိုလ်ချုပ်အောင်ဆန်းရွေးတဲ့  လူငယ် ၅၀ကို ခေါ်ထုတ် စစ်ပညာသင် ။
     ပြီးရင် ပြည်တွင်းပြန်ပို့  မီနာမီ ကီကန်းရဲ့  လူအနဲငယ်နဲ့  လက်နက်အထောက်အပံ့နဲ့ 
အင်္ဂလိပ်ကိုချ

     ဒီအစီအစဉ်ကို ဥိးဆောင်လုပ်ခဲ့တဲ့  နောင်ဗိုလ်မိုးကြိုးခေါ်တဲ့  ဗိုလ်မှူးကြီးဆူဇူကီးကလွဲရင်
ကျန်တဲ့  သူတွေဟာ တယောက်မှ Japan Imperial Army မှာ လက်ရှိ ရာထူးရှိမနေသော
စစ်ပြန်အရပ်သားများသာဖြစ်ပါတယ် ။

     မူလစီမံချက်က ဂျပန်နဲ့ အင်္ဂလိပ် စစ်မဖြစ်ခဲ့ ရင်ဂျပန်ဘက်ကကြည့်ရင် အင်မတန်လှတဲ့ 
အကွက်ပါ၊ ဗမာတွေအောင်မြင်ရင် တရုပ်ဗမာလမ်းမကြီးပိတ်သွားမယ် ။ မအောင်မြင်တောင် အနဲ
ဆုံး အင်္ဂလိပ်အဘို့  ဂျပန်နဲ့ တိုက်နေတဲ့  တရုပ်ကို အကူပေးနေရာမှာခြေတုန့် သွားမယ် ။ တကယ်
လို့ ခုန ဗမာတွေနဲ့  သူတို့ ကို အကူပေးနေတဲ့  ဂျပန်တွေ ဖမ်းမိသွားလဲ ဂျပန်အစိုးရအဘို့ ကတော့
ငါတို့ နဲ့ မဆိုင် လို့ ငြင်းရတဲ့  အတွက်အရှုံးမရှိ

     အဲအစီအစဉ်တွေဟာ တကယ်ကျတော့ တခုမှဖြစ်မလာဘဲ ဗိုလ်ချုပ်လိုချင်တဲ့  လူတွေက
ပါမလာ ။ သူ မသိတဲ့  လူတွေက ပါလာ

     နောက် ဂျပန်ကလဲ စင်္ကာပူ ခံတပ်ကျပြီး ပိုနေတဲ့  Divsions ၂ခုကို ဗမာစစ်မြေပြင်လွှတ်ပြီး
ရဲဘော် ၃ကျိပ်မဆိုထားနဲ့  ရဲဘော် ၃ကျိပ်ဆရာ စစ်ပြန် ဂျပန်တွေတောင် Imperial army က
အရာရှိတွေက ပါးရိုက်ခံနေရတဲ့ ဘ၀နဲ့  ဗမာပြည်တွင်းရောက်လာပါတယ် ။

     ဒါပေမဲ့  သူတို့  ဟာ နောင် ဘီအိုင်အေပြန်ဖွဲ့  ဘီဒီအေပြောင်းတဲ့ အခါ ထိပ်တန်းရာထူးတွေကို
ဦးစားပေးခံလာရပါတယ် ။ များရာစုဟာ နောင်ကွန်မြူနစ်တွေနဲ့  လူချင်းဝါဒချင်း နီးစပ်နေကြပါတယ် ။
January 15, 2011 6:35 AM

tint said...

     နောက်တဖွဲ့ ကျတော့တမျိုး

     ကျောင်းသားဘ၀ကနေ အင်္ဂလိပ်ကို ရရာ လက်နက်နဲ့  ရသလိုချမယ်ဆိုပြီး ယူဂျီတွေမှာ
ခေါင်းဆောင်လာနိုင်တဲ့  လူငယ်စုတွေပါဘဲ ။ ပညာတတ်တွေများပြီး ခုန ယူဂျီမှာ ခရိုင်တာဝန်ခံ
ကြီးတွေ ဗဟိုတာဝန်ခံကြီးတွေ လုပ်နေရာကနေ ဘီအိုင်အေရောက်လာတော့ တပ်ထဲပါလာပြီး
တပ်ထဲ ဆက်နေနေတဲ့  လူငယ်စုတွေပါဘဲ ။ သူတို့ ထဲမှာ ပညာနဲ့ သဘာအရ ဂျပန်ပြန်တချို့
ထက်သာသော်လဲ တပ်ထဲမှာတော့ ဒုတိယ ဦးစားပေးဘဲ ဖြစ်နေသူတွေပါဘဲ ။

     ချွင်းချက်က ဂျပန်ပြန်ထဲက ပဲ့ထွက်လာတဲ့  ဗိုလ်နေ၀င်းပါဘဲ ။
     သူတို့ ကို ယူနစ်အုပ်စုလို့ သိလာကြပါတယ် ။
January 15, 2011 6:42 AM

tint said...

     သခင်စိုးရဲ့  အလံနီဖြစ်လာမဲ့ ရဲနီတွေကတော့ စိတ်ဝင်စားစရာကောင်းပေမဲ့ သမိုင်းကြောင်းအရ အရေးမပါလှလို့  ထားခဲ့ပါ့မယ် ။

     နောက်ဆုံး လက်နက်ကိုင်အစုကတော့ အင်္ဂလိပ်စစ်တပ်နဲ့  ပြန်ပါလာတဲ့ ကရင် ၃ရင်း ချင်း ၃ရင်း
( မူလ ၂ရင်း ကနေချဲ့  ) ကချင် ၂ရင်း နဲ့ ကပြားတွေအများစုပါတဲ့  2nd Burma rifle ပါဘဲ ။
January 15, 2011 6:45 AM

tint said...

     အဲလူတော့စုံပြီ ။
     သူတို့  ကို ဘယ်သူတွေက ကိုင်ထားလဲ ကြည့်ရအောင် ။

     ၄၇မှာ စစ်ဦးစီးက ဗိုလ်ချုပ်စမစ်ဒွန်းဦးစီးတဲ့  ကရင်အများစုပါတဲ့ HQ ပါဘဲ . ။
     သူတို့ အမိန့် နဲ့ အုပ်ချုပ်မှုကို စောဒကမတက်ဘဲ လိုက်နာတာက တိုင်းရင်းသား တပ်တွေဘဲ
ရှိပါတယ် ။

     မူလ ဂျပန်ပြန်အုပ်စုနဲ့  နီးစပ်တဲ့  ကွန်မြူနစ်ယိမ်းတဲ့  အစုတွေက ဗိုလ်မှူးဇေယျ ဗိုလ်မှူးရဲထွဋ်က
တဆင့် ကွန်မြူနစ်ပါတီရဲ့  ညွှန်ကြားချက်ကို အဓိကခံယူပါတယ် ။

     မူလ ယူနစ်အုပ်စုနဲ့ နီးစပ်တဲ့ သူတွေက အဲအချိန်မှာတောင်ပိုင်းတိုင်းမှူးလုပ်နေတဲ့ ဗိုလ်နေ၀င်းဆီ
အဓိက အမိန့် ခံကြပါတယ် ။

     ဒီအခြေအနေမှာ လက်ရှိအာဏာရ ဖဆပလ ( ဆိုရှယ်လစ်ပါတီ ) က သူတို့ ကို အချိန်မရွေး ဒုက္ခ
ပေးနိုင်တဲ့  အခြားလက်နက်ကိုင်တွေကို ထိန်းနိုင်ဘို့ အတွက် တပ်အပြင်မှာလက်နက်ကိုင်တပ်တွေ
ကို စုဖွဲ့ ပါတယ် ။ ဒီလက်နက်ကိုင်တွေရဲ့  ဖွဲ့ စည်းပုံဟာ အလွန်လျော့ရဲပါတယ် ။ သူတို့ ကို အဓိက
ကိုင်ကွယ်ရသူက စစ်ရုံးကြီးမှာ ဦးစီးအရာ၇ှိအဖြစ် တပ်ထဲပြန်ဝင်လာတဲ့ ဦးအောင်ကြီးပါဘဲ ( ဆို
ရှယ်လစ်ပါတီက အတွင်းရေးမှူးရာထူးကနေ ထွက်ပြီး တပ်ထဲပြန်ဝင်တာပါ ။ ) သူ နဲ့  အဓိက ဆက်
သွယ်နေတဲ့ အစိုးရထဲကလူကတော့ ဦးကျော်ငြိမ်းပါ ။

     အဲဒီတပ်တွေဟာ နာမည်အလွန်ပျက်ပါတယ် ။ပျက်လောက်အောင်လဲ အကြောင်းခံရှိပါတယ် ။
     တပ်ဆိုသော်လဲ ဖွဲ့ စည်းပုံ ။လေ့ကျင့်ရေးထောက်ပံ့မှု တခုမှ မပြည့်စုံပါ ။ ခေါင်းဆောင်လုပ်သူ
တွေကို မင်းစစ်ဗိုလ်ကြီးဘဲ ။ ပိုက်ဆံတော့မပေးနိုင်ဘူး ။ လက်နက်လဲ ကိုယ့်ဟာကိုယ်ရှာ ။ စစ်သား
လဲ မင်းဟာမင်းစု ။ သူပုန်ဖြစ်လာမဲ့ ကောင်တွေချတော့ဆို လွှတ်လိုက်တာကိုး ။
January 15, 2011 6:59 AM

tint said...

     အဲဒါဟာ ၄၇ကနေ ၄၉နှစ်ဦးထိ အကြမ်းဖျင်းအခြေအနေပါဘဲ ။
     တပ်တွေလို့ ခေါ်ရမှာထက် ရောင်စုံလက်နက်ကိုင်တွေလို့ ဆိုရမဲ့  အခြေအနေပါ ။ ဘယ်သူက
စတယ်ဆိုတာထက် ဘယ်တော့စမလဲ ဆိုတဲ့  အခြေအနေပါဘဲ ။

     အဲကနေ ပြည်တွင်းစစ်ဖြစ်လာတော့ စားသာတဲ့  အကွက်တွေ ပေါ်လာပါတယ် ။ ခုနလို နောက်
က ထောက်ပံ့ရေးမရှိဘဲ ကိုယ့်ပိုက်ဆံကိုယ်ရှာတိုက်ရတော့ ဗိုလ်လုပ်တဲ့ သူ သိပ်ကိုက်တာပေါ့ ။

     အဲတော့ ပေါ်တာ ပြဿနာကို ရောက်လာပါတယ် ။
     တောတွင်းတိုက်နေတဲ့  ၀င်းဂိတ်တို့ က ပေါ်တာမဆွဲဆိုတာ သူတို့ ကထောက်ပို့ မှာ လေယာဉ်
နဲ့  လားသုံးတာကိုး ။ ခုတပ်တွေက လေယာဉ်လဲမရှိ ။ လားလဲ မရှိတော့ လူဖမ်းထမ်းခိုင်းတော့တာပါ
ဘဲ ။ ဒီတင်စားသာတဲ့ အကွက်က ပေါ်ပြန်ရောဆိုပါတော့ ။

     လူ ၂ ရာဖမ်း ၃ ပါတ်ခိုင်းတယ်ဆိုပါတော့ ။ စာရင်းမှာ လူ ၃၀၀ တလခိုင်းတယ်ဆိုရင် ။
     ဒါက ပထမဆင့် ၊
     နောက်တဆင့်ကျ အဲ လူ ၂ ရာကို တရားဝင်နှုန်းတနေ့  ၃ ကျပ်ပေးမဲ့ အစား တနေ့  ၂ ကျပ် ။
အဲကနေ တပြားမှ မပေးတော့တာက နောက်ဆုံးအဆင့် ။ ဒါက စားကွက်တကွက်ဘဲပြောတာနော်။
နောက်ဟာတွေက နဲဘူး ။

     ဒါဘဲဗျ ။ အဲကနေ စတုန်းက တယောက် ၂ယောက် ဖေါက်လုပ်ကြည့်ရာကနေ နောက်ကျတော့
များရာစု လုပ်တဲ့ အလုပ် အဲကနေ နောက်ဆုံးကျတော့ လူတိုင်းမလုပ်မနေရ အလုပ်ဆိုပြီး တဖြည်း
ဖြည်းပုံပြောင်းလာတာပါဘဲ ။

     ၁၉၄၇ကစလိုက်တာ ၅၅-၅၆ လောက်ကျတော့ တော်တော်အသားကျနေပြီ ။ ဒါပေမဲ့  တပြည်
လုံး အနုကြမ်းစီးနိုင်တဲ့  အဆင့်တော့မရှိသေးဘူး ။
January 15, 2011 7:14 AM

ကျော်ထင် said...

     ဆရာတင့် ဆွေးနွေးချက်တွေထဲက အချက်တချက်ကိုပဲ နည်းနည်းလောက် ဆွေးနွေးချင်ပါတယ်။

(နောက် ၁၀နှစ်ကြာရင် သီးခြားပြည်နယ်ထောင်လိုက ထောင်နိုင်တယ်ဆိုတာလဲ ဒါကြောင့်ပါဘဲ ။
သဘောကတော့ ရေရှည်အတွက်ကို ဒီ ၁၀နှစ်အတွင်း ထပ်ညှိကြတာပေါ့ဆိုတဲ့ သဘောပါ ။))

အဲဒီအချက်နဲ့ ပတ်သက်လို့ပါ။

     ပင်လုံစာချုပ်မှာ အဲဒီအချက် လုံးဝမပါ ပါဘူး။ ညီညွတ်သော ဗမာပြည်နယ်နိမိတ်အတွင်းမှာ
သီးခြားကချင်ပြည်နယ်တခု တည်ထောင်ရန်ပြသနာကို နောင်တွင်လွှတ်တော်မှာ ဆွေးနွေးဖို့
သဘောတူသည်။ ထိုသို့ပြည်နယ် တည်ရှိခွင့်ကို မူအရသဘောတူသည်. အဲဒီအချက်ပဲ ပါပါတယ်။

     ဒါပေမယ့် ၄၇ အခြေခံဥပဒေမှာတော့ နောင် ၁၀ နှစ်ကြာရင် ခွဲလိုက ခွဲထွက်နိုင်သည်လို့ ပါ
တယ်လို့ လေ့လာသူများက ပြောကြတာမှတ်သားရပါတယ်။

     အဲဒီအချက် ၂ခုကိုရောချပြီး ပင်လုံစာချုပ်ဟာ ဗိုလ်ချုပ်တို့ အလောသုံးဆယ်နဲ့ လုပ်လိုက်ရတဲ့
တိုင်းပြည်ပြိုကွဲဖို့အစပြုသော သဘောတူညီချက်ဖြစ်တယ်ဆိုတဲ့ သဘောတရားမျိုးကို စစ်တပ်က
အမြဲကိုင်ဆွဲလာခဲ့ပါတယ်။ အခုလဲ ပင်လုံနဲ့ ဖက်ဒရယ်ဆိုတဲ့ စကားလုံးတွေအပေါ် စစ်တပ်က
ဘယ်လိုသဘောပေါက်လက်ခံထားသလဲဆိုတာ လက်ရှိမှာ ပင်လုံကဲ့သို့ညီလာခံခေါ်ယူရေးအပေါ်
နအဖရဲ့ တုံ့ပြန်မှုတွေနဲ့၊ ဖက်ဒရယ်ဆိုတာ တိုင်းပြည်ကွဲဖို့ဖြစ်တယ်ဆိုတဲ့ နအဖထိပ်သီး ဗိုလ်မောင်
အေးစကားတွေက သက်သေခံနေတယ်။

     သီးစစ်ရေးရင်း အားတဲ့အချိန် ခေါင်းဆေးတဲ့အနေနဲ့ အမြန်ဝင်ရေးရတာဖြစ်တော့ အကိုး
အကားတွေနဲ့ အတိအကျ မရေးနိုင်တာတော့ သည်းခံပေးပါ။ ၄၇အခြေခံဥပဒေထဲက အချက်တွေ
အကြောင်း သိသူများ မျှဝေရင် ကျေးဇူးပါ။
January 15, 2011 4:00 PM

tint said...

     ပင်လုံကို
     စစ်တပ်က ဘယ်လိုသဘောပေါက်တယ်ဆိုတာထက် ၆၂ ကနေ ခုထိ တပ်ကိုကိုင်ထားသော
ထိပ်တန်းအရာရှိများရဲ့  သဘောထားဆိုရင်ပိုမှန်ပါမယ် ။ ဒီ ၂ ခုကို တူတူဘဲလို့  ကျွန်တော်လက်ခံ
မရပါ ။

     နောက်တခုက ဖက်ဒရယ်ကိစ္စ။
     ကျွန်တော်တို့  ခုဆွေးနွေးနေကြတဲ့ ထိက မြန်မာပြည်ပြဿနာကို အတိတ်က ဒီလိုအချက်တွေ
ရှိခဲ့ တယ်ဆိုတာဘဲ ခြေရာကောက်နေတုန်းဘဲ ဖြစ်သေးတယ် ။ ဖက်ဒရယ်ပြည်ထောင်စု စနစ်အ
ကြောင်းကို ဆွေးနွေးချင်ရင်တော့ နောက်ကောက်ကြောင်းတခု ပြန်စရမှာပါဘဲ ။ မြန်မာဟာ မြန်
မာပြဿနာရှိသလို ဖက်ဒရယ်စနစ်ကျင့်သုံးသောနိုင်ငံတွေမှာလဲ သူ့ ပြဿနာနဲ့  သူရှိနေတာပါဘဲ ။
ဒါကို ဆွေးနွေးမယ်ဆိုရင် ဖက်ဒရယ်စနစ်ကျင့်သုံးသော နိုင်ငံ တခု ( ဥပမာ USA ) ရဲ့ သမိုင်း
ကြောင်းနဲ့  သူ့ ပြဿနာတွေကိုကောက်ကြောင်းကောက်ရမှာပါ။
January 15, 2011 7:29 PM

tint said...

     ပင်လုံကို ဗိုလ်ချုပ်တို့ လောလုပ်ခဲ့တယ်ဆိုတဲ့  ကောက်ချက်ဟာ သမိုင်းသဘောကို မျက်ကွယ်
ပြုရာကျနေမယ်ဆိုတာကို ကိုကျော်ထင်ပြောတာကို လက်ခံပါတယ် ။ ဒါကိုပေါ်လွင်အောင်လဲ ပင်
လုံရဲ့  အဓိက ရည်ရွယ်ချက် (တောင်တန်းပြည်မ အတူတူလွတ်လပ်ရေးယူရန် xမြောက်ခဲ့ကြောင်း
ကျွန်တော်တော်တော်ရှည်ရှည်ရေးပြခဲ့တာပါ ။

     လစ်ဘီဗျာ ဒီနေ့  ၁၂နာရီ အွန်ကော ။ နက်ဖန် တခြားကိစ္စလေးတွေ မန်းဒေးကားကိစ္စနဲ့  သွေး
လှူဘို့  ။ ဒီထဲကို နောက်တပါတ်လောက်တော့မရောက်နိုင်ဗျို့ ..
January 15, 2011 7:34 PM