Critical Thinking မိတ်ဆက် (၃-၁)

   ဆန်းစစ်ဝေဖန်တွေးခေါ်ခြင်းဟာ အင်မတန်ပဲအရေးကြီးသလား ။ ဘာလို့ ပညာဥာဏ်မြင့်မားသူ

တွေအပါအဝင် လူအတော်များများ ဆန်းစစ်ဝေဖန်တွေးခေါ်ဖို့ရာမှာ ခက်ခဲနေကြသလဲ ။

   ယေဘုယျဆိုရရင်တော့ ကျော်လွှားဖို့လိုတဲ့ ရှုပ်ထွေးတဲ့အဟန့်အတားတွေရှိလို့ပါပဲ ။ အဲဒီအထဲက

အချို့ကိုစာရင်းလုပ်ဖေါ်ပြရရင်တော့ -

   (၁)  သက်ဆိုင်သော နောက်ခံသတင်းအချက်အလက်များ မရှိခြင်း (lack of relevant background

          information) ၊

   (၂)  စာဖတ်အရည်အချင်းများ ချို့တဲ့မှု (poor reading skills) ၊

   (၃)  ဘက်လိုက်ခြင်း (bias) ၊

   (၄)  အခြေအမြစ်မရှိသော အစွဲအလမ်း (prejudice) ၊

   (၅)  အယူသီး ၊ အစွဲအလမ်းကြီးခြင်း (superstition) ၊

   (၆)  အတ္တကြီးခြင်း အလေ့အထ (မိမိကိုယ်ကို ဗဟိုပြု တွေးခေါ်ခြင်း) [egocentrism (self-centered

          thinking)] ၊

   (၇)  ပတ်ဝန်းကျင်လူမှုအုပ်စုကို ဗဟိုပြုသော အလေ့အထ (အုပ်စုဗဟိုပြု တွေးခေါ်ခြင်း၊ အုပ်စုစိတ်

          ဓါတ်) [sociocentrism (group-centered thinking)] ၊

   (၈)  အပေါင်းအဖေါ်များ၏ ဖိအား (peer pressure) ၊

   (၉)  ထုံးတမ်းစဉ်လာနောက်လိုက်ခြင်း အလေ့အထ (conformism) ၊

   (၁၀)  ဒေသအစွဲရှိခြင်း အလေ့အထ (provincialism) ၊

   (၁၁)  သဘောထားကျဉ်းမြောင်းခြင်း (narrow-mindedness) ၊

   (၁၂)  ပြင်ပအတွေး အမြင် အသိများကို လက်မခံခြင်း (close-mindedness) ၊

   (၁၃) ကျိုးကြောင်းအပေါ် မယုံကြည်မှု (distrust in reason) ၊

   (၁၄) ကိုယ်ပိုင်ယူဆချက်အပေါ်အရင်းခံသော အတွေးအခေါ် (relativistic thinking) ၊

   (၁၅)  ပုံသေကားကျဖြစ်ခြင်း (stereotyping) ၊

   (၁၆)  အကြောင်းမဲ့သော ယူဆချက်များ (unwarranted assumptions) ၊

   (၁၇)  မဆိုင်သည်ကို အပြစ်ပုံချခြင်း (scapegoating) ၊

   (၁၈)  ရှာကြံအကြောင်းပြခြင်း (rationalization) ၊

   (၁၉)  ငြင်းပယ်ပိတ်ပင်ခြင်း (denial) ၊

   (၂၀)   ဖြစ်ချင်သောအတွေး (wishful thinking) ၊

   (၂၁)   ရေတိုအတွေး (short-term thinking) ၊

   (၂၂)  ရွေးချယ် (ဇီဇာကြောင်သော) သိမြင်နားလည်ခြင်း (selective perception) ၊

   (၂၃)  ရွေးနှုတ်မှတ်မိသတိရခြင်း (selective memory) ၊

   (၂၄)   မွှန်ထူနေသော စိတ်ခံစားမှုများ (overpowering emotions) ၊

   (၂၅)   မိမိကိုယ်ကို လှည့်စားခြင်း (self-deception) ၊

   (၂၆)   မျက်နှာမပျက်အောင် ကာကွယ်ခြင်း ၊ အသရေဆယ်ခြင်း (face-saving) ၊

   (၂၇)   အပြောင်းအလဲကို ကြောက်ရွံ့ခြင်း (fear of change) တို့ပဲဖြစ်ကြပါတယ် ။

   အဲဒီအထဲကမှ အဓိက အဟန့်အတားဖြစ်နေကြတဲ့ အချို့အချက်တွေကို အကျယ်ချဲ့ကြည့်ကြ

ရအောင် ။

□ အတ္တကြီးခြင်း အလေ့အထ (Egocentrism)

   ဒီအလေ့အထဟာ လူတိုင်းဆီမှာ အတိုင်းအတာတစ်ခုအထိ သက်ရောက်မှု ရှိတတ်တာမျိုးပါ ။

အတ္တကြီးရင်ကြီးသလို ကိုယ့်ကိုယ်ကို လောကကြီးတစ်ခုလုံးရဲ့ အလယ်မှာထားပြီး ကိုယ်စိတ်ပါ

ဝင်စားရာ ၊ စိတ် ကူးစိတ်သန်းနဲ့ ထားရှိတဲ့တန်ဖိုးတွေဟာ အခြားသူတွေထက်သာတယ်လို့ ယူဆ

တတ်ကြပါတယ် ။ ဒီအလေ့အထမှာ နှစ်မျိုးခွဲလို့ရပါတယ် ။

▫ Self-interested thinking  – လူတစ်ယောက်ရဲ့ အရာရာကို ကိုယ့်အလိုကျ ဟန်ချက်ညှိလက်ခံပြီး

ဒါကိုလည်း ယုံယုံကြည်ကြည်ကာကွယ်ဖို့ဖက်ကို ယိမ်းယိုင်တာမျိုးပါ ။ ဥပမာဆိုရရင် -

◊ ဆရာဝန်အများစုက သူတို့ကို တရားစွဲဖို့ခက်အောင်လုပ်တဲ့ဥပဒေကို ထောက်ခံကြပါတယ် ၊ (ဒါကို

   တရားတဘောင်နဲ့ အသက်မွေးတဲ့ ရှေ့နေအများစုကတော့ မထောက်ခံပါဘူး) ၊

◊ ကျောင်းဆရာအများစုက အလုပ်တည်မြဲရေး ၊ ခံစားခွင့်အမျိုးမျိုးရရှိရေး ၊ စာသင်ချိန်နည်းရေးနဲ့

   ကျောင်း ဆုံးဖြတ်ချက်တွေချရာမှာ ပါဝင်လိုကြပါတယ် ၊ (အခွန်ဆောင်သူတွေနဲ့ ကျောင်းအုပ်ချုပ်

   ရေး တာဝန်ခံတွေကတော့ ဒီလိုမတွေးပါဘူး) ၊

◊ အလုပ်သမားတွေက အလုပ်ရုံပိတ်ပစ်တာကို ကြိုတင်အသိပေး အကြောင်းကြားစေမယ့် ဥပဒေ

   တွေကို ထောက်ခံပါတယ် ၊ (အလုပ်ရှင်တွေကတော့ ဆန့်ကျင်ဖက်တွေးကြပါတယ်) ၊

◊ မဲပေးသူအတော်များများက တိုင်းပြည်ရဲ့ ငွေကြေးဆိုင်ရာ ပြုပြင်ပြောင်းလဲမှုတွေကို လိုချင်ကြပါ

   တယ် ၊ (ရွေးကောက်ခံထားရတဲ့ နိုင်ငံရေးသမားတွေကတော့ မကြိုက်ကြပြန်ပါဘူး) ။

   ဒီကိစ္စရပ်တွေမှာ ခိုင်လုံတဲ့ အရင်းခံအကြောင်းပြချက်တွေ ရှိနိုင်ကြပါတယ် ။ ဒါပေမယ့် စိတ်ပိုင်း

ဆိုင်ရာ ရှုထောင့်ကနေကြည့်ရင်တော့ အတ္တအခြေပြု အတွေးအမြင်တွေဟာ အတိုင်းအတာတစ်ခု

အထိ ပါဝင်ပတ်သက်နေကြပါတယ် ။

   တစ်ဖက်မှလည်း ကိုယ်ကျိုးဖက်အတွေးတွေဟာ နားလည်ခွင့်လွတ်ပေးလို့ရတယ်လို့ မြင်ရနိုင်ပါ

တယ် ။ ဥပမာ - ဒါဟာ ငါ့အတွက်အကျိုးရှိတယ် ၊ ဒီတော့ ဒီအရာဟာကောင်းတယ်ဆိုတဲ့ အတွေး

မျိုးတွေဟာ လူတွေကို အမြဲတမ်းဆွဲဆောင်နေပါတယ် ။ ဒါပေမယ့် critical thinking အတွက် က

တော့ ဒါတွေဟာ အဓိကအဟန့်အတားတွေ ဖြစ်နေတတ်ပါတယ် ။ တခါတရံမှာ နာကျင်ကောင်း

နာကျင်စေမှာဖြစ်ပေမယ့် သက်သေခံတွေနဲ့ ငြင်းခုံချက်တွေကို မျှမျှတတဘက်မလိုက်ပဲ ချိန်ဆဖို့

လိုပါတယ် ။

▫Self-serving bias  - ဒါကတော့ ကိုယ့်ကိုယ်ကို ရှိတာထက်ပိုပြီး အကဲဖြတ်တတ်တဲ့ ယိမ်းယိုင်မှု

   မျိုးပါ ။ အချို့ကတော့ သူတို့ကိုယ်ကို ဒီအနေအထားကနေ ကင်းလွတ်တယ်လို့ ထင်တတ်ပါတယ် ။

အဲဒီလို ထင်မိပြီ ဆိုရင်တော့ ကိုယ့်ဘာသာလှည့်စားနေမိလားဆိုတာ သတိထားရပါတော့မယ် ။ အမှန်

တော့ ကိုယ့်ဘက်ကိုယ် လိုက်တတ်တာဟာ အပေါ်လွင်ဆုံး လက္ခဏာတစ်ရပ်ပါ ။

   သုတေသနတစ်ခုရဲ့အဆိုအရ အထက်တန်းကျောင်းသားပေါင်း “တစ်သန်း” ကို သူတို့ရဲ့ “ပေါင်းသင်း

ဆက်ဆံရေး အရည်အချင်း” နဲ့ပတ်သက်ပြီး မေးခွန်းမေးခဲ့ရာမှာ တစ်ယောက်မှ မိမိကိုယ်ကို ညံ့ကြ

တယ်လို့ မထင် တာတွေ့ရပါတယ် ။ တက္ကသိုလ်ပါမောက္ခ ၉၀% ကျပြန်တော့ သူတို့ရဲ့ စာသင်ကြား

တဲ့ အရည်အချင်းဟာ သာမန်ထက်ပိုတယ် (ကောင်းတယ်) လို့ ဖြေကြားခဲ့ကြပါတယ် ။

   အမှန်တကယ် လုပ်ကိုင်အောင်မြင်မှုတွေအပေါ် အခြေခံတဲ့ ကိုယ့်ကိုယ်ကိုယုံကြည်မှုဟာ အောင်

မြင်မှု အတွက် အရေးကြီးတဲ့အစိတ်အပိုင်းဖြစ်ပေမယ့် ၊ လွန်ကဲတဲ့ယုံကြည်မှုကတော့ ပုဂ္ဂိုလ်ရေး

အရကော ဥာဏ်ရည်တိုးပွားရေးအတွက်ပါ အတားအဆီးတွေ ဖြစ်လေ့ရှိပါတယ် ။

□ ပတ်ဝန်းကျင်လူမှုအုပ်စုကို ဗဟိုပြုသော အလေ့အထ (Sociocentrism)

   ဒီအလေ့အထဟာ critical thinking ကို နည်းလမ်းအမျိုးမျိုးနဲ့ လွဲချော်စေနိုင်ပါတယ် ။ အဲဒီ အထဲ

က အဓိကနှစ်မျိုးကို ကြည့်ရအောင် ။

▫ Group bias  - လူတစ်ဦးဟာသူ့မိသားစု ၊ လူမှုအသိုင်းဝိုင်း ၊ ဒါမှမဟုတ် နိုင်ငံနဲ့ပတ်သက်လို့ ပိုပို

  သာသာ ရှုမြင်တတ်ကြပါတယ် ။ တဆက်ထဲမှာပဲ အပြင်လူလို့ သတ်မှတ်ထားတဲ့သူတွေအပေါ် သံ

သယနဲ့ သို့မဟုတ် မျက်နှာသာမပေးတဲ့ ပုံစံမျိုးတွေနဲ့ ကြည့်တတ်တဲ့အလေ့တွေဟာ အလွယ်တကူ

တွဲပါလာတတ်ပါတယ် ။ ဒါဟာ သမိုင်းအစဉ်အဆက်တစ်လျှောက် မှန်မှန်ဖြစ်နေခဲ့တဲ့ အလေ့ပါ ။

ဒီစိတ်ထားမျိုးဟာ ငယ်စဉ်ကတည်းက မသိစိတ်ထဲ ဝင်ရောက်ကိန်းအောင်းနေတတ်ပြီး ဆွစ်ဇာလန်

လူမျိုး ပညာရှင်တစ်ယောက်ကနေ စမ်းသပ်မှုတစ်ခု ပြုလုပ်ခဲ့ရာမှာ ခုလိုတွေ့ရပါတယ် ။

   စဉ်းစားတွေးတော တတ်လာကာစအရွယ် ၊ စကားကိုလည်း အမှန်အတိုင်းဖြေတတ်တဲ့ အရွယ်ဖြစ်

တဲ့ ၈ နှစ်သား ဆွစ်ဇာလန်ကလေးလေးတစ်ယောက်ကို ရွေးချယ်မေးမြန်း ခဲ့ရာမှာ -

ပညာရှင်     -  အကယ်၍ မင်းကို ကြိုက်တဲ့နိုင်ငံရဲ့ နိုင်ငံသားအဖြစ်ကို ပေးမယ်ဆိုပါတော့ ၊ ဘယ်နိုင်ငံကို

                    ရွေးမှာလဲ ။

ကလေးငယ် -  ဆွစ်ဇာလန်နိုင်ငံသားပါ ။

ပညာရှင်     -  ဘာဖြစ်လို့လဲ ။

ကလေးငယ် - ကျနော်ဒီမှာမွေးလို့ပါ ။

ပညာရှင်     -  ဆွစ်နဲ့ ပြင်သစ်လူမျိုးနှစ်မျိုးလုံးဟာ စိတ်ကောင်းကြတယ် ၊ သူတို့စိတ်ကောင်းတာခြင်း

                    အတူတူပဲလား ၊ ဒါမှမဟုတ် ဘယ်လူမျိုးက ပိုကောင်းသလဲ ။

ကလေးငယ် -  ဆွစ်လူမျိုးပါ ။

ပညာရှင်     -  ဘာဖြစ်လို့လဲ ။

ကလေးငယ် -  ပြင်သစ်တွေဟာ အမြဲတမ်းဆိုးကြတယ် ။

ပညာရှင်     -  ဒါနဲ့ ဆွစ်နဲ့ပြင်သစ်လူမျိုးတွေ ယှဉ်လိုက်ရင် ဘယ်လူမျိုးက ပိုဥာဏ်ကောင်းသလဲကွ ။

ကလေးငယ် -  ဆွစ်လူမျိုးပါ ။

ပညာရှင်     -  ဘာကြောင့်လဲ ။

ကလေးငယ် -  ဆွစ်လူမျိုးတွေက ပြင်သစ်စကားကို ခဏလေးသင်ရုံနဲ့ တတ်ကြတယ် ။

   ဒီပညာရှင်ကပဲ ပြင်သစ်ကောင်လေးတစ်ယောက်ကို အမေးအဖြေလုပ်ပြန်ပါတယ် ။

   ထွက်လာတဲ့အဖြေတွေက အပေါ်ကနဲ့ မတိမ်းမယိမ်းပါပဲ ။ ပြင်သစ်တွေက အားလုံးသာတာပေါ့ ။

   နောက်ဆုံး မေးခွန်းမေးဖို့က ပညာရှင်ကိုယ်တိုင်ကိုပါပဲ ။ ဒီတော့ ဘယ်နိုင်ငံက ပိုသာသလဲ ။ ဆွစ်

ဇာလန်ပညာရှင်ရဲ့ အဖြေကရှင်းပါတယ် ။ ဆွစ်ဇာလန်နိုင်ငံဟာ ပြင်သစ်ထက် အမြဲတမ်းသာနေခဲ့

တာကြောင့် ဆွစ်ဇာလန်က သာပါတယ်တဲ့ခင်ဗျား ။

▫ Conformism  - ဒါကတော့ လူတွေရဲ့အုပ်စုနောက်ကို ယိမ်းပြီးလိုက်သွားတတ်တဲ့ အလေ့ပါ ။ အုပ်

   စုဝင် ဖြစ်ချင်တဲ့စိတ်ထားဟာလည်း ဒီအုပ်စုရဲ့ သြဇာ သို့မဟုတ် ယုံကြည်ချက်နဲ့ သတ်မှတ်ထား

   တဲ့ လုပ်ဆောင်ရမှာတွေကို မစဉ်းစားပဲလိုက်လျှောက်ဖို့ လူတွေရဲ့စိတ်ကို ကြီးကြီးမားမား နှိုးဆွပေး

   ပါတယ် ။

   စမ်းသပ်မှုတစ်ခုမှာ လူတစ်ယောက်ကို ရိုးရှင်းလွယ်ကူတဲ့ မေးခွန်းတွေကို ဖြေစေတဲ့အခါ ၉၉% ကို

မှန်အောင်ဖြေနိုင်တယ်ဆိုတာ တွေ့ရပါတယ် ။ နောက်တစ်ကြိမ်မှာတော့ အဖြေမှန်ကိုသိပေမယ့် အ

မှားတွေချည်းဖြေတဲ့ လူ ၈ ယောက်နဲ့အတူတူ မေးခွန်းသစ်တွေ ဖြေစေတဲ့အခါမှာတော့ အဖြေသုံးပုံ

ပုံရင် တစ်ပုံကို မှားဖြေထားတာ တွေ့လိုက်ရပါတော့တယ် ။

   နောက်ထပ်လူသိများတဲ့ စမ်းသပ်မှုတစ်ခုမှာတော့ ကျောင်းသားတစ်စုကို လျှပ်စစ်ကျင်စက်ခလုပ်

တွေကို ထိန်းချုပ်ကိုင်တွယ်စေပါတယ် ။ ခလုပ်တွေဟာ လျှပ်စစ်ဓါတ်နည်းနည်းလေးလွတ်နိုင်တဲ့

အဆင့်ကနေပြီး အန္တရယ်ရှိတဲ့အဆင့်အထိလွှတ်လို့ရပြီး အခြားတစ်ဖက်ခန်းမှာက စမ်းသပ်ခံရမယ့်

လူတွေရှိပါတယ် ။ ကျောင်းသားတွေကိုတော့ “ကျင်စက်ဒဏ် ခံနိုင်ရည်စမ်းတာ”လို့ပဲ ပြောထားခဲ့

ပါတယ် ။

   စမ်းသပ်စဉ်ကာလတလျှောက်မှာ ကျောင်းသားအများစုဟာ နာကျင်အော်ဟစ်နေတဲ့ အစမ်းသပ်ခံ

လူတွေကို မျက်ကွယ်ပြုပြီး အနောက်ကနေအမိန့်ပေးတဲ့အတိုင်း လျှပ်စစ်လွှတ်တဲ့ခလုပ်ကို အန္တရာယ်

ရှိတဲ့အဆင့်အထိ မြှင့်တင်ခဲ့ကြပါတယ် ။

   အမှန်မှာတော့ လျှပ်စစ်ဓါတ်တွေ တကယ်စီးမနေခဲ့ပါဘူး ။ စမ်းသပ်ခံလူတွေကနေ ဟန်ဆောင်

အော်ဟစ် နေခဲ့ကြတာ ဖြစ်ပါတယ် ။ အကယ်၍သာ လျှပ်စစ်အမှန်တကယ်စီးနေခဲ့ရင် လူအတော်

များများ အသက်ပါ ပါသွားမယ့် အနေအထားရှိပါတယ် ။ ဒါကိုကြည့်ရင် လူတွေဟာ သူတို့ရဲ့ကိုယ်ပိုင်

တန်ဖိုး ၊ ယုံကြည်မှုနဲ့ တွေးခေါ်ဆုံးဖြတ်နိုင်တဲ့ အရည်အချင်းတွေကို မျက်ကွယ်ပြုပြီး အမိန့်အာဏာနဲ့

ခိုင်းစေမှုတွေအပေါ် မှီခိုလုပ်ဆောင်တတ်တဲ့ သဘောသဘာဝကို မြင်နိုင်ပါတယ် ။

   Critical thinker တစ်ယောက်အနေနဲ့ ဒီလို အမိန့်အာဏာအပေါ် မှီခိုတတ်မှုနဲ့ ညှို့ယူဖမ်းစားတတ်

တဲ့ ပတ်ဝန်းကျင်ဖိအားတွေကို သတိထားပြီး ၊ ဒါတွေကိုရင်ဆိုင်နိုင်ဖို့ လွတ်လပ်တဲ့အတွေး အလေ့တွေ

ကို ပျိုးထောင်ကြရမှာ ဖြစ်ပါတယ် ။

Critical thinking မိတ်ဆက် (၂)

၂၅ ၊ ၀၆ ၊၂၀၁၁

မန်းကိုကို

Reference
Bassham G, Irwin W, Nardone H & Wallace J 2008, Critical Thinking: a student’s introduction, 3rd edn, McGraw-Hill Higher Education, New York.