အလိမ် လွန်လေသောအခါ

   သတင်းတွေ လိုက်ပြေးကြည့်ရင်း မျက်စိစူးစရာတစ်ခု ဝင်လာတယ် ။

   ဆီးရီးယားက လုံခြုံရေးတပ်ဖွဲ့ဝင်တွေ ခြုံခိုအတိုက်ခံရတယ်ဆိုတဲ့ သတင်းပါ ။ လူ ၄၀ ကျော်သေ
တယ်ဆိုတဲ့ ဒီဖြစ်ရပ်ဟာ တရားဝင်ကြေငြာချက်မှာ မကြာခင် ၁၂၀ ဖြစ်သွားပြန်ပါတယ် ။ အစိုးရက
နေပြီး ဒါကို ပြင်းပြင်းထန်ထန်တုံ့ပြန်မယ်ဆိုလို့ ပြေးသူတွေလည်း ပြေးနေကြပါပြီ ။ အစိုးရဆန့်ကျင်
တဲ့လူတွေကို အစုလိုက်အပြုံလိုက် သတ်ဖြတ်ဖို့ကို တရားဝင်ဖြစ်အောင် လုပ်ဖို့ပြင်ဆင်တာလို့ အချို့
ကဆိုပါတယ် ။ တဖက်ကတွေးရင်လည်း ဒီလောက်တောင်အထိနာသွားတဲ့ လက်နက်ကိုင်တပ်ဖွဲ့
အတွက် အင်မတန်ခံပြင်းဖို့ကောင်းပြီး လက်တုန့်ပြန်တာဟာ သဘာဝကျတယ်လို့ ရုတ်တရက်မြင်
ကြဖို့လည်း ရှိနိုင်ပါတယ် ။

   ဒါပေမယ့် အရှေ့လုံသော်ငြား ဖင်ဖက်ကပေါ်လာပါတယ် ။ ဆန္ဒပြလှုပ်ရှားနေသူတွေရဲ့ အဆိုအရ

သေဆုံးသူ လုံခြုံရေးအဖွဲ့ဝင်တွေဟာ ဆန္ဒပြသူတွေကို ပစ်ခတ်ဖို့ငြင်းဆန်ခဲ့သူတွေပါ ၊ သူတို့ကို

အမိန့်ပေးတာကိုမနာခံလို့ ပစ်သတ်ခဲ့တာပါလို့ ဆိုပါတယ် ။ အဆိုက နှစ်မျိုးဖြစ်လာတော့ ဘေးလူ

အနေနဲ့ ကိုယ်ပိုင်ဥာဏ်နဲ့တွေးတောဆုံးဖြတ်ဖို့ အနေအထားကို ရောက်လာပါတယ် ။ ခံစားချက်နဲ့

စိတ်လှုပ်ရှားမှုတွေကို ဘေးဖယ်ဖို့တော့ လိုကောင်းလိုပါလိမ့်မယ် ။

   ပထမ သေဆုံးသူအရေအတွက် ၄၀ လောက်ကတော့ နည်းနည်းဇဝေဇဝါဖြစ်စေနိုင်တာ သေချာ

ပါတယ် ။ ကိုယ့်နိုင်ငံ ကိုယ့်ဒေသမှ မဟုတ်ပဲကိုး ။ ဒါပေမယ့် ၁၂၀ လို့ ဆိုလာတဲ့အခါမှာတော့ စဉ်း

စားစရာ အတော်လေးဖြစ်လာပါတယ် ။ ဟုတ်တယ်လေ ၊ ကမ္ဘာနဲ့ချီပြီးကြည့်ရင်တောင် တောတွင်း

တိုက်ပွဲမဟုတ်လို့ကတော့  စစ်သားအပါအဝင် လုံခြုံရေးအဖွဲ့ဝင် ရာကျော်သေတာမျိုး အင်မတန့်

အင်မတန်ကို ရှားပါတယ် ။ ရှိခဲ့တာတွေဟာလည်း တိုက်ခိုက်တဲ့အဖွဲ့ရဲ့ အင်မတန်ကောင်းတဲ့ ၊ လေ့

ကျင့်ထားပြီး စနစ်ကျတဲ့ စီစဉ်ဆောင်ရွက်မှုတွေကြောင့်ပဲ ဖြစ်လေ့ရှိပါတယ် ။

   ပြန်ကြည့်တဲ့အခါ ၊ အခြေခံအချက်အနေနဲ့ သတင်းကြေငြာတဲ့ဆီကိုကြည့်ရင် သိက္ခာရှိရှိရပ်တည်

သင့်တဲ့ နိုင်ငံပိုင်ရုပ်မြင်သံကြားဌာနကနေ လာတာဖြစ်ပါတယ် ။ သူတို့ရဲ့အဆိုအရ လက်နက်ကိုင်

ဂိုဏ်းတွေကနေ ခြုံခိုတိုက်ခိုက်တာလို့ ဆိုတာကြောင့် လွန်ခဲ့တဲ့လပိုင်းလောက်ကမှ မကြေနပ်လို့

ဆန္ဒပြရာကနေ မခံနိုင်တဲ့အဆုံး ပုန်ကန်တယ်ပဲထားတော့ ၊ လက်နက်ကိုင်အဖွဲ့ဝင် ၁၂၀ လောက်

သေအောင်လုပ်နိုင်တယ်ဆိုတာဟာ တန်းစီပြီးတော့များ အစုလိုက်အပြုံလိုက် သတ်ခဲ့သလားလို့

ထင်ယောင်မိမှားရမလို ဖြစ်နေပါတယ် ။ ဒါကလည်း လုံးဝမဖြစ်နိုင်တဲ့ ကိစ္စပါ ။

   ထပ်ဆင့်ပြဿနာတစ်ခု ရှိလာပြန်ပါတယ် ။ အဲဒါကတော့ သက်သေမပြနိုင်တာပါပဲ ။ သူများကို

လည်း သတင်းပေးမယူ ၊ ကိုယ်တိုင်လည်း ကျိုးကြောင်းကျအောင် သတင်းမထုတ်ပြန်နိုင် ဖြစ်နေ

တဲ သာဓကတစ်ခုပါ ။

   ချုပ်လိုက်ရင် ၊ ဒီသတင်းမျိုးဟာ မတော်များ ဆီးရီးယားနိုင်ငံအတွင်းဆိုရင်တော့ အဆင်ပြေကောင်း

ပြေနိုင်ပါလိမ့်မယ် ။ ဒါပေမယ့် နိုင်ငံတကာကို ပြောလိုက်တဲ့အခါများမှာတော့ ဘယ်လိုများဖြစ်မယ်လို့

ထင်ကြပါသလဲ ။ ကျနော်တစ်ယောက်ထဲအမြင်ကတော့ နိုင်ငံတကာက လူတွေရဲ့ တွေးခေါ်

မျှော်မြင်နိုင်တဲ့အစွမ်းကို စော်ကားလိုက်တာပါပဲ ။ လိမ်တယ်ဆိုတာလည်း ကြည့်လိမ်ရပါတယ် ။

သူတစ်ပါးကို ငါဘာပြောပြောယုံကြမှာပဲဆိုတဲ့ စိတ်အခြေခံနဲ့ကတော့ တစ်ချိန်မဟုတ်တစ်ချိန် လူပါး

ပုလင်းကွဲ ရှမှာပါပဲ ။ “လူပါး” ဆိုတာ မြှောက်ပြော တာပါ ။ အမှန်ပြောရရင်တော့ ငတုံးဖြစ်စေ ၊

အမိုက်မှောင် ဖုံးနေသူတွေဖြစ်စေ ၊ သူရဲဘောနည်းသူတွေဖြစ်စေ ၊ ဒိထက်မကတဲ့ စကားလုံးတွေ

တပ်လိုရင် တပ်လို့ရပါတယ် ။

   ဆီးရီးယားနိုင်ငံရဲ့ အနာဂါတ်ကတော့ မကောင်းနိုင်ပါ ။

   တိုင်းပြည်အများကြီးနာပြီးမှ ခေတ်ပြောင်းရတော့မယ့် အနေအထားရောက်အောင် အာဏာပိုင်

တွေနဲ့ အခွင့်ထူးခံသူတွေကနေ ရွေးချယ်ခဲ့ပြီးကြပါပြီ ။ လေ့လာသူတွေရဲ့အဆိုအရ အခုဆန္ဒပြမှု

တွေ အစိုးရကိုမဖြုတ်ချနိုင်ရင် နောက်ကြုံလာမယ့် စီးပွားရေးပြိုလဲမှုတွေက ဖြုတ်ချပါလိမ့်မယ်လို့

ဆိုပါတယ် ။ ခုလည်း ဥရောပနိုင်ငံတွေက ကုလသမဂ္ဂမှာရှုတ်ချနိုင်ဖို့ စတင်ကြိုးစားနေကြပါပြီ ။

လစ်ဗျားလို စစ်ရေးအရဝင်ဖို့ အခြေအနေတော့နည်းပါတယ် ။ ဒီနိုင်ငံပြိုလဲရင် အစ္စရေးအပါအဝင်

ဒေသတစ်ခုလုံး လက်ရှိလုံခြုံမှုနည်းနည်းရှိနေတဲ့ အခြေအနေလေး ပျက်ပြားသွားမှာစိုးလို့သာ

ငြိမ်နေကြသေးတာပါ ။ ဒါပေမယ့် အိမ်နီးချင်း တူရကီနိုင်ငံအတွက်တော့ ဖင်ပူစရာဖြစ်လာနေတာ

တော့ သေချာပါတယ် ။ အော်တိုမန်အင်ပါယာဟောင်း တူရကီဟာလည်း ဆင်ပိန်ပေမယ့်ကျွဲလောက်

ရှိသေးတာမို့ သူ့ရဲ့ခြေလှမ်းတွေဟာလည်း အရေးပါလာပါလိမ့်မယ် ။

   သူများအကြောင်း စိတ်ဝင်စားနေလိုက်တာ မြန်မာပြည်အကြောင်း ပြန်စဉ်းစားမိတယ် ။

   နိုင်ငံရေး အကျဉ်းသားတွေ မရှိပါဘူးဆိုတာ ၊
   စစ်ပြေးဒုက္ခသည်တွေ မရှိပါဘူးဆိုတာ ၊
   အဓမ္မခိုင်းစေမှုတွေ မရှိပါဘူးဆိုတာ ၊
   ကလေးစစ်သားတွေ မရှိပါဘူးဆိုတာ ၊

   တိုင်းပြည်ကြီး တိုးတက်လာနေပါတယ်ဆိုတာ ၊

   နိုင်ငံတော်ရဲ့ စစ်မှန်တဲ့စေတနာနဲ့ အကောင်အထည်ဖေါ်နေတယ်ဆိုတဲ့ ဆိုတာ .. ဆိုတာလေးတွေ

အပါအဝင် များစွာသော ပြောဆိုချက်တွေပေါ့ဗျာ ။

   ထားပါတော့ အဓိက “နိုင်ငံရေး အကျဉ်းသားတွေ လုံးဝမရှိပါဘူး” ဆိုတာကိုပဲ ကြည့်ရအောင် ။

   မြန်မာပြည်မှာ ဘာတွေဖြစ်နေသလဲ ခင်ဗျားလည်းသိတယ် ၊ ကျနော်လည်းသိတယ် ။

   ကျောင်းသား ၊ စစ်သား ၊ ဘုရားသားနဲ့ အရပ်သားတွေ အားလုံးလဲသိတယ် ။

   ဒါဆို ကမ္ဘာတစ်ဝှန်းလုံးက လူတွေကကော .... မသိကြဖူးလား .....

   အလိမ်လွန်နေကြပြီလား ... လူတကာကို စော်ကားရာ ရောက်နေပြီလား ....

   အဖြေရှင်းရှင်းကြီးထွက်နေတာကို ခပ်ကြောင်ကြောင်လုပ်ပြီး ထပ်မေးမနေတော့ပါဘူး ။

   တစ်ဖက်မှာလည်းတွေးကြည့်တယ် ၊ လက်ရှိမြန်မာပြည်ရဲ့ အာဏာပိုင်တွေကို ဆန့်ကျင်တွေသူ

တွေဖြစ် ဖြစ် ၊ အကောင်းမြင်သူတွေဖြစ်ဖြစ် ၊ မဟုတ်ရင်လည်း သတင်းနဲ့ အသက်မွေးဝမ်းကျောင်း

လုပ်နေသူပဲဖြစ်ဖြစ် တစ်ကိုယ်စာလုံကြရင်တော့ အုတ်တစ်ချပ်သဲတစ်ပွင့်အနေနဲ့ လောကကြီးကို

ကောင်းကျိုးတွေ မပေးနိုင်ရင်တောင် ဖျားနာ မွန်းကြပ် အဆိပ်သင့်နေမှုတွေကနေ လျော့နည်းလာ

မှာပါပဲ လို့ပါ ။

   အဆုံးသတ်အနေနဲ့ အားလုံးကို အားပေးချင်တာကတော့ ၊ အသိနဲ့ယှဉ်ပြီး တစ်ကိုယ်စာလေးသာ

လုံအောင် လုပ်ကြရအောင်ဗျာ ။ ရုတ်တရက်ကြီး မိုးနှင်းပွင့်တွေလို ဖြူစင်သွားဖို့ မဆိုလိုပါဘူး ။

တနိုင်တပိုင်လေးလောက် ကိုယ့်အကျိုး သူ့အကျိုးရှိပြီး သူတစ်ပါး စိတ်ဒဏ်ရာဖြစ်စေမှာလေးတွေ

ကို တတ်နိုင်သမျှရှောင်တဲ့ ၊ လူတိုင်းသိနားလည်တဲ့ ရွှေဥပဒေသလေးတွေ ဆောင်နိုင်ကြဖို့လောက်

ကလေးပါပဲ လို့ဆိုရင်း ..........

မန်းကိုကို

၀၈ ၊ ၀၆ ၊ ၂၀၁၁