ပို့စ် မဟုတ်တဲ့စာ (သို့တည်းမဟုတ်) ဘယ်သွားမလဲ မောင်ရေခဲ

စာရိုက်ဖို့ Microsoft word file တစ်ဖိုင် ဖွင့်လိုက်တယ် ။

စိတ်ထဲမှာ ပေါ်လာတဲ့အထဲက စာပိုဒ် ၃-၄-၅ ပိုဒ် ရိုက်ထုတ်လိုက်တယ် ။

ခဏထိုင်ပြီး ပြန်ကြည့်လိုက်တော့ ။

အင်း ... ဒါတွေဟာ ငါ့အကြောင်းတွေပဲ ၊

ငါ့အကြောင်းနဲ့ ငါ့အတွေးတွေ ရေးနေလို့ကတော့

ဘယ်သူတွေက စိတ်ဝင်စားမှာ ၊ အကျိုးရှိမှာမို့လဲ ။

မရေးတာက ပိုကောင်းမယ် ။

--------------

မကြာခင်ကမှ ကျော်ဖြတ်ခဲ့ရတဲ့

မဖြစ်ညစ်ကျယ် ကျောင်းစာတွေကြောင့်

ဦးနှောက်ထဲမှာ ရှင်းနေတယ် ။

စာစုတွေ ရေးချနေပေမယ့် အာရုံက ပျံ့လွင့်နေတယ် ။

စာတွေက တောင်စဉ်ရေမရ ဖြစ်နေသလိုပဲ ။

ဒီထက်ဆိုးတာက

အဓိပ္ပါယ်မရှိတာတွေကို ချရေးနေရသလို စိတ်ထဲထင်မိတယ် ။

စိတ်သွားရာ “ကိုယ်” ပါလေ့ရှိပါတယ် ။

စိတ်က ဘယ်မှ မသွားနိုင်တော့ ၊ “ကိုယ်” လဲ ......

--------------

အစအန ရှာတဲ့အနေနဲ့ စာတွေ လိုက်ဖတ်ကြည့်တယ် ။

လွဲချော်နေတဲ့ အမြင်တွေကို သတိထားမိတယ် ။

ဖြည့်ဆည်းမှုလေးတွေ လိုအပ်နေသေးတဲ့ အတွေးရိုင်းလေးတွေကို မြင်မိတယ် ။

လစ်ဟာနေတဲ့ စကားလုံးလေးတွေနဲ့ ညှိနှိုင်းမှုရှိသင့်တယ်လို့ ထင်တဲ့

အပြောအဆိုတွေကလည်း အများကြီး စီးဆင်းနေပြန်တယ် ။

အေးမြတဲ့ စီးဆင်းမှုနဲ့ လားရာလမ်းကြောင်းကို ရှာဖွေနေတဲ့ ၊

အရောင်ကင်းတဲ့ စမ်းရေစီးကြောင်းဟာလဲ ၊

ဆန္ဒနဲ့ဦးတည်ချက်လွဲပြီး နောက်ကျိသွားပြန်တယ် ။

-------------

ကိုယ်ကော ပြည့်စုံနေပြီလား ၊ ဘာတွေလိုနေသလဲ ။

လျှောက်လှမ်းဖို့ ရွေးချယ်ထားတာတွေကကော ဦးတည်ရာကောင်းရဲ့လား ။

လုပ်ကိုင်နေတာတွေဟာ အကျိုးရှိလာမှာလား ။

အရင်က မရှိခဲ့တဲ့ ဘဝအာမခံချက်ဟာ လက်တစ်ကမ်းကို ရောက်လာပြီလား ။

မဟုတ်ရင်လည်း ၊ အမှောင်ထဲမှာ စမ်းတဝါးဝါး လျှောက်နေမိဆဲလား ။

--------------

စိတ်မကောင်းဖြစ်မိတာပဲလား ။

မကျေမချမ်း ဖြစ်မိတာပဲလား ။

အားမလိုအားမရ ဖြစ်နေတာလား ။

အားတင်းစုစည်းရုန်းကန်နေမိတာလား ။

ဇဝေဇဝါ ။

တာဝန်ယူသင့်တယ်လို့ ယူဆသူတွေကို ၊ အပြစ်တင်ရကောင်းမလား ။

မည်းမည်းမြင်ရင် ထရမ်းချင်သူတွေကို လေပြေနဲ့ ရင်ဆိုင်ထောက်ပြနေရဦးမှာလား ။

ကိုယ့်လမ်းမှမမြင်ပဲ လျှောက်လှမ်းနေသူတွေကို အားမလိုအားမရ ဒေါသထွက်နေရမလား ။

အကြောင်းကြောင်းကြောင့် အကျိုးအနေနဲ့ ၊

ကိုယ့်ရဲ့ အနှစ် ၂၀ ကင်းလွတ်ခဲ့တဲ့

ပညာရေးနဲ့ ဘဝတည်ဆောက်မှု အခွင့်အရေးတွေအတွက် 

တရားခံရှာ အပြစ်တွေ လိုက်တင်နေရရင် ကောင်းမလား ။

မဟုတ်ရင်လည်း

ဖြစ်နေတာတွေထဲကပဲ ကိုယ့်ဆန္ဒနဲ့ မကိုက်ညီတာတွေ ၊

သဘောချင်း မတိုက်ဆိုင်သူတွေကို ရှာဖွေထုတ်နှုတ်ပြီး

တဖျစ်တောက်တောက်လုပ်ရင်းနဲ့

အခက်ခဲတွေကို ယာယီ အာရုံလွဲ မေ့နေရုံလမ်းမျိုး

ရွေးရလေမလား ။

-------------

စိတ်ထဲမှာ ဒွိဟ ဖြစ်နေတယ် ။

ဝိရောဓိတွေ ရှိနေတယ် ။

ပြတ်သားမှုတွေ လိုအပ်နေတယ်လို့ ထင်မိတဲ့အခါလည်း ရှိတယ် ။

ဒါပေမယ့်

ပြတ်သားမှုအပါအဝင် ဘယ်အရာတွေက

တကယ်လိုအပ်နေတဲ့အရာတွေလဲ ။

ကျနော် လမ်းစပျောက်နေတာလား ။

-------------

တစ်ဖက်အခြမ်းကို မျှော်ကြည့်ပြန်တော့ ...

လူအချို့ လဲနေကြတယ် ၊

လူအချို့ အသက်လု ပြေးလွားနေကြတယ် ၊

ဆာလောင်မွတ်သိပ်နေသူတွေကလည်း အများကြီး ၊

မျက်ရည်တွေစီးပြီး ၊ အမုန်းနဲ့ အာဃာတတွေဟာလည်း

အောက်စီဂျင်အပြည့်ရတဲ့ မီးလိုဖြစ်နေတယ် ။

အတော်များများသော လူတွေမှာလဲ

ဘဝကိုယ်စီရဲ့ ရှိသင့်တဲ့ အခွင့်အလမ်းနဲ့ လမ်းစတွေ

ကွယ်ပျောက်နေကြတယ် ။

အားနည်းချို့တဲ့သူတွေကို ဖေးမရမလား ။

လဲနေတဲ့သူတွေကို ဖေးမတွဲကူရမလား ။

လိုအပ်နေတာလေးတွေကို ဖြည့်ဆည်းပေးဆပ်သင့်သလား ။

ဒါနဲ့ ကိုယ့်မှာကော

အစွမ်းအစ အတိုင်းအတာ ဘယ်လောက်များ ရှိနေပြီလဲ ။

ဘယ်လိုပဲဖြစ်ဖြစ် တနိုင်တပိုင်တော့ ကြိုးစားသင့်တယ်လို့

ပိုင်းဖြတ်လုပ်ကိုင် ရှေ့တိုးသင့်သလား ။

မဟုတ်ရင်လည်း

သူတစ်ပါးကို မထိခိုက်ရင်တော်ပြီ ၊ ကိုယ့်လမ်းကိုယ်ရွေးပြီးလျှောက် ၊

ကိုယ်စိတ်ချမ်းသာရင်ပြီးတာဘဲလို့ သဘောထားရမလား ။

ကူညီချင်နေတယ် ဆိုတွေကကော

ကိုယ့်စိတ်ချမ်းသာအောင် ကူညီချင်တာလား ။

ငရဲလို စတာတွေနဲ့ ကြောက်အောင် ခြောက်လှန့်ခံထားရတာကြောင့်

ဒီသံသရာက လွတ်မြောက်ချင်လို့လား ။

မဟုတ်ရင်လည်း

အပြစ်တင်မခံချင်လို့ ကိုယ့်အားနည်းချက်တွေကို ဖုံးဖိနေမိတာလား ။

ကိုယ့်မာနတံခွန် တလူလူထူနိုင်အောင် တည်ဆောက်နေတာလား ။

အဆုံးအစမရှိတဲ့ အသိ ၊ အမြင် ၊ အတွေးတွေနဲ့

ဝင်လာတဲ့ အချက်အလက်တွေဟာ

နောက်ဆုံးတော့

အသိနဲ့ ခံစားချက်တွေမဲ့တဲ့

ဟာလာဟင်းလင်းပြင်ကြီးတစ်ခုဆီကို

ဦးတည်တွန်းပို့နေသလိုပါပဲ ။

မောင်ရေခဲ တဖြစ်လဲ မန်းကိုကို ၊ ဘယ်သွားမလဲ ။

သိပ်တော့ မသေချာဘူး ။

ခင်ဗျားကော .... ဘယ်လဲ ..... ။

**  ဒါဟာ ပို့စ်တစ်ပုဒ် မဟုတ်ပါဘူး ၊

      စိတ်ရဲ့ မှတ်တမ်းတစ်ခုသာပါ ။

      လူတိုင်းမှာလည်း ရှိနိုင်ပါတယ် ။

      ကိုယ်ပိုင်တာတွေကို ထာဝရ သိမ်းဆည်းထားလို့ရသလို ၊

      ထုတ်ပြောလိုတယ် ဆိုရင်လည်း ၊

      တံခါးတွေကို အမြဲတမ်းဖွင့်ထားပါတယ် ။

      အမှန် အမှားရယ်လို့ မရှိပါဘူး ။