အကျိုးစီးပွား စကားစမြည် (၂)

   မကြာမီလေးကဘဲ ဘာမှမသိဘဲ ဝင်ထောက်ခံပါတယ်ဆိုတဲ့ ကိုကိုမောင် (ပန်းရနဲ့) ကြောင့် သူ့ကို
ပြန်ကြားစာရေးရင်း ရှည်လာတာနဲ့ ပို့စ်တစ်ခုလုပ်လိုက်ပါတယ် ။

   ပထမပို့စ်မှာ လိုတာနည်းနည်းကို ဒီမှာဘဲ ရောဖြည့်လိုက်တယ်လို့ သဘောထားနိုင်ပါတယ် ။

#   ကချင်ကိစ္စဟာ တရုတ်နဲ့ပေါင်းလုပ်တဲ့ စီမံကိန်းတွေအပါအဝင် အကျိုးစီးပွားတွေအတွက်လည်း
အပါအဝင် ဖြစ်နိုင်ပါတယ် ။ တိုင်းပြည်ငွေအင်အား နည်းပါးနေတဲ့ကြားက တိုင်းရင်းသားတွေအပေါ်
စစ်ဆင်ရေးကြီးကြီးတွေ လုပ်လာတာဟာလည်း စဉ်းစားစရာပါ ။

   တရုတ်က စီးပွားရေးအတွက် ကချင်တွေကို “ချနင်းမယ်” လို့ စိတ်ပိုင်းဖြတ်ပြီးသားလည်း ဖြစ်နေ
နိုင်ပါတယ် ။ ဒီနေရာမှာ တရုတ်အလုပ်သမားတွေကို စစ်တပ်က ပြန်ခွင့်မပေးပဲ ဇာတ်နာအောင်လုပ် ၊
ကချင်တပ်က ကြိုးစားပမ်းစား ခေါ်ထုတ်သွားပြီး “ကိုယ့်ကိုပြုစားမယ့် ဦးရှင်ကြီး” ဆီကို မလုပ်ချင်ချင်
လုပ်ချင်ချင် ၊ သွားပြီး “ပသ” ပေးရတဲ့ ဇာတ်ကွက်ကလေးတွေများ ဖြစ်နေသလားလို့ ထင်မိတာပါပဲ ။
အဝေးက ထင်တာ မြင်တာ တွေးမိတာကို ရေးတာမို့ တရားသေတော့ မမှတ်စေချင်ပါ ။

#  နောက်တစ်ခုက ကျပ်ငွေမာနေတဲ့ကိစ္စ ။

    ပထမပို့စ်ထဲမှာ သုံးထားတဲ့ “ငွေကြေး ဖောင်းပွမှု တန့်သွားတာဟာ” ဆိုတဲ့ စကားစုကိုပြန်ဖတ်ပြီး
အရေးအသား လွဲသွားတယ်လို့ ထင်မိတယ် ။ အမှန်က ကုန်ဈေးနှုန်းတွေက ရပ်မနေပါဘူး ၊ တက်
နေဆဲပါ ။ အခြားငွေတွေနဲ့ လဲလှယ်ရာမှာသာ မြန်မာငွေက ခိုင်မာ သို့မဟုတ် တန့်နေတာပါ ။

   အမှန်က မြန်မာပြည်မှာ ငွေကြေးလည်ပတ်တာကိုကြည့်ရင် ပြည်တွင်းအရောင်းအဝယ် တစ်မျိုး
ထဲတော့ မကဘူးဗျ ။ နိုင်ငံရပ်ခြားမှာ အလုပ်လုပ်နေကြသူတွေက ပြန်ပို့ငွေတွေ ၊ အိမ်နီးချင်းနိုင်ငံ
တွေနဲ့ ကုန်သွယ်ရောင်းဝယ်မှုတွေဟာ မြန်မာပြည်ငွေကြေးလည်ပတ်မှုမှာ အများကြီး အရေးပါနေ
ပြီး ၊ သင်္ဘောတွေနဲ့ အချီကြီးတင်ပို့ တင်သွင်းကြတဲ့ ကုန်ပစ္စည်းတွေကလည်း လည်ပတ်မှုမှာ ရိုက်
ခတ်တာပါပဲ ။ ဒီကြားထဲ တရားမဝင်နဲ့ တရားမဝင့်တဝင် သစ် ၊ တွင်းထွက်ကျောက်မျက်နဲ့ မူးယစ်
ဆေးဝါးတွေကလည်း ကြားညှပ်ဝင်တတ်ပါသေးတယ် ။

   ဒေါ်လာနဲ့ နိုင်ငံခြားငွေ လက်ထဲထားသူတွေကို ဖမ်းတာကတော့ ဈေးကွက်ကို ခဏလောက်ပဲ
သက်ရောက်တာ များတတ်ပါတယ် ။ အဲ .. လကုန်ရက်လို မြန်မာပြည်ကို ငွေပို့သူတွေများတဲ့
အခါမျိုးကျတော့ ငွေ
ချေစရာ အရှာရခက်ပြီး မြန်မာငွေဈေး ရက်ပိုင်းလောက် တက်တတ်ပါတယ် ။ ပြီးရင် အရင်ပို့စ်ထဲ
ပြောခဲ့သလို လုပ်ငန်းကြီးတွေ ဈေးထွက်ဝယ်ရင် ဒေါ်လာတွေကို သိမ်းကျုံးဝယ်တော့ မြန်မာငွေပြတ်
ပြီး မြန်မာငွေ ခဏခိုင်လာပြန်ပါတယ် ။ (ငွေက မြန်မာပြည်မှာပါပဲ ၊ ဒါပေမယ့် ဒေါ်လာရောင်းလိုက်
တဲ့သူတွေက ငွေလည်ပတ်ပြီးမှ မြန်မာငွေတွေ ပြန်ထုတ်ရတော့ တဖြည်းဖြည်းမှ လည်ပတ်တဲ့ဈေး
ကွက်ထဲ ပြန်ရောက်လာတာကြောင့်ပါ) ။ ဘယ်လိုပဲဖြစ်ဖြစ် လိုရင်းကတော့ တော်ရုံကိစ္စတွေလောက်
နဲ့ မြန်မာငွေ ကြာကြာမခိုင်ပါဘူး ။

   ဒါပေမယ့် စာရင်းချုပ်ကြည့်တော့ ကုန်ဈေးနှုန်းက တက်နေပေမယ့် (ငွေကြေးဖေါင်းပွနေပေမယ့်)
မြန်မာငွေက မာနေတယ် ။ အခြားနိုင်ငံတွေလို အစိုးရဘဏ်တိုးနှုန်းနဲ့ ငွေကြေးကိုထိန်းညှိတဲ့စနစ် ၊
(တိကျတဲ့) အမျိုးသားထုတ်ကုန်တန်ဖိုး တဟုန်ထိုး တိုးတက်တာမျိုး ၊ နိုင်ငံခြားရင်းနှီးမြှုပ်နှံငွေတို့ ၊
စတော့ဈေးကွက်တို့တွေနဲ့ သက်ဆိုင်တဲ့ ယုံကြည်ခိုင်မာမှုအပေါ်မူတည်တဲ့ ငွေကြေးအတက်အကျ
ပုံစံမျိုးတွေလည်း မရှိပဲနဲ့ကို မာနေတာပါ ။ ဒီလောက်ဆို တစ်ခုခုထူးနေပြီဆိုတာ မြင်မိကြမယ်ထင်
ပါတယ် ။

   မြန်မာငွေဟာ အိတ်နဲ့ကျုံးပြီး ပြည်ပကို သယ်သွားလို့ရတာမျိုး မဟုတ်ပါဘူး ။ အထူးသဖြင့် အရေ
အတွက်များရင် နိုင်ငံခြားငွေတွေနဲ့ တစ်ဆင့်ခံလဲပြီးမှ ယူထုတ်သွားလို့ရတဲ့ကိစ္စပါ ။ ဒီတော့ ငွေကြေး
ခဝါချမှု လုပ်ငန်းတွေ ဖြစ်လာတော့တာပေါ့ ။

   ဒါပေမယ့် ငွေကြေးခဝါချတယ်ဆိုတာဟာ စီးပွားရေးလုပ်ငန်း ပြရပါတယ် ။ ဒီတော့ စီးပွားရေး
လုပ်ငန်းမလုပ်ပဲ အိတ်ဝင်သပိတ်ဝင် ငွေကြေးစုမိသူတွေအဖို့ အလွယ်လမ်းတစ်ခုကတော့ နိုင်ငံခြား
ငွေတွေ လိုက်ဝယ်စုပြီး ပြည်ပကိုယူထုတ်သွားတာပါပဲ ။ အလွယ်လမ်းလိုက်ရခြင်း ဖြစ်နိုင်ချေတစ်ခု
ကတော့ ရင်းနှီးမြှုပ်နှံမှုလုပ်ရင်လည်း တစ်ချိန်မှာ (အသိမ်းခံရပြီး) လုံးဝပြန်ဆုံးရှူံးနိုင်ချေကို ထည့်
တွက်ပြီး ငွေသားချည်းထုတ်သွားတာမျိုးပါ ။ ဒီလိုလုပ်ရာမှာ ငွေကြေးအလုံးအရင်း သိပ်များတဲ့အခါ
မျိုးမှာ ဈေးကွက်ကို ရပ်သွားစေနိုင်လောက်တတ်ပါတယ် ။ ဒီတော့ အလီလီခွဲပြီး ထုတ်ဖို့ကြိုးစားတဲ့
အခါမျိုးမှာ အခုဖြစ်နေတဲ့ အနေအထားမျိုးနဲ့ ကိုက်ညီတဲ့ ငွေမာမှုအခြေအနေကို ဖန်တီးထားနိုင်ပါ
တယ် ။

   အထူးပြုပြောလိုတာကတော့ ဒီလိုဖြစ်တာမှန်တယ်ဆိုရင်တော့ ထုတ်ယူနေတဲ့ငွေပမာဏဟာ
သိပ်ကြီးလွန်းနေတယ်လို့ ဆိုချင်ပါတယ် ။ ဒါပေမယ့် ဒါတွေဟာ ဘယ်သူတွေလဲဆိုတာကိုတော့
အမြဲသံသယဖြစ်စရာ လူတွေကိုပဲ လက်ညှိုးထိုးတာမျိုးတော့ မလုပ်ချင်ပါဘူး ။ တစ်ဖက်မှာတော့
ဒီလိုသာ ဖြစ်ရိုးမှန်ရင်တော့ မြန်မာပြည်အတွက် နစ်နာမှာတော့ အမှန်ပါ ။

   နောက်တစ်ခုကလည်း ဒီလိုသာဖြစ်နေတယ်ဆိုရင်တော့ ကိုယ်လွတ်မရုန်းနိုင်တဲ့ လူတွေအတွက်
ရင်လေးစရာလို့လည်း တွေးမိပါသေးတယ် ။ ကိုယ့်ကိုခိုင်းတဲ့သူတွေအတွက် အသက်တောင် ပဓာန
မထား ၊ ယုံကြည်မှုအပြည့်နဲ့ လုပ်သူတွေဆိုရင်တော့ ရင်နာစရာတွေ ဖြစ်လာနိုင်ပါတယ် ။

   ခုလိုတွေပြောတဲ့အခါကျတော့ လက်ဆုပ်လက်ကိုင်မရှိဘဲ ပြောသလိုဖြစ်နေနိုင်ပါတယ် ။
ရေးတဲ့သူကိုကြည့်တော့လည်း သူပုန်လိုလို ၊ စစ်ခေါင်းဆောင်တွေကို အကောင်းမမြင်တတ်တဲ့သူ
လိုလို ၊ ဒါ့ပြင် ပညာရှင်ကလည်း မဟုတ်ပြန်တဲ့အတွက် ဇဝေဇဝါဖြစ်စေနိုင်ပါတယ် ။ ကျနော့်မှာ
ရည်ရွယ်ချက်တစ်ခုတည်း ရှိပါတယ် ။ အဲဒါကတော့ မြန်မာပြည်ကို လောဘသားအချို့ကြောင့်
မနစ်နာစေချင်ရုံပါ ။

   စာရင်းချုပ်ရရင် ကျနော်ပြောသွားတာတွေဟာ သိတာတွေနဲ့ ကျိုးကြောင်းဆက်စပ် တွေးပြ ဆွေး
နွေးပြတာပါ ။ စီးပွားရေးပညာရှင်တစ်ယောက်မဟုတ်လို့ အဲဒီအတိုင်းအတိအကျ လှေနံဒါးထစ်သလို
မမှတ်စေချင်ပါ ။ ကျနော်တို့ လက်လှမ်းမမှီတဲ့ သီးခြားကိစ္စကြီးတွေလည်း ရှိနိုင်ပါသေးတယ် ။ ဒါ
ပေမယ့် သေခြာတာကတော့ ထူးခြားမှုတစ်ခုမို့လို့ ပြည်တွင်းပြည်ပက စိတ်ဝင်စားသူတွေ သတိထား
မိနိုင်ကြဖို့ ရေးလိုက်တာပါဗျာ ။

(၁၉ ၊ ၀၆ ၊ ၂၀၁၁)
*** အထင်အမြင် လွဲမှားနိုင်တဲ့တစ်ချက်ကို ထပ်ဖြည့်ပြောပါရစေ ။
      မြန်မာငွေမာတယ်လို့ ပြောခဲ့ရာမှာ လွန်ခဲ့တဲ့ ၃-၄ နှစ်ကတည်းက စပြီးခိုင်မာနေခဲ့တာကို ဆိုလို
ပါတယ် ။ အနည်းအကျဉ်း တက်ကျနေခဲ့တာတွေကတော့ အပေါ်မှာပြောခဲ့သလိုပဲ အမြဲရှိနေမှာပါ ။
အထူးသဖြင့် ခုတလော နိုင်ငံပိုင်ပစ္စည်းတွေကို အလောသုံးဆယ် ထုခွဲနေတာတွေရှိပေမယ့် ဒါက
လည်း ရေတိုမှာပဲ သက်ရောက်မှုရှိပါလိမ့်မယ် ။


မန်းကိုကို
၁၈၊ ၀၆၊ ၂၀၁၁

မှတ်ချက် ။     ။  ငွေကြေးအကြောင်းစိတ်ကူးကို ဒေါက်တာလှိုင်မြင့်ရဲ့ စာကိုဖတ်မိလို့ အတွေးပေါ်လာတာပါ ။
                      သူ့စာတွေကို ဘယ်ဆိုဒ်မှာမှ အတိအကျတင်ထားတာတော့ မတွေ့မိလို့ လင့်တော့ ချိတ်မပြနိုင်
                      တော့ပါဘူး ။