အကျိုးစီးပွား စကားစမြည်

     စီးပွားရေးအကြောင်းလေးတွေ သိသလောက် ပြောကြည့်ချင်တယ် ။

     စီးပွားရေးလို့ စပြောလိုက်တာနဲ့ အခက်အခဲတစ်ခုဖြစ်လာတယ် ။ ပြောချင်တဲ့အကြောင်းက
economy ပါ ၊ ဒါပေမယ့် business ကလည်း စီးပွားရေးလုပ်ငန်း ၊ ကုန်သွယ်မှုလို့ အဓိပ္ပါယ် ဆိုထား
ပေမယ့် သာမန်အရပ်စကားနဲ့ကတော့ စီးပွားရေးလို့ပဲ အဓိပ္ပါယ်ထွက်နေတာမို့ တူသလိုဖြစ်နေလို့ပါ ။

     ရည်ညွှန်းချင်တာက ဗမာစကားမှာ စကားလုံးတွေ လိုအပ်သလောက် မကြွယ်သေးတာကိုပါ ။

ဗမာစာသည် ဒို့စာ ၊ ဗမာစကားသည် ဒို့စကားဆိုပြီး မျက်ကန်းမျိုးချစ်တွေ လုပ်ခဲ့ကြရာက ကိုယ့်စာကို

တော့ဖြင့် ဖွံ့ဖြိုးတိုးတက် ကျယ်ပြန့်အောင် မလုပ်ခဲ့ကြလို့ ၊ မျက်စိစုံမှိတ်ပြီး နိုင်ငံတည်မြဲရေး ၊ ရထား

တဲ့အာဏာနဲ့ နယ်မြေတွေ မဆုံးရှူံးရေးတို့ကိ်ု အာရုံစိုက်ခဲ့တာကြောင့် လူမှုရေး ၊ စီးပွားရေး ၊ နိုင်ငံရေး

တွေ အားလုံးချွတ်ချုံကျပြီး နောက်ဆုံးမှာတော့ အချို့လူတွေ သိပ်ကိုလိုလားတောင့်တနေကြတဲ့ စစ်

ရေးမှာပါ လာပြီးထိခိုက်တဲ့အခါကျ ၊ ဟိုဟိုဒီဒီ မဲရ ပုံချနေကြရတာတောင် မမှတ်ကြသေးတော့လည်း

ရေရှည်ခက်ကြဦးမှာတော့ သေချာပါတယ် ။ (တိုင်းရင်းသားတွေ အပါအဝင် အားလုံးကိုပြောတာ

နော်) ။ အိန္ဒိယတွေတောင်မှ သူတို့ဘာသာစကားမှာ စကားလုံးတွေ ပြည့်ပြည့်စုံစုံရှိလို့ သူများတွေ

ဆီက ယူငင်မွေးစားစရာမလိုဘူးလို့ ကြွားသွားတာ တွေ့လိုက်ရဖူးပါတယ် ။

     ပြောရင်းနဲ့ အဝေးကြီးရောက်ကုန်ပြီ ၊ လိုရင်းကတော့ အားလုံးဟာ ဆက်စပ်နေကြတယ်လို့ ပြောရ

မှာပါပဲ ။ ကံ ကံ၏အကျိုးဆိုတာ ပါးစပ်ကပဲရွတ်ကြပြီး ၊ လက်တွေ့လိုက်မလုပ်ကြတော့ ဒုံရင်းဒုံရင်းနဲ့

ပတ်ပြေးနေရတာကိုပဲ အဟုတ်မှတ်လာကြတော့တယ် ။ အတတ်နဲ့ ပညာတွေကို ရယူ ဝေဌ အသုံးချ

ဖို့ပျက်ကွက်လာကြတယ် ။ နိုင်ငံရေး ၊ လူမှုရေးပညာတွေထွန်းကားပြီး အတွေးအခေါ်တွေ ရှိလာ ၊ မြင့်

မားလာမှ အပေါ်ကပြောတဲ့ ဘာသာစကားဆိုတာလည်း မြင့်မားလာနိုင်မယ် ။ ဒါကို အရှိန်အဟုန်မြင့်

စေတာ ၊ အားပေးတာကလည်း ဗိုက်တင်းဖို့ ၊ “မန်မန်”(ထ္မင်း) စားနိုင်ဖို့ ဖန်တီးပေးတဲ့ စီးပွားရေးပဲ ။

     ဒီစီးပွားရေး မတိုးတက် မအောင်မြင်တာကိုလည်း စီးပွားရေးပိတ်ဆို့လို့ ဖြစ်ရတာပါလို့ အားမနာ

လျှာမကျိုး ပြောသူတွေလည်း ရှိပြန်တော့ စိတ်တော့အတော်မောမိပါတယ် ။ အနီးဆုံးတစ်ချက်က

လူတွေအတွက် စီးပွားလုပ်ငန်းတွေလုပ်ကိုင်ဖို့ အခွင့်အလမ်းမရှိတာ ၊ ဘာအာမခံချက်မှ မရှိတာတွေ

ဟာ အရေးပါပါတယ် ။ မြန်မာပြည်မှာ စီးပွားရေးနဲ့ပတ်သက်လို့ လူလတ်တန်းစားရာခိုင်နှုန်း အင်မ

တန်နည်းတာကို လူကြီးသူမနဲ့ သတိထားကြည့်မိသူတွေ ရှိမှာပါ ။ ဒီအခြေအနေမျိုးဟာလည်း လက်

ရှိစစ်ခေါင်းဆောင်တွေ မဖြစ်စေချင်တဲ့ တော်လှန်ရေး ၊ လူထုအုံကြွမှု ၊ ဆူပူမှု စသည်ဖြင့် ဘယ်လို

နာမည်တပ်ခေါ်ခေါ် ခေါ်ချင်တဲ့အရာတွေကို ဖြစ်လာအောင် အားပေးပါတယ် ။ ဖြစ်လည်း မဖြစ်သင့်

တဲ့ အနေအထားပါ ။

     ဒါကြောင့်လည်း မြင်သာတဲ့ ၊ အများအကျိုးကို ပိုဖြစ်စေတဲ့ ၊ တာဝန်ယူမှုရှိတဲ့ ဒီမိုကရေစီစနစ်ကို

လူအများက မျှော်မှန်းကြတာလည်း သဘာဝပါပဲ ။ (လက်ရှိ လိမ်စင်ကြီးမျိုးတော့ မဟုတ်ဘူးပေါ့) ။

     အနောက်နိုင်ငံအများစု ကျင့်သုံးနေကြတဲ့ ဒီမိုကရေစီစနစ်နဲ့ လစ်ဘရယ်စီးပွားရေးဝါဒတွေဟာ

လည်း ကိုယ်ပိုင်အကျိုးကို အာရုံထားတာများလွန်းတဲ့အခါ ၊ လောဘအတောမသတ်နိုင်တဲ့ လူအချို့

နဲ့ ပေါင်းစပ်လိုက်မိတဲ့အခါမျိုးတွေမှာ ပြဿနာရှိလာတတ်ပြန်ပါတယ် ။ (ဒါကို လက်ညှိုးထိုးပြီး ဒီမို

ကရေစီနဲ့ ဒီစနစ်ကို လိုလားတပ်မက်သူတွေဟာ မကောင်းပါဘူးလို့ ဇွတ်ပြောတဲ့သူတွေကိုတော့

ရူးနေတယ်လို့ လိုရင်းပဲ ပြောပါရစေ) ။ ဒီစနစ်တွေထက်ကောင်းတဲ့ စနစ်မျိုးတွေ မဖန်တီးနိုင်မချင်း

ကတော့ ဒီလိုပဲ သွားနေကြရမှာပါပဲ ။ အစွန်းထွက်လာမယ့် လောဘ မောဟတွေကို ထိန်းကျောင်း

ညှိနှိုင်းပေးနိုင်ဖို့ပဲ လိုပါတယ် ။

     အနောက်နိုင်ငံတွေထဲက ခုဖြစ်နေတာတွေကိုကြည့်ရင် လက်ရှိ ဂရိနိုင်ငံသတင်းတွေကို တွေ့ကြ

မှာပါ ။ ဥရောပသမဂ္ဂအဖွဲ့ထဲမှာ P.I.G.S “ဝက်များအုပ်စု” လို့အခေါ်ခံရတဲ့ နိုင်ငံတွေထဲက တစ်နိုင်ငံ

အပါအဝင်ပေါ့ ။ (P = Portugal, I = Italy, G = Greek, S = Spain) ။ ကံဆိုးထောက်မစွာပဲ

ဂရိက အဆိုးဆုံးအခြေအနေမှာလောက်ကို ရောက်နေပါတယ် ။ အခြားနိုင်ငံတွေက ငွေအကြီးအကျယ်

ချေးဌားပြီး စီးပွားရေးဦးမော့အောင် လုပ်မယ်ဆိုကာမှ ဆန္ဒပြနေကြပြန်ပါတယ် ။ ဒုတိယကမ္ဘာစစ်

အတွင်းက လူတွေရှေ့တန်းမှာ အသေခံတိုက်နေကြချိန်မှာ အနောက်က အလုပ်သမားသမဂ္ဂတွေက

သပိတ်မှောက်နေကြသလို ပုံမကျပန်းမကျအဖြစ်မျိုးကို ပြေးပြီးသတိရမိပါတယ် ။

     နားလည်သိထားရတာတွေအတိုင်းဆိုရင် ဥရောပဟာ အလုပ်သမားအခွင့်အရေးကို အပြည့်အဝ

တောင်မကပဲ အပြည့်အလျှံလို့ ပြောရလောက်အောင် လုပ်ပေးထားတဲ့ ဒေသလို့ ဆိုပါတယ် ။ မကြာ

မတင်မှာတော့ ဂရိတစ်နိုင်ငံထဲတင် မကပါဘူး ၊ ဥရောပတစ်ခုလုံးမှာ ရုပ်ပိုင်းစိတ်ပိုင်း နာကျင်မယ့်

ပြုပြင်မှုတွေကတော့ လွဲရှောင်လို့မရနိုင်တော့တာ သေချာပါတယ် ။ (ကိုယ့်ဆီမှာ လူသားတစ်ယောက်

ရသင့်တဲ့ အခွင့်အရေးကိုတောင် အဆန်းလုပ်ပြောနေရပြီး သူများမှာတော့ အခွင့်အရေး အပြည့်မရလို့

ဆူပူဆန္ဒပြနေကြတာ မနာလိုဖြစ်တတ်ရင် ဖြစ်ချင်စရာပဲ) ။

     ဂရိဟာ (ကုန်) သင်္ဘောလုပ်ငန်းတွေမှာ နာမည်ရှိသူတွေပါ ။ ဒါပေမယ့် အရင်တစ်ခါ ကျနော်

ကိုဝတုတ်ဘလော့မှာ သွားပြောမိသလိုပဲ ၊ အရင်လူတွေ အပြည့်အဝခူးခပ်စားသွားကြတာ အရှိန်လွန်

အချိန်လွန်သွားခဲ့ပါပြီ ။ ခုလို အခက်အခဲကြုံ အနှုတ်လက္ခဏာဖြစ်လာနေချိန်မှာမှ အရင်လူတွေ ရွှေ

ထီးဆောင်းခဲ့ရတဲ့ခေတ်ကို ပြန်တမ်းတပြီး ဆန္ဒပြ ၊ ခွာရာသွားတိုင်းတဲ့အခါကျတော့ ပြဿနာတက်

တော့တာပါပဲ ။ အသူရာချောက်ထဲကို လက်ချင်းချိတ်ပြီး ခုန်ဆင်းတာနဲ့ပဲ တူပါတော့မယ် ။

     ဒီလိုတွေပြောလို့ ရှုပ်ကောင်းရှုပ်သွားပါလိမ့်မယ် ။ အကြောင်းရှိပါတယ် ။ ဂရိအပါအဝင် ဥရောပ

နိုင်ငံအများစုဟာ တိုးတက်ပြီးနိုင်ငံစာရင်းဝင်တွေပါ ။ ဒီနိုင်ငံတွေရဲ့ စီးပွားရေးသရုပ်သကန်က ကုန်

ထုတ်လုပ်မှုကို အခြေမခံတော့ပါဘူး ။ သယံဇာတတွေလည်း မရှိတာကြောင့် လူသားအရင်း အမြစ်နဲ့

ပညာကိုအခြေခံတဲ့ R & D (Research and Development) လို့ခေါ်တဲ့ သုတေသနလုပ် ၊ တီထွင် ၊

ဝန်ဆောင်မှုပေး စတာတွေဖက်ကို အာရုံစိုက်လာရပါတယ် ။ (တိုင်းရင်းသားတွေ အပါ အဝင် တတိ

ယနိုင်ငံရောက် မြန်မာပြည်သူပြည်သားတွေ သတိပြုသင့်တဲ့အချက်ပါ ။ အခွင့်အရေးရှိရင် အတတ်

ပညာတစ်ခုခုကို အချိန်ရှိတုန်း အမိအရယူထားကြဘို့ အားပေးချင်ပါတယ်) ။

     ဒီနေရာမှာ ခက်တာတစ်ခုက ၊ ဥရောပနိုင်ငံ အားလုံးလိုလို WTO လို ကုန်သွယ်မှုနဲ့ တရားသော

ယှဉ်ပြိုင် စီးပွားလုပ်ကိုင်မှုတွေကို အားပေးတဲ့အဖွဲ့ဝင်နိုင်ငံတွေဖြစ်ပေမယ့် ၊ တကယ်တန်းမှာတော့

ပြိုင်ဆိုင်မှုဆိုတာ နည်းပါးနေသလို လူများစုကလည်း ရွှေထီးဆောင်းခေတ်ထဲမှာ ရှိနေတုန်းလို့ စိတ်

ကူးယဉ်အိပ်မက်နေကြဆဲပါ ။ ဒါကြောင့်လည်း အစိုးရကနေ အသုံးစရိတ်တွေဖြတ်မယ်လုပ်တာနဲ့ ဆူ

ပူကုန်ကြတော့တာပါပဲ ။ (တဖက်မှာလည်း ဖွံ့ဖြိုးပြီးနိုင်ငံတွေရဲ့ “ကုန်ထုတ်စွမ်းအား” ဟာ စက်မှု

တော်လှန်ရေးနောက်ပိုင်းမှာ တိုးတက်လာတဲ့ပညာတွေနဲ့ ပေါင်းစပ်ပြီး အစွမ်းကုန်ဆွဲဆန့်ထုတ်

ထားရာက ထပ်ပြီးချဲ့ကားလို့ မရတော့တဲ့ အကန့်အသတ်ရှိတာကိုလည်း သတိပြုဖို့ လိုပြန်ပါတယ်) ။

     ပြောမယ့်သာပြောရတယ် ၊ တကယ်တန်းမှာ globalization, WTO နဲ့ F.D.I လို့ခေါ်တဲ့ နိုင်ငံခြား

ရင်းနှီးမြှုပ်နှံမှုတွေအကြောင်း အပါအဝင် တစ်ခုစီကို ပို့စ်တွေရေးပြီး ဆက်စပ်ပြမှသာ ကျနော်ဘာ

ကြောင့် ဒီလိုတွေပြောသလဲဆိုတာ ပြည့်ပြည့်စုံစုံ လိပ်ပတ်လည်မှာပါ ။ တခါ ဒါတွေရေးပြ ပြောပြနိုင်

လို့ အားလုံးကိုသိတယ် ၊ နားလည်တယ် ၊ မှန်တယ်လို့ အဓိပ္ပါယ်မထွက်ပြန်ဘူးဗျ ။ မြင်တာ ထင်တာ

တွေကို ရောနှောပြီးပြောနေတာ ။ ဒီလောက်ပြောရင် လာဖတ် သူတွေကို စိတ်ရှုပ်အောင် ၊ လာဖတ်

မိတာ အချိန်ကုန်ရုံပဲလို့ထင်အောင် အောင်အောင်မြင်မြင် တင်ပြနိုင်ပြီ ထင်ပါရဲ့ .....

      အဲ .. မတော်သေးဘူးဗျ ၊ မြန်မာပြည်အကြောင်း ကျန်သေးတယ် ။

     အတိုချုပ်မယ်နော် ၊ နှစ်ခုမြင်တယ် ။

     (၁)   ဒေါ်လာဈေး

     (၂)   ကချင်မှာ သေနတ်ပေါက်တာ ။

     ဒေါ်လာဈေးဆိုပေမယ့် မြန်မာငွေမာနေတဲ့ကိစ္စလို့ ပြောလို့ရမယ် ။

 # ဒေါက်တာလှိုင်မြင့်ရေးထားသလို မြန်မာပြည်က စစ်ဗိုလ်ချုပ်တွေနဲ့ အခြားစီးပွားမတရားဖြစ်နေ

ခဲ့သူတွေ နိုင်ငံခြားကို ငွေတွေထုတ်သွားတယ်ဆိုတာမျိုးက ဖြစ်နိုင်တယ်လို့ ယူဆမိတယ် ။ ပထမ

တစ်ချက် - အတွေ့အကြုံအရ မြန်မာပြည်က ဥပမာ ဆောက်လုပ်ရေးလုပ်ငန်းကြီးတွေ ပြည်ပထွက်

ပြီး သိန်းထောင်ချီတန်တဲ့ ပစ္စည်းဝယ်ထွက်ပြီဆိုရင် မြန်မာငွေလည်ပတ်မှုတန့်သွားပြီး မြန်မာငွေဈေး

တက်လာတတ်တယ် ။ နောက်တစ်ခုက ရိုးရိုးအမြင်နဲ့ပဲကြည့်ရင် မြန်မာပြည်မှာ ဘာမှ မည်မည်ရရ

တိုးတက်မှု ၊ ယုံကြည်ရမှုတွေ ရှိမလာပဲနဲ့ ငွေကြေး ဖောင်းပွမှု တန့်သွားတာဟာ သွေးရိုးသားရိုးလို့

သဘောထားလို့ မရပါဘူး ။ (အတိုအထွာ သိထား တာတွေကိုတော့ မရေးတော့ပါဘူး) ။

 # သေနတ်ပေါက်တာနဲ့ ပတ်သက်လို့ကတော့ မြန်မာပြည်စစ်တပ်ထဲမှာ အချင်းချင်း မကြေလည်မှု

တွေရှိသလို လက်ရှိအရပ်ဝတ်အတုနဲ့ အစစ်ရောထားတဲ့ အစိုးရသစ်ဆိုတာနဲ့တစ်ဖက် လွန်ဆွဲမှုတွေ ၊

အာရုံလွဲဖို့ လိုအပ်နေတာတွေ ၊ ဗိုလ်ချုပ်သိန်းစိန် တရုတ်သွားပြီး မကြာခင်ဒီကိစ္စ ဖြစ်လာတာတွေ ၊

ဒေါ်အောင်ဆန်းစုကြည် မကြာခင်နယ်ထွက်မယ့်ကိစ္စတွေကို ထည့်တွက်ရမှာဖြစ်ပါတယ် ။ ကစား

ကွက်တစ်ကွက်ဖြစ်ပေမယ့် အောက်ကလူတွေကတော့ အသေခံ ၊ အခက်အခဲတွေကို ယာယီအာရုံ

ပြောင်းနိုင်တဲ့အမြတ်ရ ၊ တရုတ်နဲ့ ညှိနှိုင်းပြီးအမြတ်ထုတ်ဖို့ ကြိုးစားမှာတွေကတော့ သေချာသလောက်

ပါပဲ ။

မန်းကိုကို

၁၇ ၊ ၀၆ ၊ ၂၀၁၁

မှတ်ချက် - စီးပွားရေးအကြောင်းကို တောင်တစ်လုံး မြောက်တစ်လုံးလေ့လာရင်း ဘယ်က စရေးရ

              မှန်းမသိလို့ ရေးချင်ရာရေးလိုက်တယ်ဗျာ ၊ တစ်ဖက်ကလည်း “Critical Thinking မိတ်

              ဆက် အပိုင်း (၃)” ရေးရင်း အိပ်ငိုက်လွန်းလို့ ဒီပို့စ်ကို ရေးထုတ်လိုက်တာပါ ။ ဘယ်လိုပဲ

              ဖြစ်ဖြစ် စိတ်ထဲတော့ နည်းနည်းပေါ့သွားပါတယ် ။ ကိုယ့်ဘာသာစိတ်ချမ်းသာအောင်လုပ်

              တာကို ဒုက္ခခံလာဖတ်ကြလို့ မေတ္တာတွေကို ခံယူဖို့လည်းအသင့်ပါခင်ဗျာ ....