လူသားနှင့် သဘာဝပတ်ဝန်းကျင် - တရုတ်နိုင်ငံ (၁)



နိဒါန်း

     အာရှဒေသ၏ သဘာဝပတ်ဝန်းကျင်သမိုင်း အခန်းကဏ္ဍသည် အတော်ပင်နုနယ်လျက် ရှိနေပါ
သေးသည် ။ ဤစာစုတွင် လူသားတို့၏လုပ်ဆောင်ချက်များမှ သဘာဝပတ်ဝန်းကျင်အပေါ် သက်
ရောက်မှုများအား တရုတ်နိုင်ငံကို စံနမူနာပြု၍ တင်ပြသွားမည်ဖြစ်ပါသည် ။ ဤတင်ပြမှုတွင် သက်
ဆိုင်ရာစာအုပ်စာတန်းစာစောင်များမှ လေ့လာတွေ့ရှိချက်များကို ကောက်နှုတ်စုစည်းသွားပါမည် ။

     တရုတ်နိုင်ငံသည် ကျယ်ပြန့်သောနယ်မြေဒေသပေါ်တွင်တည်ရှိရာ စုံလင်လှသည့် သက်ရှိနှင့်
အပင်များ မှီတင်းနေကြသည့်အပြင် မြေမျက်နှာပြင်အရလည်း ရေခဲတောင်များမှစ၍ ကန္တာရနှင့်
အပူပိုင်းသစ်တောများအထိ ပါဝင်ကြလေသည် ။ ၄င်းပြင် ရှည်လျားရှေးကျသော မြို့ပြလူနေမှုနှင့်
ယဉ်ကျေးမှုကိုအခြေခံသော လူမှုစိတ်ထားများကလည်း နိုင်ငံအတွင်းရှိ လူသားနှင့်သဘာဝတို့
အကြား အပြန်အလှန်ထိတွေ့ဆက်ဆံမှုများအပေါ် သက်ရောက်မှုများ ရှိနေခဲ့ပါသည် ။

     ၄င်း၏ကျယ်ပြန့်သောဧရိယာ ၊ ကမ္ဘာ့အများဆုံးလူဦးရေ ၊ အထက်အောက်အမိန့်ပေးလုပ်ကိုင်
သည့်စနစ် စသည်များသည် အခြားနိုင်ငံများနှင့်ကွဲပြားသည့်အနေအထားတစ်ရပ်ကို ဖန်တီးဖြစ်ပေါ်
နေစေခဲ့ပြီး ကြီးမားသော သဘာဝပတ်ဝန်းကျင်ဆိုင်ရာစိန်ခေါ်မှုများကိုလည်း ရင်ဆိုင်ကြုံတွေ့နေ
ရပေသည် ။

နောက်ခံ

     တရုတ်နိုင်ငံဒေသဝန်းကျင်မှ လူသားများကိုခြေရာကောက်လျင် လွန်ခဲ့သောနှစ်ပေါင်းလေး
သောင်းခန့်ကနေထိုင်ခဲ့သော ရှေးဦးပီကင်းလူသားအထိပင် တွေ့ရှိနိုင်ပေသည် ။ ဒေသတွင်း
ပထမဦးဆုံးသော မြို့ပြလူနေမှုထူထောင်ခဲ့ကြသူများအနေဖြင့်လည်း မြောက်ပိုင်းဒေသမှ “ရှန်း”
(Shang) ဟုခေါ် သောလူမျိုးစုနှင့် အရှေ့တောင်ပိုင်းမှ ဇောင် (Zhou) မျိုးနွယ်စုတို့ကဲ့သို့သော
ရေကြည်ရာမြက်နုရာသို့ ရွေ့ပြောင်းနေထိုင်တတ်သော လူမျိုးစုများကို (ခရစ်တော် မပေါ်မီ)
ဘီစီ ၁၇၆၀ ဝန်းကျင်ကတည်းမှ ထွက်ပေါ်လာခဲ့ကြသည်ကို မှတ်တမ်းမှတ်ရာများအရ သိရှိရ
ပေသည် ။ စိုက်ပျိုးရေးနှင့် မွေးမြူရေးများအပေါ် တဝက်တပျက်မှီခိုခဲ့ကြသည့် ထိုကဲ့သို့သောလူ
မျိုးစုများမှ တဖြည်းဖြည်းနှင့် အင်အားကောင်းလာခဲ့ကြပြီး ပြည်မအတွင်းပိုင်းများသို့ ချဲ့ထွင်လွမ်း
မိုးလာကြလေသည် ။

     တရုတ်နိုင်ငံ၏ သဘာဝပတ်ဝန်းကျင်အပေါ် သက်ရောက်မှုများကို အချိန်အားဖြင့် သုံးပိုင်းခွဲ၍
ရနိုင်ပါသည် ။ ပထမပိုင်းမှာ သမိုင်းတင်သည်မှအလယ်ခေတ် ၊ မန်ချူးမင်းဆက် နောက်ဆုံးပိုင်း
ခေတ်နှင့် ၁၉၄၉ ခုနှစ်မှစတင်သော ကွန်မြူနစ်အုပ်ချုပ်ရေးခေတ်ကာလတို့ ဖြစ်ကြပါသည် ။

     ပထမဦးဆုံးသော မှတ်တမ်းတင်ထားသည့် ကြီးမားသည့်ပြောင်းလဲသက်ရောက်စေခဲ့မှုများကို
ဘီစီ ၂၂၀၅ မှ ၁၇၆၆ ခုနှစ်များအတွင်း အဦးပိုင်း စီယာမင်းဆက် (Hsia dynasty) လက်ထက်တွင်
စတင်တွေ့ရှိရသည် ။ ထိုကာလအတွင်း တရုတ်မြောက်ပိုင်း လွင်ပြင်ဒေသရေကြီးခဲ့ခြင်းများတွင်
လူအင်အားများပြားစွာဖြင့် ရေများကိုအောင်မြင်စွာဖေါက်ထုတ်နိုင်ခဲ့ပြီး သဘာဝကို အံတုတွန်းလှန်
ခဲ့ကြလေသည် ။ နောက်တစ်ခုမှာ အေဒီ ၆ ရာစုအတွင်း တရုတ်နိုင်ငံ၏အဓိကမြစ်ကြီးနှစ်ခုကို တူး
မြောင်းကွန်ယက်များဖြင့် ဆက်သွယ်ခဲ့ခြင်းဖြစ်ပေသည် ။

     ထင်ရှားသောသဘာဝပတ်ဝန်းကျင်ပြောင်းလဲချက်များကို မန်ချုးမင်းဆက်နောက်ဆုံးပိုင်းတွင်
ပိုမိုတွေ့ရှိလာခဲ့ကြရသည် ။ ခေတ်မီသယ်ယူပို့ဆောင်ရေး ၊ မိုင်းလုပ်ငန်းနှင့်အခြားစက်မှုလုပ်ငန်း
များ ၊ စိုက်ပျိုးရေးကို ခေတ်မှီနည်းပညာများအသုံးပြုလုပ်ကိုင်ခြင်းနှင့် အုပ်ချုပ်သူလူတန်းစားမှ
သူတို့အကျိုးစီးပွားအတွက် သဘာဝအရင်းအမြစ်များကို အသုံးချခြင်းများတွင် အင်တိုက်အား
တိုက်ဖြစ်လာခဲ့သည် ။ ထို ၁၈ ရာစုနှောင်း ပိုင်းကာလတွင် သစ်တောများသည် အရှိန်မြှင့်ခုတ်လှဲ
ခံခဲ့ကြရပြီး ပြောင်းနှင့်ရာဘာစိုက်ပျိုးရေးအတွက် မြေရိုင်းများကိုလည်း ချဲ့ထွင်ခဲ့ကြလေသည် ။

     ယနေ့အချိန်တွင် တရုတ်နိုင်ငံသည် ကမ္ဘာ့လူဦးရေ၏ ၂၁% ရှိကာ ဆက်လက်၍လည်း နှစ်စဉ်
၁၂% နှုန်းဖြင့် ပွားများတိုးတက်နေပေသည် ။ ထို့ပြင် ပတ်ဝန်းကျင်ညစ်ညမ်းစေမှုနှင့် သဘာဝ
ပတ်ဝန်းကျင်ပျက်စီးစေမှုများတွင် ကမ္ဘာ့နိုင်ငံများအကြား ထိပ်တန်းမှပါဝင်ပတ်သက်နေပေသည် ။

ဘာသာအယူဝါဒနှင့် သဘာဝပတ်ဝန်းကျင်

     တရုတ်နိုင်ငံဒေသတွင်းတွင် ဘာသာအယူဝါဒများ ပေါ်ပေါက်ရောက်ရှိပျံ့နှံ့ခဲ့လေရာ ယဉ်ကျေး
မှု ဓလေ့များကိုသာမက သဘာဝပတ်ဝန်းကျင်အပေါ်ထားရှိသော လူတို့၏သဘောထားများအပေါ်
တွင်ပါ ကြီးစွာသောသက်ရောက်မှုများ ရှိခဲ့လေသည် ။ ယင်းတို့အနက်မှ အဓိကကျသည်များအနေ
ဖြင့် ကွန်ဖြူးရှပ်ဝါဒ (၅၅၁-၄၇၉ ဘီစီ) ၊ တာအိုဝါဒ (ဘီစီ ၂-၃ ရာစုကြား) နှင့် အေဒီတစ်ရာစုအ
တွင်းပျံ့နှံ့လာသည့် ဗုဒ္ဒဘာသာတို့အား တွေ့ရှိရမည်ဖြစ်သည် ။

     တာအိုဝါဒ (Taoism/Daoism) ကိုကြည့်လျင် လူသားများသည် သဘာဝ၏အစိတ်အပိုင်းများ
ဖြစ်သောကြောင့် သဘာဝဥပဒေများကို လိုက်နာရမည်ဖြစ်ပြီး သဘာဝလောကနှင့် သဟဇာတ
ကျအောင် နေဖို့လိုသည်ဟု သွန်သင်သည်ကို တွေ့မြင်ရမည်ဖြစ်သည် ။ ကွန်ဖြူးရှပ်ဝါဒ
(Confusianism) တွင်မူ အုပ်ချုပ်သူများ၏စီမံမှုကို နာခံရမည်ဟူသော သင်ကြားချက်များက
လည်း ယနေ့အာဏာရှင်ဆန်သော အုပ်ချုပ်ရေး၏ အုတ်မြစ်ဖြစ်ခဲ့ပေသည် ။ ဗုဒ္ဒဘာသာ
(Buddhism) မှာမူ လူသားတို့၏ ခက်ခဲပင်ပန်းသောဘဝစက်ဝန်းမှ လွတ်မြောက်ဖို့ရန်အားပေး
ပြီး ရုပ်ဝတ္ထုများကိုခင်တွယ်တန်ဖိုးထားမှုနှင့် သဘာဝအား ဖျက်ဆီးအသုံးချခြင်းများကို အားမ
ပေးပါ ။

     ၁၉၄၉ ခုနှစ်မှစခဲ့သော ဥက္ကဋ္ဌကြီးမော်လက်ထက်တွင် ဘာသာအယူဝါဒများဖိနှိပ်ချုပ်ချယ်ခံခဲ့
ရပြီး ရိုးရာယဉ်ကျေးမှုများနှင့်လည်း ကင်းကွာလာခဲ့ကြသည် ။ တဆက်တည်းမှာပင် သဘာဝပတ်
ဝန်းကျင်ဆိုင်ရာ ပျက်စီးမှုအရေးကိစ္စများသည် အရင်းရှင်လူမှုအသိုင်းဝိုင်းများတွင်သာဖြစ်တတ်ပြီး
လူသားများသည် သဘာဝအပေါ် အောင်နိုင်ဖို့ရာစွမ်းအားရှိပြီး အောင်နိုင်ဖို့ရာလည်း လုပ်သင့်
သည်ဟု ကွန်မြူနစ်ခေါင်းဆောင်များမှ ယုံကြည်ခဲ့ကြသည် ။

လူသားနှင့် သဘာဝဝန်းကျင်

     စက်မှုခေတ်မရောက်မီက လူသားတို့၏ဘဝကို သဘာဝကလွမ်းမိုးထားခဲ့သော်လည်း ယနေ့
အချိန်တွင်မူ လူသားတို့၏ လုပ်ဆောင်မှုများမသက်ရောက်သော သဘာဝလုပ်ငန်းစဉ်ဟူ၍ အ
နည်းငယ်မျှသာ ရှိပေတော့သည် ။ အနောက်နိုင်ငံများ၏ လူနေမှုအဆင့်အတန်းကို မှီနိုင်ဖို့ရန်
ရည်မှန်းချက်ထားရှိသော တရုတ်နိုင်ငံသည်လည်း ဤသဘောသဘာဝမှ မလွတ်ကင်းနိုင်ပေ ။
သို့ရာတွင် စက္ကူ ၊ ယမ်း ၊ ပိုးချည် စသည်တို့ကို အဦးဆုံးတီထွင်ထုတ်လုပ်ခဲ့သော တရုတ်နိုင်ငံ၏
သဘာဝနှင့်ဆိုင်သည့် သိသာသောပြောင်းလဲမှုများသည် ၁၉၄၀ လွန်ကာလမှစ၍ ပိုမိုထင်ရှားစွာ
တွေ့ကြရပေသည် ။

     တရုတ်နိုင်ငံ၏ သဘာဝပတ်ဝန်းကျင်ညစ်ညမ်းမှုနှင့် ယိုယွင်းမှုများ၏ အဓိကတရားခံနှင့်အခန်း
ကဏ္ဍအဖြစ် အစိုးရ၏ စီမံခန့်ခွဲမှုလွဲမှားခြင်းအား ညွှန်ပြနိုင်ပေသည် ။ နမူနာအနေဖြင့် ၁၉၅၈ - ၅၉
ခုနှစ်များအတွင်း သံမဏိထုတ်လုပ်နိုင်ဖို့ရန် လေ့ကျင့်မှုမရှိသော ဆင်းရဲသားများနှင့် လွန်စွာခေတ်
နောက်ကျသော နည်းလမ်းများကိုအသုံးပြုကာ ဖြစ်လာမည့်ဆိုးကျိုးများကိုလည်းထည့်မတွက်ပဲ အ
လောသုံးဆယ်ကြိုးစားခဲ့ခြင်းအား တွေ့နိုင်ပေသည် ။ တဖန် ၁၉၆၅ ခုနှစ်လွန်များတွင် ဒေသဆိုင်
ရာအစိုးရနှင့် စက်ရုံအလုပ်ရုံများက ထိရောက်မှုနှင့်ကုန်ကျများမှုကိုလစ်လျူကာ ကုန်ထုတ်လုပ်ရေး
ကို ဆိုရှယ်လစ်စီမံကိန်းများနှင့် ကိုက်ညီဖို့ရန်သာ အစွမ်းကုန်အားသွန်ခွန်စိုက်လုပ်ကိုင်ခဲ့ကြသည် ။
ဤမှသည် စွမ်းအင်များကို အလဟဿဖြုန်းတီးခြင်း ၊ ကုန်ကြမ်းများကို အစုလိုက်အပြုံလိုက် စု
ဆောင်းခြင်းနှင့် ဦးတည်ချက်မဲ့ကုန်ထုတ်လုပ်ခြင်းများဆီသို့ ဦးတည်စေခဲ့ပေသည် ။

     ယနေ့အချိန်တွင် တရုတ်နိုင်ငံသည် ကမ္ဘာ့ကျောက်မီးသွေး၏ လေးပုံတစ်ပုံ ၊ ၂၀% သော ဓါတ်
မြေသြဇာနှင့် ပိုးသတ်ဆေး ၁၄% ကိုသုံးစွဲနေပြီး လျှပ်စစ်ဓါတ်အားဒုတိယအများဆုံးထုတ်သောနိုင်
ငံ ၊ ရေနံကို တတိယအများဆုံးအသုံးပြုသော နိုင်ငံလည်းဖြစ်သည် ။ ၄င်းပြင် အိုဇုန်းလွှာပျက်စီး
ကုန်ခန်းစေသည့် ဓါတုပစ္စည်းအများဆုံးထုတ်လုပ်အသုံးပြုနေပြီး သစ်ထွက်ပစ္စည်းအသုံးပြုမှုတွင်
လည်း ကမ္ဘာ့တတိယအဆင့်တွင် ရောက်ရှိနေလေသည် ။ ထို့တွင်သာမက စုစုပေါင်း ၂၈ % မျှ
သော အန္တရယ်ဖြစ်စေသည့် မာကျူရီထုတ်လုပ်စွန့်ပစ်မှုအတွက်လည်း တာဝန်ရှိနေပေသည် ။

     တရုတ်နိုင်ငံ၏ သဘာဝပတ်ဝန်းကျင်အပေါ် ထိခိုက်သက်ရောက်စေသည့်အပိုင်းများကို ခြောက်
ပိုင်း ခွဲခြားထားနိုင်သည် ။ ၄င်းတို့မှာ -

လေထု

     တရုတ်နိုင်ငံ၏ လူတစ်ဦးချင်းစီအတွက် ကာဗွန်ဒိုင်အောက်ဆိုဒ်ထုတ်လုပ်မှုအချိုးအစားသည်
ကမ္ဘာပေါ်တွင် ဒုတိယလိုက်နေပြီး သက္ကရာဇ် ၁၉၈၀ မှ ၂၀၀၀ အတွင်း ၉၁% တိုးပွားခဲ့ခြင်းဖြစ်ပေ
သည် ။ ၁၉၉၈ တွင် ကမ္ဘာ့လေထုအညစ်ညမ်းဆုံးမြို့ကြီး ၁၀ မြို့စာရင်းတွင် တရုတ်နိုင်ငံမှ မြို့ ၅
မြို့ပါဝင်ခဲ့ပြီး ၂၀၀၆ ခုနှစ်တွင်လည်း အလားတူသောစံချိန်ကို ဆက်လက်ရရှိထားနေဆဲဖြစ်သည် ။
အကျိုးဆက်အားဖြင့် တရုတ်နိုင်ငံ၏ လေးပုံတစ်ပုံသောမြို့များပေါ် ရွာချသောမိုးများထဲတွင် ၅၀%
ခန့်သည် အက်ဆစ်မိုးများဖြစ်နေခဲ့သည် ။

(အပိုင်း -၂ သို့ ဆက်ရန်)

မန်းကိုကို
၂၀၊ ၀၄၊ ၂၀၁၁