အညတရဘလော့တစ်ခုရဲ့ နိဒါန်း



     မနှစ်က ဒီလိုအချိန်တုန်းကပေါ့ ။ ကွန်ပြူတာရှေ့မှာ မလုပ်ဖူးမကိုင်ခဲ့ဖူးတာကို နာရီပေါင်းများစွာ
စိတ်ဝင်တစားလုပ်နေခဲ့မိပါတယ် ။ မကြာခင်မှာပဲ ဒီ “မန်းကိုကို” ဆိုတဲ့ဘလော့လေး ရုပ်လုံးပေါ်လာ
ခဲ့ပြီး ခုဆိုရင် တစ်နှစ်တင်းတင်းပြည့်ခဲ့ပါပြီ ။ ဘယ်နေ့ပြည့်သလဲတော့မမေးပါနဲ့ လူကြီးအိနြေ္ဒပျက်ပါ
တယ် .. :-)

     ဒီဘလော့လေးဖြစ်တည်လာပုံကလည်း မှတ်သားလောက်စရာ ရှင်းရှင်းလင်းလင်းကြီးကို ရှိနေပါ
တယ် ။ ရှင်းတယ်ဆိုတာက ဘာမှမရှိဘူးလို့ သဘောထားရင် သိပ်တော့မမှားနိုင်ပါဘူး ။ ဒါပေမယ့်
စာရှည်ရှည်ရေးနိုင်အောင် ခြစ်ချုပ်ပြီး စုဆောင်းထားတာလေးတွေကိုတော့ နည်းနည်းရွှီးပေးပါ့မယ် ။
ဘယ်လိုစာရေးသူမျိုးမဆို သူ့ပရိတ်သတ်နဲ့သူ ရှိတတ်ကြတယ်လို့ ဆိုကြသလို ကိုယ်ဘာရေးရေး
ဒုက္ခခံပြီး လာဖတ်ကြမယ့်သူတွေကို ငဲ့ရပေဦးမှာကိုး ။

     ပထမတုန်းက ဝက်ဆိုဒ်အချို့မှာ ဖတ်ရင်းနဲ့မှတ်ချက်ပေးချင်တာနဲ့ မှတ်ချက်ပေးဖို့ စီစဉ်ထားပေး
တာမျိုးတွေ ပေါင်းဆုံကြုံကြိုက်တဲ့အခါ မရိုက်တတ်တဲ့စာကို တောင်တစ်လုံးမြောက်တစ်လုံးဝင်ရိုက်
ကြည့်မိပါတယ် ။ ဒါပေမယ့် မှတ်ချက်ဆိုတာမျိုးက ကိုယ်သိသမျှပြောချင်သမျှအားလုံးကို အတိုချုပ်
ရတဲ့ သဘောသဘာဝရှိလေတော့ သိပ်အားမရလှပါဘူး ။ နောက်ပြီး တည်တံ့တဲ့ ဆွေးနွေးပြောဆို
ချက်တွေကို ဖြတ်တောက်တားဆီးတာကလည်း ကိုယ်ပိုင်လွတ်လပ်တဲ့ခိုလှုံရာလေးတစ်ခု ရှာဖွေရ
လေအောင် တွန်းအားတစ်ခုဖြစ်လာခဲ့ပြန်ပါတယ် ။ ဒါနဲ့နောက်ပိုင်းမှာ ဘလော့ ဘလော့နဲ့ ရေးထား
တာ ရည်ညွှန်းတာတွေဖတ်မိပြီး ဟိုစူးစမ်း ဒီလက်ဆော့လုပ်ရင်း ခုလက်ရှိ blogspot နဲ့ ရေစက်ဆုံမိ
ခဲ့ရပြီး စာတွေစရေးဖြစ်ခဲ့ပါတယ် ။

     ဘလော့ကို နာမည်ပေးဖို့ဖြစ်လာပြန်တော့လည်း စဉ်းစားရပါတယ် ။ နာမည်အရင်းကြီးထည့်ရင်
မှတ်မိမယ့်သူက ကိုယ့်ဆွေမျိုး သူငယ်ချင်းနဲ့ ခင်လာရမယ့် လက်တစ်ဆုပ်စာမိတ်ဆွေတွေလောက်
ပဲရှိနိုင်ပါလ်ိမ့်မယ် ။ လူများစုခေါ်နေကြတဲ့ နာမည်ကျတော့ “ကျော်ကျော်” ပါ ။ ဒီနာမည်ကလည်း
ဆင်တူသူတွေ အင်မတန်များတာမို့ လက်လျှော့လိုက်ပါတယ် ။ လက်လျှော့ရခြင်းရဲ့ အကြောင်းရင်း
နောက် တစ်ခုကတော့ ခေါ်ရပြုရမလွယ်တာလည်း ပါပါတယ် ။ အခြားသူမပြောနဲ့ ကိုယ့်ဘာသာ
တောင် ကရင်သံဝဲဝဲနဲ့ခေါ်ရတာ တိကျအဆင်ပြေလှတယ်တော့ မဟုတ်ပါဘူး ။

     လွန်ခဲ့တဲ့ အနှစ် ၂၀ ကျော် ကျနော်မြန်မာပြည်ထဲက စထွက်တာနဲ့ “ကျော်ကျော်” ဆိုတာကို မြန်
မာပြည်ပြင်ပမှာ လူများစုကအသံထွက်ခေါ်ဖို့ အဆင်မပြေတာကို တွေ့ရပါတယ် ။ “ကောင်ကောင်” ၊
“ကော်ကော်” ၊ “ကယော်ကယော်” ၊ “ဂျော်ဂျော်” တွေနဲ့ စုံလို့ပါပဲ ။ ဟုတ်တော့လည်း ဟုတ်ပါတယ် ၊
မြန်မာပြည်သားမဟုတ်သူတွေအတွက် အသံထွက်ရခက်တဲ့ကြားထဲ အင်္ဂလိပ်လို စာလုံးပေါင်းကလည်း
ကိုယ့်ဘာသာမှန်တယ်ထင်ကြပေမယ့် အင်္ဂလိပ်စကားပြောအသိုင်းအဝိုင်းမှာတော့ ကျိုးကြောင်းကျ
တဲ့ စာလုံးပေါင်းမဟုတ်ပြန်ပါဘူး ။

     ဒါနဲ့ လွယ်လွယ်ကူကူခေါ်နိုင်အောင်တွေးတော့ ကရင်လို “ကျော်” ဟာ ဗမာလို “ကို ၊ အကို” လို့
အဓိပ္ပါယ်ဖလှယ်လို့ရတာမို့ စာလုံးပေါင်းလဲလွယ် ခေါ်ရ မှတ်မိရလည်းလွယ်မယ့် “ကိုကို” ဟာ ရွေး
ချယ်စရာစကားလုံးတစ်လုံး ဖြစ်လာခဲ့ပါတယ် ။ ဒါပေမယ့် တင်စီးသလိုဖြစ်မှာရယ် သူများနဲ့တူမှာတွေ
က ထပ်တွေးစရာတွေပါ ။ ငယ်စဉ်က နာမည်ရှေ့မှာ “စော” ဆိုတာ ပါခဲ့ပေမယ့် ။ မြန်မာပြည်ပြင်ပ
မှာတော့ ဖြုတ်ထားမှပိုအဆင်ပြေလို့ ဖြုတ်ထားခဲ့ပါတယ် ။ နောက်ပြီး အသက်လည်းနည်းနည်းရ
လာပြီဆိုတော့ “မန်း” ဆိုတာကို သုံးဖို့အချိန်ရောက်လာပြီလို့ယူဆပြီး နောက်ဆုံးတော့ “မန်းကိုကို”
ဖြစ်လာခဲ့ပါတယ် ။ မတွေးခဲ့မိတာကတော့ ဂါထာမန္တယားတွေ “မန်း” မှုတ်တာမျိုး ၊ မန္တလေးသားလို
လို ထင်ယောင်မိမှားမှာမျိုးတွေပါ ။

     ဒီနေရာမှာ တစ်ခုထည့်ပြောချင်တာက မိသားစုနဲ့ အခြားဆက်စပ်သက်ဆိုင်တာတွေကို အရင်းခံ
တဲ့နာမည်မျိုး မရွေးတဲ့ကိစ္စပါ ။ မိန်းမက အင်တာနက်ဆိုရင် ခုလပိုင်းလောက်မှ သတင်းတွေကို ဗမာ
လို မှန်မှန်ဖတ်လာတာပါ ။ အင်္ဂလိပ်သတင်းကတော့ ဝေလာဝေးပါ ။ ပြီးတော့ ဘလော့မှာဝင်ပတ်
သက်ဖို့မပြောနဲ့ အီးမေးလ်ဖွင့်ဖို့ ဖေ့ဘွတ်ဖွင့်ဖို့ဆိုတာတောင် သူ့အတွက်က အလှူအိမ်မှာ သုံးရက်
လောက်သွားကူရတာထက် ပိုပြီးဝန်လေးတဲ့ ပုံစံပေါက်နေတာကြောင့် မထူးတာကို မဆွယ်ဖြစ်တော့
ပါဘူး ။ ကလေးတွေကျပြန်တော့ ဗမာစာကို များများဖတ်နိုင်အားသိပ်မရှိကြလို့ ကစားမက်ကြလို့
နောင်များမှပဲ မိသားစုနဲ့ဆိုင်တာလေးတွေ လုပ်တော့မယ်လို့ စိတ်ကူးမိပါတယ် ။

     ဒီဘလော့နဲ့ပတ်သက်လို့ နောက်ကြောင်းပြန်ငဲ့ကြည့်ရင် ဘလော့ထဲလူတိုင်းနီးပါးကြုံရသလိုပဲ
အမှားအမှန်လုပ်ရပ်စုံတွေလုပ်ခဲ့ ရသစုံတွေခံစားခဲ့ရတာပါပဲ ။ မသိလို့ ၊ မတတ်လို့ ၊ အတွေ့ကြုံ
မရှိလို့ ၊ မတွေးမမြင်မိလို့ စတဲ့စုံလင်တဲ့အကြောင်းရင်းခံတွေကလည်း ဖြစ်ခဲ့တာတွေကို လမ်းကြောင်း
ပေးခဲ့ပါတယ် ။ ရေးချင်တာ ၊ ရေးသင့်တာ ၊ ရေးလို့ရတာတွေကို ထိန်းညှိရေးရင်း မိတ်ဆွေတွေတိုး
လာသလို သူတို့နဲ့ သဘောထားမတိုက်ဆိုင်တဲ့အခါမျိုး တွေကြုံလာရပြန်ပါတယ် ။ တစ်ခါတစ်ရံမှာ
စိတ်ဆိုးဒေါသထွက်သူများလည်းရှိတတ်ပေမယ့် သူတို့တွေ တိတ်တိတ်ကလေး ပြန်လာဖတ်ကြ
တာတွေ့မိရင် သာမန်လူသားတစ်ယောက်အနေနဲ့ ဝမ်းသာတာပါပဲ ။

     မပြည့်စုံသူတစ်ယောက်အနေနဲ့ ရှေ့ဆက်ပြီးတော့ ကြုံဆုံလုပ်ကိုင်ရာမှာ အကောင်းဖက် တိုး
တက်ရာဖက် ဦးတည်သွားနိုင်ဖို့တော့ မျှော်လင့်မိပါတယ် ။ အရေးအသားဖက်မှာ သိပ်မမျှော်လင့်
ပေမယ့် ဗဟုသုတလက်ဆင့်ကမ်းတဲ့ဖက်မှာတော့ တိုးတက်မှုလို့ မခေါ်နိုင်ရင်တောင် တစ်ဆုပ်
တစ်မ တနိုင်တပိုင်စာလေး ကြုံဆုံလာတဲ့လိုအပ်သူတွေအတွက် ကွက်လပ်အချို့ဖြည့်သွားပေးနိုင်ဖို့
ရည်ရွယ်ထားပါတယ် ။

     များမကြာခင်မှာ ဝက်ဘ်ဆိုဒ်အဖြစ် တစ်ဆင့်တက်လာကောင်းတက်လာမှာဖြစ်ပေမယ့် ကျောင်း
တစ်ဖက်နဲ့ အချိန်ပေးနိုင်ဖို့သိပ်မလွယ်တာမို့ လက်လှမ်းမီသလောက် တတ်စွမ်းသလောက်ရေးခြစ်
ရင်းနဲ့ ချစ်သူ ခင်သူ မုန်းသူအပေါင်းကို မင်္ဂလာရှိတဲ့ နှစ်သစ်အခါသမယ ဖြစ်ပါစေလို့သာ …


မန်းကိုကို
၁၃၊ ၀၄၊ ၂၀၁၁