ညီငယ် ဖိုးသဒါး ... သို့

   ညီငယ် ဖိုးသဒါးရေ .. ။

   မင်းရဲ့ ငါတို့အသိုင်းအဝိုင်းတစ်ခုလုံးအတွက် ဦးတည်ရေးခဲ့တဲ့စာကို တလောက ဖတ်လိုက်ရတယ် ။

   မင်းကြုံတွေ့နေခဲ့ရတဲ့ အခြေအနေတွေအပေါ် အားမလို အားမရမှုတွေနဲ့အတူ ၊ တစ်ခါတစ်ခါလည်း
စိတ်ပျက်အားလျော့မှုတွေအထိ ဖြစ်နေလိမ့်မယ်ထင်မိလို့ ဒီစာကို ရေးလိုက်တာပါ ။

   ပထမဆုံးအနေနဲ့ ချီးမွမ်းတယ်ရယ်လို့မဟုတ်ပေမယ့် မင်းလုပ်ခဲ့ပြီးတာတွေအတွက် ငါဂုဏ်ယူတယ်

လို့ အရင်ပြောချင်တယ် ။ ရှေ့တန်းစစ်မျက်နှာမှာ ABSDF ကျောင်းသားတွေနဲ့လက်တွဲပြီး လက်ရုံးရည်

အရ ကြံ့ကြံ့ခံခဲ့သလို ၊ အခုလည်း နှလုံးရည်ပိုင်းနဲ့ဆက်နွယ်တဲ့ တစ်အိမ်တက်တစ်အိမ်မဆင်းရုံတမယ်

စည်းလုံးရေးအတွက် လိုက်ဆော်သြနေတယ်ဆိုတာတွေဟာ တို့အသိုင်းအဝိုင်းထဲမှာ အင်မတန်လို

အပ်နေတဲ့ လုပ်ဆောင်ချက်တွေပါ ။

   ဒါပေမယ့် မင်းရဲ့ကြိုးပမ်းမှုတွေဟာ အရာမထင်သလို ဖြစ်နေတယ်လို့ မင်းထင်နေတယ်ဆိုတာ ငါ

နားလည်မိတာကြောင့် ၊ အရင်ကမင်းနဲ့ ပြောခဲ့ဖူးတဲ့ စကားအချို့ကို စားမြုံ့ပြန်ရင်း ထပ်တွေးမိတာ
လေးတွေနဲ့ပေါင်းစပ်ပြီး အားပေးလိုက်ချင်တယ် ညီငယ် ။

   ပထမ မင်းမေ့ကောင်းမေ့နေနိုင်တာက မင်းဟာ ငါ့ထက်ငယ်ရွယ်ပေမယ့် ဒုတိယအရွယ်နဲ့ နီးလာ

ပြီဆိုတာ သတိထားဖို့ပဲကွ ။ ဒီအရွယ်ရောက်လာတဲ့ တို့တတွေရဲ့လှုပ်ရှားမှုတွေဟာ ဆင်တွေလိုပဲ

တစ်လှမ်းဆိုရင် တစ်လှမ်းဆိုသလို သိသိသာသာ ကျယ်ကျယ်ပြန့်ပြန် ထိရောက်ဖို့လိုလာပြီလို့

မင်းစိတ်ထဲမှာ မဝင်မိဖူးလား ။ ထင်သလောက်မပေါက် ၊ လှမ်းသလောက်မရောက်ဖြစ်နေတယ်

ဆိုရင်တော့ မင်းလုပ်နေကိုင်နေတာတွေ ကို ပြန်ဆန်းစစ်ကြည့်ဖို့ လိုလာလိမ့်မယ် ။ မှားနေတာ

တွေရှာပြီးပြင် ၊ ပြောင်းလဲလုပ်ကိုင်ကြည့် ၊ တစ်ဦးနဲ့ တစ်ဦး တိုင်ပင်လုပ်ကိုင်ကြရင် ၊ မင်းဖြစ်ချင်

တဲ့ အလုပ်နဲ့ဆန္ဒတွေ ပြည့်ဝလာလာလိမ့်မယ်လို့  ငါယုံကြည်တယ် ။

   ငါမြင်တာကိုပြောရရင် လူထုကြီးဟာ (စားသုံးသူ) ဈေးကွက်တစ်ခုလိုပဲ ။

   အခြားတစ်ဖက်မှာတော့ တော်လှန်ရေးလုပ်သူတွေဟာ ကုန်ပစ္စည်းထုတ်လုပ် သယ်ယူရောင်းချ

နေသူတွေနဲ့ မခြားဘူးကွ ။

   ဒီတော့ ငါပြောချင်တာက ကုန်ပစ္စည်းတစ်ခုဟာ ဘယ်လောက်ပဲကောင်းကောင်း ဝယ်တဲ့သူမရှိရင်

အလုပ်မဖြစ်ဘူးကွ ။ ဆိုလိုတာက အရောင်းအဝယ်မဖြစ် ၊ အမြတ်အစွန်းမရှိတဲ့နောက်မှာတော့ ရောင်း

တဲ့သူလည်း ဒေဝါလီခံရရုံပဲပေါ့ကွာ ။

   ဒီတော့ ဘာလုပ်ရင် ကောင်းမလဲ ။

   ငါမြင်တာတော့ ဈေးကွက်ကို နောကြေနေအောင် သုတေသနလုပ် ၊ ပြီးတော့မှ ဖြန့်ကျက်ထိုးဖေါက်

ပြီး လုပ်ငန်းအောင်မြင်အောင် လုပ်ရမှာပဲ ။ ဒီလိုလုပ်ရာမှာတော့ အောင်မြင်ဖို့အတွက် အသေးစိတ်က

အစ ကုန်ပစ္စည်းကို ကောင်းအောင်လုပ်တာ ၊ ဈေးကွက်ရဲ့ ဆန္ဒနဲ့လိုအပ်မှုတွေကို လိုက်လျောညီထွေ

ဖြစ်အောင် တွက်ချက်ပြီးနဲ့ ထိုးဖေါက်ပုံနည်းအမျိုးမျိုးနဲ့ဝင်တာ ၊ ပြိုင်ဘက်နဲ့ ဖျက်လိုဖျက်ဆီးလုပ်မယ့်

အင်အားစုတွေကို ကျော်လွှားနိုင်ဘို့နည်းလမ်းတွေ ၊ လုပ်ပုံကိုင်ပုံတွေကိုလည်း အကောင်းဆုံးမဖြစ်

ရင်တောင် လုပ်လို့ရတဲ့ ၊ လုပ်သင့်တဲ့ အတိုင်းအတာတစ်ခုအထိတော့ ပြတ်သားတဲ့ဦးတည်ချက်တွေ

နဲ့အတူ ရွေးချယ်ထားတဲ့ လမ်းကြောင်းတွေရှိသင့်တယ်လို့ အခြေခံအားဖြင့်မြင်မိတယ် ။

   အဲဒီ အပေါ်ကဟာတွေကို စကားလုံးကြီးကြီးသုံးတော့ မဟာဗျူဟာ ၊ နည်းဗျူဟာတွေဆိုပြီး ဖြစ်

သွားတာပဲ ။ သိပ်ရှုပ်ရှုပ်ထွေးထွေး စဉ်းစားမနေနဲ့ ။

   တခါ ဈေးကွက်နဲ့ ထုတ်ကုန်လို့ ဆိုကြရာမှာလည်း ...

* ရှိပြီးသားဈေးကွက်နဲ့ ဈေးကွက်အသစ်တွေ ၊

* ထုတ်ကုန်အဟောင်းနဲ့ ထုတ်ကုန်အသစ်တွေ အပေါ်မူတည်ပြီး ...

  (က) ရှိပြီးသား ဈေးကွက်ထဲမှာ ဝယ်လိုအားမြင့်လာအောင်လုပ်တာ ၊

  (ခ)  ဈေးကွက်သစ်ကို ထိုးဖေါက်တာ ၊

  (ဂ)  ပစ္စည်းအဟောင်းကို ပိုကောင်းအောင်လုပ်ပြီး ဈေးကွက်ပြန်တင်တာ ၊

  (ဃ) ပစ္စည်းအသစ်တွေ ထုတ်လုပ်မိတ်ဆက်ပေးတာတွေ ရှိလာနိုင်တယ် ။

   နောက်ပြီး ဈေးကွက်တွေလို့ ဆိုရာမှာလည်း ၊ အကြမ်းဖျင်း ပိုင်းခြားလို့ရနိုင်မှာတွေက ...

(၁)   ကယားပြည်နယ်ဘက်ကစလို့ ကရင်ပြည်နယ်တစ်ကြောအစု ၊

(၂)   ရေး ၊ ဘိတ် ၊ ထားဝယ်အစု ၊

(၃)   မြစ်ဝကျွန်းပေါ်အစု ၊

(၄)   နယ်စပ်တစ်လျှောက်နဲ့ ခိုလှုံရေးစခန်းတွေကတစ်စု ၊

(၅)   ထိုင်းနိုင်ငံအပါအဝင် မလေးရှား ၊ စင်္ကာပူတွေမှာ ယာယီလုပ်ကိုင်နေထိုင်ကြသူတွေနဲ့ တတိယ

       နိုင်ငံတွေကို ပြောင်းရွှေ့နေထိုင်ကြတဲ့အစုတွေလို့ ယေဘုယျခွဲခြားနိုင်လိမ့်မယ် ။

   နောက်တစ်ဆင့်မှာက ပိုပြီးအသေးစိတ်မယ့် ဒေသန္တရ ၊ လမ်းပန်းဆက်သွယ်ရေး ၊ အနီးကပ်နေ

ထိုင်နေတဲ့ အခြားလူမျိုးစု ၊ ပညာရေးနဲ့ ဘာသာရေးတွေရဲ့ သက်ရောက်မှုတွေကိုလည်း တွက်ရမှာ

တော့အမှန်ပဲ ။ ဥပမာ မြစ်ဝကျွန်းပေါ်ဖက်က လာသူတွေကို တို့တတွေ သုံးစွဲပြောဆိုနေတဲ့စကား

မျိုး ပြောတတ်ကိုတတ်ရမယ်လို့ မျှော်လင့်လို့မရသလို ၊ ဘာသာရေးမှာလည်း သာသနာတစ်ခုက

လူက အခြားသာသနာနယ်မြေထဲလာပြီး စိတ်ဖြောင့်ဖြောင့်နဲ့ ဘုရားအတူဝတ်ပြုကိုးကွယ်ကြလိမ့်

မယ်လို့ အထင်တွေမရှိသင့်ဘူး ။

   စီးပွားရေးသဘောတရားအရ ကုန်ပစ္စည်းရောင်းချမှုနောက်မှာ ဝန်ဆောင်မှုဆိုတာလည်း တပါတည်း

ပါသင့်ရင် ပါရပါသေးတယ် ။ ခေတ်ကပြောင်းသလို ထုတ်ကုန်ပစ္စည်းတွေဟာလည်း လိုက်ပြောင်းသင့်

ရင် ပြောင်းလဲရတာလည်း ရှိပါသေးတယ် ။ မဟုတ်ရင်လည်း အနည်းဆုံးတော့ တံဆိပ်ပြောင်းကပ်

သင့်ရင် ကပ်ရတာပါပဲ ။ အရေးအကြီးဆုံး တစ်ချက်အနေနဲ့ကတော့ “ငါ့ကုန်ပစ္စည်းဟာ လူအားလုံး

အတွက်ထုတ်တာ” ၊ “အရည်အသွေးလည်းကောင်းတယ်” စသည်ဖြင့်တွေးပြီး လူတွေကြိုက်ရမယ် ၊

လူတွေဝယ်ရမယ်လို့ “ထင် ” ရုံနဲ့တော့ မရဘူးကွ ။

   စားသုံးသူတွေ “မြင်” ကြမှ ၊ “ဝယ်” ကြမှ ၊ “အမြတ်” ရမှ လုပ်ငန်းအောင်မြင်တယ်လို့ ပြောလို့ရမှာ

ကိုး ။ ဒီခေတ်ဟာ “ဝယ်တဲ့သူ” ရဲ့ခေတ်ကို ရောက်နေပြီဆိုတာ စီးပွားရေးပညာမတတ်လည်း သိကြ

ပြီးသားပါ ။ ငါက မင်းသတိရအောင် ပြောပြရုံတင်ပါ ။

   ဒီတော့ တဆက်ထဲမှာ မင်းတို့ ငါတို့အသိုင်းအဝိုင်းမှာ လိုနေတာကတော့ “အရောင်းစာရေးကောင်း”

တွေပဲကွ ။

   ဘယ်လိုလဲ ၊ မင်းမျက်စိလည်သွားသလား ။

   ငါဆိုလိုတာက ဈေးကွက်အတွက်လိုအပ်နေတာကတော့ ကေဒါလို့ ခေါ်လို့ရမယ့် ဘက်စုံစွမ်းရည်

ရှိတဲ့ အမာခံခြေလျင်စစ်သားကလေးတွေပဲ ။ စစ်သားဆိုတာကတော့ တင်စားခေါ်လိုက်တာပါကွာ ၊

တကယ် စစ်သားလည်းဖြစ်ချင်ဖြစ်လို့ရတယ် ၊ မဟုတ်ရင်လည်း ဒေါင်ကျကျ ပြားကျကျ ပစ်တိုင်း

ထောင်လို အရာရာကို ရင်ဆိုင်ဖို့အသင့်ဖြစ်နေတဲ့ လှုပ်ရှားသူအဖွဲ့ဝင်လေးတွေကို ဆိုလိုတာပေါ့

ကွာ ။ အေး ၊ သူတို့ဖေါ်ဆောင်ဖို့ နည်းဗျူဟာနဲ့ မဟာဗျူဟာတွေကိုတော့ တို့တတွေလို သက်လတ်

နဲ့ သက်ကြီးပိုင်းတွေက လမ်းကြောင်းပေးရမှာပေါ့ ။

   ဒါပေမယ့် အသက်ကြီးတိုင်း အချိန်စီးတတ်တာ မဟုတ်လေတော့ ၊ လိုက်ပြီးတော့ဖြင့် မျှော်လင့်

မနေဖို့ တော့ သတိထားရမှာပေါ့ ။ မင်းကိုယ်ကိုယ်လည်း ငါမသိဘူး ၊ မတတ်ဘူးလို့ နှိမ့်ချတွေးနေ

တာထက် စိန်ခေါ်မှုတွေကို ဘယ်လိုရင်ဆိုင်ကြည့်ရင်ကောင်းမလဲ ၊ ဘယ်လိုဖြေရှင်းရရင်ကောင်း

မလဲလို့ စဉ်းစားအဖြေရှာကြည့်ဖို့ အကြံပေးချင်တယ် ။ မင်းမယုံနိုင်လောက်တဲ့ အကြံဥာဏ်တွေ

မင်းဖာသာတွေးထုတ်လာနိုင်တာကို မင်းအံသြသွားရနိုင်တယ် ။ တစ်ဖက်မှာလည်း အနည်းဆုံး
တော့ လူကြီး ၊ လူငယ် ၊ လူလတ်အားလုံး အပြန်အလှန် ကူးလူးဆက်ဆံမှုလေးတွေတော့ လိုမှာ
ပေါ့ကွာ ။

   ဒါပေမယ့် တစ်ခုတော့ သတိထားဖို့မှာချင်တယ် ။

   အရောင်းသမားတစ်ယောက်ဟာ လူအတော်များများကိုချဉ်းကပ်မှ သူ့ကုန်ပစ္စည်းတစ်ခုလောက်

ရောင်းထွက်တတ်တယ်ဆိုတာပဲ ။ အခြေအနေအပေါ်မူတည်ပြီး အယောက် ၁၀၀ ချဉ်းကပ်မှ ၁

ယောက်လောက်ပဲ မင်းကိုလက်ခံတာမျိုးတွေ ကြုံလာရရင် စိတ်အားမလျော့ဖို့ပါ ။ အရောင်းသမား

တွေကနေ လူတိုင်းကို သူတို့ ဖြစ်စေချင်သလို လုပ်လို့သာရကြကြေးဆိုရင် ၊ ကမ္ဘာပေါ်မှာ အရောင်း

သမားတွေနဲ့ ပြည့်သွားမှာပေါ့ကွာ ။

   နောက်ပြီး အရေးကြီးတဲ့အချက်တစ်ခု ငါပြောချင်တာရှိတယ် ။

   အခြားတော့မဟုတ်ပါဘူး ။ တို့တတွေ တစ်မြေထဲနေပြီး တစ်ရေထဲသောက်နေကြသူတွေထဲမှာ

ငါတို့တစ်တွေပဲရှိတာတော့ မဟုတ်ဘူးကွ ။ လူမျိုး ၊ ဘာသာ ၊ စီးပွား ၊ ပညာ ၊ ဒေသနဲ့ အခြား

နောက်ခံအမျိုးမျိုးက လာကြ နေကြသူတွေလည်း အတော်များများရှိတယ်လေ ။ အဲဒါတွေကို

ကိုယ့်သွေးကိုယ့်သား ညီအစ်ကိုတွေလိုပဲ သဘောထားနိုင်ကြဘို့ကို တို့အသိုင်းအဝိုင်းထဲက မျက်
လွှာတွေဖုံးလောက်အောင် ဝေဝါးနေကြသူတွေကိုလည်း ဥာဏ်ချွန်း လေးတွေ ဝေဌထိန်းအုပ်နိုင်
အောင် မျှဝေအသိပေးစည်းရုံးကြဖို့ လိုမှာလည်းအမှန်ပဲ ။

   ဒါ့ပြင် ကုန်ပစ္စည်းထုတ်လုပ်ရောင်းဝယ်ရာမှာလိုပဲ သူတစ်ပါးပစ္စည်း ညံ့တာ ၊ ဝန်ဆောင်မှုနိမ့်ကျ

တာ ၊ တာဝန်ယူမှုမရှိတာ ၊ အောင်မြင်မှုမရှိတာတွေကို လက်ညှိုးထိုးအပြစ်ပြောနေဖို့ထက် ကိုယ်

ကိုယ်တိုင်က အဲဒါတွေထက် သာဖို့ ၊ အောင်မြင်ဖို့က အရေးကြီးတာကြောင့် ၊ အခက်အခဲနဲ့ စိန်ခေါ်

မှုတွေကို နောက်တစ် နေ့အထိမရွှေ့ပဲ ဒီကနေ့ပဲ ရင်ဆိုင်လိုက်ကြအောင်လို့ ပြောလိုက်ချင်တယ်
ညီငယ် ဖိုးသဒါးရေ ... ။

ဇွဲကပင်တောင်ခြေမှာ

ကျွဲချိုသံလှိုင်လှိုင်နဲ့ပြန်ဆုံနိုင်ကြဖို့

ယုံကြည်နေဆဲ မင်းရဲ့အစ်ကို ...

မန်းကိုကို

၂၄ ၊ ၀၇ ၊ ၂၀၁၁