ချိန်တန်ပြီလား မလေးရှား

  

   ဇူလိုင် ၉ ရက်နေ့မှာ မဲရွေးချယ်မှုတရားမျှတရေးခေါင်းစဉ်နဲ့ လူပေါင်းသောင်းချီပြီး ကွာလာလန်ပူမြို့

ထဲမှာ ဆန္ဒပြခဲ့တာ ကြားသိကြမှာပါ ။ သံယောဇဉ် နက်နက်နဲနဲရှိလှတယ် မဟုတ်ပေမယ့် ဘဝရဲ့ ဆယ်စု

နှစ်တစ်ခုနီးနီး အချိန်အကုန်ခံခဲ့တဲ့ နေရာဒေသမို့ မေ့လို့မရပဲ မကြာခဏစိတ်ထဲကြုံရင်ကြုံသလို ပြန်ဝင်

လာတတ်ရာက အခုဖြစ်သွားတဲ့ဖြစ်ရပ်က အရင်သိထားမိတာတွေနဲ့ တွဲယှဉ်စဉ်းစားစရာတွေ ဖြစ်လာ

ပါတယ် ။

   မလေးရှားလို့ဆိုရင် လူတွေရဲ့စိတ်ဝင်စားမှုကို ဆွဲဆောင်ပေးနိုင်ခဲ့တဲ့ အကြောင်းရင်း နောက်တစ်ခု

ကတော့ မကြာခင်က ထွက်လာခဲ့တဲ့ ၊ သြစတြေးလျရဲ့ ခိုလှုံသူအယောက် ၄,၀၀၀ လက်ခံမယ်ဆိုတဲ့

သတင်းကြောင့်ဆိုရင် မှားမယ်မထင်ပါဘူး ။ အဲဒီသတင်းကြောင့် ယိုးဒယားခိုလှုံရာစခန်းတွေမှာ

တတိယနိုင်ငံထွက်ဖို့ မစောင့်နေနိုင်တော့လို့ မလေးရှားကို သွားချင်သူတွေတောင် ရှိတယ်လို့ ကြား

မိလိုက်ပါသေးတယ် ။ အဲဒီလိုအတွေးဝင်မိသူတွေ မျောက်သစ်ကိုင်းလွတ်နိုင်တဲ့အရေး တွေးပြီး ရင်

တော့လေးပါတယ် ။

   မလေးရှားအကြောင်းရေးမယ်ဆိုတော့ သိထားတာတွေက ဟိုတစ်ပိုင်း သည်တစ်ပိုင်းနဲ့မို့ ဆက်စပ်

ရတာ အခက်သားပါ ။ နောက်ပြီး အမှန်အတိုင်းပြောရရင် လက်ရှိ မလေးရှားရောက်နေသူ အများစု

လိုပါပဲ ၊ ကျနော်လည်း အောက်ခြေ အလုပ်သမားဘဝမှာတင် အချိန်တွေအကုန်များခဲ့ပြီး နိုင်ငံ့ရေးရာ

တွေကိုတော့ Star သတင်းစာမှာ ပါတာတွေနဲ့ နိုင်ငံသားမိတ်ဆွေတွေ ပြောသလောက်တင် ကွက်

ကွက်ကလေး သိခဲ့ပါတယ် ။ ပိုကျယ်ပြန့်ပြီး ဘေးကနေမြင်တဲ့ သုံးသပ်ချက်တွေကိုတော့ အဲဒီနိုင်ငံကို

စွန့်ခွာခဲ့ပြီးနောက်ပိုင်းမှ သိလာရတာ များပါတယ် ။

   ဘယ်လိုပဲဖြစ်ဖြစ် မလေးရှားလို့ဆိုလိုက်တာနဲ့ ပထမဦးဆုံး အတွေးထဲဝင်လာတာတွေတော့ ရှိပါ

တယ် ။ တဆက်ထဲမှာပဲ ယိုးဒယားက ကမ္ဘာလှည့်ခရီးသွားတွေကို ဆွဲဆောင်ဖို့ရွေးချယ်ထားတဲ့ စကား

စုနဲ့လဲ တွဲပြီးသတိရမိပါတော့တယ် ။ အဲဒါကတော့ “Amazing Thailand” ပါတဲ့ ။

   မလေးရှားမှာလည်း အံသြကုန်နိုင်ဘွယ်ရာတွေ အသင့်အတင့် ရှိပါတယ် ။

   ဥပမာ ၂၀၀၇-၂၀၀၈ လောက်မှာ အမေရိကန်လုပ် ဂျက်တိုက်လေယာဉ်နှစ်စင်းက အင်ဂျင်တွေ

ပျောက်ဆုံးသွားခဲ့တာမျိုးပေါ့ဗျာ ။ ဂျက်တိုက်လေယာဉ်ရဲ့အင်ဂျင်ဆိုတာ ပဲလှော်နဲ့လဲစားတဲ့ ဒန်ခွက်

မှမဟုတ်တာနော ၊ မထူးရင်တောင် ဆန်းတော့ဆန်းတာ သေချာပါတယ် ။

   နောက်ထပ် မှတ်မှတ်ရရ ထူးဆန်းတာတစ်ခု ရှိပါသေးတယ် ။ ကျနော်နေခဲ့တဲ့ ၁၉၉၀ ပြည့်လွန်

နှစ်တွေထဲတင် မာဒေးကား (Merdeka - လွတ်လပ်ရေး) ကွင်းအရှေ့က Sultan Abdul Samad

Building အဆောက်ဦကြီးဟာ မီးနှစ်ကြိမ်တောင် လောင်ခဲ့ပါတယ် (Wikipedia မှာတော့ တစ်ကြိမ်

ပဲ ပါပါတယ်) ။ အဲဒီအဆောက်အဦဟာ သမိုင်းဝင်အဆောက်အဦဖြစ်သလို ၊ မလေးရှားရင်းဂစ်ငွေ

သန်းပေါင်းများစွာအကုန်ခံပြီး ပြင်ထားတာမကြာသေးရုံမက ၊ အရင်တုန်းက မီးတစ်ခါမှမလောင်ခဲ့ပဲ

နဲ ကျနော်ရှိနေစဉ်အတွင်းကျမှ ၊ နှစ်နည်းနည်းပဲခြားပြီး မီးနှစ်ခါလောင်ခဲ့တာ ထူးတော့ထူးသလို ခံ

စားမိခဲ့ပါတယ် ။

   အဲဒီအဆောက်အဦနဲ့ပတ်သက်လို့ ပြောဖို့ကျန်သွားတာက အဲဒီနေရာဟာ ဖက်ဒရယ်တရားရုံး ၊

တရားရုံးချုပ်နဲ့ အခြားတရားရုံးတွေကနေ တရားခွင်ကျင်းပရာနဲ့ စာရွက်စာတန်းတွေ သိမ်းဆည်း

ထားရာ နေရာလည်း ဖြစ်ပါတယ် ။ ကျနော့်မိတ်ဆွေ “မလေး” ကောင်လေးတစ်ယောက်ပြောမှ ရှင်း

သလိုဖြစ်သွားပါတယ် ။ “အဲဒါ အမှုဖျောက်ချင်သူတွေက မီးရှိူ့လိုက်တာ” တဲ့ ။ ကောင်းရော ။ တရား

ဝင်ကြေငြာချက်မှာတော့ ဝါယာရှော့ ဖြစ်တယ်ပေါ့ဗျာ ။ ကမ္ဘာလှည့်ခရီးသည်တွေနဲ့ လူမပြတ်တဲ့နေရာ ၊

သမိုင်းဝင်ပြီး အရေးကြီးတဲ့နေရာ ၊ မကြာခင်ကမှ ပြင်ဆင်ထားတဲ့နေရာမှာ မီးနှစ်ခါလောင်စေနိုင်

လောက်တဲ့ အကြောင်းရင်းကို မသိရပေမယ့် “amazing Malaysia” လို့သာ ပြောလိုက်ချင်ပါတယ် ။

   အခြားအံ့သြဘွယ်ရာတွေလည်း ရှိပါသေးတယ် ။

   ဥပမာ ၊ လက်ရှိဝန်ကြီးချုပ်ဟာ မွန်ဂိုလီးယားအမျိုးသမီးတစ်ယောက် အသတ်ခံရတဲ့ကိစ္စနဲ့ ပတ်

သက်နေပေမဲ့ နိုင်ငံရေးမှာ (အလွယ်တကူ) မားမားမတ်မတ် ဆက်ရပ်နေနိုင်တာမျိုး ၊ လက်ရှိအ

တိုက်အခံခေါင်းဆောင် အန္နဝါအီဗရာဟင် (Anwar Ibrahim) ကို အရင် (ဖားတစ်ပိုင်း ငါးတစ်ပိုင်း

အာဏာရှင်) ဒေါက်တာမဟာသီရဲ့ အစီအမံနဲ့ ပထမဆုံးအကြိမ် ဖမ်းဆီးခဲ့စဉ်က ရဲချုပ်ကိုယ်တိုင်က

လက်သီးနဲ့ထိုးခဲ့တာမျိုး ၊ လက်ရှိ (လက်ဝါးကြီးအုပ်) အာဏာရပါတီရဲ့ အစိုးရကိုဆန့်ကျင်ပြောဆိုတဲ့

ပြည်နယ်ပါလီမန်ထဲက အတိုက်အခံ ကိုယ်စားလှယ်တွေကို ရဲတွေနဲ့ အတင်းအဓ္ဓမ ဆွဲခေါ်ထုတ်

သွားတာမျိုးတွေပေါ့ဗျာ ။ မကောင်းမြင်တယ်လို့ စွပ်စွဲရင်လဲ ခံရမှာပဲ ၊ သိသာလွန်းတာတွေမို့ တန်း

ပြီးသတိရမိတာတွေကို ပြောတာပါ ။

   ဘယ်လိုပဲဖြစ်ဖြစ် ကမ္ဘာ့အကျင့်ပျက် ခြစားမှုစာရင်းမှာ အဆင့် ၅၆ (၂၀၁၀) မှာရှိနေတဲ့နိုင်ငံအတွက်

သိပ်တော့မဆိုးလှဘူးလို့ ဖြေသာလို့ရနိုင်တာလေးတွေလည်း အများကြီးရှိပါတယ် ။

   အထူးသဖြင့် အာဏာရှင်ဆန်တယ်လို့ အစွပ်စွဲခံရတဲ့ ဒေါက်တာမဟာသီလက်ထက် ၂၂ နှစ် (၁၉၈၁-

၂၀၀၃) အတွင်းမှာ နိုင်ငံတိုးတက်မှုတွေ သိသိသာသာ ရှိခဲ့တယ်လို့ ယေဘုယျဆိုနိုင်ပါတယ် ။ သူ့ရဲ့

အစီအမံတွေကြောင့် တောင်ကိုရီးယားနိုင်ငံနဲ့ အသင့်အတင့်ဆင်တူတဲ့ စက်မှုလုပ်ငန်းငယ်ကဏ္ဍ တိုး

တက်ဖြစ်ထွန်းမှုတွေက သက်သေခံနေပါတယ် ။ ဒါကြောင့်လည်း အဲဒီစက်မှုလုပ်ငန်းငယ်တွေကို

ဖြည့်ဆည်းဖို့ အလုပ်သမားတွေ လိုအပ်လာရာက ၊ မြန်မာပြည်အပါအဝင် နိုင်ငံခြားသားအလုပ်သမား

တွေ အတောမသတ် ရောက်လာကြတာ တွေ့သိကြမှာပါ ။ ခုတော့ UNHCR ရဲ့ ၂၀၀၉ ခန့်မှန်းချက်

အရ မြန်မာပြည်သူပြည်သား ၅၀၀,၀၀၀ လောက်ရှိနိုင်တယ်လို့ သိရပါတယ် ။

   အဲဒီငါးသိန်းကို များတယ်ထင်ရင်တော့ အင်ဒိုနီးရှားကနေဝင်လာတဲ့ လူအရေအတွက်နဲ့ နှိုင်းယှဉ်

ကြည့်လို့ ရပါတယ် ။ ၁၉၉၀ ခုနှစ်ကျော်လောက်ကတည်းက အင်ဒိုနီးရှားက လာပြီးအခြေချသူတွေနဲ့

လာအလုပ်လုပ် သူတွေ စုစုပေါင်းခန့်မှန်းခြေ နှစ်သန်းလောက်ရှိတယ်လို့ မလေးမိတ်ဆွေများက

ပြောကြပါတယ် ။ ကျနော်တို့ အလုပ်ရုံ စက်ရုံတွေမှာလည်း မလေး-အင်ဒိုမိဘတွေက မွေးဖွားလာ

သူတွေကို တွေ့ရသလို သွားသွားလာလာနဲ့ အလုပ်လာလုပ်သူတွေလည်း အများကြီးပါပဲ ။ သူတို့

ရဲ့ပြဿနာကတော့ ပညာရေးဖက်မှာ အင်မတန်အားနည်းပြီး ဒါးပြမှုအပါအဝင် ဥပဒေချိုးဖောက်မှု

အချိုးမှာ ဒေသခံနိုင်ငံသားတွေထက် မြင့်တာပါပဲ ။ အကျိုးဆက်ကတော့ အင်ဒိုနီးရှားမျက်နှာပုံဆို

ရင် ရဲတွေရဲ့ အနှောင့်အယှက်ပေးတာ အများဆုံးခံရတော့တာပါ ။

   တရားမဝင်အလုပ်သမားချင်းအတူတူ တရုတ်နဲ့ဆင်တဲ့ ကျနော်တို့လိုလူတွေကတော့ ကံမျက်နှာ

သာ နည်းနည်းပိုရတယ်လို့ ဆိုရပါမယ် ။ ပြောဖို့ကျန်ခဲ့တာက ၁၉၉၀-၉၁ လောက်မှာ ကျနော်တို့

မြန်မာပြည်သူပြည်သားခန့်မှန်းခြေ ၂၀,၀၀၀ လောက်ပဲ ရှိသေးတာပါ ။ အခုခေတ် မလေးရှားရောက်

သူတွေ သိချင်မှ သိနိုင်မှာတစ်ခုကတော့ ၁၉၉၀ ခုနှစ်ဝန်းကျင်လောက်အထိ ယိုးဒယား-မလေးရှား

နယ်စပ်ကနေ မြန်မာပတ်စ်ပို့သုံးပြီး ကားနဲ့တရားဝင် ဝင်လာလို့ရသေးတာပါပဲ ။ လာဟ်တော့ နည်း

နည်းထိုးရတာပေါ့ဗျာ ။

   ပြောရင်းနဲ့ အတော်လေးတော့ လမ်းချော်သွားခဲ့ပါပြီ ။

   ပြန်ကောက်ရရင်တော့ မလေးရှားဟာ နိုင်ငံရေးအရ လမ်းဆုံလမ်းခွဆီကို ရောက်နေကောင်း ရောက်

နေလောက်ပြီလို့ လက်ရှိအနေအထားတွေက ပြဆိုနေပါတယ် ။ လမ်းမချိုးရင်တောင်မှ လမ်းယောင်

ယောင်ကလေးကွေ့သွားဖို့ သေချာတယ်လို့ မြင်မိပါတယ် ။

   မလေးမှာနေစဉ် မသိသာပေမယ့် တဖြည်းဖြည်းသိလာရတာက ဒီနိုင်ငံဟာ တဝက်တပျက်ဒီမိုကရေ

စီစနစ်ကို ကျင့်သုံးတယ်ဆိုတာပါပဲ ။ အဲဒီမှာ နေထိုင်လုပ်ကိုင်စဉ်ကတော့ နိုင်ငံရေးစိတ်ဝင်စားတဲ့ အ

လုပ်သမားအချို့နဲ့ စကားနည်းနည်းပါးပါးတော့ ပြောဖူးပါတယ် ။ သူတို့ကနေပြီး အစိုးရအဖွဲ့ဝင်အများ

စုကို မိကျောင်း (buaya) တွေလို့ခေါ်ခဲ့ကြတာကို ရုတ်တရက်တော့ အံ့သြခဲ့မိပါတယ် ။ (မြန်မာအသုံး

အနှုန်းနဲ့ကတော့ “စားဖားကြီး” လို့ ဖလှယ်လို့ရနိုင်ပါလိမ့်မယ်) ။ ကျနော်ကတော့ အဲဒါတွေကို အပြစ်

မမြင်မိပဲ  မြန်မာပြည်ထက်သာတဲ့ စနစ်ရှိတာမို့လို့ သဘောကျနေခဲ့မိတာတော့ အမှန်ပါ ။

   ခုတော့ သိလာတာတွေလည်းပိုများလာပြီး အမြင်တွေလည်း ပြောင်းခဲ့ပါပြီ ။ တက္ကသိုလ်ကျောင်း

တွေမှာ နိုင်ငံရေးလုပ်ခွင့်ပေးဖို့ ကျောင်းသားတွေရဲ့တောင်းဆိုတာ ၊ အပေါ်ကပြောခဲ့တဲ့ အတိုက်အခံ

တွေကို ပါလီမန်ထဲက အတင်းဆွဲထုတ်တာ ၊ ဆန္ဒပြမှုတွေကို လုံးဝသည်းမခံတာတွေဟာ တဝက်

တပျက်ဒီမိုကရေစီဆိုတဲ့စကားစုကို အတည်ပြုပေးနေတာပါပဲ ။

   တဆက်ထဲမှာလည်း အရင်ကသိပေမယ့် သတိမထားမိခဲ့တဲ့ အဖြစ်အပျက်တွေက ပြန်ပေါ်လာပြန်

ပါတယ် ။ ဥပမာ ၊ ဝန်ကြီးချုပ်ဟောင်း ဒေါက်တာမဟာသီမိုဟာမက်ဟာ သူအာဏာရှိစဉ်က ဇင်ဘာ

ဘွေသမ္မတ ရောဘတ်မူဂါဘီကို ဒေါ်လာတစ်သန်းတန်တဲ့ ကျွန်းသစ်တွေကို လက်ဆောင်ပေးခဲ့တာ

မျိုး ၊  Internal Security Act ကိုသုံးပြီး အတိုက်အခံတွေကို လိုရင်လိုသလို ဖမ်းထဲ့တာမျိုး ၊ ခုရက်

ပိုင်းမှာ တောင်းဆိုကြသလို မဲမသမာမှုတွေ အမှန်တကယ် ရှိနေတာတွေပါ ။

   ထပ်ဆင့်ပြီး ရုပ်ဆိုးစေတာကတော့ တာဝန်ရှိသူတွေရဲ့ ဗြောင်ငြင်းတတ်တဲ့  အလေ့တွေပါ ။

   အများပြည်သူသိသွားတဲ့အခါမှာ ၊ မူဂါဘီကို လက်ဆောင်ပေးတာဟာ ဘာမှားလို့လဲလို့ မဟာသီ

က ပြောခဲ့ပါတယ် ။ ပါလီမန်ရဲ့ အတည်ပြုချက်မရှိပဲ အလွတ်သဘောပေးခဲ့တာဖြစ်ပြီး ခုထိလက်ဖျား

နဲတောင် အတို့မခံရသေးပါဘူး ။ မဲမသမာမှုနဲ့ ပတ်သက်လို့လည်း မဲပေးတဲ့ကာလမှာ အာဏာရပါတီ

က ဘတ်စ်ကားကြီးငယ်နဲ့ အခြားနေရာက သူတို့ပါတီဝင်တွေကို  ရွေးကောက်ပွဲကျင်းပရာဆီ (ghost

vote ထည့်ဖို့) ခေါ်လာရာက သတင်းကြိုရတဲ့အတိုက်အခံတွေက လမ်းပိတ်ထားလို့ ပြဿနာဖြစ်ပြီး

သတင်းစာတွေထဲမှာ ပါတဲ့အထိတောင် ဖြစ်ခဲ့ပေမယ့် “ပါတီဝင်တွေကို လေ့လာရေးခရီး ခေါ်သွား

တာပါ” လို့ ဗြောင်ငြင်းပါတယ် ။ နောက်တစ်ခု တွေ့မိတာကတော့ သြစတြေးလျက ရုပ်မြင်သံကြား

အစီအစဉ်တစ်ခုမှာပါ ။ တာဝန်ရှိတဲ့လူ တစ်ယောက်ကို အင်တာဗျူးလုပ်ရာမှာ မလေးရှားမှာ ခိုလှုံခွင့်

တောင်းခံသူ (asylum seeker) တစ်ယောက်မှ မရှိပါဘူးလို့ ငြင်းသွားတဲ့အကွက်ကို ခုထိမြင်ယောင်

တုန်းပါ ။ လူလိမ်မျက်နှာဆိုတာ ဒီလိုပါလားလို့တောင် တွေးနေမိခဲ့ပါသေးတယ် ။

   အဆုံးသတ် အတိုချုပ်ကတော့ ၊ မလေးလူမျိုးတွေကို ပထမဦးစားပေး အခွင့်အရေးတွေပေးပြီး ၊

တဖက်ကလည်း အလုအယက်အာဏာမြဲဖို့လုပ်ရင်း ၊ တိုင်းပြည်တိုးတက်အောင် မျှလုပ်ဖို့ကြိုးစား

နေတဲ့ မလေးရှားနိုင်ငံဟာ ၊ စိန်ခေါ်မှုတွေ အများကြီးနဲ့ ရင်ဆိုင်နေရပါတယ် ။ ဘာသာရေးအစွန်း

ရောက်မှု ၊ လူမျိုးရေးနဲ့ အခွင့်အရေးမညီမျှမှု ၊ အာဏာနဲ့လုပ်ပိုင်ခွင့်တွေ လူအချို့လက်ထဲ ပိုပိုမိုမို

ရောက်ခဲ့တာကြောင့် လက်ဝေခံစီးပွားရေးသဘောသဘာဝ ထွန်းကားလာခဲ့မှု ၊ ဒေါက်တာမဟာသီ

လက်ထက်မှာ အာဏာကန့်သတ်ခဲ့တဲ့ ဘုရင်တွေရဲ့အခန်းကဏ္ဍ တွေကစပြီး အကြောင်းရင်းစုံကို

ဟန်ချက်ညီအောင်လုပ်ရတာဟာ လွယ်တဲ့ကိစ္စတော့ မဟုတ်ပါဘူး ။

   တဖက်မှာလည်း ပညာတတ်များပြီး အသိဥာဏ်ပညာ တိုးပွားလာတဲ့ ၊ အသင့်အတင့် ချမ်းသာ

ကြွယ်ဝလာတဲ့ မလေးရှားဟာ ၊ ခေတ်နဲ့အညီ စီးဆင်းမျောပါဖို့ တာစူနေပါတယ် ။ ဒါကိုဟန့်တားဖို့ ၊

လမ်းလွဲအောင်လုပ်ဖို့ဟာ ဘယ်လောက်အထိ ခက်ခဲကြီးမားသလဲ ၊ ဘယ်လောက်အောင်မြင်နိုင်

မလဲဆိုတောတွေကတော့ စောင့်ကြည့်ကြတာပေါ့ဗျာ ။

မန်းကိုကို

၁၂ ၊ ၀၇ ၊ ၂၀၁၁