လက်တည့် မတည့်၊ ချက်ကျ မကျ၊

     ဖိနပ်နဲ့ နိုင်ငံ့ခေါင်းဆောင်တွေကို ပေါက်တာဟာ အစဉ်အလာသစ်တစ်ခုလို ဖြစ်လာခဲ့ပါပြီ။

     မြန်မာပြည်သားတွေ အသိများဆုံးတွေကတော့ -

(၁) အီရတ်မှာ အမေရိကန်သမ္မတ ရှူးဖိနပ်နဲ့ အပေါက်ခံရတာနဲ့
(၂) အမေရိကန်မှာ နိုင်ငံခြားရေးဝန်ကြီး ဦးဥာဏ်ဝင်းကား ဖိနပ်နဲ့အပေါက်ခံခဲ့ရတာတို့ ဖြစ်မှာပါ။


     ခုနောက်ဆုံး ဖြစ်ခဲ့တာကတော့ သြစတြေးလျ ဝန်ကြီးချုပ်ဟောင်း ဂျွန်ဟောင်းဝပ် (John Howard) ကို
(အောက်တိုဘာ၂၅ နေ့ည) တီဗီအမေးအဖြေ အစီအစဉ်တစ်ခုမှာ activist တစ်ယောက်ကနေ ဖိနပ်ချွတ်ပြီး
ပေါက်ခဲ့တာပဲ ဖြစ်ပါတယ်။

     ဘာထူးလို့တုန်းလို့မေးရင် ထူးပါတယ်လို့ ဖြေလို့ရနိုင်တဲ့ အဖြစ်အပျက်တစ်ခု ဖြစ်ပါတယ်။

(၁) ပစ်သူက ထိအောင်ပစ်ခဲ့တာ မဟုတ်သလို မိန်းကလေးပစ်သလို ဖြည်းဖြည်းလေးပစ်ခဲ့တယ်ဆိုတာကို
     လည်း သူကဝန်ခံခဲ့ပါတယ်။
(၂) ဝန်ကြီးချုပ်ဟောင်းက အမေးအဖြေလုပ်သူကို “မေ့လိုက်ပါ၊ မေ့လိုက်ပါ” လို့ပြောပြီး အစီအစဉ်ဆက်
     လုပ်ခဲ့ပါတယ်။
(၃) ပစ်သူက အီရတ်စစ်ပွဲကိစ္စကို သူဆန္ဒပြတဲ့အနေနဲ့ ပစ်တယ်ဆိုတာ သိအောင်လုပ်ခဲ့တာဖြစ်ပြီး ပစ်ပြီး
     တာနဲ့ အစောင့်တွေ ဆွဲခေါ်စရာမလိုပဲ အပြင်ထွက်သွားခဲ့ပါတယ်။ သူ့အဖေါ်တစ်ယောက်ကိုလည်း
     ကျန်တဲ့ပရိသတ်တွေက (စကားနဲ့) မောင်းထုတ်ခဲ့ပါတယ်။
(၄) ဒီအဖြစ်အပျက်မှာ ဘယ်သူမှ မထိခိုက်ခဲ့သလို ဘယ်သူမှလည်း အရေးယူတာ မခံခဲ့ရပါဘူး။

     ဒါက အတိုချုပ်ပါ။ ကျနော်တို့လို မြန်မာပြည်သူ ပြည်သားတွေအတွက်တော့ အံ့ချီးဘွယ်ရာပဲလို့ပြော
ရင် လွန်မယ်မထင်ပါဘူး။ အီရတ်ဖိနပ်ပစ်သမား အနှိပ်စက်ခံခဲ့ရတာနဲ့ ဦးဥာဏ်ဝင်းတို့ ဖိနပ်နဲ့အပစ်မခံ
ရခင်ကတည်းက လူရွယ်တစ်ယောက်ထွက်လာပြီး ဆန္ဒပြသူတွေကို ဗီဒီယိုနဲ့ မှတ်တမ်းတင်သွားတာ
youtube မှာ ကြည့်ဖူးသူတွေ သတိထားမိကြမှာပါ။ “မင်းတို့ ငါတို့လက်ထဲများ ရောက်လာခဲ့လို့ကတော့
လားကွာ” လို့မပြောရုံတမည်ပါပဲ။

     ဒီတော့ ဒီနေရာမှာလိုရင်းက ဒီမိုကရေစီအနှစ်သာရတွေ ဆွေးနွေးဖို့မဟုတ်ပါဘူး။ ထင်သာမြင်သာတဲ့
အဖြစ်နဲ့ နောက်ခံတွေကို ယှဉ်ထိုးကြည့်ရုံပါ။

     ဥရောပမှာတော့ ကြက်ဥပုပ်၊ ခရမ်းချဉ်သီးအပါအဝင် ဟင်းသီးဟင်းရွက်ပုပ်တွေနဲ့ အုပ်ချုပ်သူလူတန်း
စားအဖွဲ့ဝင်တွေကို ပစ်ပေါက်ပြီး သာမန်လူထုရဲ့ သဘောထားကို ဖေါ်ထုတ်တာ ရာစုနှစ်နဲ့ချီခဲ့ပါပြီ။ ဥပမာ -

- ဒီနှစ်ဇွန်လ ၉ ရက်နေ့ကတောင် အင်္ဂလန်မှာ အောင်မြင်မှုရလာတဲ့ လက်ယာစွန်းပါတီ (British
  National party) ကခေါင်းဆောင်ကို ကြက်ဥတွေနဲ့ပစ်တာ ခံခဲ့ကြရပါတယ်။
- သြဂုတ်လ ၁၆ ရက်နေ့မှာတော့ အမေရိကန်သမ္မတ အိုဘားမားကို ဆန္ဒပြတဲ့လူတွေထဲက တစ်ဒါဇင်
  လောက်ဟာ ရိုင်ဖယ်အပါအဝင် သေနတ်မျိုးစုံကို ဗြောင်သယ်ဆောင်လာခဲ့ကြပါတယ် (သူတို့ ဥပဒေအရ
  တရားဝင်ပါတယ်)။
- များမကြာခင်ကပဲ သြစတြေးလျဝန်ကြီးချုပ်မလည်း ကြက်ဥနဲ့အပစ်ခံရရာမှာ လုံခြုံရေးယူထားတဲ့ ရဲမေ
  ကိုသွားထိလို့ ဝန်ကြီးချုပ်က ရဲမေကိုတောင်းပန်တယ်လို့ ဆိုပါတယ်။

     မြန်မာပြည်အပါအဝင် အာရှလိုနေရာမှာဆိုရင်တော့ (အထူးသဖြင့် အာဏာရှင်တွေ ဆိုရင်တော့)
ဘုရင်ခေတ်ကိုတောင် သွားသတိရမိတယ်။ ပြည်သူတွေနဲ့ အတွေ့ခံဖို့ ဝေလာဝေး၊ တွေ့ချင်ရင်တောင်
မလွယ်တာနဲ့ တွေ့ပြန်ရင်လည်း ဒူးထောက်ရမလိုလို လက်အုပ်ချီရမလိုလိုနဲ့ ကွာတာလေးတွေ သွားတွေး
မိတယ်။ တူရကီမိတ်ဆွေတစ်ဦး ပြန်ပြောပြတာက တစ်ချိန်ကသူတွေ့ခဲ့ဖူးတဲ့ သြစတြေးလျ နိုင်ငံခြားရေး
ဝန်ကြီးအလက်ဇန္ဒား ဒေါင်းနာ (Alexander Downer) အကြောင်းပါ။ မြို့တစ်မြို့ကို သွားလည်ရင်း လမ်း
ကွေ့တစ်ခုမှာ ကြွပ်ကြွပ်အိတ်ကို လက်တစ်ဖက်တစ်လုံးဆွဲပြီး လာတဲ့လူတစ်ယောက်နဲ့ တိုက်မိမလိုဖြစ်
လို့ကြည့်လိုက်တော့ .. လားလား .. နိုင်ငံခြားရေးဝန်ကြီး ဖြစ်နေတော့သကိုး ဆိုပဲ။ ကိုယ်ရံတော်မပါ၊
ကိန်းခန်းမကြီးပဲ သူလိုကိုယ်လို လျှောက်သွားနေတာ နိုင်ငံရဲ့အဓိကကျတဲ့ အစိုးရအဖွဲ့ဝင်တစ်ယောက်
လို့ပြောရင် ယုံနိုင်စရာမရှိဖူးလို ဖြစ်နေပါတယ်။

     ဒါကတော့ နိုင်ငံတစ်နိုင်ငံရဲ့ နောက်ခံယဉ်ကျေးမှု၊ ဓလေ့နဲ့ (အကျိုးဆက်တစ်ခုဖြစ်တဲ့) အခြေခံစိတ်ထား
တွေနဲ့ဆိုင်တယ်လို့ ပြောကြပါတယ်။ (နောင်ကြုံရင်တော့ ယဉ်ကျေးမှုအပါအဝင် အခြားသက်ရောက်မှုတွေ
ကြောင့် နတ်သမီးပုံပြင်တွေမှာပါ ဆင့်ကဲပြောင်းလဲမှုတွေရှိတာကို ထည့်ရေးပါအုံးမယ်။) ယဉ်ကျေးမှုလို့
ဆိုပြန်ရင် ကျယ်ပြန့်တာမို့ သိသလောက်ကို နောင်မှပဲ ခွဲပြီးထပ်တင်ပါအုံးမယ်။ ခုချိန်မှာတော့ ဖိနပ်ပစ်တာ
လေးနဲ့ဆိုင်တာပဲ ဆက်တွေးပြီး အဆုံးသတ်လိုက်ကြရအောင်။

(က) ဖိနပ်နဲ့ပေါက်ခဲ့သူရဲ့ လုပ်ရပ်ဟာ မှန်သလား၊ အနောက်တိုင်း ယဉ်ကျေးမှုလို့ ခေါ်လို့ရတဲ့ ဒီအမူအကျင့်
       မျိုးကို လက်ခံအတုယူသင့်သလား။
(ခ) ဖိနပ်နဲ့ ပေါက်ခဲ့သူဟာ အရေးယူမခံရတဲ့အပြင် နောက်တစ်နေ့မှာ တီဗီဋ္ဌာနကနေ သူ့ဖိနပ်ကို ပြန်
      တောင်တောင်းခဲ့ပါတယ်။ (ရတော့မရခဲ့ပါဘူး၊ ရရင် လေလံတင်ပြီး အီရတ်မှာ သေဆုံးခဲ့ရသူတွေ
      အတွက် လှူတန်းမယ်လို့ ဆိုပါတယ်။) ဒီကိစ္စမှာ အာဏာပိုင်တွေ၊ တာဝန်ရှိသူတွေရဲ့ တုန့်ပြန်မှုက
      လုံလောက်ရဲ့လား။ ဥပဒေတွေက သိပ်လျော့ရဲလွန်းသလား။
(ဂ) ဝန်ကြီးချုပ်ဟောင်းရဲ့ တုန့်ပြန်မှုကို အရေထူတယ်ခေါ်မလား၊ သဘောထားကြီးတယ် ပြောမလား။
(ဃ) လုံခြုံရေးနဲ့ပတ်သက်လို့ (အပေါ်က နိုင်ငံခြားရေးဝန်ကြီး ကိစ္စတို့လိုအပါအဝင်) ဘယ်လို ယူဆကြ
       သလဲ။ ယဉ်ကျေးမှု၊ ဓလေ့ထုံးတမ်းအစဉ်အလာနဲ့ အမျိုးသားစိတ်ဓါတ် အခြေခံတွေနဲ့ကော သက်
       ဆိုင်တယ်လို့ ထင်သလား။
(င) မြန်မာပြည်လို နိုင်ငံမျိုးမှာကော ဘယ်လိုဖြစ်သင့်၊ ဖြစ်စေချင်သလဲ။


မန်းကိုကို
၃၀၊ ၁၀၊ ၂၀၁၀