အင်း .. ခက်ပြီ

   ဘားအံမြို့ရဲ့ နံက်ခင်းတစ်ခုမှာ ဖြစ်ပါတယ်။
   ဗိုလ်ချုပ်လမ်းမကြီးရဲ့ဘေးမှာ အဒေါ်ကြီးတစ်ယောက် မုန့်တီရောင်းနေပါတယ်။
   ရောင်းလာတာကြာပြီမို့လို့ အနီးအနားက မြို့သူမြို့သားတွေကော တောကတက်လာတဲ့ (အထူးသဖြင့်
မနက်ပိုင်းဈေးလာရောင်းကြတဲ့ ရွာကလူတွေ) နဲ့ စည်ကားနေပါတယ်။


   အဲဒီအချိန်မှာပဲ တောသားတစ်ယောက်က လမ်းလျှောက်လာရင်း မပြောမဆို ဆိုင်နဲ့မလှမ်းမကမ်းမှာ
လမ်းဘေးဆင်းပြီး သေးထိုင်ပန်းနေပါတော့တယ်။

   “ဟဲ့ ဟဲ့ နင်သေးကို ဝေးဝေးကလေးသွားပေါက်ပါလား”
လို့အဒေါ်ကြီးက လှမ်းပြောလိုက်ပါတယ်။ စားနေသောက်နေတဲ့သူတွေကို မျက်နှာထောက်ရဦးမှာ
မဟုတ်လား။

   ဒါပေမယ့် သေးပေါက်နေတဲ့သူ ပြန်မေးလိုက်တဲ့စကားကြောင့် အဒေါ်ကြီးမှာ စိတ်ဆိုးရလည်းခက်
မဆိုးရလည်းအခက် ဖြစ်သွားပါတယ်။

   ဟုတ်တယ်လေ အဲဒီလူ ပြန်ပြောလိုက်တာက ..
“ငါ့ရွာကနေ ဒီအထိ(သေး)လာပေါက်တာ မဝေးသေး ဖူးလား” တဲ့။

===============================

   ဒီလိုပြန်ပြောလိုက်သူကတော့ ဘားအံ(ဖားအံ)မြို့ကနေ သုံးမိုင်ခွဲလောက်ဝေးတဲ့ “ခလောက်နို့ရွာ”
က ရွာသားတစ်ယောက် ဖြစ်ပါတယ်။ မြို့နဲ့နီးနီးနားနားနေပေမယ့် ဗမာစကားက မရည်လည်၊ မြို့က
ဓလေ့ထုံးတမ်း ယဉ်ကျေးမှုပုံစံတွေနဲ့ အကျွမ်းတဝင်မရှိတဲ့သူရဲ့ ရိုးရိုးသားသား တုံ့ပြန်ချက်တစ်ရပ်ပါ။
အထက်အညာမှာ လှတောနဲ့ ပခန်းသားတွေ စကားကြွယ်တယ်ဆိုပြီး ဟာသပုံပြင်တွေနဲ့ နာမည်ကြီး
တာ လူသိများပေမယ့် အောက်ပြည်က ဒီရွာကလေးအကြောင်းကိုတော့ လူသိနည်းပါလိမ့်မယ်။ သူတို့ရဲ့
ပုံပြင်တွေဟာ အထက်သားတွေအတွက် နည်းနည်းကြမ်း သို့မဟုတ် နည်းနည်းကြောင်နိုင်ပါတယ်။  
ဘားအံနဲ့ ကရင်ပြည်နယ်သား အတော်များများအတွက်တော့ သူတို့ရဲ့ ပုံပြင်ကလေးတွေနဲ့ပဲ ကြမ်းတမ်း
တဲ့ စစ်တံပိုးအောက်မှာ အပန်းဖြေကြရပါတယ်။

   ခလောက်နို့ရွာရဲ့ ပုံပြင်တွေဟာ တစ်ချိန်က သားသမီးနဲ့ မြေးမြစ်တွေကို ရိုက်နှက်ဆုံးမမယ့်အစား
ပုံပြင်ကလေးတွေပြောပြီး ဆုံးမတတ်တဲ့ ဦးပန်းမွှေးဆိုသူကနေ စခဲ့တယ်လို့ ဆိုပါတယ်။ စာအုပ်
တစ်အုပ်အနေနဲ့လည်း ထွက်ဖူးပါတယ်။ အဲဒီစာအုပ်ဟာ လွန်ခဲ့တဲ့ဆယ်နှစ်ဝန်းကျင်လောက်က
ထွက်ခဲ့တာပါ။

   ကိုယ်တွေ့ကြုံသူများ အပြောအရ စာအုပ်မထွက်ခင် ဆယ်နှစ်ကျော်ဝန်းကျင်လောက်မှာ ရန်ကုန်
မြို့က စာရေးဆရာတစ်ယောက် ရောက်လာခဲ့ပြီး ရွာကလူကြီး ၃-၄ ယောက်နဲ့အတူ ဘုန်းကြီး
ကျောင်းမှာ မေးမြန်းမှတ်သွားခဲ့တယ်လို့ ဆိုကြပါတယ်။ နှစ်ရက်လောက် တနေကုန် တဟားဟားနဲ့
ပြောကြရယ်ကြတာ ဘုန်းကြီးကျောင်းနား နေသူဖြတ်သွားသူတွေ ကြားနေခဲ့ရပေမယ့် စာရေးဆရာ
ပြန်သွားကတည်းက စုပ်စမြှုပ်စပျောက်သွားလိုက်တာ မေ့လောက်မှ စာအုပ်တစ်အုပ်အနေနဲ့ ပြန်
ပေါ်လာခဲ့တာ ဖြစ်ပါတယ်။

   နောင်ကို အခန့်သင့်သလို ခလောက်နို့ပုံပြင်တွေထဲက အဆင်ပြေနိုင်မှာတွေ မှတ်မိသလောက်
ရေး သွားပါမယ်။ စိတ်ဖိစီးမှုများတဲ့ ကျနော်တို့မြန်မာပြည်သူ ပြည်သားတွေအတွက် စိတ်ပြေလက် ပျောက်ပေါ့ဗျာ။ “ရယ်သောသူသည် ပါးရေတွန့်၏၊ စိတ်ကို ကြည်လင်စေ၏၊ အာပေါဓါတ်ကို ကဲစေ၍
မိတ္တဗလကို အားပေး၏” ဆိုလားပဲ စတုဒီသာကျမ်းထဲမှာ ပြောထားတဲ့အတိုင်းပေါ့ဗျာ။


(မှတ်ချက် ၁ - ဘားအံမှာ မုန်းဟင်းခါး ဆိုတဲ့စကားလုံးထက် မုန့်တီလို့ပဲ အပြောများကြပါတယ်။)
၂၂၊ ၁၀၊ ၂၀၁၀ - (မှတ်ချက် ၂ - မသေချာလို့ ပုံပြင်စာအုပ်ထွက်တာနဲ့ ပတ်သက်ပြီး မှတ်မိသမျှ အမှန်
အတိုင်း ရေးမိလိုက်တာ facebook ကနေ ကိုယ့်ကို ကန်ထုတ်ခံလိုက်ရတယ်ထင်တာပဲ၊ မိတ်ဆွေတစ်
ယောက်ရဲ့လင့် ပျောက်သွားတယ်။ မန်းကိုကို ရိုးရိုးသားသား ရေးမိပါတယ်ဗျာ၊ ကြောက်ပါပြီဂျ။)