(၅) တစ်ဖက်သားကို ခြိမ်းခြောက်ခြင်းနည်းလမ်း (Scare tactics)
ကြောက်ရွံ့ခြင်းဟာ အင်မတန် အင်အားကြီးမားတဲ့ လှုံ့ဆော်တွန်းအားပေးမှု တစ်ခုပါပဲ ။ အင်
အားကြီး လွန်းလှတာကြောင့် လူတွေကို မကြာခဏဆိုသလို ကျိုးကြောင်းမကျတဲ့ တွေးခေါ်ပြုမူ
တာတွေကို ဖြစ်စေတတ်ပါတယ် ။
Scare tactics Fallacy ဟာ အဆိုပြုငြင်းခံသူ တစ်ဦးကနေ နားထောင်သူ သို့မဟုတ် တစ်ဖက်
သားကနေ သူ့ရဲ့ အဆုံးသတ်ကောက်ချက်ကို လက်မခံဘူးဆိုရင် ထိခိုက်စေအောင် လုပ်မယ်လို့ ခြိမ်းချောက်တဲ့ အခါမျိုးတွေမှာ ကျူးလွန်မိတဲ့ အမှားပါ ။ ဒီနေရာမှာ ခြိမ်းချောက်မှုဟာ အဆိုပြု
ငြင်းခုံသူရဲ့ အဆုံးသတ်ကောက်ချက်နဲ့ ဆီလျှော်သက်ဆိုင်မှု ကင်းဝေးလေ့ရှိပါတယ် ။ နမူနာ ပြ
◊ သံတမန်မှ အခြားသံတမန် ။ ။ ကျနော်တို့ဟာ ဒီဇဗ္နူဒီပကျွန်းရဲ့ အုပ်စိုးပိုင်ခွင့်ရှိတဲ့အစိုးရလို့ ခင်ဗျားသဘောတူမယ်ဆိုတာ ကျနော့်အနေနဲ့ အသေချာ ယုံကြည်ပါတယ် ။ အကယ်၍ ဒီအဆိုဟာ တရားဝင်ကြောင်း ကျနော်တို့ရဲ့ စစ်တပ်တွေကို စေလွှတ်ပြီး သက်သေပြရမယ်ဆိုရင်တော့ အင်မတန်ဝမ်းနည်း နောင်တရစရာတွေ ဖြစ်သွားပါလိမ့်မယ် ။
◊ သေနတ်ပိုင်ဆိုင်ရေးလှုံ့ဆော်သူမှ နိုင်ငံရေးသမား ။ ။ ဒီ သေနတ်ထိန်းချုပ်ရေး ဥပဒေ အဆိုပြုချက်ဟာ မှားယွင်းနေပါတယ် ။ ဒါကိုထောက်ခံတဲ့ နိုင်ငံရေးသမားတစ်ယောက်ဟာ သူဘယ်လောက်အထိ မှားခဲ့သလဲဆိုတာ နောက်ရွေးကောက်ပွဲမှာ အဖြေရှာတွေ့ပါလိမ့်မယ် ။
နမူနာ နှစ်ခုစလုံးမှာ အဆုံးသတ် နိဂုံးကောက်ချက်အတွက် သက်ဆိုင်တဲ့ သက်သေအချက်
လက်တွေနဲ့ ထောက်ပင့်ပေး မထားပါဘူး ။ အထူးသဖြင့် ဒုတိယနမူနာမှာ ရှင်းရှင်းလင်းလင်း
ပါနေသလိုပဲ ဒီ fallacy မှာ ကိုယ်ထိလက်ရောက်လုပ်ဖို့ ခြိမ်းချောက်မှုမျိုးတင်မကပဲ ဘယ်လို
ခြိမ်းခြောက်မှုမျိုးမဆို အကျုံးဝင်ပါတယ် ။ အချို့ခြိမ်းချောက်မှုတွေမှာတော့ အပေါ်က ဇာပါး
ပါးလေး ဖုံးထားသလို မမြင်သာတာလည်း ရှိတတ်ပါတယ် ။
ဟုတ်ကဲ့ ၊ အခြားတစ်ဖက်မှာလည်း ခြိမ်းခြောက်မှုတိုင်း fallacy မဖြစ်ပြန်ပါဘူး ။
□ မိဘမှ ဆယ်ကျော်သက် ။ ။ မင်း နောက်တစ်ခါ အိမ်ပြန်နောက်ကျရင်တော့ မင်းရဲ့မုန့်ဖိုးကို လျှော့ချရလိမ့်မယ် ။
□ သမ္မတကနေဒီမှ ဆိုဗီယက်ခရူးရှက် ။ ။ ခင်ဗျားတို့ရဲ့ ကျူးဘားနိုင်ငံမှာချထားတဲ့အအနုမြူဒုံးကျည်တွေကို မဖယ်ရှားဘူးဆိုရင်ကျနော်တို့မှာ ရွေးချယ်စရာလမ်း မရှိပါဘူး ။ အဲဒါတွေကို အင်အားသုံးပြီး ဖယ်ရှားရပါလိမ့်မယ် ။ အကယ်၍ အင်အားသုံးမယ်ဆိုရင် ကျနော်တို့နှစ်နိုင်ငံကြား အဆုံးစွန်အနုမြူစစ်ပွဲဆီကို တွန်းပို့ကောင်း တွန်းပို့ပါလိမ့်မယ် ။ ခင်ဗျားတို့ကော ကျနော်တို့ကော အနုမြူစစ်ပွဲကို မလိုချင်ကြပါဘူး ။ ဒီတော့ ခင်ဗျားတို့ရဲ့ အနုမြူဒုံးကျည်တွေကိုကျူးဘားနိုင်ငံကနေ ဖယ်ရှားသင့်ပါတယ် ။
ပထမနမူနာဟာ fallacy မဟုတ်ပါဘူး ။ ဘာကြောင့်လဲဆိုတော့ အဲဒါဟာ ထုတ်ပြန်ကြေငြာ
ချက်လိုမျိုး ပြောဆိုမှု (statement) တစ်ခုသာဖြစ်ပြီး အဆိုပြုတင်ပြငြင်းခုံချက်တစ်ခု မဟုတ်
လို့ပါပဲ ။ ဒုတိယနမူနာမှာတော့ အကြောင်းပြချက်တွေဟာ အဆုံးသတ်ကောက်ချက်နဲ့ ကျိုး
ကြောင်း ဆီလျှော်သက်ဆိုင်နေတာကြောင့် fallacy မဖြစ်ပါဘူး ။
(၆) တစ်ဖက်သား၏ ကရုဏာကို ဆွဲဆောင်ဖျောင်းဖျခြင်း (Appeal to pity)
ဒီ fallacy ဟာ ပြောဆိုငြင်းခုံသူကနေ ဖတ်ရှုသူ သို့မဟုတ် နားထောင်သူရဲ့ သနားကရုဏာ
သို့မဟုတ် ကြင်နာမှုမေတ္တာနဲ့ စာနာရိုင်းပင်းတတ်မှုကို လှုံ့ဆော်ဖြစ်ပေါ်စေတဲ့ အခါမျိုးမှာ ဖြစ်
လေ့ရှိတာမျိုးပါ ။
◊ ကျောင်းသားမှ ကထိက ။ ။ ကျနော် အတန်းတစ်ဝက်လောက်ပျက်ခဲ့ပြီး ဘာသာရပ်အားလုံးမှာ ကျရှူံးခဲ့တယ်ဆိုတာ ကျနော်သိပါတယ် ။ ဒါပေမယ့် ဒီလွန်ခဲ့တဲ့ ခြောက်လပတ်အတွင်းမှာ တကယ့်ကိုကြမ်းတမ်း ခက်ခဲမှုတွေကို တွေ့ကြုံခဲ့ရတာကြောင့်ပါ ။ ပထမမှာ ကျနော့်အချစ်တော် စပါးကြီးမြွေလေး သေဆုံးသွားခဲ့ပါတယ် ။ ဒါတင်မက ကျနော့်ရဲ့ ချစ်သူမိန်းကလေးက လိင်ပြောင်းခွဲစိတ်မှု လုပ်ချင်တယ်လို့ ပြောလာပြန်ပါတယ် ။ ဒီခြောက်လအတောတွင်းကျနော် ဖြတ်သန်းခဲ့ရတာတွေကိုထောက်ပြီး ကျနော်ဟာ ဘာသာရပ်အားလုံး ကျရှူံးဖို့ရာ မထိုက်တန်ဘူးလို့ ယူဆမိပါတယ် ဆရာ ။ ဆရာ့အနေနဲ့ တင်းကြပ်မှုလေးတွေဖြေလျှော့ပြီး ကျနော့်အတွက် အောင်ရုံအမှတ်ကလေးတွေအဖြစ် ပြောင်းလဲပေးဖို့ အခွင့်အလမ်းလေးတွေ မရှိတော့ဘူးလား ဆရာရယ် ။
◊ မိဘမှ အားကစားနည်းပြ ။ ။ ကျနော့်ရဲ့သားလေး မောင်ချာတစ်ယောက် ဘောလုံးကို မကန်တတ် ၊ မပေးတတ် ၊ မလုတတ် ၊ မဖျက်တတ် ၊ မဖမ်းတတ်တာ မှန်ပါတယ် ဆရာ ။ ဒါပေမယ့် သူ့အနေနဲ့ ဘောလုံးလက်ရွေးစင်အသင်းထဲမှာ ပါနိုင်ဖို့တော့ ထိုက်တန်တယ်လို့ ထင်မိပါတယ် ။ အကယ်၍များသာ သူ့အနေနဲ့ ဒီလို ပါဝင်ခွင့်မရဘူးဆိုရင် တကယ့်ကို ကြေကွဲဝမ်းနည်းပက်လက်ဖြစ်ပြီး ကျောင်းကနေတောင် ထွက်သွားနိုင်ခြေရှိပါတယ် ဆရာရယ် ။
အပေါ်က အဆိုပြုချက်တွေဟာ ကျနော်တို့ရဲ့ စာနာစိတ်ကို နှိုးဆွပေးနိုင်လောက်တဲ့ သက်
ရောက်မှုမျိုး ရှိကောင်းမှ ရှိပါလိမ့်မယ် ။ သို့ပေမယ့် အကြောင်းပြချက်တွေက နိဂုံးကောက်
ချက်အတွက် လုံလောက်တဲ့ သက်ဆိုင်မှုမျိုး မပေးနိုင်တာကြောင့် appeal to pity fallacy
အမှား သင့်ရောက်ပါတယ် ။
စိတ်ခံစားမှုကိုဆွဲဆောင်တဲ့ အငြင်းခုံစကားတိုင်း မှားသလား ။ အောက်မှာ ကြည့်ရအောင် ။
□ မိခင်မှ သမီး ။ ။ ဟိုတစ်နေ့က ဖွားဖွား နင့်ကိုမေးနေသေးတယ် ။ နင့်အဖိုးဆုံးပြီးကတည်းက သူလည်း သိပ်ကို အထီးကျန်ဆန်ပြီးစိတ်ဓါတ်တွေလည်း ကျနေတယ် ။ ပြီးတော့ သူ့ရဲ့ မေ့တတ်တဲ့ရောဂါကလည်း တစ်နေ့တစ်ခြား ပိုဆိုးလာနေတယ် ။ ဖွားဖွားဟာ နင့်အတွက် နှစ်ပေါင်းများစွာ ကြည့်ရှု့စောင့်ရှောက်လာခဲ့တာ ၊ သမီးအနေနဲ့ သူ့ဆီကိုတစ်ခေါက်လောက်များ သွားလည်သင့်တယ်လို့ မထင်ဘူးလား ။
□ လက်ပစ်ဘောနည်းပြ ။ ။ ကဲ သမီးတို့ ၊ အခု ဒီပြည်နယ်နဲ့တိုင်း တံခွန်စိုက်ပြိုင်ပွဲဟာ မင်းတို့လေးတွေရဲ့ ဘဝမှာ အကြီးမားဆုံး ကြုံလာရတဲ့ ပြိုင်ပွဲပဲ ။ မင်းတို့တတွေ တစ်နှစ်ပတ်လုံး ဒီပြိုင်ပွဲအတွက်လေ့ကျင့်လာခဲ့ကြတယ် ။ မင်းတို့ရဲ့ မိဘ ၊ မင်းတို့ရဲ့ ကျောင်း ၊ မင်းတို့ရဲ့ပတ်ဝန်းကျင်တွေက မင်းတို့အပေါ် အားထားမျှော်လင့်နေကြတယ် ။ သူတို့ဂုဏ်ယူစရာဖြစ်အောင် လုပ်လိုက်ကြစမ်းပါ ။ အောင်နိုင်သူတွေလို ကစားလိုက်ကြစမ်းပါ ။
ဒီနမူနာတွေမှာ စိတ်ခံစားမှုကို ဆွဲဆောင်တာတွေဟာ သင့်တော်ပြီး အဆိုပြုသူရဲ့ သဘာဝကျ
တဲ့ ရည်ရွယ်ချက်နဲ့လည်း သက်ဆိုင်မှုတွေ ရှိနေပါတယ် ။
ဘယ်လိုဖြစ်ဖြစ် လူတွေဟာ မကြာခဏဆိုသလိုပဲ စိတ်ခံစားမှုဆိုင်ရာ ဆွဲဆောင်မှုတွေကို
ကျိုးကြောင်းသင့် တွေးတောမှုတွေအပေါ် ဟန့်တားနှောင့်ယှက်ဖို့ သို့မဟုတ် မှေးမှိန်ဖုံးအုပ်
စေဖို့ အသုံးချတတ်ကြပါတယ် ။ အဲဒီလို သုံးစွဲမှုတဲ့ အခါမျိုးတွေမတော့ fallacy ကျုးလွန်မှု
တွေ ဖြစ်လာပါတယ် ။
(၇) ရေပန်းစားမှုကို အခြေခံသော ငြင်းခုံချက် (Bandwagon argument)
ကျနော်တို့ အားလုံးလိုလိုဟာ အခြားသူတွေရဲ့ ချစ်ခင် လေးစား တန်ဖိုးထားပြီး လက်သင့်ခံ
တာကို ကြိုက်နှစ်သက်ကြပါတယ် ။ အခုပြောမယ့် fallacy ကတော့ ကျိုးကြောင်းကျတဲ့ အ
ကြောင်းရင်းခံ အချက်လက်တွေနဲ့ ဆွဲဆောင်မှုမျိုးထက် လူတစ်ယောက်ရဲ့ လူကြိုက်များစေ
ချင်တဲ့ ၊ လက်သင့်ခံစေချင်တဲ့ ၊ တန်ဖိုးထား လေးစားစေချင်တဲ့ ဆန္ဒအပေါ်အခြေပြုပြီး လှည့်
ပတ်ကစားတာမျိုးနဲ့ သက်ဆိုင်ပါတယ် ။
◊ ကျောင်းသားသစ်နှင့် လူခံကျောင်းသား ။ ။ ဒီ အ.ထ.က (၁) ကျောင်းမှာ အပြတ်မိုက်ပြီး သားနားတဲ့ ကျောင်းသားတွေအားလုံး ဆေးလိပ်သောက်ကြတယ် ။ ဒီတော့ မင်းလည်း သောက်သင့်တယ် ။
◊ သူငယ်ချင်းနှစ်ယောက် ။ ။ ဟေ့ကောင် ၊ သောကြာနေ့ညနေက မင်း စာကြည့်တိုက်ကို သွားတယ်ဆို ။ မင်းကို လူတွေက “စာကြောင်” လို့ထင်မှာ မင်းမခံချင်ပါဘူးကွာ ၊ ဟုတ်တယ်မဟုတ်လား ၊ နောက်ကိုသွားမနေစမ်းပါနဲ့ ။
အပေါ်က ငြင်းခုံချက်တွေရဲ့ ပုံစံဟာ -
(က) အားလုံး သို့မဟုတ် လူတစ်စုက ဒါကိုယုံကြည် သို့မဟုတ် လုပ်ကိုင်ကျင့်ကြံနေကြတယ် ။
(ခ) ဒီတော့ ခင်ဗျားလည်း ဒါကို ယုံကြည် သို့မဟုတ် လုပ်ကိုင်ကျင့်ကြံသင့်တယ် ။
ဒီပုံစံဟာ မှားယွင်းပါတယ် ။ ဘာကြောင့်လဲဆိုတော့ ယုံကြည်ကျင့်ကြံမှုတစ်ခုကို အများကြိုက်
တယ် ဆိုတာဟာ အဲဒီယုံကြည်ကျင့်ကြံမှု မှန်တယ်ကောင်းတယ်လို့ သက်သေအထောက်ထား
ဖြစ်မလာတာကြောင့်ပါပဲ ။
အားလုံးသော အများကြိုက်ယုံကြည်ချက် သို့မဟုတ် ကျင့်ကြံလုပ်ကိုင်မှုတွေဟာ fallacy
ဟုတ်မဟုတ် အောက်မှာ ပုံဖေါ်ပြထားပါတယ် ။
◊ သတင်းထောက် ။ ။ ကျနော် စကားပြောဖြစ်ခဲ့သမျှ ရွာသူရွာသားအားလုံးကနေဒီရေတွင်းကရေဟာ သောက်သုံးဖို့ အန္တရာယ်မရှိပါဘူးလို့ဆိုကြတယ် ။ ဒီတော့ ဒီတွင်းရေဟာ သောက်သုံးဖို့ အန္တရာယ် ကင်းကောင်းကင်းလိမ့်မယ် ။
◊ စားသုံးသူ ။ ။ ကျနော့်သူငယ်ချင်း အတော်များများက ဓနုဖြူဒေါ်စောရီ ထ္မင်းဆိုင်ကို ညွှန်းကြတယ် ။ ဒီတော့ အဲဒီဆိုင်ဟာ စားလို့ကောင်းတဲ့ ဆိုင်တစ်ဆိုင် ဖြစ်ကောင်းဖြစ်နိုင်တယ် ။
ဒီ အများနဲ့ခြုံငုံတဲ့ ဆွဲဆောင်မှုဟာ မမှားပါဘူး ။ အကြောင်းရင်းခံတွေဟာ အဆုံးသတ်ကောက်
ချက်အတွက် သက်ဆိုင်မှုတွေ ရှိနေကြလို့ ဖြစ်ပါတယ် ။
မန်းကိုကို
၂၁ ၊ ၀၇ ၊ ၂၀၁၂
~~~~~~~~~~~~~~
□ တွေးစရာ
◊ အင်အားသုံးတာလား ၊ သို့မဟုတ် ကျိုးသင့်ကြောင်းသင့်လား
ဟောပြောပွဲတစ်ခုမှာ စင်မြင့်က စကားပြောနေတဲ့ ကက်သလစ်သမိုင်းဆရာ Hilaire Belloc
ဟာ ပရိသတ်ထဲက လူတစ်ယောက်ရဲ့ ကတ်သီးကတ်သတ်မေးခွန်းတွေနဲ့ နှောင့်ယှက်တာကို ခံ
နေရပါတယ် ။ လက်ဝှေ့သမားတစ်ယောက်ရဲ့ ခန္ဒ္ဓာကိုယ်မျိုးရှိတဲ့ Belloc ဟာ ဒီကြားဖြတ်နှောင့်
ယှက်မှုတွေကို အချိန်တိုင်းတာတစ်ခုအထိ သည်းခံနေခဲ့ပါတယ် ။ နောက်ဆုံးမတော့ သည်းညဉ်း
မခံနိုင်တော့တာကြောင့် အဲဒီလူကို စူးစူးရဲရဲကြည့်ပြီး ပြောလိုက်ပါတယ် ။ “ဟုတ်ကဲ့ ဆရာသမား ၊
ဒီမေးခွန်းအတွက် ကျနော့်အနေနဲ့ နှစ်ယောက်ကြားမှာ ကိုယ်ထိလက်ရောက် ဖြေရှင်းလိုက်ချင်ပါ
တယ် ၊ သို့ပေမယ့် အခု ကျနော့်ကို စကားပြောဖို့ ဖိတ်ခေါ်ထားတဲ့ အသင်းဖွဲ့ကနေ ဒီလိုနည်းလမ်း
ကို ခွင့်မပြုတဲ့အတွက်ကြောင့် ၊ ခင်ဗျား ဘယ်လိုစဉ်းစား တွေးတောရမလဲဆိုတာ သင်ပြရမယ့်အ
လုပ်ကို ကျနော့်မှာ မဖြစ်မနေ လုပ်နေရပါတယ်” ။
ဒါနဲ့ပတ်သက်လို့ ခေါင်းစဉ်မှာ မေးခွန်းပါရှိပြီး ဖြစ်ပါတယ် ။ စာဖတ်သူအနေနဲ့ ဘယ်လို ယူဆပါ
သလဲ ။
Reference
Bassham G, Irwin W, Nardone H & Wallace J 2008, Critical Thinking: a student’s introduction, 3rd edn, McGraw-Hill Higher Education, New York.
No comments:
Post a Comment