တို့မဝေးဘူး . . . . . . အလွဲတွေနဲ့ (၁ + ၂ + ၃ + ၄ & ၅)

   အင်တာနက်ပေါ် ပြောကြ ရေးကြ မှတ်ချက်ပေးကြတာတွေဟာ အချို့လူတွေအတွက် စိတ်ထွက်

ပေါက်ရှာတာ ဖြစ်ကြသလို ၊ အချို့မတော့ ပင်ကိုယ် ရင်ထဲက ရှိတာတွေကို လှစ်ဟပြဖို့ ကြိုးစားချက်

တွေဆိုတာ ငြင်းမယ့်သူ မရှိလှဘူးလို့ ယူဆပါတယ် ။ အဲဒီအထဲက လက်လှမ်းမီသမျှကို စုဖွဲ့ပြီး မှတ်

ချက်နည်းနည်း ရေးချကြည့်ပါရစေ ။ အဖြစ်သည်းသူလို့ ခေါ်ချင်ခေါ် ၊ မြင်သမျှကို တစ်ပုတ်ထဲကို

ရောထည့်လိုက်တာလို့ စွပ်စွဲစွဲ မြင်တာ ယူဆတာကို ပြောတာမို့ ၊ သင့်တင့်တဲ့ အကြောင်းတွေနဲ့

ထောက်ပြရင် ချွင်းချက်ရှိကြောင်းနဲ့ အတွေးလွဲချော်သွားကြောင်း ဝန်ခံပါ့မယ် ။ 

(၁)  ဒေါ်လာစား NGOs 

   ပြောရတာ အပ်ကြောင်းများ ထပ်နေမလားတော့ မသိဘူး ။ လုပ်စားတွေ ၊ ခိုင်းဖတ်တွေ ၊ ဒေါ်လာ

စားတွေ ကိုယ်ကျိုးရှာ အခွင့်ရေးသမားတွေ စသည်ဖြင့် NGO ၊ ပြည်ပသတင်းနဲ့ အဖွဲ့စည်းတွေမှာ

လုပ်ကိုင်နေသူaတွကို နာမည်တပ် တိုက်ခိုက် လေပုတ်ထုတ်နေကြတာ အတော်များများ တွေ့နေရ

လို့ အဲဒီလူတွေကို မေးခွန်းထုတ်ချင်စိတ် ပေါ်လာမိတယ် ။

(က)  ဘယ်အဖွဲ့စည်း ဋ္ဌာနတွေက လုပ်စားကြ ခွင်ရိုက်နေတယ်ဆိုတာ အသေချာသိရင် ညွှန်ပြပေး

        နိုင်မလား ။ 

        အလုပ် မရရအောင် သွားလျှောက်ချင်လို့ပါ ။ ချမ်းသာနိုင်မှာသာ သေချာပါစေ ၊ ကော်မရှင်ပေး

မှာပါ ။ ဒါမှမဟုတ် သာမန် အဆင်ပြေရုံလား ၊ ဒါဆိုရင်တော့ မစဉ်းစားပါ ၊ အခြားအလုပ် အများကြီး

ရှိပါတယ် ။ ပြောတဲ့လူမှာသာ မနာလိုဝန်တိုစိတ် များနေတာ ဖြစ်ကောင်းဖြစ်နိုင်တယ် ၊ ကိုယ့်ကိုယ်ကို

ဆန်းစစ်ကြည့်သင့်တယ် ။

(ခ)  “ခွင်” သိပ်ကောင်းတဲ့ အလုပ်ဖြစ်မှန်း သိကြလျက်နဲ့ ဘာလို့ သွားမလုပ်ကြသလဲ ။ 

       မတရား မလုပ်ချင်တဲ့ စိတ်ကောင်းလေးတွေ ပြည့်ဝနေကြလို့လား ၊ ဒါမှမဟုတ် အရည်အချင်းနဲ့

အခွင့်အလမ်း ဘယ်လိုမှ မနီးစပ်နိုင်လို့လား ။ 

   စိတ်ကောင်းရှိသူတွေကို လေးစားပါတယ် ၊ အခွင့်လမ်း မနီးစပ်နိုင်သူတွေကို ကိုယ်ချင်းစာပါတယ် ၊

အရည်ချင်း မပြည့်သူတွေကတော့ ပြည့်စုံလာအောင် သို့မဟုတ် တစ်နေရာရာမှာ ထူးချွန်လာအောင်

ကြိုးစားဖို့ လိုမယ်ဆိုတာ အကြံပေးချင်တယ် ။ တစ်ခုပဲ သတိထားစရာက သူတစ်ပါးကို လက်ညှိုးထိုး
ရုံနဲ့ ဘာမှဖြစ်မလာတာ သိဖို့ လိုပါမယ် ။

(၃)  NGO အပါအဝင် အဖွဲ့အစည်းတွေ ၊ သတင်းဋ္ဌာနတွေ စသည်ဖြင့် သူတို့တွေရဲ့ ရည်ရွယ်ချက် ၊

      လုပ်ငန်းစဉ် ၊ ကျင့်ဝတ် ၊ အကောင်ထည်ဖေါ်ပုံ ၊ အခက်အခဲ ၊ အကန့်အသတ်နဲ့ သူတို့လုပ်ကိုင်

မှုတွေရဲ့ အဆိုးကော အကောင်းဖက်ကကော အကျိုးဆက်တွေကို သိသလား ၊ ပြောပြနိုင်သလား ၊

ကြုံတွေ့ဖူးသလား ။ 

   အဲဒီအထဲက အပြစ်တစ်မျိုးထဲ ပြောတတ်တယ်ဆိုရင်တော့ .. အဲ .. ပြဿနာ နည်းနည်းရှိလာပြီ ။

ဒေါ်စုပြောတဲ့ မနာလိုစိတ် များတဲ့လူမျိုး ဆိုတဲ့ “ပုတ်”ထဲကို ရောက်နေပြီလားလို့ ပြန်တွေးကောင်း

ပြန်တွေးစရာ လိုလာနိုင်တယ် ။

   ကဲ ... လွဲသလား ၊ မလွဲဘူးလို့ထင်ရင် မလွဲဘူးပေါ့ဗျာ ။

၀၅ ၊ ၀၇ ၊ ၂၀၁၂

(၂)  နိုင်ငံကြီးသား ရွှေမြန်မာများ

   တတိယနိုင်ငံ ၊ တစ်နည်းအားဖြင့် ဖွံ့ဖြိုးပြီးနိုင်ငံလို့ခေါ်ကြတဲ့ နိုင်ငံကြီးတွေကို နည်းမျိုးစုံနဲ့ ရောက်

ရှိနေထိုင် နေကြသူတွေရဲ့ အရေအတွက်က မနည်းလှပါ ။ ထို့နည်းလည်းကောင်းပဲ မူရင်းနကို စိတ်

ရင်းတွေကို မပြောင်းမလဲ သယ်ဆောင်သုံးစွဲ တွေးခေါ်နေကြသူတွေရဲ့ အရေအတွက်ကလည်း သိပ်

မနည်းပါ ။ လူသိများသူတွေလည်း ပါပါရဲ့ ။ ဒါကို ဂုဏ်များလည်း ယူကြပါသေးတယ် ။

   ဖွံ့ဖြိုးပြီးနိုင်ငံတွေကို ဘာတွေနဲ့တွဲပြီး မြင်နိုင်သလဲ ။ 

   ပြည့်စုံတယ်လို့ မဆိုနိုင်ပေမယ့် - ဒီမိုကရေစီ ရင့်ကျက်ပြီးတဲ့ ၊ ဥပဒေ စိုးမိုးတဲ့ ၊ လူ့အခွင့်ရေးအပါ

ဝင် လူသားတွေရဲ့ ရသင့်တဲ့ အခွင့်ရေးတွေကို ထိန်းသိမ်းစောင့်ရှောက်တဲ့ ၊ ကိုယ်ချင်းစာတရား တာ

ဝန်ယူမှု လေးစားမှု စတာတွေကို ဖေါ်ဆောင်စောင့်ထိန်းတဲ့ ရပ်ဝန်းဒေသတွေလို့တော့ ယေဘုယျ

ခေါ်နိုင်တာပေါ့ဗျာ ။ 

   သို့ပေမယ့် ၊ ဒီလိုရပ်ဝန်းတွေမှာ မြန်မာပြည်က ရောက်ရှိနေထိုင် အခြေချနေသူများဆီက ထွက်လာ

တဲ့ စကား ၊ ဖွင့်လှစ်ပြတဲ့ စိတ်ထားတွေဟာ သူတို့ကို ထုတ်လုပ်ပေးလိုက်တဲ့ မူရင်းရပ်ဝန်းက အနေ

ထားနဲ့ ထပ်တူရုံမက လူမျိုး ဘာသာ အစုအဖွဲ့ စသည်ဖြင့် ခွဲခြားတဲ့နေရာတွေမှာ အတော်ကလေးကို

အစွန်းရောက်ပြီး အချို့နေရာတွေမှာ ကဲကဲများတောင် ပိုနေတတ်တာ တွေ့ရတဲ့အခါ ၊ ဘယ်သင်း

ဘယ်ဟာကနေ စပြောရမှန်းတောင် မသိတော့သလောက်ပါပဲ ။ မြန်မာပြည်နဲ့ မှီတင်းနေထိုင်သူတွေ

အတွက် နိုင်ငံတကာမှာ အရှက်ဗြန်းဗြန်းကွဲအောင် အတော်ပဲ အကူညီပေးနိုင်ခဲ့ကြပါတယ် ။ 

   အရှက်ကွဲတယ်ဆိုတော့ ပြောရပါဦးမယ် ။ 

   ရှက်တတ်ရင်တော့ တကယ်ကွဲတာပါ ၊ ဒါပေမယ့် မကွဲဘူး ယူဆရင်တော့ သိပ်ပြီး ကိစ္စမရှိလှတာ

သေချာပါတယ် ။ တစ်ခုပဲရှိတာက ခုနေခါမှာ အခြားနိုင်ငံက သတင်းပုံမှန်ဖတ်သူ အတော်များများက

တော့ အရင် သူတို့နားလည်ထားသလို ၊ မြန်မာ ပြည်သူပြည်သားတွေဟာ ဒီမိုကရေစီကို အရိုးခံနဲ့

လိုချင်နေကြတဲ့ လူတွေဆိုပြီး သနားစာနာစိတ်မျိုးနဲ့ မြင်တာမျိုးတွေ နည်းသွားပြီဆိုတာ သိထားဖို့

လိုပါမယ် ။ ကိုယ့်အဖတ်ကိုယ် ပြန်မဆည်နိုင်ကြရင်တော့ တစ်ချိန်မှာ သိက္ခာပိုင်းဆိုင်ရာနဲ့ ပတ်သက်

လို့ အကျိုးသက်ရောက်မှုတွေ ရှိလာနိုင်ပါတယ် ။

   ဒါကော ကျနော်တို့တစ်တွေ လွဲနေကြသလား ၊ ဟုတ်ကဲ့ .. ထင်တဲ့အတိုင်းပါပဲ ။

၀၆ ၊ ၀၇ ၊ ၂၀၁၂

(၃)   နယ်ချဲ့အမွေဆိုး တို့သယ်ပိုး

   ကိုလိုနီခေတ် ကုန်လွန် ကျန်ရစ်ခဲ့တာ ကြာခဲ့ပြီ ။ ဒါပေမယ့် တွေ့ခဲ့ဖူးတဲ့ ကာတွန်းကလေးတစ်ခု

ကို သတိရတယ် ။ ဇင်ဘာဘွေအာဏာရှင် မူဂါဘီတစ်ယောက် အရိုးခြောက်တွေကို ဆွဲလှုပ်ခါပြီး

သူ့စိတ်ထဲက နယ်ချဲ့တစ္ဆေတွေကို ရင်ဆိုင်ဖို့ ကြိုးစားနေတဲ့ပုံပါ ။ 

  ကျနော်တို့တစ်တွေ အကြားမှာကော .. ဒီလို ထ္မင်းလုံးတစ္ဆေ အဝန်းအဝိုင်းတွေ ကိုယ့်ဘာသာဖန်

တီးပြီး ရင်ဆိုင် အပြစ်တင်ဖို့ ကြိုးစားနေကြတုန်းလား ။ 

  ဖေ့ဘွတ်မှာ တွေ့မိတဲ့ ဆောင်ပုဒ်တစ်ခုကို ကြည့်ပြန်တော့ “ဘာမားဆိုတာ ကိုလိုနီအမွေဆိုး၊ မြန်

မာဆိုတာ ဒို့ဘိုးဘွား အမွေအနှစ်" ဆိုပဲ ။ ဆက်စပ်ပြီး စိတ်ထဲပေါ်လာတဲ့ အချက်တစ်ချို့ကို အောက်

ကအတိုင်း ချရေးဖြစ်လိုက်ပါတယ် ။ သို့ပေမယ့် အဲဒီဆောင်ပုဒ်ကို ရေးတဲ့ပိုင်ရှင်ကတော့ နှုတ်ဆိတ်

နေလေရဲ့ ။

‎(က)  နယ်ချဲ့တွေရဲ့ အစီအမံ အမွေအနှစ်ဖြစ်တဲ့ လက်ရှိ မြန်မာနိုင်ငံရဲ့ နယ်နိမိတ် ၊

(ခ)  ကိုလိုနီခေတ်နဲ့ ချွတ်စွတ်တူလုလု ရာဇဝတ်မှု ဥပဒေကစလို့ ၊ စာတစ်လုံးတောင် မယွင်းမ

       ပြောင်းသေးတဲ့ နယ်ချဲ့အမွေ ဥပဒေတွေ ၊

(ဂ)  “အမိ”နိုင်ငံ ဆိုတဲ့ နယ်ချဲ့တွေဆီက လက်ဆင့်ကမ်းယူထားတဲ့ စာသားမျိုးကအစ ၊

(ဃ)  ကွန်ပြူတာ ၊ အင်တာနက် ၊ ကား ၊ ဝရန်တာ ၊ မဲနောက် ၊ အောက်ဆိုဒ် တွေကစလို့ နယ်ချဲ့

        တွေဆီက ရယူထားခဲ့တဲ့ ပြောင်းလဲလို့ မလွယ်တဲ့ စကားလုံးတွေ ၊

(င)  နယ်ချဲ့တွေ သူတို့အကျိုးအတွက် ဖောက်ခဲ့ ဆောက်ခဲ့တယ်ဆိုတဲ့ အဆောက်ဦ လမ်းပန်းတံ

      တားတွေ ၊

(စ)  နယ်ချဲ့တွေ သူတို့အကျိုးအတွက် ပြုစုပြီး ထားခဲ့တယ်ဆိုတဲ့ ၊ ပစ်ပယ်လို့မရတဲ့ ၊ စနစ်ကျလှတဲ့

      မှတ်တမ်းမှတ်ရာ စာတန်းတွေ ၊

(ဆ)  နယ်ချဲ့နိုင်ငံတွေမှာ အစပြုခဲ့တဲ့ အခြေခံဥပဒေ ၊ သမ္မတ/ဝန်ကြီးချုပ် အုပ်ချုပ်ရေးစနစ် ၊ စက်

        မှုတော်လှန်ရေး ၊ ဒီမိုကရေစီစနစ် - ဆိုတာတွေကစလို့ အသေးစိတ် စာရင်းလုပ်လို့ မကုန်

        လောက်တဲ့ ကိုလိုနီအမွေတွေ ရှိနေတယ် ။

   ဘယ်အရာတွေက အမွေဆိုးတွေလဲ ။ 

   ဘယ်အရာတွေကိုတော့ သိပ်ကောင်းလွန်းတာမို့ မသိချင်ယောင်ဆောင်ပြီး မွေးစားသုံးစွဲမယ်လို့

တွေးမိသလဲ ။ 

   အကောင်းဖက် လှည့်ကြည့်ရင် -

*  လမ်း ၊ တံတား ၊ အဆောက်ဦ တွေကအစ ကိုယ့်နိုင်ငံမှာ ရှိနေပေမယ့် ကိုယ်ဆောက်ခဲ့တာ

   မဟုတ် ။

*  သီပေါဘုရင် နန်းမကျခဲ့ရင်ကော သူ့နောက်မျိုးဆက်တွေက နိုင်ငံမှာ လိုအပ်တာတွေကို လုပ်

    မယ် ဖြည့်ဆည်းမယ် ၊ လက်ရှိ နယ်နိမိတ်မျိုး ရှိအောင် လုပ်နိုင်မယ်လို့ အာမခံချက်က မရှိ ။

*  နယ်ချဲ့တွေ ထားရစ်ခဲ့တဲ့ အရာအတော်များများမှာ သူ့ဆိုင်ရာဆိုင်ရာ သမိုင်းကြောင်းလေးတွေ

    ရှိခဲ့တယ် ။

   ခုတော့ နယ်ချဲ့အမွေဆိုးတွေဆိုပြီး ဟိုဟာပြောင်း ဒီဟာဖျောက် ၊ ဝန်ကြီးများရုံးလိုကအစ မထိန်း

သိမ်းပဲ လစ်လျူတာလျစ်လျူ စသည်ဖြင့် လုပ်နေခဲ့ကြတာဟာ ကိုယ့်လိုအင်အတွက် အာသာပြေ

စိတ်ကျေနပ်ရုံ အကောင်ထည်ဖေါ်ခဲ့ကြတာလား ။ ခုတော့ နှောင်းလူတွေမှာ သမိုင်းကို အနည်းဆုံး

နာမည်နှစ်ခု သုံးခုနဲ့ လေ့လာကြရတော့မယ့် အနေထား ။ 

   မှတ်တမ်းမှတ်ရာ သိမှတ်စရာတွေလည်း ပျောက်ခဲ့ကြရပြီ ၊ 

   သမိုင်းတွေလည်း ကွေးကောက်ပြောင်းလဲ မေ့ပျောက်မှားယွင်းလာခဲ့ကြပြီ ၊ 

   ဒါတွေဟာ ကျနော်တို့ရဲ့ မျိုးဆက်သစ်တွေကို လက်ဆင့်ကမ်းပေးချင်တဲ့ အမွေတွေလား ။ 

   ဘယ်သူ့ကိုမှ အပြစ်တင်ရမလဲ ။ 

   အမှားအမှန် ၊ အဆိုးအကောင်း ၊ သင့်၏ မသင့်၏ ဆိုတာတွေထက် လူတစ်စု အင်အားကြီးခိုက်

စိတ်ကြိုက် လုပ်ကြစတမ်းလား ။ 

   ကျနော်တို့တစ်တွေ တစ်ခုခုများ လွဲချော်နေကြသလား ။

၀၆ ၊ ၀၇ ၊ ၂၀၁၂

(၄)  ရွင့်ဂျာ

    ဒူဝေဝေ ချာလပတ်လည်လာတာကတော့ ဒီကိစ္စပါပဲ ။ သတင်းကလည်း နည်းနည်းထူးလို့ပါ ။

   ဆက်မသွားခင် တလောက အွန်လိုင်းစစ်သည်ကြီးများရဲ့ အလွဲလေးတွေကို ပြန်ကြည့်ရအောင် ။

(က)   မိုးမွန်အောင် တွေ့ခဲ့ရတာ တစ်ခုကတော့ “သမ္မတရုံးမှ အရာရှိကြီးတစ်ယောက်၏ ဖေ့ဘွတ်

         စာမျက်နှာတွင် ဖေါ်ပြထားချက်အရ”ဆိုတဲ့ တွင်တွင်ရည်ညွှန်းခဲ့ကြတဲ့ သတင်းတွေပါ ။ မကြာ

ခင် အဲဒီ အရာရှိကြီးဆိုသူကပါ သူ့စာအချို့ကို ခပ်တည်တည်နဲ့ ပြန်ဖျက်သွားခဲ့တယ် ။ 

   အရင်က စစ်ဗိုလ်တွေဆိုရင် ခပ်ဝေးဝေးက ရှောင်နေခဲ့ကြသမျှ ၊ ကိုယ့်စိတ်အလိုနဲ့တွေ့မှ အသေ

ချာ အတည်ပြုဖို့ မကြိုးစားတော့ပဲ မျက်စေ့မှိတ် ယုံလိုက်ကြတာဟာ မလွဲလား ။

(ခ)  တစ်ခါ အယ်ကေဒါနဲ့ ဆက်စပ်မှုရှိပြီး ၊ လေ့ကျင့်ထားတယ်ဆိုတဲ့ လက်နက်ကိုင်များရဲ့ တိုက်ခိုက်

      မှုတွေမှာ ထူးထူးခြားခြား လောင်ချာနဲ့ ပစ်ခတ်တိုက်ခိုက်မှုဆိုတာ မျက်စေ့ထဲမှာ စူးဝင်လာတယ် ။ 

   လေ့ကျင့်ထားတဲ့ စစ်သွေးကြွတွေက သေနတ်နဲ့တောင် မပစ်တော့ပဲ လောင်ချာနဲ့ ပစ်တယ်လား ၊

ဘယ်သူမှ မထိလောက်အောင် လွဲချော်သွားတယ်လား ၊ ဒီလောက်တိကျတဲ့ သတင်းကြီး ရပြီးကာမှ

ဘာလို့များ ထိထားတယ်ဆိုတဲ့နေရာက လက်ပူးလက်ကြပ် ဓါတ်ပုံတွေ ထွက်မလာတာပါလိမ့် ။

မလွဲလား ။

(ဂ)  လက်နက်တွေမိတယ် မိတယ်နဲ့ ပြောလိုက်ကြရတာ ပလူများတောင် ပျံနေပါတယ် ၊ စာရင်းချုပ်

       တော့ ဘာတရားဝင်သတင်းမှ မထွက်လာတာနဲ့ တူမီးသေနတ်နဲ့ပစ်တဲ့အမှု တစ်ခုထဲပေါ်လာ

တာပါပဲ ။ (တူရွင်း ၊ သံချွန် ၊ တုတ် ၊ ဒါး ၊ လေးခွတွေကိုတော့ ကိုယ့်ဘာသာ ဆုံးဖြတ်ကြပါဗျာ) ။ 

(ဃ)  တစ်ဆက်ထဲ အွန်လိုင်းမှာ တိုက်ပွဲဝင်နေသူတွေအတွက်တော့ နိုင်ငံရပ်ခြားမှာ ရိုဟင်ဂျာတွေ

        အတွက် ပိုက်ဆံယူပြီး အသံကောင်းဟစ်သူတွေ ၊ အသားထဲက လောက်ထွက်သူတွေ ၊ မျိုး

ဖျက်သစ္စာဖောက်တွေက တယ်များသကိုး ။ 

   အခြားသူတွေတော့ မပြောတတ်ပါ ၊ ဦးဟန်ယောင်ဝေကိုပဲ ပြေးမြင်မိပါတယ် ။ 

   သူ့ကို ရစရာမရှိအောင် ပြောနေသူတွေထဲမှာ ရှမ်းအမျိုးသားနဲ့ ရှမ်းနိုင်ငံရေးသမားတွေ တစ်ယောက်

မှ ထင်ထင်ရှားရှား မတွေ့မိဘူးဗျ ၊ တစ်ခုခုများ လွဲနေသလား ၊ ဒါမှ မဟုတ် ဗမာတွေအနေနဲ့ ကိုယ့်

ဘာသာ အလွဲတွေရှိမရှိ ဆင်ခြင်ဖို့ လိုလေမလား ။

(င)  ကိုယ့်ပြည်တွင်းရေးကိစ္စ အကြောင်းတွေကို စာတွေပေတွေနဲ့ ရည်ညွှန်းသူများလည်း ကြိုကြား

       တွေ့ရသေးတယ် ။ လွဲနေတာလေး တစ်ခုပဲရှိတယ် ၊ သူလိုကိုယ်လိုလူတွေ အထင်အမြင်နဲ့

ရေးထားတဲ့ ဆောင်းပါးတွေ စာတွေကို အပြန်အလှန် ရည်ညွှန်းနေကြတဲ့ လုပ်ရပ်လေးပါ ။ ဒီနှုန်းနဲ့

ဆို ဖွံ့ဖြိုးပြီးသား နိုင်ငံတွေမှာနေရင် အထက်တန်းကျောင်းတောင် အောင်မယ်မထင်ပါ ။

(စ)  ကမ္ဘာသိတဲ့ အလွဲတစ်ခု ရှိပါသေးတယ် ။ ယူအန်ဝန်ထမ်းတွေ အပါအဝင် အစိုးရအဖွဲ့စည်းမ

      ဟုတ်တဲ့ အဖွဲ့ကဝန်ထမ်းတွေကို ဖမ်းဆီးထိန်းသိမ်းတဲ့ ကိစ္စပါ ။ 

   ဟုတ်ကဲ့ ဒါလည်း ရှက်တတ်ရင် ဗျန်းဗျန်းကြီးကွဲတဲ့ကိစ္စပါ ။ ဒီလိုကိစ္စတွေကို လုပ်သူတွေဟာ ပြို

ကွဲနေတဲ့ နိုင်ငံတွေက စစ်သွေးကြွတွေနဲ့ သိက္ခာနည်းတဲ့နိုင်ငံတွေပဲ ရှိပါတယ် ။ အချို့လည်း ဒီလူ

တွေဟာ အကြမ်းဖက်မှု ၊ အကြမ်းဖက် အဖွဲ့စည်း ဒါမှမဟုတ် နိုင်ငံကို ထိခိုက်စေတာတွေနဲ့ ဆက်စပ်

နေတယ်ဆိုပြီး ပြောတတ်ကြတယ် ။ Médecins Sans Frontières လိုအဖွဲ့ရဲ့ ဆေးဝါးကုသမှု တစ်ခု

ထဲကို အာရုံပြုတဲ့ အဖွဲ့ရဲ့ လုပ်ရပ်နဲ့ ယူအန်အဖွဲ့ဝန်ထမ်းတွေကို လေးစားစောင့်ရှောက်ရမယ် ဆိုတာ

တွေကို နားမလည် သို့မဟုတ် မသိကျိုးကျွံ ပြုနေကြတာလို့ပဲ ယူဆရမလို ဖြစ်နေပါတယ် ။

(ဒါကို အငြင်းပွားနိုင်ခြေ အများကြီးရှိမှန်း သိပါတယ် ။ ဒါပေမယ့် နိုင်ငံတကာ သတင်းထောက်နဲ့ အ

ဖွဲ့စည်း လူပုဂ္ဂိုလ်တွေအတွက် လွပ်လပ်တဲ့ သွားလာလှုပ်ရှား ပြောဆိုမှုတွေ အာမခံနိုင်မှုတွေ ဒီဒေသ

မှာ မရှိမချင်းတော့ ကိုယ့်ဖက်က ဖြေရှင်းစရာတွေက မကုန်နိုင်ပါ) ။

(ဆ)  နောက်ဆုံးတစ်ခုက ရိုဟင်ဂျာအရေးမှာ လူ့အခွင့်အရေးနဲ့ လူသားချင်း စာနာထောက်ထားမှု

        ကဏ္ဍတွေကချည်း ကြည့်လို့မရဘူးလို့ ဆိုကြပြန်ပါတယ် ။ 

   ဒါဆို ရိုဟင်ဂျာကိစ္စမှာ မျှတအောင် မြင်ကြည့်ဖို့ ကြိုးစားသူတွေဟာ မင်းမဲ့ဝါဒီ (anarchist) တွေ

လား ၊ စီမံခန့်ခွဲမှုပညာတွေနဲ့ အလှမ်းဝေးနေသူတွေလား ၊ တရားလက်လွှတ်သမားတွေလား ၊ ငွေရ

လို့ ပြောနေကြတာလား ၊ သစ္စာဖောက် လောက်ကောင်တွေလား ၊ တိုင်းပြည်ကို အားကြိုးမာန်တက်

ဖျက်နေကြသူတွေလား ၊ အမြင်တိမ်ပြီး အဝေးကြိုမမြင်နိုင်ကြသူတွေလား ၊ ဒါမှမဟုတ်ရင်လည်း

ကိုယ့်နဲ့ မြင်ပုံမြင်နည်း ရှုထောင့်မတူတဲ့ ဘက်စုံတွက်ချက်သူတွေလား ၊ မေးခွန်းတွေက အများကြီးပါ ၊

သန်ရာသန်ရာ ဆွဲတွေးကြတာပေါ့နော ။ 

  ဇာတ်သိမ်းတော့ ဒုတိယ နိုင်ငံခြားရေးဝန်ကြီး ဦးမောင်မြင့်ရဲ့ အဖြေထုတ်ပေးလိုက်ပုံက - ဘင်္ဂလား

ဒေ့ရှ် refugee camp ထဲက အပါဝင် မြန်မာဘင်္ဂလီ ၄ သိန်းကျော်ကို ပြန်လက်ခံပါမယ်တဲ့ ၊ ရှင်းရော ။

(လင့်) 

   ဒီအဖြေဟာ လူအတော်များများရဲ့စိတ်ကို ထိခိုက်စေမယ့် လုပ်ရပ်လို့ ပြောလို့ရပါတယ် ။

ဘယ်လိုပြောပြော အဖြေက ရှင်းနေပြီလို့ ယူဆပါတယ် ။ ဘယ်သူ့ကိုမှ မနာကျင်စေချင်ပေမယ့် ဒါ

တွေဟာ မဖြစ်မနေ ရှောင်လွှဲလို့မရတဲ့ ရင်ဆိုင်ရမယ့်ကိစ္စဆိုတာ လက်ခံဖို့လိုနေပါပြီ ။ စိတ်တွေလျှော့

ပြီး အကောင်းဆုံး ဆက်ဖြေရှင်းသွားဖို့ နည်းလမ်းတွေ ရှာသင့်တယ်လို့လည်း တိုက်တွန်းချင်ပါတယ် ။

   တစ်ခုတော့ လွဲနေပါသေးတယ် ။ အဲဒါက ဒုဝန်ကြီးနဲ့ အစိုးရအဖွဲ့ရဲ့ ထင်သာမြင်သာမရှိတဲ့ ဖြေရှင်း

မှုပါ ။ နိုင်ငံရေး အပိုင်းမှာတော့ ဤခရီး မနီးသေးပါလို့ ပြောလို့ရမယ်ထင်ပါတယ် ။

(အပေါ်မှာ အလွဲတွေလို့ ယူဆတာတွေကိုသာ ရွေးနှုတ်ထားတာကြောင့် အသက်အိုးအိမ် စည်းစိမ်

ဥစ္စာ ပျက်စီးဆုံးရှူံးရ တာတွေကို ချန်ထားရစ်ခဲ့ပါတယ် ။ မစာနာလို့ ၊ အားပေးချင်လို့ မဟုတ်ပါ ။

အားလုံးသော အမှုကိစ္စတွေကို တရားဥပဒေအရ ကျေလည်အောင် မျှမျှတတ ဖြေရှင်းသွားဖို့ အား

ပေးပါတယ် ။ သင့်တင့်တဲ့ လှူတန်းမှုတွေကိုလည်း လက်လှမ်းမီသလို လုပ်သွားဖို့ ရည်ရွယ်ချက် ရှိ

ပါတယ်) ။ (Foreign Policy ဆောင်းပါးတစ်ပုဒ်)  (Pushing them out is not the answer - The Daily Star)

     အလွဲ အလွဲ အလွဲတွေချည်း ဖြစ်နေတာ ၊ အတည့် အမှန်တွေ မရှိတော့ဘူးလား ။

     ထူးထူးခြားခြား သတင်းတစ်ခုတော့ တွေ့မိတယ်ဗျ ။

     ဒု-စစ်ဦးစီးချုပ်က ကချင်တွေနဲ့ တွေ့မယ်ဆိုတဲ့ သတင်းပါ ။ (လင့်)

     ခုလို တည့်တည့်လုပ်သင့်တာ တွေ့သင့်တာ ဖြေရှင်းသင့်တာ ကြာလှပါပြီ ။

     မတူသလို မတန်သလို မဖြေရှင်းချင်သလို ဝေ့လည်ကြောင်ပတ်နဲ့ အထက်ကို ပြန်တင်ပြလိုက်

ပါဦးမယ်ဆိုတဲ့ သတင်းပို့သူအဆင့်တွေနဲ့ပဲ လွှတ်ပေးနေခဲ့ရာက ခုလို လုပ်မယ်ဆိုတော့ မလွဲဘူး

လို့ မြင်တယ် ။ သို့ပေမယ့် ငါ ငါနဲ့ ငါတို့တစ်တွေဆိုတဲ့ ကိုယ့်နဖူးပြန်ထောက်မိလုနီးနီး ထောင်ထား

ခဲ့ကြတဲ့ လက်မကို နည်းနည်း လျှော့မလျှော့ကိုတော့ စောင့်ကြည့်ရမှာပေါ့ဗျာ ။

၀၇ ၊ ၀၇ ၊ ၂၀၁၂

~~~~~~~~~~~~~~~~~~~~~~~~~~~~~~~~~~~~~~~~

(၅)  ပိန်းပိန်းပိတ် အလွဲ

     ရေးလို့ပြီးသွားကာမှ တစ်ခုကျန်နေလို့ ထပ်ဖြည့်လိုက်ပါတယ် ။

     ရခိုင်ကိစ္စမှာ ဗမာအပါဝင် တိုင်းရင်းသားပေါင်းစုံရဲ့ အားကြိုးမာန်တက် လုပ်ကြကိုင်ကြတာ ဘယ်

လိုပဲပြောပြော အင်မတန် အားရစရာပဲလို့ အကောင်းဖက်က မြင်ကြည့်မိပါတယ် ။

     ဒါနဲ့ ကျနော်တို့ အရှေ့ဖက်ခြမ်းမှာလည်း ကိစ္စများမြှောင်တွေ ရှိနေပါတယ် ။

#  လွန်ခဲ့တဲ့ ဆယ်စုနှစ်အတွင်းကို ထောင်နဲ့ချီတဲ့ ကျေးရွာတွေ ဖျက်ဆီးခံရ ၊ စွန့်ခွာထွက်ပြေး နေခဲ့ကြ

    ရပါတယ် ။

#  လက်နက်မရှိကြပေမယ့် စစ်တပ်က မိုးပေါ်ကို ထောင်မပစ်ပါဘူး ။

#  IDPs လို့ခေါ်တဲ့ ပြည်တွင်းမှာတင် ပုန်းအောင်းတိမ်းရှောင်နေရတဲ့ ထောင်သောင်းချီတဲ့ သူတို့အ

    တွက် တည်းခိုစရာ ဘုန်းကြီးကျောင်း ၊ စာသင်ကျောင်း ၊ ဂိုဒေါင်နဲ့ ကယ်ဆယ်ရေးစခန်းတွေ မရှိပါ ။

#  Free Burma Rangers အပါဝင် လူမသိသူမသိ ကူညီကြသူတွေနဲ့ အဖွဲ့စည်းအနည်းငယ်ရဲ့ သက်

    စွန့်ဆံဖျား ကူညီမှုနဲ့ ကိုယ်ထူကိုယ်ထ သားငါး သစ်ဥသစ်ဖု ဆေးမြစ်ဆေးရွက်တွေနဲ့ ရှင်သန်နေရ

    ပါတယ် ။

#  သူတို့ကို အမဲလိုက်သလို လိုက်နေတဲ့ စစ်တပ်ကို ပြန်ခုခံဖို့လည်း တုတ်ဓါးတွေနဲ့ မဖြစ်နိုင်ပါဘူး ။

#  ယူအန်အပါဝင် ကမ္ဘာ့သိက္ခာရှိ အဖွဲ့စည်းတွေအနေနဲ့လည်း ဆန္ဒရှိရင်တောင် ကူညီဖို့ စွမ်းအားနဲ့

    အခြေနေတွေ မရှိကြပါဘူး ။

#  သူတို့မှာ ပညာရေး ၊ ကျန်းမာရေး ၊ လူမှုရေး ၊ နိုင်ငံရေး ၊ ဘာသာရေး ၊ စီးပွားရေး အခွင့်အလမ်း

    တွေ ဆိုတာကတော့ ဝေလာဝေးပါ ။

မေးစရာ စကားတစ်ခွန်းရှိပါတယ် ။ 

ကျနော်တို့ရဲ့ နှလုံးသားတွေများ နေရာလွဲနေသလား လို့ပါ ။

မန်းကိုကို
၀၇ ၊ ၀၇ ၊ ၂၀၁၂