ခက်ဗမာ



     ပို့စ်ခေါင်းစည်းကြည့်ပြီး စိတ်ထဲဇဝေဇဝါများ ဖြစ်သွားကြသလား ။
     ဗမာစာ ဗမာစကားခက်လို့ အတိုဆုံးစကားလုံးချုပ်ကြည့်လိုက်တာပါ ။ (နောက်ပြီး မျက်စိထဲစူးဝင်
စိတ်ဝင်စားသွားအောင် ဖန်တီးကြည့်တာလို့လည်း သဘောထားချင်ထားလို့ရပါတယ်) ။
     ဘာလဲ မခက်ဖူးလို့ငြင်းချင်လို့လား ၊ ဘယ်ရမတုံးဗျ ၊ ကိုယ့်ဘလော့နဲ့ကိုယ်ဆိုတော့ တစ်ဖက်သတ်
ဇွတ်ငြင်းပစ်မှာပေါ့ .. ဟဲ ဟဲ ။

     ကျုပ်ကတော့ ထိုင်း နဲ့ ဗမာတို့ရဲ့ စာနဲ့စကားကို ခက်တဲ့ဖက်မှာမတိမ်းမယိမ်းလို့ပဲ သဘောထားတယ် ။
     ဟုတ်တယ်လေ .. ကျနော်တို့က မွေးကတည်းက သိမြင်ကြားလာကြရလို့သာ လွယ်တယ်ထင်ကြတာ
ကိုး ၊ ပိုက်ဆံပေးပြီးသင်ခိုင်းရင်တောင် လိုအပ်တဲ့လူတွေကလွဲပြီး ဘယ်သူမှဒုက္ခခံမသင်ဖူး စိတ်ချ ။

     ဒါတင်ဘယ်ကပါ့မလဲ ၊ ကိုယ့်နားမှာရှိတဲ့လူတွေကိုမေးကြည့် .. သဒ္ဒါကောကြေကြသလားလို့ …
     အင်္ဂလိပ်စာသင်ရာမှာသုံးလို့သာ ကတ္တား ၊ ကံနဲ့ တြိယာလောက်ကိုမှတ်မိကြတာ ၊ ဒိထက်ပိုပြီး ဆက်
ပြောခိုင်းရင် ပြုံဖြီးဖြီးကြီးလုပ်နေကြမယ့်သူက ဆယ်ယောက်မှာကိုးယောက်လောက်မရှိရင် ကံကောင်း
တယ်မှတ် ။ သိပြီးသားတွေများ လာထပ်ပြောနေရသေးတယ်လို့ ပြောချင်လို့လား .. ဘယ်ကမလဲဗျ ..
ခေါင်းစဉ်နဲ့မဆီ မဆိုင်တွေပါလျှောက်ရေးဦးမှာ ။ စိတ်နောက်ဖို့သာပြင်ထား ။

     ကြာတော့နည်းနည်းကြာခဲ့ပါပြီ ၊ တောင်သာမြို့မှာ ခဏရောက်နေစဉ်တုန်းကပေါ့ ။
     သိကျွမ်းလာသူတွေထဲမှာ တရုတ်ကြီးတစ်ယောက်ပါလာတယ်ဗျ ။
     တစ်နေ့တော့ စကားစမြည်ပြောဖြစ်ရင်း သူကမေးလာတယ် ..

ဦးကြီး   ။  ။ “ဟေ့ .. မင်းတို့ဖားကန့်က ဘယ်လိုနေသတုန်းကွ ..”
ကျနော် ။  ။ “ဖားအံပါခင်ဗျ ၊ ဟိုကတော့ ဒီနဲ့စာရင် သစ်ရိပ်ဝါးရိပ်ကလေးများ ပေါတာပေါ့ဗျာ ..”
ဦးကြီး   ။  ။ “အေး .. ဒါနဲ့ ဟိုကွာ .. မက်သနောမှာ ချနေကြတာကော ဘယ်လိုတုန်း .. ပြီးသွားပလား”
ကျနော် ။  ။ “ဟာ .. မယ်သဝေါပါဗျာ ၊ ခုတော့လည်း အတော်ငြိမ်သွားပါပြီ ဦးကြီးရာ ..”

     တမင်လုပ်ပြောတာမဟုတ်တဲ့ တရုတ်ကြီးကို စိတ်ဆိုးရလည်းခက်ခက်ပါ ။

     နောက်တစ်ယောက်ကတော့ ဘန်ကောက်မှာတွေ့ခဲ့ရတဲ့ မော်လမြိုင်သားမွတ်ဆလင်ပါ ။
     သိကျွမ်းလာပြီးနောက်ပိုင်း သူပြောတဲ့စကားလုံးအချို့ကို သတိထားမိတယ် ။ “ပြေစာ” တဲ့ ၊ “အိုဗာ
စီး” တဲ့ ။ ပထမတော့ ဘယ်ကငွေချေဖြတ်ပိုင်းနဲ့ နိုင်ငံခြား(oversea)ဖုန်းတွေအကြောင်း လာလာပြော
နေပါလိမ့်ပေါ့လေ ။ နောက်မှ ဆက်စပ်တွေးပြီးသဘောပေါက်သွားတယ် ။ သူပြောချင်တာက “ပြေစာ
= visa” ၊ “အိုဗာစီး = overstay” ကိုးဗျ ။ ကိုယ့်မိတ်ဆွေကို တောသားလို့တော့ မပြောရက်ခဲ့ပါဘူးဗျာ ။

     သူများတွေကို ပြောမယ့်သာပြောတာ ကိုယ်လည်းတခါတရံဖြစ်တတ်တာပါပဲ ။
     ကျနော်တို့(ပိုး)ကရင်တွေမှာ သိသာတဲ့စကားဝဲတာတွေရှိပါတယ် ။ ဥပမာ “မြန်မြန်ပြန်” ဆိုရင် “မြောင်
မြောင်ပြောင်” လို့အသံထွက်တတ်ကြပါတယ် ။ “နင်” ဆိုရင် “နီင်” ၊ “ဆုံ” ကို “ချုံ” စသည်ဖြင့်ပေါ့လေ ။
မှတ်မိတာတစ်ခုက လူဝင်မှုကြီးကြပ်ရေးမှာ လုပ်အားပေးတုန်းက ရွာတွေမှာ မှတ်ပုံတင်လိုက်လုပ်ပေးရာ
မှာ “သန်း” ဆိုတဲ့ စကားလုံးနဲ့ “သောင်း” ဆိုတာကို ကရင်အချင်းချင်းတောင် အသံမဖမ်းတတ်တော့လို့
ထင်ရာစာလုံးပဲ ရေးထည့်ခဲ့ကြတာတွေကိုပါ ။

     ဆက်စပ်ပြီး ဘားအံသားတွေပြောလေ့ရှိတဲ့ ဇာတ်လမ်းတိုကလေးတစ်ခုသတိရတယ် ။
     ဘားအံမှာ “ရွှေထုံမောင်” ဆိုတဲ့ အအေးဆိုင်တစ်ဆိုင်ရှိတယ် ။ သူ့ဆီက သံဗူးဖျော်ရည်ကို လူကြိုက်
များကြတယ် ။ လူငယ်တွေဆို အဲဒီခေတ်မှာနာမည်ကြီးတဲ့ ကိုင်ဇာရဲ့ “ကိုယ်ရံတော်တပ်မှူးလေး” သီချင်း
စာသားကိုတောင် “ရွှေထုံမောင်သံဗူးလေး” ဆိုပြီး ဖျက်ဆိုရလောက်အောင်ပါပဲ ။ (ကျုပ်တို့မြို့ကလည်း
ကရင်ပြည်နယ်မြို့တော်ဆိုပေမယ့် တောမြို့ကြီးသာသာလောက်ဆိုတော့ ဂလိုပဲရှိမပေါ့ဗျာ) ။

     တစ်နေ့တော့ ဒီဆိုင်မှာ ကရင်တစ်ယောက်နဲ့ မွန်တစ်ယောက်ဆုံကြတယ် ။ အသံဝဲတဲ့မွန်ကနေ
sparkling မှာတဲ့အခါ “စ-်ပ-်ကရင်” ဖြစ်သွားတယ်ဆိုပဲ (ပစောက်ထည့်ဖတ်ပေးပါ) ။ ဒီမှာတင် ကရင်
ကလည်း အားကျမခံ ဆိုင်းပုဒ်ပေါ်ရေးထားတဲ lemon ကို လက်ညိုးထိုးပြီး အသံဝဲဝဲနဲ့မှာလိုက်ပါတယ် ။
“လီ-မွန် ၊ လီ-မွန်” တဲ့ဗျား (“-” နေရာမှာ ဝစ္စနှစ်လုံးပေါက်တွေ ဖြည့်ဖတ်ပေးကြပါ) ။

     ဘာသာစကားအခက်အခဲနဲ့ပတ်သက်လို့ ကျနော်တို့ရဲ့ ခလောက်နို့ရွာမှာလည်း ပြောစမှတ်ရှိပါ
တယ် ။ မ-ဆ-လ ခေတ်ကပေါ့ဗျာ ၊ ခလောက်နို့ရွာမှာ ကျေးရွာကောင်စီဖွဲ့တော့ ကောင်စီစာရေးရာ
ထူးကို ဘားအံမြို့မှာ အလယ်တန်းအထိသွားတက်ဖူးတဲ့ လူတစ်ယောက်ကိုခန့်လိုက်ကြပါတယ် ။
မြို့တော်နဲ့ သုံးမိုင်လောက်ပဲဝေးပေမယ့် ဗမာစကားကို သိပ်မရေလည်ကြတော့ ဗမာကျောင်းနေဖူး
သူကို အားကိုးကြမယ်ပေါ့ဗျာ ။

     ဒါနဲ့တစ်နေ့တော့ မြို့ကလူကြီးတွေဆင်းလာပြီး မလုပ်စဖူး ခလောက်နို့မှာ အာဇာနည်နေ့ကျင်းပ
မယ်ဆိုပြီး စီစဉ်ခိုင်းတော့တာပဲ ။ အခမ်းအနားမှူးကတော့ ကံကောင်းသူမောင်ရှင် ကောင်စီစာရေး
ပေါ့ ။ စာရေးကြီးမှာ အခမ်းအနားမစခင်ကတည်းက ပွဲမဝင်ခင်ကြိုတင်ပြင်ဆင်ရလေသပေါ့ ၊ ရှေ့က
နေ“တိုင်”ပေးရမယ့် စကားတွေကို ပါးစပ်ကတတွတ်တွတ်နဲ့ပေါ့ ။

     ကဲ အခမ်းအနားစပါပြီ ။ ထုံးစံအတိုင်း နိုင်ငံတော်အလံကို အလေးပြုတာနဲ့ စကြတာပေါ့ ။

     “နိုင်ငံတော်အလံအား .. အလေးပြု ….. နေမြဲ ..”

     အဆင်ပြေသွားပါတယ် ၊ အဆင်ပြေဖို့လည်း ကြိုတင်တွက်ဆပြီး “ပြည်ထောင်စု မြန်မာနိုင်ငံ” ဆိုတာ
ကြီးကို တမင်ဖြုတ်အတိုချုပ်ထားခဲ့တာလေ ။ ဒုတိယအဆင့်အနေနဲ့ကျတော့ …

     “ကျဆုံးလေပြီးသော .. ဗိုလ်ချုပ်အောင်ဆန်းနှင့်တကွ ………………………………………………....”

     ခက်ပြီ နည်းနည်းရှည်တာနဲ့ စာရေးကြီးမှာ စကားစ ရှာမရတော့ပါဘူး ။
     ခဏလောက်ကျတော့ တတ်သမျှမှတ်သမျှ နှုတ်ကထွက်လာပါတော့တယ် ။

     “သူ၏သူငယ်ချင်းများအား ………………………………………………………. ခေါင်းငြိမ့် ..”

     မြို့ကလာတဲ့လူကြီးအများစုက ဒီနယ်သားတွေမို့ ရယ်ချင်ပေမယ့် နားလည်ခွင့်လွတ်ပေးကြပါတယ် ။
ဒါပေမယ့် မပြီးသေးပါဘူး ။ အလေးပြုခေါင်းငြိမ့်ထားတာ တစ်မိနစ်ကျော်လာပေမယ့် “နေမြဲ” ဆိုတဲ့စကား
သံက ထွက်မလာနိုင်သေးဖူး ။ မျက်လုံးလှန်ပြီးကြည့်တဲ့သူကလည်းကြည့်ကြတဲ့အခါ ချွေးတွေပြန်နေတဲ့
စာရေးကြီးကိုတွေ့ရတယ် ။ အတော်လေးကြာတော့မှ ရွှေဥာဏ်တော်ပွင့်လင်းသွားရှာတယ်ထင်ပါရဲ့ ၊ အ
သံထွက်လာတယ် …

     “ခေါင်း .. ထောင် …”

     ကဲ မှတ်ပလား ။



မန်းကိုကို
၁၂၊ ၀၃၊ ၂၀၁၁