ဍုဂ်ပါင်လာ.ဆာ် - (ဒေါင်ပိုင်လားဆိုင်ဒ်) - ပြည့်စုံပါစေ

Sunday, June 3, 2012

ဒေါ်စုခရီးစဉ်နဲ့ မဲဆောက်ဖက် လက်တစ်ကော်



     ဟုတ်ပါတယ် လက်တစ်ကော်ထဲပါ ၊ လက်တစ်နှိုက်စာ နက်နက်နဲနဲ မဟုတ်ပါဘူး ။
     လတ်တလော ဒေါ်စု သွားခဲ့တယ်ဆိုတော့ စိတ်ထဲနည်းနည်း ပေါ်လာလို့ပါ ။
     အချို့လည်း ဒေါ်စုရဲ့ လုံခြုံရေးကို စိုးရိမ်ကြတယ် ၊ အချို့လည်း ကောလဟာလဆန်ဆန် ဒဏ္ဍာ
ရီဆန်ဆန် ကြားဖူးတာတွေ ရှိတဲ့အပေါ် စိတ်မှန်းနဲ့ ပူပင်ကြတာတွေ ရှိကြလေတော့ အနည်းအကျဉ်း
လောက် ပြောပြချင်လို့ပါ ။ 

*  ဒေါ်စုခရီး 

     ဘန်ကောက်ကနေ ရွှတ်ကနဲမဲဆောက်ရောက်သွားတဲ့ ဒေါ်စုတစ်ယောက် မဲလခိုလှုံရာစခန်းမှာ
အချို့လူ တွေနဲ့ဆွေးနွေးပြီး မရပ်မနား ဘန်ကောက်ဆီ ခရီးပြန်နှင်သွားတာ လူအများသိပြီးကြပြီလို့
ယူဆပါတယ် ။ ထောက်ပြတယ်ပြောပြော အပြစ်ရှာတယ်ဆိုဆို တစ်ချို့အချက်ကလေးတွေကို မြင်
      မိတယ် ။ 

          Ø    မဲဆောက်မှာ မျှော်လင့်တကြီး စောင့်နေခဲ့ကြတဲ့သူတွေကို နှုတ်တောင်မဆက်နိုင်ပဲ ထွက်သွား
               တယ် ၊ 
          Ø   ကျောင်းသားဆေးခန်းလို့ခေါ်တဲ့ ဒေါက်တာစင်သီယာမောင်ဆေးခန်းကို မဝင်ဖြစ်ဖူး ၊ 
    Ø    မဲဆောက်ဝန်းကျင်မှာရှိတဲ့ အဖွဲ့စည်းပေါင်းစုံနဲ့ မတွေ့ဖြစ်ခဲ့ဖူး ၊

     ဒေါ်စုကို မျှော်လင့်တကြီး စောင့်နေခဲ့ကြတဲ့ လမ်းဘေးက ပရိသတ်ကို နှုတ်တောင်ဆက်မသွား
နိုင်ခဲ့တာ ကတော့ လုံခြုံရေးအတွက်လား မပြောတတ်ပါ ။ ကြိုးစားပမ်းစား စောင့်နေရာက အရိပ်
ယောင်လေးတောင် မတွေ့လိုက်ရပဲ ၊ ကားကြီး ဝူးကနဲ ဖြတ်သွားတာလောက် မြင်လိုက်ရသူတွေ
အဖို့ ဘယ်လိုခံစားရမယ်ဆိုတာတော့ သူတို့ကိုပဲ သွားမေးရတော့မှာပဲ ။ ပွန်းကလေးတွေမဟုတ်
လား ၊ သူတို့လည်း ဘာများတတ်နိုင်မှာလည်း ။

     နောက်တစ်ခုက ကျောင်းသားဆေးခန်း ။
     လေဆိပ်ကလာရင် မဲလစခန်းသွားမယ့်လမ်းခွဲကနေ လေးခွနဲ့ လှမ်းပစ်ရင်တောင် ထိနိုင်တဲ့ ဒီ
ဆေးခန်းကို ရောက်မသွားခဲ့တာတော့ နည်းနည်းရုပ်ဆိုးသလို ခံစားရတယ် ။ ဒီဆေးခန်းကို မဝင်
တာဟာ ကိုကျော်သူတို့ နာရေးအသင်းကို လစ်လျူရှုပြီး ကျော်သွားတာမျိုးနဲ့ ညီမျှပါတယ် ။

     ဒီဆေးခန်းလေးဟာ ဆယ်စုနှစ် နှစ်ခုလောက် ကိုယ်ကျိုး မဟုတ်ပဲ လူမျိုးဘာသာအဆင့်တန်း
မခွဲခြား ငွေကြေးမယူပဲ မြန်မာပြည်ကလူတွေကို ကူညီရပ်တည်လာတာဟာ ကမ္ဘာကတောင် သိ
ပါတယ် ။ အလှူငွေ မလောက်ငတာ ၊ ဒေသခံအာဏာပိုင်တွေရဲ့ မောင်းထုတ်ဖို့ကြိုးစားတာတွေကို
ကြံ့ကြံခံပြီး လိုအပ်နေသူတွေကို ဒိုင်ခံကူညီခဲ့တဲ့ နေရာတစ်ခုပါ ။ မြဝတီရော မဲဆောက်တစ်ဝိုက်
မှာ မြန်မာပြည် အနယ်နယ်အရပ်ရပ်က ရောက်လာကြသူတွေ အားထားခဲ့ရတဲ့ တစ်ခုတည်းသော
ကျန်းမာရေးဆိုင်ရာ ခိုလှုံအားကိုးရာ ဆေးပေးခန်းကြီးပါ ။ မရောက်ဖြစ်တာဟာ အခွင့်လမ်းတစ်ရပ်
ဆုံးသွားတယ်လို့ မြင်ပါတယ် ။

     ဒီနေရာကို ရောက်ခဲ့မယ်ဆိုရင် ပြည်တွင်းစစ်ရဲ့ သားကောင်တွေ ၊ ဝမ်းစာရှာသူတွေနဲ့ အောက်
ခြေလူတန်းစားမျိုးစုံရဲ့ လိုအပ်ချက်တွေကို မျက်မြင်လေ့လာနိုင်တဲ့အပြင် ၊ အစိုးရ မဟုတ်တဲ့ အဖွဲ့
စည်းအတော်များများကို တွေ့လို့ရတဲ့ နေရာပါ ။ ဒါ့ပြင် မဲဆောက်မှာ အလုပ်သမားတွေရဲ့ အခွင့်
ရေးတွေကို ကူညီပေးနေတဲ့ ရောင်ခြည်ဦးတို့လို ၊ နာရေးကူညီမှု အသင်းတို့လိုတွေနဲ့လည်း ခဏ
တဖြုတ်တွေ့ပြီး အားပေးစကား ပြောသွားနိုင်မယ်ဆိုရင်လည်း တစ်ခါတစ်ရံ အသက်ကို အလောင်း
စားလုပ်ပြီး ရပ်တည်ရတတ်တဲ့ သူတို့လေးတွေအတွက် အားပြည့်စေမှာပါပဲ ။

     နောက်ဆုံးတစ်ခုက မဲလစခန်းမှာ ဒေါ်စု မိန့်ခွန်းမပြောဖြစ်တဲ့ကိစ္စ ။
     ထိုင်းက စီစဉ်တယ်လို့လည်း ပြောသူက ပြောကြတယ် ။ ဒါပေမယ့် စခန်းထဲကလမ်းမှာ ဖြတ်
လာရင်း ကားပေါ်က စကားပြောတဲ့အခါ အသင့်ပြောနိုင်တဲ့ လက်ကိုင်မိုက်ကရိုဖုန်းလောက်မှ အ
သင့်မရှိတာကလည်း ကြိုတင်ပြင်ဆင်မှု လိုသလားလို့ တွေးစရာပါ ။ 

*  ဖြစ်နိုင်တဲ့ အခက်အခဲတချို့ 

     ဒေါ်စုခရီးစဉ်မှာ အားနည်းချက်တွေ အများကြီးရှိတာကို ဝန်ခံရပါလိမ့်မယ် ။ ဒါပေမယ့် ဒေါ်စုကို
မထိနဲ့လို့ စိတ်ထဲရှိသူတွေနဲ့တော့ ထိပ်တိုက်မငြင်းချင်ပါဘူး ၊ ကိုယ်က အရာရာ အကောင်းမြင်ပေး
ပြီး ဘုန်းတော်ဘွဲ့သီမယ့်သူမှ မဟုတ်ပဲ ၊ အဲဒီလို မြင်ပေးဖြစ်ရင်လည်း မြောင်းထဲကျအောင် ဝိုင်း
တွန်းချပေးသူလိုမျိုး ခံစားမိမှာ အမှန်ပဲ ။ အဲ .. ခရီးစဉ်ထဲ ချွတ်ယွင်းချက်တွေရဲ့ ဖြစ်နေကျနဲ့ ဖြစ်နိုင်
      ချေရှိတဲ့  အကြောင်းရင်းတွေကိုပဲ စာရင်းလုပ်ကြည့်ပါ့မယ် ။ 

            Ø   ထိုင်းနိုင်ငံ တာဝန်ရှိသူတွေရဲ့ အစီအစဉ်အတိုင်း လိုက်လျှောက်ရလို့ ၊ 
            Ø   အချိန်အကန့်အသတ် ၊ 
            Ø   အန်အယ်လ်ဒီရဲ့ ဆက်သွယ်ရေးကရိယာပိုင်ဆိုင်မှုနဲ့ သုံးစွဲနိုင်ဖို့ ဓနအင်အား နည်းပါးလို့ ၊ 
            Ø   အန်အယ်လ်ဒီက စီစဉ်လုပ်ကိုင်သူတွေရဲ့ စီမံခန့်ခွဲရေးဆိုင်ရာ အားနည်းမှု ၊ စတာတွေ ဖြစ်နိုင်
         ပါတယ် ။

     ထိုင်းတာဝန်ရှိသူတွေက လမ်းကြောင်းပေးသလို လိုက်လုပ်ရတဲ့အခါ ချွတ်ချော်မှုတွေ ရှိနိုင်ပါ
တယ် ။ နောက်တစ်ခုက ဒေါ်စုအနေနဲ့ တစ်ရက်ထက် အချိန်ပိုပေးနိုင်ပုံ မပေါ်ပါဘူး ။ လေယာဉ်က
စီးလုံးဌားမဟုတ်ရင် အချိန်အကန့်သတ် ရှိပါတယ် ။ (ဘန်ကောက်ကနေ မဲဆောက်ကို ပန်ကာတပ်
လေယာဉ်နဲ့ တစ်နာရီကျော်လောက် စီးရပါတယ် ) ။ မဲလစခန်းကို လေယာဉ်ကွင်းကနေ ပုံမှန် ၄၀-
-၄၅ မိနစ်လောက် မောင်းရပါတယ် ။ ယာဉ်တန်းနဲ့ ပရိသတ်တွေကို ရှောင်ရတာနဲ့ဆို အချိန်ပိုကုန်
နိုင်ပါတယ် ။

     ဒေါ်စုလိုလူတစ်ယောက် ခရီးသွားပြီဆိုရင် ရုံးမှာ ဖုံးနဲ့အင်တာနက် နှစ်လုံးသုံးလုံးစီ ၊ အနားက
လိုက်သူတွေမှာလည်း လက်ပ်တော့ကိုယ်စီ လက်ကိုင်ဖုန်းကိုယ်စီနဲ့ တဂွမ်ဂွမ်ပြောနေရမယ့် ကိစ္စ
ပါ ။ အန်အယ်လ်ဒီအတွက် မြန်မာပြည်နဲ့ နိုင်ငံရပ်ခြားဖုန်းပြောဖို့ ငွေကြေးမှလုံလောက်ရဲ့လားလို့
ကြံကြံဖန်ဖန်တော့ တွေးမိပါရဲ့ ။ 

     နောက်ဆုံးတစ်ချက်ကတော့ စီမံခန့်ခွဲရေးဆိုင်ရာ အားနည်းတာပါပဲ ။ ဒေါ်စုနားမှာ ဒီလိုကျွမ်း
ကျင်သူနဲ့ နိုင်ငံတကာ အတွေ့အကြုံများသူ ဘယ်နှစ်ယောက်ရှိသလဲ ပါသလဲတော့ မပြောတတ်
ပါ ။ မရှိဘူး မပြင်ဘူးဆိုရင်တော့ နောင်ခရီးစဉ်တွေအတွက် စိုးရိမ်စရာပေါ့ ။

     မေ့ထားလို့ မရတာကတော့ - ဒေါ်စုခရီးစဉ်ကို အတိုင်းတာတစ်ခုအထိ ချယ်လှယ်ဖို့ ကြိုးစားသူ
တွေ ရှိနိုင်တယ် ဆိုတာပါ ။ ဒါက ထိုင်းအာဏာပိုင်တွေ ဖြစ်နိုင်သလို အန်အယ်လ်ဒီထဲကလည်း
 ဖြစ်နိုင်ပါတယ် ။ အထူးသဖြင့် အနီးကပ်လူတွေပေါ့ ။ ပြီးရင် ဒေါ်စုကိုယ်တိုင်ရဲ့ ချိန်ဆဆုံးဖြတ်မှု
ဟာလည်း အရေးပါပါတယ် ။ သူများချည်း အပြစ်တင်လို့တော့ မရပါ ။

     ဒီတော့ ခြုံပြောရရင် ဒေါ်စုခရီးစဉ်ဟာ အားရစရာ သိပ်မကောင်းလှတာတော့ အမှန်ပါပဲ ။ ဖြစ်
သင့်တာအချို့ လစ်ဟာသွားခဲ့တယ် ။ ဒါတွေကို အမြန်ပြန်ဖြည့်ဆည်း ဖာထေးနိုင်ရင်တော့ ပို
ကောင်းပါလိမ့်မယ် ။ ဘာလို့လဲဆိုတော့ ဒေါ်စုဟာ အရင်ကလို အကျယ်ချုပ်ဘဝနဲ့  စိတ်ဓါတ်ခိုင်
ကျည်အောင်ထားပြီး အများမေတ္တာကို ခံယူနေရရာက ၊ ခုတော့ လက်တွေ့လုပ်ကိုင်ပြီး ဂုဏ်သိ
က္ခာတည်ဆောက် (သို့) ထိန်းသိမ်းနေရတဲ့ အနေထားကို ရောက်နေပြီမို့ပါ ။ လက်တွေ့မပါတဲ့
မျှော်လင့်ချက်တွေဟာ ရေမရတဲ့အပင်တွေလို မကြာခင်မှာ ညှိုးသွားတတ်ပါတယ် ။ 

*  လုံခြုံရေး 

     အရေးကြီးတာတော့ အမှန်ပဲ ။ ဒါပေမယ့် ဘယ်လောက်အထိ စိုးရိမ်ရသလဲ ။
     မဲဆောက်လို နေရာမျိုးမှာ အဖွဲ့စည်း အမျိုးမျိုးရှိပြီး ထိုင်းရဲ့ သဘောသဘာဝအရ အဆက်စပ်
ကောင်းရင် လက်နက်ရှာလို့ ရပါတယ် ။ ဒီတော့ ဆိုင်ရာဆိုင်ရာတွေရဲ့ မြို့ထဲတင် စာရင်းရှင်းကြ
တာမျိုးလည်း ရှိခဲ့ဖူးပါတယ် ။ ဒါပေမယ့် လက်နက်ကိုင် လုံခြုံရေးအစောင့်တွေရှေ့မှာထွက်ပြီး
လုပ်ကြံရလောက်အောင်တော့ ဘယ်သူမှ မလုပ်ဖူးပါဘူး ။ သူ့နေရာနဲ့သူ ၊ သူ့ပိုင်ရာဆိုင်ရာနဲ့သူ
လုပ်ကြတာမျိုးပဲ ရှိပါတယ် ။ လုံခြုံရေးကြောင့် မဲဆောက်မှာ ဟိုကိုမသွားဘူး ၊ ဒီကိုမသွားဘူးဆို
ရင် အကြောင်းပြချက်တော့ သိပ်မခိုင်လုံပါ ။ ကျောင်းသားဆေးခန်းဆိုရင်လည်း ရပ်ကွက်တစ်
ခုလို ဖြစ်နေပြီး ဘေးမှာက လယ်ကွင်းကျယ်တွေပါ ။ အဝေးကနေ ချောင်းမြောင်းလုပ်ကြံမယ်ဆို
တာမျိုးက မဖြစ်နိုင်ပါ ။
 ~~~~~~~~~~~~~~~~~~~~~~~~~~~~~~~~~~

 
*  မြဝတီ 

     ဘားအံကလာရင် ဒေါနတောင်ခြေနဲ့နီးတဲ့ ကော့ကရိတ် ၊ အဲဒီကမှ ဒေါနတောင်တန်းကြီးကို
ဖြတ်လိုက်ရင် နယ်စပ် မြဝတီကို ရောက်ပါတယ် ။ ဘားအံကနေ မိုင် ၉၀ လို့တော့ ရေးထားတယ် ။
သောင်ရင်းမြစ်ကမ်းပါးမှာ ရှိတယ် ။ ထိုင်းနိုင်ငံက အကုန်ကျခံဆောက်ပေးထားတဲ့ ချစ်ကြည်ရေး
တံတားကို ဖြတ်လိုက်တာနဲ့ ထိုင်းဖက်အခြမ်းကို ရောက်တယ် ၊ တစ်ဖက်ကမ်းကို မယ်တော်လို့
ခေါ်တယ် ။ ရွာနဲ့ ဈေးဆိုင်တန်းတွေရှိတယ် ။ ရွာဆုံးရင် လေယာဉ်ကွင်းရောက်တယ် ။ နည်းနည်း
ဆက်သွားရင် ကျောင်းသားဆေးခန်း ၊ ပြီးတော့ မဲဆောက်မြို့အဝင်ကိုရောက်တယ် ။ ကမ်းနား
ကနေ လိုင်းကားစီးသွားရင် ဆယ်မိနစ်လောက်ပဲကြာတယ် ။

     မြဝတီဟာ လွန်ခဲ့တဲ့ ဆယ်စုနှစ်တွေမှာ ပိုကျယ်လာတယ် ။ အာရှလမ်းအစလည်း ဖောက်နေ
တာမို့ အလားအလာတွေ အများကြီးရှိနေတယ် ။ ကမ်းနားမှာ ထိုင်းဖက်အခြမ်းကို တရားမဝင်ကူး
တဲ့ဂိတ် ၉ ဂိတ်ဝန်းကျင် ရှိတယ် ။ သောင်ရင်းမြစ်ကိုဖြတ်ပြီး ညအချိန် ပစ္စည်းသယ်တတ်တဲ့ ကုန်
သည်တွေလို အချိတ်အဆက်မရှိပဲနဲ့ ညဖက်ဖြတ်ကူးဖို့ မကြိုးစားပါနဲ့ ၊ ဗမာဖက်အခြမ်းက စောင့်
တဲ့လူတွေက သေနတ်ကို မိုးပေါ်ထောင်မပစ်ပါ ။ လွန်ခဲ့တဲ့ ဆယ်နှစ်ကျော်ဝန်းကျင်အထိ ပြည်သူ့
စစ်တွေ အလုပ်ဖြစ်တယ် ။ ပြည်သူ့စစ်ခေါင်းဆောင်ဟောင်း ဦးမိုးသီးဆိုရင် စစ်ဘုရင်တစ်ပါးလိုပဲ
အာဏာရှိခဲ့တယ်လို့ ဆိုကြတယ် ။

     ထိုင်းနိုင်ငံကို အလုပ်လုပ်ဖို့ သွားကြသူတွေရဲ့ ခရီးတစ်ထောက်လည်း ဖြစ်တယ် ။ ခုနောက်ပိုင်း
နည်းသွားပေမယ့် သက္ကရာဇ် ၂၀၀၀ လောက်မှာတော့ ထိုင်းဖက်ကူးတဲ့ ဂိတ်တစ်ခုထဲတင် တစ်ရက်
ကို ဒတ်ဆန်း တိုယိုတာ လူတင်တဲ့ကား အစီး ၂၀-၃၀ စာလောက် လူတွေကူးနေတာ ကိုယ်တိုင်
တွေ့ခဲ့တယ် ။ ကားတစ်စီးမှာ လူ ၂၅-၃၀ လောက်ပါတယ် ။ မြို့နဲ့လှမ်းတဲ့ သောင်ရင်းမြစ်ကမ်း
ပတ်ဝန်းကျင်မှာ ဖြစ်သလို ညအိပ်ရတဲ့ ခရီးသည်တွေရှိသလို ထိုင်းဖက်ခြမ်းကရွာတွေမှာ တည်းခို
လို့ရတဲ့ တဲတွေလည်းရှိတယ် ။ ကမ်းနားမှာ လူအသေအပျောက်တွေ ရှိခဲ့ဖူးတယ် ။

     မြို့ပြင် လေးငါးကီလိုလောက်မှာ ဘားအံဖက်ဆင်းမယ့် ကုန်တွေအတွက် ကုန်သွယ်ရေးဂိတ်
ရှိတယ် ။ အမြတ်ခွန် ၊ ရဲ ၊ လ.ဝ.က ၊ စစ်တပ်စသည်ဖြင့် မတရား စီးပွားရှာနေကြတဲ့ အဖွဲ့စည်း
ကြီးတွေရှိတယ် .. အဲ ဘွာတေး .. ကုန်စည်စီးဆင်းရေးနဲ့ လုံခြုံရေး ၊ ဥပဒေစိုးမိုးရေးတွေကို ဖေါ်
ဆောင်နေကြတဲ့ အဖွဲ့စည်းတွေ ရှိတယ် ။ မြဝတီနဲ့ ထိုင်းဖက်ကိုကူးတဲ့ တရားမဝင့်တဝင် ဆိပ်ကမ်း
ဂိတ်တွေမှာ အဖွဲ့စည်းပေါင်းစုံက ကိုယ်စားလှယ်တွေ ရှိကြရာမှာ မြို့နယ် ခရိုင်တွေပါခွဲပြီး ပြည်
ခိုင်ဖြိုးအဖွဲ့ပါ ရှယ်ယာဝင်ထားတာကြောင့် အားလုံးပေါင်း ၁၆ ဖွဲ့အထိ ရှိခဲ့ဖူးပါတယ် ။ ရလာတဲ့
ဂိတ်ကြေးတွေကို တစ်စိတ်တစ်ဝမ်းထဲ ခွဲဝေမျှကြရတာပေါ့ဗျာ ။ 

*  မဲဆောက် 

     ဘန်ကောက်ကနေ လိုင်းကားနဲ့စီးရင် ၈ နာရီလောက်စီးရတယ် ။
     မဲဆောက်မရောက်ခင် မြဝတီဖက်မှာ ဒေါနတောင်တန်းရှိသလိုပဲ သူတို့ဖက်မှာလည်း တောင်
တန်းကြီးတစ်ခုရှိတယ် ။ ဒေါနတောင်တန်းထက်တောင် ပိုပြီး ကြာကြာဖြတ်ရသေးတယ် ။ အဲဒီ
အလယ် တောင်ပေါ်မှာတော့ နာမည်ကြီး ဟွေးယားအူး (ဟွေးယောင်) လို့ခေါ် တဲ့ ရဲဂိတ်တစ်ဂိတ်
ရှိတယ် ။ နာမည်ဆိုးနဲ့ လူသိများတယ် ။

     မဲဆောက်မှာ အရင်က မြန်မာပြည်ကနေ အခြေလာချသူတွေ အများကြီးရှိတယ် ။ ဈေးထဲမှာ
ကုန်ဝယ်မလား ၊ ဆေးဝယ်မလား ၊ ဈေးဝယ်မလား ၊ ငွေလဲမလား ဆိုင်ရှင်တွေက မြန်မာပြည်
ပေါက်တွေ အများကြီး ။ ဈေးထဲမှာလည်း ဈေးရောင်းသူ ၊ ဆိုင်အကူလုပ်သူ ၊ ဆိုက္ကားနင်းသူ စ
သည်ဖြင့် မြန်မာပြည်သား အများစုပါ ။

     နေမကောင်းလို့ ပိုက်ဆံမရှိရင် ကျောင်းသားဆေးခန်းပြေးပြရပြီး အဲဒီက မနိုင်တဲ့ကိစ္စမျိုးမှာ မဲ
ဆောက်ဆေးရုံ ကြီးဆီကို လွှဲပေးရတတ်တယ် ။ သတင်းစာမှာ တစ်ခါပါဘူးတာအရ မြန်မာပြည်
သူပြည်သားတွေ ဆေးဖိုးဝါးခ မပေးနိုင်လို့ မဲဆောက်ဆေးရုံကြီးမှာ အသုံးစရိတ်လိုငွေ ဘတ် ၅
သန်းကျော် ပြနေပါတယ်တဲ့ ။

     မှတ်မှတ်ရရ မဲဆောက်ကို လေယာဉ်နဲ့အလာမှာ ဘေးခုံမှာထိုင်လာတဲ့ အဖြူကောင်တစ်ယောက်
က သူ့ဆီက ခရီးသွားလမ်းညွှန်စာအုပ်ကိုဖွင့်ပြီးပြတယ် ။ lonely planet စာအုပ် ထင်ပါတယ် ၊ မဲ
ဆောက်မြို့လယ် ကျောက်တန်းမှာရှိတဲ့ Siam hotel ဆိုတာကို လက်ညှိုးထိုးပြီး ဒီမှာကြည့်ပါဦးတဲ့ ။
ကြည့်လိုက်တော့ နှစ်ဖက်နိုင်ငံ ထောက်လှမ်းရေးများခြေရှုပ်ရာ မြို့လယ်မှဟိုတယ်ဆိုပြီး ရေးထား
တာတွေ့လို့ ကိုယ်လည်း သွားပဲဖြီးပြလိုက်တော့တယ် ။

     တချို့လည်း ဒါတွေတော့ ရှိမှာပါပဲလို့ ပြောမယ် ။ အချို့တွေ မသိဘူးလို့ထင်တာ နည်းနည်းပြော
ပါမယ် ။ တစ်ကြိမ်တုန်းက ဟစ်တိုင်မှာထင်ပါတယ် ၊ လူတစ်ယောက်ကရေးထားတယ် ။ သူ ထောက်
လှမ်းရေး သတင်းပေးလုပ်နေရာက သူ့ညီတစ်ယောက်ကို ဗမာထောက်လှမ်းရေးက မှားဆွဲသွားပြီး
မသေရုံတမယ် ရိုက်လွှတ်လိုက်လို့ ၊ သူအမှားလုပ်ခဲ့မိပါတယ်ဆိုပြီး ဝန်ခံဖေါ်ထုတ်ထားတဲ့ စာတစ်
စောင်ပါ ။ ပြောချင်တာက မြန်မာပြည်သူပြည်သားတွေမှာ မရှိလို့ လာလုပ်စားကာမှ ရဲလည်းကြောက်
ရ ၊ ထိုင်းသူဋ္ဌေးလည်း ကြောက်ရ ၊ နောက်ဆုံး ကိုယ့်နိုင်ငံထောက်လှမ်းရေးကိုတောင် ကြောက်ရတဲ့
ဘဝတွေကိုပါ ။

     ခုနေတော့ အစိုးရမဟုတ်တဲ့အဖွဲ့စည်း ၊ ယူအန် ၊ ကိုယ်ထူကိုယ်ထအဖွဲ့စည်းတွေကြောင့် သက်
သာသင့်သလောက်တော့ သက်သာလာပါပြီ ။ အရင်က မြန်မာပြည်သားတစ်ယောက်ဟာ ဘာမှ
တန်ဖိုးမရှိသလောက်ပါပဲ ။ အပြောင်းအလဲကို လွန်ခဲ့တဲ့ ၇-၈ နှစ်လောက်က အဖြစ်ပျက်တစ်ခုမှာ
သိသိသာသာ တွေ့ရပါတယ် ။ မဲဆောက်မြို့ဘေးက မယ်ပ ဆိုတဲ့ရွာမှာ သူကြီးနဲ့သူ့လူတွေက သူ
တို့ကို မခြေမငံပြောတဲ့ စက်ရုံတစ်ရုံက အလုပ်သမား ၄-၅ ယောက်ကို ဖမ်းခေါ်သွားပြီး တာယာတွေ
နဲ့စွပ်မီးရှိူ့သတ်ခဲ့တဲ့ အမှုပါ ။ နိုင်ငံတကာအန်ဂျီအိုတွေက မျက်နှာဖြူတွေအပါဝင် တရားရုံကိုပုံမှန်
တက်ပြီး စောင့်ကြည့်ပေးသူတွေကြောင့် တရားရုံးကလည်း အရင်လို တစ်ဖက်သတ်ဆုံးဖြတ်လို့ မ
ရတော့ပဲ ၊ ပြစ်မှုလည်းထင်ရှားတာကြောင့် တစ်သက်တစ်ကျွန်း ပြစ်ဒဏ်ချလိုက်တဲ့ အဖြစ်ပါ ။ ခုနေ
မှာနည်းနည်းအဆက်ပြတ်သွားလို့ သိပ်မပြောတတ်ပေမယ့် ၊ လွန်ခဲ့တဲ့ ၆-၇ နှစ်လောက်တုန်းကအ
ထိတစ်နှစ်ကို မြန်မာပြည်ကလူ ၁၀၀ ဝန်းကျင်လောက် မဲဆောက်တဝိုက်မှာ နှစ်စဉ် အသေအပျောက်
ရှိပါတယ် ။


 မန်းကိုကို
၀၃ ၊ ၀၆ ၊ ၂၀၁၂

(လက်တန်း ချရေးထားတာမို့ သတိရတာရှိရင် မှတ်ချက်မှာ ထပ်ဖြည့်ပါ့မယ်) ။

3 comments:

  1. ဖေ့ဘွတ်ပေါ်မှာ ဆွေးနွေးလာတဲ့ MrMaung KoThet ရဲ့ ကွန်မန့်ကို ကူးထည့်ထားပေးတာပါ ...
    -------------------------------

    Mahn Koko said
    ဒေါ်စုအကြောင်း အကောင်းကလွဲရင် နားထောင်ရခက်သူတွေ ရှိနိုင်တယ် ။

    သူ့ကို ကိုယ်တွေက ကြည်ညိုလို့ ရတယ် ။ ဒါပေမယ့် သမိုင်းကပဲ သူ့လုပ်ဆောင်ချက်တွေရဲ့ ထိရောက် ပြောင်မြောက်မှုကို အဆုံးဖြတ် ပေးသွားလိမ့်မယ် ။

    နောက်ကြုံမှ ဦးသန့်ကို နိုင်ငံတကာ ဆက်ဆံရေး စာအုပ်တစ်အုပ်မှာ ဘယ်လို မှတ်ချက် ပေးထားသလဲဆိုတာ ထည့်ရေးပါဦးမယ် ။ အချို့လူတွေရဲ့ ဖြစ်စေချင်တဲ့ ဆန္ဒတွေနဲ့ သိပ်ကိုက်မှာတော့ မဟုတ်ဘူး ။
    2 hours ago · Like


    MrMaung KoThet said
    ဒီလောက်အချိန်နဲ့ ရသလောက်လုပ်သွားတာကို ကျေနပ်သင့်ပါတယ်။ ဒေါ်စုက ဒုက္ခသည်စခန်းကို မလာလည်းဘာမှမဖြစ်ဘူးလို့ထင်ပါတယ်။ မသွားလဲ ဘယ်သူကမှ အပြစ်ပြောလိမ့်မယ် မထင်ပါ။ ဒါပေမဲ့ သူ့ခင်ဗျာ ကြိုးစားပြီးသွားခဲ့တယ်... ပြီးတော့ အားပေးစကားပြောခဲ့တယ်.... ခင်ဗျားတို့က ဘယ်လောက်အထိ မျှော်လင့်ထားကြတာလည်းခင်ဗျာ။ သူ့ခဗျာ... လူထုခေါင်းဆောင် အမျိုးသားခေါင်းဆောင်တယောက်ပါ။ ။ နိုင်ငံခေါင်းဆောင် ဝန်ကြီးချုပ် သမ္မတမဟုတ်သေးပါဘူး။ ပြီးတော့ သူများနိုင်ငံမှာလည်းဖြစ်တယ်။ လုံခြုံရေးအရေးကြီးတာကို နားလည်သင့်တယ်။ တောင်ကိုရီးယားဝန်ကြီးချုပ်လာတုန်း ကျနော်တို့ နိုင်ငံ ကျနော်တို့မြေမှာ သူတို့နိုင်ငံက လက်နက်ကိုင်တွေ ဘယ်လို ကိုင်တွယ်သွားခဲ့သလဲဆိုတာ နည်းနည်းလောက်ပြန်ကြည့်ပေးပါ။ ဒေါ်စုမှာ အဲဒီလိုမျိုးလုပ်ခွင့်မရှိပါဘူး။ ပထမနေ့က မိန့်ခွန်းပြောသွားတာကိုပဲကြည့်ပါ။ ပရိတ်သတ်က ဘယ်လောက် ပူးပေါင်းပါဝင်ခဲ့ပါသလဲ။ ။ သူ့မှာလည်း ကျနော်တို့၊ ခင်ဗျားတို့မသိနိုင်တဲ့ ထိုင်းးအစိုးရရဲ့ ကန့်သတ်ချက်တွေရှိကောင်း ရှိနေနိုင်ပါတယ်။ ထိုင်းလို လက်နက်ပေါနေတဲ့ နိုင်ငံမှာ အချိန်တခုလေးလောက် ရခဲ့ရင် လုပ်ကြံမူတခုခု ဖြစ်မသွားနိုင်ဘူးလို့ ဘယ်သူက အာမခံနိုင်ပါသလဲ။ ဘယ်သူမှ အာမမခံနိုင်ပါ။ သတိဆိုတာပိုတယ်မရှိပါဘူးခင်ဗျာ။
    51 minutes ago · Like


    Mahn Koko said
    MrMaung KoThet ကျနော့်ကို အထင်နည်းနည်း တိမ်းနေတယ် ထင်ပါတယ် ။
    ကျနော်ရေးသွားတာတွေကို အပြုသဘောဆောင်ပြီး မြင်ကြည့်တာလို့ပဲ သဘောထားပါတယ် ။ မကျေနပ်တာ ၊ အပြစ်ပြောတာ မဟုတ်သလို ဘာမှလည်း မမျှော်လင့်ပါဘူး ။ ကျနော့်မှာ သူများတွေအတွက် ထည့်တွက်ပေးတာပဲ ရှိပါတယ် ၊ ကိုယ်တိုင်အတွက် မနက်ဖြန် တစ်နပ်စာ ဘယ်လိုစားရမလဲဆိုတာ ပူပင်စရာ မလိုတဲ့အတွက် စိတ်ထဲ ဘာမှ မရှိသလောက်ပါပဲ ။

    အောက်က ဒီမိုဝေယံက သတင်းကိုတော့ ခုနမှ တွေ့မိတယ် ၊ ဒါဟာ ဒေါ်စုအတွက် အခက်ခဲဖြစ်စေတဲ့ အကြောင်းရင်းတစ်ခု ဖြစ်ကောင်း ဖြစ်ပါမယ် ။
    (http://www.demowaiyan.org/2012/06/blog-post_9517.html)
    ဒါပေမယ့် ဒါဟာ ထောက်ချင့်နိုင်ဖို့ ဝေဖန်တာတွေကို အနှောင့်အယှက် မဖြစ်စေသင့်ပါဘူး ။ ကျနော့်ပို့စ်ထဲ ရေးထားသလိုပဲ ဒေါ်စုကို မပြောခြင်းအားဖြင့် သူ့ကို မြောင်းထဲတွန်းချသလိုပဲ ခံစားမိမှာပါ ။ ရေးခြင်းအားဖြင့် ဝတ္တရား ကျေပွန်တယ်လို့တောင် ခံစားမိပါတယ် ။

    သတိဆိုတာ ပိုတယ်မရှိဘူးဆိုတာ မှန်ပါတယ် ။
    ကျနော့်အနေနဲ့လည်း ယိုးဒယားမှာ ဆယ်နှစ်ကျော် နေခဲ့တဲ့ အတွေ့ကြုံပေါ် မူတည်ပြီး ၊ လုပ်ကြံမှု မဖြစ်နိုင်ဘူးလို့ ပြောချင်ပါတယ် ။ လက်နက်ဆိုတာ ကရိယာပါ ၊ လုပ်ချင် လုပ်ရဲ လုပ်တတ်ပြီး အခါခွင့် အင်မတန်သင့်မှသာ ဒီလိုအလုပ်မျိုးက အကောင်ထည် ပေါ်တာပါ ။ ဥပမာ - စင်္ကာပူမှာ လွန်ခဲ့တဲ့ ဆယ်စုနှစ် နှစ်ခုအတွင်း ဂိုဏ်းဂဏတွေ တိုးပွားလာတယ် ။ ဒါကို အောချတ်မှာ လမ်းလျှောက်နေသူတစ်ယောက် အသားလွတ်ကြီး အရိုက်ခံရမယ်လို့ အဓိပ္ပါယ် မဆောင်သလိုပါပဲ ။

    ကျနော်တို့ မသိနိုင်တာတွေ အများကြီး ရှိနိုင်ပါတယ် ။
    ဟုတ်ပါတယ် ၊ ဒါကြောင့်လည်း ကျနော်ရေးတာပါ ။ ခုမသိ နောင်မသိ ဘယ်တော့မှ မသိရတော့မယ့် အနေထားမျိုးကို ပြည်သူတွေ အားလုံးက အလွယ်တကူ လက်မခံဘူးဆိုတာ ထင်ဟပ်ပြတာလို့လည်း ယူဆလို့ရပါတယ် ။ တစ်ဖက်မှာလည်း ဇွတ်ကြီးကို အမြင်စောင်းသူတွေအတွက် တွေးစရာတွေ တနိုင်တပိုင် ချပြတဲ့သဘောလည်း ပါပါတယ် ။

    ဘယ်လိုပဲဖြစ်ဖြစ် အမြင်ချင်းဖလှယ်နိုင်ဖို့ အစဖေါ်ပေးတဲ့အတွက်လည်း ကျေးဇူးတင်ပါတယ် ။

    ReplyDelete
  2. ဧည့်သည် ဆိုတဲ့ စကား ကို ဒေါ်စု အဲကိုသွားပြီး အပြန်မှာ သုံးတာတွေ့ ရတဲ့အပြင် မြန်ပြည်ကနေ ထိုင်းနိူင်ငံခြားရေး ဝန်ကြီး ကို လိုတာထက် ပိုမလုပ်ပေးဖို့  ဖိအားပေးခံရတယ် လို့ ကြားပါတယ်..

    စိတ်မကောင်းစရာ က ဧည့်သည် က ဧည်သည် လိုနေရပါ့မယ် ဆိုပြီး ဒေါ်စု ပြောတဲ့ စကားပါ..
    စခန်းတာဝန်ခံ ကို မေးတဲ့ အခါ မှာ မှတ်ပုံတင်ထားပေးတာ မရှိတာရယ် ဧည်သည် လိုပဲ ကြည့်ခွင့် နေခွင့်ပေးတာ ကို ပဲ ရတယ်ထင်ပါတယ်..

    ဘာပဲဖြစ်ဖြစ် ပထမ ဆုံးခြေလှမ်း မကျယ်ပေမဲ့ တစ်လှမ်းလှမ်းသွားတာနဲ့  မဆိုးဘူးလို့ ဆိုရမှာပါ..

    တွေးစရာတွေ လုပ်စရာတွေ အများကြီးနဲ့ ပြန်ရတာရယ် လှူတာတောင် စခန်းတာဝန်ခံ ကို ပဲ ပေးခဲ့ ရတာတဲ့..

    ဧည်သည်က ဧည့်သည် ပါပဲလေ..အိမ်ရှင်လုပ်လို့ မှမရပဲ

    ReplyDelete
    Replies
    1. ခြေလှမ်းတစ်လှမ်း လှမ်းသွားတာ မဆိုးဘူးဆိုတာ လက်ခံပါတယ် ၊ တကယ်တမ်းမှာလည်း အတိုင်းတာတစ်ခုစာ အလုပ်ဖြစ်သွားခဲ့တာကို ဝမ်းသာ ကြိုဆိုရမှာပါ ။ ဒါက ပကတိ အမှန်တရားပါ ။

      တစ်ဖက်မှာလည်း အရေးကြီးပြီး ဖြစ်သင့်တာတွေ ရှိတာကြောင့် ဒေါ်စုအနေနဲ့ သံတမန်ဆန်ဆန် အဆင်ပြေအောင် ဖေါက်ထွက်နိုင်တာလေးတွေ ရှိသင့်ပါတယ် ။ လူထုခေါင်းဆောင် တစ်ယောက်အနေနဲ့ အားလုံးက လက်ခံထားပြီးသားမို့ သူလုပ်လို့ ရတာတွေ ရှိပါတယ် ။ ထိုင်းဖက်က လက်ရှိအစိုးရကို ဂရုပြုရသလို ၊ သေချာတဲ့ အနာဂါတ် ခေါင်းဆောင်ကိုလည်း ထိုင်းဖက်က ပစ်ပစ်ခါခါ လုပ်လို့မရပါဘူး ။ ကြိုတင်စီမံမှုနဲ့ စုပေါင်း အဖြေရှာ လုပ်ကိုင်တာတွေ ပေါင်းစုရင် ဒီထက်ပိုကောင်းခဲ့မယ်လို့ ယူဆပါတယ် ။ အခြားတစ်ဖက်မှာလည်း နောက်တစ်ကြိမ် ကြုံဦးမှာပါလို့ သာသာထိုးထိုး သဘောထားပေးဖို့လည်း လိုကောင်းလိုပါမယ် ။

      မှတ်ချက်အတွက် ကျေးဇူးပါ ။

      Delete