ကရင်တွေ ဘာလဲ ၊ ဘယ်လဲ ၊ ဘာကြောင့်လဲ (၁) ~ (နှိုးဆော်လွှာ ၊ ၂၀၀၈)

     အားလုံး အေးချမ်းသာယာပါစေလို့ ကရင်တစ်မျိုးသားလုံးကို နှုတ်ခွန်းဆက်ပါတယ် ။

     ဒီစာစောင်ရဲ့ ရည်ရွယ်ချက်ကတော့ ကရင်လူမျိုးတွေရဲ့ အခြေခံအကျဆုံး မရှိမဖြစ် ဗဟုသူတတွေ ၊

လက်ရှိတွေ့ကြုံနေကြရဆဲ အမျိုးသားရေး အနာဂါတ်တွေကို ကရင်လူထုအကြား သိမြင်ပြန့်ပွား နိုး

ကြားကြစေဖို့ပါပဲ ။ ဒီစာစောင်ဟာ သွေးထိုးလှုံ့ဆော်စာ မဟုတ်သလို ဒီအထဲမှာပါတဲ့ အချက်တွေ

နဲ့ပတ်သက်လို့ ကွဲပြားတဲ့အသိ ၊ အတွေးအမြင်တွေကို မဝေးတဲ့ကာလတစ်ခုမှာ ကရင်သားချင်းတွေ

စုံစုံညီညီ တွေ့ဆုံဖလှယ်ပြီး အဖြေရှာကြဖို့လည်း ရည်ရွယ်ပါတယ် ။ ခေတ်အဆက်ဆက်က ကရင်

တွေ ဖြတ်သန်းခဲ့ရတဲ့ သမိုင်း ၊ ရှိခဲ့တဲ့ ရှိနေတဲ့ ယဉ်ကျေးမှုနဲ့ စာပေ ၊ တွေ့ကြုံရင်ဆိုင်နေကြရတဲ့ အ

ခက်အခဲ အမျိုးမျိုးနဲ့ အမြန်ဆုံးဖြေရှင်းဖို့ လိုအပ်နေတဲ့ ကရင့်အားနည်းချက်တွေကို စုစည်းပြီး မေး

ခွန်းကလေးတွေအနေနဲ့ အောက်မှာ ထုတ်နှုတ်ကြည့်ထားပါတယ် ။ ဖတ်ရှုသူများအနေနဲ့ စဉ်းစား

အဖြေရှာ ၊ သွေးချင်းများနဲ့ ဆွေးနွေး နှီးနှော မေးမြန်း ၊ နားလည်သိရှိသူများဆီက လေ့လာနာယူ

မှတ်သားကြရအောင် ....

(၁)  အဦးဆုံးအနေနဲ့ အရေးကြီးဆုံးမေးခွန်းတစ်ခုကို ဖြေကြည့်ရအောင် ...

       “ကိုယ့်ကိုယ်ကို ကရင်လူမျိုးတစ်ယောက်လို့ ခံယူသလား” ။

     ခံယူတယ်ဆိုရင်တော့ အောက်မှာ ရေးထားတာတွေဟာ အချိန် အလဟဿ မဖြစ်စေနိုင်လောက်

  ဘူးလို့ ယူဆပါတယ် ။

(၂)  ကရင်နဲ့ ကရင့်သမိုင်း

     (က)  ကရင်လူမျိုးဆိုတာ ဘာလဲ ၊ ဘယ်သူတွေကို ခေါ်တာလဲ ၊

     (ခ)  ကရင်လူမျိုးဟာ ဘယ်ဒေသမှာ မြစ်ဖျားခံပြီး ဘယ်တုန်းက ဆင်းသက်လာခဲ့ကြတာလဲ ၊

     (ဂ)  ကရင်တွေဟာ ဘယ်ဒေသတွေကို နေထိုင်ဖြတ်သန်းခဲ့ပြီး ကနေ့ ဘယ်နေရာတွေမှာ  ဘယ်

            ကတည်းကစပြီး အခြေချ နေထိုင်ခဲ့ကြသလဲ ၊

    (ဃ)  ကရင့်တိုင်းနိုင်ငံတွေ ပေါ်ထွန်းခဲ့ဖူးသလား ၊ ဘယ်နေရာတွေမှာလဲ ၊ ဘာအကြောင်းတွေ

            ကြောင့် ပျောက်ကွယ်တိမ်မြုပ် ခဲ့ကြသလဲ ၊

    (င)  ရှေးကရင်လူမျိုးများ ဘာသာရေးကိုးကွယ်မှုတွေ ရှိခဲ့သလား ၊

          (ယခုခေတ် ယုံကြည်ကိုးကွယ်မှုတွေကြောင့် အချင်းချင်း ပဋိပက္ခ ဖြစ်သင့်သလား) ၊

    (စ)  ကရင့်လူဦးရေ စုစုပေါင်း ဘယ်လောက်ရှိသလဲ ၊

          (ဗမာပြည်တွင်း မြစ်ဝကျွန်းပေါ် ၊ ကယား ၊ ကရင် ၊ မွန်ပြည်နယ် ၊ တနင်္သာရီ ၊ ယိုးဒယားနယ်

           စပ်နဲ့ ပြည်မ ၊ အခြားဒေသနဲ့ နိုင်ငံတွေကို ရောက်နေကြသူအားလုံး) ။

(၃)  ရိုးရာနဲ့ ယဉ်ကျေးမှု

     (က)  ကရင်တွေရဲ့ အရေးပါတဲ့ ရိုးရာဓလေ့ အခမ်းအနားအနေနဲ့ ဘာတွေရှိသလဲ ၊ ဥပမာ လက်

             ချည်ပွဲ ၊ နှစ်သစ်ကူး ကောက်သစ်စားပွဲ ၊ သြပွဲ စတာတွေအပြင် အခြားဒေသအလိုက် ဘာ

             တွေရှိသလဲ ၊

     (ခ)  လက်ချည်ပွဲကို ဘယ်သူက ဘယ်တုန်းက ဘာရည်ရွယ်ချက်နဲ့ဖန်တီးပြီး ဒီကနေ့အထိ ကျင်း

            ပကြရတာလဲ ၊

     (ဂ)  ကရင်ဘာသာစကား ဘယ်နှစ်မျိုးရှိသလဲ ၊ စာအရေးအသားကော ဘယ်နှစ်မျိုးရှိသလဲ ၊

     (ဃ)  ကရင့်ရိုးရာအက ဘယ်နှစ်မျိုး ရှိသလဲ ၊

     (င)  ကရင့်တူရိယာ ဘယ်နှစ်မျိုးရှိသလဲ ။

     (စ)  သက်ကြီးတွေရဲ့ နှုတ်ဆင့်ကမ်းခဲ့ကြတဲ့ “ထား” ကဗျာတွေကို ကြားဖူးပါသလား ။

(၄)  ခေါင်းဆောင်နဲ့ နိုင်ငံရေး

     (က)  ကရင်တွေထဲက သမိုင်းမှာ ထင်ရှားတဲ့ဘုရင် ၊ ခေါင်းဆောင်နဲ့ သူရဲကောင်းတွေ ပေါ်ထွန်းခဲ့

             ဖူးပါတယ် ၊ ဘယ်သူတွေလဲ ၊

     (ခ)  အထင်ရှားဆုံး ကရင့်အဖွဲ့အစည်းတွေကို သိသလား ၊

     (ဂ)  ဒီကနေ့ ကရင်တွေကို ဘယ်သူတွေက ဘယ်လမ်းစဉ်တွေနဲ့ ဦးဆောင်နေကြသလဲ ၊

     (ဃ)  ကရင်တွေရဲ့ အမျိုးသားရေးတာဝန်နဲ့ ဝတ္တရားတွေ (သမိုင်းနဲ့ ယဉ်ကျေးမှုတွေ ဖေါ်ထုတ်

             ထိန်းသိမ်း ဖြန့်ဝေရေး ၊ စည်းလုံးညီညွတ်ရေးနဲ့ ဖွံ့ဖြိုးတိုးတက်ရေးတွေ) ကို ...

             (i)  ဘယ်သူတွေ လုပ်သင့်သလဲ ၊ (လူတိုင်းလား ၊ ရွေးချယ် တာဝန်ပေး ခံရသူတွေမှလား)

             (ii)  အရေးကော ကြီးသလား ၊

             (iii)  ကိုယ်တိုင်မလုပ်ပဲ သူတစ်ပါး ဝင်ပြီးကူညီလုပ်ကိုင်ပေးတာမျိုးကို စောင့်နေကြရင်

                   ကောင်းမလား ။

(၅)  ကနေ့ ကရင်များရဲ့ လက်တွေ့ဘဝ အခြေအနေတချို့ ၊

     (က)  ကနေ့ ကရင်တွေ ရောက်ရှိနေထိုင်နေကြရတယ်ဆိုတဲ့ ခိုလှုံရာစခန်း သို့မဟုတ် ဒုက္ခသည်

             စခန်း (refugee camps) ဆိုတာ တကယ်ရှိသလား ၊

     (ခ)  ဘာလို့ ဒီစခန်းတွေ ဖြစ်လာရတာလဲ ၊ ဘယ်နေရာတွေမှာ ရှိသလဲ ၊ နာမည်တွေက ဘာလဲ ၊

           ဘယ်နှစ်ယောက် ခိုလှုံနေကြသလဲ ၊

     (ဂ)  ဗမာပြည်တွင်းမှာ ကရင်ကျေးရွာတွေ မီးရှို့ခံရတာ ၊ အဓ္ဓမ ခိုင်းစေ ရွှေ့ပြောင်း ငွေကြေး

           ကောက်ခံ တွေ ၊ နှိပ်စက် သတ်ဖြတ်ခံရတာနဲ့ အမျိုးသမီးတွေ မတရားကျင့်ကြံ ခံရတာတွေ

           ဆိုတာ တကယ်ပဲ ရှိသလား ၊

     (ဃ)  အထက်က ကိစ္စတွေရဲ့ သတင်းကို နိုင်ငံတကာနဲ့ ဗမာပြည်တွင်းကလူတွေ အားလုံးသိရဲ့လား ၊

     (င)  ဒါတွေကို ပါးစပ်က ပြောနေရုံ ၊ သည်းခံ ငြိမ်နေရုံနဲ့ အားလုံး ပြေလည်သွားနိုင်မလား ၊  ဘာ

           တွေ လုပ်လို့ရနိုင်မလဲ ။ စီးပွား နိမ့်ပါးမှု ၊ နိုင်ငံရေး အသိနည်းပါးမှု ၊ မူးယစ်ဆေးဝါး သုံးစွဲမှု ၊

           ကူးစက်ရောဂါ ပြန့်ပွားသက်ရောက်မှု ၊ လျော့ပါးလာတဲ့ အကျင့်စာရိတ္တတွေရဲ့ သက်ရောက်မှု

           ပြဿနာတွေ ကရင်လူထု အပေါ်မှာ ဘယ်လောက်ရှိနေသလဲ ။

(၆)  ကရင့်အားနည်းချက် တချို့

     (က)  တစ်ဦးနဲ့တစ်ဦး လေးစားတန်ဖိုးထားမှု အားနည်းခြင်း ၊

     (ခ)  စည်းလုံးမှု မရှိခြင်း ၊

     (ဂ)  အချင်းချင်း ယိုင်းပင်းကူညီမှု အားနည်းခြင်း ၊

     (ဃ)  ဗဟုသုတ ၊ အသိပညာ ရှာမှီး ဆည်းပူးမှုနဲ့ အမျိုးသားအသိုင်းဝိုင်းအတွင်း ဝေဌဖြန့်ဖြူးမှု

             အားနည်းခြင်း ၊

     (င)  ဦးဆောင်သူထက် နောက်လိုက်သာ လုပ်လိုကြခြင်း ၊

     (စ)  အရက်သေစာ (သို့မဟုတ်) မူးယစ်ဆေးဝါး အလွန်ကျွံသုံးစွဲတတ်ခြင်း ၊

     (ဆ)  စီးပွားရှာတတ်သောဝသီ နည်းပါးခြင်း ၊

     (ဇ)  ရိုးဖြောင့်၍ လိမ်ညာကွယ်ဝှက်သော ပရိယာယ်ဥာဏ် နည်းပါးခြင်း ၊

     (ဈ)  သီးခြား အေးချမ်းစွာ နေလိုခြင်း ၊ (မိမိအတွက်မှလွဲ၍ ဘာကိုမှ စိတ်မဝင်စားခြင်း) ၊

(၇)  မရှိမဖြစ် လိုအပ်ချက်များ

     အနှစ်ချုပ်ရလျင် အောက်ပါအချက်များသည် ကရင်လူမျိုးများအတွက် မရှိမဖြစ် လိုအပ်နေပါပြီ ...

     (က)  ကရင်တွေ တစ်ဦးကိုတစ်ဦး တန်ဘိုးထား လေးစားကြဖို့ ၊

     (ခ)  ကရင်လူထုကြီး တစ်စိတ်တစ်ဝမ်းတည်း စည်းလုံးညီညွတ်ဖို့ ၊

     (ဂ)  ကရင်လူမျိုးတွေရဲ့ ဘိုးစဉ်ဘောင်ဆက်ရှိခဲ့တဲ့ အခြေခံစိတ်နေစိတ်ထားအချို့ကို ခေတ်နဲ့အ

            ညီ ပြောင်းလဲဖို့နဲ့ ဒါတွေကို အကောင်ထည် ၏ဖေါ်ရာမှာ ...

            (i)  သီးခြား အေးအေးချမ်းချမ်း ထာဝရနေလို့ မရပါဘူး ၊

            (ii)  ဦးမဆောင်ဘဲ ထာဝရ နောက်လိုက်လုပ်လို့ မရပါဘူး ၊

            (iii)  အစွဲကိုယ်စီနဲ့ ဆက်ပြီး စိတ်ဝမ်းကွဲနေကြလို့ မရပါဘူး ၊

            (iv)  ကရင်လူမျိုး ဖြစ်တည်ရှိနေသလို ကိုယ့်အခွင့်အရေး (လူ့အခွင့်အရေး) တွေဟာ ကမ္ဘာ

                   ကြီးပေါ် မှာ ဖြစ်တည်ရှိနေတယ်ဆိုတာ လက်ခံနေကြပါပြီ ၊ တားဆီးတာ ၊ ပိတ်ပင်

                   ဖျက်ဆီးခံရတာတွေကို ဥပေက္ခာ ပြုနေလို့ မရတော့ပါဘူး ၊

            (v)  ကရင်တွေ သူတစ်ပါးကို သနားတတ် ကူညီတတ်ပေမယ့် ၊ ကိုယ့်အမျိုးသားချင်းကူညီဖို့

                  ပျက်ကွက်နေတာတွေကို သတိရဖို့ လိုလာပါပြီ ၊

    (ဃ)  အရက်သေစာ မူးယစ်ဆေးဝါးနဲ့ အပျော်အပါးတွေဟာ ပြဿနာတွေရဲ့ ထွက်ပေါက်ကို မပေး

            နိုင်ပါ ဘူး ၊ ပျော်ရွှင်တယ်ဆိုတာလည်း ခဏတာအတွက်ပဲ ခံပါလိမ့်မယ် ။

     (င)  ဒီခေတ်ကြီးဟာ စီးပွားရေးအဓိကခေတ် ဖြစ်နေပါပြီ ၊ တတ်အောင် လုပ်ကြရပါတော့မယ် ။

     ချုပ်ရရင် အခန်း(၇)မှာ ရေးပြထားတာတွေကို ကရင့်အမျိုးသားရေးလို့ ခံယူပြီး အကောင်ထည်

ဖေါ်ရင်တောင်မှ သာမန်ထက် ၃-၄ ဆလောက် ကြိုးစားမှပဲ တန်ကာကျပါမယ် ။ အကြောင်းကတော့

ကရင်အမျိုးသားတွေထဲမှာတင် စိတ်ပါဝင်စားမှု မရှိသူတွေအတွက် တစ်ဆပို ကြိုးစားပေးကြရဖို့ လို

သလို ၊ ကရင်တွေ စည်းလုံးရင် အားကောင်းလာရင် ကိုယ့်အကျိုးစီးပွားပျက်မယ် အန္တရာယ်ရှိလာနိုင်

တယ်လို့ ယူဆသူတွေရဲ့ ဖျက်လိုဖျက်ဆီးနဲ့ လမ်းလွဲအောင်လုပ်မှာတွေအတွက်လည်း တစ်ဆ ကြိုး

ပမ်းကာကွယ်ရအုံး မှာမို့ပါ ။ “ရင်လောက်မှန်းမှ ဒူးလောက်ကျ”ဆိုတဲ့ စကားလည်း ရှိပါတယ် ။

     အဆုံးသတ်အနေနဲ့ ပြောရရင်တော့ ၊ ဒီစာစောင်ကို မိတ္တူပွား လက်ဆင့်ကမ်းဖို့ (သက်ဆိုင်ရာ က

ရင်ဘာသာများဆီ ပြန်ဆိုမှုတွေလုပ်ဖို့) ကို လက်ခံရရှိတဲ့ ကရင်သားချင်းတွေက အမျိုးသားရေး တာ

ဝန်ဝတ္တရား တစ်စိတ်တစ်ပိုင်းအနေနဲ့ ဝိုင်းဝန်းဖြည့်ဆည်းကြမယ်လို့ ယုံကြည်ပါတယ် ။

     ဒီစာကိုဖတ်ပြီး “ကောင်းသားပဲ သိမ်းထားဦးမှ” ဆိုသူတွေအတွက်တော့ လွင့်သာပစ်လိုက်ပါလို့

အကြံပေး ချင်ပါတယ် ၊ အမျိုးသားရေးဆိုတာ လက်တွေ့လုပ်မှ အကျိုးရှိတာပါ ။

မန်းကျော်ကျော်

၂၀၀၈

မဲလ ခိုလှုံရာစခန်း

(ဆက်ရေးမယ့် “ကရင် ကရင် ဘာကိုမြင်” ဆိုတဲ့ ပို့စ်တိုလေးအတွက် ၂၀၀၈ က တနိုင်တပိုင် ရိုက်

နှိပ်ဖြန့်ဝေခဲ့တဲ့ လက်ကမ်းစာစောင်ကလေးကို ပြန်ကူးထည့်ထားတာပါ ။ ပြောင်းလဲဖြစ်ပေါ်လာတဲ့

အခြေအနေတွေမှာ ဖြည့်စွက်ပြင်ဆင် ပြောချင်တာတွေ အချို့အတွက် ရှေ့ပြေးပလ္လင်ခံ တင်လိုက်

တာပါ ။ ဘယ်သူ့ရဲ့ လူမျိုး ဘာသာ ယုံကြည်မှုတွေကိုမှ မထိခိုက်ဖူးလို့လည်း ယုံကြည်ပါတယ် ။)

မန်းကိုကို

၃၁ ၊ ၀၃ ၊ ၂၀၁၂