ကရင်များအတွက် တို့ထိ ဆွေးနွေးကြည့်ခြင်း

   နေ့စဉ် ဖြတ်သန်းမှုတွေကသော်၎င်း ၊ ဘဝမှာ တွေ့ကြုံဆုံတာတွေအပေါ် မူတည်ပြီးသော်၎င်း ၊ စိတ်
စေတသိတ်ကို လှုံ့ဆော်လာတဲ့ အကြောင်းရင်းများကြောင့်သော်၎င်း ၊ ကျနော်ဟာလည်း အများသူငါ
တွေလိုပဲ စိတ်ကူးပေါက် အမြင်ရောက်ပြီး တွေးတောစစ်ကြောမိတာလေးတွေ ရှိတတ်စမြဲပါ ။ အဲဒီအထဲ
က သင့်ရာရာကို အဆင်ပြေအားလပ်ချိန်မှာ ၊ စာအဖြစ် ချရေး မှတ်တမ်းပြုဖို့ ရည်ရွယ်ချက်နဲ့ ဒီစာကို
သီကုံးဖြစ်ပါတယ် ။ ကရင်တွေအတွက်လို့ဆိုပေမယ့် ၊ ဖတ်မိသူတိုင်းအတွက်လည်း မတူတဲ့ စိတ်ကူး
စိတ်သန်းလေးတွေ ပေးနိုင်ကောင်း ပေးနိုင်ပါလိမ့်မယ် ။ အကျိုးသာ များမယ်ဆိုရင် ၊ မပယ်မပစ် ငါးဖယ်
ခြစ်သလို အကုန်အစင် ရယူသုံးစွဲသွားကြလိမ့်မယ်လို့လည်း ယုံကြည်ပါတယ် ။

   အခါအားလျော်စွာ ဆင့်ကဲ ရေးသွင်းသွားမယ့် ဒီစာစုဟာ - အသေးဖွဲ ကိစ္စရပ်တွေ ပါနိုင်သလို ၊ ခြုံငုံ
မြင်တွက်ပြီး အယူအဆ တင်ပြပုံအနေမျိုးနဲ့လည်း ရှိနိုင်ပါတယ် ။ ကုန်ကုန်ပြောရရင် ၊ ခုဖတ်နေတဲ့ စာ
ပိုဒ်တွေကိုတောင် နောက်တစ်ခါ လာအဖတ်မှာ ရှိကောင်းမှ ရှိတော့မှာဖြစ်သလို ၊ မမှတ်မိလောက်
အောင် စီပြောင်းသရုပ်ချထားလို့ အသွင်လွဲနေတဲ့ စာစုလေးတွေအဖြစ် မြင်ကောင်းမြင်ရမှာပါ ။ လူ
တိုင်းသိပြီးသား မတည်မြဲတဲ့ လောကကြီးမှာ ၊ ဘာတွေ မြင်မိသလဲဆိုတာ ဆက်ကြည့်လိုက်ကြရ
အောင် ။

++++++++++++++++++++++++++++++++++++++++++++++++++++++++++++++++++++

(၇)  ငိုကြရအောင် ။

   ငိုတတ်တဲ့ကလေး နို့ပိုစို့ရတယ်ဆိုတာ လူအများ သိထားကြပြီးသားပါ ။

   သတိထားမိသူနည်းတဲ့ အမြင်ကတော့ - ကရင်လူမျိုးတွေနဲ့ငိုတာ ဘယ်လို ဆက်စပ်ပတ်သက်နေ

သလဲ ဆိုတာပါ ။

   ရင်းနှီးတဲ့ မိတ်ဆွေတစ်ယောက်ရဲ့ မေ့မရတဲ့ အတွေ့ကြုံတစ်ခု ပြောပြချင်တယ် ။

   ခိုလှုံရာစခန်း (refugee camp) ထဲမှာ နိုင်ငံရပ်ခြား အဖွဲ့စည်းတစ်ခုကနေ စစ်ဘေးဒုက္ခနဲ့ပတ်သက်

လို့ မေးမြန်းစုံစမ်း မှတ်တမ်းလေးလုပ်ချင်တယ်လို့ အကူညီတောင်းလာတယ် ။

   ဆိုးဆိုးရွားရွား ကိုယ်တိုင် ခံစားခဲ့ရသူတစ်ဦးကို ရွေးချယ်ဖိတ်ခေါ်ပြီး အမေးအဖြေ လုပ်ပါတယ် ။

   ကျနော့်မိတ်ဆွေဖြစ်သူကတော့ စကားပြန်ပေါ့ ။

   ဒီအမေးဖြေက စစ်ဘေးရှောင်သူဟာ ၊ စစ်တပ်ကြောင့် ရွာက ထွက်ပြေးတိမ်းရှောင်ခဲ့ရသူပါ ။

   ရွာအဖျက်ခံရတာကြောင့်လည်း ပြန်စရာမရှိပဲ ၊ လုံခြုံရေးအခြေနေအရလည်း ပြန်လို့မဖြစ်သေးသူပါ ။

   ပိုင်ဆိုင်ဖူးသမျှ အရာရာဆုံးရှူံးခဲ့ရပြီး ပြေးလွှားပုန်းရှောင် ထွက်ပြေးခဲ့ရတဲ့ ဒုက္ခတွေထဲမှာ ၊ အဆိုးဆုံး

ကတော့ မိသားစုဝင် ‘၇’ ယောက်ထဲမယ် စစ်တပ်ကြောင့် အသက်ဆုံးပါးသွားခဲ့ရသူ ‘၃’ ယောက်တောင်
ရှိခဲ့တာပါပဲ ။ မေးမြန်းသူတွေအတွက် အတော့်ကို သနားဂရုဏာသက်ကြရတဲ့ ဘဝကြောင်းလေးပါ ။

   သို့သော် အဖုထစ်လေးတစ်ခု ရှိနေခဲ့ပါတယ် ။

   အဲဒါကတော့ - ဒုက္ခတွေ ကိုယ်တိုင်ခံစားခဲ့ရတယ်ဆိုတဲ့ ကာယကံရှင်ရဲ့ အမူအယာက ပြုံးဖြဲဖြဲလို
ဖြစ်နေတဲ့ကိစ္စပါပဲ ။

   အဖြစ်ပျက်တွေကလည်း မှန်တယ် ၊ မေးမြန်းသူတွေကလည်း တကယ့်ကို ဂရုဏာ သက်တယ် ။

   ဒါပေမယ့် ၊ ကာယကံရှင်ရဲ့ အမူအယာတွေက မေးမြန်းမှုမှပါသူတွေရဲ့စိတ်ထဲ ဖြစ်ပေါ်နေတဲ့ စိတ်ခံစား

မှုတွေကို အတိုင်းတာတစ်ခုအထိ ဖျက်ဆီးနေပါတယ် ။ ဘာသာပြန်ပေးသူအနေနဲ့ တာဝန်ကြေအောင်

ကူညီပေးခဲ့ပေမယ့် ၊ ဘာမှ ဝင်စွက်ဖို့ရာလည်း မဖြစ်နိုင်ခဲ့ပါဘူး ။ သို့သော် စိတ်ထဲ တနုံ့နုံ့ဖြစ်နေခဲ့တာ

ကြောင့် ကျနော့်ကို ဖွင့်အံလာခဲ့တာပါ ။

   ခုကိစ္စကို အမေးဖြေမှာ ပါဝင်ခဲ့သူတွေတင် မကပါဘူး ၊ ခု စာဖတ်နေသူတွေမှာပါ ယုံကြည်မှုတွေကို

အတိုင်းတာတစ်ခုအထိ ယိုင်နဲ့စေနိုင်တယ်ဆိုတာ ကျနော်သဘောပေါက်ပါတယ် ။ ဒါကြောင့် ဒီကိစ္စကို

အပေါ်ယံတစ်လွှာဖယ်ပြီး အနီးကပ် ၊ သို့တည်းမဟုတ် မတူတဲ့ ထောင့်တစ်ခုကနေ ကြည့်ရအောင်ပါ ။

   တကယ်တန်း အပေါ်ကဆိုခဲ့တဲ့ စစ်ပြေးခိုလှုံသူရဲ့ ပြုံးဖြဲဖြဲမျက်နှာကို အသေချာ စေ့စေ့စပ်စပ်သာ

ကြည့်ဖြစ်မယ်ဆိုရင် ၊ သူ့ရဲ့ အသက်မပါတဲ့ လုပ်ယူထားတဲ့ အပြုံးကို မြင်ရပါလိမ့်မယ် ။ ရင်ထဲမှာ ငို

ကြွေးနေတာ ၊ အပူရုပ် ဟန်လုပ်နေရာက အပြင်လောကဆီကို သူ့ရဲ့ အသွင်ပြောင်း ထုတ်ဖေါ်ပြသတဲ့

အမူအယာဟာ ၊ ပြုံးဖြဲဖြဲသဏ္ဍာန်အဖြစ် ပေါ်ထွက်လာခဲ့တယ်လို့ အတိအကျ ပြောချင်ပါတယ် ။

   ဒါကို ခင်ဗျားက ဘယ်လိုလုပ်သိသလဲလို့ သိချင်ကြပါလိမ့်မယ် ။

   အတိုဆုံးအဖြေကတော့ - ဒါတွေကို အများကြီးတွေ့ခဲ့ ကြုံခဲ့ဖူးပြီး ၊ အဲသည်ထဲက အချို့အဝက်ကို

အဓိပ္ပါယ် ဖေါ်ထုတ်နိုင်ခဲ့တာမို့ပါလို့ ပြောရလိမ့်မယ် ။

   ဒီလိုဖြစ်ရပ်မျိုးဟာ ကရင်လူမျိုးတွေထဲ အနှံ့တွေ့နေရတဲ့ National Psyche လို့ခေါ်နိုင်တဲ့ “အမျိုးသား

စိတ်အခြေခံ” တစ်ခုပါ ။ ပြဿနာ/ စိန်ခေါ်မှု/ မှားယွင်းတဲ့ အငုံ့စိတ် စသည်ဖြင့် မြင်သူရဲ့ စိတ်အပေါ်

မူတည်ပြီး ခေါ်လို့ရနိုင်ပါတယ် ။

   ဒါကို ဘယ်လို သက်သေပြမလဲ ။

   ပထမ ၊ ရှေ့ကပြောခဲ့တဲ့ အမေးဖြေအလုပ်ခံရသူရဲ့ ပုံပန်းမကျတဲ့ ပြုံးဖြဲဖြဲမျက်နှာပေးဟာ စံနမူနာတစ်

ခုပါ ။ စိတ်ထားမာကျောတဲ့ ယောက်ျားသားတစ်ယောက်ရဲ့ အတင်းဖိကြိတ် မြိုသိပ်ထားနေရတဲ့ စိတ်ခံ

စားမှုတွေကို ၊ အတွင်းစိတ်ကနေ အပြင်ဖက်ကို ကမောက်ကမ ထုတ်ဖေါ်ပြခဲ့တာလို့ ပြောနိုင်ပါတယ် ။

   ဒုတိယက မိန်းမသားတွေနဲ့ ထပ်ဆင့် ဆက်စပ်သက်သေပြလို့ ရပါတယ် ။

   စိတ်ပိုနုနယ်တဲ့ မိန်းမသားတွေအနေနဲ့ ငိုကြွေးမျက်ရည်ကျမှုတွေနဲ့ ခံစားချက်တွေကို ထုတ်ဖေါ်မပြပဲ ၊

ခုနက ယောက်ျားသားတွေလိုပဲ အတင်းမျိုသိပ်ဖိနှိပ်ဖို့ ကြိုးစားတဲ့အခါမှာ ၊ စိတ်ပိုင်းဆိုင်ရာ မတည်ငြိမ်

နိုင်တော့ပဲ ဟိုတစ်စ သည်တစ်စ ပေါက်ကွဲထွက်လာတာတွေဖြစ်ပြီး ၊ အရပ်ထဲ အလွယ်တကူ ခေါ်ကြ

သလိုပဲ “ရူး”သွားတတ်ကြပါတယ် ။ တစ်စိတ်တစ်ပိုင်းသော်၎င်း ၊ အပြည့်အဝသော်၎င်း စိတ်ဝေဒနာရှင်

တွေအဖြစ် ရောက်ရှိသွားကြပါတယ် ။

   ဒီလိုကြေကွဲစရာတွေဟာ - ကယ်သူ ကူသူ အားကိုးရသူ တိုင်ပင်ဖေါ်နဲ့ ဖေးမသူ နားလည်ပေးသူ

စိတ်ကျန်းမာရေး အထောက်ကူတွေ မရှိသလောက်ရှားတဲ့ အနေထားနဲ့ အသိုင်းဝိုင်းမှာ ၊ ဆိုခဲ့တဲ့ ဝေဒ

နာသည်တွေ ဘယ်ရွေ့ဘယ်မျှရှိကြောင်း စာရင်းအင်းနဲ့ အတိကျမရှိပေမယ့် ၊ အောက်မှာတော့ ကျ

နော်ကိုယ်တိုင် ပုံရိပ်ဖမ်းယူခဲ့တဲ့ ၊ ယောက်ျားဖြစ်သူကို စစ်တပ်က သတ်ဖြတ်သွားလို့ အကျိုးဆက်အနေ

နဲ့ စိတ်ဝေဒနာ ခံစားနေရသူ အမျိုးသမီးကြီးတစ်ယောက်ကို ဖေါ်ပြထားပါတယ် ။ ဒီစာစုခေါင်းစဉ်နား

အပေါ်မှာကတော့ ၊ သောသီခိုဘလော့ဂါကိုယ်တိုင် ရိုက်ယူလာခဲ့တဲ့ ယောက်ျားဖြစ်သူ ဆုံးရှူံးခဲ့ရတဲ့

စိတ်ဝေဒနာသည် တစ်ယောက်ပါ ။

   ဒီနေရာမှာ တစ်လက်စထဲ ကရင်လူမှုအဖွဲ့စည်းဝင်တွေကို မေးစရာဖြစ်လာတာက - ခံစားရတဲ့

ဒုက္ခသုက္ခတွေအတွက် စိတ်ကို လွှတ်ထုတ်ဖွင့်လှစ်ပေးပြီး ပွင့်ပွင့်လင်းလင်း လူသိသူသိ

ငိုကြွေးပစ်ခြင်းနဲ့  ကြေကွဲမှုကို ထုတ်ဖေါ်ပြဖို့ ရွေးကြမလား ၊ ဒါမှမဟုတ် ခုလက်ရှိအတိုင်း

ပဲ မြိုသိပ်တဲ့သဏ္ဍာန်နဲ့ ကြိတ်မှိတ်ပြီး ဆက်သွားကြမလား ဆိုတာပါ ။

   တစ်ပြိုင်ထဲမှာပဲ ၊ အခြား ဘယ်သူ ဘယ်အမျိုးနွယ် ဘာတွေကဖြင့်တော့ ဘယ်လိုငိုပြတတ်တာ ၊

ဘယ်လို လူသိအောင် သနားအောင် ကိုယ့်ဖက်ပါအောင် လုပ်ပြတတ်ကြတာ စသည်ဖြင့် လက်ညှိုး

ညွှန်ပြီး အပုတ်ချတဲ့စိတ်ထားမျိုးနဲ့ အကျိုးမများတဲ့ အပြစ်တင်ဖို့တွေထက် ၊ ကိုယ့်လမ်းကို ရွေးချယ်

ကြဖို့ကိုပဲ အားပေးချင်ပါတယ် ။

   ဒါ့ပြင် ဒီတင်ပြချက်ကို ဒီနေမှာတင် ရပ်မထားချင်ပါဘူး ။

   ဘယ်အရာကိစ္စမှာမဆို အခက်ခဲနဲ့ စိန်ခေါ်မှုတွေ ရှိနေပေမယ့် ၊ အဖြေနဲ့ လျော့နည်းသက်သာစေမယ့်

နည်းလမ်းတွေ ရှိစမြဲပါ ။ လက်လှမ်းမီသမျှ ဆက်စပ်မှုလေးအချို့ကို ပြောပြချင်ပါတယ် ။

   သိပ်မကြာသေးတဲ့ နှစ်ပိုင်းတွေက ဖြစ်ပါတယ် ။ အဖိနှိပ်ခံ ပါလက်စတိုင်းတွေရဲ့ လက်ထဲကို အဖွဲ့စည်း

တစ်ခုကနေ အင်အားကောင်းတဲ့လက်နက်တွေ ထည့်ပေးခဲ့ပါတယ် ။ အခြားတော့ မဟုတ်ပါဘူး ၊ ကင်

မရာ အလုံး ၅၀၀ ဖြစ်ပါတယ် ။ မတရားမှု ၊ နှိပ်စက်မှု ၊ လက်လွတ်စပယ် ဖိနှိပ်မှုတွေကို လူမသိသူမသိ

 ခေါင်းငုံ့ခံမယ့်အစား ၊ မှတ်တမ်းတင်ပြီး ကမ္ဘာပေါ်က လူအများရှေ့ရောက်နိုင်အောင် ခွန်အားတွေ ဖြည့်

ပေးခဲ့တဲ့ လုပ်ရပ်ပါပဲ ။

   မြန်မာပြည်ကို ကြည့်ပြန်ရင်ကော ။

   Free Burma Ranger ဆိုတာဟာ အစိုးရမဟုတ်တဲ့ အဖွဲ့စည်းသာပါ ။

   စစ်တပ်နဲ့ ထိပ်တိုက်ရင်ဆိုင်ဖို့ စွမ်းအားမျိုးတွေလည်း မရှိပါဘူး ။

   သို့သော် သူတို့တတွေ လာပြီဆိုရင် ၊ စစ်တပ်ဟာ သူတို့ရဲ့ကိုယ်ပိုင်လှုပ်ရှားလုပ်ကိုင်မှုတွေကို ကန့်

သတ်လာပါတယ် ။ အရမ်းကာရော မလုပ်ကြတော့တာတွေကို ကြားနေရပါတယ် ။ ဒီအဖွဲ့ကနေ လက်

တွေ့ဘဝက အဖြစ်တွေကို ၊ နိုင်ငံတကာဆီ ဓါတ်ပုံသက်သေသာဓကတွေနဲ့ အများကြီး တင်ပြခဲ့တယ်

မဟုတ်လား ။ ဒါကို ‘ရှိန်’ပြီး ကိုယ့်ဘာသာ ကန့်သတ်သွားတယ်ဆိုတာ ယုံမှားသံသယရှိစရာ မလိုပါဘူး ။

   ဒါနဲ့ ဆက်စပ်ပတ်သက်တာလေးတစ်ခု ပြောချင်တယ် ။

   လူအတော်များများ သိပြီးသား သိပ္ပံစမ်းသပ်ချက်လေး တစ်ခုပါ ။

   လူတွေကို အခန်းနှစ်ခန်းထဲမှာ တစ်လှည့်စီ တစ်ယောက်ထဲထည့်ပြီး စောင့်ကြည့်ခဲ့ပါတယ် ။

   ပထမတစ်ခန်းက သာမန်အခန်းဖြစ်ပြီး ၊ နောက်တစ်ခန်းကတော့ မှန်ချပ်ကြီးတစ်ချပ် တပ်ထားတဲ့

အခန်းပါ ။

   အတိုဆုံးအဖြေက - မှန်ချပ်ကြီး တပ်ထားတဲ့အခန်းမှာ လူတွေဟာ ခိုးဝှက်တာအပါဝင် သူတို့ရဲ့ အပြုမူ

လှုပ်ရှားမှုမှန်သမျှကို သတိနဲ့ ပိုပြီးတော့ ထိန်းသိမ်းချုပ်တည်းကြပါသတဲ့ ။ အခြားသူတွေ စောင့်ကြည့်မှု

မရှိတာတောင်မှ ၊ ကိုယ့်ကိုယ်ကိုပြန်မြင်ရုံနဲ့ မသင့်မအပ်တာတွေကို မလုပ်ဖို့ စိတ်ထဲ အဟန့်အတားတစ်

ခုလို ခံစားကြရပါသတဲ့ ။

   ဒီတော့ စောင့်ကြည့်နေမယ် မှတ်တမ်းတွေသာ တင်နေမယ်ဆိုရင် ၊ ဆိုးရွားတဲ့ကိစ္စတွေ အတော်များ

များကို ကန့်သတ်နိုင်မယ်ဆိုတာ ယုံမှားသံသယရှိစရာ မလိုနိုင်ပါဘူး ။

   ကရင်အမျိုးသားတွေအနေနဲ့လည်း ဒီဖြစ်ရပ်နဲ့ သဘောတရားတွေကနေ သင်္ခန်းစာ ယူနိုင်ကြမယ်လို့

ယုံကြည်ပါတယ် ။

   ကျနော်တို့ ကနေ့ကြုံတွေ့နေကြရတဲ့ အခက်ခဲဒုက္ခတွေကို ဖန်တီးနေသူတွေဟာ ၊ ပြင်ပကနေ လာ

တာရှိသလို ၊ အချင်းချင်း ကမ္ဘာမီးလောင် သားကောင်ချနင်းဖို့ကြိုးစားတာကြောင့် ဖြစ်လာရတာတွေ

လည်း အများကြီးပါ ။

   နောက်ဆုံး ၊ အခြေခံအကျဆုံး မိမိကိုယ်၌ကိုကလည်း ထိန်းချုပ်နိုင်ဖို့ရာ စိန်ခေါ်မှုတွေ ရှိနေပါတယ် ။

   အကောင်းဆုံးနဲ့ အသင့်တော်ဆုံး နည်းလမ်းတွေကို ရွေးချယ်ရယူ သုံးစွဲကြပါစို့ ။


၂၅ ၊ ၀၅ ၊ ၂၀၁၄

===========================================

⌂ (၆) ဘာသာစကား အခွင့်အလမ်း ဖန်တီးထိန်းသိမ်းခြင်း ။

   များသောအားဖြင့် ဘာသာစကားနဲ့စာပေကို ကရင်တွေ သင်ကြ ပြောကြဖို့ ၊ ယဉ်ကျေးမှုနဲ့ ဓလေ့တွေ

ထိန်းသိမ်းစောင့်ရှောက်ကြဖို့ စသည်ဖြင့် ကိုယ့်လူမှုအသိုင်းဝိုင်းထဲ အမြဲပြောနေ ကြားနေကြရတာကြောင့်

ရိုးတောင်နေကြပါပြီ ။

  ကျနော့်အတွေ့အကြုံနဲ့ယှဉ်ပြီး လက်တွေ့ကျတာတစ်ခုကို ပြောချင်တယ် ။

  ကျနော်တို့တတွေ ငယ်စဉ်ကတည်းက အင်္ဂလိပ်စာကို သင်ယူလာကြတယ် ။ အဲဒီမယ် စကားလုံး တစ်

လုံးချင်းစီနဲ့ ထိထိရောက်ရောက်မှတ်မိအောင် အကူညီပေးတဲ့ ကိစ္စလေးတစ်ခု ရှိတယ် ။ အထူးသဖြင့်

ရုပ်ရှင်တွေပါ ။

  ဥပမာ Terminator ဆိုပါစို့ ။ ရုပ်ရှင်ကြည့်ဖူးသူ ကိုယ့်လိုလူတွေအနေနဲ့ ကိစ္စတုံးအောင်လုပ်တာနဲ့ ဒီ

စကားလုံးကို ယှဉ်တွဲပြီး မှတ်မိသွားတယ် ။ ဒီလိုနဲ့ ကာလရွေ့လျောလာတော့ ဆက်စပ်တြိယာဖြစ်တဲ့

terminate ဆိုတဲ့ စကားလုံးကို သိလာတယ် ။ ဒါကို အဘိဓါန်ထဲရှာတော့ - အပြီး အဆုံးသတ်သည်

လို့သိလာရတယ် ။ အဲဒါနဲ့ကမှ အလုပ်ဖြုတ်တာ ၊ ကန်ထရိုက် အဆုံးသတ်တာတွေမှာသုံးကြောင်း သိ

လာရတယ် ။ အခြားစကားလုံးတွေဖြစ်တဲ့ Predator, Jaws, Alien, Apocalypse စသည်ဖြင့်လည်း

အများကြီး တွေ့နိုင်ပါသေးတယ် ။ ဒါဟာ ဘာသာစကားပိုင်းမှာ တစ်စချင်း အသိတိုးပွားဖို့ အထောက်

ကူဖြစ်တယ်ဆိုတာ သက်သေပါပဲ ။ 

  ကရင်ဘာသာစကားဖက် လှည့်ရအောင် ။

  နမူနာအနေနဲ့ ဘားအံမြို့ပတ်ဝန်းကျင်က ရွာနာမည်လေးတွေပဲ အရင်ကြည့်ပါမယ် ။

  ဘားအံ အနောက်ဖက်ကမ်း ကပ်လျက်လေးမှာရှိတာက ‘မုက္ကဒိ’ ၊ တောင်ဖက်သွားရင် ‘ကမော့ကစင်’

‘ဒုံရင်း’ ၊ အရှေ့ဖက်ထွက်တာနဲ့ ‘ခလောက်နို့’ ၊ မြောက်ဖက် သံလွင်ကို စဆန်လိုက်တာနဲ့ ‘မိဇံ’ စသည်

ဖြင့် တစ်ထိုင်ထဲ ပြောလို့မကုန်တဲ့ ကရင်ရွာတွေရှိတယ် ။

  အဲဒါတွေက ဘာထူးခြားသလဲမေးရင် ၊ ထူးပါတယ်လို့ ပြောချင်တယ် ။

  တကယ်တန်းမှာ ‘မုက္ကဒိ’ ဆိုတာ ကရင်လို “ဘုံးကတိုင်း(က်)” ၊ ‘ကမော့ကစင်’ ဆိုတာက “တမွန်း

ကကျိန်” ၊ ‘ဒုံရင်း’ က “ဒုံရောင်(း)” ၊ ‘ခလောက်နို့’ က “ခလို” ၊ ‘မိဇံ’ က “မိုင်း(က်)ကျောင်” စသည်ဖြင့်

မူရင်းနာမည်တွေ ရှိပါတယ် ။

  ဒီတော့ စိန်ခေါ်မှုက - ရှိပြီးသား နာမည်တွေကို အခြားသူတွေက ပါးစပ်ထဲတည့်ရာ (အနက်အဓိပ္ပါယ်

မရှိပဲ) ခေါ်နေကြတာကို လက်ခံပြီး ၊ ကိုယ်ကိုယ်တိုင်ပါ လိုက်ခေါ်ကြမလားဆိုတဲ့ ကိစ္စပါ ။

  ရှေ့က ပြောခဲ့သလိုပါပဲ ၊ စကားလုံးတစ်လုံးစီမှာ သယ်ဆောင်တဲ့ အဓိပ္ပါယ်ကိုယ်စီ ပါကြပါတယ် ။

တစ်လက်စထဲ ပိုကျယ်ပြန့်တဲ့ ဘာသာစကား ချဲ့ထွင်သိနားလည်မှုဆီကို လှေကားထစ်ကလေးတွေလို

အသုံးဝင်ကြပါတယ် ။

  မေးစရာက - ကိုယ့်ကိုယ်ကို ကရင်လို့ ခံယူထားသူတွေအနေနဲ့ သူတစ်ပါး သတ်မှတ်ပေးတာတွေကို

ပဲ ခြေစုံလေးရပ် လက်ကလေးပိုက် ခေါင်းငုံ့ပြီး လက်ခံယူကြမလား ၊ ဒါမှမဟုတ် - ကိုယ့်အသိစိတ်ဓါတ်

နဲ့ ခေါင်းကိုမော့ပြီး ကိုယ်ပိုင်ခွင့်ကို လမ်းကြောင်းဖေါ်ယူမလား ဆိုတာပါပဲ ။ ရွေးချယ်စရာလမ်းတွေ ရှိ

တယ်ဆိုတာ ပြောပြချင်တာပါ ။

  ကိုယ့်ကိုယ်ကို လေးစား အလေးထားပြီး တန်ဖိုးရှိအောင် ထိန်းသိမ်းစောင့်ရှောက်ပါမှ ၊ အခြား ကိုယ့်ကို

တကယ်လေးစား အလေးထားသူတွေကလည်း လိုက်လျှောက် လိုက်ခေါ်ဝေါ်လာကြပါလိမ့်မယ် ။ ကိုယ့်

လူမျိုးရော တစ်ပါးသူတွေကိုပါ ၊ ဘယ်သူ့ကိုမှ အတင်းအကြပ် လုပ်စရာမလိုပဲကို လမ်းကြောင်းတစ်ခု

ပွင့်လာမှာပါ ။

  ဒီအတွက်ကိုလည်း ဘယ်သူ့ကိုမှလိုက်ပြီး တောင်းပန် ခယနေစရာလည်း မလိုပါဘူး ။

  "တိုင်းရင်းသား စည်းလုံးညီညွတ်ရေး" - လို့ အမြဲတမ်း ကြွေးကြော်နေသူတွေကနေ ၊ သူတို့ရဲ့စကားနဲ့အ

ညီ လိုလိုလားလား ပူးပေါင်းပါဝင်လာကြလိမ့်မယ်လို့လည်း ကျိုးကြောင်းကျ မျှော်လင့်ထားလို့ ရပါတယ် ။

တကယ်တန်း တိုင်းရင်းသားအားလုံးအကြား စည်းလုံးညီညွတ်စေချင်ပြီး ၊ တိုင်းရင်းသားတွေကို ညီအစ်

ကို မောင်နှမတွေလိုချစ်ကြောင်း သက်သေပြချင်နေသူတွေအတွက်လည်း အခွင့်လမ်းတစ်ခုတောင် ဖန်

တီးပေးရာ ရောက်ပါတယ် ။

  အခြားတစ်ဖက်မှာလည်း ၊ ဘာသာစကား ထိန်းသိမ်းမှုဆိုတာဟာ ကျနော်တို့ တစ်ဦးတစ်ယောက်စီက

နေ စပါတယ် ။ ကယ်တင်ရှင် မရှိပါ ။ ကူညီမယ့်သူ မျှော်လင့်နေလို့ မရပါ ။ ကိုယ်တိုင် ဖုန်ခါထပြီး ၊ ရှေ့

ကိုလျှောက်လှမ်းပါမှ ခရီးပေါက်မှာပါ ။

၁၀ ၊ ၀၅ ၊ ၂၀၁၄

=================================================

(၅) တစ်ကိုယ်ကောင်းနဲ့ လောဘ

   ဒီနှစ် ကရင်နှစ်သစ်ကူးမှာ သိလာတာ အတော်ကြာပြီဖြစ်တဲ့ အနောက်ပိုးကရင် အမျိုးသားကြီးတစ်ဦး

နဲ့ ဆုံဖြစ် စကားတွေ ဖလှယ်ဖြစ်ပါတယ် ။ သူ့ရဲ့အမြင်ကတော့ ၊ ကရင် အတော်များများဟာ တစ်

ကိုယ်ကောင်း ဆန်ကြတယ် ဆိုတာပါပဲ ။ ဒါကို ကျနော်ကနေ ထပ်ဆင့်ထောက်ခံရင်း ၊ ဘာဖြစ်သင့်

သလဲ ၊ ဒါကို ဘာနဲ့ အစားထိုးသင့်သလဲဆိုတာ ထပ်ဆောင်းပြီး ပြောဆိုဖြစ်ပါတယ် ။

   အရင်က တစ်ခါရေးဖူးပါတယ် ။ အချို့ ကရင်တွေရဲ့ တစ်ကိုယ်ကောင်း ဆန်ပုံအချို့ပါ ။

ရှက်ဖို့ကောင်းတဲ့ အဖြစ်အပျက်တွေကိုတော့ စုဆောင်းပြီး ပြောပြမနေတော့ပါဘူး ။

တကယ်တော့ တစ်ကိုယ်ကောင်းဆန်တာ ၊ လောဘကြီးတာ သဘာဝကျပါတယ် ။ လူပဲကိုး ။

သို့သော် အကန့်သတ်ဘောင်တွေ ကျော်လာရင်တော့ ၊ တော်ရုံလက်သင့်ခံဖို့ ခက်ခဲလာပါလိမ့်မယ် ။

အထူးသဖြင့် “သူတစ်ပါးရဲ့ အကျိုးစီးပွား” တွေကိုပါ ။

နောက်တစ်ခုကတော့ “သူတစ်ပါးကနေ ကိုယ့်အပေါ်ထားရှိတဲ့ စိတ်ကောင်းစေတနာ” ပါ ။

အလေးမထားရင် ၊ ခုတုံးလုပ်မိရင် ၊ စော်ကားမိရင် ၊ ပျက်ယွင်းမှုနဲ့ တန်ပြန်သက်ရောက်မှုတွေ ရှိတတ်

ပါတယ် ။

   ကျနော် မလေးရှားမှာနေစဉ်က မိတ်ဆွေတစ်ယောက် ရှိဖူးပါတယ် ။

   အင်မတန် ငွေရှာသူပါ ။ လောဘကြီးတယ် ဆိုကြပါစို့ ။

   ဒါပေမယ့် ပေါင်းသင်းဆက်ဆံရေး ကောင်းပါတယ် ။ လုံ့လ ဝိရိယ ရှိပါတယ် ။ ငွေရှာလို့ ရနိုင်မယ့်

လုပ်ကွက်ကိုင်ကွက်တွေကို မြင်တတ်ပါတယ် ။ ငွေမျက်နှာတစ်ခုထဲ ကြည့်တာမဟုတ်ပဲ ၊ လိုအပ်သလို

ချိန်ခွင်လျှာ ညှိတာမျိုးတွေလည်း လုပ်လေ့ရှိတာကြောင့် ၊ အတော်အောင်မြင်တယ်လို့ ဆိုနိုင်ပါတယ် ။

   တစ်ကြိမ်မှာတော့ သူ့ငယ်ဘဝက အကြောင်းတစ်ခုကို ပြောပြပါတယ် ။

အဲဒါကတော့ ၊ မုဆိုးမဖြစ်တဲ့ သူ့ရဲ့အမေကို လူတွေက တစ်ခါတစ်ခါ လာတိုင်တတ်ကြတာတစ်ခုပါ ။

“အဒေါ် ၊ အဒေါ့်သားက တော်တော် လောဘကြီးတာပဲ” လို့ ဖြစ်ပါတယ် ။

ဒါကို သူ့အမေ တုန့်ပြန်လေ့ရှိတာကတော့ - “အေး ၊ ကောင်းတာပေါ့ ၊ သူ လောဘကြီးမှ ငါ ကောင်း

ကောင်းနေ ကောင်းကောင်းစားရမှာပေါ့” ပါတဲ့ ။

တကယ်လည်း သူ့အမေဟာ သူနဲ့ အခြားညီအစ်ကိုတွေကြောင့် မပူမပင် နေနေနိုင်ခဲ့တာပါ ။

   ကနေ့အချိန်မှာ အဲသည်သူငယ်ချင်းနဲ့ မတွေ့ဖြစ်တာ အတော်ကြာခဲ့ပါပြီ ။

   ဘယ်လိုဖြစ်ဖြစ် မြင်ခဲ့သိခဲ့ရသမျှတွေကို ထောက်ပြီးမှတ်ချက်ချရရင် ၊ သူ့တစ်သက်တာမှာ ဆင်း

ရဲမွဲတေပြီး ဒုက္ခရောက်တယ်ဆိုတာမျိုး ၊ ဘယ်တော့မှ ရှိလာမှာ မဟုတ်ဘူးဆိုတာ ရဲရဲကြီး ပြောရဲပါ

တယ် ။ ထို့အတူပဲ ၊ သူ့ဘဝကနေရတဲ့ သင်္ခန်းစာတွေလည်း ကနေ့အထိ ကျနော့်ကို ပုံသွင်းနေဆဲပါ ။

   အဆုံးသတ်ရရင် ၊ ကရင်တွေအနေနဲ့ တစ်ကိုယ်စာ ကောင်းစားဖို့သာ လုံလောက်ပြီး ၊ စေတနာနဲ့

အကျိုးပျက်စေနိုင်တဲ့ “တစ်ကိုယ်ကောင်းစိတ်”နဲ့ပဲ ၊ ဝက်ချေးလူးသလို ဆက်လူးကြမလား ။

   ဒါမှမဟုတ် ၊ ငါ့အတွက် ၊ ငါ့မိသားစုအတွက် ၊ ငါ့ပတ်ဝန်းကျင် ငါ့ရွာ ငါ့မြို့ ငါ့နိုင်ငံ ငါ့လူမျိုးအတွက်
စသည်ဖြင့် ၊ အဆုံးအစမရှိတဲ့ “လောဘ” ကိုပဲ ၊ အများအကျိုး ကိုယ့်အကျိုး မျှတအောင်ချိန်ညှိရင်း
၊ မွေးမြူသွားကြမယ်ဆိုရင် မကောင်းဘူးလားလို့ မေးလိုက်ချင်ပါတယ် ။

၂၃ ၊ ၀၄ ၊ ၂၀၁၄

---------------------------------------------------------------------------------

http://www.visnsoft.com/

(၄) တံလျှပ် နဲ့ ရေ - ဝေခွဲဖို့ လိုမလို

   မြန်မာပြည်ရဲ့ လူမျိုးခြား ဘာသာခြား မုန်းတီးရေးဖြစ်စဉ်နဲ့အတူ ၊ ကရင် လူမှုအသိုင်းဝိုင်းထဲက အချို့

အချို့သော လူတွေရဲ့ ၊ တစ်ဖက်ဖက်ကို ယိမ်းယိုင်မှုလေးတွေကို မြင်တွေ့နေခဲ့ရတယ် ။ သိသမျှ မြင်

သမျှ ဥာဏ်မီသမျှနဲ့တော့ ၊ ရင်လေးမိတာ အမှန် ။

   ပထမတစ်ချက် ကြည့်ရအောင် ။

   မြန်မာပြည်ထဲ - ကျောင်းမှာသော်၎င်း ၊ အများပြည်သူ နေ့စဉ်ဘဝမှာသော်၎င်း ၊ တွေ့မြင်ကြုံဆုံ နေ

ရလေ့ရှိတဲ့ စကား -၃- လုံး ရှိပါတယ် ။ “အမျိုး ၊ ဘာသာ ၊ သာသနာ” ဆိုတာပါ ။ လူတိုင်းမဟုတ်သော်

မှ အများစုရဲ့ စိတ်ထဲကို စွဲနစ်နေအောင် ၊ ငယ်စဉ်ကတည်းက ပုံသွင်းခဲ့တဲ့ စကားလုံးတွေပါ ။ ဒီတော့ ဒီ

လို ပတ်ဝန်းကျင် အသိုင်းဝိုင်းမှာ ကြီးပြင်းလာသူတွေနဲ့အတူ ၊ အချို့သော ဆက်စပ်ပတ်သက်မှုရှိတဲ့

ကရင်များမှာလည်း လက်ခံမှုတွေရှိနေတာဟာ ၊ မဆန်းလှပါဘူး ။

   တစ်ချိန်တုန်းက ကျနော်ကိုယ်တိုင်လည်း အတိုင်းတာတစ်ခုအထိ ဇဝေဇဝါ ဖြစ်ခဲ့ဖူးတာကြောင့် ၊ သ

တိ မထားမိသူတွေရှိခဲ့ရင် တွေးချင့်ချိန်နိုင်အောင် ပြောပြချင်တယ် ။ အဲဒါကတော့ ၊ အပေါ်ကပြောခဲ့တဲ့

စကားသုံးလုံးကို ရိုးရိုးရှင်းရှင်းလေး ဆန်းစစ်ကြည့်ဖို့ပါ ။

●  အမျိုး      = လူမျိုး

●  ဘာသာ   = ဘာသာစကား (ကိုးကွယ်မှု မဟုတ်ပါ)

●  သာသနာ = ကိုးကွယ်ရာ ဘာသာ

●  လူမျိုး           - ဗမာ ≠ ကရင် (မတူပါ)

●  ဘာသာစကား - ဗမာ ≠ ဗမာ (မတူပါ)

●  သာသနာ      - ဗုဒ္ဓဘာသာ = (?) ဗုဒ္ဓဘာသာ/ခရစ်ယာန်/ရိုးရာ (အချို့သာ တူပါတယ်)

   ဒါကိုကြည့်ရင် ကရင်တစ်ဝက်လောက်ဟာ ထိုင်နေရင်းငုတ်တုတ်နဲ့ ၊ နှစ်ရာထောင်ချီ နေလာတဲ့

နေရာမှာတင် နိုင်ငံခြားသားတွေလို ဖြစ်သွားကြတာ တွေ့နိုင်ပါတယ် ။

   ထပ်ဆင့်ပြီး နေ့စဉ် မြင်ကြားနေကြရတဲ့ စကားအချို့ကို ထည့်တွက်ကြည့်ရအောင် ။

   “ဒီမြေမှာမွေး ဒီရေကိုသောက်ရင် ဒီနိုင်ငံကို သစ္စာရှိရမယ်” တို့ ၊ “ဒီမြေကို အသက်ပေး ကာကွယ်ရ

မယ်” တို့ ၊ “တိုင်းရင်းသားတွေအချင်းချင်း ချစ်ခင်စည်းလုံး ညီညွတ်ရမယ်” တို့ ဆိုတာတွေဟာ ၊ လက်

တွေ့ဘဝနဲ့ သဟဇာတ ကျရဲ့လား ၊ သင့်မြတ်တော်လျော်ရဲ့လား ။ ဒါမှမဟုတ် “ဟ”နေတဲ့ ချောက်ကမ်း

ပါးကြီးတွေအဖြစ်ပဲ တစ်ဦးနဲ့တစ်ဦးကြား ကန့်လန့်ခံနေစေသလား ။

 

   ဆက်စပ် မေးစရာတွေက -

◊◊ ကိုးကွယ်တဲ့ “ဘာသာ”တစ်ခုထဲ တူနေသူတွေနဲ့ ပေါင်းဖက်ယှက်နွယ်ပြီး ၊ ခေတ်ရေစီး “လူမျိုး

      ဘာသာခြား မုန်းတီးရေး” လမ်းကြောင်းကို ကြိုက်နှစ်သက်ကြပုံရတဲ့ ၊ ကရင် အနွယ်ဝင်တွေရဲ့

      အမြင်တွေဟာ သဘာဝ ကျပါရဲ့လား ။

◊◊ ဘာသာရေး လူမျိုးရေး နိုင်ငံရေး စသည်ဖြင့် ၊ သမိုင်းတစ်လျောက် လူတွေ သောက်သောက်လဲ

      အသေခံခဲ့ ကြရတာကို ၊ မသိကြ သင်္ခန်းစာ မယူနိုင်ကြလို့လား ။

◊◊ သူများအလှည့်ပြီးရင် အခြားလူနည်းစုဝင် တစ်စုဖြစ်တဲ့ ၊ ကိုယ့်အလှည့် ရောက်လာနိုင်တာ မသိ

      ဘူးလား ။

◊◊ ဒါတင်မကပါ ၊ ခုတလော hot ဖြစ်နေတဲ့ မျိုးစောင့်ဥပဒေ ဆိုတာမျိုးဟာ ၊ မြန်မာပြည်တွင်းမှာရှိတဲ့

      ဘာသာ တစ်ခုထဲမကပဲ ၊ လူမျိုးစုတွေ တစ်စုနဲ့တစ်စုလည်း အပြန်အလှန် အစွန်းရောက်ပြီး ၊ တန်

      ပြန်သတ်မှတ် ဥပဒေထုတ်ကြဖို့ရာ လမ်းစဖေါ်ပေးတဲ့ “ငရဲဂိတ်ပေါက်” ဆိုတာကော မမြင်နိုင်ကြ

      ဘူးလား ။ ပြောလို့ကို ကုန်နိုင်စရာ မရှိဘူး ထင်ရသလောက်ပါပဲ ။

   စကားဆိုတာ များရင် မှားတတ်သလို ၊ အရှိန်သတ်ရမယ့် အချိန်တွေလည်း ရှိပါတယ် ။

   အကျိုးမျှော်ပေမယ့် ၊ အကျိုးအပဲ့သာ ဖြစ်သွားတာမျိုးလည်း ရှောင်ချင်ပါတယ် ။

    ဖတ်မိတဲ့ ကရင်ညီအစ်ကို မောင်နှမများလည်း သဘောပေါက်လောက်မယ်လို့ ယူဆပါတယ် ။

၂၁ ၊ ၀၄ ၊ ၂၀၁၄

--------------------------------------------------------------------------------------

 (၃)  ဆင်ခြင်စရာ

   မကြာခင်ကောက်ခံမယ့် သန်းခေါင်စာရင်းဂယက်က အတန်သင့် ရိုက်ခတ်နေတယ် ။

   သူသူကိုယ်ကိုယ် ယုံကြည်ရာကို လုပ်နေကိုင်နေကြရာမှာ ၊ ဘယ်လိုတွေ ဘာတွေ လုပ်သင့်သလဲလို့

ကရင်လူငယ်လေးတွေထဲက သိချင်သူတွေလည်း ရှိမယ် ။

   ပွင့်လင်းမြင်သာမှု ၊ မေးမြန်းတိုင်ပင် ညှိနှိုင်းမှု ၊ ယုံကြည်ရမှုတွေ မရှိတာ ၊ တိကျတဲ့ အကျိုးအပြစ်တွေ

မသိရတာ ၊ အာဏာရှိသူတွေရဲ့ကိုယ်၌က တရားဝင်မှုမှာ မေးခွန်းထုတ်စရာ ဖြစ်နေတာတွေ စသည်ဖြင့်

ထောက်ပြပြောဆိုမှုတွေ ရှိနေကြတယ် ။

   နီးကပ်နေပြီဖြစ်ပြီး ၊ ရှင်းသယောင်နဲ့ ရှုပ်နေတာတစ်ခုကို ပိုရှုပ်အောင် ဆွေးနွေးသလိုမဖြစ်အောင်

ရှောင်ရှားသင့်တယ်ဆိုတာက ၊ ကျနော့်ရဲ့ ခံယူချက်ပါ ။ ဆင်တူယိုးမှား ကိစ္စလေးတစ်ခုကိုပဲ ၊ နမူနာ

အဖြစ်တင်ပြပြီး အတိုချုပ်ချင်ပါတယ် ။

   လက်ရှိ အမြင်သာဆုံး အမှိုက်ပုံကြီးတစ်ခုကတော့ ၊ မြန်မာပြည်ရဲ့ ၂၀၀၈ အခြေခံဥပဒေပါ ။

   ပထမ မေးခွန်းအနေနဲ့ -  "အခြေခံဥပဒေဟာ ပြည်သူကို ကိုယ်စားပြုပါသလား"လို့ ဖြစ်ပါတယ် ။

   ဒုတိယမေးခွန်းက - "အခြေခံဥပဒေ ရေးဆွဲသူတွေကကော ပြည်သူကို ကိုယ်စားပြုပါသလား" ။

    တတိယမေးခွန်းက - "အခြေခံဥပဒေဟာ 'အကျိုး'နဲ့'အပြစ်' နှစ်မျိုးထဲမှာ ၊ ဘာကို အဓိကထား ဆောင်

ယူလာခဲ့သလဲ" ဆိုတာတွေကို မေးကြည့်ရအောင် ။ မေးခွန်းတွေ အတောမသတ် ထုတ်ပြလို့ရပေမယ့် ၊

ဒီလောက်နဲ့ပဲ ရပ်ထားပြီး ဆန်းစစ်ကြည့်မယ်ဆိုရင် ၊ အဖြေတွေက သိပ်မဝေးနိုင်ပါဘူး ။

   ဒီတော့ အခု သန်းခေါင်စာရင်းဟာလည်း ထို့နည်းလည်းကောင်းပါပဲ ။

   ဒါဟာ တစ်ချိန်မဟုတ်တစ်ချိန် ကောက်ခံရမယ့်ကိစ္စဆိုတာ အမှန်ပါပဲ ။

   သို့သော်' အကျိုး'ထက် 'ရှုပ်ထွေးမှုတွေ' ယူဆောင်လာမလား ၊ သင့်တင့်တဲ့အချိန် ဟုတ်လားမဟုတ်

လားကိုတော့ တွက်ဆဖို့လိုပါလိမ့်မယ် ။

   တစ်လက်စထဲ သဘောမတူရင်ကော ၊ လက်မခံနိုင်ရင်ကော ဘာလုပ်လို့ ရမလဲ ။

   လက်တွေ့ကျတဲ့ အဖြေလိုလာပါတယ် ။

   ရိုးရှင်းပြီး လက်တွေ့ကျမယ့်အဖြေကတော့ ၊ အထွေထူး မပြောလိုတော့ပါဘူး ။

   အပေါ်မှာပါတဲ့ ပုံလိုပါပဲလို့ ပြောချင်ပါတယ် ။

၂၅ ၊ ၀၃ ၊ ၂၀၁၄

 --------------------------------------------------------------------------------------------------------------

(၂) ဆင်ခြင်မဲ့ သွေးကွဲဒဏ္ဍာရီ

   ဒဏ္ဍာရီလေးတစ်ပုဒ် ပြောပြချင်တယ် ။

   လွန်ခဲ့တဲ့ ၁၀ နှစ်ကျော်လောက်ကပေါ့ ၊ နိုင်ငံတစ်နိုင်ငံရဲ့ မြို့တော်ကြီးမှာ မွေးရပ်ခွာပြီး အသက်မွေး

ဝမ်းကျောင်းဖို့ ရောက်လာကြတဲ့ ကရင်အမျိုးသားအမျိုးသမီးတွေ စုရုံးတွေ့ဆုံလေ့ရှိတဲ့ ခရစ်ယာန် ဘု

ရားကျောင်းတစ်ကျောင်း ရှိသတဲ့ ။

   ထူးခြားတာကတော့ ဒီလို စုရုံးရောက်ရှိလာခြင်းအားဖြင့် တစ်ယောက်နဲ့တစ်ယောက် သိကျွမ်းခွင့်ရ

သလို ၊ မိတ်ဆွေဟောင်းတွေနဲ့ ဆုံတွေ့နိုင်တာ ၊ သတင်းစကားတွေ ကြားသိနိုင်ကြတာနဲ့ မြန်မာပြည်

က အစားအသောက်တွေပါ ဝယ်ယူဖို့ အခွင့်အလမ်းကြုံကြတာကြောင့် ၊ ကိုယ့်မြို့ကိုယ့်ရွာ မဟုတ်

ကြသော်လည်း နားခိုရာတစ်နေရာအဖြစ် အသုံးပြုနိုင်ကြသတဲ့ ။

   ဒါတင်မကသေးပါဘူး ၊ လူတိုင်းလိုလိုအတွက် အရေးကြီးတဲ့ အလုပ်အကိုင် ရှာဖွေတာ ၊ ပြောင်းရွေ့

တာတွေအတွက်လည်း ဆုံရပ်ကြီးတစ်ခု ဖြစ်ပါသတဲ့ ။ ဒီထက် ထူးခြားတာကတော့ - ခရစ်ယာန်များ

သာမက ဗုဒ္ဓဘာသာများအတွက်ပါ ဘာသာမရွေး အကူညီနဲ့ အရင်းအမြစ်တွေ ရနိုင်ရာ ဖြစ်နေပြန်ပါ

တယ်တဲ့ ။ ပိုပြီးတော့ အားရစရာကတော့ - ကရင်အမျိုးသားတွေ အတွက်ပါမကပဲ ဗမာ ၊ ချင်း ၊ မွန်

တို့လိုကအစ လူမျိုးပေါင်းစုံအတွက် မှီခိုအားထားရာ နေရာကြီးဖြစ်ခဲ့ပါသတဲ့ ။

   ဒီလိုဖြစ်ရခြင်းရဲ့ နောက်ခံအကြောင်းတရား တစ်ခုကတော့ - အဲဒီဘုရားကျောင်းက အမျိုးသမီးတာ

ဝန်ခံဟာ ကရင်အမျိုးသမီးတစ်ဦး ဖြစ်နေလို့ပါပဲ ။ ဒါ့ပြင် ဘုရားကျောင်းရဲ့ အင်္ဂလိပ်ပိုင်း အစီအစဉ်မှာ

တက်ရောက်နေတဲ့ မူရင်းနိုင်ငံသားနဲ့ နိုင်ငံခြားသားတွေရဲ့ ပေါက်ရောက်မှုကြောင့် ၊ လာလာသမျှ

သော မြန်မာပြည်သူပြည်သားတွေအတွက် အတော်တန်လုံခြုံမှုရှိတဲ့ အခြေနေတစ်ရပ်ကိုလည်း ၊ ဖန်

တီးထားပေးသလို ဖြစ်နေခဲ့ပါသတဲ့ ။

   ဒီလိုနဲ့ တစ်ချိန်မှာတော့ …. မုန်တိုင်းကြီး ကျလာ …. အဲ ဘာမုန်တိုင်းမှတော့ မကျခဲ့ပါဘူး ။ ဒါပေမယ့်

အတုယူစရာကောင်းလောက်အောင် စည်းလုံးညီညွတ်ကြတဲ့ တိုင်းရင်းသားမျိုးနွယ်စုတစ်ခုက အဖွဲ့ဝင်

တွေဟာ ၊ တဖြည်းဖြည်း တဖွဲဖွဲ ရောက်လာခဲ့ကြပါတော့တယ် ။ သို့သော် ကရင်နဲ့ ကျန်လူတွေရဲ့ အင်

အားကိုတော့ ဘယ်လိုမှ မမှီနိုင်ခဲ့ပါဘူး ။

   ဒီလိုနဲ့ပဲ အချိန်တန်လာတော့ ၊ အမျိုးသမီးတာဝန်ခံနေရာဟာ သက်တမ်းကုန်ဆုံးပြီမို့ နောက်ထပ်

သက်တမ်းတစ်ခုအတွက် ၊ မဲခွဲပြီး အဆုံးအဖြတ်ပေးဖို့အချိန်ကို ရောက်လာခဲ့ပါတော့တယ် ။ ဒါကို အ

လေးမထားပဲ ကိုယ်စီကိုယ်ဌ ဖြစ်ချင်လုပ်ချင်တာတွေကိုပဲ အာရုံစိုက်နေခဲ့ကြသူတွေကတော့ ကရင်

တွေနဲ့ အပေါင်းအပါ တိုင်းရင်းသားပေါင်းစုံတွေပဲပေါ့ ။ အပေါ်ကဆိုခဲ့တဲ့ တိုင်းရင်းသားအစုကတော့ ၊

သူတို့ရွေးထားတဲ့ ကိုယ်စားလှယ်ကို တစ်လုံးတစ်ခဲထဲ ဝိုင်းထောက်ခံခဲ့ကြသတဲ့ ။ စာရင်းချုပ်တော့

ကရင်အမျိုးသမီးတာဝန်ခံခမျာ လက်ရှိတာဝန်က လွင့်ပါးသွားခဲ့ရပြီး ၊ လူသစ်တန်း တာဝန်ခံတစ်

ယောက် ရောက်ရှိလာခဲ့ပါတော့တယ် ။

   မူလကတည်းက ‘ဘုရားကျောင်းမှာ ကရင်တွေကနေဦးဆောင်ပြီး ၊ စည်းမရှိကမ်းမရှိ နေထိုင်လုပ်

ကိုင်နေကြတယ်’လို့ နောက်ကွယ်လောက်မှာပဲ ပြောခဲ့ရာကနေ ၊ ပိုတင်းကြပ်တဲ့ စည်းမျဉ်းစည်းကမ်း

တွေနဲ့ တရားဝင် ကိုင်တွယ်လာခဲ့ပါသတဲ့ ။ သို့သော် ပိုထိရောက်တဲ့ အကြောင်းရင်းခံအနေနဲ့ - ကရင်

အမျိုးသမီးတာဝန်ခံကြောင့် လာရောက်နေခဲ့ကြတဲ့ ကရင်အပါဝင် လူပေါင်းစုံဟာ တဖြည်းဖြည်းနဲ့

နည်းပါးပျောက်ကွယ်သွားခဲ့ပါတော့တယ် ။

   နောင် ၂ နှစ်အကြာ ကရင်ဘိုးဘိုးကြီးတစ်ယောက် အဲဒီဘုရားကျောင်းကို အလည်ရောက်သွားချိန်

မှာတော့ ၊ ခြေရှုပ်နေခဲ့သူတွေကို လုံးဝမတွေ့ရတော့တဲ့ စည်းကမ်းရှိပြီး သန့်ရှင်းတဲ့ ဘုရားကျောင်း

တစ်ခုအဖြစ် ဂုဏ်ယူစွာ ဆက်လက်ရပ်တည်သွားကြတာကို တွေ့လိုက်ရတော့သတဲ့ ။

   အဆက်အသွယ် ၊ အလုပ်အကိုင် ၊ အကူအညီတွေရတဲ့ စုရုံးရာအရပ်နဲ့ မထိုက်တန်တဲ့ ကရင်တွေ

(နဲ့ သူတို့ရဲ့ အပေါင်းအပါတွေ) ကတော့ - ကျဉ်းကြပ်ပြီး လုံခြုံမှုမရှိတဲ့အပြင် ၊ ဘာသာရေးဖက်ကို ပို

အာရုံစိုက်တဲ့ အခြားအခြားသော ဆုံမှတ်နေရာတွေမှာပဲ ၊ တကွဲတပြားနဲ့ အံကြိတ်ပြီး ကျင်လည်လှုပ်

ရှားကြရတော့သတဲ့ ။ သူတို့ တစ်ချိန်က ပျော်ပျော်ရွှင်ရွှင် အတူဆုံရာနေရာလေးမျိုးကို ၊ ဘယ်တော့မှ

တစ်ခေါက်ပြန်ပြီးတော့ မရကြတော့ပါဘူးတဲ့ ။

   ဒဏ္ဍာရီလေး တစ်ပုဒ်သာပါ ။

   ကံမကောင်းအကြောင်းမလှစွာပဲ ၊ အချို့သောသူတွေမှာ ကိုယ်တိုင် ကြုံတွေ့ ဖြတ်သန်းခဲ့ကြရတယ် ။

   ဆင်ခြင်မှု နည်းပါးတာနဲ့ အစေးမကပ် အစည်းပြေနေတဲ့ စိတ်ဓါတ်လေးတွေအတွက် သင်္ခန်းစာပေါ့ ။

   ဒါပေမယ့် ၊ “ဆင်ခြင် သင်္ခန်းစာ ယူနိုင်ကြပြီလား”လို့ မေးရင်တော့ ……..… ။

၁၅ ၊ ၀၂ ၊ ၁၂၀၁၄
--------------------------------------------------------------------------------------------------------

(၁) ဂီတနဲ့ ယဉ်ကျေးမှု

 ၁၄ ၊ ၀၂ ၊ ၂၀၁၄ - သောကြာနေ့ ....

   ဒီမနက်ခင်း ကလေးကျောင်းပို့ရင်းနဲ့ မိတ်ဆွေတစ်ယောက် ထားခဲ့တဲ့ ၊ ခေတ်ပေါ် ကရင်သီချင်းခွေလေး
တစ်ခွေ နားထောင်ဖြစ်တယ် ။

    သာမန်အားဖြင့် ကရင်အဆိုတော်တွေရဲ့ခွေတွေကို နားမထောင်ဖြစ်ပါ ။
    ခုနားထောင်မိတဲ့ခွေကို အမှီပြုပြီး မှတ်ချက်ပေးရရင် - ကရင်အနုပညာသည်တွေဟာ အရည်အသွေး
အတိုင်းတာတစ်ခုရှိတဲ့ ၊ အနုပညာ ဖျော်ဖြေမှုတွေကို ဖန်တီး ဖေါ်ထုတ်နိုင်ကြတယ်လို့ ပြောနိုင်ပါတယ် ။
ဝမ်းသာ မုဒိတာ ပွားစရာပါ ။

    ထုံးစံအတိုင်း စိတ်ကူးတစ်ခု ပေါ်လာတယ် ။
    ဒီလို အဆိုတော်တွေရဲ့ အခွေတစ်ခွေလုံးမှာ ၊ ကရင့်ယဉ်ကျေးမှုကို ဖေါ်ကျုးပြနိုင်မယ့် သီချင်းလေး
တစ်ပုဒ်စီလောက် ၊ ကြိုးစားဖန်တီး ထည့်ပေးနိုင်ကြရင် မကောင်းဘူးလား လို့ပါ ။

    စောင်း ၊ ဗုံ/ဘင် ၊ ကျွဲချို ၊ နှဲနဲ့ တွဲဆက်ပုလွေ တွေကစလို့ ရွေးချယ်စရာတွေ အများကြီး ရှိပါတယ် ။
    တတ်လည်းတတ်နိုင် ဆန္ဒလည်းရှိမယ်ဆိုရင် Remix လုပ်မလား ၊ Raggae အဖြစ် ဖန်တီးမလား ၊
Rap ထဲ ရောထည့် ဖန်တီးမလား ရွေးစရာ Idea နဲ့ Option တွေ အများကြီး ရှိပါတယ် ။

    လုပ်ဖို့ ၊ ကြိုးစားဖန်တီးကြဖို့ ဖိတ်ခေါ်ပါတယ် ၊ အားပေးပါတယ် ။
    ကျနော့်ကြောင့် အပြစ်ပြော အပုတ်ချခံရရင် ၊ ရှေ့ဆုံးကနေ ခေါင်းထိုးခံ ရင်ဆိုင်ပေးပါ့မယ် ။

    နောက်တစ်ဆင့် ဆင့်ပြောရရင် - အဖွဲ့အစည်းနဲ့ လူကြီးသူမတွေရဲ့ ဆုပေးဆွဲဆောင်တာတွေ လုပ်ကြ
ဖို့ပါ ။
    ကရင်တွေမွဲတာ ၊ တလွဲဆံပင်ကောင်းတာ သိပါတယ် ။
    ဒါပေမယ့် ကိုယ့်ဝတ္တရား ကိုယ်ကျေကြဖို့ တိုက်တွန်းချင်ပါတယ် ။

(ကျနော့်အနေနဲ့ မျိုးချစ်တစ်ယောက်အနေနဲ့ ပြောနေတာတော့ မဟုတ်ပါဘူး ၊
ဘေးအမြင်နဲ့ ထောက်ပြပေးရုံသာပါ) ။
~~~~~~~~~~~~~~~~~~~~~~~~

**  စီးပွားကြော်ငြာမှာ တွန်းအား (push factor) နဲ့ ဆွဲအား (pull factor) ဆိုပြီး ရှိကြတယ် ။ ဒါကို သိပြီး ၊
စနစ်တကျ အသုံးပြုနိုင်ရင် ၊ ပြိုင်ဖက်တွေအပေါ် အသာရတတ်ပါတယ် ။ လူကြီးသူမနဲ့ ခေါင်းဆောင်
လုပ်သူတွေအနေနဲ့ တီးမိခေါက်မိ ရှိသင့်တယ်လို့ ထင်ပါတယ် ။

    စီးပွားရေး သဘောတရားတွေဟာ လက်တွေ့ဘဝတွေနဲ့ ယှက်နွယ် ဖြစ်တည်နေတတ်တာကို ၊ တာဝန်
နဲ့ ဝတ္တရားရှိသူတွေ သိစေချင်တာပါ ။

    သိသူတွေ ဖေါ်စားသွားပြီး ၊ ကိုယ့်ကျမှ ထော်လော်ကန့်လန့်ကြီး ကျန်ရစ်နေရင် ၊ သူတစ်ပါးတွေကို
အပြစ်တင်ရ ခက်တတ်ပါတယ် ။

    မသိတာမျိုးကိုဆို အပြစ်မမြင်ပါ ။
    သိပြီး အကောင်ထည် မဖေါ်တာဆိုရင်တော့ ၊ ဘေးကနေ မချင့်မရဲ ဖြစ်မိမှာ အမှန်ပါ ။

Han Kyi, Sai Thant Synn, Blossom Taw and 9 others like this.

   (အောက်မှာကတော့ ရှမ်းတိုင်းရင်းသား မိတ်ဆွေတစ်ယောက်ရဲ့ မှတ်ချက်လေးပါ) ။

• 

  စိုင်း ခမ်း ထွန်း - ဘိုဖြူကတော့ သူ့စီးရီးတိုင်းမှာ အဲလို လုပ်လေ့ရှိတယ်လို့ ပြောတယ်ဗျ။ မိဘမေတ္တာဖွဲ့ သီးချင်းတစ်ပုဒ်ရယ်၊ ကိုယ့်ရိုးရာအတွက် သီချင်းတစ်ပုဒ်ရယ် ထည့်လေ့ရှိတယ်တဲ့။

  12 hours ago · Unlike · 3

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~