နိုင်ငံရေး ကကြီးခခွေး (၁)

  နိုင်ငံရေးဆိုတဲ့ စကားလုံးကို ကြားမိကြရင်ဖြင့်၊ လူအတော်များများကနေ နားလည်တယ်လို့ ယူဆမိ

နိုင်ပါတယ်။ နိုင်ငံရေးဟာ ကမ္ဘာတစ်ဝှမ်းမှာ လေ့လာနေတဲ့ ဘာသာရပ်တစ်ခုလည်း ဖြစ်တာကြောင့်၊

ကိုယ်သိထားပြီးသားတွေနဲ့ ဘာသာရပ်ဆိုင်ရာ ပညာရှင်တွေကိုယ်တိုင် ဒီဘာသာရပ်အပေါ် နားလည်

နိုင်အောင် ကြိုးပမ်းချက်တွေနဲ့ စုစည်းတင်ပြမှုတွေကို တိုက်ဆိုင်ကြည့်ကြရအောင်ပါ။

□  နေ့စဉ်ဘဝထဲက နိုင်ငံရေး

  ပထမဆုံး မေးစရာကတော့ “နိုင်ငံရေး လေ့လာသင်ယူခြင်းဟာ သင့်တင့်လျောက်ပတ်တဲ့ အမှုကိစ္စ

တစ်ခုလား” ပါပဲ ။

  ရုပ်မြင်သံကြား သတင်းတွေကို ကြည့်ရှုသူတိုင်းကနေ ဒီမိုကရေစီ စနစ်နဲ့ပတ်သက်ပြီး၊ ထိရောက်မှု

ညီမျှမှုနဲ့ ကြာရှည်ခံမှုတွေမှာ ကွဲပြားကြတာကို သတိထားမိနိုင်ပါတယ်။ ငြိမ်းချမ်းပြီး သာတူညီမျှမှုကို

ရှေ့ရှုတဲ့ ဆွစ်ဇာလန်နဲ့ ဆွီဒင်လို နိုင်ငံတွေကနေ စပြီး၊ အငြင်းပွားဖွယ်ရာ အမေရိကန်ရဲ့ အခြေနေမျိုး၊

အဲဒီကနေမှ ကွဲရှလွယ်တဲ့ အရှေ့ဥရောပနဲ့ တောင်အမေရိကက ဒီမိုကရေစီစနစ် စတင်ကျင့်သုံးစ နိုင်

ငံတွေကို တွေ့နိုင်တယ်။ အာကာသထဲကို ပထမဦးဆုံး ဂြိုလ်တုလွှတ်တင်နိုင်ခဲ့ပြီး ကမ္ဘာတစ်ခြမ်း

လောက် လွမ်းမိုးထားခဲ့တဲ့ ဆိုဗီယက်နိုင်ငံဟာဆိုရင်၊ လူနည်းနည်းလောက်ကပဲ ကြိုမြင်နိုင်ခဲ့တဲ့ အင်

အားစုတွေကြောင့် ပြိုကွဲခဲ့ရပြီး၊ ခုဆိုရင် အာဏာရှင်စနစ်တောင် ထွန်းကားလာနေခဲ့ပါပြီ။ ဒီအဖြစ်

ပျက်တွေဟာ ထိန်းချုပ်လို့ မရနိုင်ဘူး၊ သာမန်ပြည်သူတွေကနေ နားမလည်နိုင်ဘူးဆိုတဲ့ ယူဆချက်

မျိုးတွေဟာလည်း ငြင်းပယ်ဖို့ အတော်ခက်ပါတယ်။

  ဘယ်လိုပဲ ဖြစ်စေ၊ သာမန်ပြည်သူတွေဟာ ပြိုကွဲဖို့ မဖြစ်နိုင်ဘူးလို့ ထင်မြင်ခဲ့ရတဲ့ အစိုးရတွေကို

ဖြုတ်ချနိုင်ခဲ့ကြပြီး၊ နိုင်ငံရေးစိတ်ကူးတွေအတွက်လည်း အသက်စွန့်ခဲ့ကြတယ်။ ယူကရိန်းက လိမ္မော်

ရောင် တော်လှန်ရေးနဲ့ ဆားဗီးယားက အမျိုးသားလက္ခဏာ အကြောင်းပြချက်အပေါ် အခြေခံပြီး လူ

မျိုးတုန်း သတ်ဖြတ်မှု လုပ်ခဲ့တဲ့အဖြစ်တွေဟာ ထင်ရှားတဲ့ သာဓကအချို့ ဖြစ်တယ်။ သို့သော် အဲ

သည်လို သာမန်ပြည်သူတွေရဲ့ လုပ်နိုင်စွမ်းတွေကိုပဲကြည့်ပြီး၊ နိုင်ငံရေးနဲ့ပတ်သက်တဲ့ အသင်းအပင်း

အဖွဲ့စည်း (political institutions) တွေရဲ့ သဘောသဘာဝနဲ့ အဲဒါတွေနဲ့ပတ်သက်လို့ ဘယ်လိုလုပ်

ရမလဲ ဆိုတာတွေကို လစ်လျူရှုမယ်ဆိုရင်လည်း မှားသွားပါလိမ့်မယ်။

  ဒီလို အဝေးက ကြီးမားတဲ့ နိုင်ငံရေးအပြောင်းလဲနဲ့ အဖြစ်ပျက်တွေကို အသာထားပြီး ကိုယ့်တွေရဲ့

ဘဝနဲ့ ဒါတွေကို သက်ရောက်မှုရှိတဲ့ အနီးအနားက နိုင်ငံရေးကိစ္စတွေဟာလည်း လေ့လာဆန်းစစ်

ထိုက်တာတွေ ဖြစ်ပါတယ် ။

  ဆိုကြပါစို့၊ ခင်ဗျားဟာ တက္ကသိုလ်တက်ဖို့ စောင့်ဆိုင်းရင်း ပက်ပ်စီကိုလာ (Pepsi Cola) စက်ရုံမှာ

အလုပ်လုပ်နေသူ လူငယ်တစ်ယောက်အဖြစ်နဲ့ နမူနာကြည့်ရအောင်။ ခင်ဗျားဟာ အိပ်ယာကနေ အ

စိုးရပိုင် (သို့မဟုတ်) အစိုးရက လိုင်စင်ချထားပေးတဲ့ ရေဒီယိုသံနဲ့အတူ နိုးထလာမယ်။ မကြာခင် အိမ်

ရှေ့ရုပ်မြင်သံကြားထဲက အစိုးရ ထောက်ပံ့မှုယူထားတဲ့ မိုးလေဝသဌာနရဲ့ ရာသီဥတု ခန့်မှန်းချက်ကို

လှမ်းကြားရမယ်။ မနက်ရေချိုးဖို့ရာ နယ်မြေခံအစိုးရရဲ့ စီမံခန့်ခွဲမှုအောက်မှာရှိတဲ့ ရေပေးဝေရေးဌာန

ကလာတဲ့ရေကို သုံးရပြန်တယ်။ ပြီး မနက်စာ ပဲပြုတ်နံပြားစားတော့ အရည်သွေး သတ်မှတ်ချက် ဥ

ပဒေနဲ့အညီ ထုတ်လုပ်ထားတဲ့ ဆီကို ဆမ်းစားပါလိမ့်မယ်။ အဲဒီကနေ မြို့ထဲသွားဖို့ ထွက်လာရင်း ခံ

တွင်းချဉ်လာတော့၊ စည်းမျဉ်းဥပဒေအရ ကျန်းမာရေးအတွက် အန္တရယ်ရှိကြောင်း စာတန်းပါတဲ့ ဆေး

လိပ်ဗူးကို ဝယ်လိုက်တယ်။ မြို့ထဲမှာ တနေကုန်နေရင်း ဆာလောင်လာတာမို့ ပြည်ပကနေ မကြာ

ခင်ကမှ ရင်းနှီးမြုပ်နှံမှု လာလုပ်တဲ့၊ မက်ဒေါ်နယ် (Mc Donald) ကြက်ကြော်ဆိုင်မှာ ဝင်စားလိုက်

မိပြန်တယ်။

  အခြားတစ်ဖက်ကို ကြည့်ပြန်ရင် - ခင်ဗျားတက်မယ့် တက္ကသိုလ်မှာ လူဘယ်နှစ်ယောက် လက်ခံ

သင်ကြားပေးနိုင်မလဲ ဆိုတဲ့ကိစ္စမှာ အစိုးရရဲ့ အခန်းကဏ္ဍ ပါလာရသလို၊ တက္ကသိုလ်တက်ဖို့ စားရိတ်

စကတွေ အတွက်လည်း အစိုးရချေးငွေနဲ့ တက်ရမလား၊ မဟုတ်ရင်လည်း အစိုးရထောက်ပံ့ထားတဲ့

အဲဒီ တက္ကသိုလ်ကျောင်းကနေပေးတဲ့ ပညာသင်ဆုကို ရနိုင်မလားဆိုတာတွေ ရှိလာပြန်တယ်။ တစ်

ခါ ခင်ဗျားဘွဲ့ရပြီးရင် အလုပ်တစ်ခု ရလာနိုင်ဖို့ဟာလည်း အစိုးရရဲ့ စီမံခန့်ခွဲမှုတွေအပေါ် တည်မှီနေ

သလို၊ ခုနက ပက်ပ်စီကိုလာတို့ မက်ဒေါ်နယ်တို့လို ကုပ္မဏီတွေကနေ ဒီနိုင်ငံအတွင်းမှာ ရင်းနှီးမြုပ်

နှံမှုတွေ လာလုပ်နိုင်ဖို့ရာ စည်းမျဉ်းဥပဒေတွေဟာ အစိုးရနဲ့ ပတ်သက်နေပြန်ပါတယ်။ ဒါတွေဟာ

ပြည်သူနဲ့ အစိုးရစပ်ကြား အကြောင်းတွေကို စူးစိုက်ထုတ်နှုတ် ပြထားတာပါ။

  တစ်ခါ ဆိုကြပါစို့၊ ခင်ဗျားဟာ အိမ်ပြန်ရောက်လို့ ထ္မင်းစားအပြီးမှာ၊ ဘာမှ မဆေးမကြောပဲ ထသွား

တာကို ခင်ဗျားအဖေက မြင်သွားပြီး၊ ထ္မင်းဝိုင်းကို သိမ်းဆည်းဖို့နဲ့ ကိုယ့်ပန်းကန်ကိုယ်ဆေးဖို့ လှမ်း

ပြောလိုက်ပါပြီတဲ့။ ဒါဟာ နိုင်ငံရေး အခြေနေတစ်ခု ဖြစ်လာပါပြီ။ မိသားစုအတွင်းမှာ မိဘတွေဟာ

သားသမီးတွေအပေါ် တရားဝင် သုံးစွဲပိုင်ခွင့်ရှိတယ်လို့ ယူဆရတဲ့ အမိန့်အာဏာ (authority) နဲ့

သက်ဆိုင်လာတယ်လို့ ပြောနိုင်ပါလိမ့်မယ်။ ဒီနေရာမှာ ခင်ဗျားကနေ ကိုယ်ဟာ ကလေးတစ်

ယောက် မဟုတ်တော့လို့ အာဏာသုံးပြီး အမိန့်ပေးခိုင်းစေတာကို လက်မခံချင်သလို၊ အဖေလုပ်

သူကလည်း အိမ်ကလူတိုင်းဟာ ကိုယ့်တာဝန်ကိုယ်စီ ယူသင့်ကြတယ်ဆိုပြီး စိတ်သဘောရှိနေပါ

လိမ့်မယ်။ ဒီ သြဇာအာဏာ ပဋိပက္ခမှာ တစ်ဖက်ထဲကသာ အသာစီးရ အောင်နိုင်ပါလိမ့်မယ်။

  ဒီလိုပဲ ခင်ဗျားဟာ မြို့ထဲမှာ ကြက်ကြော်ဆိုင်ထဲ ဝင်စားရင်းနဲ့ ဘာတွေ့နိုင်သလဲဆိုတော့ - အဲဒီ

ဆိုင်မှာ မန်နေဂျာလုပ်သူက ခွင့်ယူထားတဲ့အတွက် အစားထိုးဝင်လုပ်နေတဲ့ သူ့လက်ထောက်က

နေ သူဘယ်လို ပိုတော်ပိုကောင်းကြောင်း သူ့အလုပ်ရှင်ကို လက်စွမ်းပြနေတာ မြင်ကောင်း မြင်ရ

ပါလိမ့်မယ်။ ဒါဟာ လုပ်ငန်းခွင် နိုင်ငံရေးပါပဲ။ အာဏာအတွက် လူနှစ်ယောက်ကနေ ပြိုင်ဆိုင်နေ

ကြတာပဲ ဖြစ်ပါတယ်။

  ဒါတွေကိုကြည့်ရင် နိုင်ငံရေးဟာ လူတိုင်းအပေါ် အနည်းဆုံး နှစ်မျိုးနှစ်စား သက်ရောက်မှုရှိတာ

တွေ့ရပါမယ်။ ပထမတစ်မျိုးက - အဘိဓါန်တွေထဲက ကျဉ်းမြောင်းတဲ့ အဓိပ္ပါယ် ပြန်ဆိုထားသလို

အစိုးရနဲ့ပတ်သက်တဲ့ လုပ်ဆောင်ချက်တွေ ဖြစ်ပြီး လူတွေကို နေ့တိုင်း အချိန်နာရီတိုင်းမှာ နက်နက်

ရှိုင်းရှိုင်း သက်ရောက်မှုတွေ ရှိပါတယ်။

  နောက်ထပ် ကျယ်ပြန်တဲ့ တစ်မျိုးကတော့ - လူတွေဟာ အခြားသူတွေအပေါ်မှာ သြဇာအာဏာ

(power) ကို အသုံးချနေကြပါတယ်။ ဒါဟာ လူမှုရေး ဆက်နွယ်မှု၊ ဆွေမျိုး တော်စပ်မှု၊ အလုပ်ကိုင်၊

ဘာသာရေးနဲ့ ယဉ်ကျေးမှုတွေရဲ အစိတ်ပိုင်းတစ်ရပ်လည်း ဖြစ်ပါတယ်။

  နောက်အမြင်တစ်ခုကနေ ဆက်ကြည့်ရအောင်။

  တကယ်တော့ နိုင်ငံရေးဆိုတာ စိတ်လှုပ်ရှားစရာ ကောင်းပါတယ်။ ဘာကြောင့်လဲဆိုတော့ လူတွေ

ဟာ တစ်ယောက်နဲ့တစ်ယောက် သဘောထား မတိုက်ဆိုင်နိုင်ကြလို့ပါပဲ။ လူတွေဟာ သူတို့ ဘယ်

လိုနေရမလဲ၊ ဘယ်သူ ဘာရသင့်သလဲ၊ အာဏာနဲ့ သယံဇာတတွေကို ဘယ်လို ခွဲဝေရမလဲ၊ လူ့အ

သိုင်းဝိုင်းကြီးဟာ စုစည်းမှု သို့မဟုတ် မတူကွဲပြား တစ်သီးတစ်ခြားစီ ဖြစ်မှုတွေအပေါ် အခြေခံသင့်

သလား စသည်ဖြင့်ပေ့ါ။ ဒါ့ပြင် အဲဒီကိစ္စတွေကို ဘယ်လိုဖြေရှင်းသင့်သလဲ၊ စုပေါင်း ဆုံးဖြတ်ချက်

တွေ ဘယ်လိုချသင့်သလဲ၊ ဘယ်သူတွေက ပြောဆိုခွင့်ရှိသင့်သလဲ၊ လူတစ်ဦးစီကနေ အခြားလူတွေ

အပေါ် သြဇာသက်ရောက်မှု ဘယ်လောက်ထိ ရှိသင့်သလဲ၊ စတာတွေကိုလည်း သဘောမတူကြပြန်

ဘူး။

  ဒီလို လူသားတွေကနေ သူတို့ကိုယ်ပိုင်ဘဝတွေကို မြှင့်တင်ဖို့နဲ့ ကောင်းမွန်တဲ့ လူမှုအသိုင်းဝိုင်း ဖန်

တီးဖို့ရာ ကြိုးပမ်းကြတဲ့ ဖြစ်စဉ်တစ်ခု ဖြစ်တာကြောင့်လည်း၊ ဒီ'နိုင်ငံရေး'ဆိုတာကို ရှေးဦး အတွေး

ခေါ်ပညာရှင် တစ်ဦးဖြစ်တဲ့ အရစ္စတိုတယ် (Aristotle) ကနေ ပင်မသိပ္ပံပညာ (master science)

ရယ်လို့ အမည်သညာ ပေးခဲ့ပါတယ်။

  ခြုံငုံပြီး ဆိုရမယ်ဆိုရင်၊ နိုင်ငံရေးဟာ “လူမှုရေးအမှုကိစ္စတစ်ခု” (a social activity)ပဲ ဖြစ်ပါတယ်။

အဲဒီဖြစ်စဉ်ဟာ အမြဲတမ်း အပြန်သလှန်သဘောတရား ပါရှိပြီး၊ ဘယ်တော့မှ တစ်ဦးတစ်ဖက်ထဲ

တစ်လမ်းမောင်း သွားနေတာမျိုး မဟုတ်ပါဘူး။ ပုံပမာ ပြောရရင်၊ လူတစ်ယောက်ဟာ အထီးကျန်

နေထိုင်စဉ်မှာ သူအလိုရှိရာကို စိတ်ကြိုက်ရွေးချယ် ထုတ်လုပ် လုပ်ကိုင်နိုင်ပါတယ်။ ဒါပေမယ့် နိုင်ငံ

ရေးဖြစ်စဉ်မှာ ပါဝင်ဖို့ မဖြစ်နိုင်ပါဘူး။ နောက်ထပ် လူသားတစ်ယောက် ဝင်လာမှသာလျှင် ကူးလူး

ဆက်ဆံမှုတစ်ရပ် ပေါ်ပေါက်လာပြီး နိုင်ငံရေးဆိုတာ ဖြစ်ပေါ်လာနိုင်ပါတယ်။

  တစ်ခါ၊ နိုင်ငံရေးရဲ့ လူတွေတစ်ဦးနဲ့တစ်ဦး ‘သဘောကွဲပြားခြင်း’ဆိုတဲ့ အခြေခံအကျဆုံး သဘာဝ

ဟာ ဒီဘာသာရပ်အတွင်းမှာရော ဒီဘာသာရပ်ကို ဘယ်လို လေ့လာရမယ် ဆိုတဲ့အထိပါ သက်ရောက်

မှု ရှိပါတယ်။ လူတွေရဲ့ ဘယ်'လူမှုဆက်ဆံရေး' တွေကတော့ဖြင့် နိုင်ငံရေးနဲ့ပတ်သက်တယ် ဆိုတာ

သာမက၊ နိုင်ငံရေး ဖြစ်စဉ်တွေကို ဘယ်လိုပုံ ဘယ်လိုနည်းနဲ့ အကောင်းဆုံး လေ့လာသုံးသပ် ရှင်းပြ

လို့ရမလဲ ဆိုတာတွေအထိ သဘောမတူနိုင်ကြတာကို မြင်ရမှာပါ။

- Man is by nature a political animal. (Aristotle)

- လူသည် သဘာဝအားဖြင့် နိုင်ငံရေး သတ္တဝါတစ်ကောင် ဖြစ်သည်။ (အရစ္စတိုတယ်)

မန်းကိုကို

၁၀ ၊ ၀၃ ၊ ၂၀၁၃

Heywood A 2007, Politics, 3^rd edn, Palgrave Foundations, New York.

Tansey S & Jackson N 2008, Politics: The Basic, 4^th edn, Routledge, New York.