ရာဇဝင်ရိုင်းသွားတဲ့ ရင်နှစ်ပန်း

   ရေးသင့်ချင်မှ ရေးသင့်မှာမို့ ချီတုံချတုံ ဖြစ်နေခဲပြီးမှ နောက်ဆုံးမှာ ချရေးဦးမှပါပဲလေလို့ ဆုံး

ဖြတ်လိုက်တယ် ။ ဒီအတွေးဆီကို တွန်းပို့ခဲ့တာကတော့ ကချင်ဒေသက သတင်းတစ်ခုကြောင့်

ပါ ။ ၈၈ ကျောင်းသားခေါင်းဆောင် ကိုမြအေးတို့အဖွဲ့ ကချင်ပြည်နယ်ကအပြန် သုံ့ပန်းစစ်သား

အယောက် ၃၀ ကို ပြန်ခေါ်လာဖို့ ကြိုးစားခဲ့ရာမှာ အာဏာပိုင်တွေက ရဲတပ်ဖွဲ့ဝင် ၃၀ ဆိုပြီး

သုံးစွဲပြောဆိုခဲ့တဲ့ ကိစ္စပါပဲ ။

   သတင်း နားထောင်သူတွေအတွက်တော့ ထူးပေမယ့် မဆန်းတော့တာ လက်ခံကြမှာပါ ။ အာ

ဏာပိုင် (သို့) တာဝန်ရှိသူတွေအနေနဲ့ လက်တွေ့ဘဝ အမှန်ကို လက်ခံနိုင်ဖို့ မဆင်သင့် မဖြစ်

သေးတာလား ၊ သို့တည်းမဟုတ် သိက္ခာမကျရလေအောင် ထမင်းရည်ပူ လျှာလွှဲလေသလား ။

သည်လူ အယောက် ၃၀ ကို ကေအိုင်အေက လမ်းဘေးက ပေါ်တာဆွဲလာခဲ့တာ မဟုတ်ပါ ။

အာဏာပိုင်များပြောကြတဲ့ နိုင်ငံတော်အတွက် (မဟုတ်ရင်လည်း) အဖွဲ့စည်းအတွက် ၊ ဒါမှမ

ဟုတ်ရင်တောင် ပေးတဲ့အမိန့်ကို နာခံခဲ့ကြရင်း အသက်အန္တရယ် နီးနီးကပ်ကပ် ကြုံတွေ့ခဲ့ရတဲ့

စစ်သည်တွေ ဖြစ်ပါတယ် ။

   ဆန့်ကျင်ဖက်အနေနဲ့ - သူပုန်တွေကို ဘယ်လို ဖမ်းဆီးရမိခဲ့ဖူးပါတယ်လို့ တစ်ခါဘူးမှ ပွင့်လင်း

မြင်သာ မကြေငြာခဲ့တဲ့ ၊ အစိုးရနာမည်ခံထားတဲ့ ပြည်မအာဏာပိုင်တွေနဲ့စာရင် ၊ ဖမ်းမိသူတွေ

ကို ပြန်လွှတ်ပေးဖို့ လုပ်ခဲ့တဲ့ ကေအိုင်အေကို ဘယ်လို နှိုင်းယှဉ်ပြောရမှန်းတောင် ခပ်ခက်ခက် ။

ဒီလို အစိုးရဖက်က ရိုးရိုးသားသား လက်ကမ်းကြိုဆိုမှု မရှိတာကို တွေ့ရတဲ့အခါ ကိုယ့်အတွေ့

ကြုံတစ်ခုနဲ့ နှိုင်းယှဉ် တင်ပြချင်စိတ် နိုးကြွလာတယ် ။

   သက္ကရာဇ် ၂၀၀၀ ခုနှစ် အကျော်ကာလတွေတုန်းကပါ ။

   ပြည်မစစ်တပ်ထဲ ဗိုလ်အဆင့်ရှိတဲ့ ကျနော့်အမျိုးသမီးရဲ့ တူကလေးဟာ တာဝန်ထမ်းဆောင်

ချိန်မှာပဲ KNU တွေရဲ့ ဖမ်းဆီးသွားတာ ခံခဲ့ရပါတယ် ။ ရက်ကနေ လ ၊ လကနေ နှစ်တွေ ကြာခဲ့

ပေမယ့် ၊ ဇာတ်လမ်းမျိုးစုံ တစ်ခုပြီးတစ်ခု ကြားခဲ့ရပြီး သက်ရှိထင်ရှား ရှိနေတုန်းလို့ မျှော်လင့်

ချက်တွေနဲ့ သူ့မိဘဖက်ကရော ကျနော့်ဖက်ကပါ စုံစမ်းနေခဲ့ ကြပါတယ် ။ ခုတော့ ငြိမ်းချမ်း

ရေး လက်မှတ်လည်း ထိုးပြီးခဲ့လို့လားတော့ မပြောတတ်ပါ ၊ ယုံကြည်ရလောက်တဲ့ ဇာတ်လမ်း

တစ်ခုအရ ၊ သူမရှိတော့ပြီဆိုပြီး နိတံခဲ့ရပါပြီ ။

   စစ်ထဲဝင်ရင် အသက်ဆုံးနိုင်တာ သဘာဝပါ ။ ပြီးရင် ပြည်တွင်းမှာ တိုက်သင့်တဲ့စစ်တွေ တိုက်

နေတယ်လို့လည်း မယုံကြည် မယူဆပါ ။ ဒါကို ကိုယ့်အလှည့်ကျမှ တူအတွက် ကဲကဲပိုပြီး လာ

နာပြနေတယ်လို့ ထင်စရာ ရှိနိုင်ပါတယ် ။ မဟုတ်ပါ ၊ စိတ်ထဲ မကောင်းဖြစ်မိတာ မှန်ပေမယ့် ၊

ကျနော်သိထားတဲ့ မဖြစ်သင့် မနစ်နာ သင့်တာတွေ တိတိပပ ရှိနေတယ်ဆိုတာကို သက်သေ

ပြချင်တာပါ ။ ရပ်တန်းက ရပ်သင့်တဲ့ ငရဲစက်ဝန်းတွေကို မြင်လာသူ များလာပါမှ ၊ ရပ်စေချင်သူ

များလာပါမှ ရပ်ကောင်း ရပ်နိုင်မှာမို့ပါ ။

   ကျနော့်တူဟာ ပညာရေးအားနည်းပြီး စည်းကမ်းသေဝပ်မှု နည်းပါးတဲ့ သူတို့ရဲ့ ပတ်ဝန်းကျင်

အသိုင်းဝိုင်းကနေ ကင်းဝေးပါစေတော့ဆိုပြီး ၊ သူ့မိဘတွေက သူတို့ ဥာဏ်မီသမျှထဲ အကောင်း

ဆုံးဖြစ်မယ်လို့ ယူဆတဲ့ ဗိုလ်သင်တန်း တက်စေဖို့ကို ရွေးချယ်ပေးခဲ့ကြပါတယ် ။ သင်တန်းကာ

လ ၄ နှစ်အတွင်း အသုံးစားရိတ်အတွက် သိန်း ၂၀ လောက် အိတ်စိုက်ခဲ့ရပြီး တာဝန် ထမ်း

ဆောင်ပြန်တော့လည်း တစ်လကို ကျပ်ငွေ ၆ သောင်းလောက် ပုံမှန် ပို့ပေးနေခဲ့ရတာဟာ သူ့ရဲ့

နောက်ဆုံး အချိန်အထိပါပဲ ။

   သူတာဝန်ထမ်းဆဲ ကာလမှာတော့ သူ့ဆီ ရောက်မရောက် မသေချာပေမယ့် ၊ ကျနော်က “လူ

ကို လူလို့တော့ မြင်ပါကွာ” ဆိုတဲ့ စကားတစ်ခွန်းတော့ ပါးဖြစ်ခဲ့ပါတယ် ။ သူ့ဖက်ကတော့ စစ်

ဗိုလ်လုပ်ရတာ မပျော်ပဲ “ဦးကျော်နောက် လိုက်ချင်တယ်” (ကျနော့်ဆီ လာချင်တယ်လို့) လို့သာ

တဆင့်စကား ပြန်ကြားခဲ့ရပါတယ် ။ ကျနော့်အနေနဲ့ သူ့ကို အောင်မြင်အောင် ကူညီဖို့ မတတ်

နိုင်ဘူးလို့ ယူဆမိတာရယ် ၊ အရင်ကလည်း ကျနော့်ကြောင့် တပ်ပြေးဖြစ်ခဲ့ရသူကို ကူညီဖို့ရာ အ

ပြည့်ဝ တာဝန်မကြေ ပေးနိုင်ခဲ့တာကြောင့် သူ့စကားကို အလေးနက် သိပ်မထားမိခဲ့ပါဘူး ။ ခုနေ

မှသာ “သြော် … သူ တပ်ပြေးဖြစ်ရင်တောင် အနည်းဆုံးတော့ အသက်ရှင်နေရဦးမယ်” လို့ စိတ်

ထဲ မကောင်းဖြစ်မိပါတယ် ။ ဒါပေမယ့် လွန်ခဲ့ပြီဆိုတော့လည်း ခုလို စာနဲ့ပဲ မှတ်တမ်းတင်နိုင်ပါ

တော့တယ် ။

   လိုရင်းကို ဆက်ပြောရရင် နောက်ဆုံး ကြားသိရသမျှကတော့ - ကျနော့်တူလေးဟာ အဖမ်း

ခံရပြီး ရှေ့တန်း KNU ကင်းစခန်း တစ်ခုမှာ ရှိနေခဲ့တယ်လို့ ဆိုပါတယ် ။ သူပျောက်လို့ တော

နင်းရှာတဲ့ စစ်တပ်ကနေ အဲသည်စခန်းကို တွေ့သွားပြီး တိုက်ပွဲဖြစ်ခဲ့ရာမှာ ရှုပ်ထွေးနေတဲ့ အ

ခြေနေတွေထဲ စခန်းကနေ ပြေးအထွက်မှာ မိုင်းနင်းမိပြီးတော့ ဆုံးပါးခဲ့ရတယ် ။ သူ့ရုပ်အ

လောင်းကို စစ်တပ်က ရခဲ့ပေမယ့် မိသားစုကို အကြောင်းမကြားပဲ ၊ သူ့ကို နာမည်တပ်ထား

ပြီးသား ဂုဏ်ပုဒ်အတိုင်း ပြင်မပေးပဲ ထားခဲ့တာကို ခံရပါတော့တယ် ။ အခြားတော့ မဟုတ်ပါ ။

“တပ်ပြေး” ပါတဲ့ ။

   အထက်အမိန့်ကို နာခံပြီး တာဝန်ထမ်းဆောင်ရင်း အသက်ပေးသွားရသူ တစ်ယောက်အတွက်

ကျန်ရစ်သူ မိသားစုကို ထောက်ပံ့ကြေးနဲ့ ပံ့ပိုးမှုတွေ လုပ်ပေးရမယ့်အစား ၊ ‘တပ်ပြေး’ဆိုတဲ့ နာမ

နဲ့ သေပြီးသူရဲ့ ရင်ဝကို ဆောင့်ကန်တာမျိုးကတော့ အတော်ခံရ ခက်ပါတယ် ။ အစော်ကား ခံရ

တာပါပဲ ။ လူ အသေခံရတဲ့အပြင် နာမည်ပါသေအောင် အလုပ်ခံရတယ်လို့ ခံယူပါတယ် ။ မိသား

တစ်စုရဲ့ “ရင်နှစ်ပန်း”လို့ ခိုင်းနှိုင်းလို့ ရနိုင်မယ့် သူတစ်ယောက် ရာဇဝင်ရိုင်းအောင် အလုပ်ခံခဲ့ရ

တဲ့ အညတြ ဖြစ်ရပ်မှန်လေးတစ်ခုသာပေါ့ဗျာ ။

   ဒါတင်မကပါ ။ မြန်မာပြည်စစ်တပ်ကို ကြည့်မယ်ဆိုရင် - အောက်ခြေမှာလည်း ဝင်စမှာတော့

၅ နှစ်ပြည့်ရင်ပဲ ထွက်လို့ရသလိုလို ၊ နောက်တော့ ၁၀ နှစ် ၊ အဲသည်ကမှ နှစ် ၂၀ ၊ ဒါတင်မက

ထွက်ခွင့်မရှိဘူး ဆိုတာတွေက တပ်မှူးတွေရဲ့ နှုတ်ဖျားမှာ ရှိချင်သလို ရှိနေကြတာပါ ။ အကြောင်း

အမျိုးမျိုးနဲ့ အနာဂါတ်ကမ်း မမြင်နိုင်သူတွေ အတွက်တော့ အသေထွက်ရင်ထွက် ၊ မဟုတ်ရင်

အရူးလက်မှတ် ဆေးလက်မှတ်တွေကို သိန်းပေါင်းမြောက်များစွာ အကုန်ခံပြီး လိမ်ညာဂွင်ဖန်ပါ

မှ ထွက်လို့ရနိုင်မှာမို့ အလွယ်ဆုံး ထွက်လမ်းကတော့ တစ်နေရာကို ထွက်သွားပြီး ဇာတ်မြှုပ်နေ

လိုက်တာပါပဲ ။

   ဒီတော့ ရပ်ကွက်ထဲကြည့်မလား ၊ ဈေးထဲသွားကြည့်မလား ၊ ရွာတွေမှာ လိုက်စုံစမ်းမလား ၊

ထိုင်းနိုင်ငံထဲ လေ့လာမလား ရေတွက်လို့မကုန်တဲ့ အခြေနေအရ စစ်ပြေး ‘တပ်ပြေး’ဆိုသူတွေ

က အရောင်အသွေးများသာရှိရင် နေရာတိုင်းမှာ ဖွေးဖွေးလှုပ်လောက်တယ် ။ အဲသည်ထဲမယ်

တိုက်ပွဲမှာ အဖမ်းခံရလို့ သူတို့ရဲ့ရန်သူက လျှောလျှောရှူရှူ ပြန်လွှတ်ပေးတဲ့အခါ ၊ အသက်ပေး

တိုက်ခဲ့ရတာနဲ့ မတန်အောင် အပြစ်ပေး အရေးယူ ခံရအုံးမှာမို့ အဆင်သင့်ရာရွာတွေနဲ့ ထိုင်းနိုင်

ငံထဲ စိမ့်ဝင်သွားသူတွေလည်း အများကြီးပါ ။

   ဒါတွေနဲ့ ပတ်သက်လို့ စကားထပ်ရှည်လို့လည်း တဝဲလည်လည် ဖြစ်နေရုံပါ ။ ချုပ်ရရင်တော့

“နိုင်ငံတော် အစိုးရကနေပြီး တိုင်းပြည် မပြိုကွဲအောင် တရားသောစစ်ကို ဆင်နွှဲနေပါတယ်” လို့

ပြောချင်ရင် အနည်းဆုံးတော့ အဲသည် ကိုယ်အသုံးချခဲ့သူ ၊ အသုံးချ ခံရသူတွေကို ဂုဏ်သိက္ခာ

ရှိတဲ့ လူသားတစ်ယောက်လို အလေးထားသင့်ပါတယ်လို့ လိုရင်းတိုရှင်း ပြောရင်း ………… ။

~~~~~~~~~~~~~~~~~~~~~~~~~~~~~~

နကန်း သူပုန်

   ခု စာဖတ်သူတွေထဲမှာ - “သူပုန်”ဆိုရင် ပညာမဲ့သူ ၊ ဆင်ခြင်ဥာဏ် နည်းသူ ၊ လက်နက်တစ်

မျိုးတည်း အားကိုးသူ ၊ အမြော်မြင် မရှိသူ စသည်ဖြင့် အတိုင်းတာတစ်ခုအထိ ယူဆသူတွေ ပါပါ

သလား ။

   မေးကြည့်တာပါ ၊ အပြစ်ပြောဖို့ မဟုတ်ပါဘူး ။ ဒီ ဒုတိယစာပုဒ်ကို ရေးဖြစ်ရတာဟာလည်း အဲ

သည်လို အမြင်မျိုးနဲ့ ကချင် KIA တွေကို မြင်ပုံရတဲ့ မှတ်ချက်တစ်ခုကြောင့် ဆိုတာကိုလည်း အ

ရင်ဆုံး ဝန်ခံချင်ပါတယ် ။ ဆက်ပြောသွားမှာတွေနဲ့ ယှဉ်ထိုးပြီး ကျနော့်ရဲ့ တင်ပြချက်တွေ ဘယ်

အတိုင်းတာအထိ လက်ခံနိုင်မလဲဆိုတာ ဆက်ဆုံးဖြတ်ကြပါ ။

   အရင်ကလည်း KNU လို အဖွဲ့စည်းမျိုးတွေဟာ ၊ သူတို့ရဲ့ မူဝါဒ စည်းမျဉ်းစည်းကမ်း စီမံခန့်ခွဲမှု

စသည်ဖြင့် ထင်သာမြင်သာရှိအောင် လုပ်သင့်တယ်လို့ ကြုံဆုံသူတွေကို ကျနော် ပြောဖြစ်ခဲ့ပါ

တယ် ။ ခုတော့ ကျနော်ပြောခဲ့တာနဲ့ တိုက်ရိုက်သက်ဆိုင်နေပါပြီ ။ မီဒီယာ အားနည်းလို့သော်

၎င်း ၊ အဖွဲ့စည်းတွေရဲ့ တွန့်ဆုတ်မှုကြောင့်သော်၎င်း ၊ လူထုအများက သူတို့သိဖို့ အခွင့်မသာတဲ့

လက်နက်ကိုင် အဖွဲ့စည်းတွေရဲ့ အနေထားကို မေးခွန်းထုတ်သူတွေ ရှိလာပါပြီ ။ အခွင့်အလမ်း

ခေါ်ခေါ် ၊ စိန်ခေါ်မှုလို့ပြောပြော တစ်ခုခုလုပ်ကြမှ အဲသည်အဖွဲ့စည်းတွေအတွက် အနာဂါတ်

ကောင်းပါလိမ့်မယ် ။

   ကရင်လူမျိုးတွေအနေနဲ့ ဥာဏ်မျက်လုံးတွေ စပွင့်ခဲ့ချိန်ကစပြီး ၁၈၈၄ ခုနှစ်မှာ ဒေါကလူ အသင်း

ကြီးကို စတည်ထောင်ရာကနေ အမျိုးသားကျောင်းတွေ ၊ စာအုပ်စာပေတွေ ၊ သတင်းစာ မဂ္ဂဇင်း

တွေ ထုတ်ဝေနိုင်တဲ့ အဆင့်မျိုးရောက်ခဲ့ပြီး ၊ အင်းစိန်မှာ စစ်ရှူံးလို့ တောင်ငူဆုတ်ရာက တောင်ငူ

မှာတစ်ခါ ၊ နောက်ပိုင်း ကရင်ပြည်နယ်မှာတစ်ခါ အသံလွှင့်ရုံတွေ ထောင်ထားနိုင်ခဲ့တာ လူတိုင်း

တော့ သိချင်မှ သိပါလိမ့်မယ် ။

   အောက်မှာတော့ မဲလခိုလှုံရာစခန်းမှာ KNU ဗဟိုကော်မတီ အဖွဲ့ဝင်ဖြစ်ခဲ့တဲ့ အဖိုးမန်းစတီးလာ
ဆီက မိတ္တူကူးခဲ့တဲ့ ဥပဒေကြမ်းအဆိုတစ်ခုရဲ့ မျက်နှာဖုံးစာမျက်နှာ တစ်ဝက်ကို ဖေါ်ပြပေးလိုက်
ပါတယ် ။ ခုနှစ်ကိုကြည့်ရင် ၁၉၇၀ကတည်းကဖြစ်ပြီး ကနေ့အချိန်မှာ အသစ်ပြင်ဆင် ရေးဆွဲပြီး
ဖြစ်မဖြစ် မသိရပေမယ့် ၊ KNU အဖွဲ့စည်းအနေနဲ့ ခိုင်မာတဲ့ အခြေခံတွေ ရှိနေခဲ့တယ်ဆိုတာ အ
မြည်းသဘော မိတ်ဆက်ပေးလိုက်ပါတယ် ။ (ဒီလို ခိုင်မာတဲ့ နောက်ခံတွေကြောင့်လည်း DKBA
ခွဲထွက်တဲ့အခါ ၊ အမြင်ရှိတဲ့ အဖိုး မန်းစတီးလာတို့လို အပါအဝင် အဆင့်အမျိုးမျိုးက ဗုဒ္ဓဘာသာ
ဝင် အတော်များများကနေ KNU ကိုစွန့်ခွာဖို့ မစဉ်းစားခဲ့ကြတာ ဖြစ်ပါတယ် ။ အကျိုးဆက်အနေနဲ့
KNU ဟာ ခရစ်ယာန်တွေချည်း ဖွဲ့ထားတဲ့ အဖွဲ့စည်းရယ်လို့ သညာမတွင်ရလေအောင်  တောင့်
ခံထားနိုင်ခဲ့ပါတယ်) ။

   တစ်လက်စထဲ စာဖတ်သူအနေနဲ့ မြန်မာပြည် သစ်တောဌာနကသုံးတဲ့ သစ်ပါမစ် (သစ်ထုတ်ဖို့

သဘောတူညီချက် စာချုပ်) ကို တွေ့ဖူးပါသလား ။ ကျနော်တွေ့ဖူးခဲ့တာကတော့ အင်္ဂလိပ်ဘာ

သာနဲ့ ရိုက်နှိပ်ထားတဲ့ စာချုပ်ပါ ။ အင်္ဂလိပ်စာ မကျွမ်းကျင်တဲ့ လက်နှိပ်စက်စာရေးရဲ့ အမှားတွေ

ကတော့ ပြောစရာတောင် လိုမယ်မထင်ပါ ။ ဒါနဲ့ ဗမာလို မရှိဘူးလားလို့ စူးစမ်းကြည့်တော့ ၊ "မရှိ

ပါဘူး ၊ အင်္ဂလိပ်တွေ ရေးခဲ့တဲ့ ဥပဒေကိုပဲ ထပ်တူကူးချပြီး လွန်ခဲ့တဲ့ အနှစ် ၅-၆၀ တစ်လျှောက်

လုံး သုံးနေခဲ့တာပါ" တဲ့ ။

   ဒီတော့ ခြုံငုံပြောချင်တာက ပြည်မအစိုးရမှ သူပုန်မှရယ် မဟုတ်ပါဘူး ၊ မူဝါဒဖြစ်စေ အုပ်ချုပ်

ရေးပိုင်းမှာ ဖြစ်စေ ၊ အချို့နေရာတွေမှာ ‘ကကြီး’ ရေး ‘က’ ကနေ စလာကြရတဲ့ အချိန်ကာလ

တွေ ရှိခဲ့ကြသလို ၊ တစ်နေရာမှာ တန့်နေတာမျိုး ၊ တိုးတက်ပြောင်းလဲ ဖြစ်တည်လာတတ်တဲ့

သဘောသဘာဝတွေ ရှိတာကြောင်မို့ မသိရုံ မကြားဖူးရုံနဲ့ လျှော့မတွက်ကြဖို့ လိုတယ်ဆိုတာပါ ။

   အဆုံးသတ်အနေနဲ့ ပြောချင်တာကတော့ - ဘယ်နိုင်ငံ ဒေသမှာမဆို တစ်ချိန်မှာ အုပ်ချုပ်ခံ

တွေကနေ အုပ်ချုပ်သူတွေကို မေးခွန်းထုတ်လာတာတွေ မလွဲမသွေ ပေါ်လာမှာဖြစ်တာကြောင့် ၊

ကိုယ့်ရဲ့ မူဝါဒ ရှေ့လုပ်ငန်းစဉ်နဲ့ အုပ်ချုပ်ရေး လုပ်ငန်းတွေမှာ လူထုကနေ လက်ခံနိုင်လောက်တဲ့

ပွင့်လင်းမြင်သာမှုတွေ ရှိဖို့ကတော့ သက်ဆိုင်ရာ အဖွဲ့စည်းတွေရဲ့ တာဝန်သာ ဖြစ်ကြောင်းပါ ။

မန်းကိုကို

၁၁ ၊ ၀၁ ၊ ၂၀၁၃