ပြည်တွင်းစစ်ထဲက မှန်ကွဲစလေးတွေ (၁ + ၂ + ၃)

      ဒီကနေ့ ပြည်တွင်းစစ်မှာ ရှေ့နောက်မီသူတွေ နည်းလာတယ် ။

     မျိုးဆက်သစ်တွေ ထပ်တိုးလာတယ် ။ မသိတာတွေ ၊ မမှီတာတွေ ၊ လစ်ဟာနေတာတွေ ပို

များလာတယ် ။ လူတစ်ယောက်စီမှာ ကိုယ်စီ သိထားတာ ၊ မှတ်ထားတာ ၊ မေ့လို့မရတာ ၊ လက်

ဆင့်ကမ်းသင့်တာ ၊ သင်္ခန်းစာယူစရာတွေ ရှိကြတယ် ။ အဲဒီထဲမှာ အချို့လူတွေကနေ မေ့သွား

စေချင်တာမျိုးလည်း ပါမယ် ။

     မှတ်မှတ်ရရလေးတွေထဲက ဆက်စပ်ကြည့်နိုင်ဖို့ အပိုင်းစလေးတချို့ကို ဝေဌလိုက်ပါတယ် ။

ဒါတွေကနေ ကနေ့ ကျနော့်ရဲ့ ကိုယ်ပိုင်ရပ်တည်ချက်တွေကို တစ်စိတ်တစ်ပိုင်း ပုံဖေါ်ထားပေး

တယ်လို့ ဆိုနိုင်တယ် ။

(၁)   ပါတီလိုင်း - မ.ဆ.လခေတ်မှာ မြို့နယ်အဆင့် ရာထူးရှိသူ ပါတီဝန်ထမ်းတွေကို နေရာချထား

                      တဲ့ လိုင်းခန်းတွဲတွေရှိရာကို ခေါ်တဲ့နာမည်ပါ ။ သိသူများပါတယ် ၊ ခုတော့ စစ်

                      တပ်က ပြန်ယူလိုက်ပါပြီ ။ ဘားအံမြို့ အရှေ့မြောက်ခြမ်း ဗိုလ်ချုပ်လမ်းပေါ်မှာ

                      ရှိပြီး စစ်တပ်နဲ့ မျက်နှာချင်းဆိုင်မှာ လမ်းမကြီးပဲ ခြားပါတယ် ။

     လိုင်းခန်းတွေထိပ်မှာ ပြည်နယ်ရုံးက ဝန်ထမ်းစာရေးတစ်ယောက် ကွမ်းယာဆိုင်ဖွင့်ထားပြီး

လိုင်းခန်းတန်းနေ လူငယ်တွေနဲ့ ကလေးတွေ စုရုံးရာ ဆော့ကစားရာ ပတ်ဝန်းကျင်လေးပေါ့ ။

ဆိုင်ရှေ့ လမ်းတစ်ဖက်ကမ်းက အကြပ်စစ်သားတွေလည်း လာကျက်စားရာ နေရာတစ်ခုပါ ။ ပါ

တီနဲ့ စစ်တပ်အသိုင်းဝိုင်းတွေမို့ အခြားနေရာတွေမှာ မပြောဖြစ်တာတွေကိုလည်း ပြောကြ ကြား

ကြရတဲ့နေရာ ဖြစ်ပါတယ် ။

     ကျောင်းပိတ်ရက်တစ်ရက်မှာ ကျနော်တို့ အလယ်တန်းကျောင်းသားအရွယ်တွေ အများစုပါတဲ့

လူငယ်လေးတွေ ကွမ်းယာဆိုင်မှာ စုမိနေပါတယ် ။ လမ်းတစ်ဖက်ကမ်း စစ်တပ်ကတုတ်က မျက်

မှန်းတန်းမိနေတဲ့ တပ်ကြပ်တစ်ယောက်လည်း ရောက်နေပြီး သူ့အတွေ့အကြုံကိုတွေ ပြောပြ

နေပါတယ် ။ နယ်အတော်များများမှာ ရှေ့တန်းရောက်ဖူးသူမို့ သူပြောပြတာတွေဟာ ကျနော်တို့

လို အရိုးခံလူငယ်လေးတွေအတွက် စိတ်ဝင်စားစရာ ကောင်းလွန်းနေတယ် ။

     စကားစလိုက်တာနဲ့ ကျနော်တို့ လူငယ်လေးတွေအတွက် ပိုစိတ်ဝင်စားစရာ ကောင်းသွားတယ် ။

     "ကချင်မတွေက လွယ်တယ်ကွ ၊ သိလား .."

     စူးစိုက်နားထောင် နေကြသူတွေကို ဂုဏ်ယူတဲ့ အပြုံးစစအကြည့်နဲ့ ဝေ့ကြည့်ပြီး ဆက်ပြောပါတယ် ။

     "ကချင်ဘက်မှာ ရှေ့တန်းထွက်ရင် တောထဲမှာ ကချင်မတွေကို တွေ့လို့ကတော့ ငါတို့က လိုက်

တာပဲကွ ၊ သူတို့ကလည်း ငါတို့ကိုတွေ့တာနဲ့ ပါတာတွေ အကုန်ပစ်ချပြီး ပြေးတာပဲ ။ ငါတို့လည်း

ဘယ်ရမတုန်း တွေ့တာနဲ့ အီကွစ်မန့်တွေ အားလုံးပစ်ချပြီး လိုက်တာပေါ့ကွ ။ ဒီကောင်မတွေက

အသားကုန်ပြေးတာ ။ ဒါပေမယ့် ပြေးလို့မလွတ်တော့ဘူး ဆိုရင်တော့ အသားအနာမခံကြဘူးကွ ။

လှဲချပေးလိုက်တာပဲ ၊ လွယ်တယ်ကွ ။" ..... လို့ဖြစ်ပါတယ် ။

     ပြီးတော့ သူ့ပရိသတ်တွေကို မိန့်မိန့်ကြီးပြုံး ကြည့်လိုက်ပြီးတော့ ဆက်ပြောပါတယ် ။

     "ဒီဘက်မှာ (ကရင်ပြည်နယ်ဖက်) တော့ မတူတော့ပြန်ဘူးကွ ၊ ဒီဖက်ကျ ပေါ်တာတွေနဲ့ ကြုံရ

တာတွေက များတယ် ။ တစ်ခါကွာ စခန်းထဲက အချုပ်ထဲထည့်ထားတဲ့ ပေါ်တာကို ခိုင်းဖို့ခေါ်လာ

တာ ၊ ငါ -ိုးမသားပေါ်တာကွာ ပစ္စည်းထမ်းဖို့ ကြိုးဖြည်ပေးလိုက်တာနဲ့ ငါ့ကို တံတောင်နဲ့တွတ်ပြီး

စခန်းကုန်းပေါ်က လှိမ့်ချသွားတာ ပျောက်သွားတာပဲ ။ အဲဒီနေရာက တောင်စောင်းချောက်ကြီးကွ ၊ အနက်ကြီး ၊ အပင်တွေနဲ့ဖုံးပြီး အောက်ကိုတောင် မမြင်ရဘူး ။ အဲဒီ မအေ -ိုးလည်း သေလားရှင်

လား မသိဘူး  ငါလဲ မလိုက်တော့ဘူး ။" ... လို့ ဆိုပါတယ် ။

     ဒါဟာ ၁၉၈၀ အစောပိုင်းနှစ်တွေက မှတ်မှတ်ရရ စကားဝိုင်းလေး တစ်ခုပါ ။

     နုနယ်ပြီး ဗလာကျင်းတဲ့ အသိတွေနဲ့ မရင့်ကျက်သေးတဲ့ အရွယ်မှာ ကြားသိခဲ့ရတာမို့ မှား

တယ်မှန်တယ် ၊ သင့်တယ် မသင့်တယ်လည်း ဝေဖန်ပိုင်းခြားဖို့ နားမလည်ခဲ့ပါဘူး ။

     ခုနေမှာတော့ သိလာခဲ့ပါပြီ ။ မုဒိမ်းမှု ၊ အဓမ္မစေခိုင်းမှုတွေလို့ နားလည်လာခဲ့ပါပြီ ။

     သတင်းမီဒီယာခေတ် မဟုတ်သေးလို့ ၊ လူအများမြင်ကွင်းနဲ့ ဝေးရာမို့ သေနတ်အားကိုးပြီး

ကျူးလွန်ခဲ့ကြတဲ့ မုဒိမ်းမှုတွေ ဘယ်လောက်ရှိခဲ့မယ် မခန့်မှန်းနိုင်သလို သက်သေပြဖို့ ခက်ပေမဲ့ ၊

ဒါတွေကို မျက်ကွယ်ပြုပြီး ဘာမှ မဖြစ်ခဲ့သယောင် ပြောဆိုစော်ကားသူတွေလည်းရှိလို့ မရေး

ချင်သော်လည်း သက်သေသာဓကတစ်ခုအဖြစ် ချရေးပြတာပါ ။

     ပေါ်တာကိစ္စမှာလည်း ရုပ်ရှင်ရုံနဲ့ ဈေးထဲတွေ ပိတ်ဖမ်းတာကစလို့ ပေါ်တာကြေးကောက်တာ ၊

ဘယ်သူအိမ်က ဘယ်သူကတော့ဖြင့် ပေါ်တာပါသွားပြီး သေသွားပြီ ဆိုတာမျိုးအဆုံး စာရင်းမရှိ

အင်းမရှိပါပဲ ။ ပျက်ခဲ့ရတဲ့ ဘဝတွေ ၊ နစ်နာ အညွှန့်ကျိုးသွားသူတွေ ၊ အသက်ပေးဆပ်လိုက်ရ

တဲ့ ထောင်သောင်းချီခဲ့တဲ့ လူတွေအတွက် ဘယ်လိုတာဝန်ယူသင့်တယ် ၊ စိတ်ဒဏ်ရာတွေ ကုစား

ရမယ့် စကားမျိုးတွေ မဟပဲ ၊ တရားသောစစ် ဆင်နွဲနေပါတယ်ဆိုတဲ့ ပြည်သူ့တပ်မတော် နာမည်

ခံ စစ်တပ်ကို လက်သီးလက်မောင်းတန်း ထောက်ခံပြီး ကိုယ်နဲ့မတူ ကိုယ့်ရန်သူလို တိုက်ခိုက်ရှုတ်

ချသူတွေကြောင့်လည်း ထိန်းညှိနိုင်ဖို့ ခုလို ရေးရတာပါ ။

     ဒါတွေဟာ တစ်ချိန်မှာ ဒဏ္ဍာရီတွေလို ကျန်ရစ်ခဲ့ကောင်း ကျန်ရစ်ခဲ့ပါလိမ့်မယ် ။

     ဒါပေမယ့် လက်ရှိမှာတော့ မပြီးသေးပါဘူး ၊ အတောမသတ်နိုင်သေးပါဘူး ။

     သိလာတဲ့လူတိုင်းမှာ လုပ်နိုင်တာလေးတွေ ကိုယ်စီရှိကြပါတယ် ။

     ရွေးချယ်ကြဖို့လည်း တိုက်တွန်းချင်ပါတယ် ။

၁၈ ၊ ၀၅ ၊ ၂၀၁၂

~~~~~~~~~~~~~~~~~~~~~~~~~~~~~~~~~~~~~~~~~~

(၂)   ကော့ထမလိန်းရွာ - ဘားအံတောင်ဘက် ၁၀ မိုင်အကွာ ဒုံရင်းနယ်က အကြီးဆုံးရွာ ။ ဘားအံ

                                ကနေ ၆ မိုင်လောက်သွားရင် ဇွဲကပင်တောင် ၊ နည်းနည်းဆက်သွားရင်

      ကရင့်ရိုးရာ ဒူဝေဘုရား ၊ နောက်တော့ လူသိများပြီး အရင်က အပန်းဖြေ ပျော်ပွဲစားတွေအတွက်

      အသွားများကြတဲ့ ရေတံခွန် ၊ ပြီးရင် ဒုံရင်း တွဲဖက်အထက်တန်းကျောင်း ကျော်ပြီးရင် ရောက်

      ပါတယ် ။ ဒုံရင်းလိုင်းဘတ်စ်ကား ဂိတ်ဆုံးရွာပေါ့ ။

အဖိုးရှမ်း (ဖုသိုင့်) - ကော့ထမလိန်းရွာမျက်နှာဖုံး လူကြီးတစ်ဦး ။ ဒုံရင်းတစ်ဝိုက် လူတိုင်းလိုလိုသိ

                         တဲ့ ကျောင်းတကာ ၊ သူပိုင်ခဲ့တဲ့ ရာနဲ့ချီတဲ့ လယ်ဧကတွေ ဆိုရှယ်လစ်စနစ်

အောက်မှာ လယ်လုပ်သူ လယ်ပိုင်ရမယ်ဆိုလို့ တစ်စစီ ဆုံးရှူံးခဲ့ပေမဲ့ ပူဆွေးတမ်းတမနေပဲ ရပ်ရွာ

နဲ့ နိုင်ငံအတွက် တစ်နိုင်တစ်ပိုင် ပူးပေါင်း ဖြည့်ဆည်းပေးနေခဲ့သူ ။

     အချိန်က ဒုံရင်းနယ်သာမက ဘေးနားက နယ်မြေတွေကိုပါ အဖြူရောင်နယ်မြေလို့ သတ်မှတ်

ထားပြီး မ.ဆ.လ စည်းရုံးရေးလုပ်ငန်းတွေ အားကြိုးမာန်တက် လုပ်နေတဲ့ ၈၀ ကျော် ကာလမှာပါ။

ကော့ထမလိန်းရွာမှာ ရှေ့ဆောင်လူငယ်နဲ့ လမ်းစဉ်လူငယ် သင်တန်းတွေကို မြို့နယ်ပါတီယူနစ်က

လာပြီး ဖွင့်လှစ်နေတဲ့ ရက်ပိုင်းဖြစ်ပါတယ် ။ သင်တန်းဆရာတွေနဲ့ မြို့ပေါ်ကဧည့်သည်တွေ အဖိုး

ရှမ်းအိမ်ကြီးမှာ တည်းခိုနေကြတယ် ။

     တစ်ရက်ပြီးတစ်ရက် ဧည့်ဝတ်ကြေတဲ့ အဖိုးရှမ်းအိမ်မှာ လွန်မြောက်ကြတယ် ။

     တစ်ရက်မှာတော့ မထူးခြားလှတဲ့ မနက်ခင်းတစ်ခု ရောက်လာပြန်တယ် ။ ကိုယ်ကသာ မထူး

ခြားဘူးထင်တာ ၊ အမကြီးတစ်ယောက်က လာမေးတယ် ။

     “ဟိတ် .. ညက ဘာတွေဖြစ်တယ် နင်သိလား ..” တဲ့ ။

     “ဟင် .. ဘာဖြစ်လို့လဲ ၊ ဘာမှ မသိပါလား ။ ဘယ်သူမှလည်း ဘာမှ မပြောဘူးလေ ။ အားလုံး

      လည်း ပုံမှန်လိုပါပဲ ၊ ဘာဖြစ်လို့လည်း ..” ပေါ့ ။

     “ညက စစ်သားတွေရောက်လာပြီး အဖိုးကို အတွင်းရေးမှူးအိမ် ခေါ်သွားတယ်ပြောတယ် ၊ နင်

      မသိဘူးလား”  လို့မေးတော့ ကိုယ်လည်း ဘာမှမပြောတတ်ဘူး ။ အဖိုးလည်း ဘာမှ မဖြစ်သ

လိုပဲ နေနေတာပဲလေ ။

     အချုပ်ကတော့ - အဲဒီညမှာ ရွာထဲကို စစ်တပ်က စစ်ကြောင်းတစ်ကြောင်း ဝင်လာခဲ့တယ် ။

ဖြစ်ချင်တော့ အဖိုးရဲ့ မြေးတစ်ယောက်က ဧည့်သည်တွေကို ညအချိန်လိုက်ပို့ရင်းနဲ့ ပြန်အလာမှာ

ကလေးဆိုတော့ မသိပဲ စစ်ကြောင်းကို ဓါတ်မီးနဲ့ ထိုးမိလျက်သား ဖြစ်သွားခဲ့လို့ပါပဲ ။ ကလေး

နောက်ကို စစ်သားတွေလိုက်လာပြီး လူကြီးဘယ်သူလဲဆိုတော့ အဖိုးလိုက်သွားခဲ့ပါတယ် ။ ကျေး

ရွာ အတွင်းရေးမှူးအိမ်ရောက်တော့ ဆဲဆိုကြိမ်းမောင်းပြီး ထိုးကြိတ်ရိုက်ပုတ်တာ ခံခဲ့ရပါတော့

တယ် ။

     တကယ်တော့ အဖိုးရှမ်းဟာ ကျနော့်အဖွားရဲ့ အကိုအကြီးဆုံးပါ ။ ဒီကိစ္စ ဖြစ်တဲ့အချိန်မှာ အ

သက် ၇၀ ကျော်နေပါပြီ ။ စနစ်ကြောင့် စီးပွားခန်းခြောက်ခဲ့ပေမဲ့ စေတနာမပျက်ပဲ အာဏာပိုင်

တွေကို တစ်တပ်တစ်အား ထောက်ပင့်ပေးခဲ့သူ ၊ ကြားလို့မှ မတော်တဲ့ လုပ်ရပ်နဲ့ကြုံခဲ့တာတောင်

သူ့ရဲ့ အစိုးရအရာရှိ တူ တူမတွေအပါဝင်  ဘယ်သူ့ကိုမှမပြောပဲ စိတ်ထားပြည့်ဝသူတစ်ယောက်

ရဲ့ သဘောကို ဆောင်ခဲ့ပါတယ် ။ အခြားအိမ်သားတွေနဲ့ ရွာသားတွေသာ ပြန်မပြောပြခဲ့ရင် ဘယ်

သူမှ သိနိုင်မှာ မဟုတ်ပါဘူး ။

     အေးချမ်းတဲ့နယ် ၊ ကလေးတစ်ယောက်ရဲ့ လုပ်ရပ် ၊ ရပ်မိရပ်ဖ တစ်ယောက်ဖြစ်တာ ၊ ကျေးရွာ

အတွင်းရေးမှူးအိမ် ၊ အဖိုးရဲ့ အသက်အရွယ် ၊ မ.ဆ.လပါတီ သင်တန်းဖွင့်နေချိန် စတာတွေကို

ထည့်တွက်ရင်တော့ ဒီဖြစ်ရပ် ဖြစ်သင့် မဖြစ်သင့် တွေးနိုင်ကြမှာပါ ။ အချို့အတွက်တော့ ဘာ

မဟုတ်တာလေးလို့ မြင်ကောင်းမြင်ပါမယ် ။ အပြစ် မပြောလိုပါ ။ ကျနော်ကိုယ်တိုင်လည်း ဘာမှ

မလုပ်ပေးနိုင်ခဲ့ပါဘူး ။

     ဒါပေမယ့် ကနေ့ ပြန်ပြောင်းတွေးပြီး မြန်မာပြည်ရဲ့ ဖြစ်ခဲ့တဲ့ ၊ ဖြစ်တတ်တဲ့ သဘော သဘာဝနဲ့

အခြေအနေတွေကို ခွဲခြမ်းပိုင်းဖြာပြီး မြင်နိုင်ဖို့ရာ ကျနော့်ကို အထောက်အကူတစ်ခု ပေးတာတော့

အသေချာပါပဲ ။

၁၉ ၊ ၀၅ ၊ ၂၀၁၂

~~~~~~~~~~~~~~~~~~~~~~~~~~~~~~~~~

(၃)   အဖြေစကားတစ်ခွန်း 

     ၁၉၈၅ ဝန်းကျင် ၊ ကျနော် ၁၀ တန်းလောက်မှာပါ ။

     တစ်နေ့မှာတော့ အားလပ်ချိန် အင်မတန်နည်းတဲ့ ကျနော့်ရဲ့မိခင်နဲ့ ကြုံကြိုက်ခိုက်မှာ ရင်ထဲ မမျို

သိပ်နိုင်လောက်အောင် ဖြစ်နေတဲ့ မေးခွန်းတစ်ခုကို မေးခဲ့ဖူးပါတယ် ။

     “အမေ စစ်တပ်က ပေါ်တာဖမ်းတာအပါဝင် လုပ်ချင်တာတွေ အမျိုးမျိုးလုပ်နေတာ

အစိုးရက ဘာမှမပြော မတားဘူးလား” လို့ပါ ။

     ကျနော့်မိခင် ပြန်ဖြေလိုက်တာကတော့ -

     “အမေတို့ဟာ အစိုးရပဲပေါ့ သားရဲ့” တဲ့ ။

     အဲဒီတဒင်္ဂမှာ ကျနော် တွေသွားတယ် ။ တစ်ခွန်းနှစ်ခွန်း ဆက်ပြောဖြစ်ခဲ့ပေမယ့် အပေါ်က အ

ဖြေစကားတစ်ခွန်းထဲကသာ ကျနော့်မှတ်ဥာဏ်ထဲ စွဲနစ်ကျန်ရစ်ခဲ့ပါတယ် ။ အမှန်တော့ ဒီအဖြေ

စကားဟာ အဖြေတွေအားလုံးရဲ့ အနှစ်ချုပ်ပဲမို့ ထပ်ကွန့်စရာလည်း မရှိတော့သလောက်ပါပဲ ။ တစ်

နည်းအားဖြင့် စစ်တပ်လုပ်မျှ အစိုးရက ဘာမှမတတ်နိုင်ဘူး ၊ ပြောလို့မရဘူးဆိုတာ အတည်ပြုပေး

လိုက်တာပဲလို့ နားလည်လိုက်တယ် ။

     အဲဒီနေ့ကစပြီး ကျနော့်ရဲ့ စစ်တပ် ၊ နိုင်ငံရေး ၊ လူမှုရေးအပါဝင် မြန်မာပြည်နဲ့ ပတ်သက်တဲ့ အ

တွေးနဲ့ နားလည်မှုတွေ တစ်ဆင့်ချင်း စတင် ပြောင်းလဲလာခဲ့တယ် ။

========================

     တစ်ဆင့်ချင်း ပြန်ရှင်းပါ့မယ် ။

     ကျနော့်မိခင်ဟာ မ.ဆ.လခေတ်မှာ မြို့နယ်အဆင့် ပါတီဝန်ထမ်းတစ်ယောက်ပါ ။

     သူဟာ ပါတီကို ရိုးရိုးသားသား ယုံကြည်ပြီး သစ္စာရှိရှိနဲ့ တာဝန်တွေထမ်းခဲ့တယ် ။ ရပ်ရွာအရေး

အတွက် နားလည်သလောက်နဲ့ တတ်စွမ်းသလောက် လုပ်ကိုင်ခဲ့ပြီး ၊ နောက်ဆုံး ၁၉၉၀ ရွေးကောက်

ပွဲမှာတောင် သူ့နယ်ထဲမှာ အန်အယ်လ်ဒီကို နှာတစ်ဖျားလောက်လေးနဲ့သာ ရှူံးနိမ့်ခဲ့ရလောက်အောင်

စည်းရုံးရေးမှာ အောင်မြင်ခဲ့ပေမယ့် သမိုင်းရဲ့ မှားယွင်းတဲ့အခြမ်းမှာ အသုံးချခံ တစ်ယောက်အနေနဲ့

မျက်နှာသာ မရခဲ့သူပါ ။

     ပါတီအတွက် လုပ်နေစဉ်တုန်းက ကိုယ့်လမ်းကြောင်းထဲ ကိုယ့်အရှိအဟုန်နဲ့ ဟုတ်သလိုလို ရှိ

နေပေမယ့် ၊ အပြင်လောက ရောက်သွားတဲ့အခါကျတော့ အာဏာပိုင်တွေရဲ့ မဆုံးနိုင်တဲ့ ချွတ်ယွင်း

ချက်တွေကို မြင်လာခဲ့ရတယ် ။ ဒါပေမယ့် လွန်ခဲ့ပြီ ။ နောက်ပြန်လှည့်လို့ မရတော့သလို ၊ စစ်တုရင်

ပွဲထဲက ကိုယ့်ရဲ့ “ပွန်း”ကလေး ဘဝကို မြင်လာပေမယ့် သင်္ခန်းစာတွေ အဖြစ်နဲ့ပဲ ကျန်ရစ်ခဲ့ကြတော့

တယ် ။

     အချို့လည်း မ.ဆ.လ အဖွဲ့ကဆိုရင် အမြင်မကြည်တာတွေ ရှိပါတယ် ။ သူတို့ကို ကျနော် အပြစ်

မပြောပါ ။ မသိ နားမလည် သတိမပြုမိသူတွေကို အပြစ်တင်လို့လည်း တရားလှမယ် မထင်ပါ ။ ရေ

ငုပ်ကြည့်မှသာ ငါးတွေရဲ့ဘဝကို သိနိုင်သလို ၊ တောင်ပံခတ်ပြီး မိုးပေါ်ပျံမှသာ ဌက်တွေအကြောင်းနဲ့

ကျယ်ပြန့်တဲ့ မြင်ကွင်းတွေကို တွေ့နိုင်မှာပါ ။ ထို့အတူပဲ စစ်တပ်နဲ့ ပြည်ခိုင်ဖြိုးရဲ့ ရေစီးကြောင်းထဲ

မျောပါကြေနပ်နေသူတွေရဲ့ အဆိပ်တက် မာန်ဖီ ရန်ထောင်တာတွေ တွေ့လာပြန်ရင်လည်း သံဝေဂ

ယူစရာတွေ အဖြစ်နဲ့ နားလည်နိုင်ခဲ့တဲ့ ဘဝနောက်ခံမျိုးကို ကျနော် ရလာခဲ့တယ် ။

=============================

     အထက်က ကျနော့်မိခင်ရဲ့ စကားနဲ့ ပြန်ဆက်စပ်ရရင် -

     နားလည်မိတာကတော့ “အစိုးရဟာ စစ်တပ်ဘာလုပ်လုပ် ဝင်တားပိုင်ခွင့် မရှိဘူး ၊ စစ်တပ်ဟာ

အားလုံးရဲ့ အပေါ် ဥပဒေအပေါ်မှာ ရှိနေတယ်” လို့ပါ ။ အဲဒီအရွယ်မှာ ကျနော်ဟာ မရင့်ကျက်သေးပဲ

မိဘနဲ့ ပတ်ဝန်းကျင်လောင်းရိပ်မှာ လုံးဝမှီခိုနေသူပါ ။ ဒါပေမယ့် - ပေါ်တာ ၊ ပေါ်တာကြေး ၊ အရပ်

ထဲရမ်းတာ ၊ ပါတီက စည်းရုံးရေး ဆင်းနေသလောက် စစ်တပ်က အနိုင်ကျင့်တာနဲ့ တစ်ခါတစ်ရံ

သေဆုံးမှုတွေအတွက် တာဝန်ရှိတဲ့လုပ်ရပ်တွေ ရွာတွေမှာလုပ်တာ စသည်ဖြင့် ထပ်မေးလို့လည်း

မထူးတော့ဘူးဆိုတာ ချက်ချင်းသဘောပေါက်ခဲ့ပါတယ် ။

     ကျနော့်မိခင်ရဲ့ အဖြေစကားကြောင့် စစ်တပ်ဟာ အစိုးရရဲ့ အာဏာစက် မသက်ရောက်ဘူး ၊ သီး

ခြားရပ်တည်နေတယ် ၊ အခွင့်ရေးပိုတယ် ၊ ဘယ်ဥပဒေမှ အရေးစိုက်စရာ မလိုဘူး စသည်ဖြင့် အ

တည်ပြု ပေးလိုက်သလိုပါပဲ ။ အဲဒီအချိန်က ကျနော်တို့ သိနားလည်ထားတဲ့ ပြည်သူ့တပ်မတော် ၊

အောင်ပွဲအလီလီခံနေတဲ့ တပ်မတော် ၊ ပြည့်သူ့သားကောင်းတွေနဲ့ ဖွဲ့စည်းထားတဲ့ တပ်မတော် ၊

တရားသောစစ် ဆင်နွဲနေတဲ့ တပ်မတော် ၊ တိုင်းပြည်ကို လွတ်လပ်ရေး ရယူပေးခဲ့တဲ့ ပြည်ပအန္တ

ရာယ်တွေကနေ ကာကွယ်ပေးနေတဲ့ သောင်းကျန်းသူ အဖျက်သမားတွေကို အမြစ်ပြတ်ချေမှုန်းနေ

တဲ့ ဖခင်ဗိုလ်ချုပ်အောင်ဆန်း တည်ထောင်ခဲ့တဲ့ အစဉ်အလာကောင်းတဲ့ တပ်မတော်ဆိုတဲ့ ပုံရိပ်

ဟာ စတင် မှုန်ဝါးလာခဲ့ပါတယ် ။

     အသက်ရွယ် ထပ်ရလာပြီး နိုင်ငံပြင်ပနဲ့ ထိတွေ့လာတဲ့အချိန် ၊ သိခွင့် ကြားခွင့် မရှိခဲ့တဲ့ မီဒီယာ

နဲ့ စာအုပ်တွေကို ကြုံလာရတဲ့အချိန်မှာ - မြန်မာပြည်ကို စစ်တပ်ကအုပ်စီးထားတယ် ၊ တိုင်းရင်းသား

တွေရဲ့ အခွင့်အရေးတွေ ပိတ်ပင်ခံထားရတယ် ၊ တိုင်းရင်းသားတွေနေတဲ့ နယ်တွေမှာ နယ်ခံတွေကို

အသုံးပြုပြီး ငါးကြင်းဆီနဲ့ ငါးကြင်းကြော်တဲ့ပုံစံနဲ့ ပုန်ကန်သူတွေကို ချေမှုန်းဖို့ ကြိုးစားနေတယ် ၊ နိုင်

ငံရဲ့ ချွတ်ချုံကျမှုမှာ တာဝန်ရှိတယ် - စသည်ဖြင့် မြင်လာပါတယ် ။

     ဒီကနေ့မှာတော့ ရှေ့တန်းနဲ့ နယ်ဖက်ဒေသတွေမှာသာ မဟုတ်ပဲ မြို့ပေါ်မှာပါ လူသတ်နေတဲ့ ၊

အာဏာကို တမ်းတမ်းတပ်မက်နေတဲ့ ၊ လိမ်ညာဖို့ ဝန်မလေးတဲ့ ၊ ကလေးစစ်သားနဲ့ တပ်ပြေးတွေ

ပေါများတဲ့ ၊ ဖုံးဖိမရတဲ့ အမျိုးသမီးတွေအပေါ် ကျင့်ကြံခဲ့မှုတွေနဲ့ ပြည့်နေတဲ့ စစ်တပ်ဆိုတာ ပေါ်

လွင်လာခဲ့ပါပြီ ။ လွတ်လပ်ရေးရဖို့ အရေးပါခဲ့ပေမယ့် အဓိက အခန်းကဏ္ဍကနေ ပါခဲ့သလားဆို

တာလည်း မေးစရာတွေ ဖြစ်လာခဲ့ပါပြီ ။ အဆိုးဆုံးက တည်ထောင်သူ ဗိုလ်ချုပ်အောင်ဆန်းကိုပါ

အကြိမ်ကြိမ် ထပ်သတ်နေခဲ့တဲ့ အမဲစက်ကြီးတွေက အထင်ရှားမို့ ကိုယ်ကျင့်နဲ့ သိက္ခာပိုင်းမှာ ကုန်း

ကောက်စရာ အင်မတန် နည်းနေတဲ့ဘဝမှာ ရောက်နေတာ ထင်ရှားလာခဲ့ပြီ ။

     ဒါပေမယ့် ကျနော့်အနေနဲ့ ရပ်မနေခဲ့ပါဘူး ၊ စစ်တပ်က နိုင်ငံကို ချုပ်ကိုင်ထားတာဟာ ပုဂံစ

တည်ကတည်းကလား ၊ လွတ်လပ်ရေးရဖို့ စကြိုးစားချိန်ကလား ၊ ဦးနေဝင်း အာဏာစသိမ်းချိန်

ကလား ဆိုတာတွေကို ပိုင်းခြားတွေးလာသလို ၊ ၁၉၈၈ ကစတဲ့ စစ်အုပ်ချုပ်ရေးရဲ့ သက်ရောက်မှု

တွေကိုပါ ရောစပ်စဉ်းစား ပိုင်းခြားဖို့ ကြိုးစားလာခဲ့ပါပြီ ။ ဒါတွေရဲ့နောက်မှာ လူမျိုးရေး ၊ လူမှုရေး ၊

ဘာသာရေး ယဉ်ကျေးမှုနဲ့ ဒေသစွဲတွေ ဘယ်လောက်အထိ ရောယှက် သက်ရောက်နေသလဲ

ဆိုတာတွေလည်း စိတ်ဝင်စားလာခဲ့ပြီ ။ ဒါတွေမက အကျိုးနောက် အားကျိုးမာန်တက် လိုက်မွှေ

တာထက်  အကြောင်းရင်းခံတွေကို ရှာဖွေပြီး လက်တွေ့ကျမယ့် အဖြေတွေရှာဖို့ တွေးလာခဲ့ပြီ ။

     ဒီ ၂၅ နှစ်ကျော်ကြာတဲ့ ပြောင်းလဲလာမှုမှာ ပထမဆုံး လမ်းစဖေါ်ပေးခဲ့တဲ့ အဖြေစကားကိုတော့

မမေ့သေးပါဘူး ၊ နောင်လည်း မေ့မယ်လို့ မထင်ပါဘူး ။

     ဒီအဖြေကပဲ ကနေ့ အားနည်းသူ ၊ ဖိနှိပ်ခံရသူ ၊ မတရား အလုပ်ခံရသူ ၊ အကူညီလိုနေသူတွေ

ကို ထောက်ပင့်ပေးဖို့ အခြေခံစိတ်တွေ အုတ်မြစ်ချပေးခဲ့သလို ၊ အမှား ချွတ်ယွင်းချက် လွဲချော်မှုတွေ

ရှိခဲ့ ရှိနေဆဲ ကျနော့်အတွက်  အားမလျော့အောင်လည်း သတိပေးနေပါတယ် ။

     ဒီလိုရေးပြလို့ ကျနော် စစ်တပ်ကို ဖဲ့ဖို့ ရည်ရွယ်ချက်နဲ့ ရေးတယ် ထင်ကောင်းထင်မယ် ။

     ဖြစ်ခဲ့ပြီးတာတွေကို ကျနော်အပါဝင် သက်ရောက် ခံစားရသူအားလုံးက မေ့လို့ရမယ်တော့

မဟုတ်ပါဘူး ။ ပုထုဇဉ်တစ်ယောက်အနေနဲ့ ခံစားချက်တွေရှိပေမယ့် လက်တွေ့ကျမယ့် ၊ ပြေ

လည်နိုင်မယ့် ၊ အထိအခိုက် အနည်းဆုံးဖြစ်မယ့် ၊ သင့်တင့်မျှတပြီး ဖြစ်သင့်တဲ့ တရားတွေနဲ့

လည်း အနီးစပ်ဆုံး အဖြေတွေကို ရှာဖွေဖေါ်ထုတ် သုံးစွဲဖို့က ပိုအဓိက ကျပါတယ်  ။ စစ်တပ်ရဲ့

အဆိုးတွေကို တိုက်ခိုက်ဝေဖန်နေဖို့ထက် ဘာကြောင့် ဒီလိုဖြစ်နေပြီး ဘယ်လိုပြေလျော့အောင်

လုပ်ရမလဲဆိုတာ အဖြေရှာရပါမယ် ။ သူ့ရဲ့ အရေးပါနေသေးပုံကိုလည်း မေ့ထားလို့ မရပါဘူး ။

လွန်ခဲ့တဲ့ရက်ပိုင်းက ဦးသူရရွှေမန်းပြောသွားသလို "စစ်တပ်မပါတဲ့လွှတ်တော်ဖြစ်ဖို့ စောသေး

တယ်" ဆိုတာမျိုးဟာ မကြိုက်ပေမယ့် လက်ခံရမယ့် စကားမျိုးပါ ။

     ပြည်တွင်းစစ်ကို အခြေခံပြီး အမြင်နဲ့ အတွေ့ကြုံတစ်ချို့ကို ဝေမျှတာပါ ။ ဒါမျိုး အများစုက

လက်ခံပြီး ပူးပေါင်းလုပ်မှသာ အောင်မြင်မှာပါ ။ လက်ရှိမှာ ဒေါ်စုက ကချင်ကိစ္စမျိုးကို ရေငုံနေ

တာဟာ အင်မတန် အားလျော့စရာကောင်းပေမယ့် စောင့်နေလို့ အကျိုးဖြစ်မယ့် အရာမျိုးမဟုတ်

လို့ ကိုယ်စွမ်းသမျှ ကိုယ်လုပ်ကြဖို့သာ ရှိပါတယ် ။ အလုပ်ကောင်းမှ ကံကောင်းကြပါလိမ့်မယ် ။

မန်းကိုကို

၂၂ ၊ ၀၅ ၊ ၂၀၁၂