ကြားဖူး ဖတ်စ (၁.၅)

     ယောင်နောက် ဆံထုံးပါပြီး မသင်းဖြူ သြစတြေးလျကို ရောက်ခဲ့ရာမှာ ၊ အခုဆိုရင် နိုင်ငံသားခံယူ

ခွင့်ရတဲ့ အချိန်အတိုင်းတာကိုတောင် ကျော်လွန်ခဲ့ပါပြီ ။

     မသင်းဖြူအနေနဲ့ ဘဝအတွက် အဖက်ဖက်က တွေးတောပြီး သြစတြေးလျ နိုင်ငံသူအဖြစ် ခံယူဖို့

ဆုံးဖြတ်လိုက်ပါတယ် ။ ဒီမှာတင် တရားဝင်လာရောက်ခဲ့သူ တစ်ယောက်အနေနဲ့ ၊ ပတ်စ်ပို့ကို မြန်မာ

သံရုံးကို ပြန်အပ်ပြီး တရားဝင်လမ်းကြောင်းအတိုင်း လုပ်ကိုင်ဖို့လည်း စီစဉ်လိုက်ပါတော့တယ် ။

     ဒီလိုနဲ့ မြန်မာသံရုံးကို ရောက်ခဲ့ပါပြီ ။

     ဟောဒီမှာ ပတ်စ်ပို့ ၊ ပြန်အပ်ပါတယ် .. ပေါ့ ။

     ဒါပေမယ့် မပြီးပါဘူး ။

     သံရုံးဝန်ထမ်း အမျိုးသမီးက လေသံချိုလေးနဲ့ ပြောပါတယ် ။

     "ညီမရေ ၊ ပတ်စ်ပို့ ပြန်အပ်ဖို့ သြစတြေးလျဒေါ်လာ ၂၅၀၀ ကျပါတယ်” တဲ့ ။

     ဟင် .. ကြား ကြားဖူးပေါင် .. တော် ။ အခွန်လည်း တာဝန်ကြေအောင် မှန်မှန်ဆောင်ခဲ့တာပဲလေ ။

     စဉ်းစားရင်း .. မသင်းဖြူ မျက်ဖြူလန်ပြီး ဆန့်ငင်ဆန့်ငင် ဖြစ်သွားပါတယ် ။

     (စိတ်မပူကြပါနဲ့ .... စိတ်ထဲက ဖြစ်တာကို ပြောတာပါ) ။

     ဘယ်လိုပဲဖြစ်ဖြစ်ပေါ့လေ … မသင်းဖြူ စိတ်ကိုတင်းပြီး အဖိုးအခ မပေးရတဲ့ စကားနဲ့ပဲ ရင်းနှီးမြှုပ်နှံ

မှု လုပ်ကြည့်လိုက်ပါတယ် ။

     “အမရယ် .. ကျမတို့လည်း အဆင်ပြေတယ်ရယ်လို့ မဟုတ်ပါဘူး ၊ အခုလည်း အဝေးကနေ က

လေးတွေ ချန်ထားပြီး လာရတာပါ ၊ အလုပ်လည်းပျက်ရလို့ နည်းနည်းလောက် လျှော့ပေးလို့ မရဖူး

လား .. ဟင်”

     “အော် .. ညီမရယ် ၊ အစ်မတို့ကလည်း တာဝန်အရပါ ၊ ညီမတို့လည်း နောင်ဆို အမတို့နဲ့ ဆက်ဆံ

ရတော့မှာ မဟုတ်ဖူးလေ ။ မများပါဘူးကွယ်”

     “တကယ်ကို အဆင်မပြေလို့ပါ အမရယ် ကြည့်လုပ်ပေးပါ”

     “အင်း .. ၂၅၀၀ အဆင်မပြေလည်း နည်းနည်းလျှော့ပေးပေါ့ကွယ် ..”

     “……….”

     “……….”

     သည်လို သည်လိုနဲ့ပေါ့လေ …

     “အေးပါကွယ် ၊ ညီမဖက်က အဆင်မပြေတော့လည်း ၁၅၀၀ နဲ့ပဲ အဆင်ပြေအောင် လုပ်ပေးလိုက်

ပါ့မယ်” ဆိုတာနဲ့ အဆုံးသတ်သွားခဲ့ရ ပါလေတော့တယ် ။

     မေးမယ်ဆိုရင် မေးခွန်းတွေကတော့ တစ်သီတစ်တန်းကြီးပါ ။

     ဒါပေမဲ့ တစ်ကြိမ်ပဲ ဆက်ဆံရတော့မှာမို့ မသင်းဖြူ မြိုသိပ်ထားလိုက် ပါတော့တယ် ။

     ငွေလက်ခံရလိုက်တဲ့ အခိုက်တန့်ကလေးမှာတော့ သံရုံးဝန်ထမ်း အမျိုးသမီးရဲ့ မျက်နှာမှာ နကို

အပြုံးထက်သာလွန်တဲ့ သိသာထင်ရှားပြီး နှစ်နှစ်ကာကာ ရှိလှတဲ့ အပြုံးတစ်ခုဟာ ထပ်ဆင့် ပွင့်လန်း

လာခဲ့တယ်ဆိုတာကို ၊ ဘဝရဲ့ မမေ့နိုင်တဲ့ မြင်ကွင်းလေးတစ်ခုအဖြစ် မသင်းဖြူဟာ သူ့မိတ်ဆွေတွေ

ကို  ပြန်ပြောပြချင် လှပါတော့တယ် ။

၁၆ ၊ ၀၁ ၊ ၂၀၁၂

(  လွန်ခဲ့တဲ့ ဆယ်နှစ်လောက်က ဘားအံကအဖြစ်ကို ပြန်ပြီး တန်းမြင်လိုက်မိတယ် ။

   ဈေးထဲမှာ ဆိုင်ပေါက်စေ့ အလှူငွေတွေ လိုက်ကောက်နေပါတယ် ။

   အလှူငွေဆိုပေမဲ့ မထည့်မနေရ ၊ ကောက်တာကလည်း အစိုးရတာဝန်ယူရမယ့် စစ်ပြန်ဒုက္ခိတတွေအတွက်ပါ ။

   ဘယ်လိုဆိုင် အမျိုးအစားကတော့ ဘယ်နှစ်သောင်းဆိုပြီး ကောက်သွားတာများ တကယ့်အမိန့်ရ ဒါးပြတွေလိုပါပဲ ။

   ပြီးတော့ လာကောက်တဲ့လူက ဆိုင်ရှင်ကို ခပ်တိုးတိုးလေး ပြောလိုက်သေးတယ် ။

   ညှိလို့လည်း ရပါတယ် .. တဲ့ ။)

==========================================

ကြားဖူး ဖတ်စ (၁)

     ဆရာညိုတစ်ယောက် သြစတြေးလျကို ရောက်နေခဲ့တာ တစ်နှစ်ကျော်ခဲ့ပါပြီ ။
     အလုပ်အကိုင်လည်း အဆင်ပြေ ၊ နေထိုင်လို့လည်း ကောင်းတာကြောင့် တစ်ဖက်မှာ ကျန်ခဲ့တဲ့
အိမ်ပိုင်ကလေးကို ရောင်းဖို့ ဆုံးဖြတ်လိုက်ပါတယ် ။

     ဒီမှာတင် မြန်မာပြည်သားတစ်ယောက်ရဲ့  အရိုးစွဲနေတဲ့ ထုံးစံအတိုင်း သံရုံးသွားရမှာကို အတော်
ရွံ့နေတာကြောင့် ပိန်လိန်ပြီး နေ့ရွှေ့ညရွှေ့လုပ်နေခဲ့ပါတယ် ။ ဒါပေမယ့် ဝင်ငွေချောနေတဲ့ အလုပ်ကို
ပစ်ပြီး သွားရမှာရယ် ၊ စားရိတ်စက ကုန်မှာတွေအပါဝင် ပင်ပန်းမှာတွေကိုလည်း တွက်နေရကြောင့်
အိမ်အရောင်းဝယ်အတွက် သံရုံးကနေတစ်ဆင့်ပဲလုပ်ဖို့ ဆုံးဖြတ်ပြီး ထွက်လာခဲ့ပါတယ် ။

     သံရုံးရောက်တော့ ကောင်စစ်ဝန်ကိုယ်တိုင် ထွက်တွေ့ပါတယ် ။
     ကိုယ်ပိုင်ကားနဲ့ လာတာလား ၊ တက္ကစီနဲ့လားလို့ မေးပြီး စာချုပ်တွေကို ပြင်ဆင်ဖို့နဲ့ လက်မှတ်ထိုး
ဖို့ရာ အချိန်နည်း နည်းယူရမှာမို့ အခန်းတစ်ခန်းထဲမှာ နားနားနေနေ စောင့်နေပါဦးလို့ ပြောပါတယ် ။
စောင့်နေရတာကြောင့် မြန်မာပြည်သားတွေရဲ့ ထုံးစံအတိုင်း ရင်တထိတ်ထိတ်နဲ့ ပိုပြီးပူပင်လာပါတယ် ။
စောင့်နေတုန်းမှာ ကော်ဖီသောက်မလား ၊ လက်ဖက်ရည်သောက်မလားလို့ ရုံးဝန်ထမ်းတစ်ဦးက လာ
မေးပြန်ပါတယ် ။ "ဒုက္ခပဲ ၊ ဘယ်လောက်များ ဝန်ဆောင်ခတွေ ပေးနေရဦးမလဲ မသိဖူး" ဆိုပြီး နောက်
တစ်မျိုး ပူပင်လာပြန်ပါတယ် ။

     ဘယ်လိုပဲဖြစ်ဖြစ် သိပ်အကြာကြီး မစောင့်လိုက်ရပဲ အိမ်ရောင်းစာချုပ်ကို အပြီးသတ်နိုင်ခဲ့ပါတယ် ။

     ဒါနဲ့ကိစ္စပြီးတော့ ကောင်စစ်ဝန်ကို “ဝန်ဆောင်မှုအတွက် ဘယ်လောက်များ ကျသင့်ပါသလဲ ခင်ဗျ”
လို့ မေးလိုက်မိပါတော့တယ် ။ သူပြန်ပြောတဲ့ စကားကြောင့် ဆရာညိုတစ်ယောက် အံ့အားသင့်သွား
တယ် ။

     “မပေးရပါဘူး ခင်ဗျာ ၊ ကျနော်တို့ရဲ့ နိုင်ငံသား/သူတွေကို ကျနော်တို့က လိုအပ်တဲ့ဝန်ဆောင်မှု
တွေကို အပြည့်အဝ ပေးရမှာပါ” တဲ့ ။

     ဒါလည်း မပြီးသေးပါဘူး ။ ကောင်စစ်ဝန်ကနေ ဆက်ပြီးတော့ ပြောလိုက်တာက -
     “ခဏနေပါဦး ။ ကျနော်တို့ တက္ကစီ ခေါ်ပေးပါ့မယ် ။ ကားရောက်လာမှ ပြန်တာပေါ့” တဲ့ ။

     ဆရာညိုအနေနဲ့ ဒီလို အဆင်ပြေပြေ ဖြစ်လိမ့်မယ်လို့ မမျှော်လင့်ထားခဲ့ရိုး အမှန်ပါ ။ ဒါဟာ အိပ်
မက်လည်း မဟုတ်ခဲ့ပါဘူး ။ တစ်ကယ်ကို ဖြစ်ခဲ့တာပါ ။ 
     အဲ .. ဒါနဲ့ ခင်ဗျားကို မျှော်လင့်ချက်ကြီးကြီး ပေးမိသွားသလား မသိဖူး ။

     စိတ်တော့ မရှိပါနဲ့ဗျာ ၊ ကျနော် ပြောဖို့တစ်ခု ကျန်ခဲ့လို့ပါ ။
     အပေါ်ကပြောခဲ့တာဟာ “တောင်အာဖရိက” သံရုံးအကြောင်းပါ ။

၁၄ ၊ ၀၁ ၊၂၀၁၂