ကျုပ်လှန်ရေးသမား

     တော်လှန်ရေးဆိုတဲ့စကားလုံးကို လက်ရှောင်နေခဲ့တာ အတော်ကြာနေပါပြီ ။

     ကိုယ်တိုင် တော်လှန်ရေးသမားတစ်ယောက်မဟုတ်သလို ခံလည်းမခံယူထားလေတော့ နှစ် ၂၀ ၊

၆၀ စသည်ဖြင့် လုပ်လာခဲ့ကြသူတွေကို ငြိုငြင်အောင်လုပ်မိသလို ဖြစ်မှာစိုးပါတယ် ။ သာရာမှာနေပြီး

ဖောက်ပြန်ရေးစကားတွေ ပြောနေတယ်တို့ ၊ ဘက်လိုက်တယ်ဆိုပြီး စွပ်စွဲဖို့ အသင့်ဖြစ်နေကြသူတွေ

အတွက် အကြောင်းပြချက်တစ်ခု ထပ်ပေးသလိုဖြစ်နေမှာလည်း ထည့်တွက်နေခဲ့ရပါတယ် ။ ဒါကြောင့်

ရူးချင်ယောင်ဆောင်ပြီး ဟိုဟိုသည်သည်လှည့်နေခဲ့တာလို့ ပြောရင်လည်း ရမှာပါပဲ ။

   ဒါပေမယ့် “မပြောမပြီး မထုမကွဲ” ဆိုတဲ့စကားလိုပဲ ၊ ပြောတာက ပိုအကျိုးရှိမလားဆိုပြီး ပြောကြည့်

ဖို့ စိတ်ကူးမိတယ်လေ ။

   တဖက်မှာလည်း သူများတွေကို ဟိုဟာဒီဟာကလေး လုပ်လိုက်ပါလားတို့ ၊ ဒီလို ဟိုလိုလုပ်သင့်တယ်

ဆိုတာမျိုးတွေကို လျှော့ပြီးရေးဖို့ လိုမှာတော့သေချာတယ် ။ ဒါမှ အားလုံးနီးပါး နားဝင်ချိုကြမှာကိုး ။ ဒါ

ပေမယ့် လိုရင်းရောက်ဖို့ ၊ အကျိုးဖြစ်ဖို့ဆိုရင် ဒါတွေက မဖြစ်နိုင်သလောက် အနေအထားမှာ ရှိနေပြန်

တယ် ။

   ဒီတော့ကာ ကျနော်သာ တော်လှန်ရေးအဖွဲ့အစည်းတစ်ခုမှာ အရေးပါအရာရောက်သူတစ်ယောက်

ဖြစ်နေမယ်ဆိုရင် ၊ လုပ်ချင်တဲ့ လုပ်သင့်တယ်လို့ထင်တဲ့ လုပ်ရမယ်လို့ယူဆတဲ့ အရာတွေကို ရသ

လောက် လက်တန်းချရေးကြည့်မယ်ဗျာ ။

*  နိုင်ငံရေး

   မြန်မာပြည်အတိုင်းအတာနဲ့ “တော်လှန်ရေး”တွေ “ဆော်ပြန်သလေး” လုပ်လာခဲ့ကြတာလဲ ကမ္ဘာ့

သက်တမ်းအရှည်ကြာဆုံး စံချိန်တွေ တင်နိုင်ခဲ့ကြတာကလွဲရင် အကျိုးစီးပွားဖြစ်သူတွေဆိုလို့ အင်မ

တန်နည်းတယ်လို့ မြင်မိတယ် ။

   ကျောက်တုံးကြီးနဲ့ ကျောက်တုံးအသေးတို့ သူမာတယ် ငါမာတယ်နဲ့ အပြိုင်ထုနေခဲ့လိုက်ကြတာ

အကြီးအကျယ်ကွဲတဲ့ဖက်နဲ့ လုံးပါးပါးတဲ့ဖက်လောက်ပဲကွာတယ် ၊ အတူတူနဲ့အနူနူ ကွဲကြေနေကြရ

တာတော့ သေချာတယ် ။ သူကတမတ် ငါကတမူးစာ ပိုရှူရတယ်ဆိုပြီး ပြိုင်ဆိုင်နေကြရတာလဲ မရိုး

နိုင် မငြီးငွေ့နိုင်ကြပေမယ့် ဘေးကကြည့်တဲ့ကိုယ်ကတော့ စိတ်သိပ်မရှည်လှတာ အမှန် ။

   စစ်ရေးဆိုတာဟာ အရေးအင်မတန်ပါတာကိုတော့ ငြင်းမနေချင်ဘူး ။ ဒါပေမယ့် နိုင်ငံရေးဟာ ပဓါ

နလို့ ယုံကြည်တယ် ။ ဒီခေတ်ဒီအခါဟာ စစ်ဘုရင်ဆန်ဆန် တစ်ယောက်ကောင်းနဲ့ တစ်သောင်းဗိုလ်

ချေကို ညက်ညက်ကြေအောင် ကြိုးစားရမယ့်ခေတ်မဟုတ်တော့ပါ ။ နိုင်ငံရေးက ဦးဆောင်မှုနေရာမှာ

ရှိနေရတော့မယ် ။

   ပြောမယ့်သာပြောရတယ် ၊ နဂါးမျက်စောင်းတွေကလည်း အများသား ။ ဒါပေမယ့် အဲဒီမျက်စောင်း

တွေကို မျက်ကွယ်မပြုရင်တော့ အာဏာရှင်တွေက ရာစုနှစ်နဲ့ချီပြီး နိုင်ငံကို ခေတ်နောက်ပြန်ဆွဲနေချိန်

မှာ ၊ ကိုယ်တွေက သူတို့အမြီးတောင် လိုက်ဆွဲလို့မမီပဲ ကျန်နေတဲ့အဖြစ်မျိုးနဲ့ ကြုံရမှာပဲ ။

* သတင်းကဏ္ဍ

     သတင်းကဏ္ဍဟာ ဒီမိုကရေစီစနစ်မှာ စတုတ္ထမဏ္ဍိုင်လို့ဆိုတယ် ။

     စာတွေထဲမှာလဲ သတင်းကဏ္ဍဟာ လူမှုအသိုင်းအဝိုင်းကို ရုပ်လုံးဖေါ်ပေးပြီး လူမှုအသိုင်းဝိုင်းရဲ့

အမြင်ကိုလည်း တည်ဆောက်လမ်းကြောင်းပေးတယ်လို့ ဆိုပြန်တယ် ။

     တဖက်မှာကလည်း အာဏာယူထားသူတွေက ကိုယ့်ကျိုးစီးပွားနဲ့ ကိုယ်ယုံကြည်ချင်တာတွေကို

မီဒီယာသုံးပြီး ကိုယ့်ကိုယ်ကို အိပ်မွေ့ချသလို ထပ်ကာထပ်ကာရိုက်သွင်းဖို့ အသုံးချစရာကဏ္ဍလည်း

ဖြစ်နေပြန်တယ် ။

     တော်လှန်ရေးသမားတွေ အားနည်းနေတာတွေထဲမှာ သတင်းကဏ္ဍဟာ ထိပ်ဆုံးကပါနေတယ်

လို့မြင်တယ် ။ “အခက်အခဲအတားအဆီးတွေ အများကြီးရှိတယ်” ဆိုတဲ့ဆင်ခြေကို ကျနော်ကတော့

မသုံးဘူးလို့ ခံယူထားတယ် ။ လူတွေကြားရောက်သင့်တဲ့ သတင်းတွေကို မရောက်ရောက်အောင်

နည်းမျိုးစုံနဲ့ ပို့ပေးမယ် ။ ရောက်ရုံမကဘူး ပလူပျံနေအောင်ကိုလုပ်မယ် ။ ဒါမှလည်း သတင်းမှိုင်းနဲ့

အညှို့ခံထားရသူတွေ ညှို့ဓါတ်ပြေအောင်လုပ်ပေးနိုင်မှာဖြစ်သလို အများပြည်သူက သိသင့်တာ

တွေကို သိနိုင်ကြမယ် ။ 

   အမှန်တရားဟာ စွမ်းအားပဲ ။ ဒီစွမ်းအားဟာ တော်လှန်ရေးအတွက် ကြီးမားတဲ့အင်အားတစ်ရပ်

ဖြစ်စေရမယ် ။

     ဒီခေတ်မှာ သတင်းကဏ္ဍထဲ အကုန်ကျနည်းနည်းနဲ့ လုပ်လို့ရတာတွေက အများကြီး ။ ဘလော့ဆို

ရင် အခမဲ့ ၊ ဝက်ဘ်ဆိုဒ်ဆိုလည်း ဈေးကနည်းနည်းလေး ၊ လူတစ်ယောက် မိတ္တူ ၁၀ စောင်စီ ကူးပေး

နိုင်အောင် စည်းရုံးနိုင်ရင်လည်း ဘာမှမကုန်ဘူး ။

   ပါလက်စတိုင်းမှာ ကြည့်အုံးမလား ။ NGO တွေက ဗီဒီယိုကင်မရာ အလုံး ၅၀၀ ကို အခမဲ့ဝေပစ်လိုက်

တယ် ။ အစ္စရေးတွေ မဟုတ်တာလုပ်သမျှ မှတ်တမ်းတင်နိုင်အောင်လို့ပါ ။

   ကျုပ်တို့ လုပ်ဖြစ်ဖို့သာလိုတာ ၊ ရိုက်ပြီးရင် တည်းဖြတ်ဖို့က program တွေ ပေါပေါလွန်းလို့မှ ပုံလို့ ။

အဲဒါကိုမှ ကြောင်တောင်တောင် လုပ်နေသေးတဲ့ လူငယ်တွေကို လမ်းနည်းနည်းကြောင်းပေးလိုက်

ရုံပဲ ။ ဥပမာ ရှေ့တန်းမှာ တိုက်ပွဲတွေကို ဗီဒီယိုရိုက်ရင် အနည်းဆုံးသတိထားစရာလေးတွေရှိတယ် ။

ဘယ်သူမှ အချိန်ကုန်ခံပြီး တော်လှန်ရေးသမားတွေ ဆဲနေကြတာ နားမထောင်ချင်ဘူး ၊ လမ်းချည်း

လျှောက်ပြနေတာ မကြည့်ချင်ဘူး ၊ ထမင်းစားပြနေတာ စိတ်မဝင်စားဘူး ။ အဲဒါမျိုးတွေကို သင့်တော်

သလို ဖြတ် ကပ် ညှပ်တတ်ရင် လက်ဘနွန်က သတင်းကဏ္ဍကို အပိုင်ကိုင်နိုင်တဲ့ ဟစ်ဇ်ဘိုလာတွေလို

လူလည်ကျလိမ်နေစရာ မလိုဘူး ။

* အုပ်ချုပ်ရေး

     ကျနော်တို့ တော်လှန်ရေးသမားတွေကို “သူပုန်” တွေလို့ပဲ အလွယ်ခေါ်ကြည့်ရအောင် ။

     (သူပုန်ဆိုလို့ သောင်းကျန်းသူနဲ့ သူပုန်ဆိုတဲ့စကားလုံးကိုတောင် အဓိပ္ပါယ်မကွဲတဲ့ ဗမာစာ မကျွမ်း

ကျင်သူတွေကိုတော့ နောင်မှရှင်းပါမယ်) ။

     သူပုန်ဆိုတာဟာ အင်အားကြီးရင် ၊ စိုးမိုးတဲ့နယ်မြေနဲ့ ဝင်ငွေလမ်းတွေရှိရင် အစိုးရဖြစ်တာပါပဲ ။

ဒါမှမဖြစ်သေးဘူးဆိုရင်လည်း အခါအခွင့်သင့်တဲ့အချိန်တွေကျ အစိုးရရဲ့ အစိတ်အပိုင်းတစ်ခု ဖြစ်လာ

တတ်တဲ့ သဘာဝလည်း ရှိတာမို့ .... ဘာလုပ်ရရင် ကောင်းမလဲ ....

     ကျုပ်ကတော့ ကျုပ်အဖွဲ့စည်းကို စနစ်တကျဖွဲ့မယ် ။ အစိုးရဖြစ်လာဖို့ရှိမှတော့ အစိုးရတစ်ရပ်ရဲ့

လိုအပ်တဲ့ အင်္ဂါတွေပြည့်စုံအောင် ဖြည့်ဆည်း ဖွဲ့စည်းသွားမယ် ။ စနစ်တကျ အုပ်ချုပ်မယ် ။ ဒေသ

တိုးတက်ရေးနဲ့ လူတိုင်းလာပြီးအခြေချနေထိုင်ချင်လာအောင် ပြောင်းလဲပစ်မယ် ။ ဒီလိုလုပ်နိုင်ဖို့ နည်း

ဥပဒေမျိုးစုံကို ပြင်ဆင်လေ့လာရေးဆွဲဖို့ လုပ်ရမှာဖြစ်သလို ၊ ဝန်ထမ်းတွေအတွက် လုံလောက်တဲ့

လစာရိက္ခာနဲ့ အထောက်အပံ့တွေ ပေးနိုင်ဖို့ဟာလည်း အဓိကကျတဲ့ လုပ်စရာတစ်ချက်ပဲ ။

     ဆက်ကြေးပဲခေါ်ခေါ် ဘာပဲခေါ်ခေါ် အခွန်အကောက်တွေ ကောက်တယ်ဆိုရင်လည်း အစိုးရတစ်

ရပ်ရဲ့ ဝန်ဆောင်မှုကဏ္ဍကို ပြန်ထည့်တွက်ရမယ် ။ အခွန်ဆောင်ပြည်သူတွေအတွက် ဘာလုပ်ပေးနိုင်

သလဲဆိုတာဟာ အစိုးရတစ်ရပ်အတွက် အရေးကြီးတဲ့ မှတ်ကျောက်တစ်ခုပဲ ။

* အရည်အသွေး

     ကျုပ်တို့ရဲ့ တော်လှန်ရေးအဖွဲ့အစည်းထဲမှာ လက်နက်ကိုင်သူပဲဖြစ်ဖြစ် ၊ ကလောင်ကိုင်သူပဲဖြစ်ဖြစ်

ရှိသင့်တဲ့ အရည်အချင်း အရည်အသွေးတွေရှိလာအောင် လေ့ကျင့်ဖြည့်ဆည်းပေးမယ် ။ လူတိုင်းလို

လိုဟာ ဒေါင်ဒေါင်မြည်တဲ့ ကေဒါတွေအဖြစ်နဲ့ ကျစ်လျစ်တဲ့အဖွဲ့အစည်းတစ်ရပ်အနေနဲ့ သိက္ခာရှိရှိရပ်

တည်သွားနိုင်အောင် နည်းလမ်းရှာကြံသွားမယ် ။ ဒီလိုရှာကြံရာမှာလည်း အလွှာပေါင်းစုံလူတွေဆီက

ထွက်လာမယ့်စကားတွေကိုလည်း နားထောင်မယ် ။ ပြောဆိုအကြံပေးကြဖို့လဲ မေတ္တာရပ်ခံပြီး ဒီလို

လုပ်မှ အများအတွက် ကောင်းနိုင်မယ်ဆိုတာကို (ကျနော့်အိမ်မှာ ဘီယာထိုင်သောက်နေမယ့် အချိန်

တွေကိုလျှော့ပြီး) လိုရင်လိုသလို အိမ်ပေါက်စေ့လိုက်ပြောသင့်ရင်လဲ ပြောမယ် ။

     လက်ရှိအနေထားမှာ ကရင်ပြည်နယ်စစ်ဆင်ရေးထဲ ပါမသွားရလေအောင် ငွေငါးသောင်း တစ်

သိန်းလောက် လာဟ်ထိုးရှောင်ရှားနေကြရတာတွေ ပြည်မစစ်တပ်ထဲမှာ ဖြစ်ပျက်နေကြပါတယ် ။

ကျုပ်ကတော့ ဒီလောက်နဲ့မတင်းတိမ်နိုင်ပါဘူး ။ အရည်အချင်းပြည့်ဝတဲ့ တော်လှန်ရေးသမားတွေနဲ့

ဖွဲ့စည်းထားတဲ့ ကျုပ်တို့အဖွဲ့စည်း ထိန်းချုပ်ထားရာကို သန်းနဲ့ကုဋေနဲ့ချီပြီး လာဟ်ထိုးရှောင်ရှား ကြရ

လောက်အောင် ဖြစ်စေချင်ပါတယ် ။ လုပ်လို့ရတယ်လို့လည်း ယုံကြည်တယ် ။

     တဖက်မှာလည်း သာမန်လူတွေအတွက် အခွင့်အလမ်းတွေနဲ့ မက်လောက်စရာ ဒေသတစ်ခုအဖြစ်

ပြောင်းလဲပစ်ဖို့ လုပ်သွားပါမယ် ။

* စာပေနဲ့ ယဉ်ကျေးမှု

     ကျနော့်အဖွဲ့စည်း စိုးမိုးထားတဲ့ နယ်မြေတဝှမ်းမှာ ၊ ပြည်မအာဏာပိုင်တွေက ကျောင်းတွေလာ

တည်မယ်ဆိုရင် အနှောင့်အယှက်မပေးတဲ့အပြင် အကူအညီတွေပါ ပေးမယ်လို့ဆုံးဖြတ်ထားတယ် ။

လူမျိုးစုငယ်တွေကို ဝါးမျိုချင်တာကြောင့်လို့ပြောပြော ၊ Burmese-nization လို့ပဲ ခေါ်ခေါ် ၊ နိုင်ငံသူ

နိုင်ငံသားတွေ တပြေးညီအခွင့်အရေးရနိုင်ဘို့ စေတနာနဲ့ လာဖွင့်တာပါလို့ ရွှေရွှေ (ရွှီးရွှီး) ၊ ဒါတွေက

လက်တွေ့အလုပ်ဖြစ်အောင်လုပ်ချင်တဲ့ ကျုပ်အတွက် အရေးမကြီးလှဘူး ။

   ကျုပ်ကူညီမယ့် အစီအစဉ်ကတော့ - ကျောင်းဖြစ်မြောက်ရေး ၊ ဆရာဆရာမတွေ လုံခြုံရေးအပါ

အဝင် အဆင်ပြေချောမွေ့ကြစေရေးတွေ အားလုံးပါတာပေါ့ဗျာ ။ တဆက်ထဲမှာပဲ ကျုပ်တို့ဒေသခံ

တွေအတွက် အကျိုးရှိစေမယ့် ဒေသခံတိုင်းရင်းသားတွေရဲ့ စာပေတစ်ဘာသာနဲ့ လက်တွေ့ကျတဲ့

အသက်မွေးဝမ်းကျောင်း ဘာသာတစ်ရပ်ပါ သင်ရိုးညွှန်းတမ်းမှာ ထည့်သင်ပေးဖို့ မေတ္တာရပ်ခံမယ်

ဗျာ ။ ဒါတွေထည့်သွင်းပေးဖို့ ကျောင်းအတွက် အခက်အခဲရှိတယ်ဆိုရင်လည်း ငွေအား ၊ လူအား ၊

အကြံဥာဏ်အားတွေပါ ဝိုင်းပြီးပံ့ပိုးမယ်ဗျာ ။ ဒီကိစ္စဟာ ဖြစ်သင့်တဲ့ လုပ်သင့်တဲ့ကိစ္စ ၊ ဒေသခံတွေ

သာမက နိုင်ငံတစ်ခုလုံးကိုပါ ဆပွားအကျိုးရှိမယ့် အစီအစဉ်မို့လို့ ၊ စေတနာမှန်တယ်လို့ ကိုယ့်ကိုယ်

ကိုယုံကြည်ကြတဲ့ ပြည်မအာဏာပိုင်တွေနဲ့ ဗမာလူမျိုးတွေလည်း နှစ်သက်ထောက်ခံ သာဓုခေါ်ကြမှာ

အမှန်ပဲ ။ လုပ်ဖို့သာ အရေးကြီးတာပါ ။

* ဇာတိပြန် လုပ်အားပေးအစီအစဉ် (Going Home Program)

     ခုဆိုရင် တော်လှန်ရေးအဖွဲ့အစည်းတွေနဲ့ ပတ်သက်ပြီး တတိယနိုင်ငံကို အခြေသွားချခဲ့ကြသူ

တွေလည်း မနည်းတော့ဘူး ။ ပညာ ၊ ဥစ္စာ စသည်ဖြင့် အနည်းနဲ့အများ စုဆောင်းမိကြသူတွေရှိသလို

ယဉ်ကျေးမှုနဲ့ ဘာသာစကားဖက်အပိုင်းမှာလဲ လျော့နည်းဆုံးရှူံးမှုတွေက တန်ဖိုးမဖြတ်ကောင်းလောက်

အောင်ပဲ ။

   တစ်ချိန်က လယ်ယာကိုင်းကျွန်း လုပ်ကိုင်ခဲ့ကြတဲ့ တိုင်းရင်းသားတွေရဲ့ အနွယ်ဝင်လူငယ်ကလေး

တွေ စပါးပင်ကိုတောင် ဘာပင်လဲလို့ မေးလာတာမျိုး ၊ ဘာသာစကား ဓလေ့ထုံးတမ်းတွေ မသိနိုင်

ကြတော့လို့ မိဘဆွေမျိုးအသိုင်းဝိုင်းတွေက ရင်နာနေရတာတွေမျိုး ၊ ဒုက္ခရောက် ကျန်ရစ်ခဲ့ကြတဲ့

သွေးချင်းတွေ ရှိနေကြသေးတယ်ဆိုတာ မေ့သွားကြတာမျိုးတွေကို မကြုံရလေအောင် ကိုယ်ထူကိုယ်

ထ အစီအစဉ်လေးတွေကို လုပ်ကိုင်ကြဖို့ ကျုပ်ဆော်သြမိမှာတော့ သေချာတယ် ။

   ကိုယ့်လူတွေ ဒုက္ခရောက်နေခဲ့ကြတာကို ကိုယ်ထူကိုယ်ထ မကယ်နိုင်ကြပဲ ၊ အမြင်မတော်သူတွေ

က လာကူ လာကယ်ခဲ့ကြပြီးပါပြီ ။  ကိုယ့်ယဉ်ကျေးမှု ၊ ဓလေ့ထုံးစံနဲ့ ဘာသာစာပေတွေ မတိမ်ကော

အောင် သူတပါးတွေ လာကူညီတာကို ထပ်စောင့်နေကြအုံးရင်တော့ ကိုယ့်ကြမ္မာကိုယ်ဖန်တီးချင်ကြ

သူ တိုင်းရင်းသားအချို့အတွက် ကိုယ်ရွေးတဲ့လမ်းနဲ့ ကိုယ်စိုက်တဲ့အပင်ရဲ့ အကျိုးအမြတ်အသီးအပွင့်

တွေကို မျက်ရည်လည်ရွှဲနဲ့ မြိန်မြိန်ကြီးစားကြရမှာကို မြင်ယောင်တယ် ။

(အချို့ လုပ်နေကြတာတော့ တွေ့မိပါတယ် ၊ ဒါပေမယ့် အင်မတန် နည်းပါးသေးတယ်လို့ မြင်ပါတယ်) ။

* ကွန်ယက် ၊ ရံပုံငွေ ၊ အသိပညာ ဝေဌဖလှယ်မှုနဲ့ စွန့်ဦးတီထွင် စီးပွားရှင်တွေ

     နီးစပ်ရာ ၊ စိတ်တူရာ ၊ အဆင်သင့်ရာလူတွေ အစုဖွဲ့ ကွန်ယက်ဖွဲ့ပြီး မကြာမကြာ ရင်းနှီးအောင်

တွေ့ဆုံရင်း ၊ ရံပုံငွေတွေစုကောက် ၊ ဆွေးနွေးဖလှယ် လေ့လာသင်ယူကြဖို့ သိပ်မခက်လှတာမို့ ၊ ဒါ

တွေကို လည်း ပါးစပ်အမြှုပ်ထွက်ချင်ထွက် ပြောရတိုက်တွန်းရမှာကတော့ ကျနော့်အလုပ်လို့ ခံယူ

လုပ်ကိုင်မိမှာပဲ ။ ဒါ့ပြင် ကျနော်တို့တတွေ အားနည်းတဲ့ စီးပွားရေးလုပ်ငန်းတွေကို အားပေးနိုင်ဖို့

စီးပွားရေး တကယ်လုပ်နေသူတွေ ၊ စီးပွားပညာနောက်ခံရှိသူတွေနဲ့ စိတ်ပါဝင်စားသူတွေကို စုစည်း

တွေ့ဆုံ လုပ်ကိုင်နိုင်ကြအောင် မစီစဉ်ပေးနိုင်ရင်တောင် ထုံးစံအတိုင်း ဆော်သြဖို့ကတော့ လုပ်ရမှာ

ပဲ ။ ဒါဟာ သက်ဆိုင်ရာလူတွေအပေါ် မူတည်သလို ၊ ခေါင်းဆောင်တစ်ယောက်ရဲ့ လမ်းကြောင်းပေး

တဲ့အပေါ်မှာလည်း သက်ရောက်မှုတွေ အနည်းနဲ့အများ ရှိလာမယ်လို့ ယုံကြည်တယ် ။

* လူထုစည်းရုံးရေးနဲ့ မြို့ပြတိုက်ပွဲ

     စည်းရုံးရေးဆိုတော့ ဒါဟာ စိတ်ပိုင်းဆိုင်ရာ သိမ်းသွင်းမှုဖြစ်တာကို သိကြမှာပါ ။ ဒါကြောင့် သေ

နတ်ပြပြီး လုပ်လို့မရသလို ၊ မြို့ပြတိုက်ပွဲဆိုလို့လည်း လက်နက်ပါမှဖြစ်တဲ့ကိစ္စ မဟုတ်ပြန်ပါဘူး ။

     သူပုန်သူကန်ဆိုတာ ကြောက်စရာမဟုတ်ဖူးဆိုတာ လူများစုက လက်ခံလာရင် ပထမအဆင့်

အောင်မြင်တာလို့ ပြောနိုင်သလို ၊ ဘာကြောင့် ပုန်ကန်နေတယ်ဆိုတာကို ကွက်ကွက်ကွင်းကွင်း

သိကြအောင်လုပ်နိုင်ရင် နောက်တစ်ဆင့် အောင်မြင်တယ်လို့ ယူဆနိုင်ပါတယ် ။ ဒီကနေမှ သူပုန်

တွေဟာ လက်ရှိအုပ်စိုးနေတဲ့ အာဏာပိုင်အစိုးရထက် ကောင်းအောင်လုပ်နိုင်ပါတယ်ဆိုတာကို ယုံ

ကြည်လောက်အောင် သက်သေသာဓကတွေနဲ့ ပြနိုင်ပြီဆိုရင်တော့ ယေဘုယျအားဖြင့် ပွဲသိမ်းပြီလို့

ဆိုနိုင်ပါတယ် ။

     ဒါတွေနဲ့ပတ်သက်ပြီး လုပ်သင့်တာတစ်ခု တွေးမိပါတယ် ။

     နိုင်ငံရေး ၊ စစ်ရေး ၊ စီးပွားရေးတွေနဲ့ပတ်သက်လို့ ၊ ရေတို ရေရှည်စီမံကိန်းနဲ့ ပန်းတိုင်တွေကို

ချမှတ်ပြီး အမြန်ဆုံး စနစ်တကျ အကောင်အထည်ဖေါ်ဖို့ပါပဲ ။ စီမံကိန်းဆိုလို့ မ.ဆ.လခေတ်ကို အ

တုခိုးခိုင်းတာ မဟုတ်ပါ ။ ဒါတွေက ဘယ်ခေတ် ဘယ်နေရာ ဘယ်အဖွဲ့အစည်းမှာမဆို လုပ်သင့်တဲ့

ကိစ္စတွေပါ ။

* အထွေထွေ

     သိထားတာတွေအပေါ်မူတည်ပြီး ရေးချင်ပြောချင်တာတွေလည်း ရှိပါသေးတယ် ။ ဒါပေမယ့်

အချို့ကိစ္စတွေကျပြန်တော့ ပုဂ္ဂိုလ်ရေးတိုက်ခိုက်သလို ဖြစ်မှာစိုးတာကြောင့် အသေးစိတ်မပြောချင်

ပါဘူး ။ တခါ တော်လှန်ရေးလို့ဆိုရင် ကျုပ်တစ်ယောက်ထဲမှ ထောက်ပြတတ်တာ မဟုတ်ပါဘူး ။

လူဟောင်းလူသစ် လူကြီးလူငယ်အတော်များများမှာ သိထားတာ မြင်ထားတာတွေ အများကြီးရှိနေ

ကြပါတယ် ။ ပြောကြ ဆွေးနွေးဖလှယ်ကြဖို့လည်း အားပေးချင်တယ် ။

     ကျနော့်အနေနဲ့ ယုံကြည်တာတစ်ခုရှိပါတယ် ။

     အဲဒါကတော့ ဘယ်သူမှ မပြည့်စုံဘူး ဆိုတာပါပဲ ။

     ကုန်ကုန်ပြောရင် ဒေါ်အောင်ဆန်းစုကြည်ကစပြီး တိုင်းရင်းသားတွေ အထွဋ်အမြတ်ထားတဲ့

ခေါင်းဆောင်ကြီးတွေကိုယ်တိုင် အပြစ်အနာအဆာတော့ ကိုယ်စီရှိကြတာပါပဲ ။ ဒီတော့ အသေး

အမွှားတွေကို လျစ်လျူရှုသင့်ရင် ရှုရသလို အများနဲ့သက်ဆိုင်လာလို့ အကျိုးယုတ်နိုင်တာတွေကို

လည်း အပြုသဘောနဲ့ ထောက်ပြဆွေးနွေး တင်ပြသွားသင့်ကြပါတယ် ။

   ဒီလိုလုပ်တာဟာ မတရားလုပ်နေသူ အာဏာရှင်တွေကို ကိုယ်ရှိန်သတ်အောင် အဟန့်အတား

အဖြစ် သုံးနိုင်သလို ၊ အများသဘောနဲ့ညီမျှတဲ့ ခေါင်းဆောင်ကောင်းတွေအတွက်လည်း ကောင်း

သထက်ကောင်းအောင် လုပ်ကိုင်လျှောက်လှမ်းနိုင်စေဖို့ အကူညီတွေပါပဲ ။

* နိဂုံး

     အပေါ်က ရေးသွားတာတွေထဲမှာ ကျနော်တို့ တိုင်းရင်းသား ညီအစ်ကိုမောင်နှမအချို့ကို စိတ်ထိ

ခိုက်စေအောင် ၊ ဒေါသထွက်စေအောင် လုပ်မိသလို ရှိနိုင်ပါတယ် ။

     ဒီတော့ ..... ဒီလိုမြင်ကြည့်ရအောင် ။

     အကယ်၍များ လာမယ့်မနီးမဝေး အနာဂါတ်ကာလမှာ တော်လှန်ရေးအဖွဲ့အစည်းတွေရဲ့ အခန်း

ကဏ္ဍ မှေးမှိန်လာခဲ့မယ်ဆိုရင်ကော ..... ဘယ်လိုဖြစ်လာနိုင်မလဲ ။

     အရှိန်အဝါ မရှိတော့တဲ့ အဖွဲ့အစည်းနဲ့လူတွေကို လေးစားမှုတွေ နည်းပါးလာကြပြီး ၊ “အလကား

လူတွေပါ” လို့ “အားမနာပ” ပြောကြမယ့်သူတွေက အများစုဖြစ်လာကြပါလိမ့်မယ် ။

     ကျနော်ကတော့ အဲဒီအချိန်အထိစောင့်ပြီး စိတ်မကောင်းမဖြစ်ချင်ပါဘူး ။

     ခုကတည်းက သာသာနဲ့နာနာနှက်ပြီး အိပ်ငိုက်ကောင်း ငိုက်နေကြမယ့်သူတွေကို စူးကလေးနဲ့

တို့လိုက်တာက ပိုအကျိုးများမယ်လို့ ယုံကြည်တွန်းတိုက်လိုက်ပါတယ် ။

မန်းကိုကို

၁၈ ၊ ၀၉ ၊ ၂၀၁၁

(မှတ်ချက် - အချို့နေရာမှာ လုပ်သင့်တယ်လို့ မြင်သမျှကို အတွေးတိမ်တိမ်လေးလောက်နဲ့ လက်တန်း

ချရေးသွားတာပါ ။ လက်ရှိ ဘယ်သူမှမလုပ်ကြဘူးလို့ မဆိုလိုပါ) ။