မဆုံးနိုင်တဲ့ ကိုယ်ပိုင်သံစဉ်တွေ

  ရေးသမျှတွေကို မှန်မှန်ဖတ်မိသူတွေတော့ သတိထားမိမယ် ။
  ခေါင်းစဉ်ငယ်လေးတွေ တပ်ရင်းတပ်ရင်းနဲ့ ပို့စ်တစ်ပုဒ်တစ်ပုဒ်ဟာ အပိုင်းဆက် ဝတ္ထုရှည်တွေနဲ့
တူတူလာတယ် ။ အချို့ကျ အာရုံမရတော့လို့ ၊ အချိုမှာလည်း ရှည်လွန်းသွားလို့ ဖတ်တဲ့လူတွေ
ခေါင်းမမူးအောင် ဖြတ်ချလိုက်ရတာတွေ ရှိခဲ့တယ် ။ အခုရေးမှာတွေဟာ အဲသည်အဲသည်သော
ဆတ်တငံ့ငံ့များရဲ့ အဆက်တစ်ခုလို့ သဘောထားပြီး မျက်စိဒုက္ခာစရိယာ ဆက်ကျင့်ကြံကြပါလေ
ကုန်  :-)

..........................................................................

(၁)  ဒိဿာပါမေါက္ခကြီးတွေအတွက် ဖါတစ်လုံးခေါင်းကျားရဲ့ အတွေး

   လက်ရှိဖြစ်နေတာတချို့ကို ငယ်ငယ်တုန်းက အဖြစ်တစ်ခုနဲ့တွဲပြီး သတိရတယ် ။

   ဘားအံမြို့ကမ်းနားဖက်မှာ ဇီးပင်တွေရှိတယ် ။
   အချိန်ကျရင် ကလေးတွေက ဇီးသီးမှည့်လေးတွေကို တုတ်နဲ့ပစ်ချပြီး စားကြတာပေါ့ ။
   ကိုယ်က ၇-၈ နှစ်လောက်ရှိပြီဆိုတော့ ကလေးဗိုလ်ကလေးအရွယ် ရောက်နေပြီ ။

   တုတ်ချောင်းနဲ့ ကောင်းကောင်းပစ်နိုင်တာက ကိုယ်တစ်ယောက်ပဲရှိတယ် ။
   ဒီလိုနဲ့ ကိုယ်ကတုတ်နဲ့ပစ်လိုက် နည်းနည်းကြွေလို့ ဝိုင်းလုကောက်စားလိုက်နဲ့ပေါ့ ။

   တစ်ကြိမ်မှာ ဆီးသီးတွေ အငမ်းမရ ကောက်စားနေကြတာကို စိတ်မရှည်တော့ဘူး ။
   ဒါပေမယ့် ကလေးဗိုလ်ဆိုတော့လည်း ရှောင်နိုင်ကြအောင် ၁-၂-၃ အော်ပေးရတာပေါ့ ။
   ဒါပေမယ့် ကလေးဆိုတာက ဘာနားလည်မှာလည်း ၊ ၃ အထိရောက်လည်း မရွေ့ကြသေးဘူး ။

   ကိုယ်လုပ်တာကလည်း သင်းတယ် ၊ ၃ အထိအော်ပြီးတာနဲ့ လက်ထဲကတုတ်နဲ့ သစ်ပင်ပေါ်ကို ပစ်
ထည့်လိုက်တယ် ။ တုတ်ကပြန်အကျမှာ အောက်က ကလေးတစ်ယောက်ရဲ့ခေါင်းနဲ့ ကွက်တိပဲ ။

   လူကြီးတွေလည်း မရှိတဲ့နေရာမှာ ဘာတတ်နိုင်မှာလည်း ၊ ကလေးလေးမှာ ငိုရုံပေါ့ ။
   ကိုယ်လည်း လုပ်ပြီးမှ မှားသွားမှန်း နားလည်မိတယ် ။
   အချိန်ခဏလေး စောင့်လိုက်ရင် ပြီးတဲ့ကိစ္စ ၊ လွယ်တာမှ လွယ်လွန်းလို့ ။

   ခုတော့ အသက်တွေလည်း ရလာပြီ ။
   အဲ ကိုယ်တစ်ယောက်ထဲ မဟုတ်ဘူး ။ ရာထူးဌာနတွေမှာ တာဝန်ရှိသူတွေ အားလုံးလည်း အတူတူပဲ ။
မသိပါဘူး နားမလည်ပါဘူးလို့ ဆင်ခြေပေးရမယ့် အရွယ်တွေလည်း မဟုတ်ကြတော့ဘူး ။

   သို့သော် ဖြစ်ပုံတွေက ကိုယ်ငယ်ငယ်တုန်းကထက်တောင် ဆိုးသေးတယ် ။
   မြေကိစ္စ ၊ ဆန္ဒပြတဲ့ကိစ္စ ၊ တိုင်းရင်းသားတွေနဲ့ကိစ္စတွေ လက်ညှိုးထိုးပြလို့ မကုန်ဘူး ။
   ၁-၂-၃ အော်ပြီးရင် မီးခိုးဗုံးနဲ့ပစ်တာ ယူမလား ၊ လူတစ်ယောက်ကို ၁၀ ယောက်နဲ့ ဝိုင်းဖမ်းတာ ယူမ
လား ၊ လေယာဉ်နဲ့ပါ ဗုံးကြဲတာယူမလား ၊ ပြောရတာတောင် စိတ်လေတယ် ။

   အင်္ဂလိပ်လိုပြောတော့ conflict resolution တွေဘာတွေနဲ့ စကားလုံးကြီးတွေ သုံးကြတယ် ။
   အမှန်က ဘာမှမဟုတ်ဘူး ၊ နှစ်ဖက် အဆင်ပြေနိုင်မယ့် လမ်းကြောင်းလေးရှာ ၊ ကြေအေးလိုက်ကြရုံပဲ ။
   ဒါကို မခက်ခက်အောင် လုပ်နေကြတယ် ။
   တစ်ခါခါ ဖြစ်နိုင်ရင် ဖနောင့်နဲ့ ပြေးပေါက်လိုက်ချင်တယ် ။

   လူတိုင်း (သို့မဟုတ် နှစ်ဖက်လုံး)ဟာ ပြဿနာရဲ့ အစိတ်ပိုင်းတစ်ခု ဖြစ်နေနိုင်တယ် ။
   ဒါ လူတိုင်းလိုလို ပြောနေတဲ့ စကား ။
   တကယ့်ပြဿနာက -

တစ်ဖက်လူသာလျှင် ပြဿနာရဲ့ အစိတ်အပိုင်းတစ်ရပ်အဖြစ် မြင်တတ်ကြတဲ့ကိစ္စပဲ ။

   ဒီနေရာမှာ အထူးပြုပြောစရာ တစ်ခုရှိတယ် ။
   အင်အား (သို့) ထုထည်ကြီးသူဟာ ပြဿနာထဲမှာ ပိုကြီးမားတဲ့ အစိတ်အပိုင်းတစ်ခု ဖြစ်နေနိုင်တယ်
ဆိုတာပဲ ။
   ဒါ မြန်မာပြည်မှာ အဓိက ဖြစ်နေတဲ့ ပကတိ အနေထားပဲ ။

   အုပ်ချုပ်ရေးမှူး ၊ စည်ပင်အရာရှိ ၊ ဘာညာဌာနက ဘာညာအရာရှိ ဆိုတာမျိုးတွေကစလို့ နောက်ဆုံး
စစ်တပ်ကိုပဲကြည့်ကြည့် - ကျုပ်တို့က အကြိမ်ကြိမ် သတိပေးထားပြီးသား ၊ ဒါ ဥပဒေကြောင်းအရလုပ်
တာ ၊ သနားလို့ လျော်ကြေးပေးထားပြီးသား ၊ ဒါ နိုင်ငံတော်အတွက် ဆိုတာမျိုးတွေက မကြားချင်မှအ
ဆုံး ။

   ဥပဒေကိုက ဘယ်ကမြစ်ဖျားခံသလဲ ၊ ဘယ်သူတွေက ပြဋ္ဌာန်းထားသလဲ ၊ တရားရဲ့လား ၊ နေရာနဲ့လူ
မရွေး အတူတူ သက်ရောက်မှု ရှိသလား ၊ တစ်ဖက်သားရဲ့ အကြောင်းပြချက်နဲ့ ငဲ့ညှာစရာတွေကကော
ဘာတွေရှိသလဲ ၊ အခြား ရွေးချယ်စရာလမ်းနဲ့ ဖြေရှင်းစရာနည်းတွေ မရှိတော့ဘူးလား - မေးခွန်းတွေက
အများကြီး ရှိနေပါတယ် ။ နောက်ဆုံး နိုင်ငံတော်ဆိုတာတောင် - နိုင်ငံတော်က ခင်ဗျားလား ၊ ကျုပ်တို့
ကဘာလဲလို့ မေးလို့ရတယ် ။

   အချို့သော အဖြေတွေဟာ လက်တစ်ကမ်းမှာပဲ ရှိနေတယ် ။
   အချို့ နည်းလမ်းတွေကတော့ အတွေ့ကြုံရှိသူတွေဆီက ကူးပွား လက်ဆင့်ကမ်းလို့ ရနိုင်တယ် ။
   ပညာ ဗဟုသုတတွေကလည်း ဒါတွေကို လမ်းဖွင့်ပေးနိုင်တယ် ။
   စိတ်ကို ဖွင့်ထားနိုင်ကြဖို့လိုသလို ၊ အကူညီပေးနိုင်သူတွေလည်း လိုကောင်းလိုမယ် ။

   ဘယ်သူတွေ အဆင်သင့် ရှိနေကြပြီလဲ ။
   အဆင်သင့် မရှိသေးသူတွေ ၊ လက်ထဲထည့်ပေးတာတောင်မှ လက်မခံနိုင်သူတွေ များနေသမျှတော့ -
'နေလေဦးတော့ မစပယ်ရယ်' ပေါ့နော ။
   ဘယ်ငရဲသားမှ ငရဲက ပူလှချည်ရဲ့လို့ မညည်းကြဘူးလေ ။

၁၅ ၊ ၀၆ ၊ ၂၀၁၃

===========================================

* (ကြားဖြတ်သတင်း)

    ဒီကနေ့ပဲထွက်လာတဲ့ ထိုင်းမ်မဂ္ဂဇင်း မျက်နှာဖုံးပုံပါ ။

    သေဟဲ့ နန္ဒိယလို့ကလွဲရင် ဘာပြောနိုင်ဦးမှာလဲ ။

    လောလောလတ်လတ် ဒီမဂ္ဂဇင်းက ဖေါ်ပြထားတာ မြန်မာပြည်က ၃ ယောက် အထင်အရှားရှိတယ် ။
    The good, the bad and the ugly တော့ မဖြစ်စေချင် ။

    နူရာလဲ ဝဲရာသူခိုးမထောင်းစေချင်ပါ ။ ဘာမှတ်ချက်မှ အထွေထူး မပေးလိုပါ ။ (၂၁ ၊ ၀၆ ၊ ၂၀၁၃)

(၂)  မျိုးစောင့်ဥပဒေလား သင်းခွဲအားထုတ်မှုလား

   ပွဲတဆူဆူဖြစ်နေတဲ့ မျိုးစောင့်ဥပဒေအမည်ရ အဆိုပြုမူကြမ်းအကြောင်းကို ကျနော် ဘယ်လိုမြင်မလဲ

သိချင်သူတွေလည်း ရှိကောင်းရှိမယ် ။ မမေးလည်း ပြောမှာပါပဲ ၊ သို့သော် စာဖတ်သူကြီး ကြားချင်တဲ့ပုံ

စံမျိုးတော့ ဟုတ်ချင်မှ ဟုတ်မှာပေါ့ဗျာ ။

   ပထမ တိုင်းရင်းသားနဲ့ လူနည်းစုတွေကိုပါ ယှဉ်တွဲပြီး အချိုးအစားအလိုက် ကြည့်ကြရအောင်ဗျာ ။

 ဗမာ% : တိုင်းရင်းသား% = ၆၅% : ၃၅%

(သို့သော် ၅၅% : ၄၅% လို့ အဆိုပြုချက်တွေ ရှိတာကိုလည်း သတိပြုစေချင်ပါတယ်) ။

ဗုဒ္ဓဘာသာ% : အခြားဘာသာများ% = ၈၉% : ၁၁%

(ဒီနေရာမှာလည်း အချို့နိုင်ငံတွေကနေ မြန်မာပြည်မှာ ဗုဒ္ဓဘာသာဝင်မဟုတ်သူ ၂၀% အထိ ရှိနိုင်တယ်လို့ ချိန်ချိန်ဆဆ ပြောသွားခဲ့တာကိုလည်း မမေ့သင့်ပါ) ။

နောက်ဆုံးတစ်ဆင့် မြန်မာပြည်က အမျိုးသားနဲ့ အမျိုးသမီးအချိုးကို ကြည့်ရအောင် ။

အမျိုးသား% : အမျိုးသမီး% = ၄၉.၅% : ၅၀.၅% (စီအိုင်အေ အစီရင်ခံစာရဲ့ အဆိုပါ)

   ဒါကိုမှီပြီးပြောရရင် - တိုင်းရင်းသားနဲ့ ဘာသာခြားတွေဖယ်ပြီး ကျန်ရစ်တဲ့ ဗမာစစ်စစ်လို့ ခံယူသူ

တွေကြားမှာ ၊ အရေတွက် ထက်ဝက်ကျော်တဲ့ အမျိုးသမီးထုကို မျိုးစောင့်ဥပဒေ ဆိုတာကြီးနဲ့ ထက်

ခြမ်းခွဲထုတ်လိုက်သလို ဖြစ်သွားမယ်ဆိုရင် ၊ ဘယ်လိုလမ်းနဲ့ ဘယ်လိုစခန်း ဆက်သွားကြမလဲလို့

မေးခွန်းထုတ် ထောက်ပြချင်ပါတယ် ။

   တစ်ခါ တိုင်းရင်းသားတွေထဲမယ် ဗုဒ္ဓဘာသာတွေ ရှိပါသေးတယ်လို့ ဆင်ခြေပေးနိုင်ပါတယ် ။ မမှား

ပါ ၊ သို့သော် အရင်ကတည်းက ရင်ဝအကန်ခံထားရတဲ့ တိုင်းရင်းသားတွေအနေနဲ့ အားတက်သရော

လက်တွဲလာကြမှာလား ။ ကျနော်ကတော့ သိပ်မထင်ပါ ။ ရှေ့ဆက်တိုးလို့ နောက်ဆက်တွဲ မေးခွန်း

တွေဝင်လာရင် ၊ တော်ရုံလူလည်း ဖြေတောင်ဖြေချင်ကြမယ် မထင်ပါ ။

   နောက်ပြီး အမျိုး ဘာသာ သာသနာကို စောင့်ရှောက်ချင်တဲ့ အမျိုးသမီးတွေလည်း ရှိပါသေးတယ်

လို့ ထပ်ကွန့်လို့ရပါသေးတယ် ။ ဒါကလည်း ယောက်ျားသားတွေထဲတင် သဘောမမျှသူတွေနဲ့ ဘဲစား

ဘဲခြေ လုပ်လို့ရနိုင်တဲ့ အနေထားမှာ ရှိနေတာကြောင့် ထိရောက်တဲ့ ထင်မြင်ချက်လို့ လက်ခံဖို့ ခက်ပါ

တယ် ။

   ခြုံငုံပြီး နမူနာနဲ့ပြောရရင် - ဂေါ်ဖီထုပ်တစ်ထုပ်မှာ အပေါ်က ညစ်ပတ်နေလို့ ၊ အချို့အဖတ်တွေက

ပုပ်နေလို့ ၊ အချို့အလွှာတွေက နွမ်းနေ မလှမပဖြစ်နေလို့ဆိုပြီး တစ်ထပ်ပြီးတစ်ထပ် နွှာထုတ်လွှင့်ပစ်

ရင်း နောက်ဆုံးမတော့ အလယ်က နုနုထွတ်ထွတ်နဲ့ ပေါ့ရွှတ်ရွှတ်အရသာပဲရှိတဲ့ အဖူးအငုံလေးတစ်စု

သာ ကျန်ရစ်သလိုအဖြစ်မျိုးနဲ့ သွားပြီးဆင်တူနေပါလိမ့်မယ် ။

   ဒီနေရာမှာ ဘာဖြစ်နေဖြစ်နေ ဒါမှဒါပဲလို့ ဆိုချင်သူတွေလည်း ရှိမယ် ။

   အဲဒါကလည်း သရက်သီးကို နမူနာလုပ်ကြည့်မယ်ဗျာ ။ အခြားဟာတွေ မစဉ်းစားပဲ မျိုးဆက်ပြန့်

ပွားဖို့တစ်ခုထဲ စဉ်းစားရအောင် ။ ဒီတော့ ဘယ်က အပင်ပေါက်လဲ ။ အစေ့ကပေါ့ ။ ဒါဆို အသုံးမဝင်

အရေးမပါတဲ့ သရက်ခွံ ၊ အသားနဲ့ အစေ့ခွံတွေကို နဂို စသီးကတည်းက ဖယ်ထားလိုက်ပါ့လား ၊ မပါ

စေနဲ့ပါလားလို့ ဆန္ဒရှိတာနဲ့ သွားတူနေတယ်လို့ မြင်တယ် ။ အဲဒါတွေမရှိရင် နဂိုကတည်းကလည်း အ

စေ့ဆိုတာလည်း ရှိကိုရှိမလာနိုင်တာ မြင်ကြည့်ဖို့လိုပါတယ် ။ လိုရင်းပြောချင်တာက ဘာမှမရောတဲ့

သီးသန့်စစ်စစ်ကလေး ဖြစ်ချင်တာဟာ လက်တွေ့မကျဘူး ၊ အနှောင်အဖွဲ့ကင်းတဲ့ လူမှုအဖွဲ့စည်းမျိုး

မရှိသလို ၊ အတင်းအကြပ် ကင်းကွာအောင်လုပ်တဲ့ လုပ်ရပ်မှန်သမျှဟာလည်း အပေါက်ကြီးကိုပိတ်

ရင်း ဘေးအပေါက်သေးသေးတွေက နေရာအနှံ့ ယိုစိမ့်ထွက်အောင်လုပ်မိတဲ့ ကြိုးပမ်းချက်တွေသာ

ဖြစ်သွားတတ်တယ် လို့ပါ ။

   ကျနော့်အမြင် မှားနေတယ်ထင်ရင်လည်း ကိစ္စတော့မရှိပါ ။ ကမ္ဘာပေါ်မယ် အဲသည်လိုတွေ ကြိုး

ပမ်းသွားရင်း ဘယ်တုန်းကမှ ဖြစ်မလာပဲ ၊ ကြိုးပမ်းလူတွေသာ မြေကြီးထဲ ဝင်ဝင်သွားခဲ့ကြတာ ငြင်း

လို့မရပါ ။ တစ်ခုပဲရှိတာက သူတို့ကြောင့် မူလထက် ပိုဆိုးရွားသွားတဲ့ အခြေအနေတွေကို ဖန်တီးသွား

နိုင်တာမျိုးတော့ ရှိတာပေါ့ ။

   အဲဒါနဲ့ ပတ်သက်ပြီး ပြောချင်တာက - မည်သူမဆို ကိုယ်မှန်တယ်ထင်ရာ လုပ်ခွင့်ရှိကြပါတယ် ။

သို့သော် လမ်းဆိုးဖက် ဦးတည်နေတာဆိုရင်တော့ ၊ လမ်းခုလတ်မှာ ကန့်လန်ခံနေသူတွေထဲ ကျ

နော်လည်း တစ်ယောက်အပါအဝင် ဖြစ်နေနိုင်တာပေါ့ဗျာ ။ တတ်နိုင်ဘူးလေ ၊ ဇွတ်မှဇွတ်ဆိုသူတွေ

ရှိနေမှတော့လည်း ကိုယ်လည်း တစ်နိုင်တစ်ပိုင်ပေါ့နော ။

(မှတ်ချက်တစ်ခု ပြုလိုတာက - ကျနော်ရေးသမျှတွေထဲ အမျိုးသမီးအခွင့်အရေး ၊ လူ့အခွင့်အရေး

တွေ တစ်ခုမှ ထည့်မထားပါဘူး ။ ထောက်ခံတယ် ကန့်ကွက်တယ်ဆိုတာထက် ၊ သူသူကိုယ်ကိုယ်

နားလည်လွယ်တဲ့ အခြေခံကျတဲ့ အမြင်တွေအပေါ်မှာ ပိုအားသန်လို့ပါ) ။ 

=================================

(၃)  ခုတ်တလွဲ ရှတခြား - ဦးသိန်းစိန်ရဲ့ စိန်အောင်မင်းဇတ်ပွဲ

  ကဲ ဒီတစ်ခါတော့ စာဖတ်သူလည်း ကျနော့်နဲ့ သဘောထားကွဲဖို့ ပြင်ထားဗျာ ။

  ကျနော် သူများပြောတာနောက် လိုက်မယောင်သလို ၊ စာဖတ်သူအကြိုက်လည်း လိုက်ပြောဖို့ ပြင်

မထားပါ ။ သဘောတူချင်လည်းတူ မတူချင်လည်း မတတ်နိုင် ၊ ကိုယ်က ဒီလိုပဲမြင်ပြီး မှန်ဖို့နီးစပ်တယ်

လို့လည်း ယူဆနေတယ် ။

   ခုပြောမှာတွေထဲ - ယေဘုယျ အခြေပြု ပန္နက်တည်ထားတာက လက်ရှိအစိုးရ ။

   အဓိက ဇတ်ဆရာက ဦးသိန်းစိန် ။

   အဓိက ရှေ့ထွက်မင်းသားက ၊ သမ္မတရဲ့ သူ့ရုံးကို ဆွဲစိပြီးသုံးထားတဲ့ ဦးအောင်မင်း ။

   ကတဲ့ဇာတ်က ပြုပြင်ပြောင်းလဲရေး ။

(ဒီနေရာမှာ အမာအဖွဲ့ ၊ နောက်ကွယ်လက်မည်းကြီး ၊ အခြားဝန်မင်းတွေနဲ့ ဦးသိန်းစိန်ရဲ့ ပြုပြင်ပြောင်း

လဲရေး ဇာတ်လမ်းကြီးဟာ လန်ကြုတ်ကြီးပါလို့ အဆိုပြုထားတာတွေကို ထည့်တွက်မထားဘူးနော်) ။

   ကျနော် ပြောပြချင်တဲ့အမြင်က - အစိုးရအဖွဲ့ထဲက ဦးသိန်းစိန်နဲ့ သူ့ရဲ့ အနီးကပ်လူတစ်စုတို့ရဲ့  ပြည်

သူလူထုဆီကို ဘာသတင်းစကားမျိုးတွေ ပို့ချင် (သို့မဟုတ်) ပုံဖေါ်ဖို့ ကြိုးစားနေသလဲ ဆိုတာတစ်ခုထဲ

ကို ကွက်ကွက်လေး သုံးသပ်ခန့်မှန်းကြည့်တာပါ ။

   ပထမတစ်ခု ။

   လူပြောအင်မတန်များတဲ့ ဦးအောင်မင်းရဲ့ လက်ပံတောင်းတောင် သပိတ်စခန်းမှာ ပြောသွားတဲ့ စ

ကားတွေ ။ မှတ်မိသမျှ မမှားဘူးဆိုရင်တော့ - “တပည့်တော်တို့က တရုတ်လည်းကြောက်ရပါတယ်

ဘုရား” တဲ့ ။

   ကျနော် ၊ လူတွေရဲ့ ခံစားချက်ကို လျစ်လျူရှုပြီး ကြိုးစားမြင်ကြည့်တယ် ။

(၁)  တရုတ်ကို တကယ်မကြောက်ရဘူးလား ။

      အမှန်က တကယ်ကိုကြောက်ရတယ် ၊ ဒီတော့ လုပ်ချင်သလို အရမ်းလုပ်လို့ မရဘူး ။

      ဒါ အမှန်တရား ၊ အရှိသဘော ။ ဒါကိုသူက ပွင့်ပွင့်လင်းလင်း ပြောသွားတယ် ။

(၂)  ကာလံ ဒေသံ ။

      ဦးအောင်မင်း စကားပြောနေခဲ့တာ ဘယ်သူတွေနဲ့လဲ ။

      သံတမန်တွေနဲ့လား ၊ အောက်ခြေလူတန်းစားအလွှာနဲ့လား ။

      “ခုဖြစ်နေတဲ့ အရေးအရာနဲ့ အခင်းအကျင်းမှာ ၊ သားတပည့်တော်တို့ နိုင်ငံတော်အစိုးရရဲ့ လူးလွန့်

လို့ရတဲ့ အတိုင်းအထွာနဲ့ သက်ရောက်မှု အကျိုးတာတွေကို ချင့်တွက်ရာမှာ ၊ စိနပြည်ကြီးရဲ့ သဘော

လိုအင်တွေကို လျစ်လျူရှုဖို့ရာ အကန့်အနှောင်များက အခွင့်အလန်းမျက်နှာသာ မပေးလှဘူးဆိုတာကို

အရှင်ဘုရားတို့ထံ လျှောက်ထားချင်ပါတယ် ဘုရား” လို့ သံခင်းတမန်ခင်းလိုပြောမလား ၊ သို့တည်းမ

ဟုတ် အပေါ်ကလိုပဲ လိုရင်းကို ပြောမလား ။

   အဖြေတွေက ရှင်းပါတယ်လို့တော့ ထင်တာပါပဲ ။

   ဦးအောင်မင်းအနေနဲ့ လူတွေကို သိစေချင်တာ ပြောပြချင်တာတွေ ရှိနေတယ် ။

   ချွတ်ယွင်းမှု တစ်ခုကတော့ - ဦးအောင်မင်းအနေနဲ့ ဒီထက်ကောင်းတဲ့ ကြိုတင်ပြင်ဆင် စီစဉ်မှုတွေ

လုပ်ခဲ့ပုံ မရတာပဲ ။ ကိုင်တွယ်မှုနဲ့ ဆက်သွယ်ပြောဆိုမှု အနုပညာကို ကောင်းကောင်းအသုံးမချနိုင်ပဲ ၊

သတင်းစာနယ်ဇင်းတွေရှေ့မှာ စကားလုံး တုံးတိကြီးနဲ့ လုပ်လိုက်မိတော့ ဂွိသွားတာပေါ့ ။ ဒါ့ပြင် တရုတ်

ကျေးဇူးဆိုတဲ့ စကားမျိုးကို ထပ်ဆင့်မှားလိုက်တာက အပိုဆုပေါ့ ။

   သို့သော် ဘယ်လိုဂွိဂွိ အခြေနေမှန် အရှိတရားကို မျက်ကွယ်ပြုဖို့ မသင့်ဘူး ။ ဒါက တစ်ခု ။

   နောက်ထပ် ဦးအောင်မင်းရဲ့ လူသိရှင်ကြား ပြောခဲ့ သတင်းပါးခဲ့တာလေးအချို့ကို ထပ်ကြည့်ရအောင် ။

(က)  အပစ်ခတ်ရပ်စဲရေးတွေအတွက် အစိုးရမှာ ဘာအသုံးစရိတ်မှ မရှိဘူး ။ (လွှတ်တော်က ချမပေးဘူး) ။

(ခ)  ‘ကျနော်တို့တတွေ ဘာမှမသိ မတတ်သေးဘူးဆိုတာ တွေ့လိုက်ရတယ်’လို့ ပြောသွားချက် ။

(ဂ)  ခိုလှုံသူ (ဒုက္ခသည်) တွေ ရှိကြောင်းကအစ များစွာသော ပွင့်လင်းဝန်ခံစကားတွေ ။

   ဒါတွေကိုခြုံငုံပြီးကြည့်ရင် ဦးသိန်းစိန်နဲ့သူ့အစုဟာ လူထုကို ဘာပြောချင်နေတာလဲ။

   ကျနော့်အယူအဆအရတော့ - “ကျနော်တို့ အစိုးရသစ်ဟာ ဘာမှမသိ မတတ်ပါဘူး ။ လုပ်ရကိုင်ရ

တဲ့ နေရာတွေမှာလည်း အကန့်အသတ်တွေ ရှိနေပါတယ် ။ လုပ်ချင်ကိုင်ချင်တာတွေအတွက်လည်း

ငွေကြေးချို့တဲ့နေပါတယ် ။ သို့သော် ကျနော်တို့ အရှိကိုအရှိအတိုင်း အမှန်ကိုအမှန်အတိုင်း ပြောပြ

နေပါတယ် ။ လုပ်လို့ရသမျှ ဘောင်အတွင်းကလည်း လုပ်နေပါတယ် ။ ပြည်သူတွေအနေနဲ့ ကျနော်တို့

အခက်အခဲကို နားလည်ပေးပါ ။ ကျနော်တို့ရဲ့ ရထားတဲ့အခွင့်အရေးတွေကို အကောင်ထည်ဖေါ်နိုင်ဖို့

ဝန်းရံပေးကြပါ” လို့ ပြောချင်နေတာ ဖြစ်နိုင်ပါတယ် ။ ဒါကို ပြည်သူတွေသိအောင် အခြေနေအပေါ်မူ

တည်ပြီး သွယ်ဝိုက်ဖေါ်ပြ သတင်းပို့ပေးနေတာလို့ ယူဆလို့ရနိုင်ပါတယ် ။

   သို့သော် လူများစုက တရုတ်ကို မုန်းတဲ့စိတ် ၊ စစ်တပ်က လာသူဆိုရင် မယုံသင်္ကာ လက်မခံချင်တဲ့

စိတ် ၊ အခြားအခြားသော စိတ်အစွဲတွေကို လက်မလွှတ်ချင်တာတွေအပေါ် အခြေခံပြီး ၊ မျက်နှာသာ

မပေးတဲ့ အမြင်တွေနဲ့ ကြည့်မြင်ဝေဖန် တွန်းထုတ်လွှတ်နေကြတာ များနေတယ်လို့ ထောက်ပြချင်ပါ

တယ် ။

   ကျနော့်အမြင် အယူအဆသာ မှန်နေမယ်ဆိုရင် ၊ ဒီအချိန်မှာ ဦးသိန်းစိန် ဦးအောင်မင်းတို့တစ်သိုက် ၊

ဘာဖြစ်နေကြမယ် ထင်ပါသလဲ ။

   သူတို့တွေ ကုလားထိုင်ကိုယ်စီမှာ ခြေပစ်လက်ပစ်ထိုင်နေကြရင်း ၊ “အင်း .. သေလိုက်ပါတော့ ၊ ငါ

တို့တတွေ ဒီမိုးဒီလေ ဒီလူတွေနဲ့ ခက်နေပါပြီ ၊ ဒီငပိန်းတွေဆီ ငါတို့ဘယ်လိုများ စကားပေါက် သတင်း

ရောက်အောင် လုပ်လို့ရနိုင်ဦးမှာပါလိမ့်” လို့ စိတ်ပျက်လက်ပျက် ဖြစ်နေကောင်း ဖြစ်နေနိုင်ကြပါတယ် ။

   ကျနော့်ရဲ့ ကွက်ကျားမိုး အမြင်လေးပါ ။

   မှားရင်လည်း တာဝန်တော့ မယူနိုင်ပါဘူးလို့ ကြိုပြောထားချင်ပါတယ် ။

 မန်းကိုကို

၂၄ ၊ ၀၆ ၊ ၂၀၁၃

 ===================================

(၄)  အချို့သူများအတွက် ဝမ်းမြောက်ဖွယ်ရာ ပကတိအခွင့်အလမ်းတစ်ခု

   မိမိ၏ ဘာသာတရားသာလျှင် အမှန်ဖြစ်ကြောင်း သိရှိ၍ ယုံကြည်ကိုးကွယ် ဆည်းကပ်နေတဲ့အပြင် ၊

ဘာသာတရားကို ကိုယ့်အသက်ထက်ပင် တန်ဖိုးထားပြီး အခြားသူများကိုလည်း တရားထူးတရားမြတ်

တွေ ရယူလက်ခံလိုက်လျှောက်စေလိုသူ သာသနာ့အာဇာနည်များအတွက် လက်တွေ့အသုံးဝင်နိုင်မယ့်

အခွင့်အလမ်းတစ်ခုကို တင်ပြချင်ပါတယ် ။

ပထမတစ်ဆင့်အနေနဲ့ -

မိမိဘာသာမှလွဲပြီး အခြားဘာသာတွေဟာ မှားယွင်းကြောင်း တစ်ကမ္ဘာလုံး

သိလောက်အောင် သက်သေပြလိုက်ပါ ။

ဒုတိယအဆင့်အနေနဲ့ -

မိမိဘာသာဟာ ဝေဖန်ထောက်ပြစရာ မရှိလောက်အောင်ကို လုံးဝမှန်ကန်ကြောင်း

တစ်ကမ္ဘာလုံးသိစေအောင် သက်သေပြလိုက်ပါ ။

   ဒီလုပ်ရပ်နှစ်ခုရဲ့ နောက်ဆက်တွဲအနေနဲ့ ကမ္ဘာ့အဝှမ်းကလူတွေဟာ မိမိရဲ့ဘာသာထဲကို အလုံးအ

ရင်းနဲ့ ဝင်ရောက်လာကြမှာ ဖြစ်တဲ့အတွက်ကြောင့် ၊ လက်ကမ်းကြိုဆိုဖို့ အသင့်ပြင်ဆင်ထားရန်လည်း

လိုအပ်ပါမယ် ။

   တစ်ကမ္ဘာလုံးမှာ စူနာမီထက်တောင် အင်အားကြီးစွာ ဖြစ်တည်လာမယ့် သာသနိက အဆောက်အ

ဦတွေ ၊ သာသနာ့ဝန်ထမ်းတွေအတွက်လည်း ပြင်ဆင်ထားသင့်ပါတယ် ။

   လူတွေအားလုံး ဘာသာတစ်ခုထဲရဲ့ အသွန်အသင်အောက်မှာ ရှိကြရတော့မှာမို့ ၊ တစ်ဦးနဲ့တစ်ဦး

မုန်းတီးစရာတွေလည်း အလွန်တရာနည်းပါးသွားပြီး စစ်ပွဲတွေကအစ ပြဿနာတွေနည်းပါးသွားမှာ

ဖြစ်တာကြောင့် ၊ မေတ္တာရိပ်အောက်မျာ အေးချမ်းပြီး လူတိုင်းလာဟ်လာဘရွှင်တဲ့ ပဒေသာပင်ခေတ်

ကြီးဆီကို မနှေးအမြန် ရောက်ကြရမှာ အသေချာပါ ။

   ဒီလို လူတိုင်းအတွက် အကျိုးရှိကောင်းမွန်ပြီး ချီးကျူးထောပနာပြုကြမယ့် အနာဂါတ်သစ်ကြီးအ

တွက် ၊ အထူးထူးသော သာသနာ့အာဇာနည်ကြီးများဟာလည်း ခုနေခါမှာ အသင့်အနေထားမှာ ရှိ

နေကြမယ်လို့ မျှော်လင့်ပါတယ် ။ မနှေးအမြန်သာ ရင်ကော့ပြီး ပွဲလယ်တင့်မယ့် သက်သေပြချက်

တွေကို ချပြကြဖို့ မျှော်လင့်တကြီးနဲ့ ဖိတ်ခေါ်လိုက်ပါတယ် ။

(အရေးကြီးတဲ့ မှတ်ချက်တစ်ခုအနေနဲ့ ပြောချင်တာက အပေါ်ကစာဟာ ဘာသာအားလုံးက လူတွေ

ကို ရည်ရွယ်ပါတယ် ။ ဘာသာအားလုံးလို့ဆိုရာမှာ ဘာသာမဲ့ကိုလည်း ဘာသာတစ်ခုအဖြစ် ထည့်

တွက်ထားတယ်လို့ ပြောချင်ပါတယ် ။ သူတို့တတွေဟာလည်း နှစ်စဉ်လိုလို စုရုံးတွေ့ဆုံကြတာ ၊ အ

ခြားဘာသာတွေ ဘယ်လိုအားနည်းချက်ရှိပြီး ဘယ်လိုမှားကြောင်း အချင်းချင်း ထုတ်ဖေါ်ပြောဆို ဟော

ပြောကြတာ ၊ သူတို့ထဲမယ် အနည်းဆုံး အုပ်စုသုံးစုလောက် ခွဲခြမ်းသတ်မှတ်လို့ ရတာတွေကစလို့

စိတ်ဝင်စားသူတွေရှိရင်တော့ ၊ အင်တာနက်မှာတင် အလွယ်တကူရှာလို့ရကြောင်းလည်း အသိပေး

လိုပါတယ်) ။

……………………………………………………………………………………

   အဲ .. ကျနော်လား … ၊

   ကျနော်ကတော့ - အားကိုးရာရှာတတ်တဲ့ လူသားရဲ့သဘာဝအတိုင်း ၊ နှုတ်ကထုတ်မပြောသော်မှ

ကိုယ့်ထက်သာသူတွေကို မှီခိုအားထားလိုစိတ် ရှိပါတယ် ။ ရွာထိပ်ကနတ်ကွန်းကနေစလို့ ရွာလယ်က

ကွက်စိပ်ဆရာလို လူတွေကိုတောင် အားကိုးချင်စိတ် ပေါ်မိတတ်ပါတယ် ။ ဒီတော့ ဘာသာတရားတွေ

ဆိုရင်တော့ အတိုင်းထက်အလွန်ပေါ့ဗျာ ။ အပြစ်ပြောဖို့ မဆိုထားနဲ့ ၊ အားလုံးဟာ သူ့နေရာနဲ့သူ သူ့

မြင်တဲ့ဖက်ကနေသူ အသီးသီးအသက မှန်ကြတယ်လို့ ယုံကြည်ယူဆပါတယ် ။ အလေးထား ဦးညွှတ်

ပါတယ် ။ ဒီတော့ မှားကြောင်းသက်သေပြဖို့ရာမတော့ ကျနော်မပါရဲတာ သေချာပါတယ် ။

   ဒီတော့ (ဘာသာဝင်တွေကို ကလွဲရင်) ဘာသာအားလုံးကို မကိုးကွယ်သော်ငြားလည်း ၊ အားလုံးအ

ပေါ် ဆည်းကပ်အားကိုးတဲ့ကျနော့်ကို မှားယွင်းတယ်လို့ စွပ်စွဲသူတွေလည်း ရှိမယ်လို့ မယုံကြည်ပါဘူး ။

အထူးသဖြင့် ကျနော့်ကို မှားတယ်လို့ပြောမယ်ဆိုရင် ၊ ပြောသူရဲ့ဘာသာဟာ မှားနေသယောင်ယောင်

ဆိုလိုရာရောက်နိုင်တာကြောင့်လည်း ၊ အနည်းဆုံးတော့ ကျနော့်အပေါ် ဘာမှမပြောပဲ ထိန်းသိမ်းကြ

လိမ့်မယ်လို့လည်း ယူဆမိပါတယ် ။

   သူများဘာသာမှားပြီး ကိုယ့်ဘာသာသာမှန်ကြောင်း သက်သေပြနိုင်တဲ့ သာသနာ့အာဇာနည်တွေ

မပေါ်လာမချင်းတော့ ၊ ကျနော့်သဘောထားဟာ ဒီလိုပဲ ရှိနေဦးမယ်လို့ မျှော်လင့်ရပါတယ် ။ အဲ .. ဒါ

ကို လက်မခံနိုင်ဘူး ၊ သတ်မယ် ဖြတ်မယ်ဆိုရင်တော့လည်း တစ်မျိုးစဉ်းစားပါ့မယ် ။

အားလုံးကို အစဉ်အလေးထားလျက် ၊

မန်းကိုကို

၂၉ ၊ ၀၆ ၊ ၂၀၁၃

========================================

 (၅)  စီးပွားစီမံ
 
   များမကြာခင်က ရှမ်းအမျိုးသားမိတ်ဆွေတစ်ယောက်ဆီမှာ ပေးဖြစ်ခဲ့တဲ့ မှတ်ချက်တစ်ခုကို အချို့
လူတွေကို ပြောပြချင်လို့ ၊ ကူးလာပြီး ထည့်ထားလိုက်ပါတယ် ။ တိုင်းရင်းသားတွေအတွက် အဓိက
ထား ရည်ရွယ်ပေမယ့် နေရာအတော်များများ အကျုံးဝင်မယ်လို့ နားလည်မိတယ် ။

   ဒီလိုရေးရာမှာ အမြဲတန်းတော့ စီရရီ ထွက်လာတာမဟုတ်ပါဘူး ။
   တွန်းအား (သို့မဟုတ်) ဆွဲအားရှိမှသာ အတွေးတွေလည်ပတ်အလုပ်လုပ်ပြီး ချရေးဖြစ်တာမျိုးပါ ။
ဒါကြောင့် ဒီစာတိုလေးအတွက် ဆွဲအားဖန်တီးပေးခဲ့တဲ့ ကိုစိုင်းခမ်းထွန်းကိုလည်း ကျေးဇူးတင်ပါတယ် ။

စိုင်း ခမ်း ထွန်း · 33 followers -June 15 at 8:50am ·

ရှမ်းပြည်ကို မူးယစ်ဆေးဝါးစိုက်ပျိုးမြေအဖြစ် အသုံးချခံနေရတာ ရင်နာစရာကောင်းတယ်။ ဘယ်လို ဖြေရှင်းကြမလဲ ဆိုတာ ဝိုင်းစဉ်းစား အကောင်အထည်ဖော်ကြပါစို့ ရှမ်းလူငယ်အပေါင်းတို့။

• 

  Mahn Koko - ကျနော် တစ်ခုပြောကြည့်မယ်နော် ။
  
  ပထမ လူနဲ့ နယ်မြေရှိတယ် ။
  မြေကတော့ သက်မဲ့မို့လို့ လူ့အရင်းအမြစ်ကို တိုးတက်မြှင့်တင်ရင် ပိုလက်တွေ့ကျ

  မယ် ထင်ပါတယ် ။

  လူမှာ လူမှုရေး ၊ နိုင်ငံရေး ၊ စီးပွားရေး ၊ အုပ်ချုပ်ရေး ၊ စစ်ရေး စသည်ဖြင့် ရှိကြမယ် ။
  အုပ်ချုပ်ရေးဆိုတာကို နိုင်ငံရေး စစ်ရေး စတာတွေနဲ့တစ်ဆင့် တည်ဆောက်ယူလို့ ရ

  ကောင်း ရနိုင်မယ် ။
  
  ဒါတွေကိုတစ်ခါ ပိုအခြေခံကျတဲ့ စီးပွားရေး လူမှုရေး (ယဉ်ကျေးမှု အပါဝင်) တွေနဲ့ 

  အခြေပြု စုစည်း ထောက်ခံ တည်ဆောက်ကြရတယ် ။
  
  စီးပွားရေးအပိုင်းကို ထပ်ပိုင်းခြားလိုက်ရင် -
  - စိုက်ပျိုးရေး ၊
  - ကုန်ထုတ်လုပ်မှု နဲ့
  - ဝန်ဆောင်မှု (ကူးသန်းရောင်းဝယ်ရေး အပါအဝင်) တို့တတွေ ရှိကြမယ် ။
  
  ပထမ စိုက်ပျိုးရေးက အကန့်အသတ်ရှိပါတယ် ။
  ဆိုချင်တာက လူနဲ့လုပ်အား ပိုများလာအောင် လုပ်ဖို့ မလွယ်ဘူး ။
  စိုက်ပျိုးရေးပညာနဲ့ စက်ကရိယာ အကူညီတွေ တည်ဆောက်ယူရမယ် ။
  
  ဒုတိယ ကုန်ထုတ်လုပ်မှုမှာ လုပ်လို့ရနိုင်တာက - ကိုယ်ထူကိုယ်ထ လုပ်ငန်းတွေ

  ထောင်ကြဖို့ ၊ အပြင်လူတွေ ဖိတ်ခေါ်ဖို့ ၊ ပြင်ပကနေ တတ်မြောက်လာတဲ့ လုပ်ငန်း

  တွေကို ပြန်သယ်ယူလာပြီး စုပေါင်း လုပ်ကိုင်ကြဖို့တွေ ရှိမယ် ။
  
  တတိယ ဝန်ဆောင်မှုဆိုတာက ရှေ့က ပြောခဲ့တဲ့နှစ်မျိုး ပါသည်ဖြစ်စေ မပါသည်

  ဖြစ်စေ လုပ်လို့ ရနိုင်တဲ့ ကဏ္ဍ ။ အထူးသဖြင့် ဖွံ့ဖြိုးတိုးတက်ပြီးတဲ့ နိုင်ငံတွေဆီ

  မှာ ဒီကဏ္ဍဟာ ပိုကြီးမားလေ့ ရှိပါတယ် ။ ကူးသန်းရောင်းဝယ်ရေး ၊ ခရီးသွားလုပ်

  ငန်း ၊ စီမံခန့်ခွဲရေးဆိုင်ရာ လုပ်ငန်းတွေ စသည်ဖြင့် ပါပါတယ် ။
  
  ဒါတွေအားလုံး (အထူးသဖြင့် လက်တွေ့ကျမယ့် တတိယကဏ္ဍ) ကို အတိုင်းတာ

  တစ်ခုအထိ တိုးတက်အောင် လုပ်နိုင်ရင် ၊ မူးယစ်ဆေးဝါးအပါအဝင် အခြား မဖြစ်

  သင့်တာတွေအပေါ် မှီခိုမှုတွေ လျော့နည်းသွားစေနိုင်ပါတယ် ။
  
  နောက်တစ်ဆင့်က ဒါတွေကို ဘယ်လိုလုပ်မှာလဲဆိုတာ မေးစရာ ဖြစ်လာတယ် ။
  
  လုပ်လို့ရမှာက (၁) ကိုယ်တိုင် (၂) အခြားသူရဲ့ စွမ်းအားအကူညီတွေနဲ့လို့ ပြန်ခွဲလို့

  ရလိမ့်မယ် ထင်ပါတယ် ။
  
  အခြားသူတွေကို အသုံးချဖို့ရာ ၊ ကိုယ်ကလည်း ပြန်ပေးဆပ်ရတာတွေ ရှိနိုင်ပါတယ် ။

  ဥပမာ - ရင်းနှီးမြုပ်နှံမှုတွေကို ဖိတ်ခေါ်တာမျိုးပါ ။ ငွေရင်းနဲ့ အတတ် အသိပညာတွေ

  ဝင်လာပြီး ၊ ကိုယ်ဆီကလည်း အလုပ်အကိုင်တွေ ရလာနိုင်တာမျိုးပါ ။ (သဘာဝဝန်း

  ကျင် ပျက်စီးတာ ၊ လူမှုဘဝ အပြောင်းအလဲတွေက ပေးဆပ်စရာတွေထဲက တချို့ပါ) ။
  
  ကိုယ်တိုင်ကျပြန်တော့ အချိန်နဲ့ အားထုတ်မှုတော့ ရင်းရပါလိမ့်မယ် ။
  ပညာနဲ့ ဥစ္စာကို ကိုယ့်ဘာသာ ရအောင်ရှာပြီး ၊ လက်ဆင့်ကမ်းပေးတာတွေ ကိုယ်

  လိုချင်တဲ့နေရာမှာ တည်ဆောက်မှုတွေပြန်လုပ်တာ စသည်ဖြင့်ပေါ့ ။
  
  ကျနော်ကတော့ ကိုယ်တိုင် အားထုတ်ရတာမျိုးကို သဘောကျပါတယ် ။
  ဒီအတွက် အခွင့်ရေးရခိုက် စီးပွားရေးဆိုင်ရာ ပညာလေးတွေကို တစ်နိုင်စာ သင်ယူ

  ဖို့ကြိုးစားနေပါတယ် ။ နောင်မှာ entrepreneurship လို့ခေါ်တဲ့ စွန့်ဦးစီးပွားလုပ်ငန်း

  ဆိုင်ရာဘွဲ့ကို ယူပြီး ၊ ကိုယ်တိုင် ရပ်တည်ဖို့နဲ့ အခြားသူတွေကိုလည်း ဖေးမနိုင်ဖို့

  ရည်ရွယ်ထားပါတယ် ။
  
  ကိုယ်ပိုင် အတွေ့ကြုံပေါ်မူတည်ပြီး တွေးလို့ရသမျှလေးပါ ။
  ကိုယ်ပိုင်အတွေး အတွေ့ကြုံတွေနဲ့ ထပ်ဆင့်ပွားများ အသုံးချနိုင်လိမ့်မယ်လို့

  မျှော်လင့်ပါတယ် ။

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

(၆)  လုံခြုံရေးနဲ့ တရားဥပဒေစိုးမိုးရေး

   တမြန်နေ့လောက်ကတက်လာတဲ့ သတင်းတစ်ခုနဲ့ အတိအလင်းရှိပြီးသား ကိစ္စတစ်ခုကိုတွဲပြီး

ပြောချင်တယ် ။ ပထမသတင်းက ရွှေတိဂုံဘုရားပေါ်မယ် သတင်းထောက်တစ်ယောက် လုံခြုံရေး

တစ်ယောက်ကြောင့် ဒဏ်ရာအနာတရ ရသွားခဲ့ပြီး ၊ ကင်မရာလည်း ပျက်စီးမှုလေးတွေ ရှိသွားခဲ့

တာပါ ။ ဒုတိယကတော့ ဒေါ်စုကနေ အတိအလင်း မကြာခဏပြောလို့ လူတိုင်းလိုလို သိနေပြီး

ဖြစ်တဲ့ တရားဥပဒေစိုးမိုးရေးကိစ္စပါ ။ သိကြားခဲ့ရသမျှနဲ့ တွဲဆက်စပ်ကြည့်ပါမယ် ။

   ဘုရားပေါ်ကကိစ္စကို ခြုံငုံကြည့်ရင် ဒဏ်ရာအနာတရ ဖြစ်ခဲ့ပေမယ့် ၊ ရဲစခန်းက အမှုဖွင့်မပေးခဲ့

တာကိုကြည့်ရင် တရားဥပဒေစိုးမိုးမှုအပိုင်းမှာ လစ်ဟာမှုတချို့ ရှိနေပြီလို့ မှတ်ချက်ပေးချင်ပါတယ် ။

အထူးသဖြင့် လူလူချင်း တန်းတူဆက်ဆံမှု ၊ လုံခြုံမှုရှိတဲ့ လူ့အသိုင်းဝန်းနဲ့ အခွင့်ရေး ညီမျှဖို့ရှေးရှု

တဲ့ ဒီမိုကရေစီစနစ်ကို တည်ဆောက်နေပါတယ်လို့ ပြောနေတဲ့အချိန်မျိုးမှာ ၊ တကယ်ကို “တရား”

ပြီး “မျှတ”တဲ့ ဥပဒေတွေ စိုးမိုးဖို့ရာ လိုအပ်ပါတယ် ။ သတိထား ဆင်ခြင်စရာဖြစ်ပြီး ၊ ထောက်ပြ

ပြင်ဆင်ကြဖို့လည်း အခွင့်လမ်းတစ်ခု ဖြစ်ပါတယ် ။ 

   ဒါနဲ့ယှဉ်ပြီး သြစတြေးလျက သင်္ခန်းစာယူလို့ရနိုင်မယ့် နမူနာနှစ်ခုကို ပြောပြပါမယ် ။

   ပထမတစ်ခုက လုံခြုံရေးဝန်ထမ်းတွေနဲ့ ပတ်သက်လို့ပါ ။

   မနှစ်က ကျနော့်အတန်းဖေါ် Serbian တစ်ယောက်ဟာ လုံခြုံရေးကုပ္မဏီတစ်ခုမှာ အလုပ်သွား

လျှောက်ခဲ့ပါတယ် ။ လုံခြုံရေးဝန်ထမ်းဆိုတာဟာ ပွဲလမ်းအခမ်းနားတွေသာမက ၊ bar တွေ club

တွေ ကာစီနိုတွေ စသည်ဖြင့် နေရာစုံမှာ လုပ်ကိုင်ရနိုင်ပြီး ၊ အရင်ကတော့ အပေါက်စောင့်လူမိုက်

(bouncer) လို လူမျိုးတွေပေါ့ ။

   ကျနော့်အတန်းဖေါ်ဟာ မေးခွန်းပေါင်း ၅၀၀ လောက်ကို ဖြေဆိုခဲ့ရပြီး ၊ အများစုကတော့ စိတ်

နေစိတ်ထားနဲ့ပတ်သက်တဲ့ မေးခွန်းတွေပါ ။ လုံခြုံရေးဝန်ထမ်းလုပ်မယ့် လူတစ်ယောက်ရဲ့ ဘယ်

လောက်အထိ စိတ်ထားတတ် သည်းခံနိုင်သလဲ ၊ အကြမ်းမဖက်ပဲ နှုတ်နဲ့ဖြေရှင်းနိုင်သလဲ ၊ ကျိုး

သင့်ကြောင်းသင့် တွေးခေါ်နိုင်သလဲ ၊ ကုပ္မဏီက ချမှတ်ထားတဲ့ ကျင့်ဝတ်တွေကို စောင့်ထိန်းနိုင်

သလဲ ဆိုတာတွေကို စာတွေ့နဲ့ စစ်ဆေးတာလို့ ပြောနိုင်ပါတယ် ။ ဒါဟာ အကြောင်းမဲ့မဟုတ်ပါ ၊

လက်တွေ့မှာလည်း မြို့လည်ကဆိုင်တစ်ဆိုင်မှာ ၊ လာရစ်နေတဲ့ လူတစ်ယောက်ကို ဥပေက္ခာပြု

တန်ပြု ၊ ပြန်ပြောတန်ပြောလောက်ပဲလုပ်နေတဲ့ အစောင့်တစ်ယောက်ကို မြင်ခဲ့ရဖူးပါတယ် ။

   ဒါတင်မက ရဲတပ်ဖွဲ့မှာလည်း ပြဿနာလုပ်နေသူတွေကို ရင်ဆိုင်ရာမယ် ၊ စကားနဲ့ အရင်ဆုံး

ရင်ဆိုင်ဖို့ကို ညွှန်ကြားထားရုံမက ၊ သင်တန်းပို့ချမှုတွေအထိ လုပ်နေတာကို သတင်းတွေထဲမှာ

တွေ့နေရပါတယ် ။ ခုနေခါ ယဉ်ကျေးတဲ့ လူ့အသိုင်းဝိုင်းတွေကို ဆင့်ကဲဆင့်ကဲ တည်ဆောက်

လာချိန်မှာ ပြောင်းလဲလာနေတဲ့ ပြယုဂ်တွေလို့ဆိုရင် မှားမယ်မထင်ပါဘူး ။ ရွှေတိဂုံလုံခြုံရေးတွေ

ကို ဒီလိုဖြစ်ဖို့တော့ မျှော်လင့်လို့မရတာ သိပါတယ် ။ ဒါပေမယ့် ကမ္ဘာရဲ့ အခြားတစ်ဖက်မှာ ဖြစ်နေ

တာတွေနဲ့ ယှဉ်တွဲသိနိုင်ရင် ၊ ဘယ်လိုဖြစ်သင့်သလဲ လုပ်လို့ရနိုင်မလဲဆိုတာ လမ်းစရေးရေးလေး

မြင်ကောင်းမြင်နိုင်အောင်ရယ်ပါ ။

   နောက်တစ်ခုက တရားဥပဒေနဲ့ ပတ်သက်လို့ပါ ။

   ဒီမှာ ခိုးမှု မူးယစ်ဆေးမှုတို့လို အမှုတွေမှာ အားလုံးလိုလိုကို အာမခံနဲ့လွှတ်ပေးပေမယ့် ၊ လူ

တစ်ယောက်ကို နာကျင်စေမှုကတော့ အလွယ်တကူ ခွင့်လွှတ်ပေးတဲ့အပြုအမူမျိုး မဟုတ်ပါဘူး ။

ဥပဒေဟာလည်း တပြေးညီသက်ရောက်ပါတယ် ။

   ဒါကို ၂၀၀၈ မှာ အတိအလင်း တွေ့မြင်ခဲ့ရဖူးပါတယ် ။ အဲဒီနှစ်မှာ ပီကင်းအိုလံပစ်ကို သတိရ

ကြမှာပါ ။ ဥရောပဖက်မှာ အိုလံပစ်ဆီမီးတိုင်ကို ဝင်လုသူတွေပေါ်လာပြီးနောက် ၊ တရုတ်လုံခြုံ

ရေးတွေက ဆီမီးတိုင်ကိုင်သူကို ဝိုင်းရံထားပေးခဲ့ကြပြီး ၊ ဝင်လုဖို့ကြိုးစားသူတွေကို အတင်းတွန်း

ထိုးလွှတ်တာကို သတင်းကြည့်သူတွေ မြင်ခဲ့ဖူးမှာပါ ။ တရုတ်ဖက်က မှန်တာမမှန်တာအပထား ၊

ဘယ်သူမှ ထိပ်တိုက်မဝေဖန်ခဲ့ကြပါဘူး ။

   သို့သော် သြစတြေးလျကို ရောက်မလာခင်မှာတော့ ၊ ဒီကရဲချုပ်ကနေ သတင်းစာရှင်းလင်းပွဲ

တစ်ခုမှာ အတိအလင်းပြောလိုက်တာ ရှိပါတယ် ။ အဲဒါကတော့ “မီးရှူးတိုင်တွေနဲ့ အတူလိုက်ပြေး

တဲ့ တရုတ်လုံခြုံရေးအဖွဲ့ဝင်တွေအနေနဲ့ လူတစ်ယောက်ကို လက်နဲ့ကိုင်လိုက်တာနဲ့ ကိုယ်ထိ

လက်ရောက်မှုနဲ့ ထိန်းသိမ်းခံရမယ်” ဆိုတာပါပဲ ။ ခရီးစဉ်တစ်လျှောက် ဘာမှမဖြစ်ခဲ့ပေမယ့် ၊ ဒီ

နိုင်ငံမှာ လူတိုင်းအပေါ် တူညီတဲ့သက်ရောက်မှုရှိတဲ့ တရားဥပဒေတွေကို ဖေါ်ဆောင်နေတယ်ဆို

တာ ၊ လူဦးရေ သန်း ၂၀ ကျော်ပဲရှိတဲ့နိုင်ငံကနေ အနာဂါတ်အင်အားကြီးနိုင်ငံတစ်ခုကို ကမ္ဘာသိ

အောင်ပြောခဲ့တဲ့ သမိုင်းမှတ်တိုင်တစ်ခုအနေနဲ့ ကဗျည်းတင်ရစ်ပါတယ် ။

   ဒီလို တရားဥပဒေကို တစ်ပြေးညီကျင့်သုံးဖို့ ကြိုးစားတဲ့ နိုင်ငံတွေရဲ့ အတွေ့ကြုံတွေရှိခဲ့တဲ့ ဒေါ်စု

အနေနဲ့ ၊ တရားဥပဒေစိုးမိုးဖို့ ပြောနေတာဟာ အလဟဿမဟုတ်ဘူးလို့ ၊ သင်္ခန်းစာယူစရာလေး

တွေနဲ့အတူ လက်ဆင့်ကမ်းလိုက်ပါရစေ ။

၀၇ ၊ ၀၇ ၊ ၂၀၁၃