လျှံကျခဲ့တဲ့ စကားတစ်ချို့

  ပြောမှာတွေက ကိုယ့်ဘာသာတော့ မှန်မယ်လို့ယူဆတဲ့ အမြင်လေးတစ်ချို့ပါပဲ ။ သို့သော် ခေတ်

ကာလက သိပ်မကောင်းလေတော့ စေတနာနဲ့ပြောတာ တုတ်နဲ့ထိုးသလို ဖြစ်လိုဖြစ် ၊ အနာပေါ်

ဆားနဲ့ပက်သလို ထင်လိုထင်ရ ၊ မလုံတဲ့ကြားထဲ ထန်းလက်တွေဈေးကောင်းအောင် လျှပ်စီးတွေ

လက်ပြလိုပြသလို ဖြစ်ကောင်းတော့ ဖြစ်နေမလားပဲ ။ အထွေထူးတော့လည်း မဟုတ်လှပါဘူး ၊

Facebook ထဲက ကြုံသလို ရေးဖြစ်တာလေးတွေကို ပြန်စုစည်းပြီး အနည်းကျဉ်း ပြင်ဆင်တင်ပြ

ထားတာပါ ။ အချို့အမြင်တွေဟာ ကာလရှည်ကြာ ရင့်သန်လာရတာကြောင့် ဖတ်သူအတွက်တော့

အရင်းမရှိ အဖျားမရှိနဲ့ အစွန်းထွက်လိုထွက်လည်း ဖြစ်ကောင်း ဖြစ်နေနိုင်ပါတယ် ။ လက်သင့်ရာ

စားတော်ခေါ်ထားသလို မုန့်လက်သုတ်တွေကို စုချတည်ပေးလိုက်ပါတယ် ၊ ခန္တီတရားကိုသာ

လက်ကိုင်ထားကြပါလေကုန်  :-)

~~~~~~~~~~~~~~~~~~~~~~~~~~~~~~~

(၁)  ကရင်ပြည်နယ် ဘားအံမြို့တော်

   လွန်ခဲ့တဲ့ တစ်ပတ်ကျော်လောက်က အပေါ်ကခေါင်းစဉ်နဲ့ Facebook စာမျက်နှာတစ်ခုပေါ်လာလို့
ကြည့်မိရာက မြို့အခြေနေပြောပြတဲ့ ပို့်စ်တစ်ခုအောက်မှာ ရေးဖြစ်ခဲ့တဲ့ မှတ်ချက်တစ်ခုပါ ။

∆  ဒီနေ့ပဲ ဒီစာမျက်နှာလေးကိုတွေ့ပြီး ကိုယ့်မြို့ရဲ့ ပုံရိပ်လေးတွေ ပြန်မြင်ရတော့
ဝမ်းသာမိတယ် ။ မရောက်ဖြစ်တာ ကြာပြီမို့လည်း သတိရမိတယ် ။ စိတ်လည်း 
ချမ်းသာတယ် ။

  ဒါပေမယ့် ဒီမှာ ပေးထားတဲ့ မှတ်ချက်တွေကိုတွေ့တော့ စိတ်အတော် နောက်
သွားတယ် ။ ငါတို့ ဖါးအံမြို့ဟာ အပြင်ပန်း အသွင်မှာ လှနေပေမယ့် ၊ လူအ
တော်များများရဲ့ စိတ်ထဲမှာတော့ မဲမှောင်နေပါကလားလို့ ဝင်လာတယ် ။

  ငယ်စဉ်ဘဝ တစ်လျှောက်လုံး ကိုယ့်ရဲ့ ဟိန္ဒူ ၊ မွတ်ဆလင် ၊ တရုတ်တွေ အပါ
အဝင် လူမျိုးပေါင်းစုံ သူငယ်ချင်းတွေ ရှိခဲ့ပြီး ၊ ခင်ခင်မင်မင်နဲ့ အတန်းတွေ အ
သက်ရွယ်တွေကို ကျော်ဖြတ်ခဲ့ကြတယ် ။ သူတို့တတွေ အများစုဟာလည်း
အားလုံးနဲ့ တည့်အောင် နေကြတယ် ။ လူနည်းစု ဖြစ်လို့လည်းတစ်ကြောင်း
သည်းခံကြတယ် ၊ သူတို့အနေထား သူတို့နားလည်ပြီး ထိန်းသိမ်းကြတယ် ။

  သူတို့ဟာ ဒီမြို့မှာ ကြီးပြင်းလာကြသလို ၊ အရွယ်ရောက်တော့လည်း ဝန်ထမ်း
လုပ်ဖို့ အခွင့်လမ်း မရှိကြတာ များတာကြောင့် ကိုယ့်ခြေပေါ်ကိုယ် ကြိုးစားရပ်
တည်ကြတယ် ။ သူတစ်ပါးကို အာဏာနဲ့လည်း ဒုက္ခမပေး မညှဉ်းပန်းခဲ့ကြဘူး ။
ဒီမြို့ဟာ သူတို့ရဲ့ ဘဝပဲ ။

 ဆေးရုံမှာ ကြည့်မလား ၊ သူတို့ကြောင့် ဒဏ်ရာရပြီး ဆေးကုနေရသူ ဘယ်နှစ်
ယောက် ရှိသလဲ ။
  ရဲစခန်းမှာ ကြည့်မလား ၊ ရာဇဝတ်မှုနဲ့ အချုပ်ခံနေကြရတာ ဘာလူမျိုး ဘာဘာ
သာတွေလဲ ။
  ရုံးကနားနဲ့ ဂိတ်တွေမှာ ကြည့်မလား ၊ ခြိမ်းခြောက် ဟိန်းဟောက်ပြီး သူတစ်ပါး
မျက်ရည်နဲ့ ရင်းနှီးထားတဲ့ ငွေကြေးတွေကို ညှစ်ယူနေတာဟာလည်း သူတို့ မ
ဟုတ်ဘူး ။

  တစ်ခုတော့ ရှိတယ် ။
  ဘယ်လူမျိုး ၊ ဘယ်ဘာသာ ၊ ဘယ်လို နောက်ခံမျိုးရှိရှိ ၊ ခြောက်ပြစ် ကင်းစင်
တော့ မရှိနိုင်ဘူး ။ သူ့အချိုးကျတော့ ရှိနေမှာပဲ ။

  ဖါးအံသူ ဖါးအံသား တစ်ယောက်အနေနဲ့ မွတ်ဆလင်တွေ ၊ ဟိန္ဒူအပါဝင် အ
သားမဲသူတွေကိုမုန်းပြီး -

  - ဂုဏ် တက်မလာနိုင်ဘူး ၊
  - စီးပွား ဖြစ်မလာနိုင်ဘူး ၊
  - ပညာ ပိုတတ်မလာနိုင်ဘူး ၊
  - ဗဟုသုတလည်း ပိုကြွယ်မလာနိုင်ပါဘူး ။

  ဆင်ခြင်သတိ ထားကြပါလို့ တရားတော်တွေ ၊ လူသား ကျင့်ဝတ်တွေနဲ့အညီ
ပြောပါရစေ ။

  ဖါးအံမြို့နဲ့တကွ နေထိုင်သူတွေအားလုံး ၊ ဆက်စပ် ပတ်သက်နေတဲ့ အရာနဲ့
သက်ရှိတွေအားလုံး အေးချမ်းတိုးတက်စေဖို့ ဆန္ဒပြုလိုက်ပါတယ် ။  ။  ။

          ၀၉ ၊ ၀၅ ၊ ၂၀၁၃

   တစ်လက်စထဲ အမြင်တစ်ခုကို ပြောပြချင်တယ် ။
   ဆိုကြပါစို့ ၊ မြန်မာပြည်မှာ ၄% ရှိတယ်ဆိုတဲ့ မွတ်ဆလင်တွေရဲ့ စီးပွားတွေ ပျက်ပြီး ဗုဒ္ဓဘာသာ
ဝင်တွေလက်ထဲ ရောက်လာပြီ ဆိုရင် ဘယ်လောက် အကျိုးခံစားကြရမလဲ ။ ၄% ရဲ့ ဥစ္စာဓနကို
၈၀% လောက်သောလူတွေက ခွဲယူကြရင်တောင် ဆင့်ပါးစပ်နှမ်းပက်သလို ဖြစ်မနေဘူးလား ။

   သင်္ခန်းစာယူချင်ရင် ဆင်တူယိုးမှား တစ်ခုရှိပါတယ် ။ ၁၉၆၂ နောက်ပိုင်း တစ်နိုင်ငံလုံးအတိုင်း
အတာနဲ့ ဓါးပြတိုက် အဲလေ ပြည်သူပိုင်သိမ်းခဲ့တာကို ကြည့်ပါ ။ ဘယ်သူတွေ ဘယ်လောက် နစ်
နာခဲ့သလဲ အသာထားလို့ ၊ အဲဒီ သိမ်းဆည်းလို့ရခဲ့တဲ့ အမွေအနှစ် အခွံကလေးများတောင် အကျိုး
ကျေးဇူးတွေ ကျန်နေခဲ့သလား ၊ မြင်နေရသေးလား ။

   အချို့က ဒါကို ၊ စနစ်တို့ စီမံခန့်ခွဲမှု ညံ့တာတို့ကို လက်ညှိုးထိုးကောင်းထိုးမယ် ။
   အဲဒါမျိုးကိုတော့ စစ်အာဏာရှင် လိုလားသူလေးအချို့ ရေးတာတွေကို သွားသတိရတယ် ။ "အ
ခုပြောင်းနေပြီလေ ၊ အရင်အဖွဲ့နဲ့ အခုအဖွဲ့နဲ့ ဘာမှ မဆိုင်တော့ဘူးလေ" စသည်ဖြင့်ပေါ့ ။

  ဒါကို ကျနော့်အနေနဲ့ ဇဝေဇဝါ မဖြစ်ပါဘူး ။ "မသာ" နဲ့ "အသုဘ"ကို ခွဲခြားဖို့ ကြိုးစားနေတာလို့
ပဲ မြင်ပါတယ် ။

~~~~~~~~~~~~~~~~~~~~~~~~~~~~~~~~~~~~~~

(၂)  မမြင် မယုံ ၊ မကြုံ မသိ

  အောက်က မှတ်ချက်ကိုတော့ မနှစ်ကတည်းက ပေးဖြစ်ခဲ့တာပါ ။

   နာမည်မဖေါ်ရဲသူ တစ်ယောက်ကနေ ကချင်တွေ ကမ္ဘာအနှံ့ ဆန္ဒပြကြတာကို ဝေဖန်တိုက်ခိုက်

ထားလို့ ရေးဖြစ်ပါတယ် ။ ‘ကဗျာဆန်ဆန် လုပ်မနေနဲ့လို့’ ပြန်ပက်ခဲ့တဲ့ အဲဒီသူဟာ မကြာခင်က

တော့ ကဗျာတွေ စာတွေကို အနုပညာတွေကို လေးစားတန်ဖိုးထားပါကြောင်း တွေလုပ်နေလို့ မျက်

စေ့တောင် လည်ရမလိုပါပဲ ။

∆  မိန်းမတစ်ယောက်ကို အဆမတန်အားသာတဲ့ ယောက်ျားကြီးတစ်ယောက်က

   စောင်နဲ့အုပ်ပြီး လမ်းဘေးမှာ မုဒိမ်းကျင့်နေတယ် ။

  အဲဒီမိန်းမက တွန်းထိုးကန်ကျောက်ရုန်းကန်သလို ရှိသမျှအားနဲ့လည်း အော်ဟစ်

ဖို့ ကြိုးစားတယ် ။

~ ဘေးကမြင်သူတွေထဲ အချို့က - ‘မမြင်ရတဲ့စောင်အောက်မှာ မုဒိမ်းကျင့်နေတယ်

   ဆိုတာ မဖြစ်နိုင်ပါဘူး’ တဲ့ ၊

~ နောက်တစ်ယောက်က - ‘သံဝါသပြုတယ်ဆိုတာ အင်မတန်ကောင်းတဲ့အလုပ်ပါ ၊

   လုပ်သာလုပ်ပါ’ တဲ့ ၊

~ အသံကြားမိတဲ့ လူတစ်ယောက်ကလည်း - ‘ဒီကောင်မ တော်တော်အာပြဲတာပဲ ၊

   ဖြစ်တာကနည်းနည်း အော်တာကများများ ၊ တော်တော်ယုတ်နိမ့်တဲ့ဟာပဲ’ တဲ့ ၊

~ ဒီထဲမှာ လူတစ်ယောက်ကတော့ - ‘အော် .. သူ့ခမျာ သနားပါတယ်’ ဆိုပြီး သူ့

   လမ်းသူ ဆက်သွားနေသတဲ့ ၊

~ တစ်ယောက်ကျပြန်တော့ - မသိသလို ဖြတ်လျှောက်သွားရင်း ၊ ‘အင်း .. ငါ့ကို မ

   လုပ်ရင် တော်ပါပြီကွာ ၊ ယောက်ျားအချင်းချင်း အဲဒီလိုအလုပ်ခံရမှာ ကျောတော့

   အချမ်းသား’ လို့ တွေးနေသတဲ့ ၊

~ ဒီအထဲမှာ လူတစ်ယောက်ကတစ်ခါ - ‘ဟေ့ ဟေ့ သူ့ဘာသာသူ လွှတ်အောင်

   ရုန်းပါစေ .. ဘယ်သူမှ ဝင်မရှုပ်နဲ့နော်’ .. တဲ့ ၊

ကျနော်တို့ရဲ့ လူမှုအသိုင်းဝိုင်းမှာ ဘာတွေများ မှားနေပြီလဲ ။

----------------------------------

~ လောကမှာ ကိုယ့်အမြင် အမြီးမောက်တည့်ပေမယ့် ဒါကို လှောင်ပြောင်ခံရရင်

   တော့ မချိမခံသာတာ သဘာဝ ၊

~ အချို့လူတွေရဲ့ ဝင်္ကဝုတ္တိအလင်္ကာ ၊ ဥပမာအလင်္ကာတွေကို မခံစားတတ်တာ

   လည်း အပြစ်တော့မဟုတ် ၊

~ အသက်သာကြီးပြီး လူတိုင်းနားလည်လောက်မယ့် ရှင်းလင်းတဲ့ ဆက်သွယ်ရှင်း

   ပြချက်တွေ မလုပ်တတ်သူ ကိုယ်သာ အပြစ်ရှိပါတယ် ။

   အမှန်တော့ ရေးလိုက်တဲ့ စာလုံးတွေဟာ နည်းနည်းပြင်းပြီး အချို့လူနဲ့ အဖွဲ့စည်းတွေကိုလည်း

သွယ်ဝိုက်စွပ်စွဲရာ ရောက်နေတာသိပေမယ့် ၊ သည်းမခံနိုင်တော့လို့ ရေးဖြစ်သွားတာပါ ။

   တကယ်တန်းမှာ ပြည်မမြို့ပေါ်မှာ ပါးအရိုက်ခံရတာကို တာဝတံသာ ရောက်လုနီးနီး အမှုကြီးတွေ

ဖြစ် အရေးတကြီး ဝိုင်းပြီးအုံခဲကြပေမယ့် ၊ နယ်ဒေသတွေ တိုင်းရင်းသားတွေရှိရာမှာ ပုံဖေါ်ပြလို့ မ

ဖြစ်နိုင်လောက်တဲ့ ရိုင်းစိုင်း ဆိုးရွား ယုတ်မာ လူစိတ်မဲ့တဲ့ ဖြစ်ရပ်တွေအတွက်တော့ ၊ ဝတ်ကြေတန်း

ကြေ အလေးထား ပြောဆိုသူတွေတောင် သိပ်ရှိလှတာ မဟုတ်ပါဘူး ။ ကူညီဖေးမမယ့်သူတွေနဲ့

မျှော်လင့်ချက်တွေဟာလည်း ကင်းမဲ့နေသလောက်ပါပဲ ။ မကြာခင်ကမှ လူသိများတဲ့ (ဦးသန်းရွှေ

ဦးမောင်အေးတို့ကို အနီးကပ် ပြုစုခွင့် ကြုံခဲ့ဖူးပြီး သူတို့စိတ်ထားတွေကို သိသူပါလို့ဆိုတဲ့) Facebook

ပေါ်က အေးချမ်းမွန် စာမျက်နှာပိုင်ရှင်ကလည်း တိုင်းရင်းသားတွေအတွက် ဘာမျှော်လင့်ချက်မှ မ

ရှိဘူးဆိုတာ အတည်ပြုပေးခဲ့ပါသေးတယ် ။

   သည်တော့ ရွေးစရာလမ်းမရှိတဲ့ တိုင်းရင်းသားတစ်ယောက်အနေနဲ့ တကယ်ဖြစ်နေတဲ့ တိုက်ရိုက်

မတရား အကျင့်ခံရတာကိုသာမက ၊ လူထုကို အာဏာသုံးအနိုင်ကျင့်တာနဲ့ နယ်မြေသယံဇာတတွေ

ကို အလွဲသုံးစားလုပ် အနိုင်ကျင့်တာတွေ အားလုံးကို အပေါ်ကလို ခြုံငုံပြီး ၊ အတိုင်းတာ ဘောင်တစ်

ခုအတွင်းက အကန့်အသတ်နဲ့ သွယ်ဝိုက်ညွှန်းပြောတာဟာ တရားမယ်လို့ ယူဆပါတယ် ။

   တစ်ခါ လက်ရှိ ဟိန်းဟိန်းထကြွနေတဲ့ ဘာသာရေး လှုံ့ဆော်မှုတွေကိုလည်း တွဲဖက်တွေးမိပါသေး

တယ် ။ ဘာသာတူသူတွေ စည်းလုံးညီညွတ် လက်တွဲကြဖို့ တိုက်တွန်းနေကြရာမှာ ကရင်သီချင်းပါ

အလွှတ်မပေးပဲ အသုံးချ ဝါဒဖြန့်ဖို့ ကရိယာအဖြစ် ဖြတ်ညှပ်ကပ်ထားတာ သတိထားမိတယ် ။ အထူး

သဖြင့် မွန် ၊ ရှမ်း ၊ ကရင်နဲ့ ရခိုင်တွေကို ဦးတည်ဟန်လည်း တူပါတယ် ။

   ဒါကို လက်ခံတဲ့ ကရင်တွေလည်း ရှိနိုင်ပါတယ် ။ ကျနော့်အနေနဲ့လည်း တားပိုင်ခွင့် မရှိပါ ။

   သို့သော် သေချာတာက ကရင်ဗုဒ္ဓဘာသာဝင်တွေ မုဒိမ်းအကျင့်ခံရကာနီးမှာ ‘ကျမ ဗုဒ္ဓဘာသာပါ’

လို့ အသနားခံလို့ မရခဲ့ပါ ။ ညှင်းပန်းနှိပ်စက်ခံရတဲ့အခါလည်း အထောက်ကူ မရပါ ။ ရွာမီးရှို့ လူတွေ

သေနတ်နဲ့ အပစ်ခံရတဲ့ အချိန်တွေတုန်းကလည်း ခုနပြောခဲ့တဲ့ စည်းလုံးညီညွှတ် လက်တွဲဖို့ ပြောခဲ့

သူတွေ ဘယ်နားနေမှန်းကို မသိရပါ ။ ဒီတော့ ကျနော်တို့တစ်တွေ အဲသည်စကားတွေကို ယုံမိမယ်

ဆိုရင် ၊ ‘တစ်ချိန်မှာ ဟောင်းလောင်းကြီး ကျန်ရစ်ရပြန်ဦးမှာပဲ’လို့ တစ်ထစ်ချ ပြောလို့ရနိုင်ပါတယ် ။

  ဒီကြားထဲ ဆက်စပ်ပြီးလည်း ၊ မှတ်မှတ်ရရ မနှစ်က မြောက်ပိုင်းကျောင်းသားတွေ သေဆုံးခဲ့ရတာ

နဲ့ပတ်သက်ပြီး “ဒါးခုတ်ရာ လက်ဝင်မလျှိုပါနဲ့”လို့ တင်စားရေးထားတာကို ၊ ခံစားမှုကိုအရင်းတည်

ဖြစ်ရပ်တစ်ခုလုံးထဲက အသေးထပ်စိပ်ပြီး “ဘယ်အယောက်ကိုခုတ်တဲ့ ဒါးချက်လဲ” ဆိုပြီး ခနဲ့တာ

ကြုံခဲ့ရပါတယ် ။

   ကျနော့်အနေနဲ့ အပေါ်က ကချင်အပါဝင် တိုင်းရင်းသားတွေ ကိစ္စမှာလည်း ၊ ကိုယ်အပြောခံရသ

လို ကွက်ကွက်ကွင်းကွင်းနဲ့ ပျစ်ပျစ်နှစ်နှစ်တွေရေးပြီး လူတွေရဲ့ ခံစားချက်ကို ဆွပေးလို့ရတာ သိပါ

တယ် ။ ကိုယ့်သိက္ခာကို တစ်ဆင့်လျှော့ပြီး အသေးစိတ် တစ်ခုချင်းစီကို ပုံဖေါ်လို့လည်း တတ်ပါ

တယ် ။ ဒါပေမယ့် ဒီလုပ်ရပ်မျိုးတွေဟာ ပိုကျယ်ပြန့်တဲ့ မြင်ကွင်းနဲ့ သုံးသပ်နိုင်မှုအသိတွေကို လက်

လွှတ်ဆုံးရှူံးခံပြီးမှ ရလာမယ့် ရလာဒ်ပါ ။ အဲဒါမျိုးတွေကိုတော့ လွယ်လွယ်နဲ့ လုပ်ဖြစ်မယ် မထင်ပါ

ဘူး ။ စိတ်ဓါတ် ပျက်ယွင်းနေမိတဲ့ အခါမျိုးတွေက လွဲရင်ပေါ့လေ ။

၁၈ ၊ ၀၅ ၊ ၂၀၁၃

~~~~~~~~~~~~~~~~~~~~~~~~~~~~~~~~~~

(၃)  သူ့အလုပ်သူလုပ် ကိုယ့်ဘဝကိုယ်နားလည်

   Facebook ပေါ်က RFA ရဲ့ "နေအိမ်ဖျက်ခံရသူတွေ သမ္မတကို ကြိုဆိုခွင့်မရ" ဆိုတဲ့ သတင်း

အောက်မှာတွေ့တဲ့ ကွက်ကွက်ကွင်းကွင်း မျက်စိထဲကို ဝင်လာတဲ့ မှတ်ချက်တချို့ကို နမူနာယူ

ပြီး မြင်တာလေးနဲ့ တွဲစပ်ကြည့်မိတာလေးပါ ။

(က) Ko Htwe - ဒါကလုပ်သင့်တဲ့အ၇ာဘဲ လူတိုင်းကကောယုံ၇လို့လား သူ့နေ

      ၇ာကိုယ်နေကြည့် ဘယ်လိုစီမံမလဲ ….

* ရေးထားတာကိုကြည့်ရင် ၊ လူတိုင်းကို သံသယအကြည့်နဲ့ မြင်တတ်တဲ့ စစ်တပ်

အသိုင်းအဝိုင်းရဲ့ အမြင်ကို လှစ်ဟပြနေတယ် (သို့မဟုတ်) စနစ်ဟောင်းရဲ့ အမွေ

တွေကို ဆက်ခံထားတဲ့ အမြင်တစ်ခု ဖြစ်တယ်လို့ ပြောနိုင်တယ် ။ (သူ့ profile

ကြည့်လိုက်တော့မှ တပ်ထွက်တစ်ဦး ဖြစ်နေတာတွေ့တော့ .. အော် .. ဖြစ်တတ်

တဲ့ သဘာဝကိုတွေးကြည့်တာ တိုက်ဆိုင်သားပဲလို့ စိတ်ထဲဝင်မိတယ်) ။

(ခ) Kyaw Lwin - ရမ်းမပြောကြနဲ့ဗျ ဒီကြိုဘို့လာတဲ့အယောက်၂၀က လုပ်စား

    တွေ ကျူးပြီးရောင်းစားနေတဲ့ကောင်တွေ ….

* ဒါကျတော့ အလွယ်တကူ ရိုက်ထည့်လိုက်တဲ့ စွပ်စွဲစကားမျိုးပဲ ။ ဟုတ်နေမယ်

ဆိုရင်တောင် ဘယ်လိုလုပ်ပြီး ယုံကြည်ရမလဲဆိုတာ အကြောင်းရင်း ရှာလို့မရ

ဘူး ။ profile ကလည်း မဖေါ်ရဲသူ ဖြစ်နေပြန်တော့ ၊ အဆင်းမှာ ဘီးတပ်ပေး

တယ်လို့ ထင်မြင်ရမယ့်ဖက်ကို အလေးသာနေပြန်တယ် ။

(ဂ) အမုန်း တစ်ဖက်ကမ်း - ဟာဂျီမ စုကြည် မွတ်သမ္မတ ဖြစ်လာရင် မွတ်‌‌တွေ

    ရှိ‌နေအုံးမှာပဲ။ မွတ်‌‌တွေရှိတာထက် စစ်သား‌တွေ ရှိတာက ပို‌ကောင်းအုံးမယ် ….

* ဒီမှတ်ချက်ကတော့ ပြောစရာတောင် လိုမယ်မထင် ။ ဒေါ်စုကိုပုတ်ခတ်ရင်း

စစ်ဖက်ကို အလေးခိုးပေးဖို့ ပေါပေါလောလော မှတ်ချက်တစ်ခု ဖြည့်ပေးလိုက်ပုံ

ပါ ။ account ကိုကြည့်တော့ opposite eye သတင်းတွေ share လုပ်ထားလေ

တော့ ၊ အင်း .. သဘောပေါက်ပါတယ် လို့ ပြောရလိမ့်မယ် ။

(ဃ) NyiToe Nyein - အဲဒါကျွန်တော်တို့အဖွဲ့ပါတွေပါ ကြိုလို့ရပါတယ်ဗျာ သ

     တင်းက မှားနေတယ် ….

* ဒီမှတ်ချက် ရေးသူကိုကြည့်တော့ - နေတာကရန်ကုန် ပြောတာက မန္တလေး

အကြောင်း ၊ အတိအကျလည်းမရေး ဘာသက်သေမှလည်း မပါ ၊ profile ကြည့်

တော့ ဒေါ်စုပုံသုံးပြီး activities ကြည့်တော့ ဒေါ်စုကို အောက်လမ်းနည်းနဲ့ တိုက်

ခိုက်ထားတာတွေ ။ ဒီလောက်ဆို ပြောစရာမလိုအောင် လုံလောက်နေပါပြီ ။

   ဒီတော့ “ဖတ်တဲ့လူတွေရဲ့ အမြင်ကို လမ်းကြောင်းပေးဖို့ ကြိုးစားတဲ့ မှတ်ချက်

တွေ” လို့ပြောတာ လွန်မလား ။

   ဒီဖြစ်စဉ်မှာ ကြည့်တဲ့အခါ - သတင်းတစ်ခု တက်လာတိုင်း ၊ လက်ရှိအစိုးရအပါဝင် အာဏာ

အခွင့်အခွင့်ထူးခံ အရိုးစွဲအဖွဲ့အစည်းတွေကို ထိခိုက်စေမယ့် သတင်းတွေဆိုရင် ၊ ဖတ်မိတဲ့လူ

တွေ စိတ်ထဲမယ် ပေါ့သွားအောင် လမ်းလွဲသွားအောင် မဟုတ်ဘူးလို့ သံသယဝင်သွားအောင်

သာမက ၊ နောက်ဆုံး သတင်းကြီးက မှားနေပါတယ်လို့ မပြောရုံတမယ် လမ်းကြောင်းပေးဖို့ ကြိုး

စားထားတာ တွေ့ရပါမယ် ။ အများစုကလည်း ဘယ်သူဘယ်ဝါမှန်း မသိရ ။

   မြန်မာပြည်မှာ သိန်းနဲ့ချီတဲ့ စစ်တပ်နဲ့ ပတ်သက်ရာ ပတ်သက်ကြောင်းတွေအပြင် အာဏာပိုင်

တွေနဲ့ အကျိုးတူစိတ်တူတွေလည်း မနည်းတာမို့ ၊ ဘုကလန့်ပြောလိုသူ အမြင်မတူသူတွေ ရှိနိုင်

သလို ၊ ပြောခဲ့တဲ့ အစုအဖွဲ့တွေကို ကာကွယ်ဖို့ရာသာမက အန္တရယ်ပေး ခြိမ်းခြောက်လာနိုင်

တယ်လို့ ယူဆရတာတွေကို ရည်ရွယ်ချက်ရှိရှိ ပိတ်ဆို့လမ်းလွှဲ ဖျက်ဆီးပစ်ဖို့ရာ ကြိုးစားနေတဲ့

အဖွဲ့နဲ့ တစ်သီးပုဂ္ဂလတွေလည်း ရှိနေကြမှာ သေချာပါတယ် ။

   အဲဒီအထဲမယ် အပေါ်က နမူနာတွေထဲမှာ တစ်ချို့ပါသလို ၊ ကျနော့် c-box မှာ အချွန်နဲ့မ အ

ဆင်းဘီးတပ်ဖို့ မျှော့သွေးလာစမ်းသူမျိုးတွေလည်း ပါပါတယ် ။ သူတို့ဟာ များသောအားဖြင့် ကွန်

ယက်နဲ့ အလုပ်လုပ်တတ်သလို ၊ အတိုင်အဖေါက်ညီညီနဲ့ ဝိုင်းတွန်းတတ်ကြပါတယ် ။ အဖွဲ့စည်း

နောက်ခံကြောင့် စုဆောင်းထားတဲ့ သတင်းအချက်လက်တွေကလည်း သူတို့လှုပ်ရှားမှုကို ဆပွား

ထိရောက်စေပါတယ် ။ ဒါ့ပြင် လူမှုအသိုင်းဝိုင်းထဲမှာ မြုပ်နှံတည်ရှိနေတာကြောင့် ရန်သူလို့ သတ်

မှတ်ပြီး တိုက်ဖျက်ဖို့လည်း မဖြစ်နိုင်ပါ ။

   ကျနော်တို့တွေ ဘာလုပ်လို့ ရနိုင်မလဲ ။

   ဘာမှတော့ လုပ်လို့မရပါ ၊ သို့သော် ကိုယ်ဘာတွေနဲ့ ရင်ဆိုင်နေရသလဲဆိုတာ သိရင် ၊ လမ်း

ကြောင်းချပေးတဲ့အတိုင်း မလိုက်လျှောက်သင့်မှန်း နားလည်ရင် ၊ ကိုယ့်မှာ ရွေးချယ်လျှောက်လှမ်း

ရမယ့် ဘဝတစ်ခုကို ပိုင်ဆိုင်ထားတယ်ဆိုတာ လက်ခံရင် - - - စာတစ်ကြောင်းထဲနဲ့ စာရင်းချုပ်

လို့ ရပါတယ် ။

“သူ့တို့အလုပ် သူတို့လုပ်လိမ့်မယ် ၊ ကိုယ့်ဘဝကိုယ်နားလည်ပြီး ကိုယ့်လမ်းကိုယ်လျှောက်” 

ပဲ ဖြစ်ပါတယ် ။ စိတ်မခိုင်ရင် သရဲဖမ်းစားတတ်တာကြောင့် အချင်းချင်း ယိုင်းပင်းချင်စိတ် ရှိကြ

ရင်လည်း မှားတော့မှားမယ် မထင် ။

~~~~~~~~~~~~~~~~~~~~~~~~~~~~~~

(၄) မှန်ရှေ့ပြောတော့ ခက်တတ်တယ်

   မပြောဖြစ်ခဲ့တာလေးတစ်ခု ပြောချင်တယ် ။

    'ပြည်ထောင်စု တပ်မတော်' ဆိုတဲ့ အသုံးနှုန်းနဲ့ ပတ်သက်လို့ပါ ။
    မြန်မာပြည်မှာ တိုင်းရင်းသား အားလုံးပါတဲ့ ပြည်ထောင်စုတပ်မတော်ဖြစ်တဲ့ လက်ရှိတပ်မတော်
သာလျှင် တစ်ခုတည်းသော စစ်တပ်အဖြစ် ရှိနေရမယ်ဆိုတဲ့ လူတစ်ချို့ရဲ့ အဆိုပြုချက် (သို့မဟုတ်)
ဆင်ခြေစကားနဲ့ ပတ်သက်လို့ပါ ။

    ထိုင်းနိုင်ငံတွင်းမှာ နေခဲ့စဉ်တုန်းက အိမ်ရှေ့အိမ်မှာ KNU စစ်ပြန်ကြီးတစ်ယောက် ရှိတယ် ။
ဆယ်စုနှစ်နဲ့ချီ တာဝန်ထမ်းဆောင်ပြီးမှ အနားယူခဲ့တာပါ ။

    ထူးတာကတော့ ကရင်လို အနည်းကျဉ်း နားလည်ပေမယ့် ၊ တစ်လုံးမှ မပြောပဲ ၊ ဗမာစကား ပီပီ
သသကိုပဲ ပြောလေ့ရှိတဲ့ ဗမာစစ်စစ်တစ်ယောက် ဖြစ်ပါတယ် ။ သူ့လိုလူတွေ ၊ တစ်နည်းအားဖြင့်
ဗမာ မွန် ရှမ်း ပအိုးဝ် ရခိုင် စသည်ဖြင့် တစ်ယောက်မကတဲ့ အရေအတွက်တွေ KNU ထဲမှာ ရှိပါ
တယ် ။ တပ်မတော်လို့ နာမည်ခံထားတဲ့ ပြည်မစစ်တပ်မှာ တိုင်းရင်းသား စစ်သားတွေ အနည်းအ
ကျဉ်း ရှိနေသလိုမျိုးပေါ့ ။

    ကဲ .. ဘယ်လို လုပ်ကြမလဲ ။
    ကရင့်ပြည်ထောင်စုတပ်မတော် တစ်ခုတည်းသာလျှင် မြန်မာပြည် (သို့မဟုတ်) ကရင်ပြည်မှာ
မရှိသင့်ဘူးလား ။

    မန်းကိုကို KNU အဖွဲ့ဝင်လို့ မျက်စိမှိတ် မစွပ်စွဲနဲ့အုံးနော် ။
    အပေါ်ကကိစ္စမျိုးကို ၊ မသိပဲ အတင်းငြင်းနေမိကြမှာစိုးလို့ စေတနာနဲ့ ပြောပြတာ  ။

 ---------------------

   တစ်လက်စထဲ အချွန်လေးနဲ့ ဆက်ကော်ပါရစေ ။

   ကရင်လို -

မွန် = ယူ
ရှမ်း = သိုင့်
ကုလား = ခိုလာ
ဗမာ = ပယောင်
ပအိုဝ့် = တွန်သူ့
ကရင် = ဖလုံဆိုဖိုး (မျိုးစုအားလုံးအပါဝင်) - စသည်ဖြင့် ခေါ်ကြတယ် ။

   ဘာရယ်တော့ မဟုတ်ပါဘူး ၊ အချို့ မြန်မာပြည်မှာ ကိုယ့်လူမျိုးကို ကိုယ်ခေါ်စေချင်သလို (ကိုယ့်
နာမည် ကိုယ်ပေးထားတဲ့အတိုင်း) မခေါ်ချင်တဲ့လူတွေ ၊ ဒီနိုင်ငံမှာ ဒီလူမျိုး ဟိုလိုလူမျိုးတွေ  မရှိပါ
ဘူးဆိုတဲ့သူတွေ အတော်များလို့ စိတ်ထဲ အတွေးဝင်မိတာပါ ။

    ပြီးမှ ငါ့လူမျိုးနာမည်ကို ငါတို့ခေါ်စေချင်သလို ခေါ်ပေးပါလို့ပြောပြီး စိတ်မဆိုးကြေး  ။

 ~~~~~~~~~~~~~~~~~~~~~~~~~~~~~~~~~~~~~~~~~~~~

(၅)  ဘယ်သူမှ မသိလိုက်ခဲ့တဲ့ ခေတ်သစ် အဆွေးဇာတ်လမ်း

   မဝေးလှသော အနာဂါတ်ကာလ ၊ (နောက်ထပ် ကွမ်းတစ်ယာညက်ခန့်) ။

   ဘိုးဘွားပိုင် ခြံဝိုင်းကြီးထဲ လမ်းလျှောက်ရင်း စိတ်ထဲမရှင်းတာလေးကြောင့် ခေါင်းကို မရဲတရဲ

မော့ပြီး အကိုကြီး အဖအရာဖြစ်နေတဲ့ ကိုမောင်မောင့်ကို မေးခွန်းထုတ်လိုက်တယ် ။

ဖိုးခွား   ။   ။  အကိုကြီး ….. ။

မောင်^၂ ။   ။  ဟေ ညီလေး ၊ ပြောလေ .. အားမနာနဲ့နော် .. သိလား ။

ဖိုးခွား   ။   ။  ဟုတ် … အကိုကြီး … ။

                 ကျနော် မရှင်းတာက … အရင် အကိုကြီးကော ကျနော့်ကိုပါ …

                 စွာလန်ကြဲမ အဲလိဇဘက်က … ဂုတ်ခွစီးထားခဲ့တယ်နော် … ။

မောင်^၂ ။   ။  ဟုတ်တာပေါ့ ညီလေးရ ၊ ဒါကြောင့် တို့တွေ အဲ့ကောင်မကို

                 အခွင့်သာတုန်းက အတူတူ ခါချခဲ့ကြတာပေါ့ … ။

ဖိုးခွား   ။   ။  ဟုတ် .. ၊ ဒါနဲ့ အဲ့ အဲလိဇဘက်ကြီး ဆင်းသွားကတည်းက

                 အကို ကျနော့်ပုခုံးပေါ် တက်ခွစီးနေတာ တစ်ခါမှ မဆင်းတော့

                 ဘူးနော် … ။

မောင်^၂ ။   ။  ဒီမှာ ညီလေး .. ၊ ဘေးခြံကို ကြည့်လိုက်စမ်း .. ၊ ဘာတွေ့လဲ .. ။

ဖိုးခွား   ။   ။  ဟုတ် … ၊ ခြံပြင် တစ်ဖက်တစ်ချက်မှာ ပဒေသာပင်တွေ တွေ့ပါ

                 တယ် အကိုကြီး … ။

မောင်^၂ ။   ။  ဟေ့ကောင် ဂန်းမသား ၊ ငါပြောနေတာ ဘေးခြံက ဘာဘူနဲ့

                 ကျန်ကျောင်းတို့ကို ပြောတာကွ ။

ဖိုးခွား   ။   ။  ဟုတ် .. ဟုတ် … ။

မောင်^၂ ။   ။  အဲ့ကောင်တွေက မင်းပုခုံးပေါ် ခွစီးဖို့ ကြံနေတာကွ ။

                 သူတို့ အဲ့လိုမလုပ်နိုင်အောင် ငါက စေတနာနဲ့ မင့်ပုခုံးပေါ်မယ်

                 နေရာ တက်ယူပေးထားတာကွ ၊ မှတ်ထား ။

ဖိုးခွား   ။   ။  ဟုတ် .. ဟုတ် .. ၊ ကျေးဇူး .. အကိုကြီး … ကျေးဇူး ….. ။

နိတံ ။

ရယ်သောသူ သေးထွက်တတ်၏ ။

၂၂ ၊ ၀၅ ၊ ၂၀၁၃
--------------------------------------

** အပေါ်က နောက်ဆုံးဇာတ်လမ်းလေးကိုဖတ်ပြီး အစာကြေညက်ရန် ခက်ခဲနေသူများအတွက်
ဖေ့စ်ဘွတ်က အပိုဆောင်း မှတ်ချက်လေးတစ်ခုကို ကူးထည့်လာပေးလိုက်ပါတယ် ။

Mahn Koko - ပုံပမာနဲ့ နောက်ပြောင်လိုက်တာပါ ၊
လက်တွေ့ဘဝနဲ့ တစ်ထပ်ထဲလို့ မဆိုလိုသလို ၊
တိုက်ဆိုင်မှုတွေအတွက်လည်း ခွင့်လွှတ်ပေးကြပါ ။

နောက်ပြီး စိတ်ထဲလည်း နက်နက်ရှိူင်းရှိူင်း မထားကြပါနဲ့ ၊
စာရေးတဲ့လူက ယဉ်ယဉ်လေး ရူးနေတာကြာပြီ  :-)

ပြုံးပျော်နိုင်ကြပါစေ ။
မန်းကိုကို