တွင်းနက်နဲ့ မှတ်စုတိုစများ

  ဒီစာရဲ့ ရည်ရွယ်ရင်းက တလောက မိတ္ထီလာအရေးနဲ့နွယ်ပြီး မြင်တာလေး အနည်းကျဉ်းကို တွဲစုပြီး

စာလေးတချို့ တို့ထားဖို့ပါ ။

  မြန်မာပြည် လူ့အသိုင်းဝိုင်းအတွင်းမှာ နီးလျက်နဲ့ဝေးပြီး ဒဏ္ဍာရီဆန်နေကြရာက ၊ သူ့အကြောင်း

ကိုယ်မသိ ကိုယ့်ကိုသူက သံသယပွား နေကြတာတွေထဲက တစ်ချို့တစ်ဝက်ကို နည်းကောင်းနည်း

အောင် လုပ်နိုင်လေမလားဆိုတဲ့ အတွေးလည်း ပါပါတယ် ။ ဒီနေရာမှာ ဘာသာရေး ၊ လူမျိုးရေး ၊

နိုင်ငံရေး တွေကစလို့ စုပေါင်းဖြစ်တည်လာခဲ့တဲ့ ကြိုတင်မျှော်မှန်းလို့ မရတဲ့ မုန်းတီးမှုအမိုက်မှောင်

ကြီးကို တွင်းနက်နဲ့ တင်စားထားလိုက်တာပါ ။

  ငယ်ငယ်တုန်းကတော့ ကြွက်တွင်းထဲ ရေလောင်းထည့်ဖူးတယ် ။ အချို့သိကြသလို ပြည့်ဖို့မလွယ်

တဲ့ ကြွက်တွင်းပါပဲ ။ သို့သော် ကျနော်က မလျှော့တမ်း ရေပိုက်နဲ့ လောင်းထည့်လိုက်တာ နောက်

ဆုံးတော့ တွင်းရေလျှံပြီး ကြွက်တွေ ပြေးထွက်လာခဲ့ဖူးတယ် ။ ခု အသက်ရလာတဲ့ အချိန်မှာတော့

အောင်မြင်မှုဟာ အဲသည်လောက် လွယ်မှာတော့မဟုတ်ပါ ။ အုတ်တစ်ချပ် သဲတစ်ပွင့်လောက်ပဲ

မျှော်လင့်လို့ ရပါလိမ့်မယ် ။

  များမကြာခင်က မိတ်ဆွေတစ်ယောက်နဲ့တွေ့ရင်း ကသုတ်ကယက် စကားနည်းနည်း ပြောဖြစ်

တယ် ။ သူက - ရခိုင်နဲ့စာရင် ဒီတစ်ခါ ဖြစ်တာ သိပ်မဆိုးကြောင်း ၊ ဝိုင်းဝန်းတားဆီးသူတွေ ရှိတဲ့

အကြောင်း ပြောပါတယ် ။ ကျနော့်မှာလည်း စကားတစ်ခွန်း အဆင်သင့် ရှိနေခဲ့ပါတယ် ။ အဲဒါက

တော့ - ခုဖြစ်သွားခဲ့တာဟာ ပြည်မထဲမှာဖြစ်လို့ ၊ တစ်နည်းအားဖြင့် ရခိုင်တုန်းက အဝေးကနေ

မမြင်ရပဲ အလွယ်တကူ မီးဝိုင်းတိုက်ခဲ့ကြပေမယ့် ခုတော့ ကိုယ့်ရှေ့တင် အနိဌာရုံတွေ ဖြစ်လာ

တာကြောင့် ထင်ရာစိုင်းဖို့ မဖြစ်နိုင်ပဲ အရှိန်သတ်ကြတာပါ - လို့ပါ ။ ဒါဟာ ပြည့်စုံတာတော့ မဟုတ်

ပါဘူး ။ အကျယ်ချဲ့ ရှင်းပြဖို့လည်း လိုတာ မှန်ပါတယ် ။ သို့သော် ဒါဟာ အမှန်တရား တစ်စိတ်

တစ်ပိုင်း ဖြစ်တာတော့ သေချာပါတယ် ။

(၁)  ဘယ်သူတွေ ဘာပြော

  အင်တာနက်ပေါ်က စိတ်ဝင်စားမိတဲ့ စကားစတစ်ချို့ကို စုစည်းထားပါတယ် ။ မပြည့်စုံပေမယ့်

အရေးကြီးတဲ့ အချက်တစ်ချို့ကိုတော့ ထင်ဟပ်နိုင်မယ်လို့ ယူဆပါတယ် ။

“မြန်မာပြည်ဟာ ဘာသာရေး လူမျိုးရေး မခွဲခြားတဲ့ တိုင်းပြည်ဆိုတာ တကယ်တမ်းတော့

မဟုတ်။ အထူးသဖြင့် အာဏာပိုင်များတွင် ခွဲခြားရေးစိတ် ပိုရှိသည်။ တောင်ပေါ် မြေပြန့်

လူမျိုးရေးလည်း ခွဲခြားသည်။ မွတ်စလင်၊ ဟိန္ဒူ၊ ခရစ်ယာန် တွေက မြန်မာနိုင်ငံအပေါ် သ

စ္စာမရှိသလိုလို၊ ရာနှုန်းပြည့်  မြန်မာနိုင်ငံသား မဟုတ်သလိုလိုလည်း လုပ်တတ်သေးသည်။"

by ~ ဇော်မင်း (လူ့ဘောင်သစ်)

"အခုလို အတိုင်းတာမရှိ ရေးနေ ဝေနေတာတွေ အကုန်လုံးက ကမ္ဘာ့အဖွဲ့စည်းတွေမှာ

ဘာသာပြန်တွေနှင့် ဖတ်နေတယ်။ ကမ္ဘာကြီးက မအဘူးဆိုတာ သိစေချင်တယ်။"

(ရဲမင်းထွန်း)

 Ko Watote - ကျနော် မြင်တာက ၉၆၉ ဆိုတာ တကယ်တော့ စစ်အုပ်စုက

တိုင်းပြည်ထဲ မွတ်စလင်ဆန့်ကျင်ရေးစိတ်ဓာတ် ဘယ်လောက်ရှိသလဲ survey

လုပ်တာလို့ ထင်နေတယ်။ အဲဒီ ဆာဗေးကိုကြည့်ပြီး မိထ္ထီလာလို အဖြစ်မျိုး ဖန်တီး

ဖို့ ဆုံးဖြတ်တာ။

- မြန်မာပြည်မှာ rules of law မရှိ … ဂဏန်းပုံပြင်ထဲကလို ဘယ်သူမှဆွဲချစရာ

  မလိုဘူး။ ကိုယ့်လူမျိုးတွေလုပ်ပေါက်နဲ့ပဲ ရှေ့တိုးဖို့ခက်နေပြီ။

- ဒီမိုကရေစီဆိုတာ ဘာမှန်းနားလည်ဖို့ အခြေခံပညာကအစ အားနည်းနေတဲ့လူ

  အုပ်ကြီးရဲ့ပြဿနာကို ပိုသတိထားမိဖို့ကောင်းနေပြီ။

- ဘုန်းကြီးတွေကိုလည်း IC လုပ်ထားပြီးသင်္ကန်းမှာဖြစ်ဖြစ်၊ နံပါတ်ထိုးထားဖို့

  ကောင်းနေပြီ။

- နယ်တစ်နယ်မှာ မူဆလင် ၁၀၀ လောက်သေတာဟာ ပျော်စရာကောင်းတယ်

  ထင်ရင်၊ နောက်တစ်နယ်မှာ ဗုဒ္ဓဘာသာ ၁၀၀ သေတာဟာလည်းပျော်စရာပဲ။

  နောက်တစ်နယ်မှာ ခရစ်ယာန် ၁၀၀ သေတာဟာလည်း ပျော်စရာပဲ။ နောက်

  ထပ်တစ်နယ်မှာ ဟိန္ဒူ ၁၀၀ သေတာဟာလည်းပျော်စရာပဲ။ နောက်ထပ် တစ်

  နယ်မှာ ဘာသာမဲ့ ၁၀၀ သေတာဟာလည်း ပျော်စရာပဲဖြစ်သင့်တယ်။ ဒီလိုမ

  ပျော်နိုင်ရင်တော့ လူ့အသိုင်းအဝိုင်းကို ကာကွယ်ရမယ်။

- အဲဒီလောက်အားနေတဲ့သူတွေ ရှိနေတာကိုက ကမ္ဘာ့အံ့ဖွယ်တစ်ရပ်လို့ထင်မိ

  ပါတယ်။ (The Gardener)

(၂)  ၉၆၉ နဲ့ ၇၈၆

  ပထမ ၇၈၆ ကို ပြောချင်တယ် ။

  ကျနော်မြင်တာတော့ မွတ်ဆလင်တွေ ၇၈၆ အားပေးတယ်ဆိုတာ အဓိက ထ္မင်းဆိုင်တွေပါ ။

အခြား ကုန်ပစ္စည်းတွေကတော့ အပြန်အလှန် ရှိတာချည်းပါ ။ ဘာသာရေးသတ်မှတ်ချက်အရ

ဟာလာ (halal) ဖြစ်တဲ့အစာကို လိုက်နာစားသောက်ဖို့ စိတ်သန်သူတွေအနေနဲ့ မွတ်ဆလင်

ဆိုင်ကိုမှ ရွေးချယ်စားကြတာကို ဘာမှ မှားတယ်လို့ မမြင်ဘူး ။ ဗုဒ္ဓဘာသာမှာ သာသနာဘောင်

ဝင်မှသာ ဝိနည်းတွေကို စောင့်ထိန်းဖို့ လိုအပ်လာပေမယ့် ၊ မွတ်ဆလင်မှာတော့ ဘာသာဝင်တိုင်း

အတွက် သတ်မှတ်ချက်ဖြစ်တာကြောင့် လိုက်နာဖို့ ကြိုးစားကြတယ်လို့ နားလည်မိတယ် ။ မွတ်

ဆလင် မိတ်ဆွေတွေထဲမှာ တစ်နေ့ငါးကြိမ်ဝတ်ပြုပြီး တရားစောင့်ထိန်းသူနဲ့ အတူနေဖူးသလို ၊

မနက်မိုးလင်းကတည်းက အသားပေါ်ကျရင်တောင် အသားကို လှီးထုတ်ပစ်ရမယ်လို့ သွန်သင်

ထားတဲ့ အရက်ကို ၊ မနက်ကတည်းက စသောက်တဲ့ ရခိုင်ဖက်က မဟာမေဒင် လုပ်ဖေါ်ကိုင်ဖက်

မျိုးနဲ့လည်း ကြုံဆုံခဲ့ရဖူးပါတယ် ။

  သူတို့ရဲ့ ကောင်းတဲ့အပိုင်းကို သင်္ခန်းစာယူပြီး အားကျမခံ လုပ်ချင်တယ်ဆိုရင် ဝိနည်း ၂၂၇ သွယ်

ကိုယူပြီး “၂၂၇” ထ္မင်းဆိုင်တွေ လုပ်ချင်သလား ၊ လုပ်လို့ရပါတယ် ။ ဒါမှ မကျေနပ်သေးရင် - ဘု

ရား တရား သံဃာ မိဘ ဆရာတွေကိုယူပြီး “၅” ၊ ငါးပါးသီလ “၅” နဲ့ ရှစ်ပါးသီလ“၈” တွေကိုပေါင်း

ယူပြီး “၅၅၈” ဆိုပြီး သတိဝိရိယ နည်းသူတွေကို သတိပေးတဲ့အနေနဲ့ လုပ်ရင်လည်းပဲ ကျနော့်အ

တွက်က ပြဿနာမရှိပါ ။ ဒါပေမယ့် သွေးထိုးတာတွေ ၊ ခြိမ်းခြောက်တာတွေ ၊ ခွဲခြားတာတွေ ဝင်

လာရင်တော့ ကျနော့်အနေနဲ့ မြင်မြင်တဲ့အတိုင်း ပြောမိမှာတော့ သေချာပါတယ် ။

  ဝမ်းနည်းစရာကတော့ - လက်တွေ့ဘဝမှာရော လူမမြင်ရတဲ့ အင်တာနက်ထဲမှာပါ ယဉ်ကျေးတဲ့

လူ့အဖွဲ့စည်းတွေနဲ့ ဘယ်လိုမှ မအပ်စပ်တဲ့ အင်မတန်နိမ့်ပါးတဲ့ အသုံးအနှုန်းတွေနဲ့ မြိန်ရည်ယှက်

ရည် သုံးစွဲပြောဆိုတဲ့အပြင် ၊ အပြင်မှာလည်း အကောင်ထည်ဖေါ်ဖို့ ကြိုးစားနေကြတာကိုပါ ။

  ဒီလို အခြေနေမျိုးမှာ သြဇာရှိတဲ့ သံဃာတွေရဲ့ ကဏ္ဍဟာလည်း အရေးပါလာပါတယ် ။ အနည်း

ဆုံးတော့ လောကီရေးရာမှာ ထဲထဲဝင်ဝင် ဝင်ရောက်ယှက်နွယ်တဲ့ သံဃာတွေကို ဖျောင်းဖျဖို့ လို

မလို တွေးချင့်သင့်သလို ၊ ၉၆၉ အမှတ်သားနဲ့ ပတ်သက်လို့လည်း သင့်၏မသင့်၏ကို တရားအ

မြင်နဲ့ မိန့်မှာမှုတွေ လုပ်သင့်လိမ့်မယ်လို့ ယူဆပါတယ် ။ သို့သော် အတူယှဉ်တွဲ နေထိုင်လာခဲ့ကြ

တဲ့ လူမှုအသိုင်းဝိုင်းတွေထဲ ၊ ဧည့်သည်-အိမ်ရှင် ဆိုတဲ့ အယူဆမျိုး ပေါ်လာစေခဲ့တာမျိုးကတော့

စိတ်မကောင်းစရာပါ ။

(၃) မွတ်ဆလင်တွေရဲ့ ကဏ္ဍ

  ပထမဆုံး ၊ ထင်သာမြင်သာမှု မရှိတာဟာ မြန်မာပြည်လူမှုအသိုင်းဝိုင်းထဲမှာ မူဆလင်တွေရဲ့ ပြ

ဿနာ သို့မဟုတ် စိန်ခေါ်မှုတစ်ခုလို့ ထောက်ပြချင်ပါတယ် ။ ကျနော်ကြုံတိုင်း ပြောဖြစ်တာက

တော့ - မွတ်ဆလင်တွေဆီမှာ ဘာသာနဲ့ ယဉ်ကျေးမှုဟာ တစ်ပေါင်းထဲ ဖြစ်နေတဲ့ ကိစ္စပါ ။ (ဒါ

ကျနော့်စကား မဟုတ်ပါ ၊ ပညာရှင်တွေက ပြောတာပါ) ။ ဒီနေရာမှာ စိန်ခေါ်မှုက စပါတယ် ။

  ဘာသာစကားနဲ့ပတ်သက်တဲ့ သုတေသနတစ်ခုအရ - အနောက်တိုင်းသားတွေဟာ ဒဲ့ဒိုးပြော

ပါတယ် ။ အာရှအရှေ့ဖက်က လိုရင်းမပြောပဲ လှည့်ပတ်ပြီးတော့ ရှည်ကြာနေလေ့ ရှိပါတယ် ။

အရှေ့အလယ်ပိုင်းက (အထူးသဖြင့် မွတ်ဆလင် အာရပ်) လူမျိုးတွေကျတော့ ဘာသာရေး စ

ကားတွေကို ကြားညှပ်ပြီး (အုတ်ကြွပ်မိုးလို) အလွှာလိုက် ပြောတတ်ကြောင်း တွေ့ရပါတယ် ။

  ဒီ မွတ်ဆလင်ဘာသာဝင် အာရပ်လူမျိုးတွေဆီက လက်ဆင့်ကမ်းရယူခဲ့တာကြောင့် ၊ မြန်မာ

ပြည် မွတ်ဆလင်တွေ စကားပြော စာရေးရာမှာလည်း အလားတူပဲ အချို့မြန်မာပြည်သားတွေ

နားမယဉ်တဲ့ စကားလုံးတွေ ပါလာတတ်တာ သတိထားမိပါလိမ့်မယ် ။ ယဉ်ကျေးမှုလည်း မနီး

စပ်လှတာကြောင့် (ဧစ်နေ့မှာ အလကားရတဲ့ အမဲသားတွေကို စားတာကလွဲရင်) ဗလီထဲလည်း

မရောက်ဖူးကြ ၊ မွတ်ဆလင်တွေနဲ့လည်း အတူမနေကြတာကြောင့် မွတ်ဆလင်တွေရဲ့ဘဝဟာ

ဘာသာခြားတွေအတွက် ဒဏ္ဍာရီဆန်လာပါတယ် ။ အာရပ်တွေရဲ့ မွေးမြူရေးနဲ့ အသက်မွေး ရှင်
သန်ခဲ့ကြတာကြောင့် အသားဟာ မရှိမဖြစ် အစာဖြစ်ပြီး ၊ ရေခဲသေတ္တာ မရှိခဲ့တဲ့ဒေသမှာ အပုပ်
မြန်စေတဲ့သွေးကို တိရိစ္ဆာန်တွေရဲ့ကိုယ်ထဲက အကုန်ထုတ်ယူတဲ့နည်း ဖြစ်တဲ့ လည်လှီးတာတွေ
ဟာလည်း မြန်မာပြည်မွတ်ဆလင်တွေဆီ ယဉ်ကျေးမှုအဖြစ် လက်ဆင့်ကမ်းလာတာမျိုးကို နား
လည်မှုတွေလည်း နည်းပါးကြတာ တွေ့နေရပါတယ် ။

(၄)  ကြောက်စိတ်လွန်ကဲမှု (phobia) နဲ့ အစွန်းရောက်မှု

  လောကမှာ ကိုယ်မသိတဲ့အရာတွေနဲ့ပတ်သက်ပြီး စိတ်ထဲဝင်လာတတ်လေ့ရှိတာကတော့

ကြောက်စိတ်လွန်ကဲမှု (phobia) ပဲ ဖြစ်ပါတယ် ။ ဒါဟာ သဘာဝပါ ။ ဒီအနေထားမှာ အစွန်း

ရောက်မှုတွေနဲ့ ပေါင်းစပ်မိတဲ့အခါ ၊ အကြမ်းဖက်မှုတွေအထိ ဖြစ်သွားတတ်တယ်လို့ ပြောလို့

ရပါတယ် ။ ဒါကြောင့်လည်း ဟိုးတစ်လောက မန္တလေးမှာ မွတ်ဆလင် ဘာသာရေးခေါင်းဆောင်

တွေကနေ အခြားဘာသာဝင်တွေကို ဗလီတွေဆီ လာကြည့်ကြဖို့ ဖိတ်ခေါ်ပြခဲ့တာဟာ လုပ်

သင့်တဲ့ အလုပ်တစ်ခုပါ ။

  ကြောက်စိတ်လွန်ကဲမှုနဲ့ အစွန်းရောက်မှုတွေအကြောင်းကို သိသမျှ အသေးစိတ်ရေးရင် အင်

မတန် ရှည်လျားနိုင်လို့ ကျနော့်ရဲ့ မှတ်ချက်ဟောင်းတစ်ခုနဲ့ပဲ ပုံဖေါ်ပြချင်ပါတယ် ။

"မွတ်ဆလင် အစွန်းရောက်မှုတွေ ၂၀ ရာစု အစပိုင်းကစပြီး ပေါ်လာခဲ့သလို ၊ ၂၀

ရာစုနှောင်းပိုင်းမှာ ဟိန္ဒူစစ်သွေးကြွတွေ ထုနဲ့ထည်နဲ့ ဖြစ်လာခဲ့တယ် ။ Rashtriya

Swayamsevak Sangh (RSS) လိုအဖွဲ့နဲ့ ပတ်သက်ပြီး documentary တွေ ကြည့်

ဖူးရင် အိန္ဒိယက ဟိန္ဒူ စစ်သွေးကြွတွေအကြောင်း နားလည်ဖို့ ပိုလွယ်ပါတယ် ။

မြန်မာပြည်က ညီအစ်ကိုများထဲက အချို့ကတော့ သိရိလင်္ကာ ဗုဒ္ဓဘာသာဝင် အချို့

နဲ့အတူ သမိုင်းသစ်ရေးဖို့ ကြိုးစားနေကြတယ် ။ အမည်းပေါ် အဖြူတစ်စက်တင်ပြီး

အဖြူလို့ ထင်စေချင်သလိုမျိုး ၊ သွေးဆာနေတဲ့ အစုအဖွဲ့တွေရဲ့အပေါ်မှာ ဘာသာရေး

ဆိုတဲ့ ငြိမ်းချမ်းရေးတံခွန်ကို လွှင့်ထူပြထားပြီး စင်ကြယ်သူတွေအဖြစ် မြင်စေချင်သူ

တွေ ရှိတယ် ။

သို့သော် ဘာသာရေး တစ်ခုထဲအပေါ် တည်မှီပြီး တွက်ချက်မယ်ဆိုရင်တော့ ပြည့်

စုံမှာတော့ မဟုတ်ဘူး ။ လူမျိုးရေးဆိုတာလည်း အများကြီး အရေးပါပါသေးတယ် ။

အခြား ဒေသ ၊ နောက်ခံသမိုင်း ၊ ထိတွေ့ ဆက်စပ် ကျင့်သုံးနေတဲ့ ဓလေ့ထုံးစံ

ယဉ်ကျေးမှုတွေကိုလည်း ပယ်ထားလို့ မရနိုင်တာ သေချာတယ် ။ အဲဒီကမှ အခြေ

ခံအကျဆုံး လူ တစ်ဦးတစ်ယောက်စီရဲ့ အတ္တအပေါ် အခြေခံတဲ့ စိတ်ထားတွေအ

ထိ တစ်စစီ ပိုင်းဖြာကြည့်နိုင်မှလည်း အဆုံးသတ်ကောင်းမယ့် အဖြေတွေ ထုတ်

နိုင်လိမ့်မယ် ။

အဲဒါတွေနဲ့ပတ်သက်လို့ ဥပမာ အိန္ဒိယဆိုတာဟာ princely states လို့ခေါ်တဲ့ မတူ

တဲ့ နယ်ပယ်ပေါင်း ၅၀၀ ဝန်းကျင်နဲ့ ဖွဲ့စည်းထားခဲ့တယ် ဆိုတာမျိုးကို သိရင် ၊ အယ်

ကေဒါလို ကျစ်လျစ်ပါတယ်ဆိုတဲ့ ယုံကြည်မှုပြင်းထန်တဲ့ အကြမ်းဖက်အဖွဲ့ကစလို့

မြန်မာပြည်အစိုးရနဲ့ ခန့်အပ်ထားတဲ့ဝန်ထမ်းအလယ် တော်လှန်ရေး လုပ်နေကြပါ

တယ်ဆိုတဲ့ အဖွဲ့စည်းတွေအဆုံး လူမျိုး ဘာသာ နယ်မြေ သွေးသားစပ်မှု စတာတွေ

အပေါ် အခြေခံပြီး အမျိုးမျိုး ဖြစ်ပျက်နေကြတာတွေကို ကြည့်မြင်တတ်ရင် နမူနာ

တွေ အများကြီးတွေ့နိုင်တယ် ။ ကြီးတာ သေးတာသာ ကွာတာပါ ။”

  ဒါဟာလည်း ကျနော့်က စုစည်းပြီး မှတ်ချက်အဖြစ် ရေးထားရုံပါ ။ ကျနော့် ကိုယ်ပိုင်တီထွင်

ထားတာတွေ မဟုတ်ပါဘူး ။

  အစွန်းရောက်ကြရာမှာ မြန်မာပြည်က လူများစု ဗုဒ္ဓဘာသာဝင်တွေထဲကတင် မကပါဘူး ။

မွတ်ဆလင်တွေထဲမှာလည်း Islamic caliphate ကို မျှော်လင့်နေသူမျိုးလည်း ရှိကြတယ်လို့

နားလည်ရပါတယ် ။ ကျနော် ထောက်ပြချင်တာကတော့ - အစ္စလာမ်ဘာသာဟာ ယဉ်ကျေး

မှုနဲ့ တွဲလျက်ရှိနေတာ မှန်ပါတယ် ။ သို့သော် ရှည်ရှည်ဝေးဝေးမဟုတ်ပဲ ၊ အရှေ့တောင် အာ

ရှကိုပဲကြည့်ရင် ၊ ဒေသအလိုက် ဓလေ့ထုံးတမ်း စိတ်နေစိတ်ထား နိုင်ငံရေး အခြေနေတွေက

ဘယ်လိုမှ Islamic caliphate တစ်ခု ဖြစ်တည်လာဖို့ အခွင့်အလမ်း မရှိနိုင်တာ သတိပြူဖို့

လိုပါတယ် ။ ကြီးပြင်း ရင့်ကျက်လာကြတာနဲ့အမျှ ၊ စိတ်ကူးယဉ်အိပ်မက် (fantasy) တွေကို

အားလုံးအတူတူ လျှော့ချကြဖို့ လိုပါတယ် ။

  ကျနော် ပြောချင်တာက ၊ အဲဒါတွေကို လျှော့ချနိုင်ကြဘို့ဆိုတဲ့ ဖြေရှင်းရေးဖက်ဦးတည်တဲ့ လမ်း

ကြောင်း ။ လက်ခံသူများရင် ၊ မသိသလို လုပ်နေသူတွေများရင် ဒီလိုလူတွေကို အသိုင်းဝိုင်းထဲ

မှာ နေရာပေးတာနဲ့ အတူတူပါပဲ ။ လူတိုင်းလိုလို လက်ချင်းချိတ်ဆက်ပြီး လက်မခံကြောင်း ပြ

နိုင်ရင် ၊ တားဆီးနိုင်ရင် ဒီလိုလူတွေ မှေးမှိန်သွားမှာ သေချာပါတယ် ။ ဒီနေရာမှာ အဲသည်လူ

တွေကို စွန့်ပစ်ဖို့လိုက်ဖို့နဲ့ တိုက်ခိုက်ဖို့တော့ အားမပေးပါဘူး ။

(၅)  လေသူရဲကောင်းများ

  အင်တာနက်မယ် ဝက်သားတုတ်ထိုးပုံတွေတင်ပြီး မွတ်ဆလင်တွေကို ကလေးကလားဆန်ဆန်

တိုက်ခိုက်မှုမျိုးတွေ တွေ့ဘူးကြမှာပါ ။ တကယ်တန်းပြောရရင် ဒါဟာ အော့နှလုံးနာစရာပါ ။ ကျ

နော့် တစ်သက်တာမှာ ဗုဒ္ဓဘာသာဝင်တွေထဲတင် သက်သတ်လွှတ်စားသူ ၊ ဝက်သားမစားသူ ၊

အမဲသား မစားသူ ၊ ငါးမစားသူ ၊ ကြက်ရေခွံကစလို့ အသားငါးအစိတ်ပိုင်း ရွေးရှောင်သူကအစ ၊

ခရစ်ယာန်တွေလို အစာစားကာနီးတိုင်း အာရုံပြုဆုတောင်းသူတွေ အမျိုးမျိုး ကြုံဖူးပါတယ် ။ အ

ကျိုးအကြောင်းနဲ့ အစွဲအမျိုးမျိုး ကိုယ်စီနဲ့ပါ ။ ခင်ဗျားတို့ ကျနော်တို့တစ်တွေ ၊ သည်လိုလူတွေကို

ပါ တစ်ယောက်ချင်း တစ်စုချင်းစီ ခွဲထုတ်ပြီး ၊ ကိုယ့်စိတ်အာသာပြေစေဖို့ ဟာသလုပ် ရှုတ်ချကြ

ဖို့တော့ သင့်မယ်မထင်ပါ ။

  နောက်တစ်ခု ၊ ယေဘုယျပြောရရင် မြန်မာပြည်တွင်းကနေ မထွက်ခွာဖူးသူတွေအနေနဲ့ အတွေ့

ကြုံ အကန့်သတ်ရှိပြီး ၊ လူမျိုး ဘာသာ ယဉ်ကျေးမှု ခြားနားသူတွေကို စာနာဖို့ရာ ပိုပြီး ခက်ခဲ

မယ်လို့ ပြောလို့ ရနိုင်ကောင်းပါတယ် ။ ဒါပေမင့် နိုင်ငံရပ်ခြားမှာ ရောက်ရှိနေထိုင်ပြီးကာမှ မရင့်

ကျက်နိုင် ၊ ကိုယ်ချင်း စာနာစိတ်တွေ မမွေးနိုင်တဲ့အပြင် ၊ ဆူပွက်အောင် သွေးထိုးပေးတဲ့ ရေး

သားလှုံ့ဆော်မှုတွေကို အားတက်သရော လုပ်နေကြတာတွေ့ရတော့ ၊ မြင်ရတာ စိတ်အားတော့
လျော့စရာပါ ။

  ထင်ရှားတဲ့ နမူနာအချို့အနေနဲ့ - ထိုင်းနိုင်ငံ အနုပညာတက္ကသိုလ်တစ်ခုမှာ တက်နေသူလို့ ဆိုထား

တဲ့ ရဲရဲတောက်တစ်ဦးတို့လို ၊ သြစတြေးလျလို လူ့အခွင့်ရေး ကောင်းမွန်တဲ့ နိုင်ငံမှာနေပြီး တိုင်း

ရင်းသားနဲ့ မွတ်ဆလင်တွေကို အင်္ဂလိပ်လို ကြိုးစားပမ်းစား အပုပ်ချနေတဲ့ ကလေးစစ်သားဟောင်း

ကြီးတစ်ဦး တွေကစလို့ ၊ ပြည်တွင်းက ဝါဒဖြန့်ဆိုဒ်တွေနဲ့ အားတက်သရော ကူးယူဖေါ်ပြနေကြ

သူတွေကလည်း ဒုနဲ့ဒေးပါ ။

  ဒါတွေဟာ စနစ်ကြောင့်လို့ အလွယ်တကူ အပြစ်ပုံချလို့ ရပါတယ် ။ သို့သော် စနစ်ဟာ ဖြစ်စဉ်

တစ်ရပ်ကို ပုံဖေါ်နိုင်ပေမယ့် ၊ လူသားတိုင်းရဲ့ ရှာဖွေသိမြင်နိုင်မှုနဲ့ တွေးခေါ်မြှော်မြင်နိုင်စွမ်းတွေကို

မတားဆီးနိုင်တာကြောင့် လုံလောက်တဲ့ အကြောင်းပြချက်တစ်ခု မဟုတ်တာကိုတော့ သတိထား

စေချင်ပါတယ် ။

  တစ်ဆက်ထဲမှာ သတိပြုစရာက - တိုင်းရင်းသားတွေဟာလည်း မျက်စိဒေါက်ထောက် ကြည့်

နေကြပါတယ် ။ မြန်မာပြည်ကို ဗမာဗုဒ္ဓဘာသာဝင်တွေအတွက် သီးသန့်ဖြစ်စေဖို့ ကြိုးပမ်းချက်

မျိုးတွေဟာ ၊ နိုင်ငံရဲ့ တည်ငြိမ်မှု ငြိမ်းချမ်းမှုနဲ့ တည်မြဲမှုတွေအပေါ် သက်ရောက်မှုတွေ ရှိနိုင်ပါ

တယ် ။ ဒါကိုလျှော့တွက်ပြီး ၊ အမြဲလိုပဲ အင်အားသုံးပြီး နှုတ်ပိတ်ပစ်ရင် ရတာပဲဆိုတဲ့ စိတ်ထား

အခြေခံမျိုးနဲ့ကတော့ ၊ ဆန့်ကျင်ဖက် အဖြေနဲ့ ရလာဒ်တွေကိုသာ ဦးတည်ပါလိမ့်မယ် ။

ဒါတွေနဲ့ ပတ်သက်လို့ မှတ်သားစရာ စာလေးတစ်ပိုဒ်ကို ကူးယူထားပါတယ်။

“How can you have peace and democracy when one-third of the

country hates you?”

(နိုင်ငံရဲ့ သုံးပုံတစ်ပုံကနေ ခင်ဗျားတို့ကို မုန်းတီးနေချိန်မှာ ခင်ဗျားတို့ကနေ ငြိမ်း

ချမ်းရေးနဲ့ ဒီမိုကရေစီကို ဘယ်လိုရနိုင်မှာလဲ) ။ (Tom Kramer)

  တစ်ဆက်ထဲ တိုင်းရင်းသားတွေရဲ့အမြင်ကို အပြည့်ဝ ကိုယ်စားမပြုပေမယ့် ၊ သတိပြုစရာ အ

မြင်လေး တစ်ခုကိုလည်း အောက်ကအတိုင်း တွေ့မိပါတယ် ။

“ကျနော်တို့ကနေ ညီမျှတဲ့ နိုင်ငံသားတွေအဖြစ် ဆက်ဆံခံရဖို့ မျှော်လင့်ခဲ့တယ် ။

ပြီးတော့ ကျနော်တို့ ဘာသာရေး လွတ်လပ်မှုအချို့ ရမယ်လို့ မျှော်လင့်ခဲ့တယ် ။

ကျနော်တို့ မျှော်လင့်ခဲ့တာ သိပ်များသွားတယ်” ။

(Zau Ba, the academic dean of the Hanson Baptist BibleCollege in Myitkyina)

(၆)  သြစတြေးလျ နမူနာ

  ကိုယ်တွေ့အပေါ် မူတည်ပြီး ပေးထားတဲ့ အတိုချုပ် မှတ်ချက်တစ်ခုကို ကူးယူလာပြီး အောက်

မှာ အမြည်းသဘောလေး ထည့်ပေးထားပါတယ် ။

"သြစတြေးလျလည်း ဘုန်းဘုန်း(Ven Ravika) ပြောသလိုပါပဲ ၊ (ဘာသာရေးနဲ့

ပတ်သက်ပြီး) အသံနဲ့ လုပ်ပုံကိုင်ပုံတွေအပေါ် သတ်မှတ်ချက်တွေ ရှိပါတယ် ။

အထူးသဖြင့် လူနေရပ်ကွက်ထဲက ဘုရားကျောင်း ၊ ဘုန်းကြီးကျောင်း ၊ ဗလီ

ဘယ်ဘာသာရေးကျောင်းမဆို သတ်မှတ်ထားတဲ့ အသံစံနှုန်းကို ကျော်ခွင့်မရှိ

ပါဘူး ။ ပြီးရင်လည်း (ဘာသာရေး အဆောက်အဦကို) အသုံးပြုချိန် ၊ တစ်နည်း

အားဖြင့် လူစုလူဝေးလုပ်ချိန်ကိုလည်း ည ၁၂ နာရီ ထင်ပါတယ် ၊ ကျော်လွန်

လို့ မရပါဘူး ။

 ဒီမှာ အကယ်၍များ ၊ ဟာ .. ငါတို့ ခရစ်ယာန်က လူများစုကွဆိုပြီး ခေါင်းလောင်း

ကြီးတွေနဲ့ ဒေါင်ဒင် ဒေါင်ဒင်လုပ်ပြီး သွေးတိုးစမ်းလို့ကတော့ ၊ ရဲကနေ လာသတိ

ပေးပါလိမ့်မယ် ။ လူစုလူဝေး ထိန်းချုပ်ရေး လုပ်ငန်းစဉ် စလာပါလိမ့်မယ် ။ ဘယ်

ဘာသာ အဖွဲ့အစည်းမှလည်း နာမည်ပျက် မခံကြပါဘူး ။ တူညီတဲ့ ဥပဒေနဲ့ အ

ပြန်လှန် လေးစားမှုတွေအောက်မှာ ကိုယ်ယုံကြည်ရာကို ဆည်းကပ် ကျင့်ကြံကြ

တာပါပဲ ။

နောက်ထပ် တွေ့မိတာကတော့ ၊ တက္ကသိုလ်တွေမှာလည်း ဘာသာရေး ဝတ်ပြု

ဆောင်တွေ ထားပေးပါတယ် ။ တစ်ခု ထူးတာက ၊ ဘာသာတစ်ခုအတွက် သီးခြား

ထားပေးတာ မဟုတ်ပဲ ၊ ဘုံပိုင်သဘောမျိုး သတ်မှတ်ထားပေးတာပါ ။"

(၇)  ထိုင်းတောင်ပိုင်း

  ပြောချင်တာ ကြာပြီဖြစ်ပေမယ့် ခုမှ တစ်လက်စထဲ တွဲထည့်လိုက်ချင်တာက ထိုင်းနိုင်ငံတောင်

ပိုင်း ကိစ္စပါ ။ အချို့လူတွေကနေ ဒီကိစ္စကို ဘာသာရေးအနေနဲ့ မြင်ကြ ပြောကြတာကြောင့် နား

လည်လွယ်အောင် အလွယ်တကူ တွေ့နိုင်တာတွေထဲက ခိုင်မာတဲ့ တင်ပြမှုအချို့ကို ရွေးချယ်စု

စည်းထားလိုက်တာပါ ။

  ဒီကိစ္စကို ၁၉၉၀ ကျော်တွေလောက်မှာ မလေးရှားနေစဉ် ထိုင်းနိုင်ငံရဲ့ နောက်ဆုံးလက်ကျန် (မ

လေးလူမျိုး) မူဆလင်သူပုန်တွေ လက်နက်ချလိုက်တယ်ဆိုတဲ့သတင်း ဖတ်မိရာကစပြီး သတိ

ထားမိခဲ့ပါတယ် ။ ၂၀၀၄ ခုနှစ်ကစပြီး ထိုင်းစစ်တပ်လက်နက်တိုက် အစီးခံရတာ ၊ မလေးလူမျိုး

ဆန္ဒပြသူတွေ အစုပြုံလိုက်သေခဲ့တာ ၊ လူသိများတဲ့ မလေးမွတ်ဆလင် ရှေ့နေတစ်ဦး ပြန်ပေး

ဆွဲခံရပြီး ပျောက်သွားတာ ၊ ရဲအထိခိုက်များတဲ့ အကြမ်းဖက်သမားလို့ နာမည်တပ်ခံထားရတဲ့

ဝရမ်းပြေးတချို့နဲ့ ပစ်ခတ်မှုတွေ ၊ ၂၀၀၁ ကစပြီးလည်း စီးပွားရေးအားသန်တဲ့ ဝန်ကြီးချုပ် တပ်ခ်

ဆင် (Taksin) လက်ထက်မှာ လူမှုစီမံခန့်ခွဲရေး လွဲချော်လာတာတွေနဲ့ ဌာနေလူထုနဲ့ဆက်ဆံရေး

တင်းမာလာပြီး ပဟေဠိဆန်တဲ့ ဗုံးပေါက်ကွဲမှုတွေ ဖြစ်လာတာတွေအဆုံး ၊ သတိထား စောင့်ကြည့်

နေမိခဲ့ပါတယ် ။

   အချို့ မွတ်ဆလင်တွေကနေ ဗုဒ္ဓဘာသာဝင်တွေကို သတ်နေတယ်ချည်း ထင်နေသူတွေအ

တွက်လည်း - မလေးလူမျိုးတွေ လ္ဘက်ရည်ဆိုင်မှာ ထိုင်နေစဉ် ကားနဲ့ဖြတ်သွားရင်း သေနတ်နဲ့

ပစ်သွားခံရတာတွေ ၊ ဗလီထဲအထိ စနစ်တကျ တိတ်တဆိတ်ဝင်ပြီး သတ်ဖြတ်သွားတာတွေ ၊

အသံတိတ် သေနတ်တွေသုံးပြီး အိမ်ပေါ် တက်လုပ်ကြံသွားတာတွေ ၊ အာဏာပိုင်တွေရဲ့ စွဲချက်

မတင်ပဲ ဖမ်းဆီးထိမ်းသိမ်း နှိပ်စက်တာတွေကစလို့ ပြောပြလို့မကုန်တဲ့ သတင်းတွေကို နှစ်ရှည်

ကိုယ်တွေ့ဖတ်ခဲ့ရသူ ၊ ထိုင်းနိုင်ငံအတွင်း ၁၀ နှစ်ဝန်းကျင် ကျင်လည်ကြုံတွေ့ခဲ့ဖူးသူ တစ်ယောက်

အနေနဲ့ ၊ ထိုင်းနိုင်ငံတောင်ပိုင်း ကိစ္စဟာ ကိုယ်လိုရာဆွဲပြောသူတွေ ပုံဖေါ်ပြသလို မွတ်ဆလင်-

ဗုဒ္ဓဘာသာ ပြဿနာသန့်သန့် မဟုတ်ဘူးဆိုတာ ရဲရဲပြောရဲပါတယ် ။

  လုံးဝ မသိသေးသူများအတွက် အတိုဆုံး ပြောရရင်တော့ - ၁၉၀၂ ခုနှစ်မှ စီယမ်(ထိုင်း)နိုင်ငံထဲ

သွတ်သွင်းခံခဲ့ရတဲ့ ဒီထိုင်းတောင်ပိုင်း ဒေသတွေဟာ ၊ မွတ်ဆလင်ဘာသာဝင် မလေးလူမျိုးကွဲ

တွေ နေထိုင်ကြပါတယ် ။ ကနေ့ အကြမ်းဖက်မှု ပြဿနာတွေဟာ အဓိကအားဖြင့် အမျိုးသားရေး

ပြဿနာဖြစ်ပါတယ် ။ ဘာသာရေးအပေါ်ချည်း စုပုံချလို့ မရပါဘူး ။ လူဦးရေပိုများတဲ့ ထိုင်းလူမျိုး

တွေရဲ့ ချဲ့ထွင်လာတဲ့ နေထိုင်မှု ၊ မလေးရှားနဲ့ထိစပ်နေတဲ့ ဒေသတွေက တရားမဝင် စီးပွားရေး

တွေဟာလည်း ပြဿနာ အရင်းခံတွေထဲမှာ ပါပါတယ် ။

  ကျနော့်အနေနဲ့ ဒါကို တရားလက်လွှတ် ပြောဆိုတာမဟုတ်ကြောင်း သေချာစေဖို့ရာ ခိုင်မာတဲ့

လင့်တွေကို အောက်မှာ ထည့်ထားပေးပါတယ် ။ အချိန်ရရင် လေ့လာနိုင်ကြပါတယ် ။

* http://www.cfr.org/thailand/muslim-insurgency-southern-thailand/p12531

* http://www.apcss.org/Publications/APSSS/Ethnic%20Separatism%20in%20Southern%20Thailand.Storey.pdf

* http://asiapacific.anu.edu.au/newmandala/wp-content/uploads/2010/01/Anatomy-of-Southern-Thailand%E2%80%99s-Insurgency.pdf

* http://www.defence.gov.au/adc/docs/Publications2012/SheddenPapers12_120306_ConflictinThailand_Nurakkate.pdf

* http://www.lowyinstitute.org/files/pubfiles/Liow_and_Pathan,_Confronting_ghosts_web.pdf

* http://www.amnesty.org.au/images/uploads/news/amnesty-thailand-report-sept11.pdf

* http://www.une.edu.au/asiacentre/PDF/No26.pdf

* http://www.ndu.edu/inss/docUploaded/Strategic%20Perspectives%206_Abuza%20.pdf

* http://www.independentaustralia.net/2013/international/southern-thailands-escalating-insurgency/

* http://www.malaysiakini.com/letters/31339

* http://thediplomat.com/2011/02/24/thailand%E2%80%99s-forgotten-conflict/

□ Common Sense

   အဆုံးသတ်အနေနဲ့ကတော့ ၊ ဖြစ်နိုင်ရင် လူတိုင်းကို common sense လေး ကပ်စေချင် တာပါပဲ ။

   ဟိုမှာဖြင့် ဘုန်းကြီးတစ်ပါး အသတ်ခံရပြီ ၊ ဟော ဟိုးမှာဖြင့် ဘယ်လို ဖြစ်သွားပြီဆိုပြီး သွေးဆူ

လွယ်ကြပေမယ့် ၊ တကယ်ဟုတ်ရဲ့လားတို့ ၊ သင်္ကန်းဝတ်ပြီး ပြဿနာ မီးမွှေးတာလားတို့ ၊ သူများ

ကို ဒုက္ခသွားပေးရာက အရှိန်လွန်သွားပြီး ပြန်ခုခံတာနဲကြုံရာက ခံလာရတာလားတို့ ၊ အစိုးရတစ်

ရပ်လုံး နောက်ကွယ်မှာ မရှိပေမယ့် ကားအစီးလိုက် တစ်မြို့ပြီးတစ်မြို့ကူးပြီး အကြမ်းဖက်နိုင်မှတော့

နောက်ကွယ်ကလူတွေဟာ အာဏာရှိသူတွေ ဖြစ်တယ်ဆိုတာတို့ ၊ ဒီခေတ်ဒီအခါဟာ လူသတ်ပြီး

ဖြေရှင်းရတဲ့ခေတ် မဟုတ်တော့ဘူးတို့ ၊ ကိုယ့်အလှည်မဟုတ်ရင်တောင် ကိုယ့်နဲ့ပတ်သက်သူတွေ

ရဲ့ အလှည့်လည်း ရှိတတ်သေးတယ်တို့ ၊ ပြောလို့ မကုန်နိုင်တဲ့ အလွယ်တကူ တွေးဆလို့ ရနိုင်တာ

တွေက အများကြီးပါ ။ တွေးကြ ချင့်ချိန်ကြဘို့လည်း အားပေးချင်ပါတယ် ။ ငါတို့ ဘာပြောပြော

ဘာလုပ်လုပ် ၊ ကမ္ဘာက ယုံမှာပဲ လက်ခံမှာပဲလို့ အလွယ်တကူထင်ပြီး ၊ စိတ်ကူးယဉ် အိပ်မက်ထဲ

တဝဲဝဲ မလည်ကြဖို့ လိုပါတယ် ။ ကျနော့်ရဲ့ မပြည့်စုံလှတဲ့ စုစည်းမှုလေး တစ်ခုပါဗျာ ။ ဒီနေရာအထိ

စိတ်ရှည်လက်ရှည် ဖတ်လာသူကို ကျေးဇူးတင်ပါတယ် ။

မန်းကိုကို
၀၅ ၊ ၀၄ ၊ ၂၀၁၃