ရင်ကို လာရိုက်ခတ်သော ခွေးလှေးယားသီးများ

   ခုတစ်လောဖတ်ဖြစ်တဲ့ သတင်းတွေထဲက မှန်ရင်လည်းပြောစရာ လွဲရင်လည်းပြောချင်စရာ ဖြစ်
လောက်အောင် စေ့ဆော်တာလေးတွေထဲက အချို့ကို စုစည်းလိုက်ပါတယ် ။


(၁) □  တရားမဝင် ငြိမ်းချမ်းရေး 

  ငြိမ်းချမ်းရေးဆိုမှတော့ တစ်ကယ်လိုအပ်နေပြီမို့ အကျိုးစီးပွားပျက်မယ့်သူနဲ့ အတွေးခေါ် ချွတ်ချော်
နေသူ အချို့ကလွဲရင် လူအတော်များများက လိုလားကြသလို ပြည်မအာဏာပိုင်အချို့နဲ့ တိုင်းရင်း
သား လက်နက်ကိုင်အဖွဲ့တွေလည်း အပြန်အလှန် လုပ်နေကိုင်နေကြတာ လူတိုင်းလိုလိုအသိ ။

   သို့ပေမယ့် သတင်းထွက်လာစက သတိမထားမိပဲ တစ်နေ့ကမှ ကြည့်မိတဲ့ အောက်က Youtube
အတိုလေးကြောင့် ပက်လက်လန်သွားမိတယ် ။ အရင်ကြည့်ပြီးမှ ဆက်ပြောကြတာပေါ့ ။ ၂ မိနစ်
တောင် မပြည့်ပါဘူး ။

  ခင်ဗျားတို့တော့ မပြောတတ်ဘူး ၊ ကျနော်ကတော့ ဒါကိုနားထောင်ပြီး အရင်က အကောင်းမြင်ခဲ့
တာအချို့တောင် ပျောက်သွားတယ် ။ ဒီပုံနဲ့ဆို ငြိမ်းချမ်းရေးဆိုတာ အာဏာပိုင်လို့ ယူဆရတဲ့ လူ
တစ်စုလောက်နဲ့ပဲ အပြန်လှန်ယုံကြည်မှုယူ လုပ်နေကြတာဖြစ်ပြီး ၊ တရားဝင်ပုံလည်း မရ ၊ အာဏာ
ပိုင်အားလုံးကလည်း ဆန္ဒရှိပုံမရ ၊ လွှတ်တော်အပါဝင် ကဏ္ဍအသီးသီးကလည်း အဆက်စပ်ရှိကြပုံ
မရသလို ဖြစ်နေတယ် ။ နောက်တစ်ဆင့် ရှေ့အလားအလာကို မျှော်ကြည့်ဖို့လည်း ဘာမှမရေရာ
သလောက်ပဲ ။ သို့ပေမယ့် ဦးသိန်းစိန်တို့ ဦးအောင်မင်းတို့ကိုတော့ ယုံချင်ပါတယ် ။ ငြိမ်းချမ်းစေချင်
တာကိုး ။ 

  ဒီတော့ ဘာလုပ်ရမလဲ ။ 
  အလွယ်ဆုံးကတော့ "ဘုရားတရားကို အာရုံပြု"တို့ ၊ "ဆုများများတောင်း"တို့ ၊ “ကံပေါ့ကွယ်”တို့
စသည်ဖြင့်ပဲ ပြောလို့ရတော့မှာပေါ့ဗျာ ။

□  အဆီးအတားတစ်ချို့ 

  ငြိမ်းချမ်းရေးအတွက် ဘာတွေအတားဆီး ရှိနေသလဲဆိုတာ မေးဖို့ရာမှာ မာနနဲ့ အဖွဲ့စည်းအတ္တ
လုံးဝမချနိုင်ပဲ စစ်တိုက်ဖို့လောက် အားသန်တဲ့ စစ်ဗိုလ်တွေကို အသာထားပြီး ၊ သူတို့ ထွက်ပေါ်
လာတဲ့ ပြည်မအသိုင်းအဝိုင်းထဲကပဲ ဟိုတစ်စသည်တစ်စ လိုက်မွှေကြည့်ရအောင် ။

   အောက်မှာက Facebook မှာ ဘလော့ဂါချိုး ကိုညိုကြီးဆီက ရလာတာပါ ။

"‎"လိုနေတာ"

တိုင်းရင်းသားဒေသ(ပြည်နယ်)အတော်များများမှာ တာဝန်ထမ်းဆောင်ခဲ့ဖူးပြီး

ယခုလည်း ကရင်ပြည်နယ်မှာတာဝန်ထမ်းဆောင်နတဲ့ အရပ်ဖက်အရပ်သား

အရာရှိတစ်ဦးက ပြောပြသည်မှာ-

"ငြိမ်းချမ်းရေးအတွက် အဓိကလိုနေတာက တိုင်းရင်းသားတွေကို အထက်စီးက

မဆက်ဆံဘဲ တန်းတူထားပြီး ဆက်ဆံဖို့ပဲ။ ကလိမ်ကကျစ်ကျတာ(လူလည်လုပ်

တာ)ကို တိုင်းရင်းသားတွေက မခံစားနိုင်ကြဘူး။ မပေးနိုင်တဲ့ကတိက၀တ်တွေ

ပေးပြီး တကယ်တမ်း လုပ်မပေးနိုင်တဲ့အခါမျိုးမှာ ယုံကြည်မှုပျက်ပြားတတ်တာ

မျိုးလည်း ရှိတယ်။"

Nyo Gyi"

   အဲဒီလိုမြင်သူသိသူ နားလည်လက်ခံသူတွေက နည်းပါတယ် ။ Facebook က နောက်ထပ်မှတ်
ချက်လေးတစ်ချို့ကို ဆက်ကြည့်ရအောင် ။

Lotus Man - 

လိုင် ဇာ က လွဲ ရင် စင်္ကြာ ဝဠာ ပတ် ဆန္ဒ ပြ တယ် ။ တ ဖက် ရဲ့

မျက် ချေး ကို မ မြင် ပဲ တ ဖက် ရဲ့ မျက်ချေး ကို ပဲ မြင် တယ်။

.... ဘယ် လို ဆွေး နွေး ဆွေး နွေး နှစ် ချီ ကြာ အောင် ဆွေး နွေး

ရ မှာ ဖြစ်လို့ အ ခု က တဲ က အကေါင်း မြင် စိတ် နဲ့ဖွင့် ထါး တဲ့

 ငြိမ်း ဝိုင်း ပေါ် ခြေ တ လှမ်း တက်အောင် မ တိုက် တွန်း ဘူး

တ ဖက် လူ သိ က္ခာ ချ ဖို့ က မ္ဘာ ပတ် လမ်း လျောက် တယ်။

 ငြိမ်းချမ်း ရေး လို ချင် လွန်း လို့ ရန် ကုန် မှာ န ယူး ယောက် မှာ

လူ မျိုး ၊ သ မ္မတ ကို လိုက် ဆန္ဒ ပြ နေ ရ တယ် ဆို တဲ့ propaganda

ဝါ ဒ ကို ဗူး လုံး နား မ ထွင်း အ သုံး ပြု နေ ရင် တော့ မ ရိုး သါးဘူး၊ ...

Sannay Min - 

ကချင်အရေးကို ကိုယ်ချင်းစာတယ် ကချင်လုပ်စားတွေ ကိုတော့

ရှုတ်ချတယ်ဗျာ ...  .. ပြည်ပက လူတွေ မလုပ်ကြပါနဲ့ ဗျာ ..

သိလို့ပြောတယ်လို့မှတ်ပါ ...

Mgchaint Wynn - ကျွန်တော်တို့နိုင်ငံက တိုင်းရင်းသားတွေရဲ့ စိတ်ထဲမှာ တိုင်းရင်းသားနဲ့

မဟာဗမာဆိုတဲ့ စိတ်ဓါတ်တွေ အရမ်းကိန်းအောင်းနေတာပါပဲ။ အကြောင်းအရာတစ်ခုကို

စတင်ဆွေးနွေးပြီဆိုရင် Compromise လုပ်မယ်။ ပြသာနာတစ်ခုကို ပြေလည်အောင် ဖြေရှင်း

မယ်ဆိုတဲ့ စိတ်ကို အရင်းတည်ပြီး ဖြေရှင်းမယ်ဆိုတဲ့ စိတ်ဓါတ်နဲ့ ဆွေးနွေးပွဲဆီကို မလာကြ

ပါဘူး။ ..... ခင်ဗျားတို့ စိတ်ထဲမှာ အကြောင်းမဲ့ ရိုက်သွင်းခံထားရတဲ့ တိုင်းရင်းသား နဲ့ မဟာ

ဗမာဆိုတာ မေ့ထားလိုက်ပါ ....

  မှတ်ချက်တွေကိုကြည့်ရင် စကတည်းက အပိတ်စကားနဲ့ စသူ ၊ အထင်နဲ့ပြောသူ ၊ မစာနာ

တတ်သူ ၊ လိုရာဆွဲပြောသူ စသည်ဖြင့် ဖတ်သူအချို့လည်း သတိထားမိကောင်း ထားမိပါလိမ့်
မယ် ။

  ဒါတောင် ရွေးထားတဲ့ မှတ်ချက်တွေဟာ  ပေါက်ကရကိုးဆယ် ရေးသူတွေကိုချန်ထားပြီး
သဘောထားပျော့ပြောင်းတယ်လို့ ဆိုနိုင်သူတွေကိုသာ အနည်းကျဉ်း နမူနာပြထားတာပါ ။
ဖတ်ရတာ ဟုတ်သလိုလိုရှိပြီး ရေးသူကိုယ်တိုင်လည်း သူ့ကိုယ်သူ မှန်ကန်မျှတတဲ့ ရပ်တည်
ချက်တွေရှိကြတယ်လို့ ယုံကြည်နေကြသူတွေချည်းပါ ။။ သဘောထားပျော့သူတွေတောင်
ဒီလိုဖြစ်နေရင် တင်းမာသူတွေရဲ့ အနေထားကတော့ ပြောရင် မောရုံရှိတော့မပေါ့ဗျာ ။

ဒီလိုလူတွေ မှိုလိုပေါက်အောင်ပေါတဲ့ ပြည်မနဲ့ တိုင်းရင်းသားတွေရဲ့ ငြိမ်းချမ်းရေးဆိုတာ တ
ကယ်ဖြစ်နိုင်ပါ့မလား ၊ တည်မြဲနိုင်ပါ့မလား ၊ မျှော်လင့်ချက်တောင် ရှိပါ့မလား ။

□  မျှော်လင့်ချက် 

   မျှော်လင့်ချက် လုံးဝမရှိတော့ဘူးလား ဆိုရင်တော့လည်း ၊ မဟုတ်ဘူးလို့ ပြောရပြန်မယ် ။
ဘာဖြစ်သလဲဆိုရင် ၊ အထူးသဖြင့် ဟိုတစ်လောက ပျဉ်းမနားမြို့သစ် (နေပြည်တော်) အထိ
တောင် ဆန္ဒသွားပြဖို့ ကြိုးစားခဲ့ကြတဲ့ လူအချို့ကိုကြည့်ရင် မျှော်လင့်စရာ ကျန်ပါသေးတယ်
လို့ မှတ်ယူရလိမ့်မယ် ။ ဒါ့ပြင် လုပ်ရဲကိုင်ရဲတဲ့ သူတို့ရဲ့စိတ်နဲ့ အဆုံးရှူံးခံတဲ့ အချိန်တွေ စွမ်းအင်
တွေအတွက်လည်း အဝေးကနေ အလေးထား အသိမှတ် ပြုပါတယ် ။

(၂) □ ကိုယ်ပျောက် ရန်သူ

  စာလေးဘာလေး လျှောက်ဖတ်ကြည့်ရင်း Myanmar Defense ဘလော့မှာ တွေ့မိတာတစ်

ခုက အောက်ကအတိုင်းပါ ။

"အိမ်နီးချင်း ရေတပ်များကိုသာ အထင်ကြီး ၊ အားကိုးမိသူများ ကြည့်ထားကြပါခင်ဗျာ"
ပါတဲ့ ။

   မြန်မာရေတပ် လေ့ကျင့်မှုအကြောင်း ရေးထားတဲ့ ပို့စ်တစ်ခုမှာပါ ။
   ကျနော်လည်း ဦးနှောက်စားသွားတယ် ။
   အထင်ကြီးတာဆိုရင်တော့ ဒါက သဘာဝပဲလေ ။ ပိုကောင်းတယ် အဆင့်ပိုမြင့်တယ်ထင်ရင်
အထင်ကြီးမှာပဲ ။ ကိုယ့်ဆီမှာရှိတာက တရုတ်ထုတ်သင်္ဘောတွေနဲ့ အရည်သွေးပိုင်းမှာ မေးခွန်း
ထုတ်စရာတွေ အများကြီးရှိနေတဲ့ ပြည်တွင်းထုတ်သင်္ဘောတွေချည်းလေ ။ ဒါပေမယ့် သူတစ်
ပါးကို အထင်ကြီးရုံနဲ့ ပြဿနာမဟုတ်ပါ ။

   အားကိုးတယ်ဆိုတာကျတော့ ကွာသွားပြီ ။ အနည်းဆုံး အသက်အိုးအိမ်စည်းစိမ်နဲ့ အကျိုးစီး
ပွားတွေနဲ့ ဆိုင်လာရတော့မယ် ။ ဒါတွေကို အကာကွယ်ပေးမယ့်သူတွေဆိုရင်တော့ အားကိုး
ရမှာ သဘာဝကျပါတယ် ။ ဒါမှမဟုတ်ရင်တော့ စိတ်ကူးယဉ်နေပြီလို့ ပြောလို့ရတယ် ။ ဒီနိုင်ငံမှာ
နေပြီး အခြားနိုင်ငံကို အားကိုးမယ်ဆိုတာ ဘယ်လိုမှ သဘာဝမကျ မဖြစ်နိုင်ပါ ။
 

  ခွေးချင်းကိုက်ရင်တောင် ကိုယ့်ခွေးနိုင်စေချင်တဲ့ လူ့သဘာဝအရ လူတိုင်းနီးပါး ကိုယ့်နိုင်ငံကို

အကောင်းဆုံး ဖြစ်စေချင်ကြတာ သေချာပါတယ် ။ ကျနော့်တစ်ယောက်ထဲ သဘောအရတော့

ပြည်မစစ်တပ်ကော တိုင်းရင်းသားတပ်တွေကော အားလုံးကို အဆင့်မြင့်မြင့် စည်းကမ်းရှိရှိ

နိုင်ငံကာကွယ်ရေးတာဝန်ကို ကြေစေချင်တယ် ။ ဒီစကားကလည်း အများကြီး ဆက်ရှင်းစရာ

လိုနိုင်ပါတယ် ။ တစ်ခုပဲ လိုရင်းပြောချင်တာက တိုင်းရင်းသားတပ်တွေလည်း တစ်ချိန်မှာ ပြည်

ထောင်စုတပ်ထဲ ဝင်ပါသင့်ပါရမှာပဲလေ ။ ကျနော့်စကား လွန်မယ်မထင်ပါ ။

   အတိုချုပ်မှတ်ချက်ပေးရရင်တော့ "အိမ်နီးချင်း ရေတပ်များကိုသာ ... အားကိုးမိသူများ" ဆိုတဲ့
စကားဟာ လက်ရှိစစ်တပ်ရဲ့ mentality ကို ထင်ဟပ်ပြနေတယ်လို့ မြင်ပါတယ် ။ တိုင်းပြည်ကို ငါ
တို့အချစ်ဆုံး ၊ ငါတို့ လုပ်ခဲ့တာ လုပ်နေတာသာ အမှန်ဆုံးနဲ့ အကောင်းဆုံး ၊ နိုင်ငံကို ငါတို့ပဲ ကာ
ကွယ်နိုင်တယ် ၊ နိုင်ငံကို ငါတို့ပဲ ဦးဆောင်နိုင်တယ် စတဲ့ရောင်ပြန်ဟပ်မှုမရှိတဲ့ အတွေးအမြင် ခံ
ယူချက်တွေအပေါ် မူတည်ပြီး သီးပွင့်လာတဲ့ စကားတွေထဲက တစ်ခုလို့ ပြောနိုင်ပါတယ် ။

  ကျနော်ပြောတာ နည်းနည်းခံရခက်နိုင်ပါတယ် ။ ဒါပေမယ့် အမှန်ကို လက်မခံနိုင်ရင် လက်တွေ့
ဘဝနဲ့ကင်းကွာတဲ့ အဖွဲ့စည်းတစ်ရပ်အဖြစ် ဆက်ရပ်တည်သွားဖို့ပဲ ရှိပါတယ် ။

(၃) □ ပြည်တွင်း"အာ"သည် ပြည်တွင်းမှာသာရှိသည်

   အမြင်ကပ်ကပ်နဲ့ တမင်ရေးတယ်လို့ ပြောနိုင်ပါတယ် ။

   အကြောင်းရင်းကတော့ တိုင်းပြည်အင်အားသည် ပြည်တွင်းမှာသာရှိသည် တို့ ၊ ပြည်ပကဆိုရင်

ဆရာလုပ်ရုံပဲ တတ်ကြတယ် ကျီးအာသီးသာသာပဲဆိုတဲ့ အပုတ်ချ စကားတွေ့ကြောင့်ပါ ။ ဒါတွေ

နားထောင်မိရင် ပညာတတ်တွေ ရင်းနှီးမြှုပ်နှံလိုသူတွေ ပြန်လာကြပါလို့ အာမခံ မရှိပဲ ခေါ်နေသူ

လက်တစ်ဆုပ်စာတွေကိုတောင် ခေါင်းထဲ တစ်ချက်တစ်ချက် မေ့မေ့သွားတယ် ။

   လူတိုင်းမှာ မတူတဲ့စွမ်းအား ၊ ကွာခြားတဲ့နောက်ခံနဲ့ အသိအမြင် ဗဟုသုတ အတွေ့ကြုံနဲ့ ပညာ

ရေးတွေ ရှိကြတာပဲ ။ လက်တွဲ ဖလှယ် ပေါင်းစည်းလုပ်ကိုင်နိုင်မှ အကျိုးရှိမှာပေါ့ ။ ပြည်တွင်းက

လာဟ်ပေးလာဟ်ယူ ဝန်ထမ်း ၊ တစ်ရာသီပဲစိုက်တဲ့ လယ်ယာစိုက်ပျိုးရေးလုပ်ငန်း ၊ လ္ဘက်ရည်ဆိုင်

ထိုင်ဖို့လောက်ကျွမ်းကျင်တဲ့ မြို့ပေါ်ကလူတွေနဲ့ ဒီမိုကရေစီစနစ်သုံးပြီး တိုးတက်ခေတ်မီတဲ့  နိုင်

ငံကြီးတည်ဆောက်မယ်ဆိုရင်တော့ ဟားတိုက်မရယ်ရင်တောင် မသိသလိုလုပ်ပြီး ရူးချင်ယောင်

ဆောင် မျက်နှာလွဲရမယ့်ကိန်းပဲ ။

   နမူနာတစ်ခု ပြောပြချင်ပါတယ် ။ လွန်ခဲ့တဲ့ရက်ပိုင်းကပဲ ပြည်တွင်းကို သက်ကြီးပိုင်းတစ်ဦးနဲ့

ဖုန်းနဲ့စကားပြောဖြစ်ပါတယ် ။ စစ်ဦးစီးချုပ်ဟောင်းတစ်ဦးနား နေခဲ့တဲ့ စစ်ဗိုလ်ဟောင်းဖြစ်ပြီး စ

လောင်းနဲ့ ပြည်တွင်းပြည်ပ သတင်းတွေကို အမြဲ စောင့်ကြည့်နေသူ တစ်ယောက်ပါ ။

   အတိုချုပ်ရရင်တော့ ကျနော်ကနေ မြန်မာအာဏာပိုင်တွေကို ပြည်ပအစိုးရတွေက ဆက်ဆံ

နေတယ်ဆိုတာဟာ နိုင်ငံရေးအရဖြစ်တယ် ၊ ဝိုင်းပယ်ထားမယ့်အစား ထိတွေ့ဆက်ဆံပြီး ပိုဆိုး

မသွားအောင် လက်တွဲခေါ်နေတာပါ ၊ လိမ်နေတာတွေကို မသိလို့ မဟုတ်ပါဘူး ၊ ဒါကိုကပဲ နိုင်

ငံရေးပါပဲ လို့ ပြောပြခဲ့ပါတယ် ။ တကယ်တော့ ဒါဟာ မြန်မာပြည်ပြင်ပမှာ နေသူတစ်ယောက်

အနေနဲ့ မဆန်းလှပါဘူး ။ ဒါပေမယ့် ကျနော့်နဲ့ စကားပြောခဲ့သူအတွက်တော့ သူအရင်က မသိ

ခဲ့တဲ့ အတွေးမြင်တစ်ခုကို ရလိုက်သလိုပါပဲ ။ ဝမ်းသာသွားပုံရတယ် ။ ဆိုတော့ကာ ကျနော်

“တော်”တာတော့ မဖြစ်နိုင်ပါဘူး ၊ သို့ပေမယ့် ပြည်တွင်းပြည်ပ ပူးပေါင်းလုပ်ကိုင်ကြဖို့ လိုအပ်

တယ်ဆိုတဲ့ နကိုရှိပြီးသား ယုံကြည်ချက်ကလေး ပိုပြီးတော့ ခိုင်မာလာစေတာတော့ အမှန်ပါပဲ ။

(၄) □ သစ္စာ

   တစ်ဆက်ထဲ ပြောချင်တာက "သစ္စာ"ဆိုတာနဲ့ ပတ်သက်ပြီးတော့ပါ ။ 

  ခုတစ်လော မျိုးချစ်ဆိုသူများက သစ္စာရှိရမယ် ၊ သစ္စာရှိပါ့မလား ၊ သစ္စာဖေါက် ဆိုတဲ့ မေးခွန်း

နဲ့ စကားတွေကို ဖေါဖေါသီသီ သုံးနေကြတာ တွေ့ရတယ် ။ အထူးသဖြင့် ခုနေခါမှာ မွတ်ဆ

လင်တွေကို “ဒီလူတွေ တိုင်းပြည်အပေါ် သစ္စာရှိမယ်လို့ ဘယ်လိုယုံရမှာလဲ”လို့ မေးခွန်းထုတ်

ကြတယ် ။

  ပကတိတရားနဲ့ နမူနာတစ်ချို့ကို ကြည့်ရအောင် ။

  မြန်မာပြည်မှာ စာရင်းမရှိအင်းမရှိ ၊ အတွေးခေါ်ပိုင်းဆိုင်ရာ ပညာရေးပြန့်ပွားမှု နည်းနေသေးပြီး

ကိုယ့်ရဲ့ မူလအတ္တအပေါ်ပဲ မူတည်ပြီး တွေးတောလုပ်ကိုင်နေကြသေးတယ်လို့ ယူဆလို့ရချိန်မှာ

တိုင်းပြည်အပေါ် ပြည်သူပြည်သား ဘယ်နှစ်ရာခိုင်နှုန်းလောက် သစ္စာရှိကြသလဲ ၊ ဒါက အခြေခံ

ကျတဲ့ မေးခွန်းတစ်ခု ။

  သစ္စာဆိုတာ အကောင်ထည်ပြလို့ ရတဲ့အရာမဟုတ်ဘူး ။ ဒါဆို သစ္စာရှိမရှိ ဘယ်လိုတိုင်းမလဲ ။

ဒါတွေက တစ်ကယ်တန်း အခက်ခဲပြဿနာကြီးတွေကြုံလာမှ လက်တွေ့သိနိုင် တိုင်းတာလို့ရမယ့်

ကိစ္စ ။

  ကျနော်အမြင်မှာတော့ တစ်ခုလွဲနေတယ်ဗျ ။

  အဓိကက သစ္စာခံ မခံ ဆိုတဲ့ အပိုင်းပါ ။

  နကိုကတည်းက သစ္စာမခံသူဟာ သစ္စာဖေါက်တယ်လို့ စွပ်စွဲလို့ရစရာကို အကြောင်းမရှိပါဘူး ။

ဒါပေမယ့် မြန်မာအသိုင်းဝိုင်းကြားမှာ စွပ်စွဲနေတာ အများကြီးရှိနေတယ် ။ ဘာကြောင့်လဲ ။

  အတိုဆုံးအဖြေက တစ်ဘို့ထဲကြည့်တဲ့ အတ္တစိတ်အရင်းခံကြောင့်ပါပဲ ။ ငါ့နိုင်ငံ ၊ ငါ့မြေ ၊ ငါပိုင်

….. တွေကစလို့ပေါ့လေ ။ ဒါတွေကပဲ တိုင်းရင်းသားတွေကို ရာစုနှစ်ပေါင်းအများကြီး ဒုက္ခပေးခဲ့

ပြီးပြီ ။ ခုလည်း အဲဒီဒုက္ခတွေကို မမြင်နိုင်သေး ၊ ကိုယ်ချင်းမစာနိုင်သေးတဲ့အပြင် ဆင့်ကဲဆင့်ကဲ

လုပ်ချင်နေကြတယ် ။ အလုပ်လွန်လို့ တစ်ပတ်လည်ပြီး ကိုယ့်ဘာသာ မဖြေရှင်းနိုင်တာတွေဖြစ်

လာမှ ဟုတ်ပေ့ဖြစ်နေမယ် ။

  ဒီကြားထဲ အချို့က အစိုးရဆိုတာ မိဘလိုပဲလို့ ဆိုသူတွေက အများသား ။

  တစ်ကယ်ပဲလား ။ မိဘဆိုတဲ့သဘောက သားသမီးကို ကျွေးမွေးပျိုးထောင်မယ် ၊ ကာကွယ်ပေး

မယ် ၊ လမ်းညွှန်ပေးမယ် စသည်ဖြင့် အနည်းဆုံးတော့ ရှိတာပဲ ။ အဲ ရိုက်ပုတ်ဆုံးမတာလည်း ရှိ

တတ်တယ်လို့ ပြောချင်ကြမယ် ။

  မြန်မာပြည်မှာ ၊ အထူးသဖြင့် တိုင်းရင်းသားနဲ့ လူနည်းစုတွေဖက်ကကြည့်ပါ ၊ အဓိက ရိုက်ပုတ်

ဆုံးမတာ တစ်ခုပဲရှိတယ်လို့ ပြောရလောက်အောင်ပါပဲ ။ မလိမ္မာလို့ ရိုက်ပုတ်ဆုံးမတာလို့ ပြော

ချင်ပြောကြမယ် ။ ဒါပေမယ့် သွေးမတော် သားမစပ် ၊ ကျွေးမွေးပျိုးထောင်မှုမရှိ ၊ အကာကွယ်

မပေး ၊ ကြီးပွားတိုးတက်အောင် လမ်းမညွှန်တဲ့အပြင် ရှိသမျှယူ ၊ ကိုယ့်အကျိုးအတွက်ချည်းခိုင်း

ပြီး စိတ်အလိုမကျရင် ရိုက်ပုတ်တယ်ဆိုတော့ ဘယ်သူက ကြည်ဖြူပါ့မလဲ ။ ဘယ်သူက သစ္စာခံ

ချင်ပါ့မလဲ ။ ဒီကြားထဲ ငါတို့အချင်းချင်းလည်း အရိုက်အပုတ် ခံရတာပဲ မင်းတို့က တမူးပိုမရှူချင်

ပါနဲ့လို့ အလံရှူးလုပ်သူတွေလည်း ပေါပါ့ဗျား ။

  အကျိုးဆက်ကဘာလဲ ၊ အင်္ဂလိပ်-ဗမာစစ်ဖြစ်တော့ လမ်းပြတွေက ခေတ်အဆက်ဆက် အထု

ထောင်းခဲ့ခဲ့ရတဲ့ အောက်ခြေပိုင်း ကရင်တွေ အများစုလေ ။

  သစ္စာဖေါက်တွေလို့ ဗမာတွေဖက်ကတော့ ပြောမှာပဲ ။

  လက်တွေ့ဘဝမှာ တစ်ကယ်ဖြစ်နေတာက - ရာထူးရာခံနဲ့ အခွင့်အလမ်း ချမ်းသာမှုတွေရနေသူ

ကရင်တွေကတော့ ဘယ်သစ္စာဖေါက်ပါ့မလဲ ၊ ပြည်မ ဘုရင်ဖက်က အင်္ဂလိပ်ကို အပြင်းအထန် ခု

ခံခဲ့သူ ကရင်တွေလည်း အများကြီး ပေါ်ခဲ့တာပဲ ။ ဇက်ပြုတ်မှာ ကြောက်တာလည်း ပါတာပေါ့ ။

  ဒါပေမယ့် လုပ်လို့မရတာက အောက်ခြေမှာ ။ အစဉ်အဆက် ဒုက္ခခံခဲ့ရတဲ့ နင်းပြားတွေအတွက်

ကတော့ သစ္စာဆိုတာ ချိုနဲ့လားလို့တောင် မေးရလိမ့်မယ် ။ ဒီလိုလမ်းပြလို့ သင်္ခန်းစာပေးတဲ့အ

နေနဲ့ ရန်ကုန်မြို့နဲ့ မိုင်ငါးဆယ်ပတ်လည်က ကရင်ရွာတွေ အားလုံးဖျက်ဆီးခံခဲ့ရတယ် ။ ဒါတောင်

သမိုင်းရဲ့ တစ်စပဲရှိသေးတယ် ။ ဒီလိုလုပ်တော့ကော အောင်မြင်ခဲ့သလား ။ အစဉ်ဆက် စိတ်ထဲ

စွဲနေတဲ့ အကြောက်တရားနဲ့ အတင်းအုပ်ချုပ်ရင် ရမှာပဲလို့ နားလည်ကြိုးစားတော့ သဲထဲရေသွန်

သလိုပေါ့ ။ စာရင်းချုပ်တော့ ဘီလူးလေးလည်း ဘီလူးကြီးရဲ့ အစာ ဖြစ်သွားတော့တါပဲ ။

  ခက်တာက ဒီကနေ့အထိ ပကတိဖြစ်တတ်တဲ့ သဘာဝကို လက်ခံနိုင်တဲ့သူတွေ နည်းပဲနည်းနေ

သလား ၊ ငြိမ်ပဲငြိမ်နေကြသလားတော့ မပြောတတ်ဘူး ၊ အစဉ်မပြတ် ဖြစ်နေတုန်း ။

  ပွင့်ပွင့်လင်းလင်း ပြောရအောင်ဗျာ ၊ ခင်ဗျားက ကုလားတစ်ယောက်ကို ပါးတစ်ချက် အသားလွှတ်

ရိုက်ပြီး “ဟေ့ကောင် မအေပေးကုလား မင်းတို့ ငါတို့ကို သစ္စာရှိရမယ်”လို့ပြောရင် သူကနေ ရိုရို

ကျိုးကျိုး ပြုံးပြုံးကလေးနဲ့ သစ္စာရှိရမှာလား ။ ရှင်းရှင်းကတော့ မြန်မာပြည်မှာ ဒီလိုကို ဖြစ်နေတာ ။

ဒီနေရာမှာ “ကုလား”ဆိုတဲ့ စကားလုံးနေရာမှာ “ဗမာ” ဖြစ်စေ အခြားလူမျိုးတစ်စုဖြစ်စေ အစားထိုး

သုံးကြည့်ပါလား ၊ ဘယ်လိုဖြစ်မလဲ ၊ ခံစားရမလဲ ။

  အားလုံးကိုရောပြီး ကုလားခေါ်ခေါ် ၊ မြန်မာမူဆလင်လို့ပြောပြော ၊ ဟိန္ဒူတွေအပါဝင် ဒီလူတွေ

အနေနဲ့ နှစ်ပေါင်းရှည်ကြာ ဘယ်လိုရင်ဆိုင်ခဲ့ရသလဲ ဆိုတာ မသိချင်ဟန်ဆောင်နေသူတွေကို

တစ်ကယ်ဗျာ အံ့သြတယ် ၊ ပြေးစရာမြေမရှိ သွားစရာ နယ်မရှိသူတွေကို ဆက်ဆံကြ သဘော

ထားကြပုံများ ပြောရမှာတောင် ဘုရားတွေတရားတွေကို အားနာတယ် ။ ပျူဌာယဉ်ကျေးတဲ့ ရိုး

သားတဲ့ လှပတဲ့စိတ်ထားတွေနဲ့ … ဘာညာဘာညာ ဆိုတာတွေလည်း ဘေးသာ ချိတ်ထားလိုက်

စမ်းပါဗျာ ၊ တစ်ကယ်လည်း မဟုတ်ပဲနဲ့ ၊ ရှက်လို့ပါ ။

  ဒီမိုကရေစီ ထွန်းကားတဲ့နိုင်ငံတွေ အတော်များများမှာ အစိုးရကို မကြိုက်ဖူးလို့ ဗြောင်ပြောသူ

တွေ အများကြီးရှိသလို ၊ ဘယ်သူ့ကိုမှ သစ္စာမခံနိုင်ဘူးလို့ ပွင့်လင်းသူတွေ အများကြီးပါ ။ နိုင်ငံ

နဲ့ မှီတင်းနေထိုင်သူတွေကို ဒုက္ခအန္တရာယ်ရောက်အောင် လုပ်တယ်လို့ အခိုင်အမာမပြနိုင်ပဲနဲ့ ဒီ
လိုလူတွေကို ဘယ်သူမှ မောင်းလဲမထုတ်ပါ ၊ ထောင်လည်း အသားလွတ်မချပါ ။ အများစုက
ဆွေးနွေးညှိနှိုင်း ငြင်းခုန်ကြတာပဲ ရှိပါတယ် ။

  ကျနော်တို့ကော …. ရာစုနှစ်အများကြီး နောက်ကျန်ခဲ့ပြီလား … အခြေခံအကျဆုံး စာနာမှုတွေ

တောင် မထားနိုင်ကြတော့ဘူးလား … ။ လူတွေကို သစ္စာရှိအောင် ၊ သစ္စာခံချင်အောင် ကိုယ်နဲ့

နှိုင်းပြီး တန်းတူ သဘောထားပြီးပြီလား ၊ သူတို့အကျိုးကို ထည့်တွက်ပြီးပြီလား ၊ သူတို့သစ္စာရှိဖို့

ထက် ကိုယ့်ကိုမုန်းတီးပြီး ထွက်ပေါက်မရှာရှာအောင် တွန်းထိုး မောင်းထုတ်နေမိသလား ၊ သို့

တည်းမဟုတ် ချောင်ပိတ်ရိုက်နေမိသလား ။

  တပ်မတော်သည်အမိ တပ်မတော်သည်အဖဆိုတဲ့ ဆိုင်းဘုတ်အောက်မှာထိုင်ပြီး “မိဘမဲ့ ဖြစ်

ချင်လိုက်တာ”လို့ ညည်းနေတဲ့ အပေါ်က ကာတွန်းလေးကို တမင်ထည့်ပြထားတာပါ ။ အဲဒီကာ

တွန်းကို မှီပြီးပြောရရင် လက်ရှိ ဖြစ်နေတာတွေကြောင့် “လွတ်လပ်မယ့်အစား ကိုလိုနီသခင်

ဟောင်းတွေလက်ထဲမှာ ကျွန်ဖြစ်ချင်လိုက်တာ” ဆိုပြီး ပြောချင်သူများတောင် ပေါ်လာနိုင်

တယ်လို့ မျှော်မှန်းထားရင် မှားမယ်တော့မထင် ။

   ဒီလိုတွေပြောလို့ အာခေါင်းသံကြီးနဲ့ တက်တစ်ခေါက်ခေါက် ဒေါသတကြီး အော်ဟစ်ဆဲဆိုချင်

သူများလည်း ရှိမှာပဲ ။ သူတို့ မှန်တယ် ကောင်းတယ်လို့ လှေနံဒါးထစ် လက်ခံထားတာကို ထိခိုက်

လာပြီကိုး ၊ အတ္တနဲ့မာနကို အဖျားခတ်လာပြီကိုး ။ အဲဒါလည်း ခက်တာပါပဲ ၊ သည်လိုလုပ်လို့

လက်တွေ့အခြေနေတွေ ပိုဆိုးရုံကလွဲပြီး ကောင်းလာစရာက မရှိ ။ ကျနော့်ကို ရန်တွေ့လည်း မ
ထူး ၊ ကျနော်လည်း လူတွေသစ္စာရှိလာအောင် ဥုံဖွ လုပ်မပေးတတ် ။

  စာကလည်း စိတ်ထဲရှိတာတွေချရေးရင်း ဝတ္ထုရှည်တစ်ပုဒ်လိုတောင် ဖြစ်နေပြီ ၊ ဒီမှာပဲ ရပ်ထား

ပါဦးမယ်ဗျာ ၊ ကျန်တာ နောက်တစ်ပုဒ် ထပ်ခွဲလိုက်တော့မယ် ။ အဲဒီကျ မွတ်ဆလင်ဆိုတာနဲ့ ဝါး

လုံးရှည်နဲ့ သိမ်းကြုံးရိုက်ရင်း ထိုင်းနိုင်ငံက အရင်းခံပြဿနာတွေကို နားမလည်ပဲ ရမ်းသမ်းပြော

နေတဲ့ ကရင်လူငယ်အချို့ကိုလည်း အနည်းကျဉ်း ရှင်းပြနိုင်မယ်လို့ မျှော်လင့်ပါတယ် ။

 မန်းကိုကို

၃၀ ၊ ၁၀ ၊ ၂၀၁၂ 

==============================

□ နောက်ဆက်တွဲ ~ သစ္စာရှိသူ မဲ့သူတစ်ချို့

  မြန်မာပြည်က လူသိများသူနဲ့ အဖွဲ့တစ်ချို့ကို ကြည့်ရအောင် ။

ဗိုလ်မှူးစိုင်းသိန်းဝင်း - စစ်တပ်ကို သစ္စာဖေါက်တယ် ၊ နိုင်ငံနဲ့ လူထုကိုကော သစ္စာဖေါက်တယ်လို့

                            ပြောလို့ရပါ့မလား ။

ဗိုလ်မှူးအောင်လင်းထွဋ် - အပြစ်မရှိတဲ့လူ အစုလိုက်အသတ်ခံခဲ့ရတာကို ဖေါ်ထုတ်ခဲ့တယ် ၊ အ

                                 ခြားအချက်လက်တစ်ချို့လည်း ထုတ်ပြောခဲ့တယ် ။ ဘယ်သူ့ကို သစ္စာ

                                 ဖေါက်တယ်လို့ ခေါ်မလဲ ။

ယ္ခင်စစ်ထောက်လှမ်းရေးအဖွဲ့ - ထင်ထင်ရှားရှား လူရှေ့ထွက်ပြီး ကျနော်တို့ ဘာတွေလုပ်ခဲ့ပါ

                                          တယ် ၊ ဘာတွေမှားခဲ့ပါတယ်လို့ ဘယ်သူမှ ထွက်ဝန်ခံတာ မ

                                          တွေ့ဖူးသေးဘူး ။ သူတို့ကြောင့် လူတွေဘယ်လောက် ဒုက္ခ

                                          ရောက်ခဲ့သလဲ ၊ သေခဲ့သလဲဆိုတာ စာရင်းမရှိအင်းမရှိ ၊ အသတ်

                                          ခံခဲ့ရတဲ့ လူတစ်ယောက်အကြောင်းကို ကျနော်လည်း ရေးပြခဲ့ပြီး

                                          ပြီ ။ သမာဓိ ရှိချင်မှရှိမှာဖြစ်ပေမယ့် သစ္စာတော့တော်တော် ရှိကြ
                                          တယ်ဗျ ၊ ကောင်းသလား ။

ဦးတင်ဦး (NLD) - လွတ်လပ်ရေး ရပြီးကတည်းက ကုလား တရုတ်နဲ့ တိုင်းရင်းသားတွေ ဘယ်

                         လောက်အထိ ခံခဲ့ရသလဲ သိတာပေါ့ဗျ ။ Mr. Know All လို့တောင် ကွယ်ရာ

                         မှာ အခေါ်ခံခဲ့ရသူပဲ ။ သူလည်း နစ်နာခဲ့သူတွေအကြာင်း ခုထိ တစ်ခုမှ ထုတ်
                         မပြောခဲ့သေးဘူး ။ သစ္စာရှိတယ် ။ အထူးသဖြင့် နိုင်ငံတော်ကို သစ္စာရှိတယ်
                         လို့ ပြောချင်သူတွေ ရှိမယ် ၊ ခင်ဗျား ဘယ်လိုယူဆမလဲ ။