ပြတိုက်ထဲကထွက်ချင်တဲ့ ကရင်တွေရှိသလား

   အဦးဆုံးပြောချင်တာက - ဒီစာကို ကရင်တွေအတွက် ရေးပါတယ် ။ အထူးသဖြင့် စာဖတ်သူတွေ

အတွက်ပေါ့ ။

   ဖတ်မယ့်သူ နည်းမယ်ဆိုတာ သိတယ် ။ ရေးထားတာတွေကို လက်ခံမယ့်သူက ပိုနည်းမယ်ဆို

တာလည်း သိတယ် ။ အဲဒီကမှ လက်တွေ့ကျကျ လုပ်ကိုင်မယ့်သူက ပိုတောင်နည်းသေးတယ်ဆို

တာလည်း သိတယ် ။ ဒါပေမယ့် ကရင်တွေ တကွဲတပြားနဲ့ ဖြစ်ချင်ရာဖြစ် လုပ်ချင်ရာလုပ်နေကြတာ ၊

ဒုက္ခရောက်နေကြတာ ၊ နိမ့်ကျနေတာ ၊ ပင်ပန်းဆင်းရဲနေသူတွေ အများကြီးရှိတာကို မြင်တယ် ။

နေထွက်လို့ မြူနှင်းတွေပျောက်ရသလိုမျိုး ၊ လူမျိုး ယဉ်ကျေးမှုအရ အမှန်တကယ်ကို ဝါးမျိုခံနေရ

ပြီး ၊ ကွယ်ပျောက်သွားဖို့ ဦးတည်နေတာကိုလည်း ရှင်းရှင်းလင်းလင်း မြင်နေရတယ် ။ ဒါကို နည်း

မှန်လမ်းမှန် လူ့ကျင့်ဝတ်တွေ မဖေါက်ပဲ ၊ နိမ့်ကျနောက်ရောက်နေတဲ့ ကိုယ့်လူမျိုးအတွက် လုပ်

ချင်ကိုင်ချင် ရုန်းထွက်ချင်တဲ့  ကရင်တွေအချို့များ ရှိလေမလားဆိုပြီး ဒီစာကို ဖြစ်နိုင်သမျှ အပွင့်

လင်းဆုံး ရေးဖြစ်တာပါ ။

   ဒီနေရာမှာ ဗမာလိုရေးလို့ အချို့ကရင်တွေအနေနဲ့ ရှက်စရာလို့လည်း ယူဆနိုင်တယ် ။ ကျနော်

ကတော့ မရှက်ပါ ၊ ရှက်လို့လည်း ဘာအကျိုးမှ ဖြစ်မလာပါ ။ ကိုယ့်အလုပ် ကိုယ်လုပ်တာဖြစ်တာ

ကြောင့် ၊ ကရင်လို ကျွမ်းကျင်သူတွေကနေ ကရင်လိုရေးဖို့ သူတို့အလုပ် သူတို့လုပ်သွားမယ်လို့

ယုံတယ် ။ ကိုယ့်အလုပ် ကိုယ်မလုပ်သူသာ ရှက်စရာလို့မြင်တယ် ။

   အခုရေးတဲ့အခါမှာလည်း အခြားလူမျိုးတွေအကြောင်း အနည်းကျဉ်းတော့ပါမယ် ။ မကောင်းပြော

ဖို့ ကြိုးစားတာတော့ မဟုတ်ဘူး ။ သူများမကောင်းပြောပြီး ကိုယ်ကြီးပွားလာစရာလည်း မရှိ ။ ကိုယ်

မကောင်းတာတွေကိုသာ ကိုယ့်ဘာသာ သိမှ ၊ အခွင့်လမ်းမြင်မှ ၊ ကြိုးစားမှ ၊ အောင်မြင် ဖြစ်တည်

ရွေ့လျားနိုင်တယ်လို့ ယုံတယ် ။ ဒီကြားထဲ ရေးတာတွေ လမ်းချော်သွားတယ်ထင်ရင်လည်း ထောက်

ပြကြပေါ့ ။

(၁)  ဘယ်ပြတိုက်ကို ပြောတာလဲ

   ခေါင်းစဉ်ကိုကြည့်ပြီး ကရင်တချို့ မျက်စိလည်သွားနိုင်တယ် ။

   “ငါတို့ကို ပြတိုက်ထဲကလူတွေလို့ ဆိုလိုချင်တာလား”ဆိုတဲ့မေးခွန်းက ထိပ်ဆုံးက ပါပါလိမ့်မယ် ။

   မှန်ပါတယ် ။ ကျနော့်အနေနဲ့ အများစုသော ကရင်တွေကို ပြတိုက်ထဲကလူတွေလို့ တင်စားလိုက်

တာဖြစ်သလို ၊ အမှန်တကယ်လည်းဖြစ်နေတဲ့ ပကတိအခြေနေလို့ အထောက်အထားတွေနဲ့ တစ်

ထစ်ချ ပြောချင်တယ် ။ ဒါပေမယ့် ဘာကြောင့် လူတိုင်းသတိမထားမိတာလဲလို့ မေးရင် ၊ ကရင်တွေ

ကို ထည့်ထားတဲ့ပြတိုက်တွေဟာ ကြီးလွန်းလို့ ၊ တစ်နည်းအားဖြင့် ဆာဖာရီကမ္ဘာ(safari world)

တို့ open range zoo တို့လို ခြံကျယ်ကြီးတွေနဲ့ ပြသထားတဲ့ တိရိစ္ဆာန်ဥယျာဉ်မျိုးတွေ ဖြစ်နေတာ

ကြောင့် သတိမထားမိတာပါလို့ ပြောချင်တယ် ။

   ဒီကနေ့ အနေထားကို အသာထားလို့ လွန်ခဲ့တဲ့ နှစ် (၃၀) ကျော် ၊ မတွေးတတ် မမြင်တတ်မီအ

ရွယ်က ကျနော်ကြုံတွေ့ခံစားခဲ့ရတာတွေကို အရင်ပြောပြချင်တယ် ။

   နိုဝင်္ဘာလ (၇) နေ့မှာကျတဲ့ ကရင်ပြည်နယ်နေ့ ဖွင့်ပွဲအခမ်းအနားကို ကျနော်ရောက်သွားခဲ့တယ် ။

ဖွင့်ပွဲအခမ်းအနား တစ်လျှောက်လုံးမှာ “အော့ဆွန့်လားဆိုဒ်”ဆိုတဲ့ နှုတ်ခွန်းဆက်စကားမျိုးကလွဲရင်

ကရင်လို ဘာတစ်ခုမှပြောတာ သတိမထားမိခဲ့ဘူး ။ တစ်ခါ အခမ်းအနား အဆုံးသတ်လောက်မှာ

ကရင့်အမျိုးသားသီချင်းကို ဆိုကြပြန်ပါတယ် ။ ကျနော့်အတွက် အထူးအဆန်းပါပဲ ။ အဲဒီ ကရင့်အ

မျိုးသားသီချင်းကို ရှိမှန်းတောင် မသိခဲ့ပါဘူး ။ နောက်ထပ် ဆယ်နှစ်ကျော် ကရင်ပြည်နယ်မြို့တော် ၊

ဘာအံမြို့မှာ နေထိုင်ခဲ့စဉ်တစ်လျှောက်လည်း ဘယ်တုန်းကမှ ထပ်သတိမထားမိတော့ပါ ။ စာနဲ့ပေ

နဲ့ အက္ခရာတင်ထားတာမျိုး ၊ ကရင်အမျိုးသားတွေကြား လက်ဆင့်ကမ်းသင်ပေးတာမျိုးတွေလည်း

တစ်ခါမှကို မတွေ့ခဲ့ရဖူးပါဘူး ။

   နောက်နမူနာတစ်ခုကတော့ မဲလခိုလှုံရေးစခန်းမှာပါ ။ အဲဒီမှာ ကြုံဆုံခဲ့တဲ့ မြို့ပေါ်ကနေလာသူ

ကရင်အချို့ဟာ ဗမာစကားကို ဗမာရှူံးအောင် ပီပီသသပြောနိုင်သူတွေ အများကြီးရှိတာ သတိထား

မိတယ် ။ တစ်ကြိမ်မှာတော့ သက်ကြီးတစ်ဦးကနေ ပြန်ပြောပြတာတစ်ခုကို ကနေ့အထိ မမေ့ပါဘူး ။

မြစ်ဝကျွန်းပေါ် ကရင်တစ်ယောက်ရဲ့ ပြောပုံလေးပါ ။ “ယယ်ချော်လဲ ယယ်ဒူးပြဲ” ပါတဲ့ ။ ။ “ယယ်”

ဆိုတဲ့ “ငါ”ကတော့ ဟုတ်ပါရဲ့ ၊ "ချော်လဲ"တို့ "ဒူးပြဲ"တို့ကျတော့ ဗမာလိုချည်း ဖြစ်နေတော့တာပါပဲ ။

ဒါဟာ ရီစရာဖြစ်သလို ၊ ကရင်တွေအတွက်လည်း စိတ်မကောင်းချင်ရင် တကယ့်စိတ်မကောင်းစရာ

ပါ ။

   မြစ်ဝကျွန်းပေါ်နဲ့ပတ်သက်လို့ ကျနော့်သူငယ်ချင်းတစ်ယောက် အဲဒီဖက်ရောက်ခဲ့ဖူးတယ် ။

   ဘားအံကောလိပ်ဒုံး'က'တော့ ကျနော်က အညံ့ဆုံး (၃) ယောက်ထဲမှာ အတော်ဆုံး အနူတောက

လူချောပါ ၊ သူက ဒုတိယပေါ့ ။ နောက်ပိုင်း ကရင်စာပေအဖွဲ့နဲ့ မြစ်ဝကျွန်းပေါ်ကို သူပါသွားတယ် ။

ဒုံးဆရာတောင်ဖြစ်လို့ ။ ဒါနဲ့ပဲ သူဦးဆောင်သင်ပေးတဲ့ဒုံးအဖွဲ့ဟာ ပွဲတိုင်းကျော်ပါလေသတဲ့ ။ တစ်

ခုပဲရှိတာက ၊ နောက်တစ်နှစ် ၊ နောက်ထပ်တစ်နှစ်နဲ့ ဘယ်နှစ်သွားကြည့်ကြည့် ဒီဒုံးဟာ ဒီဒုံးပါပဲတဲ့ ။

ကရင်ပြည်နယ်က ကရင်စာပေအဖွဲ့တွေ ထပ်မလွှတ်နိုင်လို့ ၊ အပြောင်းအလဲမရှိ ဒီဒုံးကိုပဲ နှစ်ပေါင်း

များစွာ '၏သည်မရွေး' ဆက်ထိန်းသိမ်းသွားကြတယ်လို့ သိခဲ့ရတယ် ။

   ဒါတွေဟာ ကလေးတွေကို "ဒေဝေါကြီး" လို့ စိတ်ကူးယဉ်ဆန်ဆန် ကြောက်အောင် ချောက်နေ
တာ မဟုတ်ပါ ။ လက်တွေ့ဘဝမှာ သက်သေနဲ့ သာဓကနဲ့ရှိနေတာပါ ။ လူတိုင်းမြင်နိုင် သိနိုင်တဲ့
အရာတွေပါ ။ ဘာသာစကားပျောက်ပြီး ယဉ်ကျေးမှုလည်း အဖျောက်ခံရတဲ့ လူမျိုးတစ်မျိုးဟာ ၊ လူမျိုးတစ်မျိုးအဖြစ် ဆက်ရပ်တည်နေနိုင်ဦးမှာလား ။

   ဒီလောက်ဆို အတန်သင့် သဘောပေါက်လာကြလောက်ပြီ ထင်ပါတယ် ။

   ပြတိုက်ကြီးက ကျယ်လွန်းလို့ ပြတိုက်ကိုပြတိုက်မှန်း မသိကြတဲ့ ကိုယ်တွေရဲ့အဖြစ်က အတော်
ဆိုးပါတယ် ။ အဲဒီထဲမှာမှ အကြီးဆုံးပြတိုက်တစ်ခု ရှိပါသေးတယ် ၊ “ကရင်ပြည်နယ်” လို့ ခေါ်ပါ
သတဲ့ ။

   ကဲ ခုသိပြီဆိုတော့ ဘာလုပ်မလဲ ။

   ကျနော်ကတော့ ခုလို စာရေးအသိပေးတာ ၊ တတ်နိုင်တဲ့အခါ အလှူအတန်း လုပ်တာတွေကလွဲရင်

ဘာမှမလုပ်ပါဘူး ။ သို့သော် လုပ်ချင်သူများရှိရင်တော့ ဘယ်သူ့ကိုမှလည်း မထိမခိုက်ပဲ ၊ ကိုယ့်အ

မျိုးသားလက္ခဏာတွေကို ထိန်းသိမ်းနိုင်ပြီး အကျိုးလည်းရှိမှာမျိုးတွေကို ဆွေးနွေးတင်ပြမှုလေးတွေ 

လိုလာမှာပေါ့ဗျာ ။ အဲဒီနေရာမှာ ကျနော်က 'ကြားကား'အနေနဲ့ ဝင်လာတယ် ဆိုကြပါစို့ ။ ကြားကား

ဆိုတဲ့အတိုင်း ၊ လစ်ဟာနေတဲ့ ဝန်ဆောင်မှုနေရာကို ခဏတာ ဝင်ဖြည့်ပေးနေတာသာဖြစ်ပြီး ၊ ပုံမှန်

ဆွဲမယ့် ကားတွေလာတဲ့အခါ နေရာဖယ်ပေးသွားရမှာလည်း သေချာပါတယ် ။ တကယ်တန်းလည်း ၊

လိုင်းကားတွေကို မျှော်နေပါတယ် ။ ဘယ်လိုင်းကားမှ လာမဆွဲရင်တော့ ၊ ဒီ ကြားကားကိုပဲ သည်းခံ

ပြီး  ဆက်စီးကြပေတော့ပေါ့ဗျာ ။

၁၅ ၊ ၀၇ ၊ ၂၀၁၃

(ဆက်ရေးပါဦးမယ် ။ ကြာရင်လည်း ကြာပါမယ်) ။

~~~~~~~~~~~~~~~~~~~~~~~~~~~~~~~~~~

(၂)