အဝေးနယ်ချဲ့ ၊ အနီးနယ်ချဲ့နဲ့ မျက်ရည်ကြားက ဟားတိုက်ရယ်ကြရမယ့်သူတွေ

   ဒီစာစု ရေးဖြစ်ဖို့ရာဟာ Facebook ပေါ်က ဗိုလ်မှူး Sai Thein Win ထံမှာ လတ်တလောဖြစ်နေတဲ့ ၊
ကရိုင်းမီးယား ကိစ္စနဲ့ပတ်သက်ပြီး မှတ်ချက်ပေးဖြစ်ရာက စခဲ့ပါတယ် ။ အဓိကအနေနဲ့ ကျူးကျော်မှု
လုပ်လာတဲ့ရုရှကို အလွန်မရှိဘူးလို့ ဆိုချင်သူတွေရဲ့ လှုံ့ဆော်မှုကြောင့်လို့ ဝန်ခံရပါလိမ့်မယ် ။

Mahn Koko - ရုရှကျူးကျော်တာ မလွန်ဘူးလို့ ပြောသူတွေဟာ ၊ တစ်ခုခုတော့ လွဲနေပြီလို့

                  ကောက်ချက်ချမယ် ။

                  မသိလို့သော်၎င်း ၊ ကြီးနိုင်ငယ်ညှင်းစနစ် ကြိုက်လို့သော်၎င်း ၊ နိုင်ငံတကာ ကျင့်

                  ဝတ်တွေကို အလေးမထားလို့သော်၎င်း ၊ ဖြစ်နိုင်ခြေကတော့ အမျိုးမျိုးရှိတယ် ။

                       • ပါကစ္စတန်ဟာ အိန္ဒိယနဲ့ တွဲလျက် ရှိခဲ့တာပါ ။ မြန်မာပြည်တောင် ပါခဲ့သေး ။
                       • အရှေ့တီမောဟာ အင်ဒိုနီးရှားလက်အောက်မှာ ရှိခဲ့တာပါ ။
                       • တောင်ဆူဒန်ဟာ မကြာခင်ကမှ လွတ်လပ်ရေး ရခဲ့တာပါ ။

                      အရင်က ပိုင်ခဲ့ဖူးတယ်ဆိုပြီး ၊ အချုပ်အချာပိုင် နိုင်ငံတစ်ခုရဲ့ နယ်မြေကို ဘယ်သူမှ ဝင်သိမ်း
                      လို့ မရပါ ။ (ချွင်းချက်အနေနဲ့ - ကိုယ်လည်း ခံနိုင်တယ် ဆိုရင်တော့ ၊ အပြစ်မဆိုပါ) ။

                      ယူကရိန်း ခွဲထွက်စဉ်က သက်သေစုံညီနဲ့ သဘောတူ လက်မှတ်ထိုးခဲ့တာပါ ။ ရုရှက သိ
                      က္ခာရှိဖို့လိုသလို ၊ နိုင်ငံတကာကလည်း အနည်းဆုံး နှုတ်အားဖြင့် ယူကရိန်းကို ထောက်
                      ခံရပါလိမ့်မယ် ။

                      ရုရှကို မျက်စိမှိတ်ထောက်ခံရင် - နိုင်ငံတကာ "စံ"တွေ ကျိုးပေါက်ပြီး ၊ အလားတူဖြစ်ရပ်
                      မျိုးတွေ မျှော်လင့်ထားရပါမယ် ။ ကြီးနိုင်ငယ်ညှင်း လုပ်တတ်သူတွေဟာ ၊ ကိုယ့်နဲ့တွေ့
                      မှ ပျော့ပျောင်းသွားလိမ့်မယ်လို့လည်း အိပ်မက် မမက်သင့်ပါ ။
                      March 3 at 2:11pm · 28

~~~~~~~~~~~~~~~~~~~~~~~~~~~~~~~~~~~~~~~~~~

   ဆက်စပ် တွေးတောမိတာတွေဟာ ဒီမှာတင် ရပ်မသွားခဲ့တာမို့ ၊ အသစ်ထပ်ဝင်လာတာတွေကို စာနဲ့
ချရေးဖြစ်တာကတော့ ၊ အောက်ကအတိုင်းပါ ။

(၁) အဝေးက နယ်ချဲ့

   ကိစ္စတစ်ခုကို ထပ်ခါထပ်ခါ မှတ်ချက်ထပ်ရေးရတာ စိတ်ကြိုက်ဖြစ်တဲ့ ရွေးချယ်မှု မဟုတ်ပေမယ့် ၊ ရေး
သင့်တယ်ယူဆလို့ ထပ်ရေးဖြည့်လိုက်တယ် ။

   ပထမ အချက်လက်တွေဖြစ်တဲ့ -
ф  ခရိုင်းမီးယားမှာ ရုရှစကားပြောသူတွေ ၆၀% ဝန်းကျင် ရှိတာ ၊
ф  ဌာနေလူများစုမှာ ရုရှနဲ့ ရင်းနှီးခိုင်မာတဲ့ ဆက်စပ်မှုတွေနဲ့ ယိမ်းယိုင်မှုတွေ ရှိတာ ၊
ф  နယ်သားတွေရဲ့ ယူကရိန်းကနေ ခွဲထွက်လို့တဲ့ ဆန္ဒရှိသူတွေ အတော်များတာတွေ ၊ စတဲ့ လက်တွေ့
     ဘဝက အဖြစ်မှန်တွေကို လက်ခံရမှာပါ ။

   သို့သော် လက်ခံလို့မရတဲ့ အဓိက အချက်တွေအနေနဲ့ -

⌂  အချုပ်အချာအာဏာ ၊ နယ်နိမိတ်နဲ့ သဘောတူညီချက်တွေကို ရုရှကနေ မလေးစားတာ ၊
⌂   ခုလို ကျူးကျော်ဝင်ရောက်တာဟာ ချက်ချင်းလက်ငင်း မဟုတ်ပဲ ကာလရှည်ကြာ ကြိုတင်စီမံလာ
    ကြောင်း ၊ လုပ်ကိုင်မှုတွေဟာ စနစ်ကျပြီး လက်နက်အင်အား လူအင်အား လုံလုံလောက်လောက်
    သုံးထားကြောင်း ထင်ရှားနေတာ ၊
⌂  ခရိုင်းမီးယားသားတွေ ယူကရိန်းကနေ ခွဲထွက်လိုတယ်ဆိုပေမယ့် ၊ ရုရှနဲ့ ပြန်ပေါင်းဖို့ မဟုတ်ပါပဲ ခု
     ကိစ္စမှာ တလွဲအကြောင်းပြ အသုံးချတာ ၊
⌂  ဒေသခံအများစုကနေ ထောက်ခံသူမဟုတ်တဲ့ ရုရှရုပ်သေး နိုင်ငံရေးသမားတွေနဲ့ အစားထိုးတာ ၊
⌂  ရုရှစစ်တပ် ကျူးကျော်ဝင်ရောက်နေတာကိုတောင် မဟုတ်ပါဘူးလို့ ဗြောင်လိမ်တာ ၊

⌂  စစ်တပ်လွှတ်ဖို့ ၊ နယ်မြေသိမ်းသွင်းဖို့ တရားဝင်သယောင် အချိန်ကိုက်လုပ်ဆောင်တာ ၊ အုပ်ချုပ်ရေး
     အားနည်းနေချိန်မှာ စီစဉ်ထားတဲ့ လက်နက်ကိုင်တွေနဲ့ သူတစ်ပါးနယ်က ပါလီမန်ကို စိတ်ကြိုက်ချယ်
     လှယ်ပြီး အချိန်တိုအတွင်း ရုပ်သေးပါလီမန်က ကြေငြာချက်တွေထုတ်တာ ၊ အလျင်စလို လူထုခံယူပွဲ
     လုပ်ဖို့ကြိုးစားတာတွေ ၊
⌂ သတင်းနဲ့ စာနယ်ဇင်းတွေ ၊ ဆန့်ကျင်သူတွေကို တားဆီးနှိပ်ကွပ်လာတာ ၊ အများအမြင်ရှင်းစေမယ့်
     ကုလသမဂ္ဂ ကိုယ်စားလှယ်အပါဝင် ပြင်ပကမ္ဘာကလူတွေကို မဝင်နိုင်အောင် တားဆီးတာ - စသည်
     ဖြင့် ရှည်လျားတဲ့ အချက်အလက်တွေက သူတို့ရဲ့ လုပ်ရပ်နဲ့ သဘောထားတွေကို လက်ခံလို့ မရနိုင်
     လောက်အောင် ရှိနေပါတယ် ။

ǂ  ဒါပေမယ့် မြန်မာပြည်က အချို့လူတွေထဲမယ် “ခွဲထွက်တာ သို့မဟုတ် လွတ်လပ်ရေးရယူတာ” နဲ့
    “အခြားနိုင်ငံနဲ့ သွားပေါင်းတာ”နှစ်ခုကို လေလုံးမကွဲကြဘူးလို့ ထင်ရလောက်ပါတယ် ။
ǂ  အချို့ကျပြန်တော့ ဟို ဒီမိုဆိုတဲ့ ကောင်တွေတော့ ရုရှကို ကန့်ကွက်နေပြီ ၊ ကလိအုံးမှလို့ စိတ်ထား
    ပုံရကြပါတယ် ။
ǂ  အချို့ကတော့ ၊ အဖွဲ့စည်းကိုယ်၌က ရုရှနဲ့ ဆက်စပ်ပတ်သက်မှုလေးတွေ ရှိတော့လည်း ၊ အဖွဲ့စည်း
    အစွဲနဲ့ မျက်တောင်တစ်ဆုံးပဲ ကြည့်သူတွေလည်း ရှိတာသေချာပါတယ် ။

   စကားဆက်ရရင် -
   လက်တွေ့ အခြေနေအချို့လည်း ရှိပါသေးတယ် ။

#  လက်ရှိ အမေရိကန်မှာ စစ်တိုက်ဖို့ထက် နိုင်ငံပြန်ထူထောင်ချင်နေတဲ့ အိုဘားမားလို သမ္မတ ရှိနေပါ
    တယ် ။
#  ဥရောပကလည်း ဒုတိယကမ္ဘာစစ်ဆိုးကျိုးကို သိကြသူတွေပါ ။
    စစ်မတိုက်ချင်တဲ့အပြင် ၊ ရုရှဆီက လောင်စာတွေကို ဈေးပေါပေါနဲ့ အတန်သင့် မှီခိုနေရတာကလည်း
    တစ်ပိုင်းမို့ ၊ သံတမန်ရေးနဲ့ သွယ်ဝိုက်နစ်နာစေမယ့်နည်းတွေကို ရွေးကြရပါလိမ့်မယ် ။

#  ရုရှဟာ စစ်ရေး အားကောင်းသလို ၊ ကျယ်ပြန့်တဲ့ နိုင်ငံထဲက သယံဇာတတွေကို ထုတ်ရောင်းရင်း ၊ ငွေ
    အသင့်တင့် လျှံနေတဲ့နိုင်ငံပါ ။
    သို့သော် “လူဦးရေ”အရတော့ ကျုံ့ဝင်နေတဲ့ နေဝင်အင်ပါယာ တစ်နိုင်ငံဖြစ်ပါတယ် ။
    သူတို့ရဲ့ တုံးတိုက်တိုက် ကျားကိုက်ကိုက် စိတ်ထားတွေနဲ့ အရက်တို့ဟာ အဓိက တရားခံတွေထဲက အ
    ချို့ပါ။ ဒီ့အတွက်လည်း ရုရှစကားပြောနဲ့ ရုရှယိမ်းသူတွေကို ၊ ရသမျှ ပြန်ပြီး သိမ်းကျုံးစုကဲ့ယူနေတာလို့
    သုံးသပ်မှုတွေက ဆိုပါတယ်။
    ဒါတွေဟာ ဘါတွေ ဖြစ်လာနိုင်မလဲဆိုတာ ချိန်ဆကြည့်တဲ့အခါ ၊ ထည့်တွက်သင့်တဲ့ အချက်တချို့ပါ ။

   ကျနော် တင်ပြသွားတာတွေကို သဘောမတူသူတွေလည်း ရှိမှာပါ ။
   အချက်အလက်နဲ့ ထောက်ပြနိုင်ပါတယ် ။

   ဒီနေရာမှာ ၊ လက်ယာအစွန်းရောက်တွေ ယူကရိန်းမြို့တော်မှာ အာဏာရလာတာတို့ ၊ ကရိုင်းမီးယားမှာ
ရုရှစကားပြောသူ အများစုဖြစ်တာတို့တွေဟာ ၊ ရုရှနဲ့သွားပေါင်းဖို့အတွက် လုံလောက်တဲ့ အကြောင်းပြ
ချက်တွေ မဟုတ်ဘူးဆိုတာကိုတော့ ပြောပြထားချင်ပါတယ် ။

   ဒါတွေဟာ လူနည်းစုဆိုသော်လည်း သိပ်မနည်းတဲ့ အခြား ခရိုင်းမီးယားနယ်သားတွေကို လစ်လျူပြီး ၊
အချုပ်ချာ အာဏာပိုင် တစ်နိုင်ငံကို အငြင်းပွားစရာကောင်းတဲ့ အကြောင်းပြချက်တွေနဲ့ ဝင်ရောက်စွက်
ဖက်ဖို့ အားပေးရာကျပါတယ် ။

   အဆုံးသတ်ရရင် -

●   ကမ္ဘာ့သမိုင်းမှာ သူများနိုင်ငံနယ်မြေကို သိမ်းသွင်းတာမျိုးဟာ ဒီဖက်ခေတ်မှာ မဖြစ်တာကြာပါပြီ ။
      အထူးသဖြင့် ဥပဒေသမားတွေ နားလည်ပါတယ် ။ legal floodgate ဆိုတာမျိုးကို ဖွင့်လိုက်လို့ကို
      မရတာပါ ။ အစဉ်အလာတစ်ခု ဖြစ်သွားရင် ၊ နောက်ဟာတွေကို မှားတယ်လို့ ငြင်းဆိုလို့ မရတော့ပါ ။
      ရခိုင်က ဘင်္ဂလား ၊ ချင်းက အိန္ဒယ ၊ ကချင်နဲ့ ဝက တရုတ် ၊ ရှမ်း ကရင်နဲ့ ကယားတွေက ယိုးဒယား
      ဆီ သွားပေါင်းကြမယ်ဆိုရင် မြန်မာပြည်က ဘယ်နှစ်ယောက်လောက် လျှောလျှောရှူရှူ လက်ခံကြ
      မလဲလို့ မေးစရာရှိပါတယ် ။
      ဆင်ခြင်မှု ပြုနိုင်ကြအောင်ပါ ။

~~~~~~~~~~~~~~~~~~~~~~~~~~~~~~~~~~~~~~

(၂) အနီးဆုံးနယ်ချဲ့

   ကျနော်တို့အာရုံကို အရှေ့ဖက် ရွှေ့ကြည့်ရအောင် ။

>>  မြန်မာပြည်ကို သမိုင်းကြောင်းအရ ကျူးကျော်ခဲ့တာရော ၊ လက်ရှိမှာ မဟာဗျူဟာ အနေထားအတွက်
      အသုံးချဖို့ရာ သြဇာခံ satellite state အဖြစ် စီးပွားရေး စစ်ရေးနဲ့ နိုင်ငံရေးတွေအရ ချုပ်ကိုင်ထားနိုင်ဖို့
      ရာပါ လိုအပ်နေတဲ့နိုင်ငံဟာ ဘယ်နိုင်ငံပါလဲ ။
>>  ၁၉၄၉ ခုနှစ်မှာ တိဘက်ကို ကျူးကျော်သိမ်းပိုက်ပြီး ၊ တိဗက်ပြည်သူတွေကို မြေရှင်ပဒေသရာဇ် စနစ်
      ကနေ လွှတ်မြောက်အောင် စွမ်းဆောင်ပေးခဲ့တယ်လို့ ဂုဏ်ယူအောင် ၊ (ငါတို့'တံပိုး'က သူတို့'တံပိုး'
      ထက် ပိုကောင်းတယ်လို့) သူ့နိုင်ငံသားတွေကို စိတ်ထဲရိုက်သွင်းထားတာ ဘယ်နိုင်ငံလဲ ။

>>  လူဦးရေနည်းတဲ့ တိဗက်နဲ့ Xijiang နယ်တွေကို ၊ ပြည်မက အခြေချသူတွေနဲ့ ဝါးမျိုဖို့လုပ်နေတာ
      ဘယ်နိုင်ငံလဲ ။
>>  အိမ်နီးချင်းနိုင်ငံမှာ (သေဆုံးပြီးလူတွေကို အစားထိုးတာမျိုးကအစ) ထောင်သောင်းမက နေရာယူ
       လာပြီး ၊ ဒေသခံအာဏာပိုင်တွေကလည်း မသိသလို မျက်နှာလွဲပေးထားတာ ဘယ်နိုင်ငံကလဲ ။

>> ၂၀၁၃ အတွင်းမှာ တောင်တရုတ်ပင်လယ်ရဲ့ ၈၀% လောက်ကို ပိုင်ဆိုင်ပါတယ်လို့ အဆိုပြုသတ်မှတ်
      လာတာကြောင့် ၊ ဒေတစ်ခွင်လုံးနဲ့ အခြားအင်အားကြီး နိုင်ငံတွေကိုပါ တုန်ခါသွားစေတဲ့ နိုင်ငံကြီးဟာ
      ဘယ်နိုင်ငံလဲ ။
>>  အဲဒီနိုင်ငံကနေ သူ့ရဲ့ ရေပိုင်နက် အငြင်းပွားနေရတာတွေကို ရှောင်ကွင်းပြီး ၊ အချိန်နဲ့ ငွေကစလို့ အစ
      စအရာရာ သက်သာစေပြီး မဟာဗျူဟာကျတဲ့ ၊ ဘင်္ဂလား ပင်လယ်အော်ထဲကို ကုန်းလမ်းကနေ ဖြတ်
      သန်းနိုင်တဲ့ တစ်နိုင်ငံတည်းသော အိမ်နီးခြင်းနိုင်ငံကိုကော သိပါသလား ။

   ဒီလောက်ဆို အချက်လက်တွေ အတန်သင့် ဖူလုံပြီလို့ ယူဆပါတယ် ။
   နားမလည်နိုင်သေးရင်တော့ ၊ ကျနော် ညံ့တာပါ ။ ကျနော့်အပြစ်ပါ ။

၁၁ ၊ ၀၃ ၊ ၂၀၁၄

~~~~~~~~~~~~~~~~~~~~~~~~~~~~~~~~~~~~~~

(၃) ဟားတိုက်ရမယ့် အိမ်တော်ပါ ကျွန်

ဒီ တတိယပိုင်းကတော့ ၊ မြန်မာပြည်နဲ့ပတ်သက်ပြီး တွဲဆက်ပုံပမာတွေနဲ့ တင်ပြသွားမှာဖြစ်လို့ ၊ မျက်စိ

အတော်စပ်နိုင်ပါတယ် ။ အမှန် အရှိတရားတွေအတွက် သည်းညည်းခံပြီး ၊ ဖတ်သွားနိုင်ကြမယ်လို့လည်း

မျှော်လင့်ပါတယ် ။

 

ပထမဆုံး ၊ ငယ်စဉ်ကတည်းက ဖတ်မိခဲ့တဲ့ ဆောင်းပါးလေးထဲက အချက်တစ်ခုကို ၊ ခုထိတိုင်အောင် သ

တိရနေဆဲပါ ။ အခြားတော့ မဟုတ်ပါ ၊ အမေရိကန်ရဲ့ ပုလဲဆိပ်ကမ်းကို ဂျပန်တွေဗုံးကြဲဖို့ရာ ၊ အဓိကသူ

လျိုအနေနဲ့ “၃” ယောက်သာ လိုခဲ့တယ် ဆိုတာလေးပါ ။

 

မြန်မာပြည်မှာကော ဘယ်လိုလဲ ။

ကျနော်မြင်တာတော့ - အာဏာနဲ့ စစ်တပ်ကို လွမ်းမိုးချယ်လှယ်ထားတဲ့ ဗမာနဲ့ ပြည်မသူ ပြည်မသားတွေ

က တစ်ဖက် ၊ သူတို့နဲ့ အစပ်ဟပ်မညီ ကတောက်ကဆဖြစ်နေသူ သန်းကဏန်းနဲ့ချီတဲ့ လူနည်းစုတွေက

တစ်ဖက်ဆိုပြီး ရှိနေပါတယ် ။

 

ဒါဆို ၊ တကယ်လို့များ ပြည်ပနိုင်ငံကြီး တစ်နိုင်ငံနဲ့သာ စစ်ရေး ထိပ်တိုက်ဖြစ်ကြပြီဆိုပါစို့ ။

ဘယ်လိုအခြေနေမျိုး ကြုံလာမလဲဆိုတာ ရှင်းပြဖို့တောင် လို့ပါ့မလား ။

မသိသေးသူ ၊ နားဝေးနေသေးသူတွေကိုတော့ - အင်္ဂလိပ်-မြန်မာစစ်ပွဲကို ပြန်ကြည့်ပါလို့ တည့်တည့်ပြော

ရတော့မှာပါပဲ ။

 

အဲဒီလို မဟန်တော့တဲ့ အခြေနေမျိုးကျမှ - ကိုယ့်ဖက်က အုပ်ချုပ်သူတွေရဲ့ ဆိုးရွားရက်စက်ခဲ့မှုတွေကို

မေ့လျော့ပြီး ၊ သူတစ်ပါးကို “အသားထဲက လောက်ထွက်တယ်”လို့ ၊ “သီလကြောင် စကား”တွေ ဖေါဖေါ

သီသီသုံးပြီး ကြိတ်မနိုင်ခဲမရ ဖြစ်ကြရတာမျိုးဟာ ၊ လက်တွေ့အမှန်တရားကို လက်သင့်မခံနိုင်တဲ့အမှား

ရဲ့ အကျိုးဆက်သာပါ ။ သူတစ်ပါးကို အပြစ်တင်တာဟာ ၊ ကိုယ့်အမှားကို အတင်းဖုံးဖိပြီး ဒေါသတွေ ဝေ

မျှဖို့အတွက် ဓါးစာခံရှာတာထက် မပိုပါ ။

သို့သော် ဒါနဲ့တင်မပြီး ၊ ဆက်စပ်ပြဿနာတစ်ခုက ရှိနေပြန်ပါတယ် ။

ခံစားချက် ကိုယ်စီရှိတဲ့ လူတွေမှာ ရုပ်ပိုင်း (အပြင်ပိုင်း) ဆိုင်ရာမှာ ဒဏ်ရာနဲ့ ထိခိုက်မှုတွေရှိတတ်သလို ၊

မမြင်ရတဲ့ စိတ်ပိုင်း (အတွင်းပိုင်း) ဆိုင်ရာ ဒဏ်ရာတွေလည်း ရှိတတ်တာ သဘာဝပါ ။

ရှာဖွေ အမြစ်ဖြုတ်လို့ မရနိုင်ကောင်းတဲ့ လောကသဘာဝကို အတင်းတွန်းလျစ်လျူပြီး ၊  ကိုယ့်နဲ့ ဆန့်ကျင်

သူတွေအားလုံးကို ကျုပင်ငုတ် ကျူငုတ်မကျန် အမြစ်ပြတ် သတ်ဖြတ်နှိမ်နင်း ချေမှုန်းလို့ ရတယ်လို့ ယုံ

ကြည်ထင်မြင် နေကြတာပါပဲ ။

 

ကျနော်တို့တတွေ အချက်လက်တချို့ကို ချရေးကြည့်ရအောင် ။

မြန်မာပြည်သာ အခြား အင်အားကြီးနိုင်ငံ တစ်နိုင်ငံနဲ့သာ ၊ တစ်ခုခုဖြစ်ပြီဆိုရင် -

 

ǂ ‘ဝ’လို တပ်ကလွဲရင် ၊ ထောင်ကဏန်းလောက်ပဲရှိတဲ့ တိုင်းရင်းသားတပ်တွေဟာ ၊ ကြားခံ ရုပ်သေး

ရုပ်အဆင့်လောက်ပဲ ရှိနေကြတော့မှာပါ ။

ǂ နယ်စွန်နယ်ဖျားက ဗမာစစ်တပ်တွေအနေနဲ့ ပစ်မှတ်သေတွေ ဖြစ်လာပါလိမ့်မယ် ။

ဒေသခံတွေကြားထဲလည်း ရောနှောကိုယ်ဖျောက်ဖို့လည်း မဖြစ်နိုင်ပါ ။

 

ǂ မြို့ပေါ်မှာလည်း လူထုတစ်ရပ်လုံးက ထောက်ခံတာ မဟုတ်တဲ့ စစ်တပ်အတွက် ၊ လုံခြုံတဲ့ နားခိုစရာ

နေရာရှိမရှိ သိပ်မသေချာပါ ။ ခုနေခါ ကောင်းလှပါတယ်ဆိုပြီး ကြွားနေကြတဲ့ လက်နက်တွေကကော

တကယ်အသုံးဝင်နိုင်မလား ။ ကုန်းပိုင်းကျရှူံးသွားရင် ရေထဲက သင်္ဘောဆိုတာတွေကလည်း လှေတစ်

စီးလောက်တောင် အသုံးဝင်ချင်မှ ဝင်တော့တာပါ ။

 

စွမ်းအင် ဆီ လက်နက်နဲ့ လေ့ကျင့်မှုတွေ လစ်ဟာနေတဲ့ တိုက်လေယာဉ်တွေ ဆိုတာလည်း ၊ လက်လှမ်း

မီရာမှာ ပုခုံးထမ်း တာတိုပစ်ဒုံးကျည်တွေ အရောက်ချထားရုံနဲ့တင် ပျားကိုမီးခိုးထိသလို တဖြုတ်ဖြုတ်

ကျနိုင်တာမျိုးပါ ။

 

ဒီကြားထဲ ရေဒါယာဉ်လိုဟာဆိုရင် လေးခွစာတောင် ခံနိုင်ရဲ့လား ။

အမြောက်ပြောင်းတွေထဲ ၊ အလစ်မှာ ခဲလုံးတွေ ထည့်လိုက်မှာကိုကော ဘယ်လိုကာကွယ်မလဲ ။

သိပ်ကောင်းတယ်ဆိုတဲ့ တင့်ကားတွေဆိုတာ ချိန်းကြိုးကြားထဲ သစ်သားချောင်း သံချောင်း ထိုးသွင်း

လိုက်ရုံနဲ့ ၊ သုံးမရတဲ့ သံတုံးကြီးသာသာတွေ ဖြစ်သွားနိုင်တာမျိုးရော ထည့်တွက်စရာတွေ လိုနိုင်ပါ

တယ် ။

 

ǂ နောက်တစ်ခုက ၊ စစ်သား ၄ သိန်းနဲ့ စစ်လက်နက်တွေ တိုးတက်တပ်ဆင်ထားတယ်ဆိုတဲ့ ၊ နိုင်ငံခြား

ရန် ကာကွယ်ဖို့ထက် ‘တစ်မြေထဲနေ တစ်ရေထဲသောက် ညီအစ်ကိုတွေ’ လို့ နာမည်တပ်ထားတဲ့ တိုင်း

ရင်းသားတွေလောက်ကိုသာ တိုက်ခိုက်ဖိနှိပ်နေတဲ့ စစ်တပ်ဆိုတာကလည်း ၊ တိုက်ခိုက်ရေးတွေနဲ့ချည်း

ဖွဲ့စည်းထားတာ မဟုတ်ပါ ။ လက်နက်မကိုင်တဲ့ အမျိုးမျိုးသော ထောက်ပံ့ရေးကဏ္ဍတွေ ပါရပါတယ် ။

ဒါ့ပြင် တစ်နိုင်ငံလုံး အတိုင်းတာ ဖြန့်ကျဲချထားရတာကြောင့် ၊ အင်မတန် ပါးလျပါတယ် ။

 

ဗီယက်နမ်စစ် ၊ ကိုရီးယားစစ်တွေကိုကြည့်ပါ ။

အဲဒီနိုင်ငံသားတွေလို အင်အားသိန်းနဲ့ချီသုံးတဲ့ တရုတ်တပ်မျိုး ၊ ယန္တယားနဲ့ ခေတ်မီကရိယာတွေ ထောက်

ပင့်ပေးထားတဲ့ အင်အားကြီးနိုင်ငံက တပ်တွေကို ၊ ထိပ်တိုက်ရင်ဆိုင်နိုင်တဲ့ စိတ်ဓါတ် အင်အားနဲ့ လက်

နက်ပြည့်စုံတဲ့စစ်တပ်မျိုး မြန်မာပြည်မှာ မရှိပါဘူး ။ တပ်ပြေးတွေများလို့ အင်အားမပြည့်တာကလည်း ၊

နူရာဝဲစွဲ လဲရာသူခိုးထောင်းပါ ။

 

နောက်ပြီးတစ်ခါ လက်တွေ့ဘဝမှာ လူနည်းစုတွေကို ဖိနှိပ် သတ်ဖြတ် မောင်းထုတ်နေတာတွေအပြင်

ဘာတွေရှိသေးလဲ ဆိုတဲ့ မေးခွန်းရှိတယ် ။

အဓိကတစ်ခုအနေနဲ့ - လူပြောအင်မတန်နည်းနေတဲ့ ၊ တိုင်းရင်းသားလူမျိုးတွေနဲ့ ဒေသတွေကို လူနဲ့

မြိုဖို့ လုပ်နေတဲ့ ကိစ္စ ပါပဲ ။

 

ဒီမှာ ထပ်ဆင့်မေးခွန်းတစ်ခုက - လွတ်လပ်ရေးရပြီးနောက်ပိုင်း ၊ တိုင်းရင်းသားတွေရဲ့ ဒေသတွေကို ပြည်

မ (သို့မဟုတ်) ဗမာတွေရဲ့ ရွေ့ပြောင်းအခြေချမှုတွေကို ၊ စာရင်းဇယားနဲ့ ကိန်းကဏန်း ကောက်ခံထားမှု

တွေ ရှိခဲ့ပါသလား ။ ခြေရာခံမှုတွေ ရှိခဲ့ဖူးပါသလား ။ ဘယ်သူမှ ဖြေနိုင်မယ်လို့တော့ မမျှော်လင့်ပါ ။

 

ဒါကို လူတိုင်း မမြင် မသိနိုင်ကြပါ ။ အထူးသဖြင့် ဗမာနဲ့ ပြည်မသားတွေ မမြင်ပါ ။

မမြင်ဆို စိတ်မဝင်စားတာ ပါနိုင်သလို ၊ ထင်ထင်ရှားရှားကြီး သိသာနေတာမျိုးလည်း မဟုတ်ပဲကိုး ။ မူဝါဒ

ချမှတ်သူတွေကနေ အသာလေးလမ်းကြောင်းပေးပြီး ၊ အခါအားလျော်စွာ တွန်းအားလေးတွေပေး ထောက်

ပံ့မှုလေးတွေ လုပ်လိုက်ရုံပဲမို့ ၊ တစ်စုံတစ်ခုဖြစ်လာရင်တောင် သူတို့အနေနဲ့ မသိချင်ဟန်ဆောင် နေလိုက်

ရုံသာ ။

 

ဒါတွေ ဘယ်လိုလုပ် သိနိုင်သလဲ ။

စစ်မှုထမ်းဟောင်းတွေ ၊ အမှုထမ်း အရာထမ်းဟောင်းတွေ ၊ အိမ်ခြေယာခြေ မဲ့သူတွေ ၊ ထောင်ထွက်နဲ့

အချို့သော မောင်းထုတ်ခံရတဲ့ ဗမာအများစုပါတဲ့ (ဗမာစကာပြော ၊ ဗမာယဉ်ကျေးမှု လက်ခံကျင့်သုံးသူ)

အစုအစုတွေဟာ ၊ တိုင်းရင်းသားနယ်တွေထဲမှာ ရွာတည်ပေးလို့သော်၎င်း ၊ အလုပ်အကိုင်အရနဲ့ စီမံ

ကိန်းတွေအရသော်၎င်း တဖြည်းဖြည်း တိုးချဲ့လာခဲ့တာဟာ ၊ ဆယ်စုနှစ်တွေ အများကြီး ရှိခဲ့ပါပြီ ။ ခုဆို

ရင် အရင်က ဗမာမရှိသလောက် ဖြစ်ခဲ့တဲ့နေရာ အချို့တွေမှာ ၊ ဗမာတွေ အများစုလိုတောင် ဖြစ်လာကြ

ပါပြီ ။

 

အချို့ကတော့ “ကိုယ့်နိုင်ငံထဲမှာ ကိုယ်ကြိုက်တဲ့နေရာကို သွားမယ် ၊ နေမယ် ၊ အခြေချမယ်”လို့ ဒေါသ

တကြီး တုန့်ပြန်တတ်ကြတယ် ။ ဒါကို သာမန်ဖြစ်ရိုးဖြစ်စဉ်လို့ သဘောထားကြတယ် ။

ဒါပေမယ့် မူလ အခြေချလာခဲ့သူတွေ နစ်နာ ထိခိုက်ရတာတွေကိုကျ မေ့မေ့လျော့လျော့ ထားတတ်ကြ

တာ ၊ ဒေသရဲ့ လူနေရပ်ဝန်း စီးပွားရေး နိုင်ငံရေး လူမှုရေး သွင်ပြင်တွေကို အကြီးကျယ် ပြောင်းလဲစေပြီး

ဒေသခံတွေကို အခွင့်မသာတဲ့ဖက် ဦးတည်စေတာတွေကို လျစ်လျူရှုတာတွေဟာ ၊ တကယ့်ကို ကြောင်

သူတော် လုပ်ရပ်တွေပဲလို့ တည့်တည့်ပြောရပါလိမ့်မယ် ။

နယ်ခံနဲ့ တိုင်းရင်းသားတွေဖက်ကကြည့်တော့ - ဗမာတွေ လူအင်အား ၊ ငွေအင်အား ၊ ဥာဏ်အားအပြင် ၊

အာဏာနောက်ခံ အကာကွယ်တွေနဲ့ နယ်ချဲ့လာတယ်ဆိုတာ ထင်ထင်ရှားရှား မြင်ကြပါတယ် ။

 

တစ်ဆက်ထဲ ၊ အဲဒီလို “ရှေ့တန်းခံတပ်”တွေလိုဖြစ်နေတဲ့ နေရာတွေမှာ ၊ ဒေသခံတွေကနေ တုန့်ပြန်မှု

တွေကြောင့် ထိခိုက်မှုတွေ ရှိလာတဲ့အခါမျိုးမှာ ၊ နာကျည်းစိတ် ကလဲ့စားချေလိုစိတ် အနိုင်ယူလိုစိတ်တွေ

ကို ထပ်ဆင့်မီးမွှေးပေးသလိုဖြစ်ပြီး ၊ မှားသူက ထပ်ထပ်မှား ၊ ဧည့်သည်က အိမ်ရှင်တွေကို ကုလားအုပ်

လို တဖြည်းဖြည်း တွန်းထုတ် မောင်းနှင်ပစ်ကြတဲ့ ၊ ဖြစ်စဉ်တစ်ခု ဖြစ်လာပါတော့တယ် ။

အချိန်ကြာလာတာနဲ့အမျှ ဒီလူတွေကို “မင်းတို့လာရာလမ်းအတိုင်း လှည့်ပြန်သွားကြ”လို့ မောင်းထုတ်ဖို့

လည်း မဖြစ်နိုင်တော့ပြန်ပါဘူး ။

 

သွားရောက် အခြေချသူတွေ ထိခိုက်နစ်နာတာတွေဟာ ၊ မူဝါဒချမှတ်သူတွေအတွက်တော့ ဘာမှမဖြစ်ပါ ။

ရေရှည်မှာ အခြေခိုင်စေဖို့ ၊ အချို့ကို ထိုးကျွေးရတယ်လောက်ပဲ သဘောထားကြတာပါ ။

ထိုးကျွေးခံရသူတွေကလည်း သူတို့နစ်နာမှုကိုသာ အာရုံစိုက်ကြပြီး ၊ ရထားတဲ့ အခွင့်ရေးနဲ့ အကျိုးစီးပွား

တွေကို အသက်ပေးကာကွယ်သွားကြရင်း ၊ ငါးပျံတစ်လှည့် ဗုံလုံတစ်လှည့်ဘဝမှာ မျောပါသွားကြရတာ

ပါပဲ ။

 

ဒါကြောင့်လည်း ရိုဟင်ဂျာကိစ္စမျိုးမှာ ကိုယ်ဖေါ်မြူလာနဲ့ ပြန်ခံရမှာစိုးလေတော့ ၊ မီးမွှေးပြီး ရခိုင်တိုင်းရင်း

သားတွေနဲ့ အခြား ယောင်ဝါးဝါးသမားတွေနဲ့ တေ့ပေးလိုက်တာပေါ့ ။ ဒီလောက်များတဲ့ ရိုဟင်ဂျာတွေကို

တန်းတူ အခွင့်အရေးတွေသာ ပေးလိုက်လို့ကတော့ ၊ အပွဲပွဲနွဲလာသမျှ သဲရေကျပြီး သံသရာ တစ်ပတ်

လည်သွားနိုင်တာကိုး ။ ဒါက မူဝါဒသမားတွေကို အဓိကဆိုလိုပါတယ် ။ နကိုကတည်းက မမြင်တတ်ကြ

တဲ့ သူသူငါငါတွေက ၊ ဒီကိစ္စကို လာငြင်းရင်တော့ ပြုံးပြီး ကြည့်နေရုံသာ ။

 

ဒီတော့ မြန်မာပြည်လို လူဦးရေ အတန်သင့်နည်း ၊ စီးပွားရေး နောက်ကျကျန်ရစ်ပြီး ၊ ပညာရေး အများ

ကြီး ထပ်ဖြည့်ရဦးမယ့် နိုင်ငံမျိုးမှာ ဖြေဆေးအနေနဲ့ လုပ်လို့ရတာအချို့က -

 

• မညီမျှမှုတွှေအပါဝင် အားနည်းချက်တွေပြင်မယ် ၊

• လူတိုင်း ဒီနိုင်ငံသားအနေနဲ့ ခံယူချင်ပြီး ၊ တစ်ဦးကိုတစ်ဦး ချစ်ခင်စောင့်ရှောက် ယိုင်းပင်းကာကွယ်ချင်

တဲ့စိတ်တွေ မွေးမြူလာအောင် ပျိုးထောင်ပေးမယ် ၊

• အားလုံးအကျိုးရှိမယ့် စီးပွား နိုင်ငံရေး လူမှုရေးပြေလည်ပြီး မြင့်မားတဲ့စိတ်ထားခံယူချက်နဲ့ လူမှုအသိုင်း

ဝိုင်းတစ်ခု တည်ဆောက်မယ် ၊ စသည်ဖြင့် စုစုပေါင်းပေါင်း လုပ်ကြမယ်ဆိုရင် ၊ အရေးကြုံမှ သစ္စာဖေါက်

လို့ နာနာကျည်းကျည်း လက်ညှိုးငေါက်ငေါက်ထိုးနေရမယ့် သီလကြောင်တွေအဖြစ်က ရှောင်လွှဲနိုင်ပါ

လိမ့်မယ် ။ ဒါက ကျနော့်အမြင်ပါ ၊ အတင်း လက်ခံခိုင်းနေတာတော့ မဟုတ်ပါဘူး ။

 

တကယ်တွေးကြည့်ရင် တိုင်းရင်းသားနဲ့ လူနည်းစုတွေဆိုတာဟာ ၊ ဒီနိုင်ငံကို ထောက်ခံထားပေးတဲ့

ဒေါက်တိုင်တွေလိုပါပဲ ။ စစ်ဝတ်စုံ ချွတ်ထားသူတွေကနေ “ခေါင်”ကနေ ချုပ်ကိုင်ထားတဲ့အစိုးရကို

တိုင်းရင်းသားနဲ့ လူနည်းစု အစုဝင်တွေက ယုံသလား ၊ အားကိုးသလားလို့ မေးရင် ။ အဖြေကတော့

ရှင်းပါတယ် ။ သိပြီးသားကို ထပ်ပြောနေစရာ မလိုလောက်ဘူးလို့ ယူဆပါတယ် ။

 

ဒီတော့ တိုင်းရင်းသားနဲ့ လူနည်းစုတွေဟာ ရှုပ်တယ် ၊ အသုံးမဝင်ဘူး ၊ အနှောင့်ယှက်ဖြစ်တယ် ၊ လိုချင်

တာယူပြီး မလိုချင်တာတွေပဲ ဝေပေးမယ်ဆိုတဲ့ ၊ ကိုယ့်အကိုင်းကိုယ်ခုတ် ကိုယ့်ရေသောက်မြစ် ကိုယ်တူး

တဲ့ လုပ်ရပ်မျိုးတွေကို ဗမာနဲ့ ပြည်မသားတွေ ဆက်လုပ်မယ်ဆိုရင်တော့ ၊ အားလုံး အတူမှီတင်းနေထိုင်

တဲ့ ဒီနိုင်ငံအတွက် အထောက်အကူဖြစ်မှာ မဟုတ်ပါဘူး ။

ဒီမိုးဒီလေနဲ့တော့ အိမ်တော်ပါကျွန်တွေလို ဖြစ်နေကြတဲ့ တိုင်းရင်းသားတွေမှာ ၊

ထိုင်နေရင်း နောက်ထပ်တစ်ဆင့် ကျွန်လက်လွဲပြောင်းပွဲလိုသာ ထပ်ဖြစ်ခဲ့မယ်

ဆိုရင်လည်း ၊ ပျော်စရာမဟုတ်ပေမယ့် မျက်ရည်ကြားက ဟားတိုက်ရယ်ကြရ

မယ့် ဘဝတွေပါ ။

ဒါတွေကို ပွင့်ပွင့်လင်းလင်း ပြောတာကြောင့် ၊ အချို့လည်း ကျနော့်ကို ကျဉ်းမြောင်းတဲ့ လူမျိုးရေးအမြင်

ကနေ ကြည့်ပြီးပြောတာလို့ ၊ တစ်ထစ်ချ ယူဆနိုင်ပါတယ် ။

အမှန်အတိုင်း ဝန်ခံရရင် ၊ ကျနော်ဟာ လူနည်းစုဝင် ကရင်အမျိုးသားတစ်ဦးဖြစ်တာကြောင့် ၊ ကိုယ့်အ

နေထားနဲ့ အရှိန်မပျက် သွားနေကြတဲ့ ကိုယ်ပိုင်လမ်းကြောင်းတွေကို သတိမထားမိကြတဲ့ ဗမာလူမျိုး

တွေထက် ပိုပိုသာသာ မြင်မိတာ ဖြစ်ကောင်းဖြစ်ပါလိမ့်မယ် ။

 

သို့သော် တိုက်ခိုက်အပုတ်ချဖို့မဟုတ်ပဲ -

 

• ရေစီးကြောင်းအတိုင်း မျောပါနေမိလို့ မျက်စေ့လျှမ်းနေသူတွေကို အသိပေးဖို့သော်၎င်း ၊

• သိလျက်နဲ့ အသာမှိန်းနေသူတွေကို တိုင်းရင်းသားတွေလည်း မသိပဲ မနေကြောင်း အသိပေးဖို့သော်၎င်း ၊

• သင့်တင့်တဲ့ အဖြေတွေရှာပြီး ပြင်ဆင်ညှိနှိုင်းလိုသူတွေ ရှိနေရင်လည်း ၊ မြင်နိုင် သိနိုင် ရွေးချယ်မှုတွေ

လုပ်နိုင်အောင်သော်၎င်း ၊ ပြောသင့်တယ်ထင်လို့ ချရေးထားတာကတော့ အမှန်ပါ ။

 

အမြင်ညီ ၊ အသွင်ညီပြီး ၊ အကျိုးညီတဲ့ အနေထားနဲ့ အသိုင်းဝိုင်းလေးတစ်ခုကို တည်ဆောက်ကြပါစို့လို့

အဆုံးသတ်ပြောရင်း ၊ သတိလေးတွေ ကိုယ်စီကိုဌရှိကြဖို့ ဆန္ဒပြုလိုက်ပါတယ်ဗျာ ။

၁၅ ၊ ၀၃ ၊ ၂၀၁၄